| ᠪᠠᠭᠠᠷᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ | ᠣᠷᠳᠣᠨ ᠴᠣᠩᠵᠢᠨ ᠰᠦᠮᠡ ᠳᠤ ᠨᠡᠭᠦᠵᠦ ᠢᠷᠡᠭᠰᠡᠨ ᠨᠢ | ᠭᠡᠸᠠᠷᠠᠰᠢ | | 1946 ᠣᠨ ︵ᠤᠯᠠᠭᠠᠨ ᠨᠣᠬᠠᠢ ᠵᠢᠯ︶ ᠤ 9 ᠰᠠᠷᠠ ᠶᠢᠨ 20 ᠤ ᠡᠳᠦᠷ ᠲᠥᠷᠪᠡᠨ ᠮᠣᠷᠢ ᠬᠦᠯᠦᠭᠰᠡᠨ | ᠭᠤᠮ ᠲᠡᠷᠭᠡᠨ ᠳᠡᠭᠡᠷᠡ 7 — 8 ᠬᠦᠮᠦᠨ ᠰᠠᠭᠤᠵᠤ᠂ ᠠᠮᠤ ᠪᠤᠳᠠᠭᠠ᠂ ᠲᠡᠮᠦᠷ ᠵᠤᠤᠬᠠ᠂ ᠲᠡᠮᠦᠷ ᠶᠠᠨᠳᠦ᠋ᠩ | ᠵᠡᠷᠭᠡ ᠶᠢ ᠳᠦᠭᠦᠷᠲᠡᠯᠡ ᠲᠡᠭᠡᠭᠡᠳ ᠨᠠᠷᠠ ᠰᠢᠩᠭᠡᠬᠦ ᠦᠶᠡᠰ ᠴᠣᠩᠵᠢᠨ ᠰᠦᠮᠡ ᠶᠢᠨ ᠭᠡᠭᠡᠨ ᠰᠠᠩ ᠳᠡᠭᠡᠷᠡ ᠪᠠᠭᠤᠯᠠ᠃ | ᠲᠡᠷᠭᠡᠨ ᠳᠡᠭᠡᠷᠡ ᠢᠷᠡᠭᠰᠡᠳ ᠨᠢ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠬᠤᠶᠠᠷ | ᠲᠣᠭᠤᠭᠠᠴᠢ ᠠᠴᠠ ᠭᠠᠳᠠᠨᠠ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠠᠩᠭᠢ ᠶᠢᠨ ᠳᠠᠷᠤᠭᠠ ᠴᠣᠶᠢᠵᠢᠨᠵᠠᠪ ᠪᠠ ᠬᠤᠶᠠᠷ | ᠪᠠᠶᠢᠯᠳᠤᠭᠴᠢ ᠪᠣᠯᠤᠨ ᠠᠷᠤ ᠲᠠᠯᠠ ᠶᠢᠨ ᠠᠵᠢᠯ ᠢ ᠬᠠᠮᠢᠶᠠᠷᠤᠭᠴᠢ ᠸᠠᠩᠵᠢᠯ ᠵᠡᠷᠭᠡ ᠬᠦᠮᠦᠰ ᠪᠠᠶᠢᠯᠴᠠᠪᠠ᠃ ᠡᠳᠡᠭᠡᠷ | ᠬᠦᠮᠦᠰ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠴᠣᠩᠵᠢᠨ ᠠᠶᠢᠯ ᠠᠴᠠ ᠠᠷᠪᠠᠭᠠᠳ ᠵᠠᠯᠠᠭᠤᠴᠤᠳ ᠢ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ | ᠠᠩᠭᠢ ᠳᠠᠭᠠᠨ ᠡᠯᠰᠡᠵᠦ ᠥᠷᠯᠥᠭᠡ ᠳᠡᠭᠡᠨ ᠪᠣᠯᠪᠠᠰᠤᠷᠠᠯ ᠬᠢᠬᠦ ᠶᠢᠨ ᠬᠠᠮᠲᠤ ᠡᠳᠦᠷ ᠪᠦᠷᠢ ᠮᠣᠷᠢᠨ ᠲᠡᠷᠭᠡ ᠪᠠᠷ ᠢᠶᠠᠨ | ᠬᠠᠭᠤᠷᠠᠢ ᠲᠦᠯᠡᠭᠡ ᠴᠤᠭᠯᠠᠭᠤᠯᠪᠠ᠃ ᠸᠠᠩᠵᠢᠯ ᠬᠡᠷᠡᠮᠲᠦ ᠲᠤᠰᠬᠤᠨ ᠪᠣᠯᠤᠨ ᠴᠤᠩᠵᠢᠨ ᠠᠶᠢᠯ ᠤᠨ ᠬᠡᠳᠦᠨ | ᠰᠢᠪᠠᠷᠴᠢᠨ ᠣᠯᠵᠤ ᠰᠦᠮᠡ ᠶᠢᠨ ᠰᠠᠩ ᠤᠨ ᠭᠡᠷ ᠤᠳ ᠲᠤ ᠬᠠᠨᠵᠤ ᠵᠤᠤᠬᠠ ᠪᠠᠷᠢᠭᠤᠯᠪᠠ᠃ ᠡᠭᠦᠨ ᠤ ᠵᠡᠷᠭᠡ ᠪᠠᠷ | ᠨᠤᠤᠷᠭᠠᠢ ᠨᠤᠲᠤᠭ ᠠᠴᠠ ᠪᠠᠰᠠ ᠠᠵᠢᠯᠲᠠᠨ ᠢᠷᠡᠵᠦ ᠲᠤᠰ ᠠᠶᠢᠯ ᠤᠨ ᠡᠷᠬᠢᠯᠡᠭᠴᠢ ᠲᠠᠢ ᠬᠠᠮᠵᠢᠯᠴᠠᠨ ᠴᠣᠩᠵᠢᠨ | ᠰᠦᠮᠡ ᠳᠤ ᠰᠠᠭᠤᠵᠤ ᠪᠠᠶᠢᠭᠠ ᠬᠦᠮᠦᠰ ᠢ ᠤᠬᠠᠭᠤᠯᠤᠯ ᠬᠢᠵᠦ ᠭᠡᠷ ᠰᠢᠯᠵᠢᠭᠦᠯᠬᠦ ᠪᠠ ᠭᠡᠷ ᠢᠶᠠᠨ ᠶᠡᠭᠦᠯᠡᠵᠦ ᠥᠭᠬᠦ | ᠠᠵᠢᠯ ᠬᠢᠯᠭᠡᠪᠡ᠃ ᠰᠠᠷᠠ ᠰᠢᠬᠠᠮ ᠶᠠᠭᠠᠷᠠᠯ ᠲᠠᠢ ᠠᠵᠢᠯᠯᠠᠭᠠᠳ ᠰᠠᠭᠤᠬᠤ ᠣᠷᠣᠨ ᠰᠠᠭᠤᠴᠠ ᠶᠢ ᠪᠦᠷᠢᠨ ᠪᠡᠯᠡᠳᠬᠡᠵᠦ | ᠂ ᠳᠤᠯᠠᠭᠠᠯᠠᠭᠠ ᠶᠢᠨ ᠠᠵᠢᠯ ᠴᠦ ᠠᠮᠵᠢᠯᠲᠠ ᠲᠠᠢ ᠲᠡᠭᠦᠰᠪᠡ᠃ ᠠᠷᠪᠠᠨ ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠠᠷ ᠲᠥᠷᠪᠡᠨ ᠮᠣᠷᠢ | ᠬᠥᠯᠥᠭᠰᠡᠨ ᠭᠤᠮ ᠲᠡᠷᠭᠡ ᠪᠠᠷ ᠠᠵᠢᠯᠲᠠᠳ ᠤᠨ ᠭᠡᠷ ᠪᠦᠯᠢ ᠪᠣᠯᠣᠨ ᠠᠯᠪᠠᠨ ᠪᠠᠶᠢᠭᠤᠯᠭᠠ ᠶᠢᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ | ᠵᠢᠴᠢ ᠠᠵᠢᠯᠲᠠᠨ ᠢ ᠠᠷᠪᠠᠭᠠᠳ ᠡᠳᠦᠷ ᠵᠠᠯᠭᠠᠭᠠ ᠪᠠᠷ ᠵᠦᠭᠡᠭᠡᠪᠦᠷᠢᠯᠡᠵᠦ᠂ 1946 ᠣᠨ ᠤ 11 ᠰᠠᠷᠠ ᠳᠤ | ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠨᠢ ᠦᠨᠳᠦᠰᠦᠨ ᠳᠡᠭᠡᠨ ᠴᠣᠩᠵᠢᠨ ᠰᠦᠮᠡ ᠳᠤ ᠨᠡᠭᠦᠵᠦ | ᠢᠷᠡᠭᠡᠳ ᠠᠵᠢᠯᠯᠠᠵᠠᠢ᠃ | ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠰᠢᠯᠵᠢᠵᠦ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠠᠯᠪᠠᠨ | ᠪᠠᠶᠢᠭᠤᠯᠭᠠ ᠨᠤᠭᠤᠳ ᠢ ᠰᠠᠩ ᠤᠨ ᠭᠡᠷ ᠤᠳ ᠲᠤ ᠳᠣᠬᠢᠷᠠᠭᠤᠯᠵᠤ᠂ ᠠᠵᠢᠯᠲᠠᠳ ᠤᠨ ᠭᠡᠷ ᠪᠦᠯᠢ ᠶᠢ ᠬᠤᠪᠢ | ᠬᠦᠮᠦᠨ ᠤ ᠭᠡᠷ ᠲᠤ ᠰᠠᠭᠤᠯᠭᠠᠪᠠ᠃ ᠭᠡᠭᠡᠨ ᠰᠠᠩ ᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠠᠵᠢᠯᠯᠠᠵᠤ᠂ ᠭᠡᠭᠡᠨ | ᠣᠷᠳᠣᠨ ᠤ ᠡᠮᠦᠨᠡᠬᠢ ᠵᠡᠭᠦᠨ ᠪᠠᠷᠠᠭᠤᠨ ᠱᠠᠮᠫᠠᠨ ᠭᠡᠷ ᠢ ᠠᠮᠤ ᠪᠤᠳᠠᠭᠠ᠂ ᠡᠳ᠋ ᠪᠤᠳᠠᠰ ᠢᠶᠠᠨ ᠬᠤᠷᠢᠶᠠᠬᠤ ᠬᠦᠮᠦᠷᠭᠡ | ᠪᠣᠯᠭᠠᠪᠠ᠃ | ᠲᠤᠬᠠᠢ ᠶᠢᠨ ᠦᠶᠡᠰ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤ ᠨᠢ ᠴᠢᠯᠦᠭᠡᠯᠡᠭᠳᠡᠭᠡᠳ ᠤᠳᠠᠭᠠᠳᠤᠢ᠂ ᠭᠤᠮᠢᠨᠳᠠᠩ ᠤᠨ ᠯᠢ | ᠱᠸᠦ ᠰᠢᠨ ᠤ ᠴᠡᠷᠢᠭ ᠺᠠᠶᠢᠯᠦ ᠶᠢ ᠡᠵᠡᠯᠡᠭᠡᠳ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠨᠡᠶᠢᠭᠡᠮ ᠤᠨ ᠪᠠᠶᠢᠳᠠᠯ ᠠᠮᠤᠷ ᠲᠣᠭᠲᠠᠭᠤᠨ ᠪᠣᠰᠤ | ᠪᠠᠶᠢᠭᠰᠠᠨ ᠤ ᠳᠡᠭᠡᠷᠡ ᠳᠣᠲᠤᠭᠠᠳᠤ ᠠᠴᠠ ᠦᠷᠭᠦᠯᠵᠢᠯᠡᠨ ᠳᠡᠭᠡᠷᠡᠮ ᠬᠤᠯᠠᠭᠠᠢ ᠭᠠᠷᠴᠤ᠂ ᠨᠡᠶᠢᠭᠡᠮ ᠠᠬᠤᠢ ᠶᠢ ᠤᠯᠠᠮ | ᠠᠶᠤᠮᠰᠢᠭ ᠲᠦᠭᠰᠢᠭᠦᠷᠢ ᠲᠠᠢ ᠪᠣᠯᠭᠠᠵᠤ ᠪᠠᠶᠢᠯᠠ᠃ ᠤᠤᠯ ᠤᠨ ᠯᠢᠨᠳᠦ᠋ᠩ ᠤᠨ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠭᠡᠰᠢᠭᠦᠨ | ᠪᠠᠶᠢᠭᠰᠠᠨ ᠳᠠᠷᠢᠵᠠᠪ ᠤᠷᠪᠠᠵᠤ ᠺᠠᠶᠢᠯᠦ ᠳᠤ ᠬᠦᠷᠦᠭᠡᠳ ᠯᠢ ᠱᠸᠦ ᠰᠢᠨ ᠳᠤ ᠣᠷᠤᠵᠤ ᠥᠭᠴᠡᠢ᠃ ᠪᠠᠰᠠ | ᠪᠠᠶᠠᠨ᠋ᠣ᠋ᠪᠣᠭᠠ ᠶᠢᠨ ᠭᠠᠵᠠᠷ ᠤᠨ ᠡᠵᠡᠨ ᠳᠡᠭᠡᠷᠡᠮ ᠯᠢ ᠵᠢᠩ ᠶᠠᠩ ︵ᠳᠡᠭᠡᠷᠡᠮ ᠤᠨ ᠴᠣᠯᠠ ᠨᠢ ᠵᠡᠭᠦᠨ ᠳᠠᠯᠠᠢ︶ | ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠢ ᠡᠰᠡᠷᠭᠦᠴᠡᠵᠦ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠴᠢᠦᠢ ︵ᠲᠣᠭᠤᠷᠢᠭ︶ ᠶᠢᠨ ᠠᠵᠢᠯᠲᠠᠨ ᠢ | ᠬᠤᠣᠷᠯᠠᠨ ᠠᠯᠠᠵᠤ ᠪᠠᠶᠢᠪᠠ᠃ ᠪᠠᠭᠠᠷᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠬᠠᠢ ᠯᠢ ᠲᠦ᠋ ᠲᠤᠰᠬᠤᠨ ᠤ ᠭᠠᠵᠠᠷ ᠤᠨ | ᠡᠵᠡᠨ ᠨᠢᠦ ᠵᠢᠩ ᠬᠤᠸᠠ ᠪᠠᠰᠠ ᠤᠷᠪᠠᠵᠤ ᠭᠠᠷᠤᠭᠠᠳ 5᠂ 6᠂ 7 ᠳ᠋ᠤᠭᠠᠷ ᠴᠢᠦᠢ ︵ᠲᠣᠭᠤᠷᠢᠭ︶ ᠪᠠᠷ | ᠬᠦᠳᠡᠯᠭᠡᠭᠡᠨ ᠬᠢᠵᠦ ᠯᠢᠨᠰᠢ ᠬᠦᠷᠲᠡᠯᠡ ᠳᠡᠷᠰᠯᠡᠭᠦᠦ ᠬᠤᠯᠪᠤᠭᠠ ᠪᠠᠶᠢᠭᠤᠯᠤᠨ ᠪᠤᠯᠢᠶᠠᠨ ᠳᠡᠭᠡᠷᠡᠮᠳᠡᠬᠦ᠂ ᠭᠠᠵᠠᠷ | ᠰᠢᠷᠤᠢ ᠶᠢᠨ ᠥᠭᠡᠷᠡᠴᠢᠯᠡᠯᠲᠡ ᠶᠢᠨ ᠬᠦᠳᠡᠯᠭᠡᠭᠡᠨ ᠢ ᠡᠰᠡᠷᠭᠦᠴᠡᠨ ᠬᠠᠷᠰᠢᠯᠠᠵᠤ ᠬᠤᠪᠢᠰᠬᠠᠯᠲᠤ ᠠᠵᠢᠯᠲᠠᠨ ᠪᠠ | ᠲᠡᠭᠦᠨ ᠤ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠢ ᠠᠯᠠᠨ ᠬᠢᠲᠤᠵᠤ ᠲᠦᠢᠪᠡᠭᠡᠵᠦ ᠪᠠᠶᠢᠪᠠ᠃ 1946 ᠣᠨ ᠤ ᠨᠠᠮᠤᠷ᠂ ᠠᠷᠤ | ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠳᠣᠲᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠᠨ ᠳᠠᠷᠤᠭᠠ ᠰᠦᠨ ᠭᠧᠨ | ᠴᠢᠤᠸᠠᠨ ᠵᠠᠭᠤ ᠢᠯᠡᠭᠦᠦ ᠬᠦᠮᠦᠨ ᠢ ᠳᠠᠭᠠᠭᠤᠯᠤᠨ ᠤᠷᠪᠠᠭᠠᠳ ᠺᠠᠶᠢᠯᠦ ᠳᠤ ᠬᠦᠷᠴᠦ ᠯᠢ ᠱᠸᠦ ᠰᠢᠨ ᠲᠠᠢ ᠨᠡᠶᠢᠯᠡᠪᠡ | ᠃ ᠤᠤᠯ ᠠᠴᠠ ᠰᠡᠵᠢᠭ ᠲᠠᠢ ᠪᠠᠶᠢᠭᠰᠠᠨ ᠳᠥᠷᠪᠡᠳᠥᠭᠡᠷ ᠳ᠋ᠢᠸᠢᠽᠢ ᠶᠢᠨ 35 ᠳ᠋ᠤᠭᠠᠷ ᠬᠤᠷᠢᠶᠠ ᠶᠢᠨ ᠬᠤᠷᠢᠶᠠᠨ | ᠳᠠᠷᠤᠭᠠ ᠡᠯᠳᠡᠩᠭᠡ ᠨᠢᠭᠡ ᠪᠦᠯᠦᠭ ᠬᠦᠮᠦᠰ ᠢ ᠳᠠᠭᠠᠭᠤᠯᠤᠨ ᠬᠠᠭᠤᠷᠮᠠᠭ ᠪᠠᠭ ᠢᠶᠠᠨ ᠱᠠᠭᠠᠯᠤᠨ ᠬᠠᠶᠠᠵᠤ ᠤᠷᠪᠠᠵᠤ | ᠭᠠᠷᠤᠭᠠᠳ ᠭᠤᠮᠢᠨᠳᠠᠩ ᠤᠨ ᠴᠡᠷᠢᠭ ᠢ ᠳᠠᠭᠠᠪᠠ᠃ 1946 ᠣᠨ ᠤ 10 ᠰᠠᠷᠠ ᠶᠢᠨ 10 ᠤ ᠡᠳᠦᠷ᠂ | ᠭᠤᠮᠢᠨᠳᠠᠩ ᠤᠨ 93 ᠳ᠋ᠤᠭᠠᠷ ᠠᠷᠮᠢ ᠶᠢᠨ 22 ᠳ᠋ᠤᠭᠠᠷ ᠳ᠋ᠢᠸᠢᠽᠢ ᠤᠯᠠᠭᠠᠨᠬᠠᠳᠠ ᠶᠢ ᠳᠠᠭᠠᠷᠢᠨ ᠡᠵᠡᠯᠡᠵᠡᠢ᠃ ᠡᠳᠡᠭᠡᠷ | ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠵᠦ᠂ ᠪᠠᠶᠢᠯᠳᠤᠬᠤ ᠪᠣᠳᠤᠯᠭᠠ ᠶᠢᠨ ᠪᠠᠶᠢᠷᠢᠯᠠᠭᠤᠯᠤᠯᠲᠠ ᠬᠢᠵᠦ᠂ ︽ᠯᠢᠨᠳᠦ᠋ᠩ ᠤᠨ ᠵᠠᠰᠠᠭ | ᠵᠠᠬᠢᠷᠭᠠᠨ ᠤ ᠵᠦᠪᠯᠡᠯ ᠤᠨ ᠬᠤᠷᠠᠯ︾ ︵ᠰᠢᠶᠠᠨ︶ ᠢ ᠲᠡᠮᠡᠭᠡᠨ ᠬᠦᠵᠦᠭᠦᠦ ᠶᠢᠨ ᠰᠠᠨ ᠳ᠋ᠣᠣ ᠶᠢᠩ ᠽᠢ ︵ᠶᠢᠩᠽᠢ︶ | ᠲᠤᠰᠬᠤᠨ ᠳᠤ ᠰᠢᠯᠵᠢᠭᠦᠯᠵᠦ ᠲᠠᠷᠢᠶᠠᠯᠠᠬᠤ ᠣᠷᠣᠨ ᠤ ᠭᠠᠵᠠᠷ ᠰᠢᠷᠤᠢ ᠶᠢᠨ ᠥᠭᠡᠷᠡᠴᠢᠯᠡᠯᠲᠡ ᠶᠢᠨ ᠠᠵᠢᠯ ᠢ | ᠤᠳᠤᠷᠢᠳᠴᠠᠢ᠃ ᠰᠢᠨᠡ ᠪᠠᠷ ᠪᠠᠶᠢᠭᠤᠯᠤᠭᠰᠠᠨ ︽ᠪᠠᠭᠠᠷᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠬᠤᠰᠢᠭᠤᠨ ᠵᠠᠰᠠᠭ ᠤᠨ | ᠣᠷᠳᠣᠨ︾ ᠨᠢ ᠨᠤᠤᠷᠭᠠᠢ ᠨᠤᠲᠤᠭ ᠤᠨ ᠴᠣᠩᠵᠢᠨ ᠰᠦᠮᠡ ᠳᠤ ᠰᠢᠯᠵᠢᠨ ᠢᠷᠡᠵᠦ᠂ ᠪᠠᠭᠠᠷᠢᠨ ᠵᠡᠭᠦᠨ ᠭᠠᠷᠤᠨ | ᠬᠤᠰᠢᠭᠤᠨ ᠤ ᠡᠯᠡ ᠮᠠᠯᠵᠢᠬᠤ ᠨᠤᠲᠤᠭ ᠤᠨ ᠬᠤᠪᠢᠰᠬᠠᠯᠲᠤ ᠬᠦᠳᠡᠯᠭᠡᠭᠡᠨ ᠢ ᠤᠳᠤᠷᠢᠳᠪᠠ᠃ | ᠴᠣᠩᠵᠢᠨ ᠰᠦᠮᠡ ᠪᠣᠯ ᠠᠭᠤᠯᠠ ᠬᠠᠳᠠ ᠪᠠᠷ ᠬᠦᠷᠢᠶᠡᠯᠡᠭᠳᠡᠵᠦ᠂ ᠵᠠᠮ ᠱᠤᠭᠤᠮ ᠪᠠᠷᠲᠠᠭᠠ ᠶᠡᠭᠡ ᠲᠠᠢ᠂ ᠪᠤᠶᠢᠳᠠ | ᠪᠦᠭᠯᠡᠭᠦᠦ ᠠᠭᠤᠯᠠᠷᠬᠠᠭ ᠣᠷᠣᠨ ᠪᠣᠯᠬᠤ ᠪᠦᠭᠡᠳ ᠴᠣᠩᠵᠢᠨ ᠰᠦᠮᠡ ᠶᠢᠨ ᠭᠡᠷ ᠪᠠᠶᠢᠰᠢᠩ ᠣᠯᠠᠨ᠂ ᠲᠠᠪᠤᠨ | ᠰᠠᠩ ᠤᠨ ᠰᠠᠭᠤᠴᠠ ᠪᠠ ᠯᠠᠮᠠ ᠨᠠᠷ ᠤᠨ ᠭᠡᠷ ᠴᠦ ᠠᠷᠪᠢᠨ ᠤᠴᠢᠷ ᠠᠴᠠ ᠪᠠᠶᠢᠭᠤᠯᠭᠠ ᠶᠢᠨ ᠠᠯᠪᠠᠨ ᠭᠡᠷ᠂ | ᠪᠠᠶᠢᠷᠢ ᠶᠢᠨ ᠭᠡᠷ ᠴᠦ ᠬᠦᠷᠦᠯᠴᠡᠬᠦᠶᠢᠴᠡ ᠪᠠᠶᠢᠪᠠ᠃ ᠲᠤᠰ ᠰᠦᠮᠡ ᠳᠤ ᠡᠮᠦᠨᠡ ᠠᠴᠠ ᠢᠷᠡᠬᠦ ᠬᠦᠮᠦᠨ ᠪᠠᠶᠠᠨᠮᠦ᠋ᠷᠡᠨ | ︵ᠨᠤᠤᠷᠭᠠᠢ ᠭᠤᠣᠯ︶ ᠢ ᠥᠭᠰᠥᠵᠦ᠂ ᠠᠭᠤᠯᠠ ᠬᠠᠳᠠᠨ ᠤ ᠬᠤᠱᠤᠤ ᠶᠢ ᠤᠷᠢᠶᠠᠨ ᠮᠤᠷᠤᠢ ᠰᠠᠷᠤᠢ ᠶᠠᠪᠤᠭᠰᠠᠭᠠᠷ | ᠡᠰᠡᠷᠡᠭ ᠬᠠᠳᠠ ᠬᠦᠷᠦᠭᠡᠳ ᠪᠠᠷᠠᠯᠠᠪᠠᠯ᠂ ᠴᠣᠩᠵᠢᠨ ᠰᠦᠮᠡ ᠶᠢᠨ ᠠᠷᠤ᠂ ᠪᠠᠷᠠᠭᠤᠨ᠂ ᠵᠡᠭᠦᠨ ᠲᠠᠯᠠ ᠨᠢ ᠦᠨᠳᠦᠷ | ᠠᠭᠤᠯᠠ ᠪᠠᠷ ᠬᠦᠷᠢᠶᠡᠯᠡᠭᠳᠡᠵᠦ᠂ ᠡᠮᠦᠨᠡ ᠠᠴᠠ ᠢᠷᠡᠬᠦ ᠠᠭᠤᠯᠠᠨ ᠬᠤᠭᠤᠷᠤᠨᠳᠤᠬᠢ ᠵᠠᠮ ᠤᠨ ᠴᠢᠬᠤᠯ ᠬᠡᠰᠡᠭ ᠲᠤ | ᠡᠰᠡᠷᠡᠭ ᠬᠠᠳᠠ ᠪᠠ ᠨᠣᠮᠣᠬᠠᠨ ᠣᠷᠣᠢ ᠬᠤᠭᠤᠷᠣᠭᠳᠣ ᠪᠠᠨ ᠬᠤᠶᠠᠷ ᠵᠠᠭᠤᠨ ᠮᠧᠲᠷ ᠯᠡ ᠵᠠᠶᠢᠲᠠᠢ ᠡᠰᠡᠷᠭᠦ ᠪᠠᠨr | ᠮᠦᠷᠭᠦᠯᠴᠢᠮᠡᠷ ᠰᠡᠬᠦᠶᠢᠯᠴᠡᠵᠦ᠂ ᠶᠠᠭ ᠯᠡ ᠬᠤᠲᠠ ᠶᠢᠨ ᠬᠡᠷᠡᠮ ᠬᠠᠭᠠᠯᠭᠠ ᠰᠢᠭ᠋ ᠪᠠᠶᠢᠷᠢᠯᠠᠵᠠᠢ᠃ ᠮᠡᠷᠭᠡᠨ ᠫᠤᠤᠴᠢ | ᠬᠤᠶᠠᠷ ᠲᠠᠯᠠ ᠶᠢᠨ ᠬᠠᠳᠠᠨ ᠣᠷᠣᠢ ᠶᠢ ᠠᠪᠤᠭᠠᠳ ᠰᠠᠭᠤᠴᠢᠬᠠᠪᠠᠯ ᠡᠨᠡ ᠬᠦ ᠨᠠᠷᠢᠨ ᠵᠢᠯᠠᠭᠠ ᠪᠠᠷ ᠶᠠᠮᠠᠷ ᠴᠦ | ᠬᠦᠯᠲᠡᠨ ᠢ ᠣᠷᠤᠭᠤᠯᠬᠤ ᠦᠭᠡᠢ ᠬᠠᠮᠠᠭᠠᠯᠠᠵᠤ ᠳᠡᠶᠢᠯᠦᠨᠡ᠃ ᠡᠶᠢᠮᠦ ᠠᠴᠠ ᠡᠨᠡ ᠭᠠᠵᠠᠷ ᠨᠢ ᠡᠪᠳᠡᠬᠦ ᠳᠤ ᠬᠦᠴᠢᠷ᠂ | ᠰᠠᠬᠢᠬᠤ ᠳᠤ ᠬᠢᠯᠪᠠᠷ ᠪᠣᠯᠬᠤᠷ ᠪᠠᠭᠠᠷᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠨᠢ ᠲᠤᠰ ᠭᠠᠵᠠᠷ ᠢ | ᠰᠤᠩᠭᠤᠵᠤ ᠢᠷᠡᠭᠡᠳ ᠬᠤᠪᠢᠰᠬᠠᠯᠲᠤ ᠬᠦᠳᠡᠯᠭᠡᠭᠡᠨ ᠢᠶᠠᠨ ᠦᠷᠨᠢᠭᠦᠯᠵᠠᠢ᠃ | 1946 ᠣᠨ ᠤ 11 ᠰᠠᠷᠠ ᠶᠢᠨ ᠡᠬᠢᠨ ᠳᠤ᠂ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠳᠤ ᠠᠵᠢᠯᠯᠠᠬᠤ ᠪᠠᠷ | ᠢᠷᠡᠭᠰᠡᠳ ᠲᠤ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠬᠤᠯᠪᠤᠭᠠᠲᠤ ᠬᠤᠷᠠᠯ ᠤᠨ ᠪᠠᠭᠠᠷᠢᠨ ᠵᠡᠭᠦᠨ ᠭᠠᠷᠤᠨ | ᠬᠤᠰᠢᠭᠤᠨ ᠤ ᠰᠠᠯᠪᠤᠷᠢ ᠬᠤᠷᠠᠯ ᠤᠨ ᠡᠷᠬᠢᠯᠡᠭᠴᠢ ᠵᠠᠯᠭᠠᠬᠦᠦ᠂ ᠳᠡᠳ᠋ ᠡᠷᠬᠢᠯᠡᠭᠴᠢ ᠡᠷᠳᠡᠨᠢᠴᠤᠭᠲᠤ᠂ ᠭᠡᠰᠢᠭᠦᠨ | ᠵᠠᠯᠭᠠᠬᠦᠦ᠂ ᠠᠶᠤᠷᠪᠣᠨᠢᠶᠠ᠂ ᠥᠷᠭᠡᠨ᠂ ᠮᠦᠷᠡᠨ᠂ ᠬᠡᠰᠢᠭᠲᠦ ᠵᠡᠷᠭᠡ ᠪᠣᠢ᠃ ᠬᠤᠰᠢᠭᠤᠨ ᠤ ᠰᠠᠯᠪᠤᠷᠢ ᠬᠤᠷᠠᠯ ᠳᠤ | ᠨᠠᠷᠢᠨ ᠪᠢᠴᠢᠭᠡᠴᠢ ᠶᠢᠨ ᠲᠠᠰᠤᠭ ᠪᠠ ᠤᠬᠠᠭᠤᠯᠬᠤ ᠲᠠᠰᠤᠭ ᠢ ᠥᠷᠭᠡᠨ ᠬᠠᠪᠰᠤᠷᠭᠠᠨ ᠬᠠᠷᠢᠭᠤᠴᠠᠵᠤ᠂ | ᠵᠠᠯᠠᠭᠤᠴᠤᠳ ᠤᠨ ᠲᠠᠰᠤᠭ ᠪᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠲᠠᠰᠤᠭ ᠢ ᠮᠦᠷᠡᠨ ᠬᠠᠪᠰᠤᠷᠭᠠᠨ ᠬᠠᠷᠢᠭᠤᠴᠠᠵᠤ ᠪᠠᠶᠢᠪᠠ᠃ | ᠬᠤᠰᠢᠭᠤᠨ ᠤ ᠰᠠᠯᠪᠤᠷᠢ ᠬᠤᠷᠠᠯ ᠪᠣᠯ ᠤᠯᠠᠨ ᠲᠦᠮᠡᠨᠴᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠮᠦᠨ᠃ ᠭᠡᠪᠡᠴᠦ ᠵᠠᠰᠠᠭ ᠤᠨ | ᠣᠷᠳᠣᠨ ᠤ ᠡᠯᠡ ᠲᠥᠷᠥᠯ ᠤᠨ ᠥᠭᠡᠷᠡᠴᠢᠯᠡᠯᠲᠡ ᠳᠤ ᠤᠳᠤᠷᠢᠳᠬᠤ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠶᠢᠪᠠ᠃ | ᠪᠠᠭᠠᠷᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠬᠤᠰᠢᠭᠤᠨ ᠳᠠᠷᠤᠭᠠ ᠠᠶᠤᠷᠪᠣᠨᠢᠶᠠ᠂ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ | ᠰᠠᠯᠠᠭᠠᠨ ᠳᠠᠷᠤᠭᠠ ᠬᠤᠣᠰᠪᠠᠶᠠᠷ᠂ ᠡᠳ᠋ ᠤᠨ ᠶᠠᠪᠤᠳᠠᠯ ᠤᠨ ᠰᠠᠯᠠᠭᠠᠨ ᠳᠠᠷᠤᠭᠠ ᠬᠤᠳᠤᠷᠠᠩᠭᠠ᠂ ᠠᠷᠠᠳ ᠤᠨ | ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠰᠠᠯᠠᠭᠠᠨ ᠳᠠᠷᠤᠭᠠ ᠡᠷᠳᠡᠨᠢᠴᠤᠭᠲᠤ᠂ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠰᠠᠯᠠᠭᠠᠨ ᠳᠠᠷᠤᠭᠠ | ᠮᠦᠩᠬᠡᠪᠠᠶᠠᠷ᠂ ᠳᠣᠲᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠᠨ ᠳᠠᠷᠤᠭᠠ ᠪᠠᠶᠠᠨᠨᠠᠮᠤᠷ᠂ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ | ᠠᠩᠭᠢ ᠶᠢᠨ ᠳᠠᠷᠤᠭᠠ ᠴᠣᠶᠢᠵᠢᠨᠵᠠᠪ ᠵᠡᠷᠭᠡ ᠬᠦᠮᠦᠰ ᠠᠴᠠ ᠭᠠᠳᠠᠨᠠ᠂ ᠪᠣᠣ ᠵᠦᠩ ᠶᠤᠸᠠᠨ᠂ ᠨᠠᠰᠤᠨ᠋ᠦ᠌ᠯᠵᠡᠢ᠂ | ᠯᠦᠩᠭᠠᠨᠵᠠᠪ᠂ ᠮᠢᠨᠵᠤᠤᠷ᠂ ᠸᠠᠩᠵᠢᠯ ᠵᠡᠷᠭᠡ ᠬᠦᠮᠦᠰ ᠴᠢᠬᠤᠯᠠ ᠲᠤᠰᠢᠶᠠᠯ ᠬᠠᠷᠢᠭᠤᠴᠠᠵᠤ ᠪᠠᠶᠢᠪᠠ᠃ ᠳᠥᠷᠪᠡᠳᠥᠭᠡᠷ | ᠳ᠋ᠢᠸᠢᠽᠢ ᠶᠢᠨ ᠳᠣᠩᠷᠣᠪᠴᠣᠶᠢᠮᠫᠤᠯ ᠤᠨ ᠨᠢᠭᠡ ᠰᠠᠯᠠᠭᠠ ᠴᠡᠷᠢᠭ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠢ ᠬᠠᠮᠠᠭᠠᠯᠠᠵᠤ | ᠺᠠᠵᠢᠳ ᠰᠠᠩ ᠳᠤ ᠰᠠᠭᠤᠵᠠᠢ᠃ | |