| | ᠨᠡᠷᠡᠲᠦ ᠰᠢᠯᠦᠭᠴᠢ ᠪ • ᠪᠦᠷᠢᠨᠪᠠᠬᠢ | | ᠬᠦᠨᠳᠦᠲᠦ ᠰᠤᠨᠤᠰᠤᠭᠴᠢᠳ ᠡ᠂ ᠡᠨᠡ ᠤᠳᠠᠭᠠᠨ ᠤ ︽ᠤᠳᠤᠨ ᠮᠡᠴᠢᠳ︾ ᠲᠤᠰᠬᠠᠢ ᠫᠷᠤᠭ᠍ᠷᠡᠮ ᠳᠤ | ᠶᠡᠭᠡ ᠰᠢᠯᠦᠭᠴᠢ᠂ ᠫᠷᠦᠹᠧᠰᠰᠦᠷ ᠪ• ᠪᠦᠷᠢᠨᠪᠠᠬᠢ ᠲᠠᠢ ᠶᠠᠷᠢᠯᠴᠠᠭᠰᠠᠨ ᠶᠠᠷᠢᠯᠴᠠᠭᠠ ᠰᠤᠨᠤᠰᠬᠠᠬᠤ ᠪᠠᠷ | ᠪᠡᠯᠡᠳᠭᠡᠯᠡ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠨᠡᠷᠡᠲᠦ ᠰᠢᠯᠦᠭᠴᠢ᠂ ᠫᠷᠦᠹᠧᠰᠰᠦᠷ ᠪᠦᠷᠢᠨᠪᠠᠬᠢ ᠪᠠᠭᠰᠢ ᠲᠠ ᠰᠠᠶᠢᠨ ᠪᠠᠶᠢᠨᠠ ᠤᠤ︖ | ᠡᠨᠡ ᠵᠢᠯ ᠤᠨ ᠵᠤᠨᠤᠯᠠᠭᠠᠨᠬᠠᠳᠠ ᠳᠤ ᠪᠤᠯᠤᠭᠰᠠᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠤᠨ ᠲᠠᠰᠢᠷᠠᠮ ᠳᠤ ᠲᠠᠨ ᠲᠠᠢ | ᠶᠠᠷᠢᠯᠴᠠᠬᠤ ᠶᠢ ᠪᠤᠳᠤᠭᠰᠠᠨ ᠶᠤᠮ᠂ ᠵᠠᠪᠰᠢᠶᠠᠨ ᠢᠶᠠᠷ ᠬᠡᠰᠢᠭᠲᠡᠨ ᠤ ᠭᠠᠯᠳᠠᠰᠤᠲᠠᠢ ᠶᠢᠨ ᠷᠠᠰᠢᠶᠠᠨ ᠢᠶᠠᠷ ᠵᠤᠭᠠᠴᠠᠬᠤ | ᠵᠠᠭᠤᠷᠠ ᠳᠤᠬᠢᠶᠠᠯ ᠲᠠᠭᠠᠷᠠᠵᠤ ᠲᠠᠨ ᠲᠠᠢ ᠶᠠᠷᠢᠯᠴᠠᠬᠤ ᠪᠤᠯᠤᠯᠠ᠃ ᠣᠷᠴᠢᠮ ᠤᠨ ᠵᠤᠬᠢᠶᠠᠯ ᠪᠦᠲᠦᠭᠡᠯ᠂ ᠤᠨᠤᠯ ᠤᠨ | ᠰᠤᠳᠤᠯᠭᠠ᠂ ᠬᠢᠴᠢᠶᠡᠯ ᠬᠦᠮᠦᠵᠢᠯ ᠤᠨ ᠪᠠᠶᠢᠳᠠᠯ ᠢᠶᠠᠨ ᠮᠠᠨ ᠤ ᠰᠤᠨᠤᠰᠤᠭᠴᠢᠳ ᠲᠤ ᠬᠠᠨᠳᠤᠵᠦ ᠲᠤᠪᠴᠢᠬᠠᠨ | ᠲᠠᠨᠢᠯᠴᠠᠭᠤᠯᠬᠤ ᠤᠤ︖ | ᠪᠦᠷᠢᠨᠪᠠᠬᠢ᠄ ᠤᠷᠢᠳ ᠢᠶᠠᠷ ᠤᠯᠠᠭᠠᠨᠬᠠᠳᠠ ᠳᠤ ᠪᠤᠯᠤᠭᠰᠠᠨ ᠡᠨᠡ ᠤᠳᠠᠭᠠᠨ ᠤ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠠᠴᠠ | ᠰᠡᠳᠦᠪᠯᠡᠵᠦ ᠲᠤᠪᠴᠢ ᠶᠠᠷᠢᠶᠠ᠃ ᠵᠤᠤ ᠤᠳᠠ ᠶᠢᠨ ᠲᠡᠤᠬᠡ᠂ ᠬᠡᠯᠡ᠂ ᠤᠷᠠᠨ ᠵᠤᠬᠢᠶᠠᠯ ᠭᠡᠳᠡᠭ ᠰᠡᠳᠤᠪ ᠪᠤᠯ ᠶᠡᠭᠡ | ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠰᠡᠳᠦᠪ ᠶᠤᠮ᠃ ᠮᠠᠨ ᠤ ᠵᠤᠤ ᠤᠳᠠ ᠶᠢᠨ ᠦᠩᠭᠡᠷᠡᠭᠰᠡᠨ ᠤ ᠲᠡᠤᠬᠡ ᠲᠠᠢ | ᠨᠡᠶᠢᠴᠡᠭᠰᠡᠨ ᠢᠶᠠᠷ ᠦᠯᠦ ᠪᠠᠷᠠᠨ ᠤᠳᠤ ᠶᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠰᠠᠭᠤᠷᠢ᠂ ᠢᠷᠡᠭᠡᠳᠦᠢ ᠶᠢᠨ ᠬᠦᠭᠵᠢᠯ ᠲᠠᠢ | ᠴᠦ ᠶᠡᠭᠡ ᠰᠠᠶᠢᠬᠠᠨ ᠨᠡᠶᠢᠴᠡᠭᠰᠡᠨ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠦᠭᠡ ᠪᠠᠷ ᠬᠡᠯᠡᠪᠡᠯ ᠤᠷᠭᠤᠴᠠ ᠰᠠᠶᠢᠲᠠᠢ | ᠠᠭᠤᠳᠠᠯᠤᠭᠤᠰᠢᠲᠠᠢ ᠡᠶᠢᠮᠦ ᠨᠢᠭᠡᠨ ᠰᠡᠳᠤᠪ ᠪᠠᠶᠢᠳᠠᠭ᠃ ᠤᠯᠠᠨ ᠤ ᠮᠡᠳᠡᠭᠡᠵᠢ ᠪᠠᠷ ᠤᠳᠤ ᠤᠯᠠᠭᠠᠨᠬᠠᠳᠠ ᠭᠡᠵᠦ | ᠪᠠᠶᠢᠨᠠ᠂ ᠬᠡᠷᠡᠭ ᠳᠡᠭᠡᠷᠡ ᠪᠠᠨ ᠵᠤᠤ ᠤᠳᠠ ᠵᠤᠰᠤᠲᠤ ᠶᠢᠨ ᠡᠨᠡ ᠭᠠᠵᠠᠷ ᠪᠤᠯ ᠡᠷᠲᠡᠨ ᠤ ᠰᠤᠶᠤᠯ ᠤᠨ ᠦᠪ᠂ | ᠵᠢᠱᠢᠶᠡᠯᠡᠪᠡᠯ ᠤᠯᠠᠭᠠᠨᠬᠠᠳᠠ ᠶᠢᠨ ᠡᠷᠲᠡᠨ ᠤ ᠰᠤᠶᠤᠯ᠂ ᠯᠢᠶᠤᠤ ᠶᠢᠨ ᠰᠤᠶᠤᠯ ᠢ ᠪᠤᠤ ᠬᠡᠯᠡ᠂ ᠤᠶᠢᠷᠠ ᠶᠢᠨ ᠬᠤᠶᠠᠷ | ᠵᠠᠭᠤᠭᠠᠳ ᠵᠢᠯ ᠤᠨ ᠪᠠᠶᠢᠳᠠᠯ ᠢᠶᠠᠷ ᠦᠵᠡᠭᠰᠡᠨ ᠴᠦ ᠡᠨᠡ ᠭᠠᠵᠠᠷ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠪᠤᠯᠤᠨ | ᠲᠠᠷᠢᠶᠠᠯᠠᠬᠤ ᠰᠤᠶᠤᠯ ᠶᠡᠭᠡ ᠰᠤᠯᠢᠯᠴᠠᠭᠰᠠᠨ ᠬᠠᠷᠢᠯᠴᠠᠨ ᠨᠦᠬᠦᠪᠦᠷᠢᠯᠡᠭᠰᠡᠨ ᠠᠭᠤᠰᠤᠯᠴᠠᠭᠰᠠᠨ᠂ ᠡᠭᠦᠨ ᠤ | ᠲᠤᠮᠳᠠ ᠠᠴᠠ ᠮᠠᠨ ᠤ ᠡᠷᠳᠡᠮᠲᠡᠢ ᠮᠡᠷᠭᠡᠨ ᠮᠤᠩᠭᠤᠯᠴᠤᠳ ᠥᠪᠡᠷ ᠤᠨ ᠢᠶᠠᠨ ᠰᠤᠶᠤᠯ ᠢ ᠬᠦᠭᠵᠢᠭᠦᠯᠦᠭᠰᠡᠨ ᠪᠠᠶᠢᠳᠠᠭ | ᠃ ᠨᠡᠯᠢᠶᠡᠳ ᠳᠡᠭᠡᠷᠡ ᠦᠶᠡ ᠳᠤ ᠬᠠᠰᠪᠤᠤ ᠪᠠᠶᠢᠨᠠ᠂ ᠢᠨᠵᠠᠨᠠᠰᠢ ᠶᠢᠨ ᠭᠡᠷ ᠪᠦᠯᠢ ᠶᠢᠨ ᠪᠢᠴᠢᠭ ᠤᠨ ᠬᠦᠮᠦᠰ | ᠪᠠᠶᠢᠨᠠ᠂ ᠢᠨᠠᠭᠰᠢᠯᠠᠪᠠᠯ ᠵᠤᠤ ᠤᠳᠠ ᠤᠷᠤᠨ ᠳᠤ ᠮᠤᠩᠭᠤᠯ ᠰᠤᠶᠤᠯ ᠪᠤᠯᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠳᠤ ᠶᠡᠭᠡ | ᠬᠦᠴᠦ ᠦᠵᠡᠭᠦᠯᠦᠭᠰᠡᠨ ᠭᠦᠩᠰᠠᠩᠨᠤᠷᠪᠤ ᠪᠠᠶᠢᠨᠠ᠂ ᠶᠡᠭᠡ ᠰᠡᠳᠬᠦᠯᠴᠢ ᠲᠡᠮᠬᠡᠲᠦ ᠪᠠᠶᠢᠨᠠ᠂ ᠵᠠᠩ ᠰᠤᠷᠲᠠᠬᠤᠨ ᠤ | ᠲᠠᠯᠠ ᠪᠠᠷ ᠰᠤᠳᠤᠯᠤᠭᠰᠠᠨ ᠯᠤᠰᠠᠩᠴᠤᠶᠢᠳᠠᠨ ᠪᠠᠶᠢᠨᠠ᠂ ᠪᠠᠭᠠᠷᠢᠨ ᠤ ᠷᠠᠰᠢᠫᠤᠩᠰᠤᠭ ᠪᠠᠶᠢᠨᠠ᠂ ᠬᠡᠰᠢᠭᠲᠡᠨ ᠤ | ᠷᠤᠯᠭᠠᠷᠵᠠᠪ ᠪᠠᠶᠢᠨᠠ᠃ ᠡᠳᠡᠭᠡᠷ ᠬᠦᠮᠦᠰ ᠤᠨ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠡᠶᠢᠭᠡᠮ ᠤᠨ ᠪᠠᠶᠢᠷᠢ ᠰᠠᠭᠤᠷᠢ᠂ ᠲᠡᠳᠡᠨ ᠤ | ᠦᠵᠡᠯ ᠰᠤᠷᠲᠠᠯ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠤᠯᠪᠠᠴᠤ ᠨᠢᠭᠡ ᠨᠢᠭᠡᠲᠦᠯᠲᠡᠢ ᠲᠠᠯᠠ ᠪᠠᠶᠢᠨᠠ᠂ ᠡᠨᠡ ᠨᠢ | ᠦᠨᠳᠦᠰᠦᠲᠡᠨ ᠤ ᠪᠠᠨ ᠰᠤᠶᠤᠯ ᠢ ᠬᠠᠮᠠᠭᠠᠯᠠᠬᠤ ᠬᠠᠳᠠᠭᠠᠯᠠᠬᠤ ᠬᠦᠭᠵᠢᠭᠦᠯᠬᠦ ᠨᠢᠭᠡᠲᠦᠯᠲᠡᠢ ᠲᠠᠯᠠ ᠪᠤᠯᠤᠨᠠ᠂ ᠡᠭᠦᠨ ᠢ | ᠤᠳᠤ ᠦᠶᠡ ᠶᠢᠨ ᠤᠭᠰᠠᠭᠠᠲᠠᠨ ᠤ ᠤᠨᠤᠯ ᠢᠶᠠᠷ ᠦᠵᠡᠪᠡᠯ ᠰᠤᠶᠤᠯ ᠤᠨ ᠤᠬᠠᠮᠰᠠᠷ ᠭᠡᠨᠡ᠃ ᠦᠩᠭᠡᠷᠡᠭᠰᠡᠨ ᠳᠤ | ᠠᠩᠬᠢ ᠶᠢᠨ ᠤᠬᠠᠮᠰᠠᠷ ᠭᠡᠵᠦ ᠬᠡᠯᠡᠳᠡᠭ᠃ ᠰᠤᠶᠤᠯ ᠤᠨ ᠤᠬᠠᠮᠰᠠᠷ ᠦᠭᠡᠢ ᠪᠤᠯ ᠦᠪᠡᠷ ᠤᠨ ᠢᠶᠠᠨ ᠰᠤᠶᠤᠯ ᠢ | ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠬᠦᠮᠦᠨ ᠤ ᠰᠤᠶᠤᠯ ᠢ ᠴᠦ ᠰᠠᠶᠢᠬᠠᠨ ᠰᠢᠩᠭᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠰᠤᠶᠤᠯ ᠢᠶᠠᠨ | ᠰᠢᠨᠡ ᠪᠠᠷ ᠬᠦᠭᠵᠢᠭᠦᠯᠵᠦ ᠨᠡᠩ ᠴᠢᠲᠠᠬᠤ ᠦᠭᠡᠢ᠃ ᠡᠶᠢᠮᠦ ᠪᠠᠶᠢᠨᠠ᠃ ᠡᠳᠡᠭᠡᠷ ᠬᠦᠮᠦᠰ ᠤᠨ ᠢᠷᠠᠭᠤ ᠰᠠᠶᠢᠬᠠᠨ | ᠤᠯᠠᠮᠵᠢᠯᠠᠯ ᠢ᠂ ᠡᠶᠢᠮᠦ ᠰᠠᠶᠢᠬᠠᠨ ᠲᠤᠤᠱᠯᠠᠭᠤᠯᠵᠦ ᠢᠷᠡᠭᠰᠡᠨ ᠰᠤᠶᠤᠯ ᠤᠨ ᠤᠬᠠᠮᠰᠠᠷ ᠢ ᠦᠨᠦ ᠶᠢᠨ ᠵᠠᠯᠠᠭᠤᠴᠤᠳ | ᠬᠦᠭᠵᠢᠭᠦᠯᠬᠦ ᠬᠡᠷᠡᠭᠲᠡᠢ᠃ ᠨᠢᠭᠡ ᠤᠳᠠᠭᠠᠨ ᠤ ᠤᠨᠴᠠᠯᠢᠭ ᠢ ᠬᠠᠳᠠᠭᠠᠯᠠᠬᠤ ᠶᠠᠪᠤᠳᠠᠯ᠂ ᠡᠨᠡ ᠦᠨᠳᠦᠰᠦᠲᠡᠨ ᠤ | ᠤᠷᠤᠰᠢᠨ ᠲᠤᠭᠲᠠᠨᠢᠬᠤ ᠯᠤᠭᠠ ᠬᠠᠮᠤᠭ ᠤᠨ ᠴᠢᠬᠤᠯᠠ ᠨᠢ ᠰᠤᠶᠤᠯ ᠪᠠᠶᠢᠳᠠᠭ᠃ ᠰᠤᠶᠤᠯ ᠰᠡᠳᠬᠢᠴᠡ ᠵᠦᠢ᠂ | ᠰᠤᠶᠤᠯ ᠤᠨ ᠦᠪ᠂ ᠰᠤᠶᠤᠯ ᠤᠨ ᠵᠤᠷᠢᠭ ᠰᠠᠨᠠᠭᠠ᠂ ᠰᠤᠶᠤᠯ ᠤᠨ ᠳᠦᠷᠬᠦ ᠪᠠᠶᠢᠳᠠᠯ᠂ ᠡᠨᠡ ᠪᠤᠯ ᠦᠨᠳᠦᠰᠦᠲᠡᠨ ᠢ | ᠪᠦᠯᠬᠦᠮᠳᠡᠭᠦᠯᠬᠦ ᠨᠢᠭᠡᠳᠦᠭᠦᠯᠬᠦ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ᠃ ᠦᠭᠡᠷᠡ ᠲᠠᠯᠠ ᠪᠠᠷ ᠦᠵᠡᠬᠦ ᠳᠤ ᠬᠠᠷᠢ | ᠦᠨᠳᠦᠰᠦᠲᠡᠨ ᠳᠤ ᠪᠠᠰᠠ ᠰᠤᠨᠢᠷᠬᠠᠯᠲᠠᠢ ᠵᠦᠢᠯ ᠪᠠᠶᠢᠳᠠᠭ᠂ ᠡᠶᠢᠮᠦ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ ᠠᠴᠠ ᠬᠠᠷᠢ | ᠦᠨᠳᠦᠰᠦᠲᠡᠨ ᠲᠠᠨ ᠢ ᠰᠤᠨᠢᠷᠬᠠᠨᠠ᠂ ᠴᠢᠮᠠ ᠠᠴᠠ ᠰᠤᠷᠤᠯᠴᠠᠨᠠ᠂ ᠴᠢᠨᠦ ᠵᠠᠷᠢᠮ ᠵᠦᠢᠯ ᠢ ᠰᠢᠩᠭᠡᠭᠡᠵᠦ ᠠᠪᠤᠨᠠ᠂ | ᠴᠢᠮᠠ ᠶᠢ ᠦᠨᠡᠯᠡᠨᠡ᠃ ᠬᠡᠷᠪᠡ ᠡᠶᠢᠮᠦ ᠤᠨᠴᠠᠯᠢᠭ ᠢᠶᠠᠨ ᠠᠯᠳᠠᠭᠰᠠᠭᠠᠷ ᠬᠠᠷᠢ ᠦᠨᠳᠦᠰᠦᠲᠡᠨ ᠤ ᠤᠷᠮᠠ ᠶᠢ | ᠲᠠᠲᠠᠬᠤ ᠵᠦᠢᠯ ᠦᠭᠡᠢ ᠪᠤᠯᠤᠨᠠ᠂ ᠡᠨᠡ ᠬᠤᠶᠠᠷ ᠪᠤᠯ ᠬᠤᠪᠢᠰᠤᠩᠭᠤᠢ ᠪᠦᠭᠡᠳ ᠨᠢᠭᠡᠲᠦᠯᠲᠡᠢ ᠪᠠᠶᠢᠳᠠᠭ᠃ ᠦᠨᠦ | ᠵᠠᠷᠢᠮ ᠦᠶᠡ ᠳᠤ ᠮᠠᠨ ᠤ ᠵᠠᠯᠠᠭᠤᠴᠤᠳ ᠤᠨ ᠨᠡᠯᠢᠶᠡᠳ ᠨᠢ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠤᠨ ᠲᠤᠬᠠᠢ ᠠᠩᠬᠠᠷᠤᠯ | ᠲᠡᠳᠦᠢ ᠲᠤᠳᠤᠷᠬᠠᠢ ᠪᠢᠰᠢ᠂ ᠰᠤᠶᠤᠯ ᠤᠨ ᠤᠬᠠᠮᠰᠠᠷ ᠲᠡᠳᠦᠢ ᠲᠤᠳᠤᠷᠬᠠᠢ ᠪᠢᠰᠢ ᠡᠶᠢᠮᠦ ᠠᠰᠠᠭᠤᠳᠠᠯ ᠤᠷᠤᠰᠢᠵᠦ | ᠪᠠᠶᠢᠨᠠ᠃ ᠵᠠᠷᠢᠮ ᠦᠶᠡ ᠳᠤ ᠦᠨᠳᠦᠰᠦᠲᠡᠨ ᠤ ᠬᠡᠯᠡ ᠪᠠᠯᠠᠷᠠᠬᠤ ᠶᠠᠪᠤᠳᠠᠯ ᠭᠠᠷᠤᠨᠠ᠂ ᠭᠡᠪᠡᠴᠤ ᠰᠤᠶᠤᠯ ᠪᠤᠯ | ᠮᠦᠬᠦᠬᠦ ᠦᠭᠡᠢ᠃ ᠰᠤᠶᠤᠯ ᠭᠡᠳᠡᠭ ᠪᠤᠯ ᠨᠢᠭᠡ ᠦᠨᠳᠦᠰᠦᠲᠡᠨ ᠤ ᠦᠷᠭᠦᠯᠵᠢ ᠤᠷᠤᠰᠢᠨ ᠲᠤᠭᠲᠠᠨᠢᠬᠤ ᠲᠠᠢ | ᠬᠤᠯᠪᠤᠭᠳᠠᠭᠠᠠᠳ ᠢᠷᠡᠭᠰᠡᠨ ᠵᠠᠶᠠᠭᠠ ᠲᠠᠪᠢᠯᠠᠩ ᠲᠠᠢ ᠬᠤᠯᠪᠤᠭᠳᠠᠭᠠᠳ ᠢᠷᠡᠭᠰᠡᠨ ᠵᠦᠢᠯ ᠪᠠᠶᠢᠨᠠ᠂ ᠡᠭᠦᠨ ᠢ ᠵᠠᠪᠠᠯ | ᠬᠠᠳᠠᠭᠠᠯᠠᠬᠤ ᠬᠡᠷᠡᠭᠲᠡᠢ᠃ ᠢᠯᠠᠩᠭᠤᠶᠠ ᠠᠵᠤ ᠠᠬᠤᠢ ᠪᠦᠬᠦ ᠪᠦᠮᠪᠦᠷᠴᠡᠭ ᠳᠠᠶᠠᠭᠠᠷ ᠨᠡᠶᠢᠲᠡᠯᠢᠭ ᠪᠤᠯᠬᠤ ᠪᠠᠶᠢᠳᠠᠯ ᠳᠤ | ᠰᠤᠶᠤᠯ ᠤᠨ ᠲᠠᠯᠠ ᠪᠠᠷ ᠶᠠᠭᠠᠬᠢᠭᠰᠠᠨ ᠴᠦ ᠦᠪᠡᠷ ᠤᠨ ᠤᠨᠴᠠᠯᠢᠭ ᠢᠶᠠᠨ ᠬᠠᠳᠠᠭᠠᠯᠠᠬᠤ ᠬᠡᠷᠡᠭᠲᠡᠢ᠃ ᠡᠨᠡ ᠪᠤᠯ ᠶᠡᠭᠡ | ᠠᠴᠢ ᠬᠤᠯᠪᠤᠭᠳᠠᠯᠲᠠᠢ ᠠᠰᠠᠭᠤᠳᠠᠯ ᠭᠡᠵᠦ ᠪᠢ ᠪᠤᠳᠤᠨᠠ᠃ ᠢᠯᠠᠩᠭᠤᠶᠠ ᠤᠳᠤ ᠶᠢᠨ ᠪᠠᠶᠢᠳᠠᠯ ᠳᠤᠤᠷᠠ᠂ ᠵᠠᠬᠠ | ᠳᠡᠯᠭᠡᠭᠦᠷ ᠤᠨ ᠠᠵᠤ ᠠᠬᠤᠢ ᠶᠢᠨ ᠪᠠᠶᠢᠳᠠᠯ ᠳᠤᠤᠷᠠ᠂ ᠦᠪᠡᠷ ᠤᠨ ᠢᠶᠠᠨ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠢ ᠬᠠᠳᠠᠭᠠᠯᠠᠬᠤ | ᠶᠠᠪᠤᠳᠠᠯ ᠪᠤᠯ ᠨᠢᠭᠡ ᠦᠨᠳᠦᠰᠦᠲᠡᠨ ᠢᠷᠡᠭᠡᠳᠦᠢ ᠲᠠᠢ ᠬᠤᠯᠪᠤᠭᠳᠠᠨᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠡᠨᠡ ᠲᠠᠯᠠ ᠶᠢᠨ ᠰᠤᠳᠤᠯᠭᠠᠨ ᠤ ᠬᠤᠪᠢ ᠳᠤ ᠲᠠᠨ ᠤ ᠤᠶᠢᠷᠠ ᠶᠢᠨ ᠠᠩᠬᠠᠷᠤᠯ ᠪᠠ | ᠪᠦᠲᠦᠭᠡᠯ ᠶᠠᠮᠠᠷ ᠰᠢᠤᠬᠠᠨ ᠪᠠᠶᠢᠨᠠ︖ | ᠪᠦᠷᠢᠨᠪᠠᠬᠢ᠄ ᠦᠨᠦ ᠮᠠᠨ ᠤ ᠦᠪᠦᠷ ᠮᠤᠩᠭᠤᠯ ᠤᠨ ᠬᠤᠯᠪᠤᠭᠳᠠᠬᠤ ᠪᠠᠶᠢᠭᠤᠯᠭᠠ ᠪᠤᠯᠤᠨ | ᠬᠠᠷᠢᠭᠤᠴᠠᠯᠭᠠᠲᠠᠨ ᠨᠦᠭᠦᠳ ᠮᠢᠨᠦ ᠵᠤᠬᠢᠶᠠᠯ ᠤᠨ ᠲᠡᠭᠦᠪᠦᠷᠢ ᠶᠢ ᠭᠠᠷᠭᠠᠬᠤ ᠲᠤᠬᠠᠢ ᠶᠡᠬᠡᠬᠡᠨ ᠲᠤᠰᠠᠯᠠᠮᠵᠢ ᠬᠠᠯᠠᠮᠵᠢ | ᠦᠵᠡᠭᠦᠯᠵᠦ ᠪᠠᠶᠢᠨᠠ᠃ ᠵᠠᠰᠠᠭ ᠤᠨ ᠤᠷᠳᠤᠨ᠂ ᠨᠠᠮ ᠤᠨ ᠬᠤᠷᠢᠶᠠᠨ ᠠᠴᠠ ᠪᠦᠷ ᠮᠦᠩᠭᠦ ᠪᠠᠷ ᠲᠤᠰᠠᠯᠠᠭᠰᠠᠨ᠃ | ᠮᠢᠨᠦ ᠲᠠᠪᠢᠨ ᠵᠢᠯ ᠤᠨ ᠵᠤᠬᠢᠶᠠᠯ ᠤᠨ ᠴᠢᠭᠤᠯᠭᠠᠨ ︿ᠪ • ᠪᠦᠷᠢᠨᠪᠠᠬᠢ ᠶᠢᠨ ᠤᠳᠬᠠ ᠤᠶᠠᠩᠭᠠ ᠶᠢᠨ | ᠴᠢᠭᠤᠯᠭᠠᠨ﹀᠂ ᠤᠳᠬᠠ ᠭᠡᠪᠡᠯ ᠦᠭᠦᠯᠡᠯ ᠰᠢᠨᠵᠢᠯᠡᠭᠡᠨ ᠪᠦᠷ ᠤᠷᠤᠨᠠ᠂ ᠤᠶᠠᠩᠭᠠ ᠭᠡᠪᠡᠯ ᠮᠢᠨᠦ ᠤᠷᠠᠨ ᠵᠤᠬᠢᠶᠠᠯ | ᠤᠷᠤᠨᠠ᠂ ᠬᠡᠷᠡᠭ ᠳᠡᠭᠡᠷᠡ ᠪᠠᠨ ᠰᠢᠯᠦᠭ ᠪᠤᠯᠤᠨ ᠰᠤᠳᠤᠯᠤᠯ ᠤᠨ ᠴᠢᠭᠤᠯᠭᠠᠨ ᠪᠤᠯᠤᠨᠠ᠃ ᠬᠡᠯᠡᠯᠭᠡᠨ ᠦᠭᠡᠢ ᠪᠦᠷᠢᠨ | ᠵᠤᠬᠢᠶᠠᠯ ᠪᠢᠰᠢ᠃ ᠪᠢ ᠪᠦᠷᠢᠨ ᠵᠤᠬᠢᠶᠠᠯ ᠭᠡᠵᠦ ᠭᠠᠷᠭᠠᠬᠤ ᠲᠤᠷᠠ ᠦᠭᠡᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠮᠢᠨᠦ ᠵᠤᠬᠢᠶᠠᠯ | ᠳᠤ ᠡᠴᠢᠨᠡᠭᠡᠨ ᠳᠦᠴᠢᠨᠡᠭᠡᠨ ᠶᠠᠭᠤᠮᠠ ᠪᠠᠰᠠ ᠴᠠᠭ ᠦᠶᠡ ᠶᠢ ᠲᠠᠭᠠᠭᠠᠳ ᠤᠷᠬᠢᠭᠳᠠᠬᠤ᠂ ᠠᠴᠢ ᠬᠤᠯᠪᠤᠭᠳᠠᠯ | ᠦᠭᠡᠢ ᠪᠤᠯᠬᠤ ᠵᠦᠢᠯ ᠪᠠᠶᠢᠨᠠ᠃ ᠢᠩᠬᠢᠬᠦᠯᠡᠷ ᠪᠢ ᠠᠯᠢ ᠪᠤᠯᠬᠤ ᠪᠠᠷ ᠦᠪᠡᠷ ᠢᠶᠠᠨ ᠵᠦᠭᠡᠷ ᠭᠡᠰᠡᠨ ᠢᠶᠠᠨ | ᠰᠤᠩᠭᠤᠭᠠᠳ ᠳᠦᠷᠪᠡᠨ ᠪᠤᠳᠢ ᠭᠠᠷᠭᠠᠬᠤ ᠭᠡᠵᠦ ᠪᠤᠢ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠪᠢᠳᠡ ᠤᠩᠰᠢᠭᠴᠢ ᠪᠦᠭᠡᠳ ᠰᠤᠷᠤᠭᠴᠢ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠲᠠᠨ ᠤ | ᠪᠦᠲᠦᠭᠡᠯ ᠡᠷᠲᠡᠬᠡᠨ ᠤᠩᠰᠢᠭᠴᠢ ᠤᠯᠠᠨ ᠲᠠᠢ ᠵᠤᠯᠭᠤᠭᠠᠰᠠᠢ ᠭᠡᠵᠦ ᠬᠦᠰᠡᠵᠦ ᠪᠠᠶᠢᠨᠠ᠃ | ᠪᠦᠷᠢᠨᠪᠠᠬᠢ᠄ ᠦᠪᠡᠷ ᠤᠨ ᠪᠦᠲᠦᠭᠡᠯ ᠤᠨ ᠲᠤᠬᠠᠢ᠂ ᠤᠶᠢᠷᠠ ᠶᠢᠨ ᠬᠤᠷᠢᠭᠠᠳ ᠵᠢᠯ ᠮᠢᠨᠦ ᠠᠵᠢᠯᠯᠠᠭᠠ ᠪᠤᠯ | ᠳᠦᠷᠰᠦᠯᠡᠨ ᠰᠡᠳᠬᠢᠬᠦᠢ ᠠᠴᠠ ᠬᠡᠶᠢᠰᠪᠦᠷᠢᠯᠡᠨ ᠰᠡᠳᠬᠢᠬᠦᠢ ᠲᠡᠶᠢᠰᠢ ᠰᠢᠯᠵᠢᠭᠡᠳ ᠪᠠᠶᠢᠨᠠ᠃ ᠮᠢᠨᠦ ᠠᠩᠬᠠᠷᠤᠯ | ᠶᠠᠪᠤᠬᠤ ᠲᠤᠰᠤᠮᠠ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠲᠡᠶᠢᠰᠢ ᠲᠦᠪᠯᠡᠷᠡᠵᠡᠢ᠃ ᠤᠳᠤ ᠡᠭᠦᠨ ᠠᠴᠠ ᠪᠠᠨ ᠰᠤᠭᠤᠷᠠᠵᠤ ᠭᠠᠷᠴᠤ | ᠴᠢᠳᠠᠬᠤ ᠦᠭᠡᠢ ᠪᠠᠶᠢᠨᠠ᠃ ᠰᠢᠯᠦᠭ ᠪᠢᠴᠢᠶᠡ ᠭᠡᠰᠡᠨ᠂ ᠵᠠᠷᠢᠮ ᠦᠶᠡ ᠳᠡᠭᠡᠨ ᠪᠠᠭᠠ ᠰᠠᠭᠠ ᠢᠷᠡᠳᠡᠭ ᠪᠤᠯᠪᠠᠴᠤ᠂ | ᠤᠶᠤᠲᠠᠨ ᠲᠠᠢ ᠪᠠᠨ ᠵᠠᠷᠢᠮ ᠶᠠᠭᠤᠮᠠ ᠶᠢ ᠶᠠᠷᠢᠯᠴᠠᠨᠠ᠂ ᠰᠤᠳᠤᠯᠤᠨᠠ᠂ ᠵᠠᠷᠢᠮ ᠳᠠᠭᠠᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ | ᠰᠢᠨᠡ ᠰᠤᠨᠢᠷᠬᠠᠯ ᠲᠠᠢ ᠵᠦᠢᠯ ᠪᠠᠰᠠ ᠪᠠᠶᠢᠨᠠ᠂ ᠨᠠᠰᠤ ᠪᠠᠰᠠ ᠠᠬᠢᠵᠦ ᠪᠠᠶᠢᠨᠠ᠂ ᠲᠠᠯᠠᠨ ᠲᠠᠪᠤ ᠬᠦᠷᠴᠦ ᠪᠠᠶᠢᠨᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠢᠩᠬᠢᠭᠡᠳ ᠦᠵᠡᠬᠦ ᠳᠤ ᠲᠠ ᠤᠢ ᠤᠬᠠᠭᠠᠨ ᠰᠠᠷᠠᠭᠤᠯ᠂ ᠪᠡᠶᠡ ᠪᠠᠶᠢᠳᠠᠯ ᠬᠦᠩᠭᠡᠨ᠂ | ᠭᠠᠶᠢᠭᠤᠢ ᠰᠠᠶᠢᠨ ᠬᠠᠷᠠᠭᠳᠠᠵᠤ ᠪᠠᠶᠢᠨᠠ᠃ | ᠪᠦᠷᠢᠨᠪᠠᠬᠢ᠄ ᠲᠠᠨ ᠤ ᠬᠡᠯᠡᠭᠰᠡᠨ ᠳᠤ ᠪᠠᠶᠠᠷᠯᠠᠵᠦ ᠪᠠᠶᠢᠨᠠ᠂ ᠤᠨᠴᠠᠭᠠᠢ ᠡᠮᠵᠡᠭ ᠦᠭᠡᠢ᠂ ᠨᠠᠰᠤᠲᠠᠢ | ᠬᠦᠮᠦᠨ ᠤ ᠪᠠᠶᠢᠳᠠᠯ ᠲᠠᠢ ᠨᠡᠶᠢᠴᠡᠵᠦ ᠪᠠᠶᠢᠨᠠ᠂ ᠤᠨᠴᠠᠭᠠᠢ ᠶᠠᠭᠤᠮᠠ ᠪᠠᠶᠢᠬᠤ ᠦᠭᠡᠢ᠃ ᠬᠠᠷᠢᠨ ᠳᠠᠷᠢᠬᠢ ᠪᠠᠨ | ᠬᠡᠷᠡᠭᠯᠡᠬᠦ ᠲᠠᠯᠠ ᠪᠠᠷ ᠶᠡᠷᠦᠳᠡᠭᠡᠨ ᠰᠤᠯᠠ ᠲᠠᠯᠠᠭᠠᠷ ᠲᠠᠯᠪᠢᠳᠠᠭ ᠦᠭᠡᠢ᠂ ᠨᠢᠭᠡ ᠶᠠᠭᠤᠮᠠ ᠶᠢ ᠪᠤᠳᠤᠭᠠᠳ ᠯᠠ ᠪᠠᠶᠢᠳᠠᠭ | ᠃ ᠬᠠᠷᠢᠨ ᠬᠡᠷᠡᠭᠯᠡᠬᠦ ᠲᠤᠰᠤᠮᠠ ᠶᠡᠭᠡ ᠰᠤᠨᠢᠷᠬᠠᠯ ᠲᠠᠢ᠂ ᠡᠨᠡ ᠶᠠᠪᠤᠳᠠᠯ ᠴᠢᠨᠢ ᠶᠡᠭᠡ ᠰᠤᠨᠢᠨ ᠶᠤᠮ᠂ ᠦᠭᠦᠯᠡᠯ | ᠶᠠᠭᠤᠮᠠ ᠪᠢᠴᠢᠦ ᠤᠷᠤᠯᠳᠤᠬᠤ ᠳᠤ ᠵᠠᠷᠢᠮ ᠬᠦᠮᠦᠨ ᠲᠠ ᠦᠩᠭᠡᠷᠡᠤ ᠵᠦᠳᠡᠷᠡᠵᠦ ᠪᠤᠯᠬᠤ ᠦᠭᠡᠢ ᠭᠡᠳᠡᠭ ᠪᠢᠯᠡ᠃ | ᠭᠡᠲᠡᠯᠡ ᠪᠢ ᠬᠠᠷᠢᠨ ᠢᠩᠬᠢᠵᠦ ᠬᠢᠵᠦ ᠪᠠᠶᠢᠪᠠᠯ ᠪᠡᠶᠡ ᠴᠢᠩᠭᠠ ᠪᠤᠯᠤᠨᠠ ᠭᠡᠵᠦ ᠪᠤᠳᠤᠳᠠᠭ᠃ ᠪᠢ ᠰᠤᠷᠭᠠᠭᠤᠯᠢ ᠳᠤ | ᠤᠷᠲᠦ ᠬᠤᠭᠤᠴᠠᠭᠠ ᠠᠵᠢᠯᠯᠠᠭᠰᠠᠨ᠃ ᠪᠢ ᠲᠠᠪᠢᠭᠠᠳ ᠵᠢᠯ ᠵᠤᠬᠢᠶᠠᠯ ᠪᠢᠴᠢᠭᠰᠡᠨ ᠢᠶᠠᠨ ᠡᠷᠭᠢᠴᠡᠭᠦᠯᠦᠨ | ᠦᠵᠡᠬᠦ ᠳᠡᠭᠡᠨ᠂ ᠠᠵᠢᠯ ᠤᠨ ᠴᠢᠯᠦᠭᠡᠨ ᠤ ᠵᠤᠬᠢᠶᠠᠯᠴᠢ ᠪᠤᠯᠤᠨ ᠠᠵᠢᠯ ᠡᠭᠦᠷᠭᠡᠲᠦ ᠪᠠᠭᠰᠢ ᠶᠢᠨ ᠠᠵᠢᠯ ᠢ | ᠤᠶᠠᠯᠳᠤᠭᠤᠯᠤᠨ ᠲᠡᠮᠡᠤᠯᠡᠭᠰᠡᠨ ᠲᠠᠪᠢᠭᠠᠳ ᠵᠢᠯ ᠭᠡᠵᠦ ᠳ᠋ᠦᠩᠨᠡᠭᠰᠡᠨ ᠶᠤᠮ᠃ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠠᠵᠢᠯ ᠪᠤᠯ | ᠰᠠᠶᠢᠬᠠᠨ ᠠᠵᠢᠯ᠂ ᠢᠯᠠᠩᠭᠤᠶᠠ ᠪᠢ ᠬᠢᠴᠢᠶᠡᠯ ᠵᠢᠭᠠᠬᠤ ᠳᠤᠷᠠᠲᠠᠢ᠂ ᠪᠤᠳᠤᠭᠰᠠᠨ ᠰᠠᠨᠠᠭᠰᠠᠨ ᠢᠶᠠᠨ | ᠤᠶᠤᠲᠠᠳ ᠲᠠᠭᠠᠨ ᠬᠡᠯᠡᠵᠦ ᠥᠭᠭᠦᠨᠡ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠪᠠᠭᠰᠢ ᠬᠦᠮᠦᠨ ᠰᠤᠷᠤᠭᠴᠢ ᠠᠴᠠ ᠪᠠᠨ ᠠᠷᠪᠢᠨ | ᠶᠠᠭᠤᠮᠠ ᠰᠤᠷᠤᠨᠠ᠂ ᠢᠯᠠᠩᠭᠤᠶᠠ ᠵᠠᠯᠠᠭᠤ ᠬᠦᠮᠦᠨ ᠲᠠᠢ ᠬᠠᠮᠲᠤ ᠪᠠᠶᠢᠬᠤ ᠪᠤᠯ ᠲᠡᠳᠡᠨ ᠤ ᠰᠠᠨᠠᠭᠠ ᠰᠡᠳᠬᠢᠯ ᠤᠨ | ᠬᠤᠷᠴᠠᠯᠢᠭ ᠭᠢᠷᠠᠬᠠᠢ᠂ ᠰᠢᠨᠡ ᠰᠡᠪᠡᠭᠦᠨ ᠶᠠᠭᠤᠮᠠ ᠶᠢ ᠬᠦᠯᠢᠶᠡᠵᠦ ᠠᠪᠬᠤ ᠳᠤ ᠬᠤᠷᠳᠤᠨ᠂ ᠰᠢᠨᠡ ᠰᠢᠨᠡ | ᠰᠡᠳᠦᠪ ᠢ ᠲᠤᠷᠠᠳᠴᠦ ᠭᠠᠷᠭᠠᠬᠤ ᠳᠤ ᠴᠢᠨᠦ ᠤᠬᠠᠵᠤ ᠤᠯᠤᠭᠰᠠᠨ ᠦᠭᠡᠢ ᠵᠠᠷᠢᠮ ᠵᠦᠢᠯ ᠢ ᠤᠷᠢᠳ ᠢᠶᠠᠷ | ᠤᠬᠠᠮᠰᠠᠷᠯᠠᠭᠠᠳ ᠴᠢᠮᠠ ᠲᠠᠢ ᠵᠦᠪᠳᠡᠬᠦ᠂ ᠵᠠᠯᠠᠭᠤ ᠶᠢᠨ ᠴᠤᠭ ᠵᠤᠯᠢ ᠲᠠᠢ ᠪᠠᠶᠢᠳᠠᠭ᠂ ᠡᠨᠡ ᠴᠢᠨᠢ ᠪᠠᠭᠰᠢ | ᠪᠤᠯᠤᠭᠰᠠᠨ ᠬᠦᠮᠦᠨ ᠳᠤ ᠪᠠᠭᠰᠢ ᠶᠢᠨ ᠦᠲᠡᠭᠦᠰ ᠠᠭᠤᠷ ᠢ ᠠᠷᠢᠯᠭᠠᠵᠤ᠂ ᠦᠰᠪᠦᠷᠢ ᠶᠢᠨ ᠴᠤᠭ ᠵᠤᠯᠢ ᠶᠢ ᠤᠯᠭᠤᠵᠤ | ᠥᠭᠳᠡᠭ᠃ ᠡᠶᠢᠮᠦ ᠤᠴᠢᠷ ᠠᠴᠠ ᠪᠢ ᠦᠩᠭᠡᠷᠡᠭᠰᠡᠨ ᠳᠤ ᠡᠶᠢᠮᠦ ᠦᠭᠦᠯᠡᠯ ᠪᠢᠴᠢᠭᠰᠡᠨ᠄ ᠪᠠᠭᠰᠢ ᠪᠤᠯᠤᠭᠰᠠᠨ | ᠬᠦᠮᠦᠨ ᠶᠠᠭᠠᠬᠢᠯᠠ ᠴᠦ ᠭᠡᠰᠡᠨ ᠦᠪᠡᠷ ᠤᠨ ᠢᠶᠠᠨ ᠮᠡᠳᠡᠯᠭᠡ ᠶᠢᠨ ᠪᠡᠯᠴᠢᠭᠡᠷ ᠲᠤ ᠱᠠᠪᠢ ᠨᠠᠷ ᠢᠶᠠᠨ ᠠᠳᠤᠭᠤᠯᠠᠵᠤ | ᠶᠡᠷᠦ ᠪᠤᠯᠬᠤ ᠦᠭᠡᠢ᠂ ᠵᠠᠪᠠᠯ ᠮᠡᠳᠡᠯᠭᠡ ᠶᠢᠨ ᠪᠡᠯᠴᠢᠭᠡᠷ ᠠᠴᠠ ᠪᠠᠨ ᠬᠤᠯᠠ ᠭᠠᠷᠭᠠᠬᠤ ᠬᠡᠷᠡᠭᠲᠡᠢ᠃ ᠮᠢᠨᠦ ᠶᠡᠷᠦᠳᠡᠭᠡᠨ | ᠬᠦᠰᠡᠬᠦ ᠶᠠᠪᠤᠳᠠᠯ ᠪᠤᠯ ᠮᠢᠨᠦ ᠰᠤᠷᠤᠭᠴᠢ ᠠᠯᠢ ᠪᠤᠯᠬᠤ ᠪᠠᠷ ᠨᠠᠮᠠ ᠶᠢ ᠤᠯᠠᠨ ᠲᠠᠯᠠ ᠪᠠᠷ ᠳᠠᠪᠠᠭ᠋ᠤ ᠶᠢ ᠬᠦᠰᠡᠳᠡᠭ᠃ | ᠡᠨᠡ ᠪᠤᠯ ᠮᠢᠨᠦ ᠴᠢᠩ ᠰᠡᠳᠬᠢᠯ ᠤᠨ ᠬᠦᠰᠡᠯ ᠶᠤᠮ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠭᠰᠡᠨ ᠪᠦᠷᠢᠨᠪᠠᠬᠢ ᠪᠠᠭᠰᠢ ᠳᠤ ᠪᠠᠶᠠᠷᠯᠠᠯᠠ᠃ | ᠪᠦᠷᠢᠨᠪᠠᠬᠢ᠄ ᠪᠢ ᠴᠦ ᠪᠠᠰᠠ ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠂ ᠪᠠᠶᠠᠷᠲᠠᠢ᠃ | |