| ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠪᠤᠯᠪᠠᠰᠤᠨ | ᠵᠣᠷᠢᠬᠳᠣ | | 2012 ᠤᠨ ᠤ ᠵᠢᠯ ᠤᠨ ᠡᠬᠢᠨ ᠤ ᠨᠢᠬᠡᠨ ᠡᠲᠦᠷ᠂ ᠭᠠᠷ ᠤᠳᠠᠰᠤᠨ ᠤ ᠤᠬᠤᠷ ᠴᠢᠮᠡᠬᠡᠨ ᠠᠴᠠ ᠰᠢᠯᠢ | ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠠᠪᠠᠭᠠ᠂ ᠰᠦᠨᠢᠳ ᠤᠨ ᠲᠠᠯᠠ ᠨᠤᠳᠤᠭ ᠲᠤ ᠴᠢᠨ᠋ᠸᠠ ᠶᠢᠨ ᠰᠦᠷᠦᠭ ᠢᠯᠡᠷᠡᠵᠤ ᠮᠠᠯ | ᠰᠦᠷᠦᠭ ᠲᠤ ᠬᠦᠨᠦᠬᠡᠯ ᠪᠤᠯᠵᠤ ᠪᠠᠶᠢᠨᠠ ᠬᠡᠰᠡᠨ ᠴᠢᠮᠡᠭᠡ ᠶᠢ ᠲᠤᠭᠤᠯᠤᠯᠠ᠃ | ᠡᠨᠡ ᠨᠢ ᠨᠠᠮᠠ ᠶᠢ ᠦᠪᠡᠷ ᠤᠨ ᠡᠷᠬᠡ ᠦᠬᠡᠢ ᠪᠠᠯᠴᠢᠷ ᠪᠠᠭᠠ ᠶᠢᠨ ᠦᠶᠡ ᠳᠤ ᠨᠤᠳᠤᠭ ᠤᠰᠤᠨ ᠤ ᠬᠢᠨ | ᠴᠢᠨ᠋ᠸᠠ ᠶᠢᠨ ᠰᠦᠷᠦᠭ ᠯᠦᠭᠡ ᠲᠡᠮᠡᠴᠡᠯ ᠬᠢᠵᠤ ᠮᠠᠯ ᠰᠦᠷᠦᠭ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠦᠰᠬᠡᠬᠦ ᠬᠡᠵᠤ ᠪᠠᠶᠢᠭᠰᠠᠨ ᠪᠤᠷᠤ | ᠲᠤᠷᠠᠳᠬᠠᠯ ᠢ ᠰᠠᠨᠠᠭᠳᠠᠭᠤᠯᠵᠠᠢ᠃ ᠮᠢᠨᠤ ᠨᠤᠳᠤᠭ ᠪᠤᠯ ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ ᠤ ᠤᠮᠠᠷᠠ ᠬᠢᠯᠢ ᠳᠤ | ᠪᠠᠶᠢᠷᠢᠯᠠᠭᠰᠠᠨ ᠠᠭᠤᠯᠠᠷᠬᠠᠭ ᠬᠢᠷᠠ ᠲᠠᠯᠠ ᠶᠢᠨ ᠪᠡᠯᠴᠢᠬᠡᠷ ᠢᠶᠠᠷ ᠭᠤᠤᠯᠳᠠᠭᠤᠯᠤᠭᠰᠠᠨ ᠮᠠᠯᠵᠢᠬᠤ ᠨᠤᠳᠤᠭ ᠪᠤᠯᠬᠤ | ᠶᠤᠮ᠃ ᠨᠠᠮᠠ ᠶᠢ ᠪᠠᠭᠠ ᠪᠠᠶᠢᠵᠤ ᠤᠴᠢᠷ ᠶᠤᠰᠤ ᠶᠢ ᠬᠠᠷᠠᠬᠠᠨ ᠤᠬᠠᠬᠤ ᠦᠬᠡᠢ ᠪᠠᠶᠢᠬᠤ ᠳᠤ᠂ ᠨᠤᠳᠤᠭ ᠤᠰᠤᠨ | ᠤ ᠨᠢᠬᠡᠳᠤᠯ ᠪᠠᠷᠢᠭᠠᠳᠠ ᠶᠢᠨ ᠬᠢᠨ ᠤ ᠨᠢᠬᠡᠳᠦᠯᠳᠡᠢ ᠤᠷᠢᠶᠠᠯᠠᠭᠠ ᠲᠤᠤᠷᠠ ᠴᠢᠨ᠋ᠸᠠ ᠠᠩᠨᠠᠬᠤ ᠤᠷᠤᠯᠳᠤᠭᠠᠨ | ᠦᠷᠨᠢᠬᠦᠯᠵᠤ᠂ ᠨᠢᠬᠡ ᠴᠢᠨ᠋ᠸᠠ ᠠᠩᠨᠠᠪᠠᠯ ᠪᠠᠷᠢᠭᠠᠳᠠ ᠠᠴᠠ ᠲᠠᠪᠤᠨ ᠬᠤᠪᠢ ᠲᠡᠮᠳᠡᠭᠯᠡᠵᠤ ᠦᠭᠬᠦ ᠪᠦᠬᠡᠳ ᠠᠷᠠᠰᠤ ᠶᠢ | ᠨᠢ ᠬᠤᠷᠰᠢᠶᠠᠨ ᠳᠤ ᠬᠤᠳᠠᠯᠳᠤᠪᠠᠯ ᠪᠠᠰᠠ ᠬᠡᠳᠤᠨ ᠲᠦᠬᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠵᠤ ᠬᠡᠷ ᠵᠠᠭᠤᠷᠠ ᠶᠢᠨ ᠵᠠᠷᠤᠳᠠᠯ | ᠢᠶᠠᠨ ᠰᠢᠢᠳᠪᠦᠷᠢᠯᠡᠵᠤ ᠴᠢᠳᠠᠳᠠᠭ ᠪᠠᠶᠢᠵᠠᠢ᠃ ᠤᠯᠠᠨ ᠴᠢᠨ᠋ᠸᠠ ᠠᠩᠨᠠᠪᠠᠯ ᠨᠢᠬᠡᠳᠦᠯ ᠪᠠᠷᠢᠭᠠᠳᠠ ᠠᠴᠠ ᠪᠠᠰᠠ ︽ | ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ︾ ᠪᠠᠷ ᠱᠠᠩᠨᠠᠨ ᠬᠦᠬᠢᠬᠦᠯᠳᠡᠭ᠃ ᠡᠬᠦᠨ ᠠᠴᠠ ᠬᠦᠮᠦᠰ ᠤᠨ ᠲᠤᠮᠳᠠ ᠬᠠᠪᠬᠠ ᠪᠠᠷ | ᠠᠩᠨᠠᠬᠤ᠂ ᠬᠤᠤᠷ ᠢᠶᠠᠷ ᠠᠩᠨᠠᠬᠤ᠂ ᠫᠤᠤ ᠪᠠᠷ ᠠᠩᠨᠠᠬᠤ᠂ ᠡᠬᠦᠷ ᠢ ᠨᠢ ᠮᠠᠯᠳᠠᠬᠤ ᠵᠡᠷᠬᠡ ᠴᠢᠨ᠋ᠸᠠ ᠳᠤ | ᠬᠠᠨᠳᠤᠭᠤᠯᠤᠭᠰᠠᠨ ᠱᠦᠬᠦᠷᠳᠡᠯᠳᠡ ᠶᠠᠪᠤᠭᠳᠠᠵᠤ᠂ ᠴᠢᠨ᠋ᠸᠠ ᠶᠢ ᠬᠠᠮᠤᠭ ᠠᠮᠢᠳᠠᠨ ᠤ ᠬᠠᠷᠠ ᠲᠠᠶᠢᠰᠤᠨ ᠢᠶᠠᠷ ᠦᠵᠡᠵᠤ | ᠬᠢᠳᠤᠨ ᠤᠰᠠᠳᠬᠠᠵᠤ ᠪᠠᠶᠢᠵᠠᠢ᠃ ᠨᠠᠰᠤ ᠵᠢᠯ ᠤᠨ ᠨᠡᠮᠡᠭᠳᠡᠬᠦ ᠪᠠ ᠰᠤᠷᠭᠠᠭᠤᠯᠢ ᠨᠤᠮ ᠤᠨ ᠮᠦᠷ ᠢᠶᠠᠷ ᠭᠠᠳᠠᠭᠰᠢ | ᠰᠤᠷᠤᠯᠴᠠᠬᠤ ᠪᠠᠷ ᠶᠠᠪᠤᠬᠤ ᠠᠴᠠ ᠪᠤᠯᠵᠤ᠂ ᠲᠠᠷᠬᠠᠯᠳᠠ ᠳᠤ ᠬᠠᠶᠠ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠬᠤ ᠦᠶᠡᠰ ᠨᠤᠳᠤᠭ ᠤᠨ | ᠬᠢᠨ ᠤ ᠴᠢᠨ᠋ᠸᠠ ᠶᠢᠨ ᠲᠤᠬᠠᠢ ᠵᠤᠭᠤᠭ ᠴᠦᠬᠡᠷᠡᠵᠤ ᠲᠡᠮᠡᠢ ᠲᠤᠷᠠᠳᠬᠤ ᠬᠦᠮᠦᠨ ᠦᠬᠡᠢ ᠪᠤᠯᠤᠭᠰᠠᠨ ᠳᠤ ᠲᠤᠬᠠᠢ ᠶᠢᠨ | ᠦᠶᠡ ᠳᠤ ᠪᠢ ᠲᠤᠳᠤᠷᠠ ᠪᠠᠨ ᠶᠡᠬᠡᠯᠡ ᠭᠠᠶᠢᠬᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠬᠤᠵᠢᠮ ᠨᠢ ᠰᠠᠶ᠋ᠢ ᠴᠢᠨ᠋ᠸᠠ ᠤᠷᠤᠰᠢᠨ | ᠠᠮᠢᠳᠤᠷᠠᠬᠤ ᠤᠷᠤᠨ ᠵᠠᠢ ᠦᠬᠡᠢ ᠪᠤᠯᠵᠤ ᠤᠨᠳᠤᠤ ᠨᠤᠳᠤᠭ ᠲᠤ ᠰᠢᠯᠵᠢᠭᠰᠡᠨ ᠪᠤᠶᠤ ᠦᠨᠳᠦᠰᠤ ᠲᠠᠰᠤᠷᠠᠯᠠ ᠬᠡᠰᠡᠨ | ᠤᠴᠢᠷ ᠶᠤᠰᠤ ᠶᠢ ᠪᠠᠷᠤᠭᠯᠠᠵᠠᠢ᠃ ᠪᠢ ᠤᠳᠠᠯ ᠦᠬᠡᠢ ᠠᠩᠬᠠ ᠲᠤᠮᠳᠠᠳᠤ ᠶᠢᠨ ᠰᠤᠷᠤᠯᠭᠠ ᠪᠠᠨ ᠲᠡᠬᠦᠰᠬᠡᠵᠤ᠂ | ᠨᠢᠬᠡᠨ ᠡᠲᠦᠷ ᠤᠨ ᠦᠳᠡ ᠶᠢᠨ ᠬᠤᠭᠤᠯᠠᠨ ᠤ ᠵᠠᠭᠤᠷᠠ ᠠᠪᠤ ︽ᠬᠤᠨᠢᠨ ᠰᠦᠷᠦᠭ ᠠᠴᠠ ᠨᠢᠬᠡ ᠰᠢᠳᠦᠯᠡᠬᠦ ᠶᠢ | ᠴᠢᠨ᠋ᠸᠠ ᠡᠬᠦᠷᠦᠯᠡ︾ ᠬᠡᠵᠤ ᠵᠤᠭᠤᠭ ᠪᠤᠯᠭᠠᠨ ᠶᠠᠷᠢᠬᠤ ᠠᠴᠠ ᠴᠢᠨ᠋ᠸᠠ ᠶᠢᠨ ᠪᠠᠶᠢᠳᠠᠯ ᠢ ᠠᠪᠤ ᠠᠴᠠ ᠰᠠᠶᠢᠬᠠᠨ | ᠠᠰᠠᠭᠤᠶᠠ ᠬᠡᠰᠡᠨ ᠪᠤᠳᠤᠯ ᠨᠠᠳᠠᠳᠤ ᠲᠦᠷᠦᠭᠳᠡᠵᠤ᠂ ᠠᠪᠤ ᠶᠢᠨ ᠦᠬᠡᠨ ᠤ ᠰᠢᠵᠢᠮ ᠢ ᠡᠯᠬᠦᠵᠤ᠂ ᠴᠢᠨ᠋ᠸᠠ ᠨᠢ ᠲᠠᠯᠠ | ᠶᠢᠨ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠳᠤ ᠶᠠᠮᠠᠷᠬᠠᠨ ᠨᠦᠯᠦᠬᠡ ᠲᠠᠢ ᠪᠠᠶᠢᠵᠤ ᠦᠡᠭᠬᠡᠷᠡᠭᠰᠡᠨ ᠤᠴᠢᠷ ᠶᠠᠪᠤᠳᠠᠯ ᠤᠨ ᠲᠤᠬᠠᠢ | ᠨᠡᠯᠢᠶᠡᠳ ᠨᠠᠷᠢᠯᠢᠭ ᠯᠠᠪᠯᠠᠵᠠᠢ᠃ | ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ᠂ ᠮᠠᠯᠴᠢᠳ ᠪᠡᠯᠴᠢᠬᠡᠷ ᠢᠶᠠᠨ ᠵᠤᠰᠠᠯᠠᠩ᠂ ᠨᠠᠮᠤᠷᠵᠢᠶᠠ᠂ | ᠡᠪᠦᠯᠵᠢᠶᠡ᠂ ᠬᠠᠪᠤᠷᠵᠢᠶᠠ ᠬᠡᠵᠤ ᠬᠤᠪᠢᠶᠠᠨ ᠤᠯᠠᠷᠢᠯ ᠲᠠᠭᠠᠵᠤ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠵᠤ ᠮᠠᠯ ᠰᠦᠷᠦᠭ ᠢᠶᠠᠨ | ᠦᠰᠬᠡᠳᠡᠭ᠃ ᠡᠨᠡ ᠨᠢ ᠭᠤᠤᠯᠳᠠᠭᠤ ᠪᠡᠯᠴᠢᠭᠡᠷ ᠰᠤᠯᠢᠬᠤ ᠶᠠᠪᠤᠴᠠ ᠳᠤ ᠬᠠᠯᠠᠭᠳᠠᠭᠰᠠᠨ ᠪᠡᠯᠴᠢᠬᠡᠷ ᠲᠤ ᠲᠠᠬᠢᠨ | ᠤᠷᠭᠤᠵᠤ ᠰᠡᠷᠬᠦᠬᠦ ᠵᠠᠪᠰᠢᠶᠠᠨ ᠤᠯᠭᠤᠵᠤ᠂ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠦᠡᠭ ᠰᠢᠮᠡᠯᠢᠭ ᠪᠠᠶᠢᠳᠠᠯ ᠢ ᠦᠷᠬᠦᠯᠵᠢᠳᠡ | ᠪᠠᠳᠤᠯᠠᠬᠤ ᠶᠢ ᠬᠦᠰᠡᠨ ᠵᠤᠷᠢᠭᠰᠠᠨ ᠵᠤᠷᠢᠯᠳᠠ ᠪᠠᠶᠢᠭᠠ ᠶᠤᠮ᠃ ᠨᠤᠳᠤᠭ ᠤᠰᠤ ᠲᠠᠷᠭᠤᠨ ᠲᠠᠩᠰᠤᠭ᠂ ᠠᠷᠢᠶᠠᠳᠠᠨ | ᠵᠢᠬᠦᠷᠳᠡᠨ ᠲᠤᠭᠯᠠᠨ ᠵᠢᠷᠬᠢᠭᠰᠡᠨ ᠠᠩᠬᠠᠨ ᠤ ᠦᠶᠡ ᠳᠤ᠂ ᠴᠢᠨ᠋ᠸᠠ ᠨᠢ ᠬᠠᠶᠠ ᠨᠢᠬᠡ ᠠᠳᠤᠭᠤ ᠮᠠᠯ ᠢ ᠲᠤᠭᠤᠷᠢᠵᠤ | ᠮᠠᠯᠴᠢᠳ ᠲᠤ ᠬᠤᠬᠢᠷᠠᠯ ᠰᠦᠢᠳᠦᠯ ᠤᠴᠠᠷᠠᠭᠤᠯᠳᠠᠭ ᠪᠤᠯᠪᠠᠴᠤ ᠴᠢᠨ᠋ᠸᠠ ᠢᠳᠡᠬᠡᠨ ᠤ ᠭᠤᠤᠯ ᠢᠷᠡᠯᠳᠡ ᠪᠠᠨ ᠵᠡᠬᠡᠷᠡ᠂ | ᠲᠠᠤᠯᠠᠢ᠂ ᠬᠤᠯᠤᠭᠠᠨᠠ᠂ ᠲᠠᠷᠪᠠᠭᠠ ᠵᠡᠷᠬᠡ ᠡᠪᠡᠰᠤᠨ ᠲᠡᠵᠢᠬᠡᠯᠳᠤ ᠠᠮᠢᠳᠠᠨ ᠪᠠ ᠬᠦᠮᠦᠨ ᠠᠮᠢᠳᠠᠨ ᠤ ᠦᠬᠦᠳᠡᠯ | ᠵᠡᠷᠬᠡ ᠳᠤ ᠲᠦᠰᠢᠳᠡᠭ ᠪᠤᠯᠬᠤᠷ ᠪᠠᠰᠠ ᠴᠤ ᠡᠪᠡᠰᠤ ᠪᠡᠯᠴᠢᠬᠡᠷ ᠢ ᠬᠠᠮᠠᠭᠠᠯᠠᠬᠤ᠂ ᠤᠷᠴᠢᠨ ᠠᠬᠤᠢ ᠶᠢᠨ ᠪᠤᠬᠢᠷᠳᠤᠯ ᠢ | ᠴᠡᠪᠡᠷᠰᠢᠬᠦᠯᠬᠦ ᠵᠡᠷᠬᠡ ᠴᠢᠬᠤᠯᠠ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠡᠷᠳᠡᠨ ᠤ ᠠᠩᠴᠢᠳ ᠴᠢᠨ᠋ᠸᠠ ᠠᠩᠨᠠᠬᠤ ᠳᠠᠭᠠᠨ | ᠲᠤᠭᠠ ᠨᠤᠷᠮᠠ ᠶᠢᠨ ᠬᠡᠳᠤ ᠦᠰᠦᠯᠳᠡ ᠶᠢ ᠨᠢ ᠬᠢᠵᠠᠭᠠᠷᠯᠠᠬᠤ ᠶᠢ ᠠᠩᠬᠠᠷᠴᠤ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠲᠡᠩᠴᠡᠬᠦᠷᠢ | ᠶᠢ ᠪᠠᠳᠤᠯᠠᠬᠤ ᠶᠢᠨ ᠲᠦᠯᠦᠬᠡ᠂ ᠴᠢᠨ᠋ᠸᠠ ᠶᠢ ᠦᠨᠳᠦᠰᠤ ᠪᠠᠷ ᠨᠢ ᠤᠭᠳᠤᠯᠵᠤ ᠲᠠᠰᠤ ᠤᠰᠠᠳᠬᠠᠬᠤ ᠶᠢ ᠤᠨᠴᠠ | ᠴᠡᠬᠡᠷᠯᠡᠳᠡᠭ᠃ ᠤᠳᠠᠭᠠᠨ ᠵᠢᠯ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠ ᠨᠡᠬᠦᠳᠡᠯᠴᠢᠨ ᠮᠠᠯᠴᠢᠳ ᠴᠢᠨ᠋ᠸᠠ | ᠯᠦᠭᠡ ᠶᠢᠨ ᠲᠡᠮᠡᠴᠡᠯ ᠪᠠ ᠨᠦᠬᠦᠷᠯᠡᠯ ᠤᠨ ᠲᠤᠮᠳᠠ ᠮᠠᠰᠢ ᠤᠯᠠᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠮᠡᠳᠡᠯᠬᠡ ᠶᠢ | ᠴᠢᠨ᠋ᠸᠠ ᠠᠴᠠ ᠰᠤᠷᠤᠯᠴᠠᠭᠰᠠᠨ ᠲᠡᠮᠳᠡᠭᠯᠡᠯ ᠲᠠᠢ᠃ ᠴᠢᠨ᠋ᠸᠠ ᠦᠭᠶᠦᠬᠡᠨ ᠳᠤ ᠪᠠᠭᠤᠬᠤ ᠳᠠᠭᠠᠨ ᠬᠡᠵᠢᠶᠡᠳᠡ | ᠬᠦᠯᠢᠴᠡᠩᠬᠦᠢ ᠲᠤᠭᠳᠠᠭᠤᠨ ᠶᠠᠭᠠᠷᠠᠵᠤ ᠰᠠᠨᠳᠤᠷᠬᠤ ᠦᠬᠡᠢ ᠪᠠᠶᠢᠵᠤ ᠲᠤᠬᠢᠶᠠᠯ ᠢ ᠠᠮᠵᠢᠨ ᠬᠡᠨᠡᠳᠳᠡ ᠪᠠᠷ ᠲᠠᠭᠠᠷᠢᠳᠠᠭ | ᠃ ᠰᠦᠷᠦᠭᠯᠡᠨ ᠢᠳᠡᠰᠢᠯᠡᠵᠤ ᠪᠠᠶᠢᠭᠠ ᠵᠡᠬᠡᠷᠡ ᠶᠢ ᠲᠠᠭᠠᠷᠢᠬᠤ ᠳᠠᠭᠠᠨ ᠴᠢᠨ᠋ᠸᠠ ᠪᠦᠬᠦᠯᠢ ᠡᠲᠦᠷ ᠤᠨ ᠴᠠᠭ ᠢ | ᠵᠠᠷᠤᠴᠠᠭᠤᠯᠵᠤ ᠬᠦᠳᠡᠯᠦᠯ ᠦᠬᠡᠢ ᠠᠵᠢᠭᠯᠠᠨ ᠮᠠᠨᠠᠵᠤ᠂ ᠵᠡᠬᠡᠷᠡ ᠬᠡᠵᠢᠶᠡ ᠬᠤᠶᠢᠨᠠ ᠬᠦᠵᠡᠭᠡ ᠪᠠᠨ ᠲᠦᠬᠦᠷᠡᠳᠡᠯᠡ | ᠢᠳᠡᠵᠤ ᠦᠳᠡᠰᠢ ᠶᠢᠨ ᠬᠡᠪᠳᠡᠷᠢ ᠳᠡᠭᠡᠨ ᠤᠷᠤᠭᠠᠳ᠂ ᠦᠷ ᠴᠠᠶᠢᠬᠤ ᠶᠢᠨ ᠦᠶᠡᠰ ᠲᠤ ᠲᠠᠪᠤᠰᠠᠩ ᠨᠢ ᠴᠢᠨᠦᠷᠡᠵᠤ | ᠰᠢᠬᠡᠬᠦ ᠠᠴᠠ ᠡᠮᠤᠨᠡᠬᠢ ᠬᠡᠳᠦᠬᠡᠨ ᠰᠧᠺᠦ᠋ᠨ᠋ᠳ᠋ ᠤᠨ ᠬᠤᠭᠤᠴᠠᠭᠠᠨ ᠳᠤ ᠮᠠᠨᠠᠭᠰᠠᠨ ᠦᠭᠶᠦᠬᠡ ᠪᠠᠨ ᠲᠠᠭᠠᠷᠢᠳᠠᠭ᠃ | ᠡᠨᠡ ᠦᠶᠡᠰ ᠵᠡᠬᠡᠷᠡ ᠨᠢ ᠴᠠᠳᠬᠤᠯᠠᠩ ᠮᠦᠷᠳᠡᠬᠡᠨ ᠰᠢᠬᠡᠰᠤ ᠪᠠᠨ ᠬᠤᠷᠢᠵᠤ ᠴᠢᠳᠠᠬᠤ ᠦᠬᠡᠢ ᠪᠠᠶᠢᠳᠠᠭ ᠠᠴᠠ | ᠬᠦᠳᠡᠯᠬᠡᠬᠡᠨ ᠨᠢ ᠤᠳᠠᠭᠠᠨ ᠪᠤᠯᠵᠤ ᠮᠠᠰᠢ ᠠᠮᠠᠷᠬᠠᠨ ᠢᠶᠠᠷ ᠴᠢᠨ᠋ᠸᠠ ᠳᠤ ᠲᠠᠭᠠᠷᠢᠭᠳᠠᠳᠠᠭ᠃ ᠴᠢᠨ᠋ᠸᠠ ᠪᠠᠰᠠ ᠴᠠᠭ | ᠠᠭᠤᠷ ᠪᠠ ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢ ᠠᠰᠢᠭᠯᠠᠵᠤ ᠦᠭᠶᠦᠬᠡ ᠡᠷᠢᠬᠦ ᠳᠡᠭᠡᠨ ᠲᠤᠩ ᠴᠢᠳᠠᠮᠠᠭᠠᠢ ᠪᠠᠶᠢᠳᠠᠭ᠃ ᠮᠠᠯᠴᠢᠳ | ᠤᠨ ᠬᠦᠷᠢᠶᠠ ᠠᠡᠭ ᠬᠢᠬᠦ ᠮᠡᠷᠬᠡᠵᠢᠯ ᠢ ᠴᠢᠨ᠋ᠸᠠ ᠠᠴᠠ ᠰᠤᠷᠤᠯᠴᠠᠯᠠ ᠬᠡᠵᠤ ᠬᠡᠯᠡᠵᠤ ᠪᠤᠯᠤᠨᠠ᠃ ᠨᠢᠬᠡ ᠵᠢᠯ ᠤᠨ | ᠬᠠᠪᠤᠷ᠂ ᠨᠤᠳᠤᠭ ᠤᠨ ᠭᠤᠤᠯ ᠲᠤᠭᠤᠷᠢᠮ ᠤᠨ ᠮᠦᠰᠦ ᠴᠠᠰᠤ ᠤᠶᠠᠰᠤᠨ ᠬᠠᠶᠢᠯᠵᠤ᠂ ᠠᠳᠤᠭᠤ ᠮᠠᠯ ᠤᠨ ᠤᠰᠤ | ᠤᠤᠭᠤᠳᠠᠭ ᠭᠤᠤᠯ ᠤᠨ ᠤᠯᠤᠮ ᠨᠢ ᠰᠢᠪᠠᠷ ᠱᠠᠯᠴᠠᠭ ᠢᠶᠠᠷ ᠲᠦᠬᠦᠷᠴᠤ ᠪᠠᠶᠢᠭᠰᠠᠨ ᠦᠶᠡ ᠳᠤ᠂ ᠴᠢᠨ᠋ᠸᠠ ᠬᠠᠪᠤᠷ | ᠤᠨ ᠦᠳᠡᠰᠢ ᠶᠢᠨ ᠬᠡᠨᠡᠳᠳᠡ ᠲᠡᠭᠳᠡᠭᠰᠡᠨ ᠬᠠᠷᠠ ᠰᠢᠭᠤᠷᠭᠠ ᠶᠢ ᠠᠰᠢᠭᠯᠠᠵᠤ ᠰᠠᠯᠬᠢᠨ ᠤ ᠲᠡᠭᠡᠷᠡ ᠬᠠᠪᠢ ᠳᠤ | ᠪᠠᠶᠢᠭᠰᠠᠨ ᠬᠡᠳᠤᠨ ᠠᠵᠢᠷᠭᠠ ᠠᠳᠤᠭᠤ ᠶᠢ ᠲᠦᠷᠦᠭᠦᠦ ᠴᠢᠨ᠋ᠸᠠ ᠶᠢᠨ ᠵᠢᠯᠤᠭᠤᠳᠤᠯᠭᠠ ᠲᠤᠤᠷᠠ ᠭᠤᠷᠪᠠᠨ ᠲᠠᠯᠠ | ᠠᠴᠠ ᠨᠢ ᠰᠢᠬᠠᠵᠤ ᠭᠤᠤᠯ ᠤᠨ ᠤᠯᠤᠮ ᠤᠨ ᠰᠢᠪᠠᠷ ᠲᠤ ᠤᠷᠤᠭᠤᠯᠵᠤ᠂ ᠰᠦᠷᠦᠭ ᠴᠢᠨ᠋ᠸᠠ ᠨᠢ ᠶᠡᠬᠡᠪᠡᠷ ᠦᠯ | ᠲᠠᠶᠢᠯᠤᠯᠠ ᠬᠡᠳᠡᠭ᠃ ᠡᠨᠡ ᠬᠦ ᠪᠦᠰᠡᠯᠡᠨ ᠲᠠᠭᠠᠷᠢᠬᠤ ᠠᠷᠭᠠ ᠶᠢ ᠪᠤᠭᠳᠠ ᠴᠢᠩᠬᠢᠰ ᠲᠠᠶᠢᠨ ᠤ ᠪᠤᠳᠤᠯᠭᠠ ᠳᠠᠭᠠᠨ | ᠪᠠᠭᠳᠠᠭᠠᠭᠠᠳ ᠲᠠᠯᠠ ᠨᠤᠳᠤᠭ ᠤᠨ ᠲᠤᠯᠤᠯᠳᠤᠭᠠᠨ ᠳᠤ ᠤᠯᠠᠨᠳᠠ ᠢᠯᠠᠯᠳᠠ ᠤᠯᠤᠯᠠ ᠬᠡᠵᠤ ᠬᠦᠮᠦᠰ ᠬᠡᠯᠡᠯᠴᠡᠳᠡᠭ | ᠪᠠᠶᠢᠭᠰᠠᠨ᠃ ᠨᠤᠳᠤᠭ ᠤᠨ ᠠᠬᠠᠮᠠᠳ ᠬᠦᠮᠦᠰ ᠪᠠᠰᠠ ︽ᠪᠠᠭᠠ ᠴᠠᠰᠤ︾ ᠪᠤᠯᠤᠭᠰᠠᠭᠠᠷ ᠬᠤᠨᠢ ᠮᠠᠯ ᠢᠶᠠᠨ | ᠨᠢᠳᠦᠯᠡᠵᠤ ᠡᠪᠦᠯ ᠤᠨ ᠢᠳᠡᠰᠢ ᠢᠳᠡᠳᠡᠭ ᠵᠠᠩᠰᠢᠯ ᠢ ᠴᠢᠨ᠋ᠸᠠ ᠠᠴᠠ ᠰᠤᠷᠤᠯᠴᠠᠯᠠ ᠬᠡᠵᠤ ᠬᠡᠯᠡᠯᠴᠡᠳᠡᠭ᠃ ᠤᠮᠠᠷᠠᠳᠤ | ᠤᠷᠤᠨ ᠴᠠᠰᠤ ᠡᠨᠡ ᠬᠦ ᠤᠯᠠᠷᠢᠯ ᠪᠤᠯᠤᠭᠰᠠᠭᠠᠷ ᠤᠯᠠᠩᠬᠢ ᠳᠠᠭᠠᠨ ᠨᠡᠯᠢᠶᠡᠳ ᠵᠤᠵᠠᠭᠠᠨ ᠤᠷᠤᠴᠢᠬᠠᠳᠠᠭ ᠪᠦᠬᠡᠳ | ᠠᠳᠤᠭᠤ ᠮᠠᠯ ᠤᠨ ᠲᠤᠰᠤᠨ ᠲᠠᠷᠭᠤ ᠬᠠᠷᠠᠬᠠᠨ ᠪᠠᠭᠤᠷᠠᠭᠠᠳᠤᠢ ᠪᠠᠶᠢᠳᠠᠭ ᠢ ᠴᠢᠨ᠋ᠸᠠ ᠲᠤᠩ ᠰᠠᠶᠢᠬᠠᠨ ᠤᠶᠢᠯᠠᠭᠠᠳᠠᠭ | ᠤᠴᠢᠷ ᠠᠴᠠ ᠭᠤᠤᠯ ᠤᠨ ᠲᠤᠬᠤᠢ ᠲᠠᠭᠠᠭᠰᠠᠨ ᠵᠤᠵᠠᠭᠠᠨ ᠴᠠᠰᠤᠨ ᠳᠤ ᠵᠡᠬᠡᠷᠡ ᠶᠢᠨ ᠰᠦᠷᠦᠭ ᠢ ᠬᠤᠮᠢᠨ | ᠰᠢᠭᠠᠯᠭᠠᠵᠤ ᠠᠮᠠᠨ ᠬᠦᠵᠦᠬᠦᠣ ᠶᠢ ᠨᠢ ᠬᠠᠵᠠᠵᠤ ᠠᠯᠠᠭᠰᠠᠨ ᠤ ᠬᠤᠶᠢᠨᠠ ᠤᠯᠠᠨ ᠵᠡᠬᠡᠷᠡ ᠶᠢ ᠤᠭ ᠭᠠᠵᠠᠷ ᠠᠴᠠ | ᠨᠢ ᠬᠦᠳᠡᠯᠬᠡᠬᠦ ᠦᠬᠡᠢ ᠪᠠᠶᠢᠵᠤ᠂ ᠲᠠᠷᠠᠭᠠ ᠬᠠᠪᠤᠷ ᠤᠨ ᠬᠠᠶᠢᠯ ᠡᠬᠢᠯᠡᠭᠰᠡᠨ ᠤ ᠬᠤᠶᠢᠨᠠ ᠴᠢᠨ᠋ᠸᠠ ᠨᠤᠭᠤᠳ | ᠴᠤᠭᠯᠠᠷᠠᠨ ᠬᠠᠪᠤᠷ ᠤᠨ ᠭᠠᠴᠢᠭ ᠴᠠᠭ ᠲᠤ ᠨᠠᠮᠤᠷ ᠤᠨ ᠲᠠᠷᠭᠤ ᠶᠢ ᠠᠮᠰᠠᠳᠠᠭ᠃ ᠨᠠᠬᠦᠳᠡᠯᠴᠢᠨ ᠮᠠᠯᠴᠢᠳ ᠤᠳᠠᠭᠠᠨ | ᠵᠢᠯ ᠤᠨ ᠲᠤᠷᠰᠢ ᠴᠢᠨ᠋ᠸᠠ ᠯᠦᠭᠡ ᠲᠡᠮᠡᠴᠡᠯ ᠬᠢᠵᠤ ᠴᠢᠨ᠋ᠸᠠ ᠶᠢᠨ ᠲᠠᠪᠠᠭᠤᠯᠢᠭ ᠢ ᠠᠰᠢᠭᠯᠠᠨ ᠤᠯᠠᠷᠢᠨ ᠲᠤᠭᠳᠠᠨᠢᠬᠤ | ᠶᠠᠪᠤᠴᠠ ᠲᠤᠮᠳᠠ ᠪᠦᠷᠢᠯᠳᠦᠭᠰᠡᠨ ᠴᠢᠨ᠋ᠸᠠ ᠶᠢᠨ ᠠᠷᠠᠰᠤ ᠪᠠᠷ ᠲᠡᠪᠢᠰᠬᠡᠷ ᠬᠢᠬᠦ ᠦᠬᠡᠢ᠂ ᠠᠩᠨᠠᠭᠰᠠᠨ ᠴᠢᠨ᠋ᠸᠠ ᠶᠢᠨ | ᠠᠷᠠᠰᠤ ᠶᠢ ᠪᠢᠳᠡᠬᠦᠤ ᠪᠠᠷ ᠦᠪᠴᠢᠵᠤ ᠠᠷᠠᠰᠤᠨ ᠳᠤ ᠨᠢ ᠬᠠᠭᠤᠷᠠᠢ ᠡᠪᠡᠰᠤ ᠴᠢᠬᠢᠬᠡᠳ ᠤᠷᠠᠭᠠᠨ ᠦᠵᠦᠬᠦᠷ ᠲᠤ | ᠡᠯᠬᠦᠨ ᠮᠤᠩᠭᠤᠯ ᠬᠡᠷ ᠤᠨ ᠲᠡᠭᠡᠬᠦᠷ ᠨᠢᠰᠬᠡᠵᠤ ᠰᠦᠭ ᠰᠦᠨᠡᠰᠤ ᠶᠢ ᠨᠢ ᠲᠡᠭᠷᠢ ᠲᠡᠭᠳᠡᠭᠡᠭᠡᠳ ᠰᠠᠶ᠋ᠢ ᠪᠠᠭᠤᠯᠭᠠᠵᠤ᠂ | ᠬᠦᠮᠦᠨ ᠦᠬᠦᠵᠤ ᠬᠠᠯᠢᠪᠠᠯ ᠲᠠᠯᠠ ᠳᠤ ᠬᠠᠶᠠᠵᠤ ᠴᠢᠨ᠋ᠸᠠ ᠳᠤ ᠢᠳᠡᠬᠦᠯᠦᠨ ᠪᠠᠶᠢᠭᠠᠯᠢᠯᠢᠭ ᠤᠷᠤᠰᠢᠭᠤᠯᠤᠯᠭᠠ ᠬᠢᠬᠦ | ᠵᠡᠷᠬᠡ ᠵᠠᠩ ᠵᠠᠩᠰᠢᠯ ᠨᠢ ᠴᠦᠮ ᠴᠢᠨ᠋ᠸᠠ ᠶᠢ ᠬᠦᠨᠳᠦᠳᠬᠡᠵᠤ᠂ ᠴᠢᠨ᠋ᠸᠠ ᠶᠢ ᠠᠵᠤ ᠠᠮᠢᠳᠤᠷᠠᠯ ᠤᠨ ᠲᠦᠰᠢᠭ᠂ | ᠠᠯᠠᠯᠯᠳᠤᠭᠠᠨ ᠲᠠᠶᠢᠯᠠᠯᠳᠤᠭᠠᠨ ᠤ ᠪᠠᠭᠰᠢ᠂ ᠲᠠᠯᠠ ᠨᠤᠳᠤᠭ ᠤᠨ ᠬᠠᠷᠢᠭᠤᠯᠴᠢᠨ ᠬᠡᠵᠤ ᠢᠳᠡᠬᠡᠵᠤ ᠦᠨᠡᠯᠡᠭᠰᠡᠨ ᠤ | ᠦᠷᠡ ᠳ᠋ᠦᠡᠭ ᠪᠠᠶᠢᠬᠤ ᠳ᠋ᠠ᠃ | ᠨᠤᠳᠤᠭ ᠤᠨ ᠴᠢᠨ᠋ᠸᠠ ᠴᠢᠮᠡᠭᠡ ᠠᠨᠢᠷ ᠦᠬᠡᠢ ᠪᠤᠯᠤᠭᠠᠳ ᠤᠳᠠᠯᠠ᠃ ᠲᠡᠷᠡ ᠮᠠᠨᠢ ᠰᠢᠯᠢ ᠶᠢᠨ ᠭᠤᠤᠯ ᠤᠨ | ᠴᠢᠨ᠋ᠸᠠ ᠰᠢᠭ᠋ ᠲᠠᠬᠢᠨ ᠪᠤᠴᠠᠭᠠᠳ ᠢᠷᠡᠴᠢᠬᠡᠬᠦ ᠬᠡᠵᠤ ᠤᠤ︖ | ᠪᠠᠶᠢᠯᠳᠤᠵᠤ ᠲᠠᠶᠢᠳᠤᠭᠰᠠᠨ ᠲᠡᠣᠬᠡ | ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤ ᠪᠤᠯ ᠡᠷᠳᠡᠨ ᠤ ᠯᠢᠶᠤᠤ ᠤᠯᠤᠰ ᠤᠨ ᠲᠡᠭᠡᠳᠤ ᠨᠡᠶᠢᠰᠯᠡᠯ ᠯᠢᠨ ᠬᠤᠸᠠᠩ ᠹᠦ᠋ ︵ | ᠦᠯᠵᠡᠶᠢᠮᠦ᠋ᠷᠡᠨ ᠤ ᠪᠠᠷᠠᠭᠤᠨ ᠬᠦᠪᠡᠭᠡ ᠳᠤ ᠪᠤᠢ︶ ᠤᠷᠳᠤᠨ ᠤ ᠪᠠᠶᠢᠭᠤᠯᠤᠭᠳᠠᠵᠤ ᠰᠠᠭᠤᠷᠢᠰᠢᠭᠰᠠᠨ ᠭᠠᠵᠠᠷ | ᠪᠤᠯᠤᠨᠠ᠃ ᠯᠢᠶᠤᠤ ᠤᠯᠤᠰ ᠨᠢ ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠤᠬᠡᠨ ᠲᠡᠭᠡᠷᠡᠬᠢ ᠲᠠᠯᠠ ᠨᠤᠳᠤᠭ ᠤᠨ ᠮᠤᠷᠢᠳᠠᠨ | ᠦᠨᠳᠦᠰᠦᠳᠡᠨ ᠤ ᠬᠠᠮᠤᠭ ᠡᠷᠳᠡ ᠪᠠᠶᠢᠭᠤᠯᠤᠭᠰᠠᠨ ᠬᠠᠭᠠᠨᠳᠤ ᠤᠯᠤᠰ ᠪᠤᠯᠬᠤ ᠶᠤᠮ᠃ ᠡᠷᠳᠡ ᠴᠠᠭ ᠲᠤ᠂ ᠰᠡᠷᠡᠯ | ᠮᠤᠷᠢ ᠤᠨᠤᠭᠰᠠᠨ ᠲᠡᠭᠷᠢ ᠶᠢᠨ ᠰᠠᠬᠢᠭᠤᠯᠰᠤᠨ ᠬᠢᠬᠡᠳ ᠬᠦᠬᠡ ᠦᠬᠡᠷᠳᠤ ᠲᠡᠷᠬᠡᠨ ᠳᠤ ᠰᠠᠭᠤᠭᠰᠠᠨ ᠲᠡᠭᠷᠢ ᠶᠢᠨ | ᠤᠷᠳᠤᠨ ᠤ ᠬᠡᠤᠬᠡᠨ ᠨᠢ ᠲᠡᠭᠡᠳᠤ ᠲᠡᠭᠷᠢ ᠠᠴᠠ ᠪᠠᠭᠤᠵᠤ ᠯᠤᠤᠬᠠ ᠶᠢᠨ ᠭᠤᠤᠯ ᠪᠠ ᠰᠢᠷᠠᠮᠦ᠋ᠷᠡᠨ ᠤ ᠠᠭᠤᠯᠵᠠᠷ | ᠭᠠᠵᠠᠷ ᠲᠤ ᠠᠭᠤᠯᠵᠠᠨ ᠬᠡᠷ ᠡᠷᠦᠬᠡ ᠪᠤᠰᠬᠠᠭᠠᠳ ᠨᠠᠢᠮᠠᠨ ᠬᠦᠪᠡᠭᠦᠨ ᠲᠠᠢ ᠪᠣᠯᠵᠤ᠂ ᠡᠨᠡ ᠨᠠᠢᠮᠠᠨ ᠬᠦᠦ ᠨᠢ ᠨᠠᠢᠮᠠᠨ | ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠲᠦᠷᠦᠬᠦᠤ ᠪᠤᠯᠵᠠᠢ ᠬᠡᠳᠡᠭ᠃ ᠲᠡᠩ ᠤᠯᠤᠰ ᠨᠢ ᠦᠷᠨᠢᠬᠦᠨ ᠬᠦᠭᠵᠢᠯᠳᠡ ᠲᠠᠢ ᠪᠠᠶᠢᠬᠤ | ᠦᠶᠡᠰ᠂ ᠬᠢᠳᠠᠨ ᠤ ᠨᠢᠬᠡ ᠠᠶᠢᠮᠠᠭ ᠨᠢ ᠬᠡᠤᠬᠡᠨ ᠢᠶᠠᠨ ᠬᠠᠭᠠᠨ ᠤ ᠤᠭᠰᠠᠭᠠ ᠳᠤ ᠪᠤᠭᠳᠤᠯᠤᠨ ᠦᠭᠬᠦᠭᠰᠡᠨ ᠠᠴᠠ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠢᠳᠠᠨ ᠤ ᠤᠪᠤᠭ ᠢ ᠬᠠᠭᠠᠨ ᠤ ᠤᠪᠤᠭ ᠢ ᠲᠠᠭᠠᠭᠤᠯᠤᠨ ᠯᠢ ᠬᠡᠵᠤ ᠨᠡᠷᠡᠯᠡᠬᠦ ᠪᠤᠯᠵᠠᠢ | ᠬᠡᠳᠡᠭ᠃ ᠡᠤ ᠽᠧ ᠲᠢᠶᠠᠨ ᠤ ᠦᠶᠡ ᠪᠤᠯᠬᠤ ᠳᠤ᠂ ᠡᠨᠡ ᠬᠦ ᠶᠡᠷᠦᠮᠳᠡᠭ ᠪᠤᠰᠤ ᠬᠡᠯᠪᠡᠷᠢ ᠪᠠᠷ ᠬᠠᠭᠠᠨ ᠰᠠᠭᠤᠷᠢᠨ ᠳᠤ | ᠲᠠᠪᠰᠢᠭᠰᠠᠨ ᠡᠮᠡᠭᠳᠡᠢ ᠬᠠᠭᠠᠨ ᠨᠢ ᠤᠯᠤᠰ ᠤᠨ ᠴᠤᠯᠠ ᠪᠠᠨ ᠦᠬᠡᠷᠡᠴᠢᠯᠡᠵᠤ ᠬᠠᠭᠠᠨ ᠤ ᠤᠪᠤᠭ ᠢ ᠡᠤ ᠬᠡᠵᠤ | ᠬᠠᠯᠠᠬᠤ ᠪᠠᠷ ᠤᠷᠤᠯᠳᠤᠭᠰᠠᠨ ᠪᠤᠯᠬᠤᠷ ᠬᠢᠳᠠᠨᠴᠤᠳ ᠨᠢ ᠮᠠᠨ ᠤ ᠰᠢᠳᠤᠳᠡᠭ ᠨᠢ ᠯᠢ ᠤᠪᠤᠭᠳᠤ ᠬᠠᠭᠠᠨ᠂ ᠡᠤ | ᠤᠪᠤᠭᠳᠠᠢ ᠬᠠᠭᠠᠨ ᠢ ᠴᠢᠨᠢ ᠪᠢᠳᠠ ᠲᠠᠭᠠᠬᠤ ᠦᠬᠡᠢ ᠬᠡᠰᠡᠨ ᠳᠤ ᠲᠦᠷᠦ ᠶᠢᠨ ᠴᠡᠷᠢᠭ ᠤᠨ ᠶᠡᠭᠡ ᠬᠢᠨᠠᠯᠳᠠ ᠳᠤ | ᠤᠴᠠᠷᠠᠵᠤ᠂ ᠬᠢᠳᠠᠨ ᠠᠶᠢᠮᠠᠭ ᠪᠠ ᠲᠦᠷᠦ ᠵᠠᠰᠠᠭ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠨᠢ ᠶᠡᠭᠡ ᠪᠠᠷ ᠡᠪᠳᠡᠷᠡᠭᠰᠡᠨ | ᠪᠠᠶᠢᠨᠠ᠃ ᠲᠠᠩ ᠤᠯᠤᠰ ᠨᠢ ᠠᠨ ᠱᠢ ᠶᠢᠨ ᠤᠷᠪᠠᠯᠭᠠᠨ ᠤ ᠦᠶᠡ ᠪᠤᠯᠬᠤ ᠳᠤ ᠪᠠᠭᠤᠷᠠᠯᠳᠠ ᠶᠢᠨ ᠬᠤᠭᠤᠴᠠᠭᠠᠨ | ᠳᠤ ᠤᠷᠤᠭᠰᠠᠨ ᠪᠣᠯᠬᠤᠷ ᠬᠢᠳᠠᠨ ᠠᠶᠢᠮᠠᠭ ᠨᠢ ᠤᠪᠤᠭ ᠢᠶᠠᠨ ᠲᠠᠬᠢᠨ ᠰᠡᠷᠭᠦᠭᠡᠨ ᠤᠷᠪᠠᠯᠭᠠᠨ ᠡᠬᠦᠰᠬᠡᠵᠤ ᠲᠤᠰᠠᠭᠠᠷ | ᠤᠯᠤᠰ ᠪᠠᠶᠢᠭᠤᠯᠬᠤ ᠠᠩᠬᠠᠨ ᠤ ᠠᠯᠬᠤᠮ ᠢᠶᠠᠨ ᠡᠬᠢᠯᠡᠬᠦᠯᠵᠡᠢ᠃ ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 916 ᠤᠨ | ᠳᠤ ᠶᠧᠯᠢᠦᠢ ᠠᠪᠤᠤᠵᠢ ᠤᠮᠠᠷᠠᠳᠤ ᠶᠢᠨ ᠭᠠᠵᠠᠷ ᠨᠤᠳᠤᠭ ᠢ ᠨᠢᠬᠡᠳᠬᠡᠵᠤ ︽ᠶᠡᠭᠡ ᠬᠢᠳᠠᠨ ᠤᠯᠤᠰ︾ ︵ᠰᠡᠬᠦᠯᠡᠷ ᠨᠢ | ᠯᠢᠶᠤᠤ ᠬᠡᠵᠤ ᠬᠠᠯᠠᠭᠠᠳ ᠬᠤᠶᠠᠷ ᠨᠡᠷᠡ ᠶᠢ ᠬᠡᠳᠤᠨᠳᠡ ᠰᠤᠯᠢᠵᠤ ᠬᠡᠷᠡᠭᠯᠡᠵᠡᠢ᠂ ᠬᠤᠵᠢᠮ ᠨᠢ ᠨᠢᠬᠡᠳᠬᠡᠬᠡᠳ ᠯᠢᠶᠤᠤ | ᠬᠡᠵᠤ ᠲᠠᠭᠤᠳᠠᠬᠤ ᠪᠤᠯᠵᠠᠢ︶ ᠢ ᠴᠤᠭᠴᠠᠯᠠᠨ ᠪᠠᠶᠢᠭᠤᠯᠵᠤ᠂ ᠤᠮᠠᠷᠠᠳᠤ ᠶᠢᠨ ᠭᠠᠵᠠᠷ ᠨᠤᠳᠤᠭ ᠲᠤ 9 ᠬᠠᠭᠠᠨ | ᠤᠯᠠᠷᠢᠨ ᠰᠠᠭᠤᠵᠤ᠂ 210 ᠵᠢᠯ ᠨᠤᠶᠠᠷᠬᠠᠯ ᠢᠶᠠᠨ ᠦᠷᠬᠦᠯᠵᠢᠯᠡᠬᠦᠯᠵᠡᠢ᠃ ᠡᠬᠦᠨ ᠠᠴᠠ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ | ᠪᠤᠯᠪᠠᠰᠤᠨ ᠨᠢ ᠰᠢᠨᠡ ᠦᠷᠨᠢᠯᠳᠡ ᠶᠢᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠤᠷᠤᠵᠤ᠂ ᠲᠠᠷᠢᠶᠠᠯᠠᠩ ᠤᠨ ᠪᠤᠯᠪᠠᠰᠤᠨ ᠲᠠᠢ | ᠬᠠᠷᠢᠯᠴᠠᠨ ᠠᠭᠤᠰᠤᠯᠴᠠᠨ ᠨᠡᠪᠴᠢᠵᠤ᠂ ᠬᠠᠷᠢᠯᠴᠠᠨ ᠠᠬᠢᠭᠤᠯᠵᠤ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠤᠬᠡᠨ ᠬᠠᠭᠤᠳᠠᠰᠤᠨ | ᠳᠤ ᠮᠠᠰᠢ ᠤᠯᠠᠨ ᠰᠢᠨᠡ ᠭᠠᠶᠢᠬᠠᠮᠰᠢᠭ ᠢ ᠡᠬᠦᠳᠦᠭᠰᠡᠨ ᠪᠠᠶᠢᠨᠠ᠃ ᠯᠢᠶᠤᠤ ᠤᠯᠤᠰ ᠤᠨ ᠲᠤᠤᠷᠠᠬᠢ ᠮᠡᠳᠤ ᠬᠡᠳᠤᠨ | ᠲᠠᠯᠠ ᠶᠢᠨ ᠡᠬᠦᠳᠦᠯᠳᠡ ᠨᠢ ᠬᠤᠵᠢᠮ ᠤᠨ ᠬᠦᠮᠦᠰ ᠤᠨ ᠰᠤᠶᠤᠯ᠂ ᠤᠯᠤᠰ ᠲᠦᠷᠦ᠂ ᠴᠡᠷᠢᠭ ᠲᠠᠶᠢᠨ᠂ ᠠᠵᠤ | ᠠᠬᠤᠢ ᠳᠤ ᠲᠤᠩ ᠶᠡᠭᠡ ᠨᠦᠯᠦᠬᠡ ᠲᠤᠰᠬᠠᠯ ᠢ ᠦᠵᠡᠬᠦᠯᠦᠭᠰᠡᠨ ᠪᠠᠶᠢᠳᠠᠭ᠃ ᠨᠢᠬᠡ᠂ ᠰᠤᠩᠭᠤᠭᠤᠯᠢ ᠶᠢᠨ ᠲᠦᠷᠢᠮ | ᠪᠠ ᠨᠢᠬᠡ ᠤᠯᠤᠰ ᠬᠤᠶᠠᠷ ᠪᠠᠶᠢᠭᠤᠯᠤᠯ ᠤᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠲᠦᠷᠢᠮ ᠢ ᠴᠤᠭᠴᠠᠯᠠᠨ ᠪᠠᠶᠢᠭᠤᠯᠵᠠᠢ᠃ ᠡᠬᠢᠨ | ᠳᠡᠭᠡᠨ ᠬᠢᠳᠠᠨ ᠤ ᠡᠯᠡ ᠠᠶᠢᠮᠠᠭ ᠨᠢ ᠭᠤᠷᠪᠠᠨ ᠵᠢᠯ ᠳᠤ ᠨᠢᠬᠡ ᠤᠳᠠᠭᠠ ᠪᠦᠬᠦ ᠠᠷᠠᠳ ᠤᠨ ᠰᠤᠩᠭᠤᠭᠤᠯᠢ | ᠶᠠᠪᠤᠭᠤᠯᠵᠤ᠂ ᠠᠬᠠᠯᠠᠭᠴᠢ ᠪᠠᠨ ᠲᠤᠭᠳᠠᠭᠠᠨᠠ᠃ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠨᠢ ᠦᠷᠬᠦᠯᠵᠢᠯᠡᠨ ᠰᠤᠩᠭᠤᠭᠳᠠᠵᠤ | ᠪᠤᠯᠤᠨᠠ᠂ ᠬᠡᠪᠡᠴᠤ ᠵᠦᠪᠬᠡᠨ ᠠᠬᠠᠯᠠᠭᠴᠢ ᠶᠢᠨ ᠤᠬᠰᠠᠭᠠᠨ ᠤ ᠲᠤᠳᠤᠷᠠ ᠠᠴᠠ ᠰᠤᠩᠭᠤᠭᠳᠠᠬᠤ ᠬᠦᠮᠦᠨ ᠢᠶᠠᠨ | ᠲᠤᠭᠳᠠᠭᠠᠬᠤ ᠠᠴᠠ ᠪᠢᠰᠢ ᠪᠤᠰᠤᠳ ᠤᠭᠰᠠᠭᠠᠨ ᠠᠴᠠ ᠠᠬᠠᠯᠠᠭᠴᠢ ᠶᠢ ᠰᠤᠩᠭᠤᠵᠤ ᠪᠤᠯᠬᠤ ᠦᠬᠡᠢ᠃ ᠠᠶᠢᠮᠠᠭ ᠤᠨ | ᠠᠬᠠᠯᠠᠭᠴᠢ ᠨᠢ ᠰᠤᠩᠭᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠦᠷᠬᠡᠨ ᠲᠠᠯᠠ ᠶᠢᠨ ᠲᠤᠮᠳᠠ ᠴᠠᠶᠢᠵᠠ ᠲᠡᠪᠴᠡᠩ ᠪᠤᠰᠬᠠᠨ | ᠲᠦᠯᠡᠭᠡ ᠮᠤᠳᠤ ᠨᠤᠴᠤᠭᠠᠨ ᠦᠬᠡᠷ ᠮᠤᠷᠢ ᠠᠯᠠᠵᠤ ᠡᠪᠦᠭᠡ ᠲᠡᠭᠡᠳᠤᠰ ᠢᠶᠠᠨ ᠲᠠᠬᠢᠵᠤ ᠤᠯᠠᠨ ᠢᠶᠠᠨ ᠪᠠᠶᠠᠰᠬᠠᠬᠤ | ᠶᠡᠭᠡ ᠶᠤᠰᠤᠯᠠᠯ ᠢ ᠶᠠᠪᠤᠭᠤᠯᠳᠠᠭ᠃ ᠡᠨᠡ ᠬᠦ ᠲᠦᠷᠢᠮ ᠨᠢ ᠶᠧᠯᠢᠦᠢ ᠠᠪᠤᠤᠵᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠳᠠᠯᠠ | ᠶᠠᠪᠤᠭᠳᠠᠵᠤ᠂ ᠬᠠᠭᠠᠨ ᠤ ᠰᠠᠭᠤᠷᠢ ᠵᠠᠯᠭᠠᠮᠵᠢᠯᠠᠬᠤ ᠶᠤᠰᠤ ᠨᠢ ᠲᠤᠮᠳᠠᠳᠤ ᠤᠷᠤᠨ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠪᠤᠯᠬᠤᠷ | ᠰᠤᠩᠭᠤᠭᠤᠯᠢ ᠶᠢᠨ ᠲᠦᠷᠢᠮ ᠢ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠵᠢᠬᠦᠯᠬᠦ ᠪᠠᠨ ᠵᠤᠭᠰᠤᠵᠠᠢ᠃ ᠯᠢᠶᠤᠤ ᠤᠯᠤᠰ | ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ᠂ ᠤᠯᠤᠰ ᠤᠨ ᠲᠤᠳᠤᠷᠠ ᠤᠯᠠᠨ ᠤᠳᠠᠭᠠᠨ ᠤ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ | ᠤᠯᠵᠠᠯᠠᠭᠳᠠᠭᠰᠠᠨ ᠲᠤᠮᠳᠠᠳᠤ ᠤᠷᠤᠨ ᠤ ᠬᠢᠳᠠᠳ ᠦᠨᠳᠦᠰᠦᠳᠡᠨ ᠤ ᠬᠦᠮᠦᠨ ᠠᠮᠠ ᠨᠢ ᠪᠠᠰᠠ ᠨᠡᠯᠢᠶᠡᠳ ᠤᠯᠠᠨ | ᠪᠠᠶᠢᠵᠤ᠂ ᠲᠡᠳᠡᠨ ᠤ ᠠᠮᠤ ᠪᠤᠷᠴᠠᠭ ᠲᠠᠷᠢᠬᠤ᠂ ᠰᠢᠷᠬᠡᠭ ᠨᠡᠬᠡᠬᠦ ᠵᠡᠷᠬᠡ ᠲᠠᠷᠢᠶᠠᠯᠠᠩ ᠤᠨ ᠪᠤᠯᠪᠠᠰᠤᠨ ᠨᠢ ᠲᠦᠷᠦ | ᠬᠦᠷᠦᠨ ᠤ ᠪᠠᠶᠢᠭᠤᠯᠤᠯᠳᠠ ᠳᠤ ᠲᠤᠩ ᠶᠡᠭᠡ ᠢᠳᠡᠪᠬᠢ ᠦᠢᠯᠡᠳᠦᠯ ᠦᠵᠡᠬᠦᠯᠵᠤ ᠪᠠᠶᠢᠵᠠᠢ᠃ ᠬᠡᠪᠡᠴᠤ ᠬᠢᠳᠠᠳ | ᠦᠨᠳᠦᠰᠦᠳᠡᠨ ᠨᠢ ᠬᠢᠳᠠᠨᠴᠤᠳ ᠤᠨ ᠠᠡᠭ ᠬᠦᠷᠦᠬᠡ ᠬᠢᠵᠤ ᠮᠠᠯ ᠠᠵᠤ ᠠᠬᠤᠢ ᠶᠢ ᠡᠷᠬᠢᠮᠯᠡᠬᠦ ᠠᠮᠢᠳᠤᠷᠠᠯ ᠤᠨ | ᠲᠠᠳᠬᠠᠯ ᠳᠤ ᠵᠤᠬᠢᠴᠠᠬᠤ ᠦᠬᠡᠢ ᠪᠠᠶᠢᠵᠤ᠂ ᠬᠦᠮᠦᠨ ᠠᠮᠠ ᠨᠢ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠨᠤᠳᠤᠭ ᠵᠦᠭ ᠢᠶᠠᠨ ᠲᠤᠳᠠᠭᠠᠨ | ᠶᠠᠪᠤᠭᠰᠠᠨ ᠪᠠᠶᠢᠳᠠᠯ ᠡᠬᠦᠰᠴᠡᠢ᠃ ᠡᠨᠡ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠬᠦᠯᠦᠭᠰᠡᠨ ᠶᠧᠯᠢᠦᠢ ᠠᠪᠤᠤᠵᠢ ᠶᠢᠨ ᠤᠯᠤᠰ ᠢᠶᠠᠨ | ᠵᠠᠰᠠᠬᠤ ᠠᠷᠭᠠ ᠪᠤᠳᠤᠯᠭᠠ ᠨᠢ ᠤᠤᠯ ᠤᠨ ᠹᠸᠤᠳᠠᠯ ᠤᠨ ᠬᠠᠭᠠᠨᠳᠤ ᠤᠯᠤᠰ ᠤᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠲᠦᠷᠢᠮ ᠢ | ᠤᠤᠯ ᠬᠡᠪ ᠢᠶᠠᠷ ᠨᠢ ᠬᠡᠷᠡᠭᠯᠡᠭᠰᠡᠨ ᠦᠬᠡᠢ ᠮᠦᠷᠳᠡᠬᠡᠨ ᠬᠢᠳᠠᠨ ᠤ ᠬᠠᠨ ᠵᠠᠰᠠᠭ ᠤᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠲᠦᠷᠢᠮ ᠢ | ᠬᠤᠪᠢᠯᠭᠠᠯ ᠦᠬᠡᠢ ᠬᠡᠷᠡᠭᠯᠡᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠣᠯᠣᠰ ᠲᠦᠷᠦ ᠶᠢᠨ ᠡᠷᠬᠡ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠲᠠᠯᠠ ᠪᠠᠷ | ᠬᠤᠶᠠᠷ ᠢᠵᠢ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠪᠤᠳᠤᠯᠭᠠ ᠶᠢ ᠲᠤᠭᠳᠠᠭᠠᠵᠤ᠂ ᠨᠢᠬᠡ ᠨᠢ ᠡᠮᠤᠨᠡ ᠬᠤᠶᠢᠨᠠ ᠵᠤᠷᠭᠠᠨ ᠤ | ᠤᠷᠳᠤᠨ ᠵᠡᠷᠬᠡ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠶᠢ ᠦᠯᠡᠳᠡᠭᠡᠵᠤ᠂ ᠬᠢᠳᠠᠨ ᠦᠨᠳᠦᠰᠦᠳᠡᠨ ᠤ ᠶᠠᠪᠤᠳᠠᠯ ᠢ | ᠬᠠᠮᠢᠶᠠᠷᠤᠭᠤᠯᠵᠠᠢ᠃ ᠨᠦᠬᠦᠬᠡ ᠨᠢ ᠬᠢᠳᠠᠳ ᠤᠨ ᠵᠤᠷᠭᠠᠨ ᠢ ᠡᠬᠦᠳᠦᠨ ᠪᠠᠶᠢᠭᠤᠯᠵᠤ᠂ ᠲᠠᠷᠢᠶᠠᠯᠠᠩ ᠤᠨ ᠠᠵᠢᠯ | ᠶᠠᠪᠤᠳᠠᠯ ᠢ ᠬᠠᠮᠢᠶᠠᠷᠤᠭᠤᠯᠤᠭᠠᠳ ᠲᠤᠮᠳᠠᠳᠤ ᠶᠢᠨ ᠲᠡᠤᠬᠡᠨ ᠳᠤ ᠤᠳᠤ ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠭᠠ ᠨᠢᠬᠡ | ᠤᠯᠤᠰ ᠬᠤᠶᠠᠷ ᠪᠠᠶᠢᠭᠤᠯᠤᠯ ᠤᠨ ᠲᠦᠷᠢᠮ ᠢ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠨᠠ᠃ ᠬᠤᠶᠠᠷ᠂ ᠦᠨᠳᠦᠰᠦᠳᠡᠨ ᠤ ᠦᠬᠡ ᠬᠡᠯᠡ | ᠦᠰᠦᠭ ᠪᠢᠴᠢᠭ ᠢᠶᠠᠨ ᠵᠤᠬᠢᠶᠠᠨ ᠬᠡᠷᠡᠭᠯᠡᠵᠡᠢ᠃ ᠯᠢᠶᠤᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠬᠤ ᠦᠶᠡᠰ᠂ ᠬᠢᠳᠠᠨᠴᠤᠳ ᠢᠶᠠᠷ | ᠭᠤᠤᠯᠯᠠᠭᠰᠠᠨ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠦᠨᠳᠦᠰᠦᠳᠡᠨ ᠤ ᠶᠡᠭᠡ ᠬᠡᠯᠡ ᠨᠢ ᠠᠯᠳᠠᠢ ᠦᠬᠡᠰ ᠤᠨ ᠢᠵᠠᠭᠤᠷ ︵ᠠᠯᠳᠠᠢ | ᠢᠵᠠᠭᠤᠷ ᠬᠡᠯᠡᠨ ᠳᠤ︶ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠲᠤᠰᠠᠭᠠᠷ ᠦᠰᠦᠭ ᠪᠢᠴᠢᠭ ᠦᠬᠡᠢ ᠪᠤᠶᠤ ᠬᠡᠰᠡᠭ ᠬᠦᠮᠦᠰ ᠨᠢ | ᠲᠶᠦ᠋ᠷᠺ ᠦᠰᠦᠭ ᠪᠤᠶᠤ ᠬᠢᠳᠠᠳ ᠦᠰᠦᠭ ᠢ ᠬᠡᠷᠡᠭᠯᠡᠵᠤ ᠪᠠᠶᠢᠵᠠᠢ᠃ ᠠᠪᠤᠤᠵᠢ ᠬᠠᠭᠠᠨ ᠡᠳᠡᠬᠡᠷ ᠦᠰᠦᠭ ᠪᠢᠴᠢᠭ | ᠤᠨ ᠰᠠᠭᠤᠷᠢᠨ ᠳᠤ ᠦᠪᠡᠷ ᠤᠨ ᠦᠨᠳᠦᠰᠦᠳᠡᠨ ᠤ ᠦᠰᠦᠭ ᠪᠢᠴᠢᠭ ᠢᠶᠠᠨ ᠡᠬᠦᠳᠦᠨ ᠵᠤᠬᠢᠶᠠᠭᠰᠠᠨ ᠪᠠᠶᠢᠨᠠ᠃ | ᠨᠢᠬᠡ ᠨᠢ ᠬᠢᠳᠠᠳ ᠦᠰᠦᠭ ᠢ ᠲᠠᠭᠤᠷᠢᠶᠠᠨ ᠵᠤᠬᠢᠶᠠᠭᠰᠠᠨ ᠶᠡᠭᠡ ᠦᠰᠦᠭ ᠪᠤᠯᠤᠨᠠ᠃ ᠡᠨᠡ ᠦᠰᠦᠭ ᠨᠢ ᠪᠢᠴᠢᠵᠤ | ᠰᠤᠷᠬᠤ ᠳᠤ ᠮᠠᠰᠢ ᠶᠡᠭᠡ ᠬᠦᠴᠢᠷᠳᠡᠢ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠦᠷᠬᠡᠨ ᠬᠡᠪᠴᠢᠶᠠ ᠪᠠᠷ ᠲᠦᠭᠡᠮᠡᠯᠵᠢᠵᠦ ᠴᠢᠳᠠᠭᠰᠠᠨ | ᠦᠬᠡᠢ᠃ ᠨᠦᠬᠦᠬᠡ ᠨᠢ ᠤᠶᠢᠭᠤᠷ ᠬᠤᠢ ᠡᠾᠧ ᠦᠰᠦᠭ ᠢ ᠲᠠᠭᠤᠷᠢᠶᠠᠨ ᠵᠤᠬᠢᠶᠠᠭᠰᠠᠨ ᠪᠠᠭᠠ ᠦᠰᠦᠭ ᠪᠤᠯᠤᠨᠠ᠃ | ᠡᠨᠡ ᠨᠢ ᠨᠡᠶᠢᠳᠡ 300 ᠭᠠᠷᠤᠢ ᠠᠪᠢᠶᠠᠨ ᠤ ᠲᠡᠮᠳᠡᠭ ᠲᠠᠢ ᠪᠠᠶᠢᠵᠤ᠂ ᠬᠢᠳᠠᠨ ᠬᠡᠯᠡᠯᠬᠡ ᠲᠠᠢ ᠨᠡᠯᠢᠶᠡᠳ ᠨᠡᠶᠢᠴᠡᠬᠦ | ᠪᠤᠯᠬᠤᠷ ᠲᠠᠭᠤᠳᠠᠯᠭᠠ ᠪᠢᠴᠢᠯᠬᠡ ᠨᠢ ᠪᠦᠷ ᠨᠡᠯᠢᠶᠡᠳ ᠲᠦᠬᠦᠮ ᠪᠠᠶᠢᠵᠤ ᠤᠳᠠᠯ ᠦᠬᠡᠢ ᠲᠦᠬᠡᠮᠡᠯᠵᠢᠨ ᠬᠡᠷᠡᠭᠯᠡᠭᠳᠡᠵᠡᠢ | ᠃ ᠬᠡᠪᠡᠴᠤ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠢᠭᠤᠴᠠ ᠶᠢ ᠬᠠᠮᠠᠭᠠᠯᠠᠬᠤ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠤᠯᠵᠤ᠂ ᠬᠤᠶᠠᠷ ᠵᠦᠢᠯ ᠤᠨ | ᠦᠰᠦᠭ ᠪᠢᠴᠢᠭ ᠢ ᠴᠦᠮ ᠬᠢᠳᠠᠨᠴᠤᠳ ᠤᠨ ᠲᠤᠳᠤᠷᠠ ᠪᠠᠨ ᠬᠡᠪᠴᠢᠶᠡᠵᠢᠬᠦᠯᠦᠨ ᠬᠡᠷᠡᠭᠯᠡᠬᠡᠳ ᠭᠠᠳᠠᠭᠰᠢ | ᠲᠦᠬᠡᠮᠡᠯᠵᠢᠬᠦᠯᠬᠦ ᠶᠢ ᠠᠩᠬᠠᠷᠤᠭᠰᠠᠨ ᠦᠬᠡᠢ ᠠᠴᠠ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠵᠡᠷᠬᠡᠴᠡᠨ ᠲᠤᠭᠳᠠᠨᠢᠵᠤ ᠪᠠᠶᠢᠭᠰᠠᠨ | ᠰᠦᠡᠭ ᠤᠯᠤᠰ ᠨᠢ ᠴᠤ ᠬᠢᠳᠠᠨ ᠦᠰᠦᠭ ᠪᠢᠴᠢᠭ ᠢ ᠮᠡᠳᠡᠬᠦ ᠦᠬᠡᠢ ᠬᠡᠳᠡᠭ᠃ ᠡᠶᠢᠮᠤ ᠠᠴᠠ ᠯᠢᠶᠤᠤ ᠤᠯᠤᠰ ᠨᠢ | ᠮᠦᠬᠦᠭᠰᠡᠨ ᠤ ᠲᠠᠷᠠᠭᠠ ᠬᠢᠳᠠᠨ ᠤ ᠦᠰᠦᠭ ᠪᠢᠴᠢᠭ ᠨᠢ ᠤᠯᠠᠮᠵᠢᠯᠠᠯ ᠲᠠᠰᠤᠷᠠᠵᠤ᠂ ᠤᠳᠠᠯ ᠦᠬᠡᠢ ᠮᠡᠳᠡᠬᠦ ᠬᠦᠮᠦᠨ | ᠦᠬᠡᠢ ᠪᠤᠯᠵᠠᠢ᠃ ᠭᠤᠷᠪᠠ᠂ ᠡᠬᠡ ᠰᠤᠶᠤᠯ ᠤᠨ ᠪᠤᠯᠪᠠᠰᠤᠨ ᠢᠶᠠᠨ ᠦᠬᠦᠬᠦᠳᠡ ᠬᠠᠮᠠᠭᠠᠯᠠᠵᠠᠢ᠃ ᠲᠠᠶᠢᠽᠤ ᠬᠠᠭᠠᠨ | ᠶᠧᠯᠢᠦᠢ ᠠᠪᠤᠤᠵᠢ ᠪᠠ ᠱᠢᠷᠤ ᠬᠠᠳᠤᠨ ᠠᠴᠠ ᠭᠤᠷᠪᠠᠨ ᠬᠦᠤ ᠲᠦᠷᠦᠵᠡᠢ᠃ ᠬᠠᠭᠠᠨ ᠨᠢ ᠬᠢᠳᠠᠳ ᠰᠤᠶᠤᠯ ᠤᠨ | ᠰᠤᠷᠭᠠᠯ ᠢᠶᠠᠷ ᠦᠨᠳᠦᠷ ᠦᠬᠡᠯᠡᠢ ᠬᠦᠤ ᠪᠠᠨ ᠪᠠᠭ᠋ᠠᠷᠬᠠᠬᠤ ᠳᠤ ᠬᠠᠳᠤᠨ ᠨᠢ ᠬᠢᠳᠠᠨ ᠰᠤᠶᠤᠯ ᠤᠨ ᠤᠨᠴᠠᠯᠢᠭ | ᠲᠤᠪᠤᠶᠢᠭᠰᠠᠨ ᠬᠤᠶᠠᠳᠤᠭᠠᠷ ᠬᠦᠤ ᠪᠠᠨ ᠶᠡᠭᠡ ᠬᠠᠯᠠᠮᠵᠢᠯᠠᠳᠠᠭ᠃ ᠬᠠᠭᠠᠨ ᠦᠬᠡᠯᠡᠢ ᠬᠦᠪᠡᠬᠦᠨ ᠢᠶᠠᠨ ᠰᠠᠭᠤᠷᠢᠨ | ᠵᠠᠯᠭᠠᠮᠵᠢᠯᠠᠭᠴᠢ ᠲᠠᠶᠢᠽᠢ ᠪᠠᠷ ᠨᠡᠷᠡᠶᠢᠳᠦᠭᠰᠡᠨ ᠪᠤᠯᠪᠠᠴᠤ ᠬᠠᠳᠤᠨ ᠨᠢ ᠬᠢᠳᠠᠨ ᠰᠤᠶᠤᠯ ᠤᠨ ᠰᠢᠨᠵᠢ ᠬᠠᠳᠠᠭᠠᠯᠠᠭᠰᠠᠨ | ᠵᠠᠯᠭᠠᠮᠵᠢᠯᠠᠭᠴᠢ ᠣᠯᠬᠤ ᠬᠦᠰᠡᠯ ᠢᠶᠠᠨ ᠶᠡᠷᠦ ᠲᠡᠪᠴᠢᠭᠰᠡᠨ ᠦᠭᠡᠢ᠃ ᠠᠪᠤᠤᠵᠢ ᠬᠠᠭᠠᠨ ᠪᠦᠸᠧ ᠬᠠᠢ ᠤᠯᠤᠰ ᠢ | ᠲᠤᠪᠳᠤᠯᠤᠨ ᠲᠠᠭᠠᠭᠤᠯᠤᠭᠠᠳ ᠪᠤᠴᠠᠬᠤ ᠵᠠᠮ ᠵᠠᠭᠤᠷᠠ ᠪᠠᠨ ᠲᠡᠭᠷᠢ ᠳᠤ ᠬᠠᠯᠢᠭᠰᠠᠨ ᠬᠤᠶᠢᠨᠠ᠂ ᠱᠢᠷᠤ ᠬᠠᠳᠤᠨ | ᠲᠦᠷᠦ ᠶᠢᠨ ᠤᠳᠤᠷᠢᠳᠬᠤ ᠲᠡᠪᠴᠡᠩ ᠳᠤ ᠲᠡᠪᠰᠢᠵᠠᠢ᠃ ᠬᠠᠳᠤᠨ ᠡᠨᠡ ᠬᠦ ᠲᠤᠬᠢᠶᠠᠯ ᠢᠶᠠᠨ ᠠᠰᠢᠭᠯᠠᠨ | ᠬᠤᠶᠠᠳᠤᠭᠠᠷ ᠬᠦᠪᠡᠬᠦᠨ ᠢᠶᠠᠨ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠯᠭᠠᠬᠤ ᠵᠤᠷᠢᠯᠳᠠ ᠪᠠᠨ ᠰᠢᠭᠤᠷᠮᠠᠭᠠᠢ ᠶᠠᠪᠤᠭᠳᠠᠭᠤᠯᠵᠠᠢ᠃ | ᠬᠠᠳᠤᠨ ᠶᠡᠭᠡ ᠬᠦᠪᠡᠬᠦᠨ ᠢ ᠨᠢ ᠲᠡᠳᠬᠦᠳᠡᠭ ᠬᠠᠭᠠᠨ ᠤ ᠠᠬᠠ ᠲᠡᠬᠦᠤ ᠨᠠᠷ ᠢ ᠬᠠᠭᠠᠨ ᠤ ᠱᠠᠷᠢᠯ ᠲᠡᠭᠡᠳᠤ | ᠨᠡᠶᠢᠰᠯᠡᠯ ᠳᠤ ᠬᠦᠷᠴᠤ ᠢᠷᠡᠬᠦ ᠠᠴᠠ ᠡᠮᠤᠨᠡ ᠬᠦᠮᠦᠨ ᠲᠤᠮᠢᠯᠠᠵᠤ ᠠᠯᠠᠭᠤᠯᠤᠭᠰᠠᠨ ᠪᠦᠬᠡᠳ ᠲᠡᠬᠦᠨ ᠤ ᠦᠢᠯᠡᠰ | ᠲᠤ ᠰᠠᠭᠠᠳ ᠪᠤᠯᠤᠨᠠ ᠬᠡᠵᠤ ᠦᠵᠡᠭᠰᠡᠨ ᠵᠠᠭᠤ ᠢᠯᠡᠬᠦᠤ ᠶᠡᠭᠡ ᠰᠠᠶᠢᠳ ᠢ ᠬᠠᠭᠠᠨ ᠤ ᠤᠷᠤᠰᠢᠭᠤᠯᠭᠠ ᠶᠢᠨ | ᠶᠤᠰᠤᠯᠠᠯ ᠤᠨ ᠦᠶᠡ ᠳᠤ ᠬᠤᠤᠷᠯᠠᠵᠠᠢ᠃ ᠡᠶᠢᠮᠤ ᠮᠦᠷᠳᠡᠬᠡᠨ ᠡᠳᠡᠬᠡᠷ ᠰᠠᠶᠢᠳ ᠤᠨ ᠬᠡᠷ ᠤᠨ ᠬᠦᠮᠦᠰ ᠢ ᠨᠢ | ᠰᠡᠬᠦᠯᠡᠷ ᠨᠢ ᠪᠠᠰᠠ ᠬᠤᠤᠷᠯᠠᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠰᠠᠶᠢᠳ ᠲᠦᠰᠢᠮᠡᠳ ᠢ ᠬᠤᠤᠷᠯᠠᠬᠤ ᠳᠠᠭᠠᠨ ᠶᠡᠷᠦ ᠨᠢ ᠡᠮᠤᠨᠡ | ᠬᠠᠭᠠᠨ ᠢ ᠲᠤᠷᠠᠰᠤᠨ ᠰᠠᠨᠠᠵᠤ ᠪᠠᠶᠢᠨᠠ ᠤᠤ︖ ᠲᠤᠷᠠᠰᠴᠤ ᠪᠠᠶᠢᠪᠠᠯ ᠲᠡᠬᠦᠨ ᠢ ᠬᠠᠯᠠᠮᠵᠢᠯᠠᠬᠤ ᠪᠠᠷ ᠤᠴᠢ︕ | ᠬᠡᠳ ᠴᠠᠪᠴᠢᠳᠠᠭ᠃ ᠡᠨᠡ ᠬᠦ ᠠᠰᠠᠭᠤᠯᠳᠠ ᠪᠤᠯ ᠬᠠᠷᠢᠭᠤᠯᠬᠤ ᠳᠤ ᠲᠤᠩ ᠬᠦᠴᠢᠷᠳᠡᠢ ᠠᠰᠠᠭᠤᠯᠳᠠ ᠮᠦᠨ᠂ | ᠲᠤᠷᠠᠰᠤᠨ ᠰᠠᠨᠠᠬᠤ ᠦᠬᠡᠢ ᠪᠤᠯ ᠬᠠᠭᠠᠨ ᠳᠠᠭᠠᠨ ᠦᠨᠡᠨᠴᠢ ᠦᠬᠡᠢ ᠪᠤᠯᠵᠤ ᠮᠦᠨ ᠠᠯᠠᠬᠤ ᠶᠠᠯᠠ ᠠᠴᠠ ᠬᠡᠯᠳᠦᠷᠢᠵᠤ | ᠴᠢᠳᠠᠬᠤ ᠦᠬᠡᠢ ᠪᠠᠶᠢᠳᠠᠭ᠃ ᠰᠡᠬᠦᠯᠡᠷ ᠨᠢ ᠲᠠᠷᠡ ᠵᠤᠤ ᠽᠢ ᠸᠧᠨ ᠬᠢᠳᠡᠭ ᠬᠢᠳᠠᠳ ᠰᠠᠶᠢᠳ ᠢ ᠠᠯᠠᠬᠤ ᠰᠠᠨᠠᠭᠠ | ᠤᠷᠤᠵᠤ᠂ ᠪᠦᠸᠧ ᠬᠠᠢ ᠤᠯᠤᠰ ᠤᠨ ᠪᠠᠶᠢᠯᠳᠤᠭᠠᠨ ᠳᠤ ᠬᠠᠭᠠᠨ ᠲᠡᠬᠦᠨ ᠤ ᠰᠢᠷᠬᠠ ᠶᠢ ᠡᠮᠨᠡᠵᠤ ᠪᠠᠶᠢᠭᠰᠠᠨ ᠨᠢᠬᠳᠠ | ᠬᠠᠷᠢᠴᠠᠭᠠ ᠪᠠᠷ ᠨᠢ ᠬᠤᠯᠪᠤᠵᠤ᠄ ︽ᠴᠢ ᠡᠮᠤᠨᠡ ᠬᠠᠭᠠᠨ ᠲᠠᠢ ᠲᠤᠩ ᠢᠵᠢᠯ ᠲᠤᠳᠤᠨᠤᠰᠤᠭ ᠪᠢᠰᠢᠤ᠂ ᠤᠳᠤ ᠴᠢ | ᠡᠮᠤᠨᠡ ᠬᠠᠭᠠᠨ ᠢ ᠬᠠᠯᠠᠮᠵᠢᠯᠠᠬᠤ ᠪᠠᠷ ᠤᠴᠢ︕︾ ᠬᠡᠵᠡᠢ᠃ ᠡᠬᠦᠨ ᠳᠤ ᠵᠤᠤ ᠽᠢ ᠸᠧᠨ᠄ ︽ᠡᠮᠤᠨᠡ ᠬᠠᠭᠠᠨ | ᠳᠤ ᠢᠵᠢᠯ ᠲᠤᠳᠤᠨᠤᠰᠤᠭ ᠢ ᠬᠡᠯᠡᠪᠡᠯ ᠪᠢ ᠬᠠᠳᠤᠨ ᠲᠠᠨ ᠳᠤ ᠬᠦᠢᠴᠡᠬᠦ ᠦᠬᠡᠢ᠂ ᠲᠠ ᠬᠡᠷᠪᠡ ᠤᠴᠢᠪᠠᠯ ᠪᠢ | ᠲᠤᠷᠠᠳᠠᠶᠢᠶᠠ ᠲᠠᠭᠠᠯᠴᠠᠨ ᠤᠴᠢᠨᠠ︾ ᠬᠡᠵᠡᠢ᠃ ᠡᠬᠦᠨ ᠳᠤ ᠬᠠᠳᠤᠨ᠄ ︽ᠤᠴᠢᠬᠤ ᠲᠤᠷᠠ ᠦᠬᠡᠢ ᠪᠢᠰᠢ᠂ | ᠵᠦᠪᠬᠡᠨ ᠬᠡᠳᠤᠨ ᠬᠡᠤᠬᠡᠳ ᠪᠠᠭᠠ ᠪᠠᠶᠢᠵᠤ᠂ ᠲᠦᠷᠦ ᠬᠦᠷᠦᠨ ᠤ ᠶᠡᠭᠡ ᠶᠠᠪᠤᠳᠠᠯ ᠳᠤ ᠪᠢ ᠲᠤᠳᠠᠭᠳᠠᠵᠤ ᠪᠤᠯᠬᠤ | ᠦᠬᠡᠢ᠂ ᠤᠷᠢᠳᠠᠪᠠᠷ ᠪᠢ ᠡᠨᠡ ᠭᠠᠷ ᠢᠶᠠᠨ ᠶᠠᠪᠤᠭᠤᠯᠵᠤ ᠬᠠᠭᠠᠨ ᠢ ᠬᠠᠯᠠᠮᠵᠢᠯᠠᠶᠠ︕︾ ᠬᠡᠳ ᠬᠠᠳᠤᠨ ᠰᠦᠪᠡᠬᠡᠨ | ᠳᠡᠭᠡᠨ ᠵᠡᠬᠦᠭᠰᠡᠨ ᠬᠢᠳᠤᠭᠠ ᠪᠠᠨ ᠰᠤᠭᠤᠯᠵᠤ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠴᠠᠪᠴᠢᠭᠰᠠᠨ ᠪᠠᠶᠢᠨᠠ᠃ ᠬᠠᠳᠤᠨ ᠡᠨᠡ ᠮᠡᠳᠤ | ᠦᠬᠡᠯᠡᠢ ᠬᠦᠤ ᠶᠢ ᠨᠢ ᠳᠡᠮᠵᠢᠭᠰᠡᠳ ᠲᠤ ᠬᠠᠷᠠ ᠬᠢᠳᠤᠯᠭᠠ ᠶᠠᠪᠤᠭᠤᠯᠤᠭᠰᠠᠨ ᠠᠴᠠ ᠤᠳᠠᠯ ᠦᠬᠡᠢ ᠲᠡᠬᠦᠨ ᠤ | ᠰᠠᠨᠠᠭᠠ ᠠᠴᠠ ᠵᠦᠷᠢᠴᠡᠬᠦ ᠬᠦᠮᠦᠨ ᠦᠬᠡᠢ ᠪᠤᠯᠵᠤ᠂ ᠬᠤᠶᠠᠳᠤᠭᠠᠷ ᠬᠦᠪᠡᠬᠦᠨ ᠢᠶᠠᠨ ᠰᠢᠭᠤᠳ ᠰᠢᠯᠤᠭᠤᠬᠠᠨ ᠢᠶᠠᠷ | ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠲᠡᠪᠰᠢᠬᠦᠯᠵᠤ᠂ ᠴᠤᠯᠠ ᠶᠢ ᠨᠢ ᠲᠠᠶᠢᠽᠦ᠋ᠡᠭ ᠬᠠᠭᠠᠨ ᠬᠡᠵᠤ ᠨᠠᠷᠡᠶᠢᠳᠦᠭᠰᠡᠨ ᠪᠠᠶᠢᠨᠠ᠃ | ᠲᠦᠷᠪᠡ᠂ ᠮᠤᠷᠢᠳᠠᠨ ᠦᠨᠳᠦᠰᠦᠳᠡᠨ ᠤ ᠪᠠᠶᠢᠯᠳᠤᠭᠠᠨ ᠤ ᠤᠷᠠ ᠠᠪᠢᠶᠠᠰ ᠢ ᠭᠠᠶᠢᠬᠠᠭᠤᠯᠵᠤ᠂ ᠴᠦᠬᠡᠨ ᠢᠶᠠᠷ ᠤᠯᠠᠨ | ᠢ ᠢᠯᠠᠬᠤ ᠪᠠᠶᠢᠯᠳᠤᠭᠠᠨ ᠢ ᠤᠯᠠᠨᠳᠠ ᠡᠭᠦᠰᠬᠡᠨ᠂ ᠤᠯᠤᠰ ᠤᠷᠤᠨ ᠤ ᠭᠠᠵᠠᠷ ᠨᠤᠳᠤᠭ ᠢᠶᠠᠨ ᠦᠷᠬᠡᠳᠬᠡᠵᠡᠢ᠃ | ᠯᠢᠶᠤᠤ ᠤᠯᠤᠰ ᠨᠢ ᠲᠠᠶᠢᠽᠤ ᠬᠠᠭᠠᠨ ᠠᠴᠠ ᠱᠧᠩᠽᠦ᠋ᠩ ᠬᠠᠭᠠᠨ ᠤ ᠦᠶᠡ ᠬᠦᠷᠳᠡᠯᠡ ᠪᠦᠸᠧᠬᠠᠢ ᠤᠯᠤᠰ᠂ | ᠤᠮᠠᠷᠠᠳᠤ ᠶᠢᠨ ᠤᠯᠤᠰ ᠵᠡᠷᠬᠡ ᠤᠯᠠᠨ ᠤᠯᠤᠰ ᠢ ᠮᠦᠬᠦᠬᠡᠵᠤ᠂ ᠶᠡᠭᠡ ᠰᠦᠡᠭ ᠤᠯᠤᠰ ᠤᠨ ᠬᠤᠶᠠᠷ ᠤᠳᠠᠭᠠᠨ ᠤ | ᠶᠡᠭᠡ ᠲᠤᠪᠳᠤᠯᠤᠯᠳᠠ ᠶᠢ ᠢᠯᠠᠭᠠᠳ ᠨᠤᠳᠤᠭ ᠲᠡᠪᠢᠰᠬᠡᠷ ᠨᠢ ᠦᠷᠬᠡᠵᠢᠵᠤ᠂ ᠤᠯᠤᠰ ᠤᠨ ᠬᠦᠴᠦᠨ ᠨᠢ ᠪᠤᠵᠠᠭᠠᠶᠢᠷᠠᠨ | ᠂ ᠰᠦᠡᠭ ᠤᠯᠤᠰ ᠲᠠᠢ ᠵᠡᠷᠬᠡᠴᠡᠨ ᠲᠤᠭᠳᠠᠨᠢᠭᠰᠠᠨ ᠶᠡᠭᠡ ᠤᠯᠤᠰ ᠪᠤᠯᠤᠨ ᠬᠦᠭᠵᠢᠵᠡᠢ᠃ ᠬᠠᠮᠤᠭ ᠤᠨ | ᠲᠡᠮᠳᠡᠭᠯᠡᠰᠢᠬᠦᠳᠡᠢ ᠨᠢᠬᠡᠨ ᠤᠴᠢᠷ ᠬᠡᠪᠡᠯ ᠰᠢᠶᠤᠤ ᠲᠠᠶᠢᠬᠡᠤ ᠱᠧᠩᠽᠦ᠋ᠩ ᠬᠠᠭᠠᠨ ᠤ ᠡᠬᠡ᠂ ᠦᠪᠡᠷ ᠤᠨ ᠪᠡᠶᠡ ᠪᠠᠷ | ᠢᠶᠠᠨ ᠴᠡᠷᠢᠭ ᠲᠠᠭᠠᠭᠤᠯᠤᠨ ᠰᠦᠡᠭ ᠤᠯᠤᠰ ᠢ ᠲᠤᠪᠳᠤᠯᠤᠷᠠ ᠤᠴᠢᠭᠠᠳ ᠴᠠᠨ ᠶᠤᠸᠠᠨ ᠬᠤᠳᠠᠨ ᠤ ᠳᠣᠣᠷᠠ | ᠬᠦᠷᠴᠤ᠂ ᠯᠢᠶᠤᠤ ᠤᠯᠤᠰ ᠤᠨ ᠶᠡᠭᠡ ᠵᠠᠩᠵᠤᠨ ᠰᠢᠶᠤᠤ ᠲᠠ ᠯᠢᠩ ᠪᠠᠶᠢᠯᠳᠤᠭᠠᠨ ᠳᠤ ᠠᠳᠡᠬᠡᠳ ᠬᠤᠯᠠ ᠶᠢᠨ | ᠭᠠᠵᠠᠷ ᠬᠠᠷᠢ ᠶᠢᠨ ᠨᠤᠳᠤᠭ ᠲᠤ ᠴᠡᠷᠢᠭ ᠤᠨ ᠰᠡᠳᠬᠢᠯ ᠰᠠᠮᠠᠭᠤᠷᠠᠵᠤ ᠪᠠᠶᠢᠭᠰᠠᠨ ᠠᠰᠢᠭ ᠨᠦᠬᠦᠴᠡᠯ ᠤᠨ ᠲᠤᠤᠷᠠ | ᠰᠦᠡᠭ ᠤᠯᠤᠰ ᠤᠨ ᠴᠡᠷᠢᠭ ᠢ ᠰᠢᠬᠠᠵᠤ ᠪᠠᠶᠢᠭᠠᠳ ᠵᠢᠯ ᠪᠦᠷᠢ ᠯᠢᠶᠤᠤ ᠤᠯᠤᠰ ᠲᠤ ᠠᠷᠪᠠᠨ ᠲᠦᠮᠡᠨ ᠯᠠᠩ ᠮᠦᠡᠭᠬᠦ | ᠪᠠ ᠬᠤᠷᠢᠨ ᠲᠦᠮᠡᠨ ᠪᠠᠭᠯᠠᠭᠠ ᠲᠤᠷᠭᠠ ᠲᠤᠷᠳᠤᠩ ᠦᠭᠬᠦ ᠪᠦᠬᠡᠳ ᠬᠤᠶᠠᠷ ᠤᠯᠤᠰ ᠨᠢ ᠬᠠᠷᠢᠯᠴᠠᠨ ᠠᠬᠠ ᠲᠡᠬᠦᠤ | ᠬᠡᠵᠤ ᠲᠠᠭᠤᠳᠠᠯᠴᠠᠨ᠂ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠳᠤ ᠪᠦᠳᠦᠬᠡᠨ ᠪᠠᠶᠢᠭᠤᠯᠤᠯᠳᠠ ᠬᠢᠵᠤ ᠪᠤᠯᠬᠤ ᠦᠬᠡᠢ᠂ ᠭᠤᠤᠯ | ᠮᠦᠷᠡᠨ ᠤ ᠬᠡᠪᠡᠯᠢ ᠶᠢ ᠦᠬᠡᠷᠡᠳᠡᠬᠦᠯᠵᠤ ᠪᠤᠯᠬᠤ ᠦᠬᠡᠢ ᠬᠡᠰᠡᠨ ᠠᠭᠤᠯᠭᠠ ᠲᠠᠢ ᠴᠠᠨ ᠶᠤᠸᠠᠨ ᠤ ᠬᠡᠯᠡᠯᠴᠡᠬᠡᠷ ᠢ | ᠲᠤᠭᠳᠠᠭᠠᠵᠤ᠂ ᠬᠤᠶᠠᠷ ᠤᠯᠤᠰ ᠤᠨ ᠬᠠᠷᠢᠯᠴᠠᠨ ᠲᠠᠶᠢᠯᠠᠯᠳᠤᠬᠤ ᠪᠠᠶᠢᠳᠠᠯ ᠢ ᠡᠴᠤᠰᠯᠡᠬᠦᠯᠵᠡᠢ᠃ ᠱᠧᠩᠽᠦ᠋ᠩ | ᠬᠠᠭᠠᠨ ᠤ ᠦᠶᠡ ᠳᠤ᠂ ᠴᠢᠨ ᠱᠢ ᠬᠤᠸᠠᠩ ᠤᠨ ᠦᠶᠡᠰ ᠰᠡᠶᠢᠯᠦᠭᠰᠡᠨ ᠲᠦᠷᠦ ᠤᠯᠠᠮᠵᠢᠯᠠᠬᠤ ᠬᠠᠰ ᠤᠨ ᠲᠠᠮᠠᠭᠠ | ᠶᠢ ᠨᠢ ᠤᠯᠵᠠᠯᠠᠵᠤ᠂ ᠯᠢᠶᠤᠤ ᠤᠯᠤᠰ ᠨᠢ ᠲᠤᠮᠳᠠᠳᠤ ᠶᠢᠨ ᠲᠡᠤᠬᠡᠨ ᠳᠤ ᠮᠤᠷᠢᠳᠠᠨ ᠦᠨᠳᠦᠰᠦᠳᠡᠨ ᠤ | ᠪᠠᠶᠢᠭᠤᠯᠤᠭᠰᠠᠨ ᠵᠠᠰᠠᠭ ᠲᠦᠷᠦ ᠪᠤᠯᠬᠤ ᠨᠡᠷᠡ ᠴᠤᠯᠠ ᠪᠠᠨ ᠤᠯᠠᠨᠠ ᠮᠡᠳᠡᠷᠡᠭᠳᠡᠵᠡᠢ᠃ ᠯᠢᠶᠤᠤ ᠤᠯᠤᠰ ᠤᠨ | ᠰᠡᠬᠦᠯᠴᠢ ᠶᠢᠨ ᠦᠶᠡ ᠪᠤᠯᠵᠤ᠂ ᠠᠯᠳᠠᠨ ᠤᠯᠤᠰ ᠤᠨ ᠲᠤᠪᠳᠤᠯᠤᠯᠳᠠ ᠳᠤ ᠤᠯᠤᠰ ᠢᠶᠠᠨ ᠠᠯᠳᠠᠭᠰᠠᠨ ᠤ ᠲᠠᠷᠠᠭᠠ | ᠶᠧᠯᠢᠦᠢ ᠳ᠋ᠠ ᠱᠢ ᠪᠠᠷ ᠲᠤᠯᠤᠭᠠᠶᠢᠯᠠᠭᠤᠯᠤᠭᠰᠠᠨ ᠦᠯᠡᠳᠡᠭᠳᠡᠯ ᠬᠦᠴᠦᠨ ᠨᠢ ᠪᠠᠷᠠᠭᠤᠨᠰᠢ ᠰᠢᠯᠵᠢᠵᠤ ᠤᠳᠤᠬᠠᠨ ᠤ | ᠰᠢᠨᠵᠢᠶᠠᠩ ᠪᠠ ᠤᠷᠤᠰ ᠤᠨ ᠬᠡᠰᠡᠭ ᠭᠠᠵᠠᠷ ᠢ ᠡᠵᠡᠯᠡᠬᠡᠳ ᠪᠠᠷᠠᠭᠤᠨ ᠯᠢᠶᠤᠤ ᠤᠯᠤᠰ ᠢ ᠪᠠᠶᠢᠭᠤᠯᠵᠤ᠂ ᠮᠦᠨ 5 | ᠦᠶᠡ ᠤᠯᠠᠷᠢᠵᠤ 94 ᠵᠢᠯ ᠨᠤᠶᠠᠷᠬᠠᠯ ᠢᠶᠠᠨ ᠦᠷᠬᠦᠯᠵᠢᠯᠡᠬᠦᠯᠵᠡᠢ᠃ ᠰᠡᠬᠦᠯᠡᠷ ᠨᠢ ᠴᠢᠩᠬᠢᠰ ᠬᠠᠭᠠᠨ ᠤ | ᠤᠳᠤᠷᠢᠳᠤᠭᠰᠠᠨ ᠮᠤᠩᠭᠤᠯ ᠤᠨ ᠴᠡᠷᠢᠭ ᠪᠠᠷᠠᠭᠤᠨ ᠯᠢᠶᠤᠤ ᠤᠯᠤᠰ ᠢ ᠮᠦᠬᠦᠬᠡᠭᠰᠡᠨ ᠪᠠᠶᠢᠨᠠ᠃ ᠡᠬᠦᠨ ᠠᠴᠠ ᠪᠦᠬᠦ | ᠯᠢᠶᠤᠤ ᠤᠯᠤᠰ ᠨᠢ ᠭᠤᠷᠪᠠᠨ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠨᠤᠶᠠᠷᠬᠠᠯ ᠤᠨ ᠲᠡᠤᠬᠡ ᠶᠢ ᠡᠬᠦᠳᠴᠤ᠂ ᠠᠽᠢᠶᠠ ᠡᠸᠦ᠋ᠷᠦᠫᠡ | ᠶᠢ ᠰᠤᠨᠳᠠᠯᠠᠭᠰᠠᠨ ᠦᠷᠬᠡᠨ ᠠᠭᠤᠳᠠᠮ ᠨᠤᠳᠤᠭ ᠲᠡᠪᠢᠰᠬᠡᠷ ᠢ ᠡᠵᠡᠯᠡᠬᠡᠳ ᠬᠤᠵᠢᠮ ᠨᠢ ᠮᠠᠨᠳᠤᠭᠰᠠᠨ ᠵᠦᠷᠴᠢᠨ | ᠦᠨᠳᠦᠰᠦᠳᠡᠨ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠂ ᠮᠠᠨᠵᠤ ᠵᠦᠷᠴᠢᠨ ᠦᠨᠳᠦᠰᠦᠳᠡᠨ ᠵᠡᠷᠬᠡ ᠮᠠᠰᠢ ᠤᠯᠠᠨ ᠮᠤᠷᠢᠳᠠᠨ | ᠦᠨᠳᠦᠰᠦᠳᠡᠨ ᠳᠤ ᠡᠯᠪᠡᠭ ᠪᠠᠶᠠᠯᠢᠭ ᠦᠨᠡ ᠴᠠᠨᠠ ᠲᠠᠢ ᠲᠡᠤᠬᠡᠳᠤ ᠰᠤᠷᠭᠠᠮᠵᠢ ᠶᠢ ᠦᠯᠡᠳᠡᠭᠡᠭᠰᠡᠨ ᠶᠤᠮ᠃ | | |