| ᠭᠢᠳᠠᠨᠴᠤᠳ ᠤᠨ ᠬᠠᠨᠢ ᠨᠦᠬᠦᠷ — ᠠᠪᠠ ᠶᠢᠨ ᠨᠣᠬᠠᠢ | | ᠭᠢᠳᠠᠨ ᠦᠨᠳᠦᠰᠦᠲᠡᠨ ᠪᠣᠯ ᠮᠠᠨ ᠤ ᠤᠯᠤᠰ ᠤᠨ ᠤᠮᠠᠷᠠᠲᠤ ᠶᠢᠨ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨ ᠤ ᠨᠢᠭᠡ | ᠪᠣᠯᠤᠨᠠ᠃ ᠭᠢᠳᠠᠨᠴᠤᠳ ᠡᠯᠡᠰᠦ ᠮᠠᠩᠬᠠ ᠣᠢ ᠰᠢᠭᠤᠢ ᠲᠠᠯᠠ ᠨᠤᠲᠤᠭ ᠢᠶᠠᠷ ᠤᠷᠳᠤ ᠬᠤᠭᠤᠴᠠᠭᠠ ᠣᠷᠤᠰᠢᠨ | ᠠᠮᠢᠳᠤᠷᠠᠵᠤ᠂ ᠳ᠋ᠦᠩᠬᠤ᠂ ᠰᠢᠶᠠᠨᠪᠢᠴᠤᠳ ᠤᠨ ᠡᠭᠦᠳᠦᠨ ᠪᠠᠶᠢᠭᠤᠯᠤᠭᠰᠠᠨ ᠲᠠᠯᠠ ᠨᠤᠲᠤᠭ ᠤᠨ ᠰᠤᠶᠤᠯ ᠢ | ᠤᠯᠠᠮᠵᠢᠯᠠᠵᠤ ᠵᠠᠯᠭᠠᠮᠵᠢᠯᠠᠨ᠂ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠨ ᠠᠪᠤᠭᠠᠳ ᠨᠡᠭᠦᠳᠡᠯ ᠮᠠᠯᠵᠢᠯ ᠪᠠ ᠠᠪᠠ ᠠᠩᠨᠠᠯ ᠳᠤ | ᠲᠦᠰᠢᠭᠯᠡᠵᠦ ᠠᠮᠢᠳᠤᠷᠠᠭᠰᠠᠭᠠᠷ ᠢᠷᠡᠵᠡᠢ᠃ ︽ᠯᠢᠶᠤᠤ ᠤᠯᠤᠰ ᠤᠨ ᠰᠤᠳᠤᠷ︾ ︵︽辽史︾︶ 32 ᠳ᠋ᠤᠭᠠᠷ | ᠪᠣᠳᠢ ︽ᠰᠠᠭᠤᠷᠢᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠲᠡᠮᠳᠡᠭᠯᠡᠯ ᠳᠤᠮᠳᠠᠳᠤ︾ ︵︽营卫志中︾︶ ᠳᠤ | ᠭᠢᠳᠠᠨᠴᠤᠳ ᠤᠨ ᠣᠷᠤᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠪᠠᠶᠢᠭᠠᠯᠢ ᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ ᠬᠢᠭᠡᠳ ᠭᠤᠣᠯ ᠪᠣᠯᠬᠤ | ᠠᠵᠤ ᠠᠬᠤᠢ ᠠᠮᠢᠳᠤᠷᠠᠯ ᠢ ︽᠁ ᠡᠯᠡᠰᠦ ᠮᠠᠩᠬᠠᠨ ᠤ ᠳᠤᠮᠳᠠ᠂ ᠬᠠᠬᠢᠷ ᠬᠦᠢᠲᠡᠨ ᠰᠠᠯᠬᠢ ᠪᠣᠷᠤᠭᠠᠨ ᠢ | ᠰᠥᠷᠦᠨ᠂ ᠮᠠᠯ ᠮᠠᠯᠵᠢᠬᠤ ᠪᠠ ᠠᠩ ᠠᠩᠨᠠᠨ᠂ ᠦᠰᠦᠲᠠᠢ ᠳᠡᠪᠡᠯ ᠢᠶᠠᠷ ᠬᠤᠪᠴᠠᠰᠤ ᠬᠢᠵᠦ᠂ ᠲᠡᠷᠭᠡ ᠤᠨᠤᠭᠠ ᠪᠠᠷ | ᠭᠡᠷ ᠣᠷᠣᠨ ᠢᠶᠠᠨ ᠪᠣᠯᠭᠠᠵᠠᠢ︾ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠣᠢ᠃ ᠪᠠᠰᠠ ᠲᠤᠰ ᠰᠤᠳᠤᠷ ᠤᠨ ︽ᠬᠦᠨᠡᠰᠦ ᠪᠠᠷᠠᠭᠠ ᠶᠢᠨ | ᠲᠡᠮᠳᠡᠭᠯᠡᠯ︾ ︵ ︽食货志︾︶ ᠳᠤ᠄ ︽ᠡᠷᠲᠡᠨ ᠤ ᠭᠢᠳᠠᠨᠴᠤᠳ ᠠᠪᠠ ᠠᠩᠨᠠᠯ ᠢᠶᠠᠷ ᠡᠳᠦᠷ ᠲᠣᠳᠣᠮ ᠤᠨ | ᠠᠮᠢᠳᠤᠷᠠᠯ ᠳᠤ ᠬᠡᠷᠡᠭᠰᠡᠬᠦ ᠵᠦᠢᠯ ᠢᠶᠠᠨ ᠬᠠᠩᠭᠠᠵᠤ ᠪᠠᠶᠢᠵᠠᠢ︾ ᠭᠡᠵᠦ ᠲᠡᠮᠳᠡᠭᠯᠡᠵᠡᠢ᠃ ᠡᠭᠦᠨ ᠠᠴᠠ ᠦᠵᠡᠬᠦ ᠳᠤ᠂ | ᠠᠩᠨᠠᠬᠤ ᠦᠢᠯᠡᠳᠪᠦᠷᠢᠯᠡᠯ ᠪᠣᠯ ᠲᠡᠳᠡᠨ ᠤ ᠪᠦᠬᠦᠶᠢᠯᠡ ᠠᠵᠤ ᠠᠬᠤᠢ ᠶᠢᠨ ᠠᠵᠢᠯᠯᠠᠭᠠᠨ ᠤ ᠭᠤᠣᠯ ᠴᠦᠮᠡ ᠶᠢᠨ | ᠨᠢᠭᠡ ᠪᠠᠶᠢᠵᠠᠢ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠤᠨᠠ᠃ | ᠯᠢᠶᠤᠤ ᠤᠯᠤᠰ ᠤᠨ ᠦᠶᠡ ᠳᠤ᠂ ᠭᠢᠳᠠᠨᠴᠤᠳ ᠠᠪᠠ ᠠᠩᠨᠠᠯ ᠬᠢᠬᠦ ᠳᠡᠭᠡᠨ ᠨᠤᠮᠤ ᠰᠤᠮᠤ᠂ ᠬᠢᠲᠤᠭᠠ ᠰᠡᠯᠡᠮᠡ᠂ | ᠵᠢᠳᠠᠨ ᠫᠤᠤ᠂ ᠰᠢᠳᠠᠮ ᠪᠤᠷᠤᠤᠬᠠᠢ᠂ ᠭᠢᠨᠵᠢ ᠪᠢᠯᠠᠭᠤ ᠵᠡᠷᠭᠡ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠬᠡᠷᠡᠭᠯᠡᠬᠦ ᠠᠴᠠ ᠭᠠᠳᠠᠨᠠ᠂ ᠮᠣᠷᠢ᠂ | ᠬᠠᠷᠴᠠᠭᠠᠢ᠂ ᠠᠪᠠ ᠶᠢᠨ ᠨᠣᠬᠠᠢ ᠵᠠᠷᠤᠵᠤ᠂ ᠡᠭᠦᠨ ᠳᠤ ᠣᠨᠴᠠᠭᠠᠶᠢᠯᠠᠨ ᠠᠪᠠ ᠶᠢᠨ ᠨᠣᠬᠠᠢ ᠶᠢ ᠢᠯᠡᠭᠦᠦ | ᠲᠦᠰᠢᠭᠯᠡᠵᠦ ᠪᠠᠶᠢᠵᠠᠢ᠃ ᠠᠪᠠ ᠶᠢᠨ ᠨᠣᠬᠠᠢ ᠶᠢᠨ ᠠᠪᠠ ᠠᠩᠨᠠᠯ ᠬᠢᠬᠦ ᠳᠤ ᠦᠵᠡᠭᠦᠯᠦᠭᠰᠡᠨ ᠴᠢᠬᠤᠯᠠ | ᠦᠢᠯᠡᠳᠦᠯ ᠤᠨ ᠲᠤᠬᠠᠢ ︽ᠯᠢᠶᠤᠤ ᠤᠯᠤᠰ ᠤᠨ ᠰᠤᠳᠤᠷ︾ ᠲᠤ ᠨᠡᠯᠢᠶᠡᠳ ᠣᠯᠠᠨ ᠲᠡᠮᠳᠡᠭᠯᠡᠭᠡᠰᠥᠲᠡᠢ᠃ | ᠵᠢᠱᠢᠶᠡᠯᠡᠪᠡᠯ᠂ ᠰᠢᠩᠽᠦ᠋ᠩ ᠬᠠᠭᠠᠨ ᠶᠧᠯᠢᠦᠢ ᠽᠥᠩ ᠵᠧᠨ ᠤ ᠴᠥᠩ ᠰᠢ ᠶᠢᠨ ᠬᠤᠷᠢᠨ ᠭᠤᠷᠪᠠᠳᠤᠭᠠᠷ ᠣᠨ ︵ | 1053 ᠣᠨ︶ ᠤ ᠶᠢᠰᠦᠨ ᠰᠠᠷᠠ ᠳᠤ᠂ ︽ᠠᠪᠠ ᠠᠩᠨᠠᠯ ᠤᠨ ᠳᠤᠮᠳᠠ ᠭᠤᠷᠪᠠᠨ ᠪᠠᠷᠰ ᠳᠤᠷ ᠤᠴᠠᠷᠠᠨ᠂ | ᠠᠪᠠ ᠶᠢᠨ ᠨᠣᠬᠠᠢ ᠶᠢᠨ ᠬᠦᠴᠦᠨ ᠳᠤᠷ ᠪᠠᠷᠢᠪᠠ᠃︾ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠬᠤ ᠪᠠᠷ ᠦᠵᠡᠬᠦ ᠳᠤ ᠡᠨᠡ ᠪᠣᠯ ᠨᠢᠭᠡ | ᠤᠳᠠᠭᠠᠨ ᠤ ᠬᠠᠭᠠᠨ ᠪᠡᠶᠡ ᠪᠠᠷ ᠢᠶᠠᠨ ᠣᠷᠤᠯᠴᠠᠭᠰᠠᠨ ᠶᠡᠭᠡ ᠬᠦᠷᠢᠶᠡ ᠠᠪᠠ ᠪᠣᠯᠤᠨᠠ᠃ ︽ᠭᠤᠷᠪᠠᠨ ᠪᠠᠷᠰ ᠢ | ᠪᠠᠷᠢᠵᠤ︾ ᠳᠡᠶᠢᠯᠵᠦ ᠪᠠᠶᠢᠬᠤ ᠨᠢ ᠭᠤᠷᠪᠠ ᠲᠠᠪᠤᠨ ᠠᠪᠠ ᠶᠢᠨ ᠨᠣᠬᠠᠢ ᠪᠠᠶᠢᠭᠠᠳ ᠪᠦᠲᠦᠬᠦ ᠶᠠᠪᠤᠳᠠᠯ ᠯᠠᠪᠲᠠᠢ ᠪᠢᠰᠢ᠂ | ᠪᠣᠳᠤᠬᠤᠶᠠ ᠲᠡᠷᠡ ᠭᠤᠷᠪᠠᠨ ᠪᠠᠷᠰ ᠨᠢ ᠨᠢᠭᠡ ᠰᠦᠷᠦᠭ ᠠᠪᠠ ᠶᠢᠨ ᠨᠣᠬᠠᠢ ᠳᠤ ᠳᠠᠪᠬᠤᠷ ᠳᠠᠪᠬᠤᠷ ᠪᠦᠰᠡᠯᠡᠭᠳᠡᠵᠦ᠂ | ᠡᠭᠡᠯᠵᠢᠯᠡᠨ ᠳᠠᠭᠠᠷᠢᠯᠲᠠ ᠬᠢᠬᠦ ᠪᠠᠷ ᠳᠠᠮᠵᠢᠭᠤᠯᠤᠨ᠂ ᠤᠷᠠᠵᠤ ᠰᠡᠭᠯᠡᠨ᠂ ᠭᠤᠷᠪᠠᠨ ᠪᠠᠷᠰ ᠢ ᠰᠢᠷᠬᠠᠳᠤᠭᠤᠯᠵᠤ ᠬᠦᠴᠦ | ᠲᠠᠮᠢᠷ ᠢ ᠨᠢ ᠪᠠᠷᠠᠭᠠᠭᠠᠳ ᠰᠠᠶ᠋ᠢ ᠪᠠᠷᠢᠵᠤ ᠳᠡᠶᠢᠯᠦᠭᠰᠡᠨ ᠪᠠᠶᠢᠳᠠᠯ ᠲᠠᠢ᠂ ᠡᠭᠦᠨ ᠠᠴᠠ ᠲᠤᠬᠠᠢ ᠶᠢᠨ ᠦᠶᠡ ᠳᠤ | ᠠᠪᠠ ᠶᠢᠨ ᠨᠣᠬᠠᠢ ᠠᠪᠠ ᠠᠩᠨᠠᠯ ᠳᠤ ᠲᠤᠩ ᠶᠡᠭᠡ ᠦᠢᠯᠡᠳᠦᠯ ᠭᠠᠷᠭᠠᠵᠤ ᠪᠠᠶᠢᠵᠠᠢ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠤᠨᠠ᠃ | ᠭᠢᠳᠠᠨᠴᠤᠳ ᠠᠪᠠ ᠶᠢᠨ ᠨᠣᠬᠠᠢ ᠰᠤᠩᠭᠤᠬᠤ ᠶᠢ ᠮᠠᠰᠢ ᠬᠦᠨᠳᠦᠳᠬᠡᠳᠡᠭ᠃ ᠵᠢᠷᠢᠮ ᠠᠶᠢᠮᠠᠭ ᠤᠨ ᠬᠦᠷᠢᠶᠡ | ᠬᠤᠰᠢᠭᠤᠨ ᠤ ᠯᠢᠶᠤᠤ ᠶᠢᠨ ᠵᠢᠷᠭᠤᠳᠤᠭᠠᠷ ᠣᠩᠭᠤᠨ ᠤ ᠬᠠᠨᠠᠨ ᠵᠢᠷᠤᠭ ︽ᠶᠠᠪᠤᠵᠤ ᠰᠠᠭᠤᠬᠤ ᠵᠢᠷᠤᠭ︾ ︵出行 | 图︶ ᠳᠡᠭᠡᠷᠡ ᠨᠢᠭᠡ ᠬᠦᠷᠡᠩ ᠨᠣᠬᠠᠢ ᠶᠢᠨ ᠬᠦᠷᠦᠭ ᠪᠠᠶᠢᠳᠠᠭ᠃ ᠡᠨᠡ ᠨᠣᠬᠠᠢ ᠨᠢ ᠬᠤᠩᠰᠢᠶᠠᠷ ᠤᠷᠲᠤ᠂ ᠬᠥᠯ | ᠤᠷᠲᠤ᠂ ᠨᠠᠷᠢᠬᠠᠨ ᠪᠡᠶᠡ ᠲᠠᠢ᠂ ᠦᠵᠡᠭᠰᠡᠨ ᠪᠣᠯᠭᠠᠨ ᠳᠤ ᠨᠢᠭᠡ ᠵᠦᠢᠯ ᠤᠨ ᠬᠤᠷᠴᠠ ᠰᠡᠷᠭᠡᠭ ᠪᠦᠭᠡᠳ ᠲᠣᠭᠰᠢᠨ | ᠰᠢᠷᠦᠭᠦᠨ ᠭᠡᠰᠡᠨ ᠲᠦᠷᠦᠭᠳᠡᠯ ᠦᠭᠴᠦ᠂ ᠬᠦᠵᠦᠭᠦᠨ ᠳᠡᠭᠡᠨ ᠰᠢᠷᠠ ᠥᠩᠭᠡ ᠶᠢᠨ ᠬᠦᠵᠦᠭᠦᠪᠴᠢ ᠵᠡᠭᠦᠨ᠂ ᠪᠡᠶᠡ ᠨᠢ | ᠣᠩᠭᠤᠨ ᠤ ᠥᠷᠥᠭᠡ ᠤᠷᠤᠭᠤ ᠬᠠᠨᠳᠤᠵᠤ᠂ ᠬᠤᠶᠢᠰᠢ ᠡᠷᠭᠢᠨ ᠬᠠᠷᠠᠵᠤ ᠪᠠᠶᠢᠭᠠ ᠳᠦᠷᠰᠦ ᠶᠢ ᠵᠢᠷᠤᠭᠯᠠᠵᠠᠢ᠃ | ᠱᠣᠣ ᠴᠢᠩ ᠯᠦᠩ ᠤᠨ ᠰᠣᠳᠤᠯᠤᠭᠰᠠᠨ ᠢᠶᠠᠷ᠂ ᠡᠨᠡ ᠨᠣᠬᠠᠢ ᠪᠣᠯ ᠭᠢᠳᠠᠨ ᠨᠣᠬᠠᠢ — ᠨᠠᠷᠢᠨ ᠦᠨᠳᠦᠷ ᠨᠣᠬᠠᠢ᠃ | ︽ᠭᠢᠳᠠᠨᠴᠤᠳ ᠤᠨ ᠤᠯᠤᠰ ᠤᠨ ᠣᠶᠢᠯᠠᠯᠭᠠ︾ ᠳᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠬᠤ ᠪᠠᠷ ᠨᠠᠷᠢᠬᠠᠨ ᠦᠨᠳᠦᠷ ᠨᠣᠬᠠᠢ ᠪᠣᠯ | ᠭᠢᠳᠠᠨ ᠤ ᠪᠠᠶᠠᠳ ᠢᠵᠠᠭᠤᠷᠲᠠᠳ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠡᠷᠭᠦᠨᠡ ᠭᠤᠣᠯ ᠤᠨ ᠤᠷᠤᠰᠬᠠᠯ ᠳᠠᠭᠠᠤ ᠣᠷᠣᠨ ᠳᠤ | ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠮᠣᠩᠭᠤᠯᠴᠤᠳ ᠠᠴᠠ ᠠᠪᠤᠭᠰᠠᠨ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠨᠣᠬᠠᠢ ᠪᠣᠯᠤᠨᠠ᠃ ᠪᠠᠰᠠ ᠱᠣᠣ | ᠭᠦᠸᠧ ᠲᠢᠶᠠᠨ ᠤ ︽ᠠᠤᠬᠠᠨ ᠬᠤᠰᠢᠭᠤᠨ ᠤ ᠯᠠᠮᠠ ᠶᠢᠨ ᠭᠤᠤ ᠳᠠᠬᠢ ᠯᠢᠶᠤᠤ ᠶᠢᠨ ᠣᠩᠭᠤᠨ ᠤ ᠬᠠᠨᠠᠨ ᠵᠢᠷᠤᠭ︾ | ᠭᠡᠬᠦ ᠵᠣᠬᠢᠶᠠᠯ ᠳᠤ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ᠄ ᠲᠤᠰ ᠣᠩᠭᠤᠨ ᠤ ᠵᠡᠭᠦᠨ ᠬᠠᠨᠠ ᠶᠢᠨ ︽ᠶᠠᠪᠤᠵᠤ ᠰᠠᠭᠤᠬᠤ ᠵᠢᠷᠤᠭ | ︾ ᠳᠡᠭᠡᠷᠡ ᠨᠢᠭᠡᠨ ᠭᠦᠶᠦᠵᠦ ᠪᠠᠶᠢᠭᠠ ᠴᠠᠭᠠᠨ ᠨᠣᠬᠠᠢ ᠵᠢᠷᠤᠵᠤ᠂ ᠭᠡᠳᠡᠰᠦ ᠨᠠᠷᠢᠨ᠂ ᠬᠥᠯ ᠤᠷᠲᠤ ᠪᠦᠭᠡᠳ ᠲᠣᠮᠣ | ᠪᠡᠶᠡ ᠲᠠᠢ᠂ ᠠᠪᠠ ᠶᠢᠨ ᠨᠣᠬᠠᠢ ᠶᠢᠨ ᠲᠥᠷᠥᠯ ᠳᠤ ᠬᠠᠷᠢᠶᠠᠯᠠᠭᠳᠠᠨᠠ᠃ ᠡᠨᠡ ᠨᠣᠬᠠᠢ ᠨᠢ ᠬᠦᠷᠢᠶᠡ ᠬᠤᠰᠢᠭᠤᠨ ᠤ | ᠵᠢᠷᠭᠤᠳᠤᠭᠠᠷ ᠨᠣᠮᠧᠷᠲᠤ ᠯᠢᠶᠤᠤ ᠶᠢᠨ ᠣᠩᠭᠤᠨ ᠤ ᠬᠠᠨᠠᠨ ᠵᠢᠷᠤᠭ ᠳᠡᠭᠡᠷᠡᠬᠢ ᠬᠦᠷᠡᠩ ᠨᠣᠬᠠᠢ ᠲᠠᠢ ᠨᠡᠯᠢᠶᠡᠳ | ᠠᠳᠠᠯᠢ ᠪᠠᠶᠢᠵᠤ᠂ ᠮᠦᠨ ᠴᠦ ︽ᠨᠠᠷᠢᠨ ᠦᠨᠳᠦᠷ ᠨᠣᠬᠠᠢ︾ ᠳᠤ ᠬᠠᠷᠢᠶᠠᠯᠠᠭᠳᠠᠨᠠ ᠭᠡᠵᠡᠢ᠃ | ᠲᠡᠥᠬᠡᠨ ᠰᠤᠳᠤᠷ ᠪᠢᠴᠢᠭ ᠲᠤ ᠭᠢᠳᠠᠨ ᠨᠤᠬᠠᠢ ᠶᠢᠨ ᠲᠤᠬᠠᠢ ᠲᠡᠮᠳᠡᠭᠯᠡᠯ ᠮᠤᠩ ᠦᠭᠡᠢ ᠣᠯᠠᠨ ᠪᠠᠶᠢᠭᠠ | ᠪᠣᠯᠪᠠᠴᠤ ᠨᠠᠷᠢᠨ ᠲᠠᠶᠢᠯᠪᠦᠷᠢᠯᠠᠯ ᠲᠤᠶᠢᠯ ᠤᠨ ᠴᠥᠬᠡᠨ ᠶᠤᠮ᠃ ᠯᠢᠶᠤᠤ ᠶᠢᠨ ᠣᠩᠭᠤᠨ ᠤ ᠬᠠᠨᠠᠨ ᠵᠢᠷᠤᠭ ᠳᠡᠭᠡᠷᠡ | ᠭᠢᠳᠠᠨ ᠨᠣᠬᠠᠢ ᠶᠢᠨ ᠳᠦᠷᠢ ᠲᠥᠯᠥᠪ ᠤᠨ ᠵᠢᠷᠤᠭᠯᠠᠯ ᠣᠯᠠᠨ ᠪᠠᠶᠢᠳᠠᠭ᠂ ᠭᠡᠪᠡᠴᠦ ᠴᠦᠮ ᠬᠠᠰᠢ ᠶᠠᠰᠢ ᠳᠦᠭᠦᠮ | ᠠᠪᠰᠠᠷ ᠪᠠᠶᠢᠳᠠᠭ᠃ ᠵᠣᠯ ᠢᠶᠠᠷ 2003 ᠣᠨ ᠤ 10 —11 ᠰᠠᠷᠠ ᠶᠢᠨ ᠦᠶᠡ ᠪᠠᠷ᠂ ᠰᠤᠳᠤᠯᠭᠠᠲᠠᠳ ᠠᠴᠠ | ᠭᠢᠳᠠᠨᠴᠤᠳ ᠤᠨ ᠳᠡᠭᠡᠳᠦᠰ ᠤᠨ ᠣᠩᠭᠤᠨ ᠤ ᠭᠠᠵᠠᠷ ᠳᠣᠣᠷᠠ ᠬᠠᠭᠠᠰ ᠪᠣᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠴᠢᠯᠠᠭᠤᠨ ᠬᠦᠮᠦᠨ ᠢ | ᠴᠡᠪᠡᠷᠯᠡᠵᠦ ᠠᠷᠢᠯᠭᠠᠬᠤ ᠦᠶᠡᠰ᠂ ᠴᠢᠯᠠᠭᠤᠨ ᠬᠦᠮᠦᠨ ᠤ ᠪᠠᠷᠠᠭᠤᠨ ᠲᠠᠯᠠ ᠶᠢᠨ 1.2 ᠮᠧᠲᠷ ᠵᠠᠢ ᠲᠠᠢ ᠭᠠᠵᠠᠷ | ᠳᠣᠣᠷᠠ ᠠᠴᠠ ᠨᠢᠭᠡᠨ ᠴᠢᠯᠠᠭᠤᠨ ᠱᠤᠭᠤᠮᠠᠯ ᠬᠡᠪᠲᠡᠭᠡ ᠨᠣᠬᠠᠢ ᠢᠯᠡᠷᠡᠭᠦᠯᠪᠡ᠃ ᠡᠨᠡᠬᠦ ᠨᠣᠬᠠᠢ ᠨᠢ ᠲᠥᠭᠳᠦᠶᠢᠭ᠌ᠰᠡᠨ | ᠮᠠᠩᠨᠠᠢ ᠡᠷᠡᠶᠢᠭᠰᠡᠨ ᠨᠢᠳᠦ ᠲᠠᠢ᠂ ᠤᠷᠲᠤ ᠬᠤᠩᠰᠢᠶᠠᠷ ᠱᠤᠪᠤᠭᠤᠷ ᠴᠢᠬᠢ ᠲᠠᠢ᠂ ᠤᠷᠢᠳᠤ ᠬᠤᠶᠠᠷ ᠬᠥᠯ ᠢᠶᠠᠨ | ᠰᠣᠯᠪᠢᠴᠠᠨ ᠤᠷᠤᠭᠰᠢ ᠵᠢᠭᠢᠵᠦ᠂ ᠲᠣᠯᠤᠭᠠᠢ ᠪᠠᠨ ᠬᠤᠶᠠᠷ ᠬᠥᠯ ᠳᠡᠭᠡᠷᠡ ᠪᠠᠨ ᠳᠡᠷᠡᠯᠡᠨ᠂ ᠵᠡᠭᠦᠨ ᠲᠠᠯᠠ ᠪᠠᠷ ᠢᠶᠠᠨ | ᠬᠠᠵᠠᠭᠤᠯᠠᠨ ᠬᠡᠪᠲᠡᠵᠡᠢ᠃ ᠬᠦᠵᠦᠭᠦᠦ ᠴᠡᠭᠡᠵᠢᠨ ᠤ ᠬᠡᠰᠡᠭ ᠨᠢ ᠦᠷᠭᠡᠨ᠂ ᠭᠡᠳᠡᠰᠦ ᠪᠠᠷ ᠢᠶᠠᠨ ᠨᠠᠷᠢᠨ᠂ ᠬᠥᠯ | ᠤᠷᠲᠤ ᠬᠢᠮᠤᠰᠤ ᠨᠢ ᠬᠤᠷᠴᠠᠯᠢᠭ᠂ ᠤᠷᠲᠤ ᠰᠡᠭᠦᠯ ᠨᠢ ᠭᠤᠶᠠ ᠶᠢ ᠨᠢ ᠳᠠᠭᠠᠭᠠᠳ ᠳᠣᠷᠤᠭᠰᠢ ᠤᠨᠵᠢᠵᠤ᠂ | ᠰᠡᠭᠦᠯ ᠤᠨ ᠦᠵᠦᠭᠦᠷ ᠤᠨ ᠬᠡᠰᠡᠭ ᠨᠢ ᠮᠣᠷᠤᠢ ︵ᠬᠡᠷᠪᠡ ᠰᠡᠭᠦᠯ ᠤᠨ ᠦᠵᠦᠭᠦᠷ ᠢ ᠨᠢ ᠠᠰᠬᠠᠨ ᠪᠣᠯᠭᠠᠪᠠᠯ ᠪᠠᠷᠤᠭ | 1.7 ᠮᠧᠲᠷ ᠤᠷᠲᠤ︶ ᠬᠠᠷᠠᠭᠳᠠᠨᠠ᠃ ᠢᠳᠡ ᠬᠦᠴᠦ ᠲᠠᠢ ᠪᠡᠶᠡ ᠪᠢᠷᠠ ᠬᠢᠭᠡᠳ ᠤᠷᠲᠤ ᠬᠤᠩᠰᠢᠶᠠᠷ ᠬᠤᠷᠴᠠᠯᠢᠭ | ᠬᠢᠮᠦᠰᠤ ᠵᠡᠷᠭᠡ ᠣᠨᠴᠠᠯᠢᠭ ᠠᠴᠠ ᠨᠢ ᠭᠢᠳᠠᠨᠴᠤᠳ ᠤᠨ ᠠᠪᠠ ᠶᠢᠨ ᠨᠣᠬᠠᠢ ᠶᠢᠨ ᠬᠤᠷᠴᠠ ᠰᠡᠷᠭᠡᠭ ᠪᠦᠭᠡᠳ ᠲᠣᠭᠰᠢᠨ | ᠰᠢᠷᠦᠭᠦᠨ ᠰᠢᠨᠵᠢ ᠲᠡᠮᠳᠡᠭ ᠢ ᠣᠯᠵᠤ ᠬᠠᠷᠠᠬᠤ ᠪᠣᠯᠪᠠᠴᠤ ᠲᠡᠷᠡᠬᠦ ᠴᠠᠭᠠᠷᠢᠭᠯᠠᠵᠤ ᠬᠡᠪᠲᠡᠭᠰᠡᠨ ᠳᠦᠷᠢ ᠪᠠᠶᠢᠳᠠᠯ ᠨᠢ | ᠬᠦᠮᠦᠰ ᠲᠤ ᠪᠠᠰᠠ ᠨᠣᠮᠣᠬᠠᠨ ᠵᠥᠭᠡᠯᠡᠨ ᠡᠭᠡᠯᠢᠲᠠᠢ ᠬᠠᠷᠠᠭᠳᠠᠨᠠ᠃ ᠡᠨᠡᠬᠦ ᠠᠪᠠ ᠶᠢᠨ ᠨᠣᠬᠠᠢ ᠶᠢᠨ ᠱᠤᠭᠤᠮᠠᠯ ᠨᠢ | ᠪᠠᠷᠤᠭ ᠶᠧᠯᠢᠦᠢ ᠠᠪᠤᠤᠵᠢ ᠶᠢᠨ ᠠᠮᠢᠳᠤ ᠰᠡᠷᠡᠭᠦᠨ ᠦᠶᠡ ᠶᠢᠨ ᠬᠠᠶᠢᠷᠠᠲᠤ ᠨᠣᠬᠠᠢ ᠨᠢ ᠪᠠᠶᠢᠬᠠ᠃ ᠲᠡᠷᠡ ᠨᠣᠬᠠᠢ | ᠲᠠᠶᠢᠽᠦ ᠬᠠᠭᠠᠨ ᠢ ᠳᠠᠭᠠᠵᠤ ᠭᠠᠳᠠᠭᠰᠢ ᠠᠶᠠᠯᠠᠨ᠂ ᠡᠵᠡᠨ ᠤ ᠪᠠᠨ ᠠᠮᠤᠷ ᠲᠥᠪᠰᠢᠨ ᠢ ᠪᠠᠲᠤᠯᠠᠬᠤ ᠶᠢᠨ ᠲᠥᠯᠥᠭᠡ᠂ | ᠬᠠᠮᠢᠭᠠ ᠴᠦ ᠲᠥᠭᠡ ᠰᠠᠯᠤᠯ ᠦᠭᠡᠢ ᠳᠠᠭᠠᠳᠠᠭ︔ ᠬᠦᠷᠢᠶᠡ ᠠᠪᠠ ᠬᠢᠬᠦ ᠦᠶᠡ ᠳᠤ᠂ ᠶᠠᠮᠠᠷᠴᠤ ᠳᠣᠭᠰᠢᠨ | ᠰᠢᠷᠦᠭᠦᠨ ᠠᠷᠢᠶᠠᠲᠠᠨ ᠲᠠᠢ ᠤᠴᠠᠷᠠᠭᠰᠠᠨ ᠴᠦ ︽ᠡᠷᠡᠯᠬᠡᠭᠯᠡᠨ ᠪᠠᠶᠢᠯᠳᠤᠵᠤ︾᠂ ᠲᠡᠷᠢᠭᠦᠨ ᠭᠠᠪᠢᠶᠠ ᠪᠠᠶᠢᠭᠤᠯᠳᠠᠭ | ᠪᠠᠶᠢᠨᠠ᠃ ᠲᠢᠶᠠᠨ ᠰᠢᠶᠠᠨ ᠤ ᠲᠡᠷᠢᠭᠦᠨ ᠣᠨ ︵926 ᠣᠨ︶ ᠳᠤ ᠯᠢᠶᠤᠤ ᠲᠠᠶᠢᠽᠦ ᠬᠠᠭᠠᠨ ᠲᠡᠭᠷᠢ ᠳᠤ ᠬᠠᠯᠢᠵᠤ | ᠂ ᠲᠡᠭᠦᠨ ᠤ ᠬᠠᠶᠢᠷᠠᠲᠤ ᠨᠤᠬᠠᠢ ᠨᠢ ᠠᠪᠠ ᠠᠩᠨᠠᠯ ᠳᠤ ᠣᠷᠤᠯᠴᠠᠬᠤ ᠪᠠᠨ ᠪᠠᠶᠢᠵᠤ᠂ ᠡᠵᠡᠨ ᠤ ᠪᠠᠨ ᠣᠩᠭᠤᠨ ᠤ | ᠡᠮᠦᠨᠡ ᠡᠳᠦᠷ ᠰᠦᠨᠢ ᠦᠭᠡᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠠᠢ᠃ ᠮᠢᠩᠭᠠ ᠭᠠᠷᠤᠢ ᠵᠢᠯ ᠤᠨ ᠡᠮᠦᠨᠡ ᠪᠦᠲᠦᠭᠡᠭᠳᠡᠭᠰᠡᠨ ᠡᠨᠡᠬᠦ | ᠴᠢᠯᠠᠭᠤᠨ ᠱᠤᠭᠤᠮᠠᠯ ᠬᠡᠪᠲᠡᠭᠡ ᠨᠣᠬᠠᠢ ᠶᠢᠨ ᠠᠮᠢᠳᠤ ᠳᠦᠷᠰᠦᠯᠢᠭ ᠳᠦᠷᠢ ᠳᠥᠷᠬᠦ ᠨᠢ ᠶᠧᠯᠢᠥᠢ ᠠᠪᠤᠤᠵᠢ ᠪᠠᠷ | ᠲᠦᠯᠦᠭᠡᠯᠡᠭᠦᠯᠦᠭᠰᠡᠨ ᠭᠢᠳᠠᠨᠴᠤᠳ ᠪᠣᠯᠤᠨ ᠠᠪᠠ ᠶᠢᠨ ᠨᠣᠬᠠᠢ ᠶᠢᠨ ᠬᠤᠭᠤᠷᠣᠨᠳᠤᠬᠢ ᠰᠠᠯᠵᠤ ᠪᠣᠯᠤᠰᠢ ᠦᠭᠡᠢ | ᠰᠡᠳᠬᠢᠯᠭᠡ ᠶᠢ ᠠᠮᠢᠯᠠᠭᠤᠯᠤᠨ ᠢᠯᠡᠷᠡᠭᠦᠯᠵᠡᠢ᠃ ᠭᠢᠳᠠᠨᠴᠤᠳ ᠠᠪᠠ ᠶᠢᠨ ᠨᠣᠬᠠᠢ ᠳᠤ ᠶᠡᠷᠦ ᠠᠴᠠ ᠪᠠᠨ ᠭᠦᠨ | ᠵᠤᠵᠠᠭᠠᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠲᠠᠢ ᠪᠠᠶᠢᠵᠤ᠂ ᠲᠡᠳᠡᠨ ᠢ ᠥᠪᠡᠷ ᠤᠨ ᠢᠶᠠᠨ ᠦᠨᠡᠨᠴᠢ ᠬᠠᠨᠢ ᠨᠦᠬᠦᠷ ᠢᠶᠠᠷ ᠦᠵᠡᠳᠡᠭ | ᠪᠠᠶᠢᠨᠠ᠃ | ᠶᠧᠯᠢᠦᠢ ᠠᠪᠤᠤᠵᠢ ᠨᠠᠰᠤ ᠨᠦᠭᠴᠢᠭᠰᠡᠨ ᠤ ᠳᠠᠷᠠᠭᠠ᠂ ᠭᠢᠳᠠᠨᠴᠤᠳ ᠳᠤᠮᠳᠠᠳᠤ ᠣᠷᠣᠨ ᠤ ᠬᠢ ᠳᠠᠭᠤᠷᠢᠶᠠᠨ | ᠲᠡᠭᠦᠨ ᠳᠤ ᠭᠠᠵᠠᠷ ᠳᠣᠣᠷᠠᠬᠢ ᠣᠷᠳᠣ ᠬᠠᠷᠰᠢ ᠪᠠᠶᠢᠭᠤᠯᠵᠤ ᠥᠭᠪᠡ᠃ ᠭᠡᠪᠡᠴᠦ ᠭᠠᠵᠠᠷ ᠳᠡᠭᠡᠷᠡ ᠣᠳᠣ ᠪᠣᠯᠲᠠᠯᠠ | ᠳᠤᠮᠳᠠᠳᠤ ᠣᠷᠣᠨ ᠤ ᠬᠠᠭᠠᠨ ᠤ ᠣᠩᠭᠤᠨ ᠤ ᠬᠤᠶᠠᠷ ᠲᠠᠯᠠ ᠪᠠᠷ ᠪᠠᠶᠢᠭᠤᠯᠤᠭᠰᠠᠨ ᠪᠢᠯᠢᠭᠲᠦ ᠭᠦᠷᠦᠭᠡᠰᠦ᠂ | ᠰᠠᠭᠤᠭᠠ ᠠᠷᠰᠯᠠᠨ ᠮᠡᠲᠦ ᠶᠢᠨ ᠴᠢᠯᠠᠭᠤᠨ ᠬᠦᠷᠦᠭ ᠣᠯᠵᠤ ᠬᠠᠷᠠᠭᠳᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠭᠢᠳᠠᠨᠴᠤᠳ | ᠴᠢᠯᠠᠭᠤ ᠪᠠᠷ ᠠᠪᠠ ᠶᠢᠨ ᠨᠣᠬᠠᠢ ᠶᠢᠨ ᠬᠦᠷᠦᠭ ᠱᠤᠭᠤᠵᠤ᠂ ᠯᠢᠶᠤᠤ ᠲᠠᠶᠢᠽᠦ ᠶᠢᠨ ᠣᠩᠭᠤᠨ ᠢ ᠰᠠᠬᠢᠭᠤᠯᠤᠭᠰᠠᠨ | ᠪᠠᠶᠢᠨᠠ᠃ ᠡᠨᠡ ᠪᠣᠯ ᠳᠠᠷᠤᠢ ᠥᠪᠡᠷᠮᠢᠴᠡ ᠬᠡᠪ ᠨᠠᠮᠪᠠ ᠲᠠᠢ ᠯᠢᠶᠤᠤ ᠶᠢᠨ ᠲᠥᠷᠥ ᠶᠢᠨ ᠦᠶᠡ ᠳᠠᠬᠢ | ᠭᠢᠳᠠᠨᠴᠤᠳ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠪᠠ ᠠᠩ ᠠᠩᠨᠠᠯ ᠤᠨ ᠰᠤᠶᠤᠯ ᠤᠨ ᠨᠢᠭᠡᠨ ᠭᠡᠷᠡᠯᠲᠦ ᠣᠳᠣᠨ ᠪᠣᠯᠤᠨᠠ᠃ | | |