| ᠬᠤᠪᠣᠭᠤ ᠭᠠᠴᠠᠭᠠᠨ ᠤ ᠰᠣᠷᠭᠠᠭᠤᠯᠢ | ᠨᠢᠭᠡ᠄ ᠰᠣᠷᠭᠠᠭᠤᠯᠢ ᠠᠩᠬᠠ ᠪᠠᠶᠢᠭᠤᠯᠣᠭᠳᠠᠭᠰᠠᠨ | ᠬᠤᠪᠣᠭᠤ ᠰᠣᠷᠭᠠᠭᠤᠯᠢ ᠨᠢ ᠪᠣᠶᠢᠳᠠ ᠪᠥᠭᠯᠡᠭᠦᠥ ᠠᠭᠤᠯᠠᠷᠬᠠᠭ ᠣᠷᠣᠨ ᠤ ᠮᠠᠯᠴᠢᠳ ᠤᠨ ᠥᠪᠡᠷ ᠢᠶᠠᠨ | ᠪᠠᠶᠢᠭᠤᠯᠣᠭᠰᠠᠨ ᠪᠠᠭᠠ ᠰᠣᠷᠭᠠᠭᠤᠯᠢ ᠪᠣᠯᠬᠤ ᠶᠣᠮ᠃ | 1958 ᠣᠨ ᠳᠤ ᠬᠢᠴᠢᠶᠡᠯ ᠨᠡᠭᠡᠭᠡᠬᠦ ᠳᠤ ᠪᠠᠨ ᠪᠠᠭᠰᠢ ᠨᠢ ᠥᠪᠡᠷ ᠤᠨ ᠭᠡᠷ ᠲᠤ ᠪᠠᠨ ᠬᠢᠴᠢᠶᠡᠯ | ᠣᠷᠣᠵᠣ ᠠᠩᠬᠠᠨ ᠤ ᠬᠤᠭᠤᠴᠠᠭᠠ ᠶᠢ ᠥᠩᠭᠡᠷᠡᠭᠦᠯᠥᠭᠰᠡᠨ ᠪᠢᠯᠠ᠃ ᠲᠣᠰ ᠪᠠᠭᠰᠢ ᠪᠣᠯ ᠰᠸᠧᠡᠩᠵᠠᠮᠰᠤ ᠪᠤᠯᠤᠨᠠ᠃ | ᠠᠩᠬᠠ ᠡᠬᠢᠯᠡᠩᠭᠦᠲᠡ 11 ᠨᠡᠷᠡ ᠰᠣᠷᠣᠭᠴᠢ ᠲᠠᠢ᠃ 1959 — 1960 ᠣᠨ ᠤ ᠨᠠᠮᠣᠷ ᠪᠣᠯᠬᠤ ᠳᠤ | ᠰᠣᠷᠭᠠᠭᠤᠯᠢ ᠨᠢ ᠬᠢᠴᠢᠶᠡᠯᠯᠡᠬᠦ ᠭᠡᠷ ᠲᠠᠢ ᠪᠣᠯᠵᠠᠢ᠃ | 1960 ᠣᠨ ᠨᠢ 6 ᠰᠠᠷᠠ ᠶᠢᠨ 1 ᠳᠤ ᠠᠩᠬᠠ ᠣᠳᠠᠭᠠᠨᠣ ᠪᠠᠭᠠᠴᠣᠳ ᠤᠨ ᠬᠤᠰᠢᠭᠤᠴᠢ ᠠᠩᠭᠢ | ᠶᠢᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠯᠲᠠ ᠶᠢ ᠪᠠᠶᠢᠭᠤᠯᠵᠣ᠂ ᠪᠠᠭᠠᠴᠣᠳ ᠤᠨ ᠬᠤᠰᠢᠭᠤᠴᠢ ᠠᠩᠭᠢ ᠶᠢ ᠡᠯᠰᠡᠵᠡᠢ᠃ ᠨᠢᠭᠡ | ᠳᠣᠮᠳᠠ ᠠᠩᠭᠢ᠂ ᠲᠡᠷᠡ ᠥᠶᠡᠰ ᠲᠤ ᠫᠢᠦ᠋ᠨᠧᠷ ᠤᠨ ᠭᠡᠰᠢᠭᠦᠨ ᠭᠡᠳᠡᠭ᠃ | ᠬᠠᠪᠰᠣᠷᠣᠨ ᠵᠢᠯᠣᠭᠤᠳᠣᠭᠴᠢ᠄ ᠰᠸᠧᠡᠩᠵᠠᠮᠰᠤ᠃ ᠳᠣᠮᠳᠠ ᠠᠩᠭᠢ ᠶᠢᠨ ᠳᠠᠷᠤᠭᠠ᠄ ᠰᠠᠩᠵᠠᠪ ᠃ ᠪᠠᠭᠠ ᠠᠩᠭᠢ | ᠶᠢᠨ ᠳᠠᠷᠤᠭᠠ᠄ ᠪᠠᠭᠠ ᠮᠥᠳᠡᠨ ᠃ ᠲᠣᠭᠴᠢ᠄ ᠵᠠᠩᠰᠢᠯᠠᠢ ᠃ ᠬᠠᠮᠠᠭᠠᠯᠠᠭᠴᠢ᠄ ᠪᠠᠳᠮᠠᠭᠠᠷᠪᠥᠣ ᠃ ᠭᠡᠰᠢᠭᠦᠨ᠄ | ᠶᠡᠭᠡ ᠮᠥᠳᠡᠨ᠂ ᠪᠠᠳᠮᠠᠯᠢᠩᠬᠸᠠ | ᠬᠤᠪᠣᠭᠤ ᠪᠠᠷᠢᠭᠠᠳᠠ ᠨᠢ ᠮᠠᠯᠵᠢᠬᠤ ᠪᠠᠷ ᠭᠤᠣᠯᠯᠠᠵᠣ ᠪᠠᠶᠢᠭᠰᠠᠨ ᠣᠴᠢᠷ ᠠᠴᠠ ᠵᠣᠨ ᠤ ᠣᠯᠠᠷᠢᠯ ᠳᠤ | ᠲᠥᠪᠯᠡᠷᠡᠭᠦᠯᠥᠨ ᠬᠢᠴᠢᠶᠡᠯᠯᠡᠵᠥ ᠴᠢᠳᠠᠬᠤ ᠥᠭᠡᠢ ᠪᠠᠶᠢᠳᠠᠯ ᠳᠤ ︽ᠮᠣᠷᠢᠨ ᠳᠡᠭᠡᠷᠡᠬᠢ ᠰᠣᠷᠭᠠᠭᠤᠯᠢ︾ ᠶᠢ ᠪᠣᠢ | ᠪᠣᠯᠭᠠᠪᠠ᠃ ᠪᠠᠷᠢᠭᠠᠳᠠ ᠠᠴᠠ ᠪᠠᠭᠰᠢ ᠳᠤ ᠲᠣᠰᠬᠠᠢ ᠮᠣᠷᠢ ᠲᠣᠬᠢᠷᠠᠭᠤᠯᠣᠨ ᠥᠭᠴᠠᠢ᠃ ᠪᠠᠭᠰᠢ ᠠᠴᠠ ᠭᠠᠷᠠᠭ ᠤᠨ | 1᠂ 2᠂ 3 ᠪᠣᠯᠪᠠᠯ ᠬᠤᠲᠠ ᠪᠥᠷᠢ ᠶᠢᠨ ᠵᠢᠭᠠᠬᠤ ᠴᠢᠭ ᠲᠤ ᠬᠥᠷᠴᠥ ᠬᠢᠴᠢᠶᠡᠯᠯᠡᠳᠡᠭ᠃ ᠭᠠᠷᠠᠭ ᠤᠨ 4᠂ 5᠂ | 6 ᠳᠤ ᠪᠣᠯ ᠰᠠᠭᠤᠷᠢᠰᠢᠯ ᠡᠪᠥᠯᠵᠢᠶᠡᠨ ᠳᠠᠬᠢ ᠰᠣᠷᠣᠭᠴᠢᠳ ᠲᠤ ᠬᠢᠴᠢᠶᠡᠯᠯᠡᠳᠡᠭ᠃ | ᠪᠠᠭᠰᠢ ᠶᠢᠨ ᠴᠠᠯᠢᠩ ᠬᠥᠯᠥᠰᠥ ᠶᠢ ᠪᠠᠷᠢᠭᠠᠳᠠ ᠠᠴᠠ ᠡᠳᠥᠷ ᠪᠥᠷᠢ 8 ᠬᠤᠪᠢ ᠪᠠᠷ ᠪᠣᠳᠣᠵᠣ ᠵᠢᠯ ᠳᠤ | 2400 ᠬᠤᠪᠢ ᠲᠡᠮᠳᠡᠭᠯᠡᠵᠥ ᠥᠭᠳᠡᠭ᠃ ᠰᠣᠷᠭᠠᠭᠤᠯᠢ ᠨᠡᠶᠢᠲᠡ ᠶᠢᠨ ᠣᠴᠢᠷ ᠢᠶᠠᠷ ᠬᠤᠷᠠᠯ ᠴᠣᠭᠯᠠᠭᠠᠨ ᠳᠤ | ᠣᠴᠢᠪᠠᠯ ᠡᠳᠥᠷ ᠪᠥᠷᠢ 80 ᠮᠥᠩᠭᠦ ᠶᠢᠨ ᠨᠥᠬᠦᠪᠥᠷᠢ ᠥᠭᠴᠥ ᠲᠣᠰᠬᠠᠢ ᠬᠥᠮᠥᠨ ᠲᠣᠮᠢᠯᠠᠨ ᠮᠣᠷᠢ ᠪᠠᠷ ᠲᠣᠰᠴᠣ | ᠬᠥᠷᠭᠡᠳᠡᠭ᠃ ᠰᠣᠷᠭᠠᠭᠤᠯᠢ ᠶᠢᠨ ᠠᠯᠪᠠᠨ ᠵᠠᠷᠣᠳᠠᠯ ᠢ ᠠᠩᠭᠢ ᠨᠢᠭᠡᠴᠢ ᠶᠢᠨ ᠲᠤᠭᠠ ᠪᠠᠷ ᠰᠠᠷᠠ ᠪᠥᠷᠢ 10 | ᠲᠥᠭᠦᠷᠢᠭ ᠥᠭᠳᠡᠭ᠃ | ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠰᠣᠷᠭᠠᠭᠤᠯᠢ ᠪᠠᠨ ᠡᠷᠬᠢᠯᠡᠭᠰᠡᠨ | ᠲᠣᠬᠠᠢ ᠶᠢᠨ ᠥᠶᠡ ᠳᠤ ᠬᠤᠪᠣᠭᠤ ᠪᠠᠷᠢᠭᠠᠳᠠ ᠶᠢ ᠣᠷᠲᠣᠪᠣᠯᠠᠭ ᠭᠡᠵᠥ ᠨᠡᠷᠡᠶᠢᠳᠴᠥ ᠪᠠᠶᠢᠭᠰᠠᠨ ᠤ | ᠳᠡᠭᠡᠷᠡ᠂ ᠥᠪᠥᠷ ᠮᠣᠩᠭᠤᠯ ᠣᠷᠣᠨ ᠤ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠨᠢᠭᠡ ᠨᠢ ᠭᠡᠵᠥ ᠪᠠᠶᠢᠭᠰᠠᠨ ᠣᠴᠢᠷ ᠠᠴᠠ ︽ | ᠭᠤᠷᠪᠠᠨ ᠣᠯᠠᠭᠠᠨ ᠲᠤᠭ︾ ᠤᠨ ᠱᠠᠩᠨᠠᠯ ᠬᠥᠬᠢᠭᠦᠯᠥᠯ ᠢ ᠬᠥᠷᠲᠡᠵᠥ ᠪᠠᠶᠢᠵᠠᠢ᠃ ᠮᠠᠯ ᠠᠵᠣ ᠠᠬᠤᠢ ᠶᠢ | ᠬᠥᠨᠳᠥᠳᠭᠡᠵᠥ᠂ ᠲᠠᠷᠢᠶᠠᠯᠠᠬᠤ ᠶᠢ ᠳᠡᠳ᠋ᠯᠡᠭᠦᠯᠵᠣ ᠪᠠᠶᠢᠵᠠᠢ᠃ ᠰᠧ᠊ ᠪᠠᠭᠰᠢ ᠰᠣᠷᠣᠭᠴᠢᠳ ᠢᠶᠠᠨ ᠵᠣᠬᠢᠶᠠᠨ | ᠪᠠᠶᠢᠭᠤᠯᠵᠣ᠂ ᠳᠡᠭᠡᠰᠥᠨ ᠲᠠᠰᠣᠷᠬᠠᠢ᠂ ᠬᠠᠶᠠᠭᠳᠠᠮᠠᠯ ᠲᠡᠮᠥᠷ ᠴᠣᠬᠯᠠᠭᠤᠯᠬᠤ᠂ ᠬᠡᠭᠡᠷᠡ ᠶᠢᠨ ᠭᠥᠢᠯᠡᠰᠥ ᠲᠡᠭᠦᠬᠦ᠂ | ᠬᠢᠯᠠᠭᠠᠨᠠ ᠬᠠᠳᠣᠬᠤ᠂ ᠡᠪᠥᠯ ᠨᠢ ᠣᠷᠬᠠ ᠲᠣᠣᠷ ᠲᠠᠯᠪᠢᠬᠤ᠂ ᠢᠲᠣᠭᠤ ᠭᠤᠷᠭᠤᠣᠯ ᠠᠩᠨᠠᠵᠣ ᠬᠤᠳᠠᠯᠳᠣᠬᠤ ᠵᠡᠷᠭᠡ | ᠠᠵᠢᠯ ᠢ ᠬᠢᠵᠥ᠂ ᠵᠠᠷᠣᠳᠠᠯ ᠢᠶᠠᠨ ᠬᠠᠩᠭᠠᠵᠣ ︽ᠲᠣᠰᠠᠯᠠᠬᠤ ᠠᠵᠣ ᠠᠬᠤᠢ︾ ᠶᠢᠨ ᠡᠭᠦᠷᠭᠡ ᠪᠠᠨ ᠭᠥᠢᠴᠡᠳᠭᠡᠳᠡᠭ | ᠪᠠᠶᠢᠨᠠ᠃ | 1963ᠣᠨ ᠳᠤ ᠰᠢᠨᠡ ᠰᠣᠷᠣᠭᠴᠢ 9 ᠡᠯᠰᠡᠵᠥ᠂ ᠨᠢᠭᠡᠳᠥᠭᠡᠷ ᠣᠨ ᠭᠡᠵᠥ ᠨᠡᠷᠡᠶᠢᠳᠪᠡ᠃ | 1964 ᠣᠨ ᠤ ᠬᠠᠪᠣᠷ ᠪᠠᠷᠢᠭᠠᠳᠠ ᠪᠠᠨ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠭᠡᠵᠥ ᠰᠠᠯᠭᠠᠪᠠ᠃ ᠰᠣᠷᠭᠠᠭᠤᠯᠢ | ᠶᠢ ᠬᠤᠶᠠᠷ ᠪᠠᠷᠢᠭᠠᠳᠠ ᠶᠢᠨ ᠳᠣᠮᠳᠠ ᠪᠠᠶᠢᠭᠤᠯᠵᠠᠢ᠃ ᠲᠣᠰ ᠵᠢᠯ ᠤᠨ 9 ᠰᠠᠷᠠ ᠶᠢᠨ 1 ᠳᠤ ᠰᠢᠨᠡ ᠰᠣᠷᠭᠠᠭᠤᠯᠢ | ᠨᠡᠭᠦᠨ ᠣᠷᠣᠵᠠᠢ᠃ | 1963 ᠣᠨ ᠤ ᠡᠴᠥᠰ ᠲᠤ ᠰᠸᠧᠡᠩᠵᠠᠮᠰᠤ ᠪᠠᠭᠰᠢ ᠪᠠᠭᠰᠢᠯᠠᠬᠤ ᠪᠠᠨ ᠪᠠᠶᠢᠵᠣ᠂ ᠠᠷᠰᠯᠠᠨ ᠪᠠᠭᠰᠢ | ᠲᠣᠮᠢᠯᠠᠭᠳᠠᠨ ᠢᠷᠠᠵᠣ ᠰᠣᠷᠭᠠᠭᠤᠯᠢ ᠡᠷᠬᠢᠯᠡᠵᠠᠢ᠃ ᠲᠣᠰ ᠵᠢᠯ ᠤᠨ 8 ᠰᠠᠷᠠ ᠳᠤ ᠨᠢ ᠠᠷᠰᠯᠠᠨ ᠪᠠᠭᠰᠢ ᠰᠢᠯᠵᠢᠨ | ᠶᠠᠪᠣᠭᠠᠳ 1964 ᠣᠨ ᠤ ᠨᠠᠮᠣᠷ ᠶᠥᠩ ᠱᠧᠩ ︵ᠨᠠᠷᠠᠰᠣ︶ ᠪᠠᠭᠰᠢ ᠲᠣᠮᠢᠯᠠᠭᠳᠠᠨ ᠢᠷᠠᠵᠠᠢ᠃ ᠵᠢᠢ ᠶᠥᠩ | ᠱᠧᠩ ᠪᠠᠭᠰᠢ ᠪᠠᠷᠢᠭᠠᠳᠠ ᠶᠢᠨ ᠣᠳᠣᠷᠢᠳᠣᠯᠭᠠ ᠲᠠᠢ ᠬᠠᠷᠢᠴᠠᠨ ᠮᠠᠯᠴᠢᠨ ᠤ ᠭᠡᠷ ᠢᠶᠠᠷ ᠰᠣᠷᠪᠣᠯᠵᠢᠯᠠᠨ ᠡᠪᠥᠯ | ᠰᠠᠭᠤᠷᠢᠰᠢᠵᠥ᠂ ᠵᠣᠨ ᠨᠡᠭᠦᠳᠡᠯᠯᠡᠬᠦ ᠬᠤᠶᠠᠷ ᠵᠥᠢᠯ ᠤᠨ ᠠᠷᠭᠠ ᠪᠠᠷ ᠰᠣᠷᠭᠠᠭᠤᠯᠢ ᠪᠠᠨ ᠡᠷᠬᠢᠯᠡᠵᠡᠢ᠃ | 1964 — 1968 ᠣᠨ ᠪᠣᠯᠲᠠᠯᠠᠬᠢ ᠬᠤᠭᠤᠴᠠᠭᠠᠨ ᠳᠤ ᠰᠣᠷᠭᠠᠭᠤᠯᠢ ᠶᠢᠨ ᠰᠣᠷᠣᠭᠴᠢ ᠰᠠᠭᠠᠲᠤᠯ | ᠥᠭᠡᠢ ᠬᠢᠴᠢᠶᠡᠯᠯᠡᠵᠡᠢ᠃ ᠰᠣᠷᠣᠭᠴᠢ ᠶᠢᠨ ᠲᠤᠭᠠ ᠴᠥᠭᠡᠨ ᠲᠣᠯᠠ ᠵᠢᠯ ᠠᠯᠣᠰᠯᠠᠨ ᠰᠣᠷᠣᠭᠴᠢ ᠡᠯᠰᠡᠬᠦ ᠶᠢ | ᠬᠡᠷᠡᠭᠵᠢᠭᠦᠯᠵᠡᠢ᠃ | 1968 ᠣᠨ ᠤ ᠨᠠᠮᠣᠷ ᠠᠴᠠ ᠰᠣᠶᠣᠯ ᠤᠨ ᠬᠤᠪᠢᠰᠬᠠᠯ ᠡᠭᠦᠰᠴᠥ᠂ ᠵᠢᠢ ᠶᠥᠩ ᠱᠧᠩ ᠪᠠᠭᠰᠢ ︽ | ᠬᠥᠷᠥᠩᠭᠡᠲᠥ ᠶᠣᠰᠣ ᠶᠢᠨ ᠵᠠᠮ ᠢᠶᠠᠷ ᠶᠠᠪᠣᠭᠴᠢ ᠡᠷᠬᠡ ᠪᠠᠷᠢᠭᠴᠢ︾ ᠪᠠᠷ ᠶᠠᠯᠠᠯᠠᠭᠳᠠᠵᠣ ᠬᠢᠴᠢᠶᠡᠯ ᠵᠣᠭᠰᠣᠵᠠᠢ᠃ | 1965 — 1970 ᠣᠨ ᠳᠤ ᠨᠣᠷᠪᠤ ᠪᠠᠭᠰᠢ ᠪᠠᠶᠢᠵᠠᠢ᠃ 1969 ᠣᠨ ᠳᠤ ᠭᠠᠩᠵᠣᠷᠢᠭ | ᠪᠠᠭᠰᠢ ᠶᠢ ᠲᠣᠮᠢᠯᠠᠨ ᠢᠷᠡᠭᠦᠯᠵᠡᠢ᠃ | 1970 ᠣᠨ ᠤ ᠬᠠᠪᠣᠷ ᠤᠨ ᠳᠣᠮᠳᠠᠴᠢ ᠪᠠᠷ ᠨᠣᠷᠪᠤ ᠪᠠᠭᠰᠢ ᠠᠵᠢᠯ ᠢᠶᠠᠨ ᠬᠠᠶᠠᠵᠣ᠂ ᠥᠵᠥᠮᠥᠴᠢᠨ | ᠳᠤ ᠨᠡᠭᠦᠵᠥ ᠶᠠᠪᠣᠵᠠᠢ᠃ ᠢᠩᠭᠢᠭᠡᠳ ᠠᠷᠠᠳ ᠠᠴᠠ ᠡᠷᠬᠢᠯᠡᠭᠰᠡᠨ ᠪᠠᠭᠰᠢ ᠬᠥᠥᠳᠠᠭᠤᠯᠠ ᠪᠠᠭᠰᠢ᠂ ᠭᠠᠩᠵᠣᠷᠢᠭ | ᠪᠠᠭᠰᠢ ᠲᠠᠢ ᠬᠠᠮᠲᠣ ᠠᠵᠢᠯᠯᠠᠵᠠᠢ᠃ ᠲᠣᠰ ᠵᠢᠯ ᠠᠴᠠ ᠫᠢᠦ᠋ᠨᠧᠷ ᠤᠨ ᠭᠡᠰᠢᠭᠦᠨ ᠢ ᠣᠯᠠᠭᠠᠨ ᠪᠢᠴᠢᠬᠠᠨ ᠴᠡᠷᠢᠭ | ᠭᠡᠵᠥ ᠥᠭᠡᠷᠡᠴᠢᠯᠡᠨ ᠨᠡᠷᠡᠶᠢᠳᠪᠡ᠃ | 1972 ᠣᠨ ᠳᠤ ᠬᠥᠥᠳᠠᠭᠤᠯᠠ ᠪᠠᠭᠰᠢ ᠶᠢ ᠰᠣᠮᠣᠨ ᠳᠤ ᠠᠵᠢᠯ ᠢᠶᠠᠷ ᠰᠢᠯᠵᠢᠭᠦᠯᠵᠣ᠂ ᠡᠷᠬᠡᠪᠠᠭᠠᠲᠣᠷ | ᠪᠠᠭᠰᠢ ᠶᠢ ᠠᠷᠠᠳ ᠠᠴᠠ ᠡᠷᠬᠢᠯᠡᠭᠰᠡᠨ ᠪᠠᠭᠰᠢ ᠪᠠᠷ ᠬᠡᠷᠡᠭᠯᠡᠵᠥ᠂ ᠲᠣᠰ ᠵᠢᠯ ᠤᠨ 6 ᠳ᠋ᠣᠭᠠᠷ ᠰᠠᠷᠠ ᠳᠤ | ᠡᠷᠬᠡᠪᠠᠭᠠᠲᠣᠷ ᠪᠠᠭᠰᠢ ᠶᠢ ᠯᠢᠨᠳᠥ᠋ᠩ ᠤᠨ ᠪᠠᠭᠰᠢ ᠶᠢᠨ ᠰᠣᠷᠭᠠᠭᠤᠯᠢ ᠳᠤ 6 ᠰᠠᠷᠠ ᠰᠤᠷᠤᠯᠴᠠᠭᠤᠯᠵᠤ 1973 | ᠣᠨ ᠳᠤ ᠵᠢᠩᠬᠢᠨᠢᠴᠢᠯᠡᠭᠡᠳ ᠵᠠᠯᠭᠠᠨ ᠪᠠᠭᠰᠢᠯᠠᠭᠤᠯᠵᠠᠢ᠃ | 1973 — 1988 ᠣᠨ ᠳᠤ ᠭᠠᠩᠵᠣᠷᠢᠭ᠂ ᠴᠣᠭᠯᠠ᠂ ᠡᠷᠳᠡᠨᠢᠳᠠᠯᠠᠢ᠂ ᠡᠷᠳᠡᠨᠢᠴᠡᠴᠡᠭ᠂ ᠬᠠᠢ | ᠶᠢᠨ᠂ ᠮᠥᠳᠡᠨ᠂ ᠬᠠᠰᠬᠤᠸᠠᠷ᠂ ᠬᠠᠰᠭᠡᠷᠡᠯ᠂ ᠯᠥᠩ ᠮᠧᠢ᠂ ᠨᠠᠰᠣᠨᠪᠥ᠋ᠬᠡ ᠨᠠᠷ ᠠᠵᠢᠯᠯᠠᠵᠣ ᠥᠩᠭᠡᠷᠡᠵᠡᠢ᠃ ᠵᠢᠯ | ᠪᠥᠷᠢ ᠭᠤᠷᠪᠠ ᠠᠴᠠ ᠲᠠᠪᠣᠨ ᠪᠠᠭᠰᠢ ᠠᠵᠢᠯᠯᠠᠨ ᠡᠯᠡ ᠲᠥᠷᠥᠯ ᠤᠨ ᠬᠢᠴᠢᠶᠡᠯ ᠢ ᠭᠥᠢᠴᠡᠳ ᠨᠡᠭᠡᠭᠡᠵᠥ ᠪᠠᠶᠢᠪᠠ᠃ | ᠬᠡᠳᠥᠶᠢᠪᠡᠷ ᠵᠢᠯ ᠠᠯᠣᠰᠯᠠᠨ ᠰᠣᠷᠣᠭᠴᠢ ᠡᠯᠰᠡᠳᠡᠭ ᠪᠣᠯᠪᠠᠴᠣ ᠪᠡᠯᠡᠳᠭᠡᠯ ᠠᠩᠬᠢ 1᠂ 3᠂ 5 ᠣᠨ ᠡᠯᠰᠡᠵᠥ | ᠪᠠᠶᠢᠭᠰᠠᠨ ᠠᠴᠠ ᠬᠡᠳᠥᠬᠡᠨ ᠪᠠᠭᠰᠢ ᠳᠤ ᠠᠪᠴᠣ ᠬᠡᠯᠡᠪᠡᠯ ᠡᠭᠦᠷᠭᠡ ᠳᠠᠷᠣᠭᠠᠰᠣ ᠨᠡᠩ ᠬᠥᠨᠳᠥ ᠪᠠᠶᠢᠵᠠᠢ᠃ ᠭᠡᠶᠡ | ᠵᠢᠭᠠᠬᠤ ᠶᠢ ᠰᠣᠳᠣᠯᠬᠤ ᠠᠵᠢᠯᠯᠠᠭᠠ ᠶᠢ ᠶᠡᠷᠥᠩᠬᠡᠢ ᠰᠣᠷᠭᠠᠭᠤᠯᠢ ᠶᠢᠨ ᠱᠠᠭᠠᠷᠳᠠᠯᠭᠠ ᠶᠣᠰᠣᠭᠠᠷ ᠪᠡᠶᠡᠯᠡᠭᠦᠯᠵᠥ | ᠢᠷᠠᠵᠠᠢ᠃ | 1988 ᠣᠨ ᠳᠤ ᠨᠠᠰᠣᠨᠪᠥ᠋ᠬᠡ ᠠᠭᠤᠷᠬᠠᠢ ᠳᠤ ᠰᠢᠯᠵᠢᠵᠥ᠂ ᠬᠠᠰᠭᠡᠷᠡᠯ ᠭᠠᠴᠠᠭᠠᠨ ᠳᠤ ᠰᠢᠯᠵᠢᠨ ᠠᠵᠢᠯᠯᠠᠵᠠᠢ᠃ | 1989 ᠣᠨ ᠠᠴᠠ 92 ᠣᠨ ᠪᠣᠯᠲᠠᠯᠠ ᠡᠷᠳᠡᠨᠢᠰᠡᠩ ᠵᠠᠬᠢᠷᠣᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠠᠢ᠃ ᠡᠨᠡᠬᠦ | ᠬᠤᠭᠤᠴᠠᠭᠠᠨ ᠳᠤ ᠡᠷᠳᠡᠨᠢᠰᠡᠩ᠂ ᠯᠥᠩ ᠮᠧᠢ᠂ ᠯᠢᠩ ᠶᠧ᠂ ᠭᠠᠩᠵᠣᠷᠢᠭ᠂ ᠰᠠᠷᠠᠩᠭᠤᠸᠠ᠂ ᠴᠢᠮᠡᠭ ᠪᠠᠭᠰᠢ | ᠠᠵᠢᠯᠯᠠᠵᠣ ᠪᠠᠶᠢᠭᠰᠠᠨ ᠶᠣᠮ᠃ ᠪᠠᠭᠰᠢ ᠶᠢᠨ ᠲᠤᠭᠠ ᠳᠥᠷᠪᠡᠨ ᠨᠡᠷᠡ ᠶᠢ ᠳᠠᠪᠠᠭᠰᠠᠨ ᠥᠭᠡᠢ ᠪᠣᠯᠪᠠᠴᠣ | ᠰᠠᠷᠠᠩᠭᠤᠸᠠ ᠪᠠᠭᠰᠢ ᠢᠷᠡᠭᠰᠡᠨ ᠠᠴᠠ ᠳᠠᠭᠤᠣ ᠬᠥᠭᠵᠢᠮ᠂ ᠣᠷᠠᠨ ᠰᠠᠶᠢᠬᠠᠨ ᠤ ᠬᠢᠴᠢᠶᠡᠯ ᠳᠤ ᠲᠣᠰᠬᠠᠢ ᠪᠠᠭᠰᠢ | ᠲᠠᠢ ᠪᠣᠯᠵᠣ᠂ ᠰᠣᠷᠭᠠᠭᠤᠯᠢ ᠶᠢᠨ ᠬᠥᠷᠢᠶᠡᠨ ᠤ ᠰᠣᠶᠣᠯ ᠣᠨᠠᠮᠢᠳᠣᠷᠠᠯ ᠡᠯᠪᠡᠭ ᠪᠠᠶᠠᠯᠢᠭ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ | 1992 ᠣᠨ ᠤ 9 ᠰᠠᠷᠠ ᠳᠤ ᠡᠷᠳᠡᠨᠢᠰᠡᠩ ᠪᠠᠭᠰᠢ ᠶᠢ ᠳᠣᠮᠳᠠᠳᠣ ᠰᠣᠷᠭᠠᠭᠤᠯᠢ ᠳᠤ ᠠᠵᠢᠯ | ᠰᠢᠯᠵᠢᠭᠦᠯᠵᠥ᠂ ᠡᠷᠬᠡᠪᠠᠭᠠᠲᠣᠷ ᠪᠠᠭᠰᠢ ᠶᠢ ᠲᠣᠰ ᠰᠣᠷᠭᠠᠭᠤᠯᠢ ᠳᠤ ᠵᠠᠬᠢᠷᠣᠯ ᠢᠶᠠᠷ ᠲᠣᠮᠢᠯᠠᠨ ᠢᠷᠡᠭᠦᠯᠵᠡᠢ᠃ | 1995 ᠣᠨ ᠳᠤ ᠡᠷᠬᠡᠪᠠᠭᠠᠲᠣᠷ ᠪᠠᠭᠰᠢ ᠶᠢ ᠱᠠᠩᠵᠢᠩ ᠰᠣᠷᠭᠠᠭᠤᠯᠢ ᠳᠤ ᠰᠢᠯᠵᠢᠭᠦᠯᠵᠥ᠂ ᠡᠷᠳᠡᠨᠢᠰᠡᠩ | ᠵᠠᠬᠢᠷᠣᠯ ᠤᠨ ᠠᠵᠢᠯ ᠢ ᠡᠷᠬᠢᠯᠡᠵᠥ ᠰᠠᠷᠠᠩᠭᠤᠸᠠ᠂ ᠴᠢᠮᠡᠭ᠂ ᠯᠢᠩ ᠶᠧ ᠪᠠᠭᠰᠢ ᠠᠵᠢᠯᠯᠠᠵᠣ ᠪᠠᠶᠢᠪᠠ᠃ | 1996 ᠣᠨ ᠳᠤ ᠳᠠᠭᠠᠭᠤᠯ ᠪᠠᠭᠰᠢ ᠣᠷᠣᠯᠠᠭᠴᠢ ᠪᠠᠭᠰᠢ ᠪᠠᠷ ᠣᠷᠢᠭᠳᠠᠵᠣ᠂ 2000 ᠣᠨ ᠳᠤ᠂ | ᠠᠭᠤᠷᠬᠠᠢ ᠳᠤ ᠠᠵᠢᠯ ᠰᠢᠯᠵᠢᠪᠡ᠃ | 1999 ᠣᠨ ᠳᠤ ᠴᠢᠮᠡᠭ᠂ ᠡᠷᠬᠡᠪᠠᠭᠠᠲᠣᠷ᠂ ᠡᠷᠳᠡᠨᠢᠰᠡᠩ᠂ ᠰᠠᠷᠠᠩᠭᠤᠸᠠ᠂ ᠰᠣᠶᠣᠯᠴᠡᠴᠡᠭ ᠵᠡᠷᠬᠡ | ᠪᠠᠭᠰᠢ ᠪᠠᠶᠢᠪᠠ᠃ ᠪᠡᠯᠡᠳᠭᠡᠯ ᠠᠩᠬᠢ ᠳᠤ 5 ᠰᠣᠷᠣᠭᠴᠢ᠂ ᠨᠢᠭᠡᠳᠥᠭᠡᠷ ᠣᠨ ᠳᠤ 9 ᠰᠣᠷᠣᠭᠴᠢ᠂ 3 ᠣᠨ ᠳᠤ | 10 ᠰᠣᠷᠣᠭᠴᠢ᠂ 5ᠳ᠋ᠣᠭᠠᠷ ᠣᠨ ᠳᠤ 11 ᠰᠣᠷᠣᠭᠴᠢ ᠲᠠᠢ ᠪᠠᠶᠢᠪᠠ᠃ | 1999 ᠣᠨ ᠤ 12 ᠰᠠᠷᠠ ᠶᠢᠨ 13 ᠤ ᠡᠳᠥᠷ ᠡᠷᠬᠡᠪᠠᠭᠠᠲᠣᠷ ᠪᠠᠭᠰᠢ ᠱᠠᠩᠵᠢᠩ ᠰᠣᠷᠭᠠᠭᠤᠯᠢ ᠳᠤ | ᠠᠵᠢᠯ ᠰᠢᠯᠵᠢᠵᠥ᠂ ᠰᠡᠴᠡᠨᠲᠣᠩᠭᠠᠯᠠᠭ ᠢ ᠣᠷᠣᠯᠠᠭᠴᠢ ᠪᠠᠭᠰᠢ ᠪᠠᠷ ᠬᠡᠷᠡᠭᠯᠡᠵᠡᠢ᠃ | 2000ᠣᠨ ᠳᠤ ᠴᠢᠮᠡᠭ᠂ ᠭᠤᠸᠠ᠂ ᠡᠷᠳᠡᠨᠢᠰᠡᠩ ᠵᠡᠷᠭᠡ ᠭᠤᠷᠪᠠᠭ᠋ᠠᠨ ᠪᠠᠭᠰᠢ ᠲᠠᠢ᠃ ᠭᠤᠷᠪᠠᠨ | ᠠᠩᠭᠢ ᠨᠡᠶᠢᠲᠡ 28 ᠰᠣᠷᠣᠭᠴᠢ᠃ 2000.10.21 ᠠᠴᠠ ᠬᠤᠭᠤᠴᠠᠭᠠ ᠲᠡᠭᠦᠰᠲᠡᠯᠡ ᠵᠠᠭᠰᠠᠯᠮᠠ ᠴᠢᠮᠡᠭ | ᠪᠠᠭᠰᠢ ᠶᠢ ᠣᠷᠣᠯᠠᠵᠣ ᠬᠢᠴᠢᠶᠡᠯᠯᠡᠪᠡ᠃ | 2001 ᠣᠨ ᠳᠤ ᠰᠠᠷᠠᠩᠭᠤᠸᠠ᠂ ᠴᠢᠮᠡᠭ᠂ ᠡᠷᠳᠡᠨᠢᠰᠡᠩ᠂ ᠡᠷᠬᠡᠪᠠᠭᠠᠲᠣᠷ ᠳᠥᠷᠪᠡᠨ ᠪᠠᠭᠰᠢ ᠲᠠᠢ᠃ | ᠭᠤᠷᠪᠠᠨ ᠣᠨ ᠲᠠᠢ᠃ 1᠂ 3᠂ 5 ᠣᠨ᠃ ᠨᠡᠶᠢᠲᠡ 27 ᠰᠣᠷᠣᠭᠴᠢ ᠲᠠᠢ᠃ | ᠬᠤᠪᠣᠭᠤ ᠰᠣᠷᠭᠠᠭᠤᠯᠢ 1990 ᠣᠨ ᠠᠴᠠ ᠪᠠᠭᠰᠢ ᠶᠢᠨ ᠬᠥᠴᠥᠨ ᠨᠡᠮᠡᠭᠳᠡᠵᠥ᠂ ᠰᠣᠷᠣᠭᠴᠢ ᠶᠢᠨ | ᠲᠤᠭᠠ ᠨᠣᠷᠮᠠ ᠴᠥ ᠣᠷᠭᠢᠯ ᠳᠤ ᠲᠣᠯᠵᠣ᠂ ᠵᠢᠭᠠᠨ ᠰᠣᠷᠭᠠᠯᠲᠠ ᠶᠢᠨ ᠬᠢᠷᠢ ᠪᠥᠲᠥᠮᠵᠢ ᠬᠢᠭᠡᠳ ᠭᠡᠷ ᠪᠠᠷᠢᠯᠭᠠ ᠴᠥ | ᠰᠣᠮᠣᠨ ᠳᠣᠲᠣᠷᠠ ᠪᠠᠨ ᠳᠡᠭᠡᠳᠥ ᠳᠡᠰ ᠲᠤ ᠣᠷᠣᠭᠰᠠᠨ ᠪᠠᠶᠢᠨᠠ᠃ ᠳᠡᠭᠡᠳᠥ ᠱᠠᠲᠣᠨ ᠤ ᠵᠢᠭᠠᠪᠣᠷᠢ ᠶᠢ | ᠥᠨᠳᠥᠰᠥᠯᠡᠨ ᠡᠯᠡ ᠵᠥᠢᠯ ᠤᠨ ᠬᠥᠳᠡᠯᠭᠡᠭᠡᠨ ᠢ ᠴᠥ ᠥᠷᠨᠢᠭᠦᠯᠵᠥ᠂ ᠰᠣᠷᠣᠭᠴᠢᠳ ᠤᠨ ᠢᠳᠡᠪᠬᠢᠵᠢᠯ ᠢ | ᠪᠠᠳᠠᠷᠠᠭᠤᠯᠵᠠᠢ᠃ | 1997 ᠣᠨ ᠳᠤ ︽ᠰᠢᠶᠠᠩᠭᠠᠩ ᠢ ᠣᠯᠣᠰ ᠲᠤ ᠪᠠᠨ ᠪᠣᠴᠠᠭᠠᠬᠤ︾ ᠳᠤ ᠣᠯᠣᠰ ᠳᠠᠶᠠᠭᠠᠷ | ᠰᠢᠶᠠᠩᠭᠠᠩ ᠢᠶᠠᠨ ᠪᠣᠴᠠᠭᠠᠵᠥ ᠠᠪᠬᠤ ᠰᠢᠯᠥᠭ᠂ ᠵᠢᠷᠤᠭ ᠮᠡᠲᠥ ᠶᠢᠨ ᠮᠥᠷᠥᠶᠢᠴᠡᠭᠡᠨ ᠶᠠᠪᠣᠭᠤᠯᠣᠭᠰᠠᠨ ᠳᠤ ᠮᠠᠨ ᠤ | ᠰᠣᠷᠭᠠᠭᠤᠯᠢ ᠨᠢ ︽ᠰᠢᠶᠠᠩᠭᠠᠩ ᠢᠶᠠᠨ ᠣᠭᠲᠣᠶᠠ︾ ᠭᠡᠰᠡᠨ ᠭᠠᠷᠴᠠᠭ ᠲᠠᠢ ᠳᠠᠭᠤᠣ ᠨᠠᠶᠢᠷᠠᠭᠤᠯᠣᠨ ᠰᠣᠷᠣᠭᠴᠢᠳ | ᠲᠤ ᠪᠠᠨ ᠵᠢᠭᠠᠭᠰᠠᠨ ᠪᠠᠶᠢᠨᠠ᠃ | 1998 ᠣᠨ ᠨᠢ 8 ᠰᠠᠷᠠ ᠳᠤ ᠰᠣᠷᠭᠠᠭᠤᠯᠢ ᠪᠠᠶᠢᠭᠤᠯᠣᠭᠳᠠᠭᠰᠠᠨ 40 ᠵᠢᠯ ᠤᠨ ᠣᠢ ᠪᠠᠨ ᠪᠡᠯᠡᠭᠯᠡᠬᠦ | ᠭᠡᠳ ᠬᠢᠴᠢᠶᠡᠯ ᠤᠨ ᠠᠭᠤᠯᠭᠠ ᠳᠤ ᠪᠠᠶᠢᠭᠰᠠᠨ ︽ᠫᠢᠦ᠋ᠨᠧᠷ ᠤᠨ ᠮᠠᠷᠱ ︾ ᠭᠡᠳᠡᠭ ᠰᠢᠯᠦᠭ ᠲᠤ ᠠᠶᠠ | ᠲᠠᠭᠠᠷᠠᠭᠤᠯᠣᠨ᠂ ᠵᠢᠭᠰᠠᠭᠠᠯ ᠳᠤ ᠣᠷᠣᠬᠤ᠂ ᠶᠡᠭᠡ ᠪᠠᠭᠠ ᠬᠡᠩᠭᠡᠷᠭᠡ ᠶᠢᠨ ᠠᠶᠠᠰ ᠢ ᠨᠠᠶᠢᠷᠠᠭᠤᠯᠵᠣ | ᠪᠣᠯᠪᠠᠰᠣᠷᠠᠭᠤᠯᠵᠠᠢ᠃ | 2002 — 2010 ᠣᠨ ᠳᠤ ᠡᠷᠳᠡᠨᠢᠰᠡᠩ᠂ ᠰᠠᠷᠠᠩᠭᠤᠸᠠ᠂ ᠡᠷᠳᠡᠨᠢᠪᠢᠯᠢᠭ᠂ ᠮᠥᠴᠢᠷ᠂ | ᠡᠷᠬᠡᠪᠠᠭᠠᠲᠣᠷ ᠵᠡᠷᠭᠡ ᠪᠠᠭᠰᠢ ᠠᠵᠢᠯᠯᠠᠵᠣ ᠥᠩᠭᠡᠷᠡᠵᠡᠢ᠃ ᠰᠣᠷᠬᠤ ᠵᠢᠯ ᠪᠥᠷᠢ ᠭᠤᠷᠪᠠᠭ᠋ᠠᠨ ᠪᠠᠭᠰᠢ ᠲᠠᠢ ᠪᠠᠶᠢᠯᠠ᠃ | ᠵᠥᠪᠬᠡᠨ ᠳᠥᠷᠪᠡᠳᠥᠭᠡᠷ ᠣᠨ ᠬᠥᠷᠲᠡᠯᠡ ᠪᠠᠶᠢᠭᠰᠠᠨ ᠪᠥᠭᠡᠳ ᠬᠠᠮᠤᠭ ᠣᠯᠠᠨ ᠳᠤ ᠪᠠᠨ 11 ᠰᠣᠷᠣᠭᠴᠢ ᠯᠠ | ᠪᠠᠶᠢᠪᠠ᠃ 2007 — 2008 ᠣᠨ ᠤ ᠰᠣᠷᠬᠤ ᠵᠢᠯ ᠠᠴᠠ ᠨᠢᠭᠡᠳᠥᠭᠡᠷ ᠣᠨ ᠴᠥ ᠬᠠᠪᠴᠢᠯ ᠳᠤ | ᠲᠥᠪᠯᠡᠷᠡᠭᠰᠡᠨ ᠠᠴᠠ ᠵᠥᠪᠬᠡᠨ ᠰᠣᠷᠭᠠᠭᠤᠯᠢ ᠶᠢᠨ ᠨᠠᠰᠣᠨ ᠠᠴᠠ ᠡᠮᠥᠨᠡᠬᠢ ᠬᠡᠥᠬᠡᠳ ᠥᠯᠳᠡᠵᠡᠢ᠃ 3 — 6 | ᠨᠡᠷᠡ ᠰᠣᠷᠣᠭᠴᠢ ᠶᠢ ᠬᠥᠮᠥᠵᠢᠭᠦᠯᠳᠡᠭ᠃ | 2002 ᠣᠨ ᠳᠤ ᠥᠪᠡᠷ ᠣᠨᠰᠣᠷᠭᠠᠭᠤᠯᠢ ᠶᠢᠨ ᠳᠠᠭᠤᠣ ᠪᠠᠨ ᠨᠠᠶᠢᠷᠠᠭᠤᠯᠵᠣ ᠵᠢᠭᠠᠭᠰᠠᠨ ᠪᠠᠶᠢᠨᠠ᠃ | 2004 ᠣᠨ ᠳᠤ ᠠᠭᠤᠷᠬᠠᠢ ᠶᠢᠨ ᠣᠳᠣᠷᠢᠳᠣᠯᠭᠠ᠂ ᠬᠢᠲᠠᠳ᠂ ᠮᠣᠩᠭᠤᠯ ᠰᠣᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ | ᠰᠣᠷᠣᠭᠴᠢᠳ ᠢ ᠴᠣᠭᠯᠠᠭᠤᠯᠣᠨ 9.10 ᠤ ᠪᠠᠭᠰᠢ ᠶᠢᠨ ᠪᠠᠶᠠᠷ ᠢ ᠪᠡᠯᠭᠡᠯᠡᠬᠦ ᠲᠣᠭᠯᠠᠯᠲᠠ ᠭᠠᠷᠭᠠᠭᠰᠠᠨ ᠳᠤ ᠮᠠᠨ ᠤ | ᠰᠣᠷᠭᠠᠭᠤᠯᠢ ︽ᠪᠠᠭᠰᠢ ᠲᠠᠨ ᠳᠤ ᠪᠠᠨ ᠲᠠᠯᠠᠷᠬᠠᠶᠠ︾ ᠭᠡᠰᠡᠨ ᠳᠠᠭᠤᠣ ᠶᠢ ᠨᠠᠶᠢᠷᠠᠭᠤᠯᠵᠣ ᠰᠣᠨᠢᠷᠬᠠᠭᠤᠯᠪᠠ᠃ | 2010 — 2012 ᠣᠨ ᠳᠤ ᠰᠠᠷᠠᠩᠭᠤᠸᠠ᠂ ᠮᠥᠴᠢᠷ ᠬᠤᠶᠠᠷᠬᠠᠨ ᠪᠠᠭᠰᠢ ᠲᠠᠢ ᠪᠣᠯᠵᠣ᠂ 8 | — 9 ᠬᠡᠥᠬᠡᠳ ᠢ ᠬᠥᠮᠥᠵᠢᠭᠦᠯᠵᠡᠢ᠃ ᠰᠣᠷᠭᠠᠭᠤᠯᠢ ᠶᠢᠨ ᠨᠠᠰᠣᠨ ᠠᠴᠠ ᠡᠮᠥᠨᠡᠬᠢ ᠬᠡᠥᠬᠡᠳ ᠤᠨ ᠠᠩᠭᠢ ᠳᠤ | ᠬᠥᠮᠥᠨ ᠤ ᠲᠤᠭᠠ ᠴᠥᠭᠡᠨ ᠪᠣᠯᠪᠠᠴᠣ ᠣᠷᠢᠳᠴᠢᠯᠠᠨ ᠴᠡᠴᠡᠷᠯᠢᠭ ᠲᠤ ᠣᠷᠣᠬᠤ ᠬᠡᠥᠬᠡᠳ ᠪᠠᠶᠢᠳᠠᠭ ᠠᠴᠠ ᠰᠣᠷᠭᠠᠨ | ᠬᠥᠮᠥᠵᠢᠭᠦᠯᠬᠦ ᠠᠵᠢᠯ ᠮᠥᠨ ᠬᠥᠨᠳᠥ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠡᠯᠡ ᠬᠢᠴᠢᠶᠡᠯ ᠢ ᠲᠣᠬᠢᠲᠠᠢ ᠨᠡᠭᠡᠭᠡᠵᠥ᠂ ᠬᠡᠥᠬᠡᠳ | ᠨᠢᠭᠡᠪᠥᠷᠢ ᠶᠢ ᠬᠠᠷᠠᠭᠠᠯᠵᠠᠬᠤ ᠲᠡᠶᠢᠮᠥ ᠬᠢᠯᠪᠠᠷ ᠠᠰᠠᠭᠤᠳᠠᠯ ᠪᠢᠰᠢ ᠶᠣᠮ᠃ | | | ᠪᠠᠯᠳᠠᠨᠰᠠᠩᠪᠪᠤᠦ ᠠᠴᠠ ᠬᠠᠩᠭᠠᠪᠠ᠃ |