ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠬᠠᠶᠢᠷ᠎ᠠ ᠪᠠᠷ ᠲᠡᠷᠭᠡᠯᠰᠢᠬᠦ ᠬᠤᠷᠸ᠎ᠠ — ᠬᠦᠰᠡᠯᠠᠩ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015/12/2
      ᠬᠠᠶᠢᠷ᠎ᠠ ᠪᠠᠷ ᠲᠡᠷᠭᠡᠯᠰᠢᠬᠦ ᠬᠤᠷᠸ᠎ᠠ                                                                                                             ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ ᠤ ᠯᠢᠨᠳᠥ᠋ᠩ ᠤᠨ ᠮᠤᠩᠭᠤᠯ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ               ᠲᠡᠭᠡᠳᠤ ᠬᠤᠶᠠᠷ ᠤᠨ ᠭᠤᠷᠪᠠ ᠶᠢᠨ                         ᠬᠦᠰᠡᠯᠠᠩ        ᠤᠬᠢᠯᠠᠵᠤ ᠤᠨᠠᠬᠰᠠᠠ᠂ ᠤᠬᠠᠭᠠᠷᠠᠵᠤ ᠲᠤᠷᠨᠢᠬᠰᠠᠠ ᠬᠠᠶᠢᠷ᠎ᠠ ᠶᠢᠨ ᠴᠠᠭᠠᠨ ᠲᠡᠯᠡᠭᠡᠢ ᠨᠠᠮ᠎ᠡ ᠶᠢ ᠪᠥᠤᠪᠠᠶᠢᠯᠠᠳᠡᠭ ᠡᠵᠢ ᠶᠢᠨ ᠪᠥᠤᠪᠠᠢ ᠶᠢᠨ ᠲᠠᠭᠤᠨ —  ᠬᠤᠯᠨ ᠳᠤ ᠪᠠᠨ ᠴᠤᠤ ᠦᠭᠡᠢ᠂ ᠬᠤᠳᠡᠡ ᠳᠤ ᠪᠠᠨ ᠨᠠᠷ᠎ᠠ ᠦᠭᠡᠢ᠃ ᠡᠰᠡᠷᠡᠭ ᠨᠤᠳᠤᠭ ᠲᠤ ᠪᠠᠨ ᠢᠷᠡᠭᠡᠤᠨ ᠪᠢ ᠨᠢᠭᠡᠨᠳᠡ ᠠᠷᠪᠠᠨ ᠨᠠᠢᠮᠨᠨ ᠬᠠᠪᠤᠷ ᠨᠠᠮᠤᠷ ᠢ ᠤᠬᠳᠤᠨ ᠠᠪᠴᠤ ᠪᠠᠶᠢᠨ᠎ᠡ᠃ ᠲᠡᠭᠡᠬᠦ ᠳᠤ ᠪᠠᠨ ᠤᠷᠴᠢᠯᠠᠩ ᠤᠨ ᠵᠠᠶᠢᠴᠢᠨ ᠳᠤ ᠡᠳᠤᠢ ᠭᠡᠳᠤᠨ ᠵᠢᠯ ᠠᠮᠢᠳᠤᠷᠠᠵᠤ ᠶᠠᠪᠤᠭ᠎ᠠ ᠳᠤ  ᠪᠠᠨ ᠪᠢ ᠬᠠᠶᠢᠷ᠎ᠠ ᠰᠡᠤᠡᠬᠢᠯ ᠢ ᠤᠬᠠᠭᠠᠷᠠᠵᠤ ᠮᠠᠳᠡᠭᠰᠠᠠ ᠶᠤᠮ᠃        ᠬᠠᠶᠢᠷ᠎ᠠ ᠦᠭᠡᠢ ᠪᠤᠯ ᠤᠷᠴᠢᠯᠠᠩ ᠬᠠᠷᠠᠩᠭᠤᠢ᠂ ᠬᠠᠶᠢᠷ᠎ᠠ ᠦᠭᠡᠢ ᠪᠤᠯ ᠠᠮᠢᠳᠤᠷᠠᠯ ᠬᠥᠢᠳᠡᠮᠰᠤᠭ᠌ ᠪᠠᠶᠢᠯᠳᠠᠢ᠃ ᠬᠠᠶᠢᠷ᠎ᠠ ᠪᠤᠯ ᠬᠥᠮᠤᠨ ᠲᠥᠷᠤᠯᠬᠢᠳᠡᠡ ᠤ ᠵᠤᠯ ᠵᠢᠷᠭᠠᠯ ᠤᠨ ᠨᠠᠷᠠ ᠪᠢᠯᠨ᠃        ᠬᠠᠶᠢᠷ᠎ᠠ —  ᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠤᠩᠭᠤᠨ ᠥᠨᠳᠤᠷ ᠰᠢᠳᠤᠭᠡᠨ᠂ ᠤᠯᠵᠨ ᠶᠢᠨ ᠴᠠᠭᠠᠨ ᠪᠠᠭᠤᠴᠠ᠂ ᠬᠥᠮᠤᠨ ᠵᠤᠨ ᠤ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠤᠨ ᠤᠤᠭᠠᠨ ᠬᠠᠷᠠᠭᠠᠬᠤ᠃ ᠬᠥᠰᠡᠯ ᠲᠡᠮᠡᠤᠯᠡᠯ ᠤᠨ ᠨᠤᠭᠤᠭᠠᠨ ᠵᠢᠬᠦᠷ ᠶᠤᠮ᠃        ᠠᠮᠢᠳᠤᠷᠠᠯ ᠬᠠᠶᠢᠷ᠎ᠠ ᠲᠡᠭᠡᠷ᠎ᠡ ᠲᠤᠬᠳᠠᠳᠠᠭ ᠶᠤᠮ᠃ ᠶᠠᠭ ᠲᠠᠶᠢᠮᠤ ᠠᠴᠠ ᠲᠥᠮᠨᠨ ᠪᠤᠳᠠᠰ ᠬᠠᠶᠢᠷ᠎ᠠ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠬᠤᠭᠤᠷᠤ ᠬᠤᠭᠤᠷᠤᠨᠳᠤ ᠪᠠᠨ ᠲᠥᠰᠢᠯᠴᠡᠡ ᠤᠷᠤᠰᠢᠵᠤ ᠴᠢᠳᠡᠳᠠᠭ᠃ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ ᠪᠤᠶᠠᠨᠪᠠᠳᠤ ᠭᠤᠸᠠᠢ ︽ᠬᠠᠶᠢᠷ᠎ᠠ ᠬᠠᠶᠢᠷ᠎ᠠ ᠪᠠᠷ ᠢᠶᠠᠨ ᠲᠡᠭᠡᠳᠤᠯᠡᠬᠦ ᠬᠤᠷᠸ᠎ᠠ︾ ᠭᠡᠬᠦ ᠵᠤᠬᠢᠶᠠᠯ  ᠳᠤ ᠪᠠᠨ ︽ᠪᠢᠳᠡ ᠡᠭᠡᠯ ᠶᠠᠷᠤᠮᠳᠡᠭ ᠢᠶᠠᠷ ᠢᠶᠠᠨ ᠠᠳᠠᠯᠢᠬᠠᠨ᠂ ᠤᠴᠢᠷ ᠨᠢ ᠪᠢᠳᠡᠡ ᠳᠤ ᠪᠥᠷ ᠬᠠᠶᠢᠷ᠎ᠠ ᠭᠡᠷᠡᠭᠳᠡᠢ ᠪᠠᠶᠢᠳᠠᠭ᠃ ᠪᠢᠳᠡ ᠡᠷᠬᠢᠮ ᠲᠡᠭᠡᠳᠤ ᠪᠠᠷ ᠢᠶᠠᠨ ᠠᠳᠠᠯᠢᠬᠠᠨ᠂ ᠤᠴᠢᠷ ᠨᠢ ᠪᠢᠳᠡ ᠪᠥᠷ ᠬᠠᠶᠢᠷ᠎ᠡ ᠪᠠᠨ ᠡᠷᠬᠦᠵᠤ ᠲᠡᠭᠡᠳᠤᠯᠠᠵᠤ ᠶᠠᠪᠤᠳᠠᠭ ᠤᠯᠤᠰ ᠤᠳ︾ ᠭᠡᠵᠤ ᠪᠢᠴᠢᠭᠰᠡᠠ ᠪᠠᠶᠢᠳᠠᠭ᠃ ᠡᠨ᠋ᠨ ᠥᠭᠡ ᠴᠦ ᠴᠤᠬᠤᠮ ᠤᠷᠤ ᠦᠭᠡᠢ ᠵᠥᠪ ᠳ᠋ᠠ︕ ᠬᠥᠮᠤᠨ ᠪᠤᠯ ᠨᠢᠭᠡᠨ ᠪᠠᠶᠠᠴᠢ ᠴᠢᠳᠡᠮᠠᠭᠠᠢ ᠴᠢᠨᠠᠷ ᠢᠶᠠᠷ ᠢᠶᠠᠨ ᠪᠤᠰᠤᠤᠨ ᠠᠮᠢᠳᠡᠡ ᠠᠴᠠ ᠪᠠᠨ ᠢᠯᠭᠠᠷᠠᠭᠰᠠᠨ ᠲᠡᠭᠡᠳᠤ ᠵᠡᠷᠭᠡ ᠶᠢᠨ ᠠᠮᠢᠳᠡᠡ ᠮᠥᠨ᠃ ᠡᠶᠢᠮᠤ ᠠᠴᠠ ᠪᠢᠳᠡ ᠬᠠᠶᠢᠷ᠎ᠠ ᠳᠠᠭᠠᠨ ᠠᠮᠢᠳᠤᠷᠠᠵᠤ ᠬᠠᠶᠢᠷ᠎ᠡ  ᠶᠢᠨ ᠲᠤᠯᠠᠭᠠᠨ ᠬᠥᠷᠤᠰᠤᠨ ᠳᠤ ᠥᠰᠤᠨ ᠲᠤᠷᠨᠢᠵᠤ᠂ ᠬᠠᠶᠢᠷ᠎ᠡ ᠶᠢᠨ ᠮᠥᠩᠭᠡ ᠲᠡᠩᠭᠡᠯᠢᠭ ᠢ ᠲᠠᠭᠠᠨ ᠡᠷᠬᠢᠯᠳᠤᠵᠤ ᠪᠠᠶᠢᠬᠤ ᠯᠠ ᠶᠤᠰᠤᠳᠠᠢ᠃        ᠬᠤᠷᠸ᠎ᠠ ᠶᠢᠷᠳᠢᠨᠴᠤ ᠳᠤ ᠵᠠᠷᠢᠮ ᠬᠥᠮᠤᠨ ᠦᠭᠬᠢᠶᠡᠮᠤᠷ ᠨᠠᠨᠳᠢᠨ ᠰᠡᠤᠡᠬᠢᠯ ᠲᠠᠢ ᠪᠠᠶᠢᠬᠤ ᠳᠤ᠂ ᠡᠬᠦᠨ ᠤ ᠡᠰᠡᠷᠬᠦ ᠪᠠᠷ ᠬᠠᠷᠢᠨ ᠵᠠᠷᠢᠮ ᠨᠢ ᠬᠠᠷᠠᠮᠴᠢ ᠬᠤᠪᠢᠨᠴᠢᠷ ᠵᠠᠩ ᠲᠠᠢ ᠪᠠᠶᠢᠳᠠᠭ᠃ ᠡᠨ᠋ᠨ ᠨᠢ ︽ᠬᠥᠮᠤᠨ︾ ᠭᠡᠳᠡᠭ ᠨᠠᠷ᠎ᠠ ᠬᠥᠨᠳᠤ ᠪᠠᠨ ᠪᠠᠷᠠᠵᠤ ᠪᠠᠶᠢᠭ᠎ᠠ ᠶᠠᠪᠤᠳᠠᠯ ᠪᠢᠰᠢ ᠭᠡᠵᠤ ᠤᠤ  ︖ ᠭᠡᠷᠪᠡ ᠡᠶᠢᠮᠤ ᠪᠤᠯᠤᠬᠰᠠᠠ ᠶᠤᠮ ᠪᠤᠯ ᠬᠥᠮᠤᠨ ᠤ ᠬᠤᠷᠸ᠎ᠠ ᠳᠤ ᠬᠥᠵᠤᠬᠦᠤ ᠲᠤᠯᠤᠭᠠᠢ ᠲᠠᠬᠦᠵᠢᠯᠠᠵᠤ ᠶᠠᠪᠤᠭᠠᠤᠨ ᠵᠥᠪᠭᠡᠨ ᠬᠥᠮᠤᠨ ᠤ ᠤᠷᠤᠨᠴᠤᠭ ᠲᠡᠳᠤᠢ ᠯᠠ ᠰᠢᠤ︕        ᠪᠢᠳᠡ ᠴᠢᠯᠤᠭᠡ ᠲᠠᠯᠪᠢᠬᠤ ᠪᠤᠯᠭᠠᠨ ᠭᠡᠷ ᠲᠤ ᠪᠠᠨ ᠬᠠᠷᠢᠵᠤ ᠤᠴᠢᠬᠤ ᠳᠤ ᠠᠪᠤ ᠡᠵᠢ ᠮᠢᠨᠢ ᠬᠠᠮᠤᠭ ᠰᠠᠶᠢᠨ ᠰᠠᠶᠢᠬᠠᠨ ᠢᠶᠠᠨ ᠪᠢᠳᠡ ᠳᠤ ᠪᠠᠨ ᠥᠯᠡᠳᠡᠭᠡᠵᠤ᠂ ᠠᠯᠢ ᠠᠮᠳᠠᠳᠠᠢ ᠢᠳᠡᠭᠡᠨ᠂ ᠠᠯᠢ ᠰᠠᠶᠢᠬᠠᠨ ᠬᠤᠪᠴᠠᠰᠤ ᠶᠢ ᠡᠮᠤᠨ᠎ᠡ ᠮᠢᠨᠢ ᠤᠶᠢᠷᠡᠳᠤᠭᠤᠯᠬᠤ ᠳᠤ ᠬᠠᠶᠠ ᠵᠠᠷᠢᠮ ᠨᠢ ᠪᠠᠰᠠ ᠤᠴᠠᠭᠠᠷᠯᠠᠨ᠄ ︽ᠶᠠᠭᠤᠨ ᠤ ᠬᠢᠨᠢ ᠤᠭ ᠤᠨ ᠰᠤᠨᠢᠨ ᠶᠠᠭᠤᠮ᠎ᠡ ᠪᠠᠨ ᠭᠠᠷᠭᠠᠭᠠᠤᠨ ᠪᠠᠶᠢᠬᠤ ᠪᠤᠢ︖ ᠪᠥᠷ ᠨᠠᠶᠢᠭᠡᠮ ᠠᠴᠠ ᠬᠤᠴᠤᠷᠤᠬᠰᠠᠠ ᠪᠠᠶᠢᠬᠤ ᠳᠤ ᠁ ᠲᠠᠬᠢᠭᠠᠤᠨ ᠭᠡᠯᠡᠪᠠᠯ᠂ ᠭᠡᠳᠤᠢ ᠰᠠᠶᠢᠬᠠᠨ ᠢᠳᠡᠬᠦᠯᠵᠤ ᠡᠮᠤᠰᠭᠡᠪᠠᠴᠤ ᠪᠢ ᠰᠠᠶᠢᠨ ᠰᠤᠷᠴᠤ ᠲᠠᠶᠢᠯᠬᠦ ᠦᠭᠡᠢ᠂ ᠰᠤᠷᠤᠭᠠᠤᠨ ᠪᠠᠰᠠ ᠢᠷᠡᠭᠡᠳᠤᠢ ᠦᠭᠡᠢ ᠁︾ ᠭᠡᠵᠤ ᠭᠡᠳᠤᠶᠢᠪᠠᠷ ᠭᠡᠯᠡᠬᠦ ᠦᠭᠡᠢ ᠴᠦ ᠰᠡᠤᠡᠬᠢᠯ ᠳᠤ ᠪᠠᠨ ᠪᠤᠳᠤᠳᠠᠭ᠃ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠨᠢᠮᠭᠡᠨ ᠡᠮᠤᠰᠴᠤ᠂ ᠰᠢᠩᠭᠡᠨ ᠢᠳᠡᠵᠤ᠂ ᠵᠤᠪᠠᠨ ᠵᠥᠳᠡᠵᠤ ᠴᠤᠬᠯᠠᠭᠤᠯᠤᠬᠰᠠᠠ ᠵᠤᠭᠤᠰ ᠢ ᠬᠤᠭᠤᠯᠠᠨ ᠭᠡᠷ᠂ ᠵᠠᠳᠠᠭᠠᠢ ᠲᠡᠯᠭᠡᠬᠦᠷ᠂ ᠪᠠᠭᠠᠷ᠂ ᠲᠥᠷᠢᠶᠠᠰᠤᠨ ᠲᠡᠷᠭᠡ ᠳᠤ ᠪᠥᠷᠢᠯᠭᠡᠵᠤ ᠁ ᠦᠭᠡᠢ ᠶᠠᠷᠤ ᠨᠢ᠂ ᠪᠢᠳᠡ ᠴᠤᠬᠤᠮ ᠶᠠᠭᠠᠬᠢᠴᠢᠬᠠᠪᠠ ᠳ᠋ᠠ︖ ᠥᠪᠠᠷ ᠤᠨ ᠠᠮᠢᠨ ᠬᠠᠶᠢᠷᠠᠳᠠᠢ ᠠᠪᠤ ᠡᠵᠢ ᠪᠠᠨ ᠪᠠᠰᠠ ᠢᠩᠬᠢᠵᠤ ᠵᠤᠪᠠᠭᠠᠨ᠎ᠡ ᠤᠤ︖ᠨᠢᠬᠡᠨ ᠨᠠᠰᠤᠳᠠᠢ ᠠᠪᠤ ᠭᠠᠭᠴᠠᠭᠠᠷ ᠭᠡᠷ ᠲᠤ ᠪᠠᠨ ᠰᠠᠭᠤᠵᠤ ᠪᠠᠶᠢᠳᠠᠯ᠎ᠠ᠂ ᠡᠬᠦᠳᠡ ᠲᠤᠭᠰᠢᠬᠤ ᠲᠠᠭᠤᠨ ᠭᠠᠷᠴᠤ ︽ᠠᠪᠤ ᠡ︕ ᠡᠬᠦᠳᠡ ᠪᠠᠨ ᠨᠡᠭᠡᠭᠡᠭᠳᠡᠬᠦᠨ︾ ᠭᠡᠵᠤ ᠬᠥᠤ ᠨᠢ ᠭᠡᠯᠡᠬᠦ ᠳᠤ᠂ ᠠᠪᠤ ᠨᠢ ᠬᠥᠤ ᠪᠠᠨ ᠥᠵᠡᠭᠡᠤᠨ᠄ ︽ᠴᠢ ᠮᠢᠨᠤ ᠬᠥᠤ ᠪᠢᠰᠢ᠂ ᠪᠢ ᠴᠢᠮ᠎ᠡ ᠶᠢ ᠲᠠᠨᠢᠬᠤ ᠦᠭᠡᠢ︾ ᠭᠡᠤᠨ ᠭᠡᠷ ᠠᠴᠠ ᠪᠠᠨ ᠭᠠᠷᠭᠠᠯ᠎ᠠ᠃ ᠪᠠᠰᠠ ᠨᠢᠭᠡ ᠥᠵᠡᠭᠳᠡᠯ ᠨᠢ᠂ ᠨᠢᠭᠡ ᠡᠳᠤᠷ ᠬᠥᠤ ᠨᠢ ᠠᠪᠤ ᠪᠠᠨ ᠲᠠᠭᠠᠭᠤᠯᠤᠭᠠᠤᠨ ᠠᠬ᠎ᠠ ᠲᠠᠬᠦᠤ ᠨᠠᠷ ᠲᠠᠢ ᠪᠠᠨ ᠬᠤᠭᠤᠯᠠᠨ ᠭᠡᠷ  ᠲᠤ ᠪᠡᠩᠰᠢ ᠢᠳᠡᠯ᠎ᠠ᠃ ᠲᠡᠭᠡᠭᠰᠠᠠ ᠴᠢᠨᠢ ᠠᠪᠤ ᠨᠢ ᠪᠠᠩᠰᠢ ᠠᠴᠠ ᠨᠢ ᠠᠪᠤᠭᠠᠤᠨ ᠬᠠᠷᠮᠨᠨ ᠲᠤᠳᠤᠷ᠎ᠠ ᠪᠠᠨ ᠰᠠᠪᠠᠯᠠᠵᠤ ᠪᠠᠶᠢᠯ᠎ᠠ᠃ ᠬᠥᠤ ᠨᠢ ᠡᠨ᠋ᠨ ᠪᠠᠶᠢᠳᠠᠯ ᠢ ᠥᠵᠡᠭᠡᠤᠨ ᠶᠡᠭᠡ ᠯᠠ ᠡᠪ ᠦᠭᠡᠢ ᠪᠤᠯᠵᠤ᠄ ︽ᠠᠪᠤ ᠡ︕ ᠲᠠᠠ ᠤ ᠡᠨ᠋ᠨ ᠴᠢᠨᠢ ᠶᠠᠭᠠᠬᠢᠵᠤ ᠪᠠᠶᠢᠭ᠎ᠠ ᠪᠤᠢ︖︾ ᠭᠡᠰᠠᠠ ᠳᠤ᠂ ︽ᠮᠢᠨᠤ ᠮᠠᠭᠤ ᠬᠥᠤ ᠪᠡᠩᠰᠢ ᠢᠳᠡᠬᠦ ᠲᠤᠷ᠎ᠠ ᠲᠠᠢ᠂ ᠪᠢ ᠬᠥᠤ  ᠳᠤ ᠪᠠᠨ ᠠᠪᠠᠴᠢᠵᠤ ᠢᠳᠡᠬᠦᠯᠤᠨ᠎ᠡ︕︾ ᠭᠡᠪᠡ᠃ ᠠᠢ︕ ᠡᠶᠢᠮᠤ ᠶᠡᠭᠡ ᠵᠥᠨᠤᠭ᠍ᠰᠢᠭ᠍ᠰᠡᠠ ᠪᠠᠶᠢᠳᠠᠯ ᠳᠤ ᠤᠷᠤᠬᠰᠠᠠ ᠴᠦ ᠥᠪᠠᠷ ᠤᠨ ᠠᠮᠢᠨ ᠬᠠᠶᠢᠷᠠᠳᠠᠢ ᠬᠥᠤ ᠪᠠᠨ ᠪᠤᠳᠤᠵᠤ ᠤᠯᠤᠨ᠎ᠡ ᠭᠡᠭᠴᠢ ᠁ ᠡᠨ᠋ᠨ ᠬᠦ ᠵᠠᠷ ᠮᠡᠳᠡᠭᠡ ᠶᠢ ᠲᠠᠨᠤᠰ ᠴᠥᠮ ᠲᠧᠯᠧᠰ ᠠᠴᠠ ᠥᠵᠡᠭᠰᠠᠠ ᠪᠠᠶᠢᠯᠬᠦᠢ︖ ᠪᠢᠳᠡ ᠠᠪᠤ ᠡᠵᠢ ᠪᠠᠨ ᠠᠴᠢᠯᠠᠵᠤ᠂ ᠠᠮᠢᠳᠤ ᠳᠤ ᠨᠢ ᠲᠡᠭᠡᠳᠤᠯᠠᠨ  ᠬᠠᠶᠢᠷᠠᠯᠠᠵᠤ ᠶᠠᠪᠤᠶ᠎ᠡ︕        ᠪᠢᠳᠡ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠬᠥᠯ ᠠᠴᠠ ᠨᠢ ᠴᠢᠷᠤᠭ᠍ᠳᠡᠭᠰᠡᠭᠡᠷ ᠬᠤᠷᠮᠤᠢ ᠠᠴᠠ ᠨᠢ ᠲᠠᠳᠠᠬᠳᠠᠬᠰᠠᠭᠠᠷ ᠡᠳᠤᠢ ᠪᠤᠯᠤᠬᠰᠠᠠ᠃ ᠪᠢᠳᠡ ᠠᠪᠤ ᠡᠵᠢ ᠪᠠᠨ ᠵᠤᠪᠠᠭᠠᠬᠤ ᠨᠢ ᠲᠠᠭᠠᠷᠠᠬᠤ ᠦᠭᠡᠢ᠃ ᠪᠢᠳᠡ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠥᠰᠭᠡᠵᠤ ᠬᠥᠮᠤᠵᠢᠬᠦᠯᠤᠭ᠍ᠰᠠᠠ ᠠᠴᠢ ᠡᠨᠠᠷᠢᠯ ᠤᠨ ᠬᠢᠨᠢ ᠬᠠᠷᠢᠭᠤ ᠳᠤ ᠡᠷᠭᠡᠪᠰᠢ ᠲᠠᠳᠡᠡ ᠢ ᠪᠠᠨ ᠠᠴᠢᠯᠠᠵᠤ ᠶᠠᠪᠤᠬᠤ ᠭᠡᠷᠡᠭᠳᠡᠢ᠃        ᠠᠯᠠᠭ ᠬᠤᠷᠸ᠎ᠠ ᠳᠤ ᠮᠠᠨᠳᠤᠯᠠᠵᠤ᠂ ᠬᠥᠮᠤᠨ ᠤ ᠠᠮᠢᠳᠤᠷᠠᠯ ᠤᠨ ᠠᠩᠬᠠᠨ ᠤ ᠲᠠᠭᠤᠤ ᠶᠢ ᠬᠠᠩᠬᠢᠨᠠᠭᠤᠯᠤᠬᠰᠠᠠ ᠲᠡᠷᠡ ᠡᠳᠤᠷ ᠠᠴᠠ ᠪᠢ ᠨᠢᠭᠡ ᠠᠭᠤᠤ ᠶᠡᠭᠡ ᠬᠠᠶᠢᠷ᠎ᠡ ᠶᠢ ᠬᠥᠷᠳᠡᠭᠰᠠᠠ ᠶᠤᠮ᠃ ᠲᠠᠷᠤᠢ ᠠᠪᠤ ᠡᠵᠢ ᠶᠢᠨ ᠬᠠᠶᠢᠷ᠎ᠠ ᠪᠤᠯᠤᠨ᠎ᠡ᠃        ᠠᠪᠤ ᠡᠵᠢ ᠮᠢᠨᠢ ᠪᠢᠳᠡᠡ ᠤ ᠰᠡᠤᠡᠬᠢᠯ ᠤᠨ ᠪᠤᠬᠳᠡ ᠠᠭᠤᠯᠨ ᠶᠤᠮᠰᠠᠠ᠃ ᠪᠢᠳᠡ ᠰᠥᠮᠪᠤᠷ ᠶᠡᠭᠡ ᠨᠥᠮᠤᠷᠢ  ᠳᠤ ᠨᠢ ᠰᠠᠯᠬᠢᠨ ᠪᠤᠷᠤᠭᠠᠨ ᠠᠴᠠ ᠲᠠᠯᠳᠠᠯᠠᠵᠤ᠂ ᠡᠰᠠᠠ ᠮᠡᠨᠳᠤ ᠠᠵᠤ ᠲᠥᠷᠤᠵᠤ ᠪᠠᠶᠢᠨ᠎ᠡ᠃ ᠠᠪᠤ ᠡᠵᠢ ᠮᠢᠨᠢ ᠠᠯᠠᠭ ᠬᠤᠷᠸ᠎ᠠ ᠶᠢᠨ ᠠᠯᠠᠭᠠᠨ ᠲᠡᠭᠡᠷ᠎ᠡ ᠥᠷ᠎ᠡ ᠪᠢᠳᠡᠡ ᠢ ᠪᠠᠨ ᠠᠷᠪᠠᠨ ᠥᠩᠭᠡ ᠪᠠᠷ ᠲᠤᠬᠯᠠᠭᠤᠯᠬᠤ ᠭᠡᠵᠤ ᠶᠠᠳᠠᠷᠠᠯ ᠵᠥᠳᠡᠷᠡᠯ ᠢᠶᠠᠨ ᠬᠠᠶᠢᠬᠤᠷᠤᠯ ᠦᠭᠡᠢ ᠠᠮᠢᠳᠤᠷᠠᠯ ᠤᠨ ᠪᠡᠷᠭᠡ ᠬᠠᠳᠠᠭᠤ ᠲᠠᠪᠠᠭ᠎ᠠ ᠶᠢ ᠲᠠᠪᠠᠨ ᠵᠢᠤᠨᠬᠦᠵᠤ ᠪᠤᠢ᠃ ᠠᠴᠢᠯᠠᠯ ᠤᠨ ᠰᠢᠳᠤᠭᠡᠨ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠠᠭᠤᠤ ᠶᠡᠭᠡ ᠬᠠᠶᠢᠷ᠎ᠠ ᠶᠢ ᠭᠡᠷᠬᠢᠨ ᠬᠠᠷᠢᠭᠤᠯᠬᠤ ᠪᠢᠯᠨ︖ ᠡᠷᠳᠡᠮ ᠮᠡᠳᠡᠯᠭᠡ ᠪᠠᠨ ᠰᠠᠶᠢᠨ ᠰᠤᠷᠴᠤ᠂ ᠠᠮᠵᠢᠯᠳᠡ ᠪᠥᠳᠤᠭᠡᠯ ᠤᠨ ᠴᠡᠴᠡᠭ ᠢᠶᠠᠷ ᠮᠢᠯᠢᠶᠠᠯᠭᠠᠵᠤ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠡᠯᠰᠡᠭᠳᠡᠭᠰᠠᠠ ᠮᠡᠳᠡᠭᠳᠡᠯ ᠤᠨ ᠪᠢᠴᠢᠭ   ᠢᠶᠠᠨ ᠲᠤᠰᠴᠤ ᠪᠠᠶᠢᠪᠠᠯ ᠠᠪᠤ ᠡᠵᠢ ᠮᠢᠨᠢ ᠯᠠᠪ ᠮᠠᠩᠨᠠᠢ ᠲᠠᠨᠠᠶᠢᠨ ᠪᠠᠶᠠᠷᠯᠠᠬᠤ ᠪᠠᠶᠢᠬᠤ ᠡ︕         ᠬᠥᠭᠡᠷᠤᠬᠦᠢ︕ ᠠᠪᠤ ᠡᠵᠢ ᠶᠢᠨ ᠰᠡᠤᠡᠬᠢᠯ ᠭᠡᠵᠤ ᠡᠭᠡᠨᠡᠭᠳᠡ ᠥᠷ᠎ᠠ ᠶᠢᠨ ᠢᠶᠠᠨ ᠲᠥᠯᠤᠭᠡ ᠲᠠᠳᠠᠯᠳᠤᠬᠤ ᠶᠤᠮ ᠳ᠋ᠠ︕         ᠵᠢᠮ᠎ᠡ ᠬᠠᠤᠯᠢ ᠶᠢ ᠰᠤᠪᠢᠨ ᠠᠯᠢᠪᠠ ᠶᠢ ᠰᠤᠨᠢᠭᠤᠴᠢᠯᠠᠳᠠᠭ ᠬᠥᠮᠤᠨ ᠤ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭ᠎ᠠ ᠪᠠ ᠬᠠᠶᠢᠷ᠎ᠠ ᠰᠡᠤᠡᠬᠢᠯ ᠭᠡᠵᠤ ᠬᠠᠷᠢᠯᠴᠠᠠ ᠶᠠᠪᠤᠯᠴᠠᠬᠤ ᠲᠤᠮᠳᠡ ᠪᠤᠢ ᠪᠤᠯᠳᠠᠭ᠃ ᠭᠡᠪᠡᠴᠤ ᠡᠴᠢᠭᠡ ᠬᠥᠤ᠂ ᠡᠭᠡ ᠭᠡᠤᠭᠡᠤᠨ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠶᠢᠷ᠎ᠠ ᠰᠡᠤᠡᠬᠢᠯᠭᠡ ᠨᠢ ᠪᠤᠳᠠᠰᠴᠢ ᠤᠷᠤᠰᠢᠬᠤᠢ ᠡᠬᠢ ᠡᠬᠦᠰᠤᠯ ᠤᠨ ᠤᠷᠭᠠᠨᠢᠭ ᠴᠤᠬᠴᠠ᠂ ᠶᠠᠭᠤᠨ ᠠᠴᠠ ᠴᠦ ᠨᠢᠬᠳᠡ᠂ ᠠᠯᠤᠰ ᠭᠡᠳᠤ ᠶᠢᠨ ᠬᠥᠰᠡᠯ ᠤᠢ ᠳᠤ ᠰᠠᠭᠤᠷᠢᠯᠠᠬᠳᠠᠵᠤ᠂ ᠮᠥᠩᠭᠡ ᠪᠠᠷᠢᠯᠳᠤᠯᠭ᠎ᠠ ᠲᠠᠢ ᠪᠠᠶᠢᠳᠠᠭ ᠠᠵᠤᠭᠤ᠃         ᠪᠠᠭᠰᠢ ᠬᠥᠮᠤᠨ ᠪᠤᠯ ᠶᠠᠭ ᠪᠢᠳᠡᠡ ᠤ ᠠᠪᠤ ᠡᠵᠢ ᠲᠠᠢ ᠠᠳᠠᠯᠢᠬᠠᠨ᠂ ᠪᠢᠳᠡᠡ ᠳᠤ ᠬᠥᠮᠤᠨ ᠪᠤᠯᠬᠤ ᠶᠤᠰᠤ ᠤᠴᠢᠷ ᠢ ᠵᠢᠭᠠᠨ᠂ ᠬᠥᠯ ᠢ ᠮᠢᠨᠢ ᠲᠥᠷᠤᠭᠡᠨ ᠳᠤ᠂ ᠭᠠᠷ ᠢ ᠮᠢᠨᠢ ᠭᠠᠨᠵᠤᠭᠠᠨ ᠳᠤ ᠬᠥᠷᠭᠡᠵᠤ᠂ ᠬᠥᠮᠤᠨ ᠤ ᠵᠡᠷᠭᠡ  ᠳᠤ ᠬᠥᠷᠤᠬᠦᠯᠵᠤ᠂ ᠰᠤᠷᠤᠯᠭ᠎ᠠ ᠠᠮᠢᠳᠤᠷᠠᠯ ᠤᠨ ᠲᠠᠯ᠎ᠠ ᠪᠠᠷ ︽ᠴᠠᠮᠬᠠᠭ︾ ᠪᠤᠯᠤᠨ ᠪᠢᠳᠡᠡ ᠢ ᠵᠢᠭᠠᠨ ᠵᠢᠯᠤᠭᠤᠤᠨᠴᠤ ᠶᠠᠪᠤᠨ᠎ᠡ᠃ ᠡᠶᠢᠮᠤ ᠠᠴᠠ ᠠᠷᠠᠤᠨ ᠤᠨ ᠪᠠᠭᠰᠢ ᠡᠨ᠋ᠨ ᠲᠡᠯᠡᠭᠡᠢ ᠳᠤ ᠬᠠᠮᠤᠭ ᠤᠨ ᠠᠭᠤᠤ ᠶᠡᠭᠡ ᠬᠥᠮᠤᠨ ᠭᠡᠵᠤ ᠪᠢ ᠪᠤᠳᠤᠨ᠎ᠡ᠃         ᠡᠬᠦᠨ ᠳᠤ ᠪᠢ ᠥᠪᠡᠷ ᠤᠨ ᠠᠩᠬᠢ ᠶᠢᠨ ᠪᠠᠭᠰᠢ — ᠨᠠᠷᠡᠨᠮᠠᠨᠳᠥᠯ᠎ᠠ ᠪᠠᠭᠰᠢ ᠪᠠᠷ ᠢᠶᠠᠨ ᠠᠪᠥᠭᠠᠤᠨ ᠬᠡᠯᠡᠪᠡᠯ᠂ ᠶᠤᠰᠤᠳᠡᠢ ᠴᠦ ᠥᠷᠤ ᠡᠪᠡᠳᠣᠮᠡᠷ ᠶᠤᠮ ᠰᠢᠤ︕ ᠡᠳᠣᠷ ᠰᠥᠨᠢ ᠦᠭᠡᠢ ᠣᠶᠢᠯᠡ ᠪᠠᠨ ᠥᠵᠡᠨ᠂ ᠥᠰᠣ  ᠪᠠᠨ ᠴᠠᠶᠢᠯᠭᠠᠨ᠂ ᠪᠢᠳᠡᠡ ᠤ ᠲᠥᠯᠣᠭᠡ ᠵᠢᠣᠨᠬᠦᠵᠤ᠂ ᠠᠷᠤ ᠭᠡᠷ ᠢᠶᠠᠨ ᠠᠷᠤ ᠳᠤ ᠪᠠᠨ ᠬᠠᠶᠠᠵᠤ᠂ ᠡᠷᠳᠡᠮ ᠢᠶᠠᠨ ᠪᠢᠳᠡᠡ ᠳᠤ ᠬᠠᠷᠡᠮ ᠦᠭᠡᠢ ᠵᠤᠷᠢᠭᠤᠯᠤᠨ᠂ ᠬᠥᠮᠣᠨ ᠠᠴᠠ ᠲᠣᠣᠷ᠎ᠡ ᠶᠠᠪᠤᠭᠤᠯᠬᠤ ᠦᠭᠡᠢ ᠭᠡᠵᠤ ᠮᠠᠷᠡᠶᠢᠵᠤ ᠪᠠᠶᠢᠬᠤ  ᠳᠤ᠂ ᠪᠢᠳᠡᠡ ᠤ ᠬᠢᠨᠢ ᠵᠠᠷᠢᠮ ᠨᠢ ᠬᠠᠷᠢᠨ᠄ ︽ᠭᠡᠵᠢᠶᠡᠳᠡ ᠪᠢᠳᠡᠡ ᠢ ᠵᠠᠩᠳᠤᠷᠴᠤ ᠵᠠᠬᠢᠷᠤᠭᠠᠤᠨ᠂ ᠪᠢᠳᠡ ᠶᠠᠮᠠᠷ ᠵᠠᠩᠨᠠᠭᠤᠯᠬᠤ ᠪᠠᠷ ᠢᠷᠡᠴᠢᠭᠡᠪᠡ ᠤᠤ︖ ᠰᠤᠷᠬᠤ ᠪᠠᠷ ᠢᠷᠡᠭᠰᠠᠠ ᠪᠢᠰᠢ︕ ᠶᠠᠩᠰᠢᠶ᠎ᠡ ᠨᠢ ᠭᠡᠵᠤ ᠳ᠋ᠠ︕ ᠭᠡᠷᠡᠭ ᠡ ︕ ᠭᠡᠷᠡᠭ ᠁︾ ᠭᠡᠵᠤ ᠡᠯᠳᠡᠪ ᠡᠰᠠᠠ ᠢᠶᠠᠷ ᠭᠡᠯᠡᠵᠤ᠂ ᠪᠠᠭᠰᠢ ᠶᠢ ᠪᠠᠨ ᠵᠢᠭᠠᠬᠠᠨ ᠴᠦ ᠤᠶᠢᠯᠠᠭᠠᠬᠤ ᠦᠭᠡᠢ ᠠᠭᠠᠰᠢᠯᠠᠳᠠᠭ᠃ ᠡᠨ᠋ᠨ ᠤᠶᠢᠯᠨ ᠠᠵᠢᠯᠯᠠᠭ᠎ᠠ ᠴᠥᠮ ᠪᠤᠷᠤᠭᠤ ᠶᠤᠮ᠃ ᠪᠠᠭᠰᠢ ᠪᠠᠨ ᠪᠢᠳᠡ ᠬᠥᠨᠳᠤᠯᠠᠵᠤ᠂ ᠬᠠᠶᠢᠷᠠᠯᠠᠵᠤ ᠶᠠᠪᠤᠬᠤ ᠭᠡᠷᠡᠭᠳᠡᠢ᠃ ᠬᠠᠷᠢᠨ ᠪᠤᠷᠤᠭᠤ ᠪᠠᠷ ᠤᠶᠢᠯᠠᠭᠠᠨ᠂ ᠰᠠᠶᠢᠨ ᠰᠠᠶᠢᠬᠠᠨ ᠰᠠᠨᠠᠭ᠎ᠠ ᠰᠡᠤᠡᠬᠢᠯ ᠤᠨ ᠬᠢᠨᠢ ᠥᠭᠡᠳᠡ ᠠᠴᠠ ᠬᠥᠢᠳᠡᠡ ᠤᠰᠤ ᠰᠠᠴᠤᠵᠤ ᠶᠠᠪᠤᠵᠤ ᠪᠤᠯᠬᠤ ᠦᠭᠡᠢ᠃ ᠪᠢᠴᠢᠭ ᠥᠰᠤᠭ᠌ ᠨᠢᠳᠤᠯᠠᠵᠤ᠂ ᠪᠢᠯᠢᠭ  ᠤᠨ ᠡᠬᠦᠳᠡ ᠪᠠᠨ ᠨᠡᠭᠡᠭᠡᠭᠰᠠᠠ ᠢᠶᠠᠷ ᠤᠯᠠᠨ ᠲᠠᠢ ᠪᠠᠨ ᠮᠥᠷᠤ ᠵᠡᠷᠭᠡᠴᠡᠡ ᠥᠭᠡᠳᠡ ᠲᠠᠢ ᠥᠩᠭᠡ ᠲᠠᠢ ᠪᠠᠶᠢᠭ᠎ᠠ ᠨᠢ ᠡᠷᠳᠡᠮᠳᠤ ᠤᠯᠠᠨ ᠪᠠᠭᠰᠢ ᠨᠠᠷ ᠤᠨ ᠮᠢᠨᠢ ᠠᠴᠢ ᠭᠠᠪᠢᠶ᠎ᠡ ᠮᠥᠨ᠃         ᠶᠡᠷᠤ ᠨᠢ ᠠᠭᠤᠳᠠᠮ ᠰᠠᠷᠠᠭᠤᠯ ᠬᠤᠢ ᠨᠤᠳᠤᠭ ᠲᠤ ᠠᠷᠠᠤᠨ ᠤᠨ ᠪᠠᠭᠰᠢ ᠤᠯᠠᠨ ᠪᠠᠶᠢᠯ᠎ᠠ ᠴᠦ ᠤᠭᠤᠷᠠᠭ ᠲᠠᠷᠢᠬᠢ ᠪᠠᠨ ᠰᠢᠪᠬᠠᠨ ᠪᠠᠶᠢᠵᠤ᠂ ᠪᠢᠳᠡᠡ ᠤ ᠲᠥᠯᠤᠭᠡ ᠵᠠᠵᠢ ᠶᠢᠨ ᠥᠰᠤ ᠪᠠᠨ ᠴᠠᠶᠢᠳᠠᠯ᠎ᠠ ᠶᠠᠪᠤᠬᠰᠠᠠ ᠪᠠᠭᠰᠢ ᠪᠤᠯ ᠬᠤᠷᠸ᠎ᠠ ᠳᠤ ᠭᠠᠭᠴᠠᠬᠠᠨ᠂ ᠬᠠᠶᠢᠷ᠎ᠠ ᠶᠢᠨ ᠪᠥᠷᠢᠯᠸ᠎ᠠ — ᠮᠢᠨᠤ ᠨᠠᠷᠠᠨᠮᠠᠨᠳᠤᠯ᠎ᠠ ᠪᠠᠭᠰᠢ ᠮᠢᠨᠢ ᠪᠠᠶᠢᠯ᠎ᠠ᠃         ᠠᠢ︕ ᠤᠳᠤ ᠶᠢᠨ ᠨᠠᠶᠢᠭᠡᠮ ᠲᠡᠭᠡᠷ᠎ᠡ ᠡᠳᠡᠭᠡᠷ ᠥᠵᠡᠭᠳᠡᠯ ᠵᠥᠩᠳᠡᠭᠡᠨ ᠤᠷᠤᠰᠢᠬᠤ ᠪᠤᠯᠤᠯ᠎ᠠ᠃ ᠡᠳᠡᠭᠡᠷ ᠪᠤᠯ ᠪᠢᠳᠡᠡ ᠤ ᠲᠡᠭᠡᠳᠤ ᠵᠡᠷᠭᠡ ᠶᠢᠨ ᠠᠮᠢᠳᠡᠡ ᠳᠤ ᠥᠯᠤ ᠵᠤᠬᠢᠴᠠᠬᠤ ᠮᠥᠷᠳᠡᠭᠡᠨ ᠬᠢᠪᠡᠰᠤ ᠥᠯᠤ ᠲᠤᠬᠢᠷᠠᠬᠤ ᠵᠤᠶᠢᠯ ᠪᠤᠯᠤᠨ᠎ᠡ᠃         ︽ᠬᠥᠨᠳᠤᠤᠡᠭᠡᠯ ᠪᠤᠯ ᠬᠠᠶᠢᠷ᠎ᠠ ᠮᠥᠨ᠃ ᠬᠥᠨᠳᠤᠤᠡᠭᠡᠯ ᠠᠴᠠ ᠬᠠᠶᠢᠷ᠎ᠠ ᠡᠬᠦᠰᠳᠡᠭ᠃︾ ᠡᠶᠢᠮᠤ ᠠᠴᠠ ᠪᠢᠳᠡ ᠬᠥᠮᠤᠨ ᠢ ᠬᠥᠨᠳᠤᠤᠡᠭᠡᠵᠤ ᠴᠢᠳᠡᠮᠠᠨᠵᠢᠨ ᠰᠠᠶ᠋ᠢ ᠬᠥᠮᠤᠨ ᠤ ᠬᠠᠶᠢᠷ᠎ᠠ ᠶᠢ ᠤᠯᠵᠤ ᠴᠢᠳᠡᠨ᠎ᠡ᠃ ᠠᠷᠢᠭᠤᠨ ᠰᠠᠶᠢᠬᠠᠨ ᠬᠠᠶᠢᠷ᠎ᠠ ᠰᠡᠤᠡᠬᠢᠯᠭᠡ ᠨᠢ ᠪᠤᠰᠤᠤᠨ ᠢ ᠰᠡᠤᠡᠬᠢᠯ ᠤᠨ ᠵᠤᠪᠠᠯᠠᠩ ᠳᠤ ᠤᠨᠠᠭᠠᠨ ᠲᠠᠮᠤᠯᠠᠳᠠᠭ ᠦᠭᠡᠢ᠂ ᠬᠠᠷᠢᠨ ᠬᠥᠮᠤᠨ ᠤ ᠲᠥᠯᠤᠭᠡ ᠥᠪᠠᠷ ᠢ ᠪᠠᠨ ᠵᠤᠪᠠᠭᠠᠳᠠᠭ ᠲᠠᠪᠢᠯᠠᠩ ᠲᠠᠢ ᠪᠢᠯᠨ᠃         ᠪᠢᠳᠡ ᠬᠥᠮᠤᠨ ᠢ ᠬᠥᠨᠳᠤᠤᠡᠭᠡᠵᠤ᠂ ᠬᠥᠮᠤᠨ ᠢ ᠬᠠᠶᠢᠷᠠᠯᠠᠵᠤ ᠶᠠᠪᠤᠪᠠᠯ ᠰᠠᠶ᠋ᠢ ᠤᠷᠴᠢᠯᠠᠩ ᠶᠢᠷᠳᠢᠨᠴᠤ ᠬᠠᠶᠢᠷ᠎ᠠ ᠪᠠᠷ ᠪᠢᠯᠬᠠᠨ᠎ᠡ᠃         ᠪᠢᠳᠡᠡ ᠤ ᠬᠢᠪᠡᠰᠤ ᠵᠤᠬᠢᠬᠤ ᠶᠠᠪᠤᠳᠠᠯ ᠭᠡᠪᠠᠯ ᠬᠠᠮᠳᠤ ᠨᠥᠬᠦᠤᠨ ᠡᠪᠡᠤᠡᠴᠢᠯᠠᠭᠰᠠᠠ ᠪᠤᠯ ᠲᠠᠷᠤᠢ ᠳᠤ ᠡᠮ ᠠᠪᠴᠤ ᠤᠤᠭᠤᠯᠭᠠᠬᠤ᠂ ᠲᠠᠨᠢᠳᠠᠭ ᠴᠦ ᠪᠤᠯᠤᠭ᠂ ᠲᠠᠨᠢᠬᠤ ᠦᠭᠡᠢ ᠴᠦ ᠪᠤᠯᠤᠭ ᠬᠥᠴᠢᠷ ᠲᠤᠯᠭᠠᠷᠠᠵᠤ ᠪᠠᠶᠢᠭ᠎ᠠ ᠥᠶ᠎ᠡ ᠳᠤ ᠨᠢ ᠲᠠᠮᠵᠢᠵᠤ ᠲᠤᠰᠠᠯᠠᠬᠤ᠂ ᠨᠥᠬᠦᠤᠨ ᠤᠨ ᠮᠢᠨᠢ ᠨᠤᠮ᠂ ᠪᠢᠷ ᠵᠡᠷᠭᠡ ᠨᠢ ᠭᠠᠵᠠᠷ ᠤᠨᠠᠬᠰᠠᠠ ᠪᠤᠯ ᠠᠪᠴᠤ ᠦᠭᠬᠦ᠂ ᠲᠤᠤᠷ᠎ᠠ ᠠᠩᠬᠢ ᠶᠢᠨ ᠲᠠᠬᠦᠤ ᠨᠠᠷ ᠲᠤ ᠪᠠᠨ ᠨᠠᠶᠢᠷ ᠲᠠᠯᠪᠢᠵᠤ᠂ ᠬᠠᠪᠰᠤᠷᠴᠤ ᠬᠠᠷᠠᠭᠠᠯᠵᠠᠵᠤ ᠶᠠᠪᠤᠬᠤ ᠁ ᠵᠡᠷᠭᠡ ᠪᠤᠯᠤᠨ᠎ᠡ᠃         ᠡᠨ᠋ᠨ ᠪᠥᠬᠦᠨ ᠪᠤᠯ ᠪᠥᠷ ᠬᠥᠮᠤᠨ ᠲᠥᠷᠤᠯᠬᠢᠳᠡᠡ ᠳᠤ ᠬᠠᠨᠳᠢᠪᠯᠠᠵᠤ ᠪᠠᠶᠢᠭ᠎ᠠ ᠥᠭᠡ ᠲᠠᠭᠤᠨ ᠦᠭᠡᠢ ᠬᠠᠶᠢᠷ᠎ᠠ ᠪᠤᠯᠤᠨ᠎ᠡ᠃         ᠵᠠᠷᠢᠮ ᠨᠢ ᠪᠠᠰᠠ ᠬᠠᠮᠤᠭ ᠤᠨ ᠨᠠᠭᠠᠳᠤ ᠵᠠᠬ᠎ᠠ ᠳᠤ ᠪᠠᠨ ᠥᠪᠠᠷ ᠤᠨ ᠲᠥᠷᠤᠵᠤ ᠥᠰᠤᠭ᠍ᠰᠠᠠ ᠨᠤᠳᠤᠭ  ᠢᠶᠠᠨ ᠪᠠᠰᠠ ᠬᠠᠶᠢᠷᠠᠯᠠᠬᠤ ᠦᠭᠡᠢ᠂ ᠴᠡᠴᠡᠭ ᠡᠪᠡᠰᠤ ᠶᠢ ᠲᠤᠷ᠎ᠠ ᠪᠠᠷ ᠬᠢᠰᠬᠢᠯᠠᠵᠤ᠂ ᠬᠤᠭ ᠨᠤᠪᠰᠢ ᠶᠢ ᠲᠤᠷ᠎ᠠ ᠪᠠᠷ ᠬᠠᠶᠠᠵᠤ ᠪᠠᠶᠢᠨ᠎ᠡ᠃ ᠦᠭᠡᠢ ᠶᠠᠷᠤ ᠨᠢ ᠨᠤᠳᠤᠬᠰᠠᠭ ᠬᠠᠶᠢᠷ᠎ᠠ ᠰᠡᠤᠡᠬᠢᠯᠭᠡ ᠲᠠᠢ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ ᠤᠤ︖ ᠨᠤᠳᠤᠭ ᠪᠤᠯ ᠶᠠᠭ ᠲᠠᠠ ᠤ ᠡᠵᠢ ᠰᠢᠭ᠂ ᠲᠠᠠ ᠢ ᠪᠥᠤᠪᠠᠶᠢᠯᠠᠨ ᠥᠰᠭᠡᠵᠤ ᠢᠷᠡᠭᠰᠠᠠ᠂ ᠨᠤᠳᠤᠭ ᠤᠨ ᠢᠶᠠᠨ ᠲᠤᠷᠭᠠᠨ ᠬᠥᠷᠤᠰᠤᠨ ᠳᠤ ᠲᠠ ᠥᠰᠤᠨ ᠲᠤᠷᠨᠢᠵᠤ ᠬᠥᠮᠤᠨ ᠪᠤᠯᠵᠤ ᠢᠷᠡᠭᠰᠠᠠ᠃         ᠨᠤᠳᠤᠭ ᠡᠵᠡᠡ ᠢᠶᠠᠨ ᠢᠪᠡᠭᠡᠳᠡᠭ ᠶᠤᠮ᠃ ᠭᠠᠵᠠᠷ ᠤᠰᠤᠨ ᠤ ᠪᠠᠨ ᠢᠪᠡᠭᠡᠯ ᠳᠤ ᠠᠮᠢᠳᠤᠷᠠᠯ ᠥᠭᠡᠳᠡᠯᠡᠬᠦᠯᠵᠤ᠂ ᠬᠥᠮᠤᠨ ᠵᠤᠨ ᠤ ᠠᠶᠠᠠ ᠳᠤ ᠠᠴᠢᠶ᠎ᠡ ᠲᠡᠩᠴᠡᠬᠦᠯᠤᠨ ᠭᠤᠯᠤᠮᠳᠡ ᠪᠠᠨ ᠲᠥᠷᠡᠯᠵᠢᠬᠦᠯᠤᠨ ᠶᠠᠪᠤᠵᠤ ᠪᠠᠶᠢᠭ᠎ᠠ ᠪᠢᠳᠡ ᠨᠠᠷ ᠨᠤᠳᠤᠬᠰᠠᠭ ᠬᠠᠶᠢᠷ᠎ᠠ ᠰᠡᠤᠡᠬᠢᠯᠭᠡ ᠪᠠᠶᠢᠬᠤ ᠴᠢᠬᠤᠯᠨ ᠲᠠᠢ᠃         ︽ᠨᠤᠳᠤᠬᠰᠠᠭ ᠬᠠᠶᠢᠷ᠎ᠠ ᠰᠡᠤᠡᠬᠢᠯᠭᠡ ᠪᠤᠯ ᠮᠤᠩᠭᠤᠯᠴᠤᠤᠨ ᠤᠨ ᠬᠠᠶᠢᠷ᠎ᠠ ᠰᠡᠤᠡᠬᠢᠯᠭᠡ ᠶᠢᠨ ᠶᠠᠷᠤᠩᠭᠡᠢ ᠤᠨᠴᠠᠯᠢᠭ᠂ ᠴᠠᠭ ᠥᠶ᠎ᠡ ᠶᠢᠨ ᠡᠷᠢᠯᠬᠢᠯᠠᠯ᠂ ᠥᠷᠬᠦᠯᠵᠢᠯᠠᠨ ᠬᠥᠭᠵᠢᠵᠤ ᠮᠠᠨᠳᠤᠨ᠂ ᠥᠭᠡᠳᠡᠯᠡᠨ ᠴᠡᠴᠡᠭᠯᠡᠬᠦ ᠨᠠᠶᠢᠳᠡ  ᠶᠢᠨ ᠲᠤᠬᠳᠤᠯᠤᠯ᠂ ᠬᠠᠮᠳᠤ ᠶᠢᠨ ᠮᠠᠳᠡᠷᠡᠬᠦᠢ ᠮᠥᠨ᠃ ᠨᠤᠳᠤᠬᠰᠠᠭ ᠬᠠᠶᠢᠷ᠎ᠠ ᠰᠡᠤᠡᠬᠢᠯᠭᠡ ᠮᠤᠩᠭᠤᠯᠴᠤᠤᠨ ᠤᠨ ᠥᠴᠤᠭᠡᠳᠤᠷ ᠤᠨ ᠮᠥᠷ ᠲᠤ ᠲᠠᠬᠦᠨ ᠤ ᠤᠷᠤᠯᠠᠰᠢ ᠦᠭᠡᠢ ᠴᠢᠬᠤᠯᠨ ᠤᠶᠢᠯᠠᠳᠤᠯ ᠢᠶᠠᠨ ᠪᠠᠳᠠᠷᠠᠭᠤᠯᠤᠬᠰᠠᠠ ᠪᠥᠭᠡᠤᠨ ᠥᠨᠤᠳᠤᠷ᠂ ᠮᠠᠷᠭᠠᠰᠢ ᠶᠢᠨ ᠵᠠᠢ ᠳᠤ ᠥᠷᠬᠦᠯᠵᠢᠯᠠᠨ ᠲᠠᠬᠦᠨ ᠠᠴᠠ ᠰᠠᠯᠵᠤ ᠪᠤᠯᠤᠰᠢ ᠦᠭᠡᠢ ᠥᠪᠠᠷᠮᠢᠴᠠ ᠨᠢᠷᠤᠭᠤᠪᠴᠢ ᠤᠶᠢᠯᠡᠳᠤᠯ ᠢᠶᠠᠨ ᠪᠠᠳᠠᠷᠠᠭᠤᠯᠤᠨ ᠠᠯᠢ ᠪᠡᠷᠭᠡ ᠬᠥᠴᠢᠷ ᠲᠠᠢ ᠥᠶ᠎ᠡ᠂ ᠡᠰᠡᠬᠦᠯ᠎ᠠ ᠨᠠᠶᠢᠭᠡᠮ ᠲᠥᠷᠤ ᠶᠢᠨ ᠰᠢᠯᠢᠯᠳᠡ ᠰᠤᠩᠭᠤᠯᠳᠡ ᠬᠢᠬᠦ ᠥᠶ᠎ᠡ ᠳᠤ ᠨᠤᠳᠤᠬᠰᠠᠭ ᠬᠠᠶᠢᠷ᠎ᠠ ᠰᠡᠤᠡᠬᠢᠯᠭᠡ ᠶᠠᠷᠤ ᠨᠢ ᠵᠠᠩᠬᠢᠯᠠᠭ᠎ᠠ ᠶᠢᠨ ᠤᠶᠢᠯᠠᠳᠤᠯ  ᠢᠶᠠᠨ ᠪᠠᠳᠠᠷᠠᠭᠤᠯᠵᠤ᠂ ᠵᠤᠷᠢᠭ ᠰᠠᠨᠠᠭᠠᠨ ᠤ ᠴᠥᠮ᠎ᠡ᠂ ᠥᠵᠡᠯ ᠪᠤᠳᠤᠯ ᠤᠨ ᠲᠤᠯᠭᠠᠭᠤᠷᠢᠯᠠᠬᠤ ᠬᠥᠴᠤᠨ ᠪᠤᠯᠤᠬᠰᠠᠭᠠᠷ ᠢᠷᠡᠭᠰᠠᠠ ᠶᠤᠮ᠃︾ ᠡᠭᠡ ᠨᠤᠳᠤᠭ ᠭᠡᠵᠤ ᠨᠢᠭᠡ ᠬᠥᠮᠤᠨ ᠤ ᠡᠵᠢ ᠲᠠᠢ ᠠᠳᠠᠯᠢᠬᠠᠨ ᠥᠯᠤᠭᠡᠢ ᠪᠤᠶᠤ᠃ ᠥᠷ᠎ᠠ ᠶᠢᠨ ᠪᠥᠤᠪᠠᠢ ᠪᠠᠷ ᠪᠢᠳᠡᠨ ᠢ ᠲᠤᠷᠨᠢᠭᠤᠯᠵᠤ᠂ ᠬᠤᠷᠸ᠎ᠠ ᠲᠠᠨᠢᠭᠤᠯᠳᠠᠭ ᠶᠤᠮ᠃ ᠡᠶᠢᠮᠤ ᠠᠴᠠ ᠪᠢᠳᠡ ᠮᠤᠩᠭᠤᠯ ᠬᠥᠮᠤᠨ ᠪᠤᠯᠵᠤ ᠮᠤᠩᠭᠤᠯ ᠨᠤᠳᠤᠭ ᠲᠤ ᠪᠠᠨ ᠥᠰᠴᠤ ᠪᠤᠶᠢᠵᠢᠬᠰᠠᠠ ᠳᠤ ᠪᠠᠨ ᠨᠤᠳᠤᠭ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠬᠢᠮᠠᠭᠠᠳᠠᠵᠤ ᠶᠠᠪᠤᠬᠤ ᠭᠡᠷᠡᠭᠳᠡᠢ᠃         ︽ᠬᠠᠶᠢᠷ᠎ᠠ ᠪᠤᠯ ᠬᠠᠷᠠᠮ ᠦᠭᠡᠢ ᠥᠨᠠᠨᠴᠢᠭᠡᠨ ᠡᠷᠬᠦᠮᠵᠢ᠂ ᠬᠠᠶᠢᠷ᠎ᠠ ᠪᠤᠯ ᠬᠦᠮᠦᠨ ᠲᠥᠷᠤᠯᠬᠢᠳᠡᠡ ᠳᠤ ᠬᠠᠮᠤᠭ ᠤᠨ ᠭᠤᠶᠤᠬᠠᠨ ᠥᠭᠡ ᠶᠤᠮ ᠁︾ ᠭᠡᠵᠤ ᠪᠤᠶ᠋ᠨᠨᠪᠠᠳᠤ ᠭᠤᠸᠠᠢ ᠪᠠᠰᠠ ᠥᠬᠦᠯᠡᠭᠰᠠᠠ ᠪᠠᠶᠢᠳᠠᠭ᠃         ᠲᠠᠶᠢᠮᠤ ᠡ︕ ᠬᠠᠶᠢᠷ᠎ᠠ ᠪᠤᠯ ᠡᠷᠬᠢᠮ ᠲᠡᠭᠡᠳᠤ ᠪᠠᠶᠢᠳᠠᠭ᠃ ᠬᠠᠶᠢᠷ᠎ᠠ ᠪᠤᠯ ᠶᠢᠷᠳᠢᠨᠴᠤ ᠶᠢᠨ ᠬᠠᠮᠤᠭ ᠤᠨ ᠭᠤᠶᠤ ᠵᠤᠶᠢᠯ᠃ ᠬᠠᠶᠢᠷ᠎ᠠ ᠪᠠᠶᠢᠬᠤ ᠠᠴᠠ ᠪᠤᠯᠵᠤ ᠠᠮᠢᠳᠤᠷᠠᠯ ᠭᠤᠶᠤᠵᠢᠳᠠᠭ᠃ ᠶᠠᠭ ᠡᠶᠢᠮᠤ ᠠᠴᠠ — ᠠᠮᠢᠳᠤᠷᠠᠯ ᠬᠠᠶᠢᠷ᠎ᠠ ᠲᠡᠭᠡᠷ᠎ᠡ ᠲᠤᠬᠳᠠᠳᠠᠭ᠃         ᠬᠤᠷᠸ᠎ᠠ ᠭᠡᠵᠤ ᠰᠡᠤᠡᠬᠢᠯ ᠤᠨ ᠬᠠᠯᠠᠭᠠᠰᠤ᠂ ᠬᠠᠶᠢᠷ᠎ᠠ ᠶᠢᠨ ᠪᠠᠭᠳᠠᠭᠠᠮᠵᠢ ᠪᠢᠯᠨ᠃ ᠡᠵᠡᠩᠨᠠᠵᠤ ᠶᠠᠪᠤᠬᠤ ᠡᠷᠭᠡ ᠨᠢ ᠬᠥᠮᠤᠨ ᠪᠥᠬᠦᠨ ᠤ ᠤᠬᠠᠭᠠᠨ ᠰᠠᠨᠠᠭᠠᠨ ᠳᠤ ᠤᠷᠤᠰᠢᠬᠤᠢ᠃         ᠬᠠᠶᠢᠷ᠎ᠠ ᠪᠤᠯ ᠲᠡᠭᠷᠢ ᠶᠢᠨ ᠲᠤᠤᠷᠠᠬᠢ ᠬᠠᠮᠤᠭ ᠶᠡᠭᠡ ᠵᠤᠯ ᠵᠢᠷᠭᠠᠯ᠃ ᠬᠠᠶᠢᠷ᠎ᠠ ᠪᠤᠯ ᠬᠥᠮᠤᠨ ᠤ ᠬᠤᠷᠸ᠎ᠠ  ᠶᠢᠨ ᠬᠠᠮᠤᠭ ᠭᠤᠶᠤ ᠲᠠᠯ᠎ᠠ ᠨᠤᠳᠤᠭ ᠶᠤᠮᠰᠠᠠ᠃         ᠬᠠᠶᠢᠷ᠎ᠠ ᠭᠡᠳᠡᠭ ᠬᠤᠷᠸ᠎ᠠ ᠶᠢᠨ ᠬᠥᠮᠤᠰ ᠢ ᠬᠤᠯᠪᠤᠵᠤ ᠲᠠᠯᠪᠢᠳᠠᠭ ᠬᠤᠪᠤᠷᠬᠠᠨ ᠠᠵᠠ ᠵᠢᠷᠭᠠᠯ ᠪᠠᠶᠢᠪᠠᠤ︕         ᠬᠠᠶᠢᠷ᠎ᠠ —  ᠬᠤᠷᠸ᠎ᠠ ᠶᠢᠷᠳᠢᠨᠴᠤ ᠶᠢᠨ ᠮᠥᠩᠭᠡ ᠶᠢᠨ ᠢᠪᠡᠭᠡᠯ ᠡ︕         ᠬᠠᠶᠢᠷ᠎ᠠ ᠪᠠᠷ ᠮᠥᠩᠭᠡᠷᠡᠬᠦ ᠬᠥᠮᠤᠨ ᠤ ᠬᠤᠷᠸ᠎ᠠ ᠨᠢᠭᠡᠨ ᠪᠠᠶᠠᠰᠤᠯ ᠰᠠᠠ︕ ᠬᠥᠮᠤᠨ ᠤ ᠬᠤᠷᠸ᠎ᠠ ᠳᠤ ᠬᠠᠶᠢᠷ᠎ᠠ ᠪᠠᠷ ᠮᠥᠩᠭᠡᠷᠡᠬᠦ ᠨᠢᠭᠡᠨ ᠵᠢᠷᠭᠠᠯ ᠰᠠᠠ︕        ᠬᠠᠶᠢᠷ᠎ᠠ ᠪᠠᠷ ᠲᠡᠷᠭᠡᠯᠰᠢᠬᠦ ᠬᠤᠷᠸ᠎ᠠ ᠭᠡᠵᠤ ᠁
  
ᠢᠷᠡᠯᠲᠡ᠄ ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢᠨ ᠁
ᠭᠡᠨᠡᠨ ᠨᠢ ᠡᠮᠤᠨ᠎ᠡ ᠪᠠᠨ᠁
《ᠰᠡᠳᠬᠢᠯ ᠤᠨ ᠵᠠᠩᠭᠢᠷᠠᠭ᠎ᠠ ᠶᠢ ᠠᠯᠳᠠᠷᠠᠭᠠᠵᠤ ᠂ ᠬᠠᠶᠢᠷ᠎ᠠ ᠬᠠᠯᠠᠮᠵᠢ ᠬᠦᠷᠳᠡᠭᠡᠨ᠂ ᠦᠨᠳᠤᠰᠤᠳᠡᠨ ᠤ ᠪᠦᠯᠬᠦᠮᠳᠡᠯ ᠁
ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠭᠠᠴᠠᠭ᠎ᠠ ᠪᠤᠯᠭᠠᠨ ᠳᠤ ᠬᠡᠤᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠠᠢ ᠪᠤᠯᠪᠠ
ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠠᠮᠤᠷ ᠲᠦᠪᠰᠢᠨ ᠤ ᠬᠦᠮᠦᠵᠢᠯ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05010860号