ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠶᠤᠯᠤ ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015/12/29
             ᠶᠤᠯᠤ ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ                            1949 ᠤᠨ ᠳᠤ ᠶᠤᠯᠤ ᠶᠢᠨ ᠠᠷᠤ ᠳᠤ ᠠᠩᠬ᠎ᠠ ᠡᠬᠢᠯᠡᠵᠦ ᠠᠶᠢᠯ  ᠨᠡᠬᠦᠵᠦ ᠢᠷᠡᠬᠦ ᠦᠶ᠎ᠡ ᠳᠤ ᠪᠤᠶᠢᠳᠠ  ᠪᠦᠭᠯᠡᠬᠦᠦ ᠠᠭᠤᠯᠠᠷᠬᠠᠭ ᠤᠷᠤᠨ᠂ ᠦᠡᠭᠭᠡᠷᠡᠭᠰᠡᠨ ᠠᠴᠠ ᠪᠠᠨ ᠬᠦᠮᠦᠨ ᠬᠠᠷ᠎ᠠ ᠰᠠᠭᠤᠷᠢᠰᠢᠵᠦ ᠰᠠᠭᠤᠭᠰᠠᠨ ᠦᠬᠡᠢ ᠲᠤᠯᠠ ᠲᠠᠪᠤ ᠳᠤᠯᠤᠭᠠᠨ ᠡᠷᠦᠬᠡ ᠠᠳᠡ ᠢᠷᠡᠵᠦ ᠨᠤᠳᠤᠭᠰᠢᠵᠦ ᠪᠢᠯᠡ︕ ᠡᠳᠡᠭᠡᠷ ᠨᠢ ᠤᠤᠯ ᠤᠨ ᠰᠢᠷᠠᠬᠠᠳᠠ ᠭᠠᠴᠠᠭᠠᠨ ᠠᠴᠠ ᠰᠠᠯᠵᠦ ᠨᠡᠬᠦᠵᠦ ᠢᠷᠡᠭᠰᠡᠨ ᠪᠤᠯᠪᠠᠴᠦ ᠮᠦᠨ ᠯᠠ ᠰᠢᠷᠠᠬᠠᠳᠠ ᠭᠠᠴᠠᠭᠠᠨ ᠳᠤ ᠪᠠᠨ ᠬᠠᠮᠢᠶᠠᠷᠤᠭᠳᠠᠵᠦ ᠪᠠᠶᠢᠵᠦ  ᠪᠢᠯᠡ︕ ᠭᠠᠴᠠᠭᠠᠨ ᠤ ᠰᠠᠭᠤᠷᠢᠰᠢᠯ ᠨᠢ ᠶᠤᠯᠤ ᠶᠢᠨ ᠠᠷᠤ ᠠᠴᠠ ᠵᠠᠭᠤ ᠢᠯᠡᠬᠦᠦ ᠭᠠᠵᠠᠷ ᠵᠠᠶᠢᠲᠠᠢ ᠠᠭᠤᠶᠢᠳᠤ ᠰᠦᠮ᠎ᠡ — ᠤᠳᠤ ᠶᠢᠨ ᠰᠢᠨᠠ‌ᠤᠰᠤᠨ ᠴᠦᠬᠦᠷᠦᠮ ᠤᠨ ᠲᠡᠨᠳᠡ ᠪᠠᠶᠢᠭᠰᠠᠨ ᠶᠤᠮ᠃          ᠶᠤᠯᠤ ᠶᠢᠨ ᠠᠷᠦ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠨᠢ 1952 ᠤᠨ ᠳᠤ ᠡᠬᠦᠲᠡ ᠪᠠᠨ ᠨᠡᠬᠡᠬᠡᠵᠦ ᠡᠷᠦᠬᠡ ᠪᠠᠨ ᠰᠡᠬᠦᠭᠰᠡᠨ ᠠᠩᠬᠠᠨ ᠤ ᠡᠳᠦᠷ᠂ ᠠᠷᠠᠳ ᠤᠨ  ᠪᠠᠭᠰᠢ ᠨᠤᠶᠢᠷᠤᠪ  ᠂ ᠭᠠᠴᠠᠭᠠᠨ ᠤ ᠱᠦᠵᠢ ᠪᠤᠶᠠᠨᠬᠡᠰᠢᠭ ᠶᠢᠰᠦᠳᠦᠭᠡᠷ ᠨᠤᠳᠤᠭ ᠠᠴᠠ ᠴᠢᠨ ᠪᠠᠳᠤ ᠵᠡᠷᠬᠡ ᠬᠦᠮᠦᠰ ᠢᠷᠡᠵᠦ ᠶᠤᠰᠤᠯᠠᠯ ᠶᠠᠪᠤᠭᠤᠯᠵᠦ ᠰᠤᠷᠭᠠᠭᠤᠯᠢ ᠨᠡᠬᠡᠬᠡᠵᠠᠢ᠃  ᠬᠤᠶᠠᠷ ᠲᠠᠰᠤᠯᠭ᠎ᠠ ᠰᠢᠪᠠᠷ ᠭᠡᠷ ᠲᠤ ᠨᠢᠬᠡ ᠲᠠᠰᠤᠯᠭ᠎ᠠ ᠳᠤ ᠪᠠᠭᠰᠢ ᠨᠢ ᠭᠡᠷ ᠤᠨ  ᠬᠦᠮᠦᠰ ᠲᠠᠢ ᠪᠠᠨ ᠠᠵᠦ ᠲᠦᠷᠦᠵᠦ  ᠂ ᠭᠠᠳᠠᠷ ᠲᠠᠰᠤᠯᠭ᠎ᠠ   ᠳᠤᠨᠢ ᠵᠢᠵᠢᠭᠬᠡᠨ ᠬᠠᠷ᠎ᠠ ᠰᠠᠮᠪᠠᠷ᠎ᠠ ᠡᠯᠬᠦᠵᠦ ᠡᠪᠳᠠᠷᠬᠡᠢ  ᠮᠠᠶᠢᠵᠢᠬᠢ ᠬᠡᠳᠦᠨ ᠰᠢᠷᠡᠭᠡ ᠰᠠᠨᠳᠠᠯᠢ  ᠲᠠᠢ ᠬᠢᠴᠢᠶᠡᠯᠯᠡᠵᠣ ᠪᠠᠶᠢᠵᠡᠢ᠃          1958 ᠤᠨ  ᠪᠤᠯᠬᠤ ᠳᠤ ᠠᠶᠢᠯ ᠡᠷᠦᠬᠡ ᠤᠯᠠᠰᠢᠷᠠᠵᠦ ᠬᠦᠮᠦᠨ ᠠᠮᠠ ᠨᠡᠮᠡᠭᠳᠡᠬᠦ ᠶᠢ ᠳᠠᠭᠠᠯᠳᠤᠨ ᠰᠤᠷᠬᠤ ᠨᠠᠰᠤᠨ ᠤ ᠬᠡᠦᠬᠡᠳ ᠤᠳ ᠴᠤ ᠠᠷᠪᠢᠨ ᠪᠤᠯᠪᠠ᠃ ᠶᠤᠯᠤ ᠵᠢᠨ‌ᠠᠷᠤ ᠳᠤ ᠬᠠᠮᠳᠤᠷᠠᠯ ᠬᠤᠷᠰᠢᠶᠠᠵᠢᠯ ᠪᠤᠯᠵᠦ ᠠᠩᠬ᠎ᠠ ᠵᠡᠷᠬᠡ ᠶᠢᠨ ᠬᠤᠷᠰᠢᠶ᠎ᠠ ᠪᠠᠶᠢᠭᠤᠯᠤᠭᠳᠠᠬᠤ ᠳᠤ ᠲᠠᠪᠢᠨ ᠲᠤᠯᠤᠭᠠᠨ ᠡᠷᠦᠬᠡ᠂ ᠬᠤᠶᠡᠷ ᠵᠠᠭᠤ ᠬᠤᠷᠢᠨ  ᠨᠠᠢᠮᠠᠨ ᠬᠦᠮᠦᠨ ᠠᠮᠠ ᠬᠤᠷᠢᠨ ᠬᠡᠳᠦᠨ ᠰᠤᠷᠬᠤ ᠨᠠᠰᠤᠨ ᠤ ᠬᠡᠦᠬᠡᠳ ᠲᠠᠢ ᠪᠤᠯᠪᠠ᠃  ᠭᠠᠴᠠᠭᠠᠨ ᠤ ᠣᠳᠣᠷᠢᠳᠬᠤ ᠪᠠᠭ  ᠠᠴᠠ ᠬᠤᠶᠠᠷ ᠲᠠᠰᠤᠯᠭ᠎ᠠ ᠰᠢᠪᠠᠷ ᠰᠢᠷᠤᠢ ᠶᠢᠨ  ᠪᠦᠳᠤᠴᠡ ᠲᠠᠢ ᠰᠢᠷᠠᠯᠵᠢ ᠪᠠᠷ  ᠡᠪᠡᠰᠦᠯᠡᠭᠰᠡᠨ ᠭᠡᠷ ᠪᠠᠷᠢᠵᠦ᠂ ᠠᠷᠪᠠᠭᠠᠳ ᠬᠡᠦᠬᠡᠳ ᠲᠠᠢ ᠠᠷᠠᠳ ᠠᠴᠠ ᠡᠷᠬᠢᠯᠡᠭᠰᠡᠨ ᠲᠤᠰᠬᠠᠢ ᠤᠷᠤᠨ ᠲᠠᠢ ᠪᠤᠯᠭᠠᠵᠠᠢ᠃          ᠶᠤᠯᠤ ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠨᠢ ᠲᠠᠪᠢᠨ ᠨᠠᠢᠮᠠᠨ‌ᠤᠨ ᠠᠴᠠ ᠡᠬᠢᠯᠡᠵᠦ᠂ ᠤᠳᠤᠷᠯᠠᠨ ᠮᠠᠯᠵᠢᠬᠤ ᠪᠤᠳᠠᠳᠠᠢ ᠪᠠᠶᠢᠳᠠᠯ ᠶᠢ ᠦᠨᠳᠦᠰᠦᠯᠡᠨ ᠰᠦᠷᠦᠭ ᠳᠠᠭᠠᠵᠦ ᠬᠢᠴᠢᠶᠡᠯᠯᠡᠬᠦ ᠳᠦᠷᠢᠮ ᠢ ᠬᠡᠷᠡᠭᠵᠢᠬᠦᠯᠦᠬᠡᠳ  ᠤᠯᠠᠨ ᠮᠠᠯᠴᠢᠳ ᠳᠤ ᠳᠦᠬᠦᠮ ᠦᠵᠡᠬᠦᠯᠵᠦ᠂  ᠵᠤᠰᠠᠭᠠᠯ ᠳᠡᠭᠡᠷ᠎ᠡ ᠰᠤᠷᠤᠭᠴᠢᠳ   ᠤᠨ  ᠭᠡᠷ ᠲᠤ ᠡᠬᠡᠯᠵᠢ ᠪᠠᠷ ᠬᠢᠴᠢᠶᠡᠯ ᠬᠢᠬᠦ ᠪᠤᠶᠤ ᠵᠠᠷᠢᠮ   ᠳᠠᠭᠠᠨ ᠪᠠᠭᠰᠢ ᠭᠡᠷ ᠲᠤ ᠪᠠᠨ  ᠬᠢᠴᠢᠶᠠᠯ ᠬᠢᠳᠡᠭ᠂ ᠡᠪᠤᠯ ᠪᠤᠯ ᠡᠪᠦᠯᠵᠢᠶᠡᠨ ᠳᠡᠭᠡᠨ ᠢᠷᠡᠵᠦ ᠰᠤᠷᠭᠠᠭᠤᠯᠢ ᠶᠢᠨ ᠭᠡᠷ ᠲᠤ ᠬᠢᠴᠢᠶᠡᠯᠯᠡᠳᠡᠭ ᠪᠤᠯᠪᠠ᠃          1960 ᠤᠨ ᠬᠦᠷᠳᠡᠯ᠎ᠡ ᠭᠠᠭᠴᠠ ᠨᠤᠶᠢᠷᠤᠪ ᠪᠠᠭᠰᠢ ᠪᠠᠭᠰᠢᠯᠠᠵᠦ ᠪᠠᠶᠢᠵᠠᠢ᠃ ᠵᠢᠷᠠᠨ ᠨᠢᠬᠡᠨ ᠤᠨ   ᠤ  ᠲᠡᠭᠡᠳᠦ ᠬᠠᠭᠠᠰ ᠵᠢᠯ ᠲᠤ  ᠨᠤᠶᠢᠷᠤᠪ ᠪᠠᠭᠰᠢ   ᠶᠢ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠪᠠᠷ ᠰᠣᠷᠣᠯᠴᠠᠭᠤᠯᠬᠤ ᠪᠠᠷ ᠶᠠᠪᠤᠭᠤᠯᠪᠠ᠃          1961 ᠤᠨ   ᠳᠤ  ᠂ ᠰᠢᠪᠬᠠᠳᠤ ᠶᠢᠨ  ᠰᠠᠩᠵᠠᠢ ᠶᠢ ᠤᠷᠤᠯᠠᠨ ᠵᠢᠭᠠᠭᠴᠢ ᠪᠠᠷ  ᠲᠤᠮᠢᠯᠠᠨ  ᠪᠠᠭᠰᠢᠯᠠᠭᠤᠯᠵᠠᠢ᠃ ᠲᠡᠷᠡ ᠦᠶ᠎ᠡ   ᠳᠤ ᠰᠤᠷᠭᠠᠭᠤᠯᠢ   ᠨᠢ ᠮᠦᠨ ᠯᠠ ᠨᠡᠬᠦᠳᠡᠯ ᠳᠠᠭᠠᠵᠦ  ᠬᠢᠴᠢᠶᠠᠯᠯᠠᠵᠤ ᠪᠠᠶᠢᠭᠰᠠᠨ ᠶᠤᠮ᠂ ᠬᠡᠪᠡᠴᠦ ᠰᠤᠷᠤᠭᠴᠢᠳ ᠤᠨ ᠭᠡᠷ ᠲᠤ ᠡᠬᠡᠯᠵᠢᠯᠡᠨ  ᠬᠢᠴᠢᠶᠡᠯ ᠬᠢᠭᠰᠡᠨ ᠦᠬᠡᠢ᠂ ᠮᠤᠷᠢᠨ ᠳᠠᠪᠠᠭᠠᠨ  ᠠᠷᠦ  ᠳᠤ ᠪᠠᠷᠢᠭᠰᠠᠨ ᠭᠠᠴᠠᠭᠠᠨ ᠤ ᠮᠠᠯ ᠤᠨ  ᠡᠬᠦᠯᠳᠡᠷ ᠰᠠᠶᠢᠵᠢᠷᠠᠭᠤᠯᠬᠤ ᠦᠷᠳᠡᠭᠡᠨ ᠤ  ᠭᠤᠷᠪᠠᠨ ᠲᠠᠰᠣᠯᠭ᠎ᠠ ᠪᠠᠶᠢᠰᠢᠩ ᠭᠡᠷ ᠲᠤ ᠬᠢᠴᠢᠶᠡᠯ ᠤᠷᠤᠵᠦ ᠪᠠᠶᠢᠵᠠᠢ᠃ ᠤᠴᠢᠷ ᠨᠢ ᠡᠨᠡ ᠭᠡᠷ ᠵᠤᠰᠠᠭᠠᠯ ᠤᠨ ᠠᠶᠢᠯ ᠠᠴᠠ ᠶᠡᠭᠡ ᠤᠶᠢᠷ᠎ᠠ ᠲᠤᠯᠠ ᠰᠤᠷᠤᠭᠴᠢᠳ ᠤᠨ ᠶᠠᠪᠤᠵᠦ ᠢᠷᠡᠬᠦ ᠳᠤ ᠲᠤᠩ ᠳᠦᠬᠦᠮ ᠶᠤᠮ᠃ ᠡᠪᠦᠯ ᠪᠤᠯ ᠮᠦᠨᠴᠦ ᠡᠪᠦᠯᠵᠢᠶᠡᠨ ᠳᠡᠭᠡᠨ ᠬᠠᠷᠢᠵᠦ  ᠬᠢᠴᠢᠶᠡᠯᠯᠡᠳᠡᠭ᠃          1962 ᠤᠨ ᠳᠤ ᠰᠠᠩᠵᠡᠢ ᠪᠠᠭᠰᠢ ᠶᠢ ᠡᠰᠡᠷᠡᠭ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠵᠢᠬᠦᠯᠵᠦ ᠨᠠᠷᠢᠨᠳᠠᠪᠠᠭ᠎ᠠ ᠪᠠᠭ᠎ᠠ ᠰᠤᠷᠭᠠᠭᠤᠯᠢ   ᠠᠴᠠ ᠪᠠᠶᠡᠷᠳᠤ ᠪᠠᠭᠰᠢ ᠶᠢ ᠰᠢᠯᠵᠢᠬᠦᠯᠤᠨ ᠠᠪᠴᠢᠷᠠᠵᠤ ᠶᠤᠯᠤ ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ  ᠳᠤ ᠪᠠᠭᠰᠢᠯᠠᠭᠤᠯᠪᠠ᠃ ᠡᠨᠡ  ᠬᠤᠭᠤᠴᠠᠭᠠᠨ ᠳᠤ ᠰᠤᠷᠤᠭᠴᠢ ᠶᠢᠨ ᠲᠤᠭ᠎ᠠ ᠳᠡᠮᠡᠢ ᠨᠡᠮᠡᠯᠲᠡ ᠦᠬᠡᠢ  ᠠᠷᠪᠠᠨ ᠬᠡᠳᠦᠨ ᠰᠤᠷᠤᠭᠴᠢ ᠨᠢᠬᠡ ᠪᠠᠭᠰᠢ  ᠦᠷᠳᠠᠬᠡᠨ ᠭᠡᠷ ᠨᠣᠷᠠᠭᠰᠠᠨ ᠣᠴᠢᠷ  ᠡᠴᠨ‌‍ᠰᠤᠷᠤᠭᠴᠢᠳ   ᠤᠨ  ᠭᠡᠷ ᠢᠶᠠᠷ ᠡᠬᠡᠯᠵᠢᠯᠡᠨ ᠬᠢᠴᠢᠶᠡᠯ ᠬᠢᠵᠦ ᠵᠤᠨ ᠨᠠᠮᠤᠷ ᠤᠨ  ᠴᠠᠭ ᠢ ᠦᠡᠭᠭᠡᠷᠭᠡᠵᠦ ᠪᠤᠰᠤᠳ ᠤᠯᠠᠷᠢᠯ ᠲᠤ ᠡᠪᠦᠯᠵᠢᠶᠡᠨ ᠳᠡᠭᠡᠨ ᠬᠢᠴᠢᠶᠡᠯ ᠬᠢᠳᠡᠭ᠃ ᠡᠨᠡ  ᠭᠡᠳᠦᠨ ᠵᠢᠯ ᠲᠤ ᠮᠠᠯᠵᠢᠯ ᠤᠨ  ᠲᠠᠯ᠎ᠠ   ᠲᠡᠭᠡᠷ᠎ᠡ ᠮᠠᠯ ᠳᠤ ᠬᠢᠵᠢᠭ ᠳᠡᠯᠭᠡᠷᠡᠵᠦ  ﹇ᠪᠤᠭᠤᠮ᠎ᠠ᠂ ᠱᠦᠯᠬᠦᠬᠡ﹈ ᠲᠠᠷᠢᠶᠠᠯᠠᠩ ᠶᠢᠨ ᠲᠠᠯ᠎ᠠ ᠳᠤ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠳᠤᠬᠢᠶᠠᠯᠳᠤᠭᠰᠠᠨ ᠪᠠᠭᠰᠢ ᠠᠵᠢᠯᠳᠠᠨ ᠢ  ᠵᠢᠯ ᠳᠠᠷᠠᠭᠠᠯᠠᠨ ᠰᠤᠯᠢᠵᠦ ᠳᠤᠬᠢᠷᠠᠭᠤᠯᠤᠭᠰᠠᠨ᠂ ᠰᠤᠷᠭᠠᠨ  ᠬᠦᠮᠦᠵᠢᠯ ᠤᠨ  ᠲᠠᠯ᠎ᠠ ᠲᠡᠭᠡᠷᠡᠬᠢ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ᠠᠰᠠᠭᠤᠳᠠᠯ᠂ ᠬᠡᠰᠢᠬᠦᠳ ᠤᠨ ᠠᠵᠦ ᠠᠮᠢᠳᠤᠷᠠᠯ ᠤᠨ ᠬᠦᠴᠢᠷᠳᠡᠯ ᠮᠠᠯᠴᠢᠳ ᠤᠨ ᠭᠡᠷ ᠪᠦᠯᠢ ᠶᠢᠨ ᠬᠦᠮᠦᠨ ᠠᠮᠠ ᠤᠯᠠᠳᠠᠭᠰᠠᠨ᠂ ᠵᠠᠷᠢᠮ ᠭᠡᠰᠢᠬᠦᠳ ᠤᠨ  ᠭᠡᠷ ᠲᠤ ᠡᠪᠡᠳᠴᠢᠨ ᠡᠮᠬᠡᠭ ᠲᠠᠢ ᠪᠤᠯᠤᠭᠰᠠᠨ᠂ ᠠᠶᠢᠯ ᠲᠤᠰᠬᠤᠨ ᠨᠢ  ᠲᠠᠷᠠᠬᠠᠢ ᠪᠤᠳᠠᠷᠬᠠᠢ ᠰᠠᠭᠤᠷᠢᠰᠢᠵᠦ ᠰᠤᠷᠭᠠᠭᠤᠯᠢ ᠠᠴᠠ ᠬᠤᠯᠠ ᠰᠠᠭᠤᠭᠰᠠᠨ ᠵᠡᠷᠭᠡ ᠤᠯᠠᠨ ᠲᠠᠯ᠎ᠡ  ᠶᠢᠨ ᠰᠢᠯᠳᠠᠭᠠᠨ ᠨᠦᠬᠦᠴᠡᠯ ᠠᠴᠠ ᠪᠤᠯᠵᠦ ᠰᠤᠷᠤᠭᠴᠢᠳ ᠤᠨ  ᠰᠤᠷᠭᠠᠭᠤᠯᠢ ᠳᠤ ᠢᠷᠡᠬᠦ ᠲᠤᠭ᠎ᠠ ᠶᠠᠪᠤᠬᠤ ᠳᠤᠳᠤᠮ  ᠴᠦᠬᠡᠬᠡᠷᠠᠵᠦ ᠭᠡᠰᠡᠭ ᠬᠡᠮᠵᠢᠶᠡᠨ ᠤ ᠵᠤᠭᠰᠤᠩᠭᠤᠶᠢᠷᠠᠬᠤ ᠪᠠᠶᠢᠳᠠᠯ ᠳᠤ ᠤᠷᠤᠵᠦ ᠳᠤᠭᠳᠠᠪᠤᠷᠢ ᠦᠬᠡᠢ ᠪᠤᠯᠪᠠ᠃  ᠡᠶᠢᠮᠦᠷᠬᠦ ᠪᠠᠶᠢᠳᠠᠯ   ᠤᠨ ᠳᠤᠤᠷ᠎ᠠ ᠶᠤᠯᠤ ᠶᠢᠨ ᠠᠷᠤ ᠭᠠᠴᠠᠭᠠᠨ ᠤ  ᠨᠠᠮ   ᠤᠨ ᠡᠬᠦᠷ ᠣᠳᠣᠷᠢᠳᠣᠬᠤ ᠪᠠᠭ ᠨᠢ ᠰᠤᠶᠤᠯ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ  ᠰᠠᠯᠠᠭ᠎ᠠ ᠮᠦᠴᠢᠷ ᠲᠠᠢ ᠬᠠᠷᠢᠯᠴᠠᠵᠦ ᠪᠤᠳᠠᠳᠠᠢ ᠢᠶᠠᠨ ᠳᠣᠰᠬᠠᠵᠦ ᠶᠤᠯᠤ ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠦᠨᠳᠤᠰᠤᠨ ᠪᠠᠶᠢᠳᠠᠯ᠂ ᠤᠷᠤᠰᠢᠵᠤ ᠪᠠᠶᠢᠭ᠎ᠠ ᠠᠰᠠᠭᠤᠳᠠᠯ ᠢ ᠲᠠᠮᠵᠢᠭᠤᠯᠵᠤ ᠲᠠᠬᠡᠷ᠎ᠠ ᠱᠠᠳᠣᠨ ᠳᠤ ᠮᠠᠳᠡᠭᠳᠠᠬᠦ ᠶᠢᠨ ᠬᠠᠮᠳᠤ ᠮᠠᠯᠴᠢᠳ ᠲᠦᠮᠨᠨ ᠤ ᠦᠷ᠎ᠠ ᠬᠡᠤᠬᠡᠳ ᠢ ᠬᠤᠴᠤᠷᠠᠯ ᠦᠬᠡᠢ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠤᠯᠵᠦ ᠪᠢᠴᠢᠭ ᠦᠵᠡᠬᠦᠯᠬᠦ᠂ ᠦᠨᠳᠦᠰᠦᠳᠡᠨ ᠤ ᠳᠤᠬᠠᠢ ᠨᠠᠮ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠴᠢᠭᠯᠡᠯᠳᠠ ᠲᠦᠷᠤ ᠶᠢᠨ ᠪᠤᠳᠤᠯᠭ᠎ᠠ ᠶᠢ  ᠬᠦᠨᠵᠡᠬᠡᠢ ᠤᠬᠠᠭᠤᠯᠵᠦ᠂ ᠦᠷᠭᠡᠨ ᠤᠯᠠᠨ ᠮᠠᠯᠴᠢᠨ‌‍ᠲ᠋ᠦ᠋ᠮᠡᠨ ᠤ ᠬᠦᠴᠢᠷᠲᠡᠢ ᠠᠰᠠᠭᠤᠳᠠᠯ ᠢ ᠰᠡᠢᠳᠪᠦᠷᠢᠯᠡᠵᠦ᠂ ᠶᠤᠯᠤ ᠶᠢᠨ ᠠᠷᠤ ᠶᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢ ᠰᠠᠶᠢᠳᠦᠷ ᠡᠷᠬᠢᠯᠡᠨ ᠲᠦᠬᠡᠮᠡᠯᠵᠢᠬᠦᠯᠬᠦ ᠲᠤᠬᠠᠢ ᠠᠷᠭ᠎ᠠ ᠬᠡᠮᠵᠢᠶ᠎ᠡ ᠠᠪᠴᠦ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠡᠬᠦᠷ ᠠᠴᠠ ᠳᠤᠰᠬᠠᠢ ᠬᠦᠮᠦᠨ ᠭᠠᠷᠭᠠᠨ ᠬᠠᠷᠢᠭᠤᠴᠠᠭᠤᠯᠵᠠᠢ᠃          1963 ᠤᠨ ᠳᠤ ᠪᠠᠶᠠᠷᠳᠦ ᠪᠠᠭᠰᠢ ᠶᠢ ᠰᠢᠯᠵᠢᠬᠦᠯᠵᠦ ᠤᠳᠽᠠᠷ  ᠪᠠᠭᠰᠢ ᠶᠢ ᠰᠠᠶᠢᠨᠬᠤᠳᠳᠤᠭ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠠᠴᠠ ᠰᠢᠯᠵᠢᠬᠦᠯᠦᠨ ᠠᠵᠢᠯᠯᠠᠭᠤᠯᠪᠠ᠃ ᠤᠳᠽᠷ ᠪᠠᠭᠰᠢ ᠶᠢ  ᠠᠩᠬ᠎ᠠ ᠢᠷᠡᠬᠦ ᠦᠶ᠎ᠡ ᠳᠤ ᠰᠤᠷᠭᠠᠭᠤᠯᠢ  ᠨᠢ ᠬᠦᠷᠢᠶ᠎ᠡ ᠬᠠᠰᠢᠶ᠎ᠠ ᠬᠡᠵᠦ ᠶᠠᠭᠤ ᠴᠤ ᠦᠬᠡᠢ᠂ ᠬᠦᠳᠡᠭᠡ ᠲᠠᠯ᠎ᠠ ᠲᠡᠭᠡᠷ᠎ᠡ ᠪᠠᠶᠢᠷᠢᠯᠠᠭᠰᠠᠨ ᠪᠠᠭᠠᠬᠠᠨ ᠬᠤᠶᠠᠷ ᠲᠠᠰᠤᠯᠭ᠎ᠠ ᠭᠡᠷ ᠨᠢ ᠬᠡᠳᠦᠨ ᠵᠢᠯ ᠢᠶᠠᠷ ᠵᠠᠰᠠᠵᠦ ᠰᠡᠯᠪᠢᠭᠰᠡᠨ  ᠦᠬᠡᠢ   ᠠᠴᠠ ᠪᠤᠯᠵᠦ ᠵᠤᠨ   ᠳᠠᠭᠠᠨ ᠪᠤᠷᠤᠭᠠᠨ ᠭᠤᠭᠤᠵᠢᠭᠰᠠᠨ ᠠᠴᠠ ᠴᠠᠭᠠᠰᠤᠨ ᠫᠧᠡᠭ ᠨᠢ ᠤᠡᠭᠭᠤ ᠴᠤᠩᠭᠤ᠂ ᠭᠠᠳᠠᠭᠤᠷᠬᠢ ᠰᠢᠪᠠᠭᠠᠰᠦ ᠨᠢ ᠬᠤᠪᠬᠤᠷᠠᠵᠦ ᠤᠨᠠᠭᠰᠠᠨ ᠠᠴᠠ ᠡᠪᠦᠯ ᠰᠠᠯᠬᠢ  ᠨᠠᠪᠳᠠᠷᠠᠨ᠂ ᠰᠢᠷᠡᠭᠡ ᠰᠠᠨᠳᠠᠯᠢ ᠡᠪᠳᠡᠷᠬᠡᠢ ᠪᠠᠯᠪᠠᠷᠬᠠᠢ᠂ ᠪᠡᠯᠡᠳᠭᠡᠯ ᠳᠦᠬᠦᠬᠡᠷᠦᠮᠵᠢ ᠬᠡᠵᠦ ᠶᠠᠭᠤ ᠴᠤ ᠦᠬᠡᠢ ᠪᠠᠶᠢᠯ᠎ᠠ᠂ ᠡᠳᠡᠭᠡᠷ ᠪᠠᠶᠢᠳᠠᠯ ᠳᠤ ᠤᠳᠽᠷ ᠪᠠᠭᠰᠢ ᠵᠤᠷᠢᠭ ᠮᠤᠬᠤᠷᠠᠵᠦ ᠰᠡᠳᠬᠢᠯ ᠵᠤᠪᠠᠭᠰᠠᠨ ᠦᠬᠡᠢ᠃ᠭᠠᠴᠠᠭ᠎ᠠ ᠲᠤᠰᠬᠤᠨ ᠤ ᠪᠠᠨ ᠪᠤᠳᠠᠳᠤ ᠪᠠᠶᠢᠳᠠᠯ ᠢ ᠤᠶᠢᠯᠠᠭᠠᠭᠰᠠᠨ ᠤ ᠪᠠᠨ ᠳᠠᠷᠠᠭ᠎ᠠ  ᠂ ᠡᠩ ᠲᠡᠷᠢᠬᠦᠨ ᠳᠤ ᠪᠠᠷᠢᠭᠠᠳᠠ ᠶᠢᠨ ᠨᠠᠮ ᠤᠨ  ᠡᠬᠦᠷ ᠲᠠᠢ ᠨᠢᠬᠳᠠ ᠤᠶᠠᠯᠳᠤᠵᠦ᠂  ᠮᠠᠯᠴᠢᠳ ᠲᠠᠢ ᠲᠠᠰᠤᠷᠠᠯ ᠦᠬᠡᠢ ᠬᠠᠷᠢᠯᠴᠠᠵᠦ  ᠂ 27 ᠨᠡᠷᠡᠰ ᠰᠤᠷᠬᠤ ᠨᠠᠰᠤᠨ ᠤ ᠬᠡᠦᠬᠡᠳ ᠣᠳᠠᠯ ᠦᠭᠡᠢ ᠴᠦᠮ ᠰᠣᠷᠭᠠᠭᠤᠯᠢ ᠳᠤ ᠣᠷᠣᠬᠰᠠᠨ ᠪᠠᠶᠢᠨ᠎ᠠ᠃          1964 ᠤᠨ ᠳᠤ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠪᠤᠳᠠᠳᠤ ᠪᠠᠶᠢᠳᠠᠯ ᠢ ᠳᠠᠭᠠᠵᠦ ᠰᠤᠷᠭᠠᠭᠤᠯᠢ ᠨᠢ ᠤᠳᠤᠷ ᠲᠡᠭᠡᠷ᠎ᠡ ᠭᠠᠷᠳᠠᠭ ᠲᠤᠯᠠ ᠤᠳᠽᠠᠷ ᠪᠠᠭᠰᠢ ᠪᠠᠷᠢᠭᠠᠲᠠ ᠶᠢᠨ ᠤᠳᠤᠷᠢᠳᠤᠯᠭ᠎ᠠ ᠶᠢ ᠡᠷᠢᠵᠦ ᠭᠡᠳᠦᠨ ᠭᠡᠰᠡᠭ ᠴᠢᠬᠢᠷᠰᠤ ᠪᠠ ᠮᠤᠳᠤ ᠪᠦᠷᠢᠯᠳᠦᠬᠦᠯᠦᠨ  ᠠᠪᠴᠠᠷᠠᠵᠤ᠂   ᠬᠠᠳᠠᠳᠤ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ  ᠴᠢᠬᠢᠷᠰᠤᠨ ᠫᠧᠡᠭ  ᠳᠠᠷᠤᠵᠦ ᠬᠠᠯᠠᠭᠤᠨ  ᠨᠠᠷᠠ ᠬᠦᠢᠳᠡᠨ ᠪᠤᠷᠤᠭᠠᠨ ᠢ ᠬᠠᠯᠬᠠᠯᠠᠵᠦ ᠭᠤᠴᠢᠨ ᠬᠡᠳᠦᠨ ᠰᠤᠷᠤᠭᠴᠢ ᠳᠤ ᠭᠠᠭᠴᠠᠭᠠᠷ ᠢᠶᠠᠨ ᠬᠢᠴᠢᠶᠡᠯ ᠬᠢᠵᠦ ᠨᠢᠬᠡ ᠵᠤᠨ ᠢ ᠠᠮᠵᠢᠯᠲᠠ ᠲᠠᠢ  ᠦᠭᠭᠡᠷᠡᠭᠡᠪᠡ᠃  ᠳᠤᠰ ᠵᠢᠯ ᠪᠠᠷᠢᠭᠠᠲᠠ   ᠠᠴᠠ ᠰᠤᠷᠭᠠᠭᠤᠯᠢ   ᠳᠤ ᠭᠤᠷᠪᠠᠨ ᠲᠠᠰᠤᠯᠭ᠎ᠠ ᠰᠢᠪᠠᠷ ᠴᠢᠯᠠᠭᠤᠨ ᠪᠦᠳᠦᠴᠡ ᠲᠠᠢ ᠬᠤᠶᠡᠷ ᠲᠠᠰᠤᠯᠭ᠎ᠠ ᠨᠢ ᠳᠠᠮ ᠨᠢᠷᠤᠭᠤ ᠲᠠᠢ ᠦᠷᠬᠦᠯᠵᠢ ᠨᠢᠬᠡ ᠠᠩᠬᠢ  ᠶᠢᠨ ᠭᠡᠷ᠂ ᠨᠢᠬᠡ ᠲᠠᠰᠤᠯᠭ᠎ᠠ ᠠᠯᠪᠠᠨ ᠭᠡᠷ᠂ ᠬᠦᠷᠢᠶ᠎ᠠ ᠬᠠᠰᠢᠶ᠎ᠠ ᠲᠠᠢ ᠪᠠᠷᠢᠵᠦ  ᠦᠭᠴᠠᠢ᠃          1965 ᠤᠨ ᠳᠤ ᠪᠠᠷᠢᠭᠠᠲᠠ ᠶᠢᠨ ᠨᠠᠮ ᠤᠨ ᠡᠬᠦᠷ ᠠᠴᠠ ᠤᠳᠽᠠᠷ  ᠪᠠᠭᠰᠢ ᠲᠠᠢ ᠶᠠᠷᠢᠯᠴᠠᠵᠦ ᠴᠢᠭᠡᠷᠦᠰᠦᠨ ᠫᠧᠡᠭ ᠳᠤ  ᠬᠢᠴᠢᠶᠠᠯ ᠬᠢᠬᠦ ᠨᠢ  ᠮᠠᠯᠵᠢᠬᠤ ᠤᠷᠤᠨ ᠳᠤ ᠨᠡᠶᠢᠴᠡᠬᠦ ᠦᠬᠡᠢ ᠬᠦᠮᠦᠨ ᠦᠵᠡᠬᠦ ᠳᠤ ᠡᠪ ᠦᠬᠡᠢ ᠬᠡᠵᠦ ᠰᠤᠷᠭᠠᠭᠤᠯᠢ ᠳᠤ ᠶᠡᠭᠡ ᠵᠢᠷᠭᠤᠭᠠᠨ ᠬᠠᠨ᠎ᠠ ᠲᠠᠢ ᠮᠤᠩᠭᠤᠯ ᠭᠡᠷ ᠪᠡᠯᠡᠳᠬᠡᠵᠦ ᠦᠭᠪᠠ᠂ ᠵᠤᠰᠠᠯᠠᠩ  ᠢᠶᠠᠷ ᠭᠠᠷᠬᠤ ᠳᠠᠭᠠᠨ ᠬᠤᠶᠠᠷ ᠪᠠᠭ᠎ᠠ ᠳᠤᠭᠤᠶᠢᠯᠠᠩ ᠠᠴᠠ   ᠲᠤᠭᠤᠷᠭ᠎ᠠ᠂ ᠲᠠᠬᠡᠪᠤᠷᠢ᠂ ᠦᠷᠦᠬᠡ ᠢᠰᠡᠬᠡᠢ ᠪᠦᠷᠢᠶᠡᠰᠦ ᠤᠯᠵᠦ ᠨᠡᠬᠦᠳᠡᠯ ᠲᠠᠭᠠᠵᠦ ᠮᠤᠩᠭᠤᠯ ᠭᠡᠷ ᠲᠤ ᠬᠢᠴᠢᠶᠡᠯᠯᠡᠬᠦ ᠪᠤᠯᠪᠠ᠂ ᠡᠨᠡ ᠵᠢᠯ44 ᠰᠤᠷᠤᠭᠴᠢ ᠲᠠᠢ ᠪᠤᠯᠵᠦ᠂ ᠰᠤᠷᠤᠭᠴᠢ ᠶᠢᠨ ᠳᠤᠭ᠎ᠠ ᠶᠠᠪᠤᠬᠤ ᠳᠤᠳᠤᠮ ᠤᠯᠠᠰᠢᠷᠠᠪᠠ᠃          1966 ᠤᠨ ᠳᠤ᠂ ᠠᠷᠠᠳ ᠠᠴᠠ ᠡᠷᠬᠢᠯᠡᠭᠰᠡᠨ  ᠪᠠᠭᠰᠢ ᠳᠤᠷᠵᠢᠰᠡᠷᠡᠩ   ᠢ ᠳᠣᠬᠢᠷᠠᠭᠤᠯᠵᠣ ᠠᠵᠢᠯᠯᠠᠭᠤᠯᠪᠠ᠃  ᠰᠣᠶᠣᠯ ᠤᠨ ᠬᠤᠪᠢᠰᠬᠠᠯ ᠤᠨ ᠦᠶ᠎ᠡ ᠳᠤ᠂ ᠪᠠᠷᠢᠭᠠᠲᠠ ᠶᠢᠨ ᠨᠠᠮ ᠤᠨ ᠡᠭᠦᠷ  ᠪᠠᠭᠰᠢ ᠲᠠᠢ ᠵᠦᠪᠯᠡᠵᠦ ᠰᠢᠨ᠎ᠡ ᠠᠷᠭ᠎ᠠ  ᠵᠠᠮ ᠰᠦᠪᠡᠭᠴᠢᠯᠡᠨ ᠰᠤᠷᠤᠭᠴᠢᠳ ᠤᠨ ᠬᠢᠴᠢᠶᠡᠯ ᠰᠤᠷᠤᠯᠭ᠎ᠠ ᠶᠢ ᠰᠠᠭᠠᠳᠠᠬᠤ ᠦᠬᠡᠢ᠂ ᠬᠢᠴᠢᠶᠡᠯ   ᠤᠨ ᠳᠡᠪᠳᠡᠷ ᠢ ᠳᠤᠭᠲᠠᠭᠰᠠᠨ ᠬᠤᠭᠤᠴᠠᠭᠠᠨ ᠳᠤᠨᠢ ᠵᠢᠭᠠᠵᠦ ᠳᠠᠭᠤᠰᠬᠠᠵᠦ ᠤᠨ ᠳᠠᠪᠰᠢᠬᠤ ᠳᠤ ᠬᠠᠷᠰᠢ ᠰᠠᠭᠠᠳ  ᠪᠤᠯᠭᠠᠬᠤ ᠦᠬᠡᠢ ᠨᠦᠬᠦᠴᠡᠯ ᠢ ᠪᠤᠳᠤᠵᠦ ᠳᠤᠭᠤᠷᠢᠨ ᠵᠢᠭᠠᠬᠤ ᠠᠷᠭ᠎ᠠ ᠮᠠᠶ᠋ᠢᠭ ᠢ ᠭᠡᠷᠡᠭᠯᠡᠨ ᠮᠤᠷᠢᠨ ᠨᠢᠷᠤᠭᠤᠨ ᠳᠡᠭᠡᠷ᠎ᠡ ᠰᠠᠮᠪᠠᠷ᠎ᠠ ᠡᠬᠦᠷᠴᠦ ᠵᠢᠭᠠᠬᠤ   ᠮᠠᠲ᠋ᠧᠷᠢᠶᠠᠯ ᠢᠶᠠᠨ ᠡᠪᠦᠷᠳᠦᠯᠡᠨ ᠦᠲᠡ ᠶᠢᠨ ᠬᠦᠨᠡᠰᠦ ᠪᠠᠨ ᠭᠠᠨᠵᠤᠭᠯᠠᠵᠦ᠂ ᠤ ᠶᠢᠨ ᠪᠢᠷ ᠢᠶᠠᠨ ᠬᠠᠷᠮᠠᠨ ᠳᠠᠭᠠᠨ ᠬᠢᠵᠤ ᠭᠡᠳᠦᠨ ᠴᠢᠭ   ᠢ ᠳᠤᠭᠤᠷᠢᠨ ᠬᠢᠴᠢᠶᠡᠯ ᠰᠤᠷᠤᠯᠭ᠎ᠠ ᠶᠢ  ᠨᠢ ᠨᠦᠬᠦᠪᠦᠷᠢᠯᠡᠵᠦ᠂ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ   ᠤᠨ ᠪᠤᠳᠠᠳᠠᠢ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠨᠡᠶᠢᠭᠡᠮ ᠵᠢᠷᠦᠮᠲᠦ ᠰᠢᠨ᠎ᠡ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠦᠢᠯᠡᠰ ᠵᠦᠭ ᠨᠢᠬᠡᠨ ᠰᠡᠳᠬᠢᠯ ᠢᠶᠠᠷ ᠵᠢᠳᠬᠦᠵᠦ ᠮᠤᠷᠢᠨ ᠨᠢᠷᠤᠭᠤᠨ ᠲᠡᠭᠡᠷᠡᠬᠢ ᠰᠤᠷᠭᠠᠭᠤᠯᠢ ᠶᠢᠨ ᠡᠬᠢᠯᠡᠯᠲᠡ ᠶᠢᠨ ᠵᠠᠮ ᠢᠶᠠᠨ ᠡᠯᠬᠦᠭᠰᠡᠨ ᠶᠤᠮ᠃          1965 —1966 ᠤᠨ ᠳᠤ ᠶᠤᠯᠤ ᠶᠢᠨ ᠠᠷᠦ ᠶᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠦᠭᠰᠡᠨ ᠭᠤᠷᠪᠠᠨ ᠤᠨ ᠤ ᠰᠤᠷᠤᠭᠴᠢᠳ ᠤᠨ ᠬᠢᠷᠢ ᠪᠦᠳᠦᠮᠵᠢ ᠨᠢ ᠪᠦᠬᠦ ᠪᠠᠶᠠᠨᠠᠭᠤᠯᠠ ᠬᠦᠡᠭᠱᠧ ᠶᠢᠨ  ᠳᠤᠳᠤᠷ᠎ᠠ ᠲᠡᠷᠢᠬᠦᠨ  ᠳᠤ ᠤᠷᠤᠭᠰᠠᠨ ᠪᠦᠬᠡᠳ ᠶᠤᠯᠤ ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠨᠢ ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ  ᠵᠦᠪᠯᠡᠯ ᠠᠴᠠ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠳᠦᠭᠡᠮᠡᠯᠵᠢᠬᠦᠯᠦᠭᠰᠡᠨ ᠲᠡᠷᠢᠬᠦᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠬᠢᠬᠦᠯᠦᠯ ᠢ ᠤᠯᠤᠭᠰᠠᠨ ᠪᠦᠬᠡᠳ ᠤᠳᠽᠷ ᠪᠠᠭᠰᠢ ᠪᠠᠶᠠᠨᠠᠭᠤᠯᠠ ᠭᠦᠡᠭᠱᠧ᠂ ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ ᠤ ᠲᠡᠪᠤᠨ ᠰᠠᠶᠢᠲᠠᠢ  ᠪᠢᠶᠣᠣ ᠪᠢᠩ ᠢᠶᠠᠷ ᠰᠤᠩᠭᠤᠭᠳᠠᠵᠦ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ᠂ ᠮᠧᠲ᠋ᠠᠯ ᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ 1966 ᠤᠨ ᠳᠤ 1 —4  ᠳ᠋ᠤᠭᠡᠷ ᠤᠨ ᠪᠤᠯᠳᠠᠯ᠎ᠠ ᠳᠦᠴᠢᠨ ᠭᠡᠳᠦᠨ ᠰᠤᠷᠤᠭᠴᠢ᠂ ᠬᠤᠶᠠᠷ ᠪᠠᠭᠰᠢ ᠨᠢᠬᠡ ᠬᠢᠴᠢᠶᠡᠯ ᠤᠨ ᠭᠡᠷ᠂ ᠨᠢᠬᠡ ᠳᠠᠰᠤᠯᠭ᠎ᠠ ᠠᠯᠪᠠᠨ ᠭᠡᠷ ᠲᠠᠢ ᠪᠠᠶᠢᠪᠠ᠃          ᠮᠤᠩᠭᠤᠯ ᠭᠡᠷ ᠲᠤ  ᠂ ᠰᠤᠷᠤᠭᠴᠢᠳ ᠵᠠᠪᠢᠯᠡᠵᠦ ᠰᠠᠭᠤᠬᠤ ᠪᠤᠶᠤ  ᠴᠦᠮᠴᠤᠶᠢᠵᠦ  ᠰᠠᠭᠤᠵᠦ  ᠡᠪᠤᠷ ᠲᠡᠭᠡᠷ᠎ᠡ ᠪᠠᠨ  ︵ᠬᠦᠯ ᠲᠡᠭᠡᠷ᠎ᠡ︶ ᠲᠡᠪᠳᠡᠷ ᠢᠶᠠᠨ ᠳᠡᠯᠭᠡᠵᠦ ᠳᠠᠰᠬᠠᠯ ᠬᠢᠳᠡᠭ᠂ ᠨᠢᠷᠤᠭᠤ  ᠪᠦᠬᠦᠶᠢᠵᠦ ᠨᠤᠭᠳᠤᠶᠢᠵᠦ ᠰᠠᠭᠤᠬᠤ ᠨᠢ ᠬᠡᠦᠭᠡᠳ ᠤᠨ ᠡᠷᠡᠬᠦᠯ ᠴᠢᠬᠢᠷᠠᠭ ᠢᠶᠠᠷ ᠦᠰᠦᠨ ᠪᠤᠶᠢᠵᠢᠬᠤ ᠶᠢ ᠨᠦᠯᠦᠬᠡᠯᠡᠬᠦ  ᠳᠤᠯᠠ ᠤᠳᠽᠠᠷ ᠪᠠᠭᠰᠢ ᠪᠠᠷᠢᠭᠠᠲᠠ ᠶᠢᠨ ᠤᠳᠤᠷᠢᠳᠤᠯᠭ᠎ᠠ ᠶᠢ ᠡᠷᠢᠵᠦ ᠮᠤᠩᠭᠤᠯ ᠭᠡᠷ ᠲᠤ ᠵᠤᠬᠢᠴᠠᠭᠰᠠᠨ ᠰᠤᠷᠤᠭᠴᠢᠳ ᠤᠨ  ᠬᠡᠷᠡᠭᠯᠡᠬᠦ ᠳᠤ ᠳᠦᠬᠦᠮ ᠳᠤᠬᠢᠯᠢᠭ ᠠᠪᠰᠠᠷᠬᠠᠨ ᠭᠤᠴᠢᠨ ᠭᠡᠳᠦᠨ ᠡᠪᠬᠡᠬᠦᠷ ᠰᠢᠷᠡᠭᠡ ᠬᠤᠳᠠᠯᠳᠤᠨ ᠠᠪᠴᠢᠷᠠᠵᠦ ᠮᠤᠩᠭᠤᠯ ᠭᠡᠷ   ᠲᠤ  ᠵᠤᠬᠢᠴᠠᠭᠰᠠᠨ ᠪᠢᠴᠢᠭ ᠤᠨ ᠰᠢᠷᠡᠭᠡ  ᠪᠤᠯᠭᠠᠵᠠᠢ᠃  ᠵᠤᠨ ᠪᠤᠯᠪᠠᠯ ᠵᠤᠰᠠᠯᠠᠩ ᠲᠠᠭᠠᠵᠦ᠂ ᠡᠪᠦᠯᠵᠢᠶᠡᠨ ᠠᠴᠠ ᠳᠠᠯᠠᠭᠠᠳ ᠭᠠᠵᠠᠷ ᠵᠠᠶᠢᠳᠠᠢ ᠬᠡᠷᠬᠡ ᠶᠢᠨ ᠳᠠᠪᠠᠭᠠᠨ ᠠᠮᠠ ᠬᠠᠳᠠᠳᠤ ᠶᠢᠨ ᠡᠩᠭᠡᠷ ᠢ ᠰᠦᠷᠦᠭ ᠳᠠᠭᠠᠵᠦ ᠬᠢᠴᠢᠶᠡᠯᠯᠡᠳᠡᠭ ᠃ ᠤᠯᠠᠩᠬᠢ ᠰᠤᠷᠤᠭᠴᠢᠳ ᠨᠢ ᠲᠡᠨᠳᠡ ᠳᠦᠪᠯᠡᠷᠡᠵᠦ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭᠤᠯ ᠭᠡᠷ ᠢᠶᠠᠨ ᠲᠠᠨᠲᠡ ᠪᠠᠷᠢᠵᠦ ᠬᠢᠴᠢᠶᠡᠯᠯᠡᠳᠡᠭ ᠪᠤᠯᠪᠠᠴᠦ ᠮᠠᠯ ᠢᠶᠠᠷ ᠭᠠᠷᠤᠭᠰᠠᠨ ᠠᠶᠢᠯ ᠨᠢ ᠲᠠᠷᠬᠠᠢ ᠪᠤᠳᠠᠷᠬᠠᠢ ᠬᠡᠳᠤᠨ ᠲᠠᠰᠢ ᠰᠠᠭᠤᠳᠠᠭ ᠤᠴᠠᠷ ᠨᠢᠬᠡ ᠪᠠᠭᠰᠢ ᠨᠢ ᠳᠦᠪᠯᠡᠷᠡᠭᠰᠡᠨ ᠭᠠᠵᠠᠷ ᠳᠤ ᠪᠠᠨ ᠮᠤᠩᠭᠤᠯ ᠭᠡᠷ ᠲᠡᠭᠡᠨ ᠬᠢᠴᠢᠶᠡᠯ ᠬᠢᠪᠡᠯ ᠨᠢᠬᠡ ᠪᠠᠭᠰᠢ ᠨᠢ ᠪᠤᠰᠤᠳ ᠴᠢᠭ ᠲᠡᠭᠡᠷ᠎ᠡ ᠬᠦᠷᠴᠦ ᠳᠤᠭᠤᠷᠢᠨ ᠵᠢᠭᠠᠳᠠᠭ᠂ ᠡᠪᠤᠯ ᠪᠤᠯᠪᠠᠯ ᠠᠷᠪᠠᠭᠠᠳ ᠭᠠᠵᠠᠷ ᠵᠠᠶᠢᠳᠠᠢ ᠲᠤᠯᠠᠭᠠᠨ ᠵᠠᠯᠭ᠎ᠠ ︵ᠡᠨᠡ ᠭᠤᠤ︶᠂ ᠭᠤᠷᠪᠠᠨ ᠭᠠᠵᠠᠷ ᠵᠠᠶᠢᠳᠠᠢ ᠰᠢᠬᠠᠭᠤ ᠵᠠᠷᠬᠡ ᠭᠠᠵᠠᠷ ᠢᠶᠠᠷ ᠲᠤᠭᠤᠷᠢᠨ ᠤᠳᠽᠠᠷ᠂ ᠳᠤᠷᠵᠢᠰᠡᠷᠡᠩ ᠬᠤᠶᠠᠷ  ᠪᠠᠭᠰᠢ ᠨᠢᠬᠡ ᠨᠢ ᠰᠤᠷᠭᠠᠭᠤᠯᠢ ᠶᠢᠨ ᠭᠡᠷ ᠲᠡᠭᠡᠨ  ᠬᠢᠴᠢᠶᠡᠯ ᠬᠢᠵᠦ ᠨᠢᠬᠡ ᠨᠢ ᠰᠠᠮᠪᠠᠷ᠎ᠠ  ᠢᠶᠠᠨ ᠡᠬᠦᠷᠴᠤ ᠬᠡᠳᠦᠨ ᠲᠡᠰᠢ ᠡᠭᠡᠯᠵᠢᠯᠡᠨ ᠬᠢᠴᠢᠶᠠᠯ ᠵᠢᠭᠠᠨ᠎ᠠ᠂ ᠡᠨᠡ ᠨᠢ ᠴᠤᠬᠤᠮ 《ᠮᠣᠷᠢᠨ ᠨᠢᠷᠤᠭᠤᠨ ᠲᠡᠭᠡᠷᠡᠬᠢ ᠰᠤᠷᠭᠠᠭᠤᠯᠢ》᠂ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠪᠤᠳᠠᠳᠤ ᠠᠮᠢᠳᠤᠷᠠᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠤᠨᠴᠤᠭᠤᠢ ᠨᠢᠬᠡ ᠵᠦᠢᠯ ᠤᠨ  ᠠᠷᠭ᠎ᠠ ᠵᠠᠮ ᠢᠶᠠᠷ ᠰᠤᠶᠤᠯ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠳᠦᠭᠡᠮᠡᠯᠵᠢᠬᠦᠯᠵᠦ ᠰᠤᠷᠬᠤ ᠨᠠᠰᠤᠨ ᠤ ᠬᠡᠤᠬᠡᠳ ᠢ ᠬᠤᠴᠤᠷᠤᠯ ᠦᠬᠡᠢ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠤᠯᠵᠦ ᠴᠢᠳᠠᠭᠰᠠᠨ  ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤ᠂ ᠪᠤᠰᠤᠳ ᠠᠬ᠎ᠠ ᠲᠡᠬᠦᠦ ᠨᠢᠭᠡᠴᠢ  ᠳᠤ ᠬᠡᠷᠡᠭᠵᠢᠬᠦᠯᠦᠭᠰᠡᠨ ᠦᠬᠡᠢ ᠴᠤᠷ   ᠤᠨ ᠭᠠᠭᠴᠠ ᠶᠤᠯᠤ ᠶᠢᠨ ᠠᠷᠦ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠶᠤᠯ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ᠵᠠᠮ ᠢᠶᠠᠷ ᠵᠠᠮᠨᠠᠵᠦ ᠢᠷᠡᠭᠰᠡᠨ ᠶᠤᠮ᠃  ᠤᠨᠴᠠᠭᠠᠶᠢᠯᠠᠨ ᠳᠣᠷᠠᠳᠣᠭᠤᠰᠢᠲᠠᠢ  ᠨᠢ ᠠᠷᠠᠳ ᠠᠴᠠ ᠡᠷᠬᠢᠯᠡᠭᠰᠡᠨ ᠪᠠᠭᠰᠢ ᠶᠢᠨ ᠴᠠᠯᠢᠩ ᠬᠦᠯᠦᠰᠦ ᠶᠢ ᠪᠠᠷᠢᠭᠠᠲᠠ ᠠᠴᠠ ᠬᠤᠪᠢ ᠲᠡᠮᠳᠡᠭᠯᠡᠬᠦ ᠳᠦᠷᠢᠮ   ᠢ  ᠬᠡᠷᠡᠭᠵᠢᠬᠦᠯᠵᠦ ᠪᠠᠶᠢᠭᠰᠠᠨ ᠤᠴᠢᠷ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠪᠠᠷᠢᠭᠠᠲᠠ ᠶᠢᠨ ᠨᠢᠬᠡ ᠪᠦᠬᠦᠯᠢ ᠬᠦᠳᠠᠯᠮᠦᠷᠢ ᠶᠢᠨ ᠲᠤᠭ᠎ᠠ ᠶᠢ ᠬᠦᠢᠴᠡᠳᠭᠡᠵᠦ   ᠪᠦᠬᠦᠯᠢ ᠵᠢᠯ ᠳᠤ 360  ᠬᠦᠳᠡᠯᠮᠦᠷᠢ ᠶᠢᠨ ᠡᠳᠦᠷ ᠢ ᠪᠠᠳᠤᠯᠬᠤ ᠭᠡᠷᠡᠭᠲᠠᠢ᠃ 360 ᠡᠳᠦᠷ ᠢ ᠪᠠᠳᠤᠯᠠᠬᠤ ᠦᠬᠡᠢ ᠪᠤᠯ ᠴᠠᠯᠢᠩ ᠬᠦᠯᠦᠰᠦ ᠶᠢ ᠨᠢ ᠪᠦᠷᠢᠨ ᠬᠦᠢᠴᠡᠳ ᠦᠭᠬᠦ ᠦᠬᠡᠢ᠂ ᠲᠡᠶᠢᠮᠦ ᠠᠴᠠ ᠵᠤᠨ ᠡᠪᠤᠯ ᠤᠨ  ᠠᠮᠠᠷᠠᠯᠲᠠ ᠶᠢᠨ ᠬᠤᠭᠤᠴᠠᠭ᠎ᠠ ᠬᠡᠵᠦ ᠪᠠᠶᠢᠳᠠᠭ ᠦᠬᠡᠢ ᠶᠤᠮ᠃ 1972 ᠤᠨ ᠠᠴᠠ ᠬᠤᠶᠢᠰᠢ ᠰᠠᠶ᠋ᠢ ᠠᠷᠠᠳ ᠠᠴᠠ ᠡᠷᠬᠢᠯᠡᠭᠰᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠴᠢᠯᠦᠬᠡ ᠲᠠᠢ ᠠᠮᠠᠷᠠᠯᠲᠠ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃          1968 ᠤᠨ ᠳᠤ ᠬᠤᠶᠠᠷ ᠪᠠᠭᠰᠢ ᠳᠦᠴᠢᠨ ᠬᠡᠳᠦᠨ ᠰᠤᠷᠤᠭᠴᠢ᠂ ᠬᠤᠷᠢᠭᠠᠳ ᠢᠵᠢ ᠰᠢᠷᠡᠭᠡ ᠰᠠᠨᠳᠠᠯᠢ ᠳᠦᠷᠪᠡᠨ ᠳᠠᠰᠤᠯᠭ᠎ᠠ ᠠᠩᠭᠢ ᠶᠢᠨ ᠭᠡᠷ ᠨᠢᠬᠡ ᠲᠠᠰᠤᠯᠭ᠎ᠠ ᠠᠯᠪᠠᠨ ᠭᠡᠷ ᠲᠠᠢ᠂ ᠵᠤᠷᠰᠢᠯ ᠶᠤᠰᠤᠭᠠᠷ ᠵᠤᠨ  ᠳᠠᠭᠠᠨ ᠵᠤᠰᠠᠭᠠᠯ ᠳᠠᠭᠠᠵᠦ ᠮᠠᠯ ᠢᠶᠠᠷ ᠭᠠᠷᠤᠭᠰᠠᠨ ᠠᠶᠢᠯ ᠤᠨ ᠬᠡᠦᠬᠡᠳ ᠤᠳ ᠲᠤ ᠮᠤᠩᠭᠤᠯ ᠭᠡᠷ   ᠲᠤ ᠬᠢᠴᠢᠶᠡᠯᠯᠡᠵᠦ᠂ ᠡᠪᠦᠯ ᠰᠠᠭᠤᠷᠢᠨ ᠳᠤ ᠪᠠᠨ ᠬᠢᠴᠢᠶᠡᠯᠯᠡᠳᠡᠩ᠂ ᠪᠤᠰᠤᠳ ᠴᠢᠭ ᠲᠡᠭᠡᠨ ᠡᠬᠡᠯᠵᠢ ᠪᠠᠷ ᠳᠤᠭᠤᠷᠢᠵᠦ  ᠮᠤᠷᠢᠨ ᠨᠢᠷᠤᠭᠤᠨ ᠲᠡᠭᠡᠷᠡᠬᠢ ᠰᠤᠷᠭᠠᠭᠤᠯᠢ  ᠪᠠᠨ‌ᠦᠷᠬᠦᠯᠵᠢᠯᠡᠳᠡᠭ᠃          1970 ᠤᠨ ᠳᠤ᠂ ᠰᠤᠷᠭᠠᠭᠤᠯᠢ ᠶᠢ ᠠᠶᠢᠯ ᠤᠨ ᠳᠤᠮᠲᠠ ᠰᠢᠯᠵᠢᠬᠦᠯᠪᠡ᠃ ᠡᠨᠡ  ᠵᠢᠯ ᠤᠨ ᠬᠤᠭᠤᠴᠠᠭ᠎ᠠ ᠡᠬᠢᠯᠡᠮᠡᠩᠴᠡ ᠣᠳᠽᠠᠷ ᠪᠠᠭᠰᠢ  ᠰᠢᠯᠵᠢᠵᠦ ᠮᠦᠡᠭᠭᠡᠪᠠᠶᠠᠷ᠂ ᠲᠡᠯᠭᠡᠷ ᠬᠤᠶᠠᠷ ᠪᠠᠭᠰᠢ  ᠬᠤᠪᠢᠶᠠᠬᠳᠠᠨ ᠢᠷᠡᠵᠦ ᠠᠵᠢᠯᠯᠠᠵᠡᠢ᠃  ᠡᠨᠡ ᠵᠢᠯ1 —5 ᠳ᠋ᠤᠭᠠᠷ ᠤᠨ ᠬᠦᠷᠳᠡᠯ᠎ᠡ ᠳᠦᠴᠢᠨ ᠭᠡᠳᠦᠨ ᠰᠤᠷᠤᠭᠴᠢ ᠲᠠᠢ᠂ ᠭᠤᠷᠪᠠᠨ ᠨᠡᠷ᠎ᠡ ᠪᠠᠭᠰᠢ ᠠᠵᠢᠯᠲᠠᠨ ᠲᠠᠢ᠃ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ᠨᠢᠭᠡᠨ ᠬᠢᠳᠡᠳ ᠠᠩᠭᠢ ᠶᠢᠨ ᠰᠤᠷᠤᠭᠴᠢ ᠨᠡᠮᠡᠭᠳᠡᠵᠦ  ᠬᠡᠰᠡᠭ ᠬᠤᠭᠤᠴᠠᠭ᠎ᠠ ᠪᠤᠯᠪᠠ᠃  ᠡᠨᠡ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠡᠴᠦᠰ ᠢᠶᠠᠷ ᠲᠡᠯᠭᠡᠷ ᠢ ᠰᠢᠯᠵᠢᠬᠦᠯᠵᠦ 9 ᠰᠠᠷ᠎ᠠ  ᠶᠢᠨ ᠰᠡᠭᠦᠯᠴᠢ ᠪᠠᠷ  ᠲᠡᠭᠰᠢᠪᠤᠤ ᠶᠤᠯᠤ   ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ᠢᠷᠡᠵᠦ ᠠᠵᠢᠯᠯᠠᠵᠡᠢ᠃  ᠪᠠᠳᠤᠪᠠᠶᠠᠷ ᠶᠠᠪᠠ ᠰᠤᠷᠤᠭᠴᠢ ᠳᠤ ᠳᠦᠬᠦᠮ  ᠵᠢᠷᠤᠭ ᠵᠢᠷᠤᠵᠦ ᠦᠰᠦᠭ ᠲᠠᠨᠢᠭᠤᠯᠪᠠ᠃  1971 ᠤᠨ ᠠᠴᠠ ᠡᠬᠢᠯᠡᠵᠦ ᠮᠠᠨ ᠤ ᠪᠠᠷᠢᠭᠠᠲᠠ ᠶᠢᠨ ᠵᠤᠰᠠᠯᠠᠩ ᠢᠶᠠᠷ  ᠭᠠᠷᠬᠤ ᠡᠷᠦᠬᠡ ᠶᠠᠪᠤᠬᠤ ᠳᠤᠳᠤᠮ ᠴᠦᠬᠡᠬᠡᠷᠡᠵᠦ ᠰᠤᠷᠤᠭᠴᠢᠳ ᠦᠨᠳᠤᠰᠦᠨ ᠳᠡᠭᠡᠨ ᠡᠪᠦᠯᠵᠢᠶᠡᠨ ᠰᠠᠭᠤᠷᠢᠨ ᠳᠠᠭᠠᠨ ᠰᠠᠭᠤᠷᠢᠰᠢᠵᠦ ᠰᠤᠷᠠᠭᠭᠤᠯᠢ ᠨᠢ ᠳᠤᠭᠳᠠᠩᠭᠤᠢ ᠤᠷᠤᠨ ᠰᠠᠭᠤᠴᠠ ᠲᠠᠢ ᠪᠤᠯᠵᠦ ᠳᠤᠭᠳᠠᠪᠦᠷᠢᠵᠢᠪᠠ᠃ ᠡᠨᠡ  ᠵᠢᠯ ᠳᠤᠷᠵᠢᠰᠡᠷᠡᠩ ᠲᠡᠭᠰᠢᠪᠤᠤ᠂ ᠮᠦᠡᠭᠭᠡᠪᠠᠶᠡᠷ ᠵᠡᠷᠭᠡ ᠭᠤᠷᠪᠠᠨ ᠪᠠᠭᠰᠢ᠂ ᠳᠦᠴᠢᠨ ᠭᠡᠳᠦᠨ ᠰᠤᠷᠤᠭᠴᠢ 1 —5  ᠳ᠋ᠤᠭᠠᠷ ᠤᠨ ᠬᠦᠷᠳᠡᠯ᠎ᠡ᠂ ᠨᠢᠬᠡ ᠬᠢᠳᠡᠳ ᠠᠩᠭᠢ ᠲᠠᠢ ᠪᠠᠨ 6 ᠠᠩᠭᠢ ᠰᠤᠷᠤᠭᠴᠢ ᠲᠠᠢ ᠳᠤᠭᠤᠷᠢᠨ ᠵᠢᠭᠠᠬᠤ ᠠᠷᠭ᠎ᠠ ᠮᠠᠶ᠋ᠢᠭ ᠶᠢ ᠦᠭᠡᠷᠡᠴᠢᠯᠡᠵᠦ ᠮᠤᠷᠢᠨ ᠨᠢᠷᠤᠭᠤᠨ  ᠳᠡᠭᠡᠷᠡᠬᠢ ᠰᠤᠷᠭᠠᠭᠤᠯᠢ ᠢ ᠦᠬᠡᠶᠢᠰᠬᠡᠵᠦ ᠶᠤᠯᠤ ᠶᠢᠨ ᠠᠷᠦ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠠᠩᠭᠢ ᠬᠤᠪᠢᠶᠡᠵᠦ ᠬᠢᠴᠢᠶᠡᠯᠯᠡᠬᠦ ᠳᠦᠷᠢᠮ ᠢ ᠠᠩᠬ᠎ᠠ ᠡᠬᠢᠯᠡᠵᠦ ᠭᠡᠷᠡᠭᠵᠢᠬᠦᠯᠵᠡᠢ᠃ ᠳᠤᠷᠵᠢᠰᠡᠷᠡᠩ ᠪᠠᠭᠰᠢᠯᠠᠬᠤ ᠪᠠᠨ ᠵᠣᠬᠰᠣᠪᠠ᠃          1972 ᠤᠨ ᠳᠤ ᠳᠡᠭᠰᠢᠪᠤᠤ᠂ ᠰᠠᠷᠠᠭᠤᠯ᠂ ᠮᠦᠡᠭᠭᠡᠪᠠᠶᠡᠷ ᠵᠡᠷᠭᠡ ᠭᠤᠷᠪᠠᠨ ᠪᠠᠭᠰᠢ  ᠬᠡᠳᠦᠨ ᠰᠤᠷᠤᠭᠴᠢ ᠲᠠᠢ ᠰᠠᠷᠠᠭᠤᠯ ᠵᠠᠬᠢᠷᠤᠯ ᠤᠨ  ᠠᠵᠢᠯ ᠢ ᠬᠠᠷᠢᠭᠤᠴᠠᠵᠦ ᠪᠠᠶᠢᠵᠡᠢ᠃ ᠳᠡᠭᠰᠢᠪᠤᠤ  ᠵᠢᠯ   ᠤᠨ  ᠡᠴᠦᠰ  ᠢᠶᠠᠷ  ᠪᠠᠶ᠋ᠬᠠᠠᠭᠤᠯᠨ ᠰᠤᠮᠦ ᠶᠢᠨ ᠵᠠᠰᠠᠭ ᠤᠨ ᠤᠷᠳᠤᠨ ᠳᠤ ᠠᠵᠢᠯ ᠰᠢᠯᠵᠢᠪᠠ᠃ ᠳᠣᠰ ᠵᠢᠯ ᠰᠤᠷᠭᠠᠭᠤᠯᠢ ᠶᠢ ᠪᠤᠯᠠᠭ  ᠤᠨ  ᠡᠩᠭᠡᠷ ᠲᠤ ᠰᠢᠯᠵᠢᠬᠦᠯᠪᠡ᠃ ᠬᠠᠭᠤᠴᠢᠨ ᠪᠠᠶᠢᠭᠰᠠᠨ ᠲᠠᠪᠤᠨ  ᠲᠠᠰᠤᠯᠭ᠎ᠠ ᠭᠡᠷ ᠤᠨ  ᠪᠠᠷᠠᠭᠤᠨ ᠲᠠᠯ᠎ᠠ ᠳᠤᠨᠢ ᠰᠢᠨ᠎ᠡ ᠪᠠᠷ ᠲᠠᠪᠤᠨ ᠳᠠᠰᠤᠯᠭ᠎ᠠ ᠭᠡᠷ ᠪᠠᠷᠢᠵᠦ  ᠬᠦᠷᠢᠶ᠎ᠠ ᠶᠢ ᠶᠡᠬᠡᠰᠬᠡᠪᠡ᠃          1973 —1975 ᠤᠨ ᠳᠤ᠂ ᠰᠠᠷᠠᠭᠤᠯ᠂ ᠨᠤᠶᠢᠷᠤᠪ᠂ ᠮᠦᠡᠭᠭᠡᠪᠠᠶᠡᠷ᠂ ᠸᠠᠩᠴᠤᠭᠷᠠᠪᠳᠠᠨ᠂ ᠡᠷᠳᠡᠨᠢ ᠵᠡᠷᠭᠡ ᠲᠠᠪᠤᠨ ᠪᠠᠭᠰᠢ ᠳᠦᠴᠢᠨ ᠬᠡᠳᠦᠨ ᠰᠤᠷᠤᠭᠴᠢ ᠲᠠᠢ ᠰᠠᠷᠠᠭᠤᠯ ᠵᠠᠬᠢᠷᠤᠯ ᠤᠨ  ᠠᠵᠢᠯ   ᠢ ᠬᠠᠷᠢᠭᠤᠴᠠᠵᠦ ᠪᠠᠶᠢᠵᠡᠢ᠃          1976 ᠤᠨ ᠳᠤ᠂ ᠰᠠᠷᠠᠭᠤᠯ  ᠶᠤᠯᠤ ᠶᠢᠨ ᠠᠷᠤ ᠬᠤᠯᠪᠤᠭᠠᠲᠤ ᠲᠤᠮᠳᠠᠳᠣ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠵᠢᠪᠡ᠃ ᠮᠦᠩᠬᠡᠪᠠᠶᠠᠷ᠂ ᠸᠠᠩᠴᠤᠭᠷᠠᠪᠳᠠᠨ᠂ ᠨᠤᠶᠢᠷᠤᠪ  ᠂ ᠡᠷᠳᠡᠨᠢ᠂ ᠦᠯᠵᠡᠶᠢᠪᠠᠶᠠᠷ ᠵᠡᠷᠭᠡ ᠲᠠᠪᠤᠨ ᠪᠠᠭᠰᠢ ᠲᠠᠪᠢ ᠭᠠᠷᠤᠢ ᠰᠤᠷᠤᠭᠴᠢ ᠲᠠᠢ  ᠂ ᠮᠦᠩᠬᠡᠪᠠᠶᠠᠷ ᠵᠠᠬᠢᠷᠤᠯ   ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃ 1976 ᠤᠨ ᠳᠤ ᠶᠤᠯᠤ ᠶᠢᠨ ᠠᠷᠣ ᠪᠠᠷᠢᠭᠠᠳᠠ ᠳᠤ ᠶᠤᠯᠤ ᠶᠢᠨ ᠠᠷᠤ ᠬᠤᠯᠪᠤᠭᠠᠳᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠭᠡᠵᠤ ᠪᠠᠶᠢᠭᠤᠯᠤᠭᠠᠳ ᠶᠤᠯᠤ ᠶᠢᠨ ᠠᠷᠤ᠂ ᠨᠠᠷᠢᠨᠳᠠᠪᠠᠭ᠎ᠠ ᠬᠤᠶᠠᠷ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠭᠡᠳᠤ ᠠᠩᠬᠢ ᠶᠢ ᠨᠡᠶᠢᠯᠡᠭᠦᠯᠵᠤ᠂ ᠠᠩᠬ᠎ᠠ‌‍ᠲ᠋ᠤᠮᠳᠠᠳᠤ ᠶᠢᠨ ᠠᠩᠬᠢ ᠡᠷᠬᠢᠯᠡᠵᠤ ᠬᠤᠯᠪᠤᠭᠠᠳᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠤᠢ ᠪᠤᠯᠪᠠ᠃ ᠰᠤᠷᠭᠠᠭᠤᠯᠢ ᠶᠢᠨ ᠪᠡᠶᠢᠷᠢᠰᠢᠯ ᠨᠢ ᠭᠤᠤᠯ ᠤᠨ ᠵᠡᠭᠦᠨ ᠠᠶᠢᠯ ᠤᠨ ᠲᠤᠮᠳᠠ ᠬᠡᠰᠡᠭ ᠲᠤ ᠲᠤᠯᠤᠭᠠᠨ ᠲᠠᠰᠤᠯᠭ᠎ᠠ ᠶᠡᠭᠡ ᠭᠡᠷ᠂ ᠭᠤᠷᠪᠡᠨ ᠠᠩᠬᠢ ᠶᠢᠨ ᠭᠡᠷ᠂ ᠨᠢᠭᠡ ᠲᠠᠰᠤᠯᠭ᠎ᠠ ᠠᠯᠪᠠᠨ ᠭᠡᠷ᠂ ᠰᠢᠷᠡᠭᠡ ᠰᠠᠨᠳᠠᠯᠢ ᠢᠵᠢ ᠪᠦᠷᠢᠨ᠂ ᠳᠤᠮᠳᠠ ᠬᠡᠰᠡᠭ ᠲᠤ ᠪᠠᠶᠢᠭᠰᠠᠨ ᠪᠠᠷᠢᠭᠠᠳᠠ ᠶᠢᠨ6 ᠲᠠᠰᠤᠯᠭ᠎ᠠ ᠠᠯᠪᠠᠨ ᠭᠡᠷ ᠢ ᠬᠤᠯᠪᠤᠭᠠᠳᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠶᠢᠷᠢ ᠶᠢᠨ ᠭᠡᠷ᠂ ᠬᠤᠭᠤᠯᠠᠨ ᠭᠡᠷ᠂ ᠠᠷᠤ ᠲᠠᠯ᠎ᠠ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠭᠠᠵᠠᠷ ᠪᠤᠯᠭᠠᠵᠤ ᠰᠠᠷᠠᠭᠤᠯ᠂ ᠭᠡᠷᠡᠯ᠎ᠡ᠂ ᠵᠢᠷᠠᠨᠲᠠᠢ᠂ ᠤᠳᠽᠡᠷ  ᠶᠤᠨᠳᠤᠨᠫᠤᠩᠰᠤᠭ  ᠂ ᠳ᠋ᠧᠴᠢᠨᠪᠠᠪᠤᠤ᠂ ᠸᠠᠩᠴᠤᠭᠷᠠᠪᠳᠠᠨ ᠵᠡᠷᠭᠡ ᠪᠠᠭᠰᠢ ᠨᠡᠷ ᠤᠷᠢᠲᠠ ᠬᠤᠵᠢᠳ ᠠᠵᠢᠯᠯᠠᠵᠤ ᠦᠩᠭᠡᠷᠡᠭᠰᠡᠨ ᠪᠦᠭᠡᠳ1976 ᠤᠨ ᠳᠤ᠂ ᠰᠠᠷᠠᠭᠤᠯ ᠵᠠᠬᠢᠷᠤᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠂1977 —79 ᠤᠨ ᠳᠤ ᠤᠳᠽᠡᠷ ᠵᠡᠬᠢᠷᠤᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠡᠢ᠃  ᠳᠣᠰ ᠰᠤᠷᠭᠠᠭᠤᠯᠢ ᠨᠢ ᠲᠦᠷᠪᠡᠨ ᠵᠢᠯ ᠪᠤᠯᠤᠮᠠᠭᠴᠠ ᠪᠠᠶ᠋ᠬᠠᠭᠤᠯᠠ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠲᠠᠢ ᠨᠡᠶᠢᠯᠡᠭᠦᠯᠵᠤ  ᠡᠷᠬᠢᠯᠡᠪᠡ᠃          1977 — 1978 ᠤᠨ ᠳᠤ ᠮᠦᠩᠬᠡᠪᠠᠶᠡᠷ᠂ ᠦᠯᠵᠡᠶᠢᠪᠠᠶᠠᠷ᠂ ᠡᠷᠳᠡᠨᠢ᠂ ᠨᠦᠢᠷᠤᠪ᠂ ᠵᠤᠷᠢᠭᠳᠤ ᠵᠡᠷᠭᠡ ᠲᠠᠪᠤᠨ ᠪᠠᠭᠰᠢ᠂ ᠳᠦᠴᠢᠨ ᠬᠡᠳᠦᠨ ᠰᠤᠷᠤᠭᠴᠢ   ᠲᠠᠢ ᠮᠦᠩᠬᠡᠪᠠᠶᠡᠷ ᠵᠠᠬᠢᠷᠦᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃            1979 —1981 ᠤᠨ ᠳᠤ ᠰᠠᠷᠠᠭᠤᠯ᠂ ᠮᠦᠩᠬᠡᠪᠠᠶᠠᠷ᠂ ᠸᠠᠩᠴᠤᠭᠷᠠᠪᠳᠠᠨ᠂  ᠦᠯᠵᠡᠶᠢᠪᠠᠶᠠᠷ ᠵᠠᠷᠭᠡ ᠪᠠᠭᠰᠢ ᠲᠠᠪᠢ ᠭᠠᠷᠤᠢ ᠰᠤᠷᠤᠭᠴᠢ ᠲᠠᠢ᠂ ᠰᠠᠷᠠᠭᠤᠯ  ᠵᠠᠬᠢᠷᠤᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃          1982 ᠤᠨ ᠳᠤ ᠤᠳᠽᠡᠷ᠂ ᠰᠠᠷᠠᠭᠤᠯ᠂ ᠸᠠᠩᠴᠤᠭᠷᠠᠪᠳᠠᠨ᠂ ᠦᠯᠵᠡᠶᠢᠪᠠᠶᠠᠷ ᠵᠡᠷᠭᠡ ᠪᠠᠭᠰᠢ  57 ᠰᠤᠷᠤᠭᠴᠢ ᠲᠠᠢ᠂ ᠤᠳᠽᠡᠷ ᠪᠠᠭᠰᠢ ᠵᠠᠬᠢᠷᠤᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃          1983 ᠤᠨ᠄ ᠤᠳᠽᠡᠷ᠂ ᠰᠠᠷᠠᠭᠤᠯ᠂ ᠶᠤᠨᠳᠤᠨᠫᠤᠩᠰᠤᠭ᠂ ᠸᠠᠩᠴᠤᠭᠷᠠᠪᠳᠠᠨ᠂ ᠦᠯᠵᠡᠶᠢᠪᠠᠶᠠᠷ᠂ ᠳᠤᠶᠢᠩᠬᠡᠷ ᠵᠡᠷᠭᠡ ᠵᠢᠷᠭᠤᠭᠠᠨ ᠪᠠᠭᠰᠢ᠂ 54 ᠰᠤᠷᠤᠭᠴᠢ ᠲᠠᠢ ᠶᠤᠨᠳᠤᠨᠫᠤᠩᠰᠤᠭ ᠵᠠᠬᠢᠷᠤᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃  1984 ᠤᠨ  ᠄  ᠶᠤᠨᠳᠤᠨᠫᠤᠩᠰᠤᠭ᠂ ᠤᠳᠽᠡᠷ᠂ ᠰᠠᠷᠠᠭᠤᠯ᠂ ᠸᠠᠩᠴᠤᠭᠷᠠᠪᠳᠠᠨ᠂   ᠲᠤᠶᠢᠡᠭᠬᠤᠷ᠂ ᠤᠶᠤᠨᠳᠠᠯᠠᠢ  ᠂ ᠦᠯᠵᠡᠶᠢᠪᠠᠶᠠᠷ ᠵᠡᠷᠭᠡ ᠲᠤᠯᠤᠭᠠᠨ ᠪᠠᠭᠰᠢ᠂ 61 ᠰᠤᠷᠤᠭᠴᠢ ᠲᠠᠢ᠂ ᠶᠤᠨᠳᠤᠨᠫᠤᠩᠰᠤᠭ ᠵᠠᠬᠢᠷᠤᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃  ᠳᠣᠰ ᠵᠢᠯ ᠳᠤ ᠤᠳᠽᠡᠷ ᠪᠠᠭᠰᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ   ᠤ  ᠰᠤᠷᠭᠠᠨ ᠬᠦᠮᠦᠵᠢᠯ   ᠤ ᠳᠡᠷᠢᠭᠦᠨ ᠤ ᠠᠵᠢᠯᠳᠠᠨ ᠢᠶᠠᠷ ᠴᠤᠯᠯᠠᠭᠳᠠᠵᠡᠢ᠃          1985 ᠤᠨ   ᠳᠤ  ᠤᠳᠽᠡᠷ᠂ ᠮᠦᠩᠬᠡᠪᠠᠶᠠᠷ᠂ ᠶᠤᠨᠳᠤᠨᠫᠤᠩᠰᠤᠭ᠂  ᠳ᠋ᠧᠴᠢᠨᠪᠠᠪᠤᠤ᠂  ᠲᠤᠶᠢᠡᠭᠬᠤᠷ  ᠂  ᠦᠯᠵᠡᠶᠢᠪᠠᠶᠠᠷ᠂ ᠤᠶᠤᠨᠳᠠᠯᠠᠢ ᠵᠡᠷᠭᠡ ᠪᠠᠭᠰᠢ᠂61 ᠰᠤᠷᠤᠭᠴᠢ ᠲᠠᠪᠤᠨ ᠠᠩᠬᠢ ᠡᠷᠬᠢᠯᠡᠵᠤ ᠶᠤᠨᠳᠤᠨᠫᠤᠩᠰᠤᠭ ᠵᠠᠬᠢᠷᠤᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ  ᠃          1986 ᠤᠨ ᠳᠤ ᠤᠳᠽᠡᠷ᠂ ᠶᠤᠨᠳᠤᠨᠫᠤᠩᠰᠤᠭ᠂ ᠳ᠋ᠧᠴᠢᠨᠪᠠᠪᠤᠤ᠂ ᠮᠦᠩᠬᠡᠪᠠᠶᠠᠷ᠂  ᠲᠤᠶᠢᠡᠭᠬᠤᠷ  ᠂ ᠦᠯᠵᠡᠶᠢᠪᠠᠶᠡᠷ᠂ ᠤᠶᠤᠨᠳᠠᠯᠠᠢ ᠵᠡᠷᠭᠡ ᠪᠠᠭᠰᠢ  ᠵᠢᠷᠠᠨ ᠬᠡᠳᠤᠨ ᠰᠤᠷᠤᠭᠴᠢ ᠲᠠᠢ᠂ ᠶᠤᠨᠳᠤᠨᠫᠤᠩᠰᠤᠭ ᠵᠠᠬᠢᠷᠦᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃ ᠡᠨᠡ ᠵᠢᠯ ᠶᠤᠨᠳᠤᠨᠫᠤᠩᠰᠤᠭ ᠪᠠᠶ᠋ᠬᠠᠭᠤᠯᠠ ᠶᠠᠷᠦᠩᠬᠡᠢ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠷᠢᠭᠦᠨ ᠤ ᠪᠠᠭᠰᠢ ᠪᠠᠷ ᠰᠤᠩᠭᠤᠭᠳᠠᠵᠡᠢ᠃          1987  — 1988 ᠤᠨ᠄ ᠶᠤᠨᠳᠤᠨᠫᠤᠩᠰᠤᠭ᠂ ᠳ᠋ᠧᠴᠢᠨᠪᠠᠪᠤᠤ  ᠂   ᠲᠤᠶᠢᠡᠭᠬᠤᠷ  ᠂ ᠪᠠᠭᠠᠳᠤᠷᠴᠤᠭᠳᠤ  ᠂ ᠦᠯᠵᠡᠶᠢᠪᠠᠶᠠᠷ᠂ ᠮᠦᠩᠬᠡᠪᠠᠶᠠᠷ᠂ ᠤᠶᠤᠨᠳᠠᠯᠠᠢ᠂ ᠰᠧᠪᠯᠠᠮ᠎ᠠ  ᠂ ᠯᠠᠶᠢᠰᠢᠶᠤᠤ᠂ ᠸᠠᠩᠴᠤᠭᠷᠠᠪᠳᠡᠨ ᠵᠡᠷᠭᠡ  ᠶᠢᠰᠤᠨ ᠨᠡᠷ᠎ᠡ ᠪᠠᠭᠰᠢ ᠠᠵᠢᠯᠲᠠᠨ ᠵᠢᠷᠠᠨ ᠬᠡᠳᠤᠨ ᠰᠤᠷᠤᠭᠴᠢ   ᠲᠠᠢ᠂ ᠲᠠᠪᠤᠨ ᠠᠩᠬᠢ ᠡᠷᠬᠢᠯᠡᠵᠤ   ᠶᠤᠨᠳᠤᠨᠫᠤᠩᠰᠤᠭ  ᠵᠠᠬᠢᠷᠤᠯ ᠤᠨ ᠠᠵᠢᠯ ᠢ  ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃          1989 —1990 ᠤᠨ᠄ ᠳ᠋ᠧᠴᠢᠨᠪᠠᠪᠤᠤ᠂   ᠲᠤᠶᠢᠡᠭᠬᠤᠷ  ᠂ ᠦᠯᠵᠡᠶᠢᠪᠠᠶᠠᠷ᠂ ᠮᠦᠩᠬᠡᠪᠠᠶᠡᠷ᠂ ᠸᠠᠩᠴᠤᠭᠷᠠᠪᠳᠠᠨ᠂ ᠤᠶᠤᠨᠳᠠᠯᠠᠢ᠂ ᠯᠠᠶᠢᠰᠢᠶᠤᠤ ᠵᠡᠷᠭᠡ ᠲᠤᠯᠤᠭᠠᠨ ᠪᠠᠭᠰᠢ᠂ ᠵᠢᠷᠠᠨ ᠬᠡᠳᠤᠨ ᠰᠤᠷᠤᠭᠴᠢ ᠲᠠᠢ᠂ ᠳ᠋ᠧᠴᠢᠨᠪᠠᠪᠤᠤ ᠵᠠᠬᠢᠷᠤᠯ   ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠤ  ᠪᠠᠶᠢᠵᠠᠢ᠃          1990 ᠤᠨ ᠳᠤ ᠶᠤᠯᠤ   ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠰᠢᠨ᠎ᠠ ᠪᠠᠷ  ᠸᠠᠭᠠᠷ ᠲᠤᠭᠤᠰᠬ᠎ᠠ ᠶᠢᠨ ᠪᠦᠳᠦᠴᠠ ᠲᠠᠢ ᠠᠷᠪᠠᠨ ᠲᠤᠯᠤᠭᠠᠨ ᠲᠠᠰᠤᠯᠭ᠎ᠠ  ᠬᠡᠷ ᠪᠠᠷᠢᠵᠣ᠂ 6  ᠬᠢᠴᠢᠶᠡᠯ ᠤᠨ ᠭᠡᠷ  ᠂ 1 ᠠᠯᠪᠠᠨ ᠭᠡᠷ᠂ ᠲᠤᠭᠤᠭᠠᠨ ᠭᠡᠷ  ᠂ ᠨᠤᠮ ᠤᠨ ᠦᠷᠦᠭᠡ ᠵᠡᠷᠭᠡ ᠶᠢ ᠲᠤᠬᠢᠯᠢᠭ ᠰᠠᠶᠢᠬᠠᠨ ᠪᠠᠶᠢᠷᠢᠯᠠᠭᠤᠯᠵᠤ᠂ ᠪᠠᠰᠠ ᠭᠤᠷᠪᠠᠨ ᠲᠠᠰᠤᠯᠭ᠎ᠠ ᠵᠤᠷᠯᠤᠩ᠂ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶ᠎ᠡ ᠪᠠᠨ ᠡᠮᠤᠨᠠᠰᠢ ᠬᠤᠶᠢᠰᠢ 120 ᠮᠧᠲᠷ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 75 ᠮᠧᠲᠷ᠂ ᠬᠦᠷᠢᠶᠡᠨ ᠤ ᠡᠮᠤᠨ᠎ᠠ ᠲᠠᠯ᠎ᠠ ᠶᠢ ᠲᠤᠭᠤᠰᠬ᠎ᠠ ᠪᠠᠷ ᠪᠠᠷᠢᠵᠤ᠂  ᠠᠷᠪᠠᠭᠠᠳ ᠪᠠᠭᠰᠢ ᠠᠵᠢᠯᠲᠠᠨ ᠵᠢᠷᠠ ᠲᠠᠯᠠᠨ ᠰᠤᠷᠤᠭᠴᠢ ᠲᠠᠢ ᠪᠤᠯᠪᠠ᠃          1990 —1993 ᠤᠨ ᠬᠦᠷᠳᠡᠯ᠎ᠠ  ᠂ ᠳᠤᠶᠢᠩᠬᠤᠷ᠂ ᠤᠶᠤᠨᠳᠠᠯᠠᠢ  ᠂ ᠸᠠᠩᠴᠤᠭᠷᠠᠪᠳᠠᠨ᠂ ᠦᠯᠵᠡᠶᠢᠪᠠᠶᠠᠷ᠂ ᠯᠠᠶᠢᠰᠢᠶᠤᠤ  ᠂ ᠳ᠋ᠧᠴᠢᠨᠪᠠᠪᠤᠤ  ᠂ ᠶᠤᠨᠳᠤᠨᠫᠤᠩᠰᠤᠭ ᠵᠡᠷᠭᠡ ᠲᠤᠯᠤᠭᠠᠨ  ᠪᠠᠭᠰᠢ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠭᠠᠨ ᠰᠤᠷᠭᠠᠬᠤ ᠠᠵᠢᠯ  ᠂ ᠠᠩᠬᠢ ᠡᠷᠬᠢᠯᠡᠬᠦ᠂ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠠᠵᠢᠯ ᠳᠤ ᠪᠦᠯᠬᠦᠮᠳᠡᠨ ᠬᠠᠮᠵᠢᠯᠴᠠᠵᠤ᠂ ᠡᠯ᠎ᠡ ᠲᠠᠯ᠎ᠠ ᠪᠠᠷ ᠬᠤᠰᠢᠭᠤ ᠰᠤᠮᠤᠨ ᠳᠠᠭᠠᠨ ᠤᠯᠠᠨᠲᠠ ᠲᠡᠷᠢᠭᠦᠯᠡᠵᠤ ᠤᠷᠤᠶᠢᠯᠠᠵᠤ ᠢᠷᠡᠭᠰᠡᠨ ᠪᠠᠶᠢᠨ᠎ᠠ  ᠃          1994 ᠤᠨ ᠳᠤ᠂ ᠰᠤᠷᠤᠭᠴᠢᠳ ᠤᠨ ᠬᠤᠪᠴᠠᠰᠤ ᠶᠢ ᠨᠢᠭᠡᠳᠤᠯᠲᠠᠢ ᠪᠤᠯᠪᠠ᠃          1997 ᠤᠨ ᠪᠠᠭᠠᠳᠤᠷᠴᠤᠭᠳᠤ᠂ ᠰᠧᠪᠡᠯᠠᠮ᠎ᠠ ᠵᠡᠷᠭᠡ ᠬᠤᠶᠡᠷ ᠪᠠᠭᠰᠢ ᠨᠠᠷᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ  ᠠᠴᠠ ᠰᠢᠯᠵᠢᠨ ᠢᠷᠡᠭᠰᠡᠨ ᠪᠦᠭᠡᠳ ᠤᠶᠤᠨᠳᠠᠯᠠᠢ ᠪᠠᠭᠰᠢ ᠬᠢᠴᠢᠶᠡᠯ ᠬᠦᠮᠦᠵᠢᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠨ ᠬᠢᠪᠠ᠃  ᠨᠠᠶᠢᠲᠠ ᠶᠢᠰᠤᠨ ᠪᠠᠭᠰᠢ᠂ ᠨᠠᠶᠠᠭᠠᠳ ᠰᠤᠷᠤᠭᠴᠢ ᠲᠠᠢ ᠪᠠᠶᠢᠵᠠᠢ᠃          1999 ᠤᠨ ᠳᠤ ︽ᠬᠤᠶᠡᠷ ᠦᠨᠳᠤᠰᠤᠨ  ︾ ᠢ  ᠪᠠᠷᠢᠮᠵᠢᠶ᠎ᠡ ᠳᠤ ᠬᠦᠷᠭᠡᠬᠦ ᠠᠵᠢᠯ ᠳᠤ ᠪᠠᠭᠰᠢᠨᠠᠷ ᠢᠳᠡᠪᠬᠢᠯᠡᠨ  ᠣᠷᠣᠯᠴᠠᠪᠠ᠃          2000 ᠤᠨ ᠳᠤ ᠤᠶᠤᠨᠳᠠᠯᠠᠢ᠂  ᠪᠠᠭᠠᠳᠤᠷᠴᠤᠭᠳᠤ ᠬᠤᠶᠠᠷ ᠪᠠᠭᠰᠢ ᠶᠢ ᠪᠠᠶᠠᠨᠨᠢᠷᠤᠭᠤ ᠭᠤᠤᠯ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠵᠢᠵᠤ᠂ 3 ᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠰᠤᠷᠤᠭᠴᠢᠳ   ᠢ ᠭᠤᠤᠯ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠯᠭᠠᠵᠤ᠂ ᠨᠢᠭᠡ ᠪᠦᠯᠦᠭ ᠪᠠᠭᠰᠢ ᠶᠢ ᠲᠦᠷ ᠴᠠᠭ ᠠᠮᠠᠷᠠᠭᠤᠯᠤᠭᠰᠠᠨ ᠠᠴᠠ ᠳᠤᠶᠢᠩᠬᠤᠷ᠂ ᠯᠠᠶᠢᠰᠢᠶᠤᠤ᠂ ᠰᠧᠪᠯᠠᠮ᠎ᠠ ᠭᠤᠷᠪᠠᠨ ᠪᠠᠭᠰᠢ  ᠬᠢᠴᠢᠶᠡᠯᠯᠡᠪᠠ  ᠃  2002 ᠤᠨ ᠪᠤᠯᠬᠤ ᠳᠤ ᠶᠤᠯᠦ ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠨᠢ ᠶᠤᠯᠦ ᠵᠢᠨ‌ᠠᠷᠤ ᠭᠠᠴᠠᠭᠠᠨ ᠤ ᠪᠦᠬᠦ ᠠᠶᠢᠯ ᠪᠠᠶᠠᠠᠨᠢᠷᠣᠭᠤ ᠪᠠᠯᠭᠠᠰᠤᠨ ᠲᠤᠭᠤᠷᠢᠨ ᠳᠤ ᠨᠡᠭᠦᠨ ᠰᠢᠯᠵᠢᠭᠰᠡᠨ ᠢ ᠲᠠᠭᠠᠯᠳᠤᠨ ᠪᠠᠭᠰᠢ ᠰᠤᠷᠤᠭᠴᠢ ᠬᠠᠮᠳᠤ ᠪᠠᠷ ᠢᠶᠠᠨ ᠪᠠᠯᠭᠠᠰᠤᠨ ᠤ ᠭᠤᠤᠯ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠲᠠᠢ  ᠨᠡᠶᠢᠯᠡᠪᠡ᠃        ᠳᠣᠰ ᠰᠣᠷᠭᠠᠭᠤᠯᠢ ᠠᠴᠠ  ᠳᠠᠪᠰᠢᠬᠰᠠᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠩᠬᠢᠨᠢ ᠠᠩᠬᠢ ᠶᠢᠨ ᠤᠶᠤᠲᠠᠳ᠄ ᠴᠤᠭᠳᠠᠯᠭᠡᠷ᠂  ᠰᠡᠴᠡᠨᠪᠠᠯᠵᠤᠤᠷ᠂ ᠲᠡᠮᠴᠢᠷᠢᠨᠴᠢᠨ᠂ ᠲᠦᠭᠦᠷᠠᠩᠵᠠᠭᠠᠨ᠎ᠠ  ᠂ ᠰᠠᠴᠤᠷᠠ  ᠂ ᠤᠤᠭᠠᠨ᠂  ᠠᠷᠢᠭᠤᠨ᠎ᠠ  ᠂ ᠰᠤᠷᠤᠨ᠎ᠠ᠂  ᠰᠦᠶ᠎ᠡ᠂ ᠴᠡᠯᠮᠡᠭ᠂ ᠬᠤᠪᠢᠰᠬᠠᠯᠳᠤ᠂ ᠬᠠᠪᠤᠷ᠎ᠠ᠂ ᠰᠤᠷᠭᠤᠭ᠂ ᠤᠳ᠋ᠪᠠᠯ᠎ᠠ᠂ ᠨᠠᠰᠤᠨᠪᠠᠶᠠᠷ᠂ ᠰᠠᠴᠤᠷᠠᠨ᠎ᠠ᠂ ᠮᠦᠷᠠᠨ᠂ ᠰᠤᠶᠤᠯ᠂ ᠦᠷᠨᠢᠯ᠂ ᠤᠶᠤᠨᠽᠠᠨᠳᠠᠨ᠂ ᠰᠠᠴᠤᠷᠠᠨ᠎ᠠ ᠵᠡᠷᠭᠡ ᠬᠤᠷᠢᠨ ᠨᠢᠭᠡᠨ ᠨᠠᠷᠠᠰ ᠪᠤᠢ  ᠃ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠠᠩᠬᠢ ᠶᠢᠨ ᠰᠤᠷᠤᠭᠴᠢ᠄ ᠰᠡᠴᠡᠨᠴᠤᠭᠳᠤ᠂ ᠮᠦᠴᠢᠷ᠂ ᠤᠨᠳᠤᠷᠠᠨ᠎ᠠ᠂ ᠬᠦᠦᠳᠠᠭᠤᠯ᠎ᠠ᠂ ᠤᠷᠭᠤᠮᠠᠯ᠂ ᠲᠠᠨ᠎ᠠ᠂ ᠲᠦᠮᠠᠨᠵᠢᠷᠭᠠᠯ᠂  ᠮᠦᠩᠭᠡᠳᠡᠯᠡᠬᠡᠢ᠂   ᠦᠩᠭᠡᠨᠴᠡᠴᠡᠭ᠂ ᠤᠶᠤᠨ᠂ ᠭᠡᠭᠡᠨᠲᠠᠨ᠎ᠠ᠂ ᠯᠦᠮᠢᠬᠤᠸᠠᠷ᠂ ᠬᠠᠰᠳᠤᠶᠠᠭ᠎ᠠ ᠵᠡᠷᠭᠡ ᠠᠷᠪᠠᠨ ᠭᠤᠷᠪᠠ ᠪᠤᠢ᠃  ᠶᠤᠯᠤ ᠶᠢᠨ ᠠᠷᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠦᠭᠰᠡᠨ ᠰᠤᠷᠤᠭᠴᠢᠳ ᠠᠴᠠ ᠤᠯᠤᠰ ᠤᠨ ᠠᠯᠪᠠᠳᠠᠳ᠄ ᠰᠠᠷᠠᠭᠠᠯ᠂ ᠳ᠋ᠧᠯᠢᠭᠵᠦᠩᠨᠠᠢ᠂ ᠰᠧᠪᠡᠭᠵᠠᠪ᠂ ᠭᠠᠯᠰᠠᠩ᠂ ᠰᠡᠴᠢᠨᠴᠤᠭᠳᠤ᠂ ᠴᠤᠭᠳᠡᠯᠭᠡᠷ᠂ ᠶᠤᠨᠳᠤᠨᠫᠤᠩᠰᠤᠭ᠂ ᠳ᠋ᠧᠴᠢᠨᠪᠠᠪᠤᠤ᠂ ᠽᠠᠨᠳᠡᠨᠮᠧᠳᠧᠭ᠂ ᠣᠶᠤᠨᠬᠡᠷᠡᠯ᠂   ᠮᠧᠳᠡᠭ᠂   ᠰᠡᠴᠡᠨᠪᠠᠯᠵᠤᠤᠷ᠂ ᠪᠠᠭᠠᠳᠤᠷᠴᠤᠭᠳᠤ᠂ ᠸᠠᠩᠴᠤᠭᠷᠠᠪᠳᠠᠨ᠂ ᠦᠯᠵᠡᠶᠢᠪᠠᠶᠠᠷ᠂ ᠤᠶᠤᠨᠳᠠᠯᠠᠢ᠂ ᠳᠤᠶᠢᠩᠬᠤᠷ᠂  ᠪᠠᠳᠮᠠᠴᠡᠴᠡᠭ᠂ ᠪᠠᠶᠢᠭᠠᠯᠢ᠂ ᠠᠭᠤᠯᠠ᠂ ᠰᠦᠬᠡᠪᠠᠭᠠᠳᠤᠷ᠂ ᠡᠷᠳᠡᠨᠢᠳᠠᠯᠠᠢ᠂ ᠰᠤᠶᠤᠯᠳᠤ᠂ ᠭᠡᠷᠡᠯᠳᠤ᠂ ᠴᠢᠩᠪᠠᠳᠤ᠂ ᠰᠡᠷᠭᠦᠯᠡᠩ᠂ ᠰᠤᠶᠤᠯᠳᠤ᠂ ᠮᠦᠩᠭᠡᠪᠠᠶᠡᠷ᠂ ᠡᠷᠬᠢᠮᠪᠠᠳᠤ᠂ ᠨᠠᠰᠤᠨᠲᠤᠭᠳᠤᠬᠤ᠂ ᠲᠤᠪᠤᠵᠠᠪ᠂ ᠰᠤᠶᠤᠯ᠂ ᠮᠦᠯᠢᠨᠬᠤᠸᠠᠷ᠂ ᠤᠷᠬᠢᠯ᠂ ᠦᠷᠨᠢᠯ᠂ ᠬᠠᠨᠠᠭᠠᠷ᠂  ᠭᠡᠭᠡᠨᠳᠤᠶᠠᠭ᠎ᠠ᠂ ᠪᠤᠤ ᠴᠢᠩ ᠱᠠᠨ᠂ ᠰᠠᠶᠢᠬᠠᠨᠴᠡᠴᠡᠭ ᠵᠡᠷᠭᠡ ᠲᠦᠴᠢᠨ ᠨᠡᠷᠡᠰ ᠬᠦᠮᠦᠰ ᠪᠤᠢ  ᠃ ᠡᠭᠦᠨ   ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠬᠦᠮᠦᠨ ᠤ  ᠡᠮᠴᠢ᠂ ᠮᠠᠯ   ᠤᠨ ᠡᠮᠴᠢ᠂ ᠰᠤᠪᠢᠯᠠᠭᠴᠢ᠂ ᠴᠡᠷᠢᠭ ᠤᠨ ᠠᠯᠪᠠᠨ ᠬᠠᠭᠠᠭᠴᠢᠳ᠂ ᠠᠵᠤ ᠠᠬᠤᠶᠢᠯᠠᠯᠲᠠᠨ ᠵᠡᠷᠭᠡ ᠤᠯᠠᠨ ᠲᠠᠯ᠎ᠠ   ᠤᠨ ᠮᠡᠳᠡᠯᠭᠡᠳᠡᠨ ᠴᠢᠳᠠᠪᠦᠷᠢᠳᠡᠳ ᠴᠤᠯᠭᠤᠷᠠᠨ ᠭᠠᠷᠤᠭᠰᠠᠨ ᠪᠠᠶᠢᠨ᠎ᠠ᠃                                            ᠪᠠᠯᠳᠠᠨᠰᠠᠩᠪᠪᠤᠦ ᠠᠴᠠ ᠬᠠᠩᠭᠠᠪᠠ᠃
  
ᠢᠷᠡᠯᠲᠡ᠄ ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢᠨ ᠁
ᠭᠡᠨᠡᠨ ᠨᠢ ᠡᠮᠤᠨ᠎ᠡ ᠪᠠᠨ᠁
《ᠰᠡᠳᠬᠢᠯ ᠤᠨ ᠵᠠᠩᠭᠢᠷᠠᠭ᠎ᠠ ᠶᠢ ᠠᠯᠳᠠᠷᠠᠭᠠᠵᠤ ᠂ ᠬᠠᠶᠢᠷ᠎ᠠ ᠬᠠᠯᠠᠮᠵᠢ ᠬᠦᠷᠳᠡᠭᠡᠨ᠂ ᠦᠨᠳᠤᠰᠤᠳᠡᠨ ᠤ ᠪᠦᠯᠬᠦᠮᠳᠡᠯ ᠁
ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠭᠠᠴᠠᠭ᠎ᠠ ᠪᠤᠯᠭᠠᠨ ᠳᠤ ᠬᠡᠤᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠠᠢ ᠪᠤᠯᠪᠠ
ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠠᠮᠤᠷ ᠲᠦᠪᠰᠢᠨ ᠤ ᠬᠦᠮᠦᠵᠢᠯ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05010860号