| | ᠲᠠᠷᠮᠠᠳᠠᠯᠠᠢ ᠲᠠᠷᠮᠠᠳᠠᠯᠠᠢ ᠪᠤᠶᠤ ᠳ᠋ᠠᠷᠮᠠᠳ᠋ᠾᠯᠠ ᠂ ᠪᠠᠰᠠ ᠲᠠᠮᠴᠤᠶᠢᠵᠠᠮᠰᠤ ᠭᠡᠳᠡᠭ᠂ ᠡᠷᠡᠭᠳᠡᠢ᠂ ᠮᠤᠩᠭᠤᠯ | ᠥᠨᠳᠥᠰᠥᠳᠡᠨ᠃ ᠴᠢᠩ ᠤᠯᠤᠰ ᠤᠨ ᠲᠥᠷᠥ ᠭᠡᠷᠡᠯᠳᠤ ᠶᠢᠨ ᠨᠠᠢᠮᠠᠳᠤᠭᠠᠷ ᠤᠨ ︵1828︶ ᠳᠤ ᠪᠠᠭᠠᠷᠢᠨ ᠵᠡᠭᠦᠨ | ᠬᠤᠰᠢᠭᠤᠨ ᠤ ᠰᠢᠷᠠᠬᠠᠳᠠ ᠪᠤᠶᠤ ᠡᠳᠥᠭᠡ ᠶᠢᠨ ᠨᠠᠷᠢᠨ᠂ ᠶᠤᠯᠤ ᠶᠢᠨ ᠠᠷᠤ ᠭᠠᠴᠠᠭᠠ ᠶᠢᠨ ᠨᠢᠭᠡᠨ ᠡᠩ ᠤᠨ ᠮᠠᠯᠴᠢᠨ | ᠤ ᠭᠡᠷ ᠲᠤ ᠲᠥᠷᠥᠪᠡ᠃ 8 ᠨᠠᠰᠤᠨ ᠳᠤ ᠪᠠᠨ ᠠᠭᠤᠶᠢᠳᠤ ᠰᠥᠮᠡ ᠳᠤ ᠪᠠᠨᠳᠢ ᠪᠤᠯᠵᠤ᠂ ᠲᠥᠪᠡᠳ ᠨᠤᠮ ᠳᠤ | ᠨᠡᠪᠳᠡᠷᠡᠭᠡᠳ ᠤᠯᠠᠨ ᠬᠤᠸᠠᠷᠠᠭ ᠠᠴᠠ ᠤᠷᠤᠶᠢᠯᠠᠭᠰᠠᠨ ᠲᠤᠯᠠ 17 ᠨᠠᠰᠤᠨ ᠳᠤ ᠪᠠᠨ ᠪᠠᠷᠠᠭᠤᠨ ᠥᠵᠥᠮᠥᠴᠢᠨ | ᠬᠤᠰᠢᠭᠤᠨ ᠤ ᠢᠨᠵᠠᠭᠠ ᠶᠢᠨ ᠰᠥᠮᠡ ᠳᠤ ᠵᠠᠯᠠᠭᠳᠠᠨ ᠲᠤᠰ ᠰᠥᠮᠡ ᠶᠢᠨ ᠬᠤᠷᠠᠯ ᠨᠤᠮ ᠤᠨ ᠶᠤᠰᠤ ᠲᠢᠭᠯᠢᠮ ᠢ | ᠵᠠᠰᠠᠵᠤ᠂ ᠯᠠᠮᠠ ᠬᠤᠸᠠᠷᠠᠭ ᠤᠨ ᠰᠠᠬᠢᠯ ᠰᠠᠨᠸᠠᠷ ᠢ ᠠᠷᠢᠭᠤᠳᠬᠠᠵᠤ ᠥᠭᠭᠦᠭᠰᠡᠨ ᠪᠥᠭᠡᠳ 27 ᠵᠢᠯ ᠳ᠋ᠤᠭᠮᠠ ᠳᠤ | ︵ᠰᠥᠮᠡ ᠶᠢᠨ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠥᠢᠯᠡ ᠶᠢ ᠡᠷᠬᠢᠯᠡᠵᠤ︶ ᠰᠠᠭᠤᠪᠠ᠃ ᠪᠥᠷᠢᠨᠳᠤ ᠵᠠᠰᠠᠭᠴᠢ ᠶᠢᠨ ᠠᠷᠪᠠᠨ | ᠨᠢᠭᠡᠳᠥᠭᠡᠷ ᠤᠨ ︵1872︶ ᠳᠤ ᠭᠤᠮᠪᠤᠨ ᠯᠠᠪᠷᠤᠩ ᠳᠤ ᠬᠥᠷᠴᠤ ᠰᠤᠷᠤᠯᠴᠠᠭᠠᠳ ᠲᠡᠭᠦᠰᠬᠦ ᠳᠤ ᠪᠠᠨ ᠨᠤᠮ | ᠬᠠᠶᠠᠯᠴᠠᠭᠠᠳ ᠷᠠᠪᠵᠣᠮᠪᠠ ᠴᠤᠯᠠ ᠬᠠᠮᠠᠭᠠᠯᠠᠪᠠ᠃ ᠲᠡᠭᠦᠨ ᠤ ᠲᠥᠪᠡᠳ ᠢᠶᠠᠷ ᠪᠢᠴᠢᠭᠰᠡᠨ ᠲᠡᠥᠬᠡ ᠰᠤᠶᠤᠯ ᠤᠨ | ᠨᠤᠮ ᠥᠯᠡᠮᠵᠢ ᠪᠥᠭᠡᠳ ︽ᠬᠤᠷ ᠴᠤᠶᠢᠨᠵᠤᠩ︾ ᠪᠤᠶᠤ ︵ᠮᠤᠩᠭᠤᠯ ᠳᠤ ᠱᠠᠰᠢᠨ ᠲᠡᠯᠭᠡᠷᠡᠭᠦᠯᠥᠭᠰᠡᠨ ᠴᠠᠭᠠᠨ | ᠯᠢᠩᠬᠤᠸᠠ ᠶᠢᠨ ᠡᠷᠬᠡᠰ︶ ᠨᠢ ᠮᠠᠰᠢ ᠠᠯᠳᠠᠷᠲᠠᠢ ᠶᠤᠮ᠃ ︽ᠬᠤᠷ ᠴᠤᠶᠢᠨᠵᠤᠩ︾ ᠢ ᠪᠠᠳᠠᠷᠠᠭᠤᠯᠳᠤ ᠲᠥᠷᠥ ᠶᠢᠨ | ᠠᠷᠪᠠᠨ ᠲᠠᠪᠤᠳᠤᠭᠠᠷ ᠤᠨ ︵1889︶ ᠳᠤ ᠪᠢᠴᠢᠵᠤ ᠲᠠᠭᠤᠰᠤᠭᠠᠳ ᠠᠭᠤᠶᠢᠳᠤ ᠰᠥᠮᠡ ᠳᠤ ᠥᠪᠡᠷ ᠢᠶᠠᠨ | ᠮᠤᠳᠤᠨ ᠪᠠᠷ ᠢᠶᠠᠷ ᠬᠡᠪᠯᠡᠭᠦᠯᠥᠭᠰᠡᠨ ᠪᠠᠶᠢᠨᠠ᠃ ᠲᠤᠰ ᠨᠤᠮ ᠳᠤ ᠢᠰᠡᠭᠡᠢ ᠪᠠᠭᠠᠳᠤᠷ ᠠᠴᠠ ᠴᠢᠩ ᠤᠯᠤᠰ | ᠬᠥᠷᠳᠡᠯᠡᠬᠢ ᠮᠤᠩᠭᠤᠯ ᠤᠨ ᠠᠯᠳᠠᠨ ᠤᠷᠤᠭᠳᠠᠨ ᠤ ᠲᠡᠥᠬᠡ᠂ ᠨᠤᠳᠤᠭ ᠪᠠᠶᠢᠷᠢᠰᠢᠯ ᠪᠠ ᠲᠡᠭᠦᠨ ᠤ ᠨᠡᠷᠡᠶᠢᠳᠤᠯ᠂ | ᠡᠯᠡ ᠤᠪᠤᠭ ᠶᠠᠰᠤᠳᠠᠨ᠂ ᠠᠶᠢᠮᠠᠭ ᠬᠤᠰᠢᠭᠤᠨ ᠤ ᠡᠭᠦᠰᠥᠯ ᠤᠯᠠᠷᠢᠯ᠂ ᠭᠠᠵᠠᠷ ᠨᠤᠳᠤᠭ ᠵᠢᠴᠢ ᠮᠠᠨᠵᠤ ᠴᠢᠩ ᠤᠨ | ᠮᠤᠩᠭᠤᠯ ᠳᠤ ᠠᠪᠤᠭᠰᠠᠨ ᠨᠤᠶᠠᠷᠬᠠᠬᠤ ᠪᠤᠳᠤᠯᠭᠠ ᠪᠠ ᠰᠢᠷᠠ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠤᠷᠤᠨ ᠳᠤ ᠲᠡᠯᠭᠡᠷᠡᠭᠰᠡᠨ | ᠪᠥᠬᠦᠶᠢᠯᠡ ᠪᠠᠶᠢᠳᠠᠯ ᠢ ᠨᠠᠷᠢᠨ ᠲᠤᠳᠤᠷᠬᠠᠢ ᠥᠭᠦᠯᠡᠵᠠᠢ᠃ ᠲᠡᠭᠡᠷᠡ ᠲᠤᠷᠠᠳᠤᠭᠰᠠᠨ ᠨᠤᠮ ᠤᠨ ᠲᠥᠪᠡᠳ ᠪᠠᠷ ᠬᠡᠪᠯᠡᠯ | ᠪᠠ 11 ᠲᠡᠪᠳᠡᠷ᠂ 5 ᠪᠤᠳᠢ᠂ 505 ᠬᠠᠭᠤᠳᠠᠰᠤ 1010 ᠨᠢᠭᠤᠷ ᠲᠠᠢ ᠰᠸᠢᠢᠨᠤᠶᠢᠷᠤᠪ ᠠᠪᠤᠭᠠᠢ ᠶᠢᠨ | 1957 ᠤᠨ ᠳᠤ ᠤᠷᠴᠢᠭᠤᠯᠤᠭᠰᠠᠨ ᠪᠢᠴᠢᠮᠡᠯ ᠡᠬᠡ ᠶᠢ ᠡᠳᠥᠭᠡ ᠥᠪᠥᠷ ᠮᠤᠩᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠬᠥᠷᠢᠶᠡᠯᠡᠩ ᠤᠨ ᠨᠤᠮ ᠤᠨ ᠰᠠᠩ ᠳᠤ ᠬᠠᠳᠠᠭᠠᠯᠠᠵᠤ ᠪᠤᠢ᠃ ᠳᠠᠷᠮᠠᠳᠠᠯᠠᠢ ᠲᠡᠥᠬᠡ ᠰᠤᠳᠤᠷ ᠲᠤ | ᠨᠡᠪᠳᠡᠷᠡᠵᠤ ᠡᠷᠳᠡᠮ ᠪᠤᠯᠪᠠᠰᠤᠷᠠᠯ ᠲᠡᠭᠦᠰᠥᠭᠰᠡᠨ ᠬᠥᠮᠥᠨ ᠪᠥᠭᠡᠳ ︽ ᠴᠠᠭᠠᠨ ᠯᠢᠩᠬᠤᠸᠠ ᠶᠢᠨ ᠡᠷᠬᠡᠰ︾ ᠨᠢ | ᠮᠤᠩᠭᠤᠯ ᠰᠤᠶᠤᠯ ᠤᠨ ᠲᠥᠷᠥ ᠱᠠᠰᠢᠨ ᠤ ᠲᠡᠥᠬᠡ ᠶᠢ ᠰᠤᠳᠤᠯᠬᠤ ᠳᠤ᠂ ᠢᠯᠠᠩᠭᠤᠶᠠ ᠮᠤᠩᠭᠤᠯ — ᠲᠥᠪᠡᠳ ᠤᠨ | ᠰᠤᠶᠤᠯ ᠲᠡᠥᠬᠡ ᠶᠢᠨ ᠬᠠᠷᠢᠴᠠᠭᠠ ᠶᠢ ᠰᠤᠳᠤᠯᠬᠤ ᠳᠤ ᠬᠤᠪᠤᠷ ᠴᠤᠬᠠᠭ ᠮᠠᠲ᠋ᠧᠷᠢᠶᠠᠯ ᠪᠤᠯᠬᠤ ᠲᠤᠯᠠᠳᠠ ᠤᠯᠤᠰ ᠤᠨ | ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠢᠨ ᠤ ᠠᠩᠬᠠᠷᠤᠯ ᠢ ᠮᠠᠰᠢᠳᠠ | ᠲᠠᠳᠠᠭᠰᠠᠭᠠᠷ ᠪᠠᠶᠢᠨᠠ ᠃ | | | ᠪᠠᠯᠳᠠᠨᠰᠠᠩᠪᠤᠦ ᠬᠠᠩᠭᠠᠪᠠ᠃ | | | | | |