ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠪᠠᠭᠠᠷᠢᠨ ᠮᠤᠩᠭᠤᠯᠴᠥᠳ ᠤᠨ ᠭᠠᠯ ᠲᠠᠭᠢᠯᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015/8/11
                ᠪᠠᠭᠠᠷᠢᠨ ᠮᠤᠩᠭᠤᠯᠴᠥᠳ ᠤᠨ ᠭᠠᠯ ᠲᠠᠭᠢᠯᠭ᠎ᠠ                                                                                                                                                ᠳ᠋᠊᠂  ᠪᠠᠳᠥᠪᠠᠶᠠᠷ           ᠮᠤᠩᠭᠤᠯᠴᠣᠳ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠨ ᠭᠠᠯ ᠢ ᠲᠠᠬᠢᠵᠤ ᠰᠢᠲᠦᠭᠰᠡᠭᠡᠷ ᠢᠷᠡᠵᠠᠢ᠃ ᠪᠢᠳᠡ ᠠᠯᠢᠪᠠ ᠰᠠᠶᠢᠨ ᠰᠠᠶᠢᠬᠠᠨ ᠢᠶᠠᠨ ᠪᠦᠷ ᠭᠠᠯ ᠤᠨ ᠪᠣᠷᠬᠠᠨ ᠳᠠᠭᠠᠨ ᠦᠩᠭᠡ ᠦᠭᠡᠳᠡ ᠦᠯᠵᠠᠢ ᠮᠦᠷ ᠲᠠᠢ ᠶᠠᠪᠣᠬᠤ ᠶᠢ ᠳᠠᠭᠠᠳᠬᠠᠨ ᠵᠠᠯᠪᠠᠷᠢᠳᠠᠭ᠃ ᠭᠠᠯ᠂ ᠭᠠᠯ ᠭᠤᠯᠣᠮᠲᠠ ᠪᠠᠨ ᠮᠣᠩᠭᠤᠯᠴᠥᠳ ᠦᠶ᠎ᠡ ᠤᠯᠠᠷᠢᠨ ᠰᠢᠲᠦᠨ ᠪᠢᠰᠢᠷᠡᠵᠦ ᠬᠠᠮᠠᠭᠠᠯᠠᠳᠠᠭ᠃ ᠲᠡᠶᠢᠮᠦ ᠠᠴᠠ ᠭᠠᠯ ᠤᠨ ᠲᠣᠬᠠᠢ ᠴᠡᠭᠡᠷ ᠬᠤᠷᠢᠭ᠎ᠠ ᠴᠦ ᠲᠣᠩ ᠤᠯᠠᠨ ᠪᠠᠶᠢᠳᠠᠭ᠃ ᠭᠠᠯ ᠳᠤ ᠨᠣᠯᠮᠣᠬᠤ ᠪᠣᠶᠣ ᠣᠰᠤ ᠴᠢᠳᠬᠤᠵᠣ ᠪᠣᠯᠬᠤ ᠦᠭᠡᠢ︔ ᠳᠡᠭᠡᠭᠦᠷ ᠨᠢ ᠠᠯᠬᠤᠨ ᠭᠠᠷᠴᠦ ᠪᠣᠯᠬᠤ ᠦᠭᠡᠢ︔ ᠮᠤᠩᠭᠤᠯ ᠭᠡᠷ ᠲᠤ ᠤᠷᠤᠭᠰᠡᠨ ᠬᠦᠮᠦᠨ ᠡᠷᠬᠡᠪᠢᠰᠢ ᠲᠣᠯᠭ᠎ᠠ ᠶᠢ ᠲᠣᠭᠤᠷᠢᠵᠣ ᠭᠠᠷᠬᠤ ᠠᠴᠠ ᠪᠢᠰᠢ ᠠᠯᠮᠠᠯᠠᠵᠣ ᠭᠠᠷᠴᠦ ᠪᠣᠯᠬᠤ ᠦᠭᠡᠢ︔ ᠨᠡᠩ ᠴᠦ ᠮᠠᠭᠤ ᠰᠠᠶᠢᠨ ᠪᠣᠵᠠᠷ ᠪᠣᠷᠲᠠᠭ ᠶᠠᠭᠤᠮ᠎ᠠ ᠭᠠᠯ ᠳᠤ ᠤᠷᠣᠬᠤ ᠠᠴᠠ ᠤᠨᠴᠠ ᠰᠡᠷᠭᠡᠶᠢᠯᠡᠵᠦ᠂ ᠬᠦᠷᠢᠶ᠎ᠡ ᠬᠠᠰᠢᠶᠠᠨ ᠳᠠᠬᠢ ᠠᠷᠭᠠᠯ ᠲᠦᠯᠡᠭᠡᠨ ᠳᠡᠭᠡᠷ᠎ᠡ ᠰᠢᠭᠡᠰᠦ ᠪᠠᠭᠠᠰᠤ ᠬᠦᠷᠭᠡᠳᠡᠭ ᠦᠭᠡᠢ᠃ ᠮᠣᠩᠭᠤᠯᠴᠣᠳ ᠭᠠᠯ  ᠢᠶᠠᠨ ᠠᠷᠢᠭᠤᠨ ᠲᠠᠷᠬᠠᠨ᠂ ᠷᠢᠳᠢ ᠰᠢᠳᠢ ᠲᠠᠢ ᠭᠡᠵᠦ ᠦᠵᠡᠳᠡᠭ ᠠᠴᠠ ᠬᠦᠰᠡᠷ ᠭᠠᠵᠠᠷ ᠤᠨᠠᠵᠣ ᠲᠣᠰᠣᠭᠰᠠᠨ ᠶᠠᠭᠤᠮ᠎ᠠ ᠪᠣᠶᠣ ᠢᠳᠡᠭᠡᠨ ᠤᠮᠳᠠᠭᠠᠨ ᠢᠶᠠᠨ ᠭᠠᠯ ᠳᠠᠭᠠᠨ ᠠᠷᠢᠭᠤᠯᠵᠣ ᠠᠪᠳᠠᠭ ᠨᠢ ᠴᠦ ᠦᠨᠦ ᠪᠣᠳᠣᠬᠤ ᠳᠤ ᠨᠡᠯᠢᠶᠡᠳ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠠᠷᠭ᠎ᠠ ᠭᠡᠵᠦ ᠪᠣᠳᠣᠭᠳᠠᠬᠤ ᠶᠤᠮ᠃ ᠭᠠᠯ ᠲᠠᠬᠢᠬᠤ ᠳᠤ ᠲᠠᠶᠢᠵᠢ ᠢᠵᠠᠭᠤᠷᠲᠠᠨ᠂ ᠬᠠᠷᠠᠴᠦ ᠠᠷᠠᠳ ᠭᠡᠵᠦ ᠢᠯᠭᠠᠯ ᠦᠭᠡᠢ ᠪᠦᠷ ᠴᠦ ᠯᠠ ᠰᠠᠷ᠎ᠠ ︵ᠬᠦᠬᠡᠭᠡ ᠰᠠᠷ᠎ᠠ︶ ᠶᠢᠨ 23 ᠳᠤ ᠯᠠ ᠲᠠᠬᠢᠳᠠᠭ ᠵᠠᠩᠰᠢᠯ ᠲᠠᠢ᠂ ᠭᠡᠪᠡᠴᠦ ᠴᠦᠭᠡᠨ ᠲᠣᠭᠠᠨ ᠤ ᠬᠢᠨᠢ   ᠨᠢ 24 ᠳᠤ ᠲᠠᠬᠢᠳᠠᠭ᠃ ᠭᠠᠯ ᠲᠠᠬᠢᠬᠤ ᠳᠠᠭᠠᠨ 23 ᠠᠴᠠ ᠡᠮᠦᠨ᠎ᠡ ᠭᠡᠷ ᠬᠦᠷᠢᠶ᠎ᠡ ᠪᠠᠨ ᠴᠡᠪᠡᠷᠯᠡᠵᠦ ᠤᠲᠤᠭ᠎ᠠ ᠤᠨᠢᠶᠠᠷ ᠬᠤᠭ ᠨᠤᠪᠰᠢ ᠪᠠᠨ ᠪᠦᠬᠦᠨ ᠢ ᠴᠡᠪᠡᠷᠯᠡᠨ ᠠᠷᠢᠯᠭᠠᠳᠠᠭ᠃ ᠡᠭᠦᠨ ᠢ ᠮᠣᠩᠭᠤᠯᠴᠣᠳ ᠳᠦᠭᠦᠮᠴᠢᠯᠡᠭᠡᠳ ᠤᠲᠤᠭ᠎ᠠ ᠱᠦᠭᠦᠷᠳᠡᠨ᠎ᠡ ᠭᠡᠳᠡᠭ ᠶᠤᠮ᠃              ᠮᠣᠩᠭᠤᠯᠴᠣᠳ ᠭᠠᠯ ᠲᠠᠬᠢᠬᠤ ᠳᠠᠭᠠᠨ ᠮᠣᠩᠭᠤᠯ ᠭᠡᠷ ᠳᠣᠲᠣᠷ᠎ᠠ ᠲᠣᠯᠭ᠎ᠠ ᠪᠠᠨ ᠮᠣᠩᠭᠤᠯ ᠭᠡᠷ ᠤᠨ ᠲᠣᠭᠤᠨᠣ ᠶᠢ ᠭᠤᠣᠯᠳᠠᠭᠤᠯᠤᠨ ᠲᠡᠭᠰᠢ ᠰᠠᠶᠢᠬᠠᠨ ᠪᠠᠶᠢᠷᠢᠯᠠᠭᠤᠯᠵᠣ᠂ ᠦᠨᠡᠰᠦ ᠨᠢ ᠡᠷᠦᠢ ᠬᠤᠷᠣᠢ ᠦᠭᠡᠢ ᠪᠣᠲᠠᠷᠠᠬᠤ  ᠠᠴᠠ ᠰᠡᠷᠭᠡᠶᠢᠯᠡᠵᠣ ᠰᠢᠪᠠᠷ ᠢᠶᠠᠷ ᠳᠦᠷᠪᠡᠯᠵᠢᠨ ᠬᠤᠪᠢᠩ ᠪᠠᠷᠢᠭᠠᠳ ᠲᠣᠯᠭ᠎ᠠ ᠪᠠᠨ ᠳᠡᠭᠡᠷ᠎ᠡ ᠨᠢ ᠰᠠᠭᠤᠯᠭᠠᠬᠤ ᠪᠣᠶᠣ ᠮᠣᠳᠣ ᠪᠠᠷ ᠬᠤᠪᠢᠩ ᠬᠢᠭᠰᠡᠨ ᠴᠦ ᠪᠠᠶᠢᠳᠠᠭ᠃ ᠲᠣᠯᠭ᠎ᠠ ᠭᠡᠳᠡᠭ ᠨᠢ ᠬᠡᠭᠡᠷ᠎ᠡ ᠭᠠᠳᠠᠨ᠎ᠠ ᠠᠪᠴᠣ ᠶᠠᠪᠣᠬᠤ ᠳᠤ ᠳᠦᠭᠦᠮ ᠬᠢᠯᠪᠠᠷᠬᠠᠨ ᠭᠠᠯ ᠲᠦᠯᠡᠵᠦ ᠲᠣᠭᠤᠭᠠᠯᠠᠬᠤ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠶᠣᠮ᠃ ᠲᠣᠯᠭ᠎ᠠ ᠶᠢ ᠬᠢᠬᠦ ᠳᠤ ᠰᠠᠶᠢᠨ ᠲᠡᠮᠣᠷ ᠤᠨ ᠳᠠᠷᠬᠠᠨ ᠰᠠᠶ᠋ᠢ ᠬᠢᠵᠦ ᠴᠢᠳᠠᠳᠠᠭ᠃ ᠲᠡᠷᠡ ᠨᠢ ᠬᠠᠲᠠᠭᠤ ᠪᠡᠬᠡᠯᠢᠭ ᠭᠠᠩ ᠲᠡᠮᠦᠷ ᠢ ᠬᠠᠪᠲᠠᠭᠠᠶᠢᠯᠠᠨ ᠳᠠᠪᠳᠠᠵᠣ ᠬᠢᠭᠰᠡᠨ ᠳᠦᠷᠪᠡᠨ ᠪᠣᠰᠤᠭ᠎ᠠ ᠣᠴᠤᠭ ︵ᠬᠦᠯ︶ ᠲᠠᠢ᠂ ᠣᠴᠤᠭ ᠤᠨ ᠳᠡᠭᠡᠷ᠎ᠡ ᠦᠵᠦᠭᠦᠷ ᠢ ᠨᠢ ᠱᠣᠪᠬᠤ ᠪᠣᠯᠭᠠᠨ ᠳᠠᠪᠲᠠᠵᠣ ᠳᠣᠷᠣᠭᠰᠢ ᠪᠠᠨ ᠬᠠᠷᠠᠭᠰᠠᠨ ᠭᠤᠬ᠎ᠠ ᠪᠣᠯᠭᠠᠨ ᠮᠠᠲᠠᠬᠤ ᠶᠤᠮ᠃ ᠳᠣᠥᠷᠠᠳᠦ ᠦᠵᠦᠭᠦᠷ ᠢ ᠨᠢ ᠭᠠᠳᠠᠭᠰᠢ ᠪᠠᠨ ᠨᠣᠭᠤᠯᠣᠨ ᠬᠤᠪᠢᠩ ᠤᠨ ᠡᠭ ᠲᠠᠢ ᠪᠣᠯᠭᠠᠨ᠎ᠠ᠃ ᠲᠦᠷᠪᠡᠨ ᠣᠴᠤᠭ ᠢ ᠭᠤᠷᠪᠠᠨ ᠬᠠᠰᠠᠭ ︵ᠴᠠᠭᠠᠷᠢᠭ ᠬᠦᠷᠢᠶ᠎ᠡ︶   ᠲᠠᠢ ᠵᠣᠬᠢᠬᠤ ᠵᠠᠢ ᠳᠤ ᠰᠠᠶᠢᠨ ᠪᠡᠬᠡᠯᠢᠭ ᠬᠠᠳᠠᠭᠰᠠᠨ ᠢ ᠳᠠᠷᠣᠢ ᠲᠣᠯᠭ᠎ᠠ ᠭᠡᠳᠡᠭ᠃ ᠮᠣᠩᠭᠤᠯᠴᠣᠳ ᠲᠤ ︽ᠳᠦᠷᠪᠡᠨ ᠳᠡᠭᠡᠭᠡ ᠭᠤᠷᠪᠠᠨ ᠳᠣᠭᠤᠢ︾ ᠭᠡᠬᠦ ᠣᠨᠢᠰᠤᠭ᠎ᠠ ᠪᠠᠶᠢᠳᠠᠭ ᠨᠢ ᠶᠠᠭ ᠡᠭᠦᠨ ᠢ ᠬᠡᠯᠡᠵᠦ ᠪᠠᠶᠢᠬᠤ ᠶᠤᠮ᠃ ᠲᠣᠯᠭ᠎ᠠ ᠪᠠᠨ ᠰᠠᠶᠢᠬᠠᠨ ᠴᠡᠪᠡᠷᠯᠡᠭᠰᠡᠨ ᠤ ᠰᠡᠭᠦᠯᠡᠷ ᠰᠠᠶ᠋ᠢ ᠭᠠᠯ ᠢᠶᠠᠨ ᠲᠠᠬᠢᠳᠠᠭ᠃  ᠭᠠᠯ ᠲᠠᠬᠢᠬᠤ ᠳᠤ 23 ᠤ ᠦᠳᠡ ᠶᠢᠨ ᠬᠤᠶᠢᠨ᠎ᠠ ᠬᠤᠨᠢᠨ ᠤ ᠡᠪᠴᠢᠭᠦᠥ᠂ ᠬᠠ᠂ ᠤᠭᠤᠴᠠ ᠲᠡᠷᠢᠭᠦᠲᠡᠨ ᠢ ᠦᠶᠡᠯᠡᠭᠡᠳ ᠶᠡᠭᠡ ᠲᠣᠭᠤᠭᠠᠨ ᠳᠤ ᠴᠢᠨᠠᠵᠣ ᠪᠣᠯᠭᠤᠭᠠᠳᠠᠭ᠃ ᠪᠠᠰᠠ ᠬᠤᠨᠢᠨ ᠤ ᠵᠠᠶᠢᠳᠠᠰᠣ ︵ᠬᠤᠳᠣᠭᠤᠳᠣ ᠭᠡᠳᠡᠰᠦ ᠡᠯᠢᠭᠡ ᠪᠦᠭᠡᠷ᠎ᠡ ᠵᠡᠷᠭᠡ ᠳᠤᠲᠣᠷ ᠡᠷᠬᠡᠲᠡᠨ ᠪᠦᠷᠢᠨ ᠪᠠᠶᠢᠳᠠᠭ᠂ ᠡᠨᠡ ᠨᠢ ᠡᠪᠦᠯ ᠤᠨ ᠢᠳᠡᠰᠢ ᠢᠳᠡᠬᠦ ᠶᠢᠨ ᠦᠶ᠎ᠡ ᠳᠤ ᠲᠣᠰᠬᠠᠶᠢᠯᠠᠨ ᠭᠠᠯ ᠲᠠᠬᠢᠬᠤ ᠵᠠᠶᠢᠳᠠᠰᠤ ᠬᠢᠳᠡᠭ︶ ᠪᠠᠨ ᠪᠠᠰᠠ ᠴᠢᠨᠠᠳᠠᠭ᠃ ᠪᠣᠯᠣᠭᠰᠠᠨ ᠡᠪᠴᠢᠭᠦᠨ ᠤ ᠪᠠᠨ ᠮᠢᠬ᠎ᠠ  ᠶᠢ ᠱᠤᠯᠤᠵᠤ ᠶᠠᠰᠣ ᠶᠢ ᠨᠢ ᠬᠤᠨᠢᠨ ᠭᠦᠵᠡᠭᠡᠨ ᠤ ᠰᠡᠮᠵᠡᠨ ᠦᠭᠡᠬᠦᠨ ᠳᠤ ᠤᠷᠢᠶᠠᠬᠤ ᠪᠦᠭᠡᠳ ᠭᠠᠳᠠᠭᠤᠷ ᠨᠢ ᠴᠠᠭᠠᠨ ᠬᠤᠨᠢᠨ ᠣᠩᠭᠠᠰᠣᠨ ᠣᠳᠠᠰᠣ ᠢᠶᠠᠷ ᠤᠷᠢᠶᠠᠵᠣ᠂ ᠡᠪᠴᠢᠭᠦᠨ ᠶᠠᠰᠣᠨ ᠤ ᠳᠤᠮᠳᠠ ᠨᠢ ᠰᠢᠷ᠎ᠠ ᠲᠣᠰᠣ᠂ ᠪᠣᠳᠠᠭ᠎ᠠ᠂ ᠤᠯᠠᠭᠠᠨ ᠴᠢᠪᠠᠭ᠎ᠠ ︵ᠵᠠᠪᠠᠯ ᠪᠠᠶᠢᠬᠤ ᠬᠡᠷᠡᠭᠲᠠᠢ︶ ᠠᠮᠤᠰᠤ ᠪᠤᠳᠠᠭ᠎ᠠ ᠵᠡᠷᠭᠡ ᠪᠠᠨ ᠬᠢᠵᠦ ᠭᠠᠯ ᠳᠠᠭᠠᠨ ᠡᠷᠭᠦᠬᠦ ᠪᠠᠷ ᠪᠡᠯᠡᠳᠬᠡᠨ᠎ᠡ᠃ ᠪᠠᠰᠠ ᠭᠠᠯ ᠤᠨ ᠤᠩᠭᠤᠨ ᠬᠢᠬᠦ ᠬᠡᠷᠡᠭᠲᠠᠢ᠃ ᠭᠠᠯ ᠤᠨ ᠣᠩᠭᠤᠨ ︵ᠵᠠᠷᠢᠮ ᠨᠢ ᠪᠠᠰᠠ ᠭᠠᠯ ᠤᠨ ᠡᠮᠦᠰᠭᠡᠯ ᠭᠡᠳᠡᠭ︶ ᠢ ᠬᠢᠬᠦ ᠳᠤ ᠬᠡᠭᠡᠷ᠎ᠡ ᠠᠴᠠ ᠬᠤᠯᠤᠰᠤ ᠡᠪᠡᠰᠦᠨ ᠤ ᠤᠷᠣᠢ ᠤᠯᠵᠤ ᠢᠷᠡᠨ᠎ᠡ᠂ ᠲᠠᠪᠣᠨ ᠦᠩᠭᠡ ︵ᠬᠦᠬᠡ᠂ ᠴᠠᠭᠠᠨ᠂ ᠣᠯᠠᠭᠠᠨ᠂ ᠰᠢᠷ᠎ᠠ᠂ ᠨᠣᠭᠤᠭᠠᠨ ᠦᠩᠭᠡ ᠶᠢ ᠬᠢᠵᠦ ᠬᠠᠷ᠎ᠠ ᠥᠩᠭᠡ ᠶᠢ ᠬᠢᠬᠦ ᠦᠭᠡᠢ︶ ᠶᠢᠨ ᠪᠦᠰ ᠤᠨ ᠦᠭᠡᠳᠡᠰᠦ ᠤᠯᠵᠣ ᠲᠡᠭᠦᠨ ᠢᠶᠠᠨ ᠬᠤᠶᠠᠷ ᠬᠤᠷᠣᠭᠤ ᠦᠷᠭᠡᠨ ᠳᠦᠷᠪᠡᠨ ᠬᠤᠷᠣᠭᠤ ᠣᠷᠲᠣ ᠳᠦᠷᠪᠡᠯᠵᠢᠯᠡᠨ ᠬᠠᠶᠢᠴᠢᠯᠠᠵᠣ᠂ ᠲᠠᠪᠣᠨ ᠦᠩᠭᠡ ᠶᠢ ᠨᠢᠭᠡ ᠬᠡᠯᠬᠢᠶ᠎ᠡ ᠪᠣᠯᠭᠠᠨ ᠲᠠᠪᠣᠨ ᠬᠡᠯᠬᠢᠶ᠎ᠡ ᠵᠤᠬᠢᠶᠠᠵᠤ ᠲᠠᠪᠣᠨ ᠬᠤᠯᠣᠰᠣ ᠡᠪᠡᠰᠦᠨ ᠤ ᠤᠷᠤᠢ ︵ᠬᠤᠯᠣᠰᠣᠨ ᠣᠷᠣᠢ ᠣᠯᠳᠠᠬᠤ ᠦᠭᠡᠢ ᠪᠣᠯ ᠳᠡᠷᠡᠰᠦᠨ ᠤᠷᠤᠢ ᠴᠦ ᠪᠣᠯᠣᠨ᠎ᠠ︶ ᠪᠦᠷᠢ ᠳᠤ ᠨᠢᠭᠡ ᠬᠡᠯᠬᠢᠶ᠎ᠡ ᠤᠶᠠᠵᠣ᠂ ᠨᠢᠭᠡ ᠶᠢ ᠨᠢ ᠡᠪᠴᠢᠭᠦᠥ ᠲᠠᠢ ᠬᠠᠮᠲᠦ ᠭᠠᠯ ᠤᠨ ᠭᠤᠥᠯ ᠳᠤ ᠡᠷᠭᠦᠨ᠂ ᠨᠦᠭᠦᠭᠡ ᠲᠦᠷᠪᠡ ᠶᠢ ᠲᠣᠯᠭᠠᠨ ᠤ ᠣᠴᠤᠭ ᠪᠦᠷᠢ ᠳᠤ ᠨᠢᠭᠡ ᠶᠢ ᠡᠯᠭᠦᠬᠦ ᠪᠠᠷ ᠪᠡᠯᠡᠳᠬᠡᠨ᠎ᠡ᠃ ᠭᠠᠯ ᠤᠨ ᠪᠣᠷᠬᠠᠨ  ᠢᠶᠠᠨ ᠡᠪᠴᠢᠭᠦᠥ ᠪᠠᠷ ᠲᠠᠬᠢᠵᠣ ᠪᠠᠶᠢᠬᠤ ᠨᠢ ᠪᠦᠬᠦᠯᠢ ᠬᠤᠨᠢ ᠪᠠᠷ ᠲᠠᠬᠢᠬᠤ ᠪᠠᠨ ᠳᠦᠭᠦᠮᠴᠢᠯᠡᠭᠰᠡᠨ ᠶᠠᠪᠣᠳᠠᠯ ᠪᠣᠯᠣᠨ᠎ᠠ ᠃ ᠮᠣᠩᠭᠤᠯᠴᠣᠳ ᠬᠤᠨᠢ ᠪᠠᠨ ᠠᠯᠠᠬᠤ ᠶᠢᠨ ᠦᠶ᠎ᠡ ᠳᠤ ᠬᠤᠨᠢᠨ ᠡᠪᠴᠢᠭᠦᠨ ᠤ ᠬᠡᠰᠡᠭ ᠲᠤᠨᠢ ᠵᠢᠭᠠᠬᠠᠨ ᠠᠷᠠᠰᠣ ᠦᠯᠡᠳᠡᠭᠡᠳᠡᠭ ᠨᠢ ᠮᠦᠨ ᠴᠦ ᠪᠦᠬᠦᠯᠢ ᠬᠤᠨᠢ ᠪᠠᠷ ᠲᠠᠬᠢᠵᠣ ᠪᠠᠶᠢᠬᠤ ᠰᠠᠨᠠᠭ᠎ᠠ ᠶᠤᠮ᠃ ᠪᠠᠰᠠ ᠮᠣᠩᠭᠤᠯᠴᠣᠳ ᠡᠪᠴᠢᠭᠦᠥ ᠪᠠᠷ ᠬᠡᠥᠬᠡᠨ ᠢᠶᠠᠨ ᠡᠷᠬᠢᠳᠡᠭ ᠪᠦᠭᠡᠳ ᠡᠪᠴᠢᠭᠦᠥ ᠶᠢ ᠭᠤᠥᠯᠳᠠᠭᠤ ᠡᠮᠡᠭᠳᠠᠢ ᠬᠦᠮᠦᠨ ᠳᠤ ᠵᠠᠷᠣᠳᠠᠭ ᠲᠣᠯᠠ ᠭᠠᠯ ᠤᠨ ᠡᠬᠡ ︵ᠭᠠᠯ ᠤᠨ ᠪᠣᠷᠬᠠᠨ︶ ᠢᠶᠠᠨ ᠲᠠᠬᠢᠬᠤ ᠳᠤ ᠮᠦᠨ ᠴᠦ ᠡᠪᠴᠢᠭᠦᠥ ᠪᠠᠷ ᠭᠤᠥᠯᠳᠠᠭᠤᠯᠵᠣ ᠲᠠᠬᠢᠳᠠᠭ ᠨᠢ ᠵᠠᠶᠢᠯᠠᠰᠢ ᠦᠭᠡᠢ ᠬᠡᠷᠡᠭ ᠶᠤᠮ᠃  ᠭᠠᠯ ᠲᠠᠬᠢᠬᠤ ᠳᠤ ᠤᠷᠢᠳᠠᠪᠡᠷ ᠬᠡᠭᠡᠷ᠎ᠡ ᠠᠴᠠ ᠠᠷᠢᠭᠤᠨ ᠴᠡᠪᠡᠷ ᠬᠠᠭᠤᠷᠠᠢ ᠬᠠᠶᠢᠯᠠᠰᠣᠨ ᠮᠣᠳᠣᠨ ᠲᠦᠯᠡᠭᠡ ᠤᠯᠵᠣ ᠠᠪᠴᠢᠷᠠᠨ ᠰᠢᠷ᠎ᠠ ᠪᠦᠷᠦᠢ ᠶᠢᠨ ᠣᠳᠣ ᠪᠠᠷᠢᠯᠳᠣᠬᠤ ᠦᠶ᠎ᠡ ᠪᠠᠷ ᠲᠤᠯᠭᠠᠨ ᠳᠠᠭᠠᠨ ᠰᠢᠨ᠎ᠡ ᠭᠠᠯ ᠨᠤᠴᠣᠭᠠᠨ᠎ᠠ᠃ ᠲᠣᠯᠭ᠎ᠠ ᠭᠠᠯ ᠲᠦᠯᠡᠵᠦ ᠪᠠᠶᠢᠭ᠎ᠠ ᠭᠡᠷ ᠲᠤ ᠰᠢᠪᠠᠷ ᠢᠶᠠᠷ ᠳᠦᠷᠪᠡᠯᠵᠢᠨ ᠬᠤᠪᠢᠩ ᠪᠠᠷᠢᠳᠠᠭ ︵ᠳᠦᠷᠪᠡᠨ ᠦᠨᠴᠦᠭ ᠲᠤᠨᠢ ᠳᠦᠷᠪᠡᠨ ᠵᠣᠯᠠ ᠠᠰᠠᠭᠠᠵᠣ᠂ ᠳᠦᠷᠪᠡᠨ ᠵᠣᠯᠠ ᠨᠢ ᠲᠠᠷᠣᠢ ᠳᠦᠷᠪᠡᠨ ᠲᠢᠪ ᠢ ᠲᠦᠯᠦᠭᠡᠯᠡᠵᠦ᠂ ᠮᠣᠩᠭᠤᠯᠴᠣᠳ ᠳᠦᠷᠪᠡᠨ ᠲᠢᠪ ᠢᠶᠠᠷ ᠪᠠᠳᠠᠷᠠᠨ ᠮᠠᠨᠳᠣᠵᠣ ᠶᠠᠪᠣᠬᠤ ᠶᠢ ᠪᠡᠯᠡᠭᠰᠢᠶᠡᠭᠰᠡᠨ ᠪᠠᠶᠢᠳᠠᠭ︶᠃ ᠲᠡᠷᠡ ᠳᠦᠷᠪᠡᠨ ᠦᠨᠴᠦᠭ ᠳᠡᠭᠡᠷ᠎ᠡ ᠨᠢ ᠲᠣᠰᠬᠠᠢ ᠪᠡᠯᠡᠳᠭᠡᠭᠰᠡᠨ ᠭᠠᠯ ᠤᠨ ᠲᠠᠬᠢᠯᠭ᠎ᠠ  ᠶᠢᠨ ᠵᠢᠵᠢᠭ ᠴᠣᠮᠣ ᠪᠤᠶᠤ ᠠᠶᠠᠭ᠎ᠠ ᠳᠤᠲᠤᠷ᠎ᠠ ᠠᠮᠤᠰᠤ ᠪᠣᠳᠠᠭ᠎ᠠ ᠪᠠᠭ᠎ᠠ ᠬᠢᠵᠦ ᠵᠣᠯᠠ ᠶᠢᠨ ᠭᠤᠥᠯ ᠢᠶᠠᠨ ᠲᠤᠭᠲᠠᠭᠠᠵᠤ ᠰᠢᠷ᠎ᠠ ᠲᠣᠰᠣ ᠬᠠᠶᠢᠯᠠᠭᠤᠯᠵᠣ ᠬᠢᠭᠡᠳ ᠵᠤᠯᠠ ᠪᠠᠨ ᠠᠰᠠᠭᠠᠨ ᠡᠷᠭᠦᠨ᠎ᠡ᠃ ᠬᠡᠷᠪᠡ ᠲᠣᠰᠬᠠᠢ ᠠᠶᠠᠭ᠎ᠠ ᠴᠤᠮᠣ ᠦᠭᠡᠢ ᠪᠣᠯ ᠨᠣᠬᠤᠭᠰᠠᠨ ᠭᠤᠯᠢᠷ ᠢᠶᠠᠷ ᠴᠦᠭᠦᠴᠡ ᠬᠢᠭᠡᠳ ᠭᠤᠥᠯ ᠢᠶᠠᠨ ᠰᠠᠭᠤᠯᠭᠠᠭᠠᠳ ᠰᠢᠷ᠎ᠠ ᠲᠣᠰᠣ ᠬᠢᠵᠦ ᠵᠤᠯᠠ ᠪᠠᠷᠢᠨ᠎ᠠ᠃ ᠲᠦᠷᠪᠡᠨ ᠵᠣᠯᠠ ᠪᠠᠨ ᠲᠦᠷᠪᠡᠯᠵᠢᠯᠡᠨ ᠬᠡᠰᠡᠭᠯᠡᠭᠰᠡᠨ ᠴᠠᠭᠠᠨ ᠮᠣᠥᠲᠸᠥ ᠴᠠᠭᠠᠰᠣ ᠪᠣᠶᠣ ᠰᠢᠷ᠎ᠠ ᠴᠠᠭᠠᠰᠣᠨ ᠲᠡᠭᠡᠷ᠎ᠡ ᠲᠠᠯᠪᠢᠳᠠᠭ᠃ ᠡᠨᠡ ᠦᠶ᠎ᠡ ᠳᠤ ᠲᠣᠯᠭᠠᠨ ᠭᠠᠯ ᠴᠢᠨᠢ ᠬᠦᠭᠵᠢᠭᠰᠡᠨ ᠪᠠᠶᠢᠪᠠᠯ ᠳᠦᠷᠪᠡᠨ ᠣᠴᠤᠭ ᠪᠦᠷᠢ ᠳᠤ ᠨᠢᠭᠡ ᠭᠠᠯ ᠤᠨ ᠣᠩᠭᠤᠨ ᠢᠶᠠᠨ ᠡᠷᠭᠦᠵᠦ᠂ ᠵᠠᠰᠠᠭᠰᠠᠨ ᠡᠪᠴᠢᠭᠦᠥ ᠶᠢᠨ ᠲᠠᠬᠢᠯᠭ᠎ᠠ ᠪᠠᠨ ᠡᠷᠭᠦᠵᠦ᠂ ᠬᠦᠵᠢ ᠵᠤᠯᠠ᠂ ᠢᠳᠡᠭᠡᠨ ᠤ ᠳᠡᠭᠡᠵᠢ ᠵᠡᠷᠭᠡ ᠪᠠᠨ ᠪᠦᠬᠦᠨ ᠢ ᠡᠷᠭᠦᠵᠦ᠂ ᠡᠷᠦᠬᠡ ᠭᠡᠷ ᠤᠨ ᠢᠶᠠᠨ ᠦᠭᠡᠳᠡ ᠡᠰᠡᠷᠡᠭ ᠪᠠᠶᠢᠬᠤ ᠪᠠ ᠦᠷ᠎ᠡ ᠠᠴᠢ ᠨᠠᠷ ᠤᠨ ᠢᠶᠠᠨ ᠡᠷᠡᠭᠦᠯ ᠮᠡᠨᠳᠦ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠦᠭᠡᠢ ᠡᠩᠬᠡ ᠠᠮᠣᠭᠤᠯᠠᠩ ᠪᠠᠶᠢᠵᠣ᠂ ᠡᠯᠳᠡᠪ ᠮᠠᠭᠤ ᠢᠷᠸ᠎ᠠ ᠶᠢᠨ ᠣᠴᠠᠷᠠᠯ ᠦᠭᠡᠢ᠂ ᠬᠡᠶᠢᠮᠣᠷᠢ ᠵᠢᠪᠬᠤᠭ᠎ᠠ ᠲᠠᠢ ᠰᠠᠶᠢᠨ ᠰᠠᠶᠢᠬᠠᠨ ᠪᠠᠶᠢᠬᠤ ᠶᠢ ᠭᠠᠯ ᠤᠨ ᠪᠣᠷᠬᠠᠨ ᠳᠠᠭᠠᠨ ᠳᠠᠭᠠᠳᠬᠠᠨ ᠵᠠᠯᠪᠠᠷᠢᠨ ᠮᠦᠷᠭᠦᠳᠡᠭ ᠪᠠᠶᠢᠯ᠎ᠠ᠃ ᠭᠡᠷ ᠤᠨ ᠡᠵᠡᠨ ᠰᠢᠷ᠎ᠠ ᠲᠣᠰᠣ ᠠᠷᠢᠬᠢ ᠪᠠᠨ ᠨᠢᠭᠡ ᠤᠳᠠᠭ᠎ᠠ ᠡᠷᠭᠦᠬᠦ ᠪᠦᠷᠢ ᠭᠤᠷᠪᠠᠨᠲᠠ ᠮᠦᠷᠭᠦᠵᠦ᠂ ᠪᠦᠭᠦᠳᠡᠭᠡᠷ ᠢᠶᠠᠨ ᠭᠤᠷᠪᠠ ᠭᠤᠷᠪᠠ ᠶᠢᠰᠦᠨᠲᠡ ᠮᠦᠷᠭᠦᠨ᠎ᠡ᠃ ᠵᠠᠷᠢᠮ ᠨᠢ ᠪᠠᠰᠠ ᠭᠠᠯ ᠤᠨ ᠢᠷᠦᠭᠡᠯ ᠤᠩᠰᠢᠵᠣ ᠡᠷᠭᠦᠯᠲᠡ ᠪᠠᠨ ᠡᠷᠭᠦᠭᠡᠳ ᠰᠠᠶ᠋ᠢ ᠮᠦᠷᠭᠦᠨ᠎ᠡ ︵ᠵᠠᠷᠢᠮ ᠶᠡᠭᠡ ᠬᠡᠷ ᠪᠦᠯᠢ ᠨᠢ ᠯᠠᠮ᠎ᠠ ᠵᠠᠯᠠᠵᠣ ᠭᠠᠯ ᠤᠨ ᠰᠣᠳᠣᠷ ᠣᠩᠰᠢᠭᠤᠯᠳᠠᠭ᠃ ᠷᠠᠰᠢᠶᠠᠯᠠᠨ᠎ᠠ ᠬᠡᠮᠡᠨ ᠨᠢᠭᠤᠷ ᠭᠠᠷ ᠢᠶᠠᠨ ᠣᠬᠢᠶᠠᠯᠭᠠᠳᠠᠭ︶᠃ ᠭᠠᠯ ᠢᠶᠠᠨ ᠲᠠᠬᠢᠵᠣ ᠪᠠᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠭᠠᠯ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠬᠡᠰᠢᠭ ᠠᠴᠠ ᠪᠠᠨ ᠲᠡᠭᠷᠢ ᠪᠣᠷᠬᠠᠨ ᠳᠠᠭᠠᠨ ᠡᠷᠭᠦᠵᠦ᠂ ᠠᠭᠤᠯᠠ ᠣᠰᠣᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠵᠡᠷᠭᠡ ᠡᠷᠭᠦᠳᠡᠭ ᠪᠦᠬᠦᠨ ᠳᠤ ᠪᠦᠷ ᠡᠷᠭᠦᠭᠡᠳ ᠲᠠᠬᠢᠨ ᠦᠪᠡᠷ ᠤᠨ ᠲᠡᠭᠡᠳᠦᠰ ᠲᠡᠭᠡᠨ ᠡᠷᠭᠦᠨ᠎ᠡ᠃ ᠡᠷᠬᠦᠯᠲᠡ ᠪᠠᠨ ᠡᠷᠭᠦᠵᠦ ᠪᠠᠷᠠᠪᠠᠯ᠂ ᠭᠠᠯ ᠤᠨ ᠳᠠᠯᠠᠯᠭ᠎ᠠ ᠠᠪᠣᠨ᠎ᠠ᠃ ᠭᠠᠯ ᠤᠨ ᠳᠠᠯᠠᠯᠭ᠎ᠠ ᠠᠪᠬᠤ ᠳᠤ ᠲᠣᠰᠬᠠᠢ ᠪᠡᠯᠡᠳᠭᠡᠭᠰᠡᠨ ᠳᠠᠯᠠᠯᠠᠯᠭ᠎ᠠ ᠶᠢᠨ ᠰᠠᠭᠤᠯᠠᠭ᠎ᠠ ᠪᠠᠨ ᠬᠡᠷᠡᠭᠯᠡᠵᠦ ᠳᠠᠯᠠᠯᠠᠯᠭ᠎ᠠ ᠠᠪᠣᠨ᠎ᠠ᠂ ᠬᠡᠷᠪᠡ ᠲᠣᠰᠬᠠᠢ ᠶᠠᠭᠤᠮ᠎ᠠ ᠦᠭᠡᠢ ᠪᠣᠯ ᠠᠯᠲᠠ ᠮᠦᠩᠭᠦᠨ ᠲᠠᠪᠠᠭ ᠪᠣᠶᠣ ᠮᠣᠳᠣ᠂ ᠱᠠᠵᠠᠩ ᠫᠢᠯᠠᠨ ᠳᠣᠲᠣᠷ᠎ᠠ ᠳᠤᠥᠷ᠎ᠠ ᠨᠢ ᠬᠠᠭᠤᠷᠣᠭᠰᠠᠨ ᠪᠣᠳᠠᠭ᠎ᠠ ᠬᠢᠵᠣ ᠳᠡᠭᠡᠷ᠎ᠡ ᠨᠢ ᠬᠤᠷᠣᠳ ᠲᠣᠰᠣ ᠪᠣᠭᠤᠷᠰᠤᠭ᠂ ᠪᠤᠷᠮ᠎ᠠ ᠰᠢᠬᠢᠷ ᠵᠡᠷᠭᠡ ᠠᠮᠲᠠᠲᠠᠨ ᠤ ᠵᠦᠢᠯ ᠢᠶᠠᠨ ᠦᠷᠦᠵᠦ ᠲᠠᠯᠪᠢᠭᠠᠳ ᠭᠡᠷ ᠤᠨ ᠡᠵᠡᠨ ᠭᠠᠯ ᠤᠨ ᠢᠶᠠᠨ ᠡᠮᠦᠨ᠎ᠡ ᠰᠦᠭᠦᠳᠴᠦ ᠰᠠᠭᠤᠭᠠᠳ ᠲᠠᠪᠠᠭ ᠲᠠᠢ ᠵᠦᠢᠯ ᠢᠶᠠᠨ ᠡᠷᠭᠦᠨ ᠪᠠᠷᠢᠵᠤ ᠵᠦᠪ ᠢᠶᠠᠷ ᠡᠷᠭᠢᠭᠦᠯᠦᠨ ᠬᠡᠰᠢᠭ ᠪᠣᠶᠠᠨ ᠬᠤᠷᠤᠢ ᠬᠤᠷᠤᠢ︕ ᠠᠯᠲᠠ ᠮᠦᠩᠭᠦ᠂ ᠠᠳᠤᠭᠤ ᠮᠠᠯ᠂ ᠠᠯᠢᠪᠠ ᠵᠦᠢᠯ ᠤᠨ ᠬᠡᠰᠢᠭ ᠪᠦᠬᠦᠨ ᠬᠤᠷᠤᠢ ᠬᠤᠷᠤᠢ︕ ᠬᠤᠷᠤᠢ ᠬᠤᠷᠣᠢ ᠭᠡᠵᠦ ᠬᠡᠳᠦᠨᠲᠡ ᠬᠤᠷᠤᠶᠢᠯᠠᠭᠠᠳ ᠪᠣᠷᠬᠠᠨ ᠤ ᠪᠠᠨ ᠡᠮᠦᠨ᠎ᠡ ᠲᠠᠯᠪᠢᠭᠠᠳ ᠦᠷᠭᠦᠯᠵᠢᠯᠡᠨ ᠭᠤᠷᠪᠠᠨ ᠦᠷᠯᠦᠭᠡ ᠳᠠᠯᠠᠯᠭ᠎ᠠ ᠠᠪᠬᠤ ᠬᠡᠷᠡᠭᠲᠠᠢ ᠶᠤᠮ᠃ ᠲᠡᠭᠡᠭᠡᠳ ᠲᠡᠭᠦᠨ ᠢᠶᠠᠨ ᠢᠳᠡᠬᠦ ᠳᠤ ᠭᠠᠯ ᠤᠨ ᠬᠡᠰᠢᠭ ᠭᠡᠵᠦ ᠭᠡᠷ ᠠᠴᠠ ᠪᠣᠰᠣᠳ ᠬᠦᠮᠦᠨ ᠳᠤ ᠢᠳᠡᠭᠦᠯᠳᠡᠭ ᠦᠭᠡᠢ᠃ ᠭᠠᠯ ᠲᠠᠬᠢᠭᠰᠠᠨ ᠭᠤᠷᠪᠠᠨ ᠡᠳᠦᠷ ᠲᠤ ᠪᠣᠰᠣᠳ ᠲᠤ ᠵᠣᠭᠤᠰ ᠮᠦᠩᠭᠦ ᠪᠠ ᠡᠳ᠋ ᠪᠣᠳᠠᠰ ᠦᠭᠳᠡᠭ ᠦᠭᠡᠢ ᠴᠡᠭᠡᠷ ᠲᠠᠢ᠃ ᠪᠠᠰᠠ ᠭᠤᠷᠪᠠ ᠬᠤᠨᠤᠭ ᠦᠨᠡᠰᠦ ᠪᠠᠨ ᠬᠠᠶᠠᠬᠤ ᠳᠠᠭᠠᠨ ᠭᠤᠷᠪᠠᠨ ᠴᠢᠮᠬᠢ ᠪᠣᠴᠠᠭᠠᠳᠠᠭ ᠶᠤᠮ᠃ ᠡᠨᠡ ᠨᠢ ᠪᠠᠷᠤᠭ ᠯᠠ ᠬᠦᠷᠦᠩᠭᠡ ᠮᠦᠩᠭᠦ ᠪᠠᠨ ᠬᠤᠭᠤᠰᠣᠷᠠᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠭᠰᠠᠨ ᠶᠠᠪᠣᠳᠠᠯ ᠶᠤᠮ᠃ ᠮᠦᠨ ᠴᠦ ᠭᠠᠯ ᠤᠨ ᠬᠡᠰᠢᠭ  ᠢᠶᠠᠨ ᠦᠯᠡᠳᠡᠭᠡᠵᠦ ᠪᠠᠶᠢᠬᠤ ᠰᠠᠨᠠᠭᠠᠲᠠᠢ᠃ ᠲᠡᠭᠡᠭᠡᠳ ᠭᠡᠷ ᠲᠡᠭᠡᠨ ᠤᠷᠤᠵᠤ ᠰᠠᠭᠤᠯᠴᠠᠵᠣ᠂ ᠨᠠᠰᠣᠲᠠᠶᠢᠴᠣᠳ ᠳᠠᠭᠠᠨ ᠠᠷᠢᠬᠢ ᠰᠠᠷᠬᠤᠳ ᠢᠶᠠᠨ ᠡᠷᠭᠦᠨ ᠪᠠᠷᠢᠵᠣ ᠪᠦᠭᠦᠳᠡᠭᠡᠷ ᠢᠶᠠᠨ ᠭᠠᠯ ᠤᠨ ᠬᠡᠰᠢᠭ ᠮᠢᠬ᠎ᠠ ᠰᠢᠭᠦᠰᠦ ᠪᠠ ᠠᠮᠤᠰᠤ ᠪᠣᠳᠠᠭ᠎ᠠ ᠪᠠᠨ ᠢᠳᠡᠨ᠎ᠡ᠃ ᠢᠳᠡᠭᠰᠡᠨ ᠤ ᠳᠠᠷᠠᠭ᠎ᠠ ᠰᠠᠪᠠᠨ ᠳᠤ ᠠᠮᠣᠰᠣ ᠪᠠ ᠬᠠᠪᠢᠷᠭ᠎ᠠ᠂ ᠰᠡᠭᠡᠷ ᠵᠡᠷᠭᠡ ᠮᠢᠬ᠎ᠠ᠂ ᠬᠤᠨᠢᠨ ᠤ ᠭᠡᠳᠡᠰᠦ ᠬᠤᠥᠰ ᠵᠡᠷᠭᠡ ᠶᠢ ᠬᠢᠵᠦ ᠪᠡᠷᠢᠶᠡᠳ ᠬᠡᠥᠬᠡᠳ ᠢᠶᠠᠨ ᠭᠦᠶᠦᠯᠭᠡᠵᠦ ᠬᠠᠷᠢᠯᠴᠠᠨ ᠬᠦᠷᠭᠡᠯᠴᠡᠳᠡᠭ ᠪᠠᠶᠢᠨ᠎ᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠨᠤᠮ ᠲᠠᠢ ᠨᠦᠬᠦᠷᠯᠠᠪᠠᠯ ᠨᠢᠳᠦ ᠨᠡᠭᠡᠭᠡᠭᠳᠡᠨ᠎ᠠ
ᠬᠡᠷ ᠤᠨ ᠬᠦᠮᠤᠵᠢᠯ ᠤᠨ ᠲᠠᠪᠤᠨ ᠤᠬᠠᠮᠰᠠᠷ
ᠵᠢᠷᠠᠨ ᠣᠷᠬᠢᠵᠦ ᠳᠣᠭᠯᠠᠬᠤ
ᠠᠯᠲᠠᠨ ᠮᠡᠯᠡᠬᠡᠢ ᠣᠷᠣᠵᠣ ᠳᠣᠭᠯᠠᠬᠤ
ᠱᠠᠭ᠎ᠠ ᠨᠢᠰᠠᠯᠵᠣ ᠳᠣᠭᠯᠠᠬᠤ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05010860号