ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠪᠠᠭ᠋ᠠᠷᠤᠮ᠎ᠠ  ᠰᠠᠶᠢᠬᠠᠨ  ᠠᠭᠤᠯᠠ  ᠤᠰᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015/8/12
            ᠪᠠᠭ᠋ᠠᠷᠤᠮ᠎ᠠ  ᠰᠠᠶᠢᠬᠠᠨ  ᠠᠭᠤᠯᠠ  ᠤᠰᠤ                                                                                                             ᠰ᠊᠂  ᠮᠦᠩᠬᠡᠪᠠᠶᠠᠷ                ᠨᠢᠭᠡ᠂ ︽ᠤᠯᠠᠭᠠᠨ ᠳᠠᠪᠠᠭ᠎ᠠ︾ ᠶᠢᠨ ᠲᠠᠭᠤᠳᠠᠯᠭ᠎ᠠ ᠵᠢᠴᠢ ᠪᠠᠶᠢᠷᠢᠰᠢᠯ        ᠤᠯᠠᠭᠠᠨ ᠳᠠᠪᠠᠭ᠎ᠠ ᠨᠣᠳᠤᠭ ᠪᠤᠯ ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ ᠤ ᠴᠤᠯᠤ ᠮᠠᠯᠵᠢᠬᠤ ᠭᠤᠷᠪᠡᠨ ᠰᠤᠮᠤ ᠶᠢᠨ ᠨᠢᠭᠡ᠃ ᠡᠮᠤᠨᠡᠬᠦᠷ ᠢᠶᠠᠨ ᠠᠷᠤ ᠬᠤᠷᠴᠢᠨ ᠤ ᠪᠡᠷᠬᠡ ᠶᠢᠨ ᠬᠤᠳᠳᠤᠭ᠂  ᠵᠡᠬᠦᠨ ᠪᠠᠭᠠᠷᠢᠨ ᠤ ᠭᠤᠷᠪᠡᠨ  ᠠᠭᠤᠯᠠ ᠰᠢᠶᠠᠩ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠵᠡᠬᠦᠨ ᠲᠠᠯ᠎ᠠ ᠪᠠᠷ ᠢᠶᠠᠨ ᠠᠷᠤ ᠬᠤᠷᠴᠢᠨ ᠤ ᠪᠠᠶᠠᠨ ᠦᠨᠳᠤᠷ ᠰᠤᠮᠤ ᠲᠠᠢ ᠬᠦᠷᠰᠢᠯᠡᠨ᠂ ᠠᠷᠤ ᠪᠠᠷ ᠢᠶᠠᠨ ᠦᠵᠤᠮᠤᠴᠢᠨ ᠤ ᠪᠤᠷᠭᠠᠰᠤᠳᠠᠢ᠂ ᠬᠠᠨ ᠠᠭᠤᠯᠠ ᠰᠤᠮᠤ ᠲᠠᠢ ᠬᠢᠯᠢ ᠵᠠᠬᠠᠯᠠᠵᠤ᠂ ᠪᠠᠷᠠᠭᠤᠨ ᠲᠠᠯ᠎ᠠ ᠪᠠᠷ ᠢᠶᠠᠨ ᠬᠤᠭᠤᠯᠠᠳᠤ ᠰᠢᠶᠠᠩ ᠲᠠᠢ ᠵᠡᠷᠬᠡᠴᠡᠨ ᠤᠷᠤᠰᠢᠵᠤ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩ ᠢᠶᠠᠷ ᠭᠤᠤᠯ ᠪᠤᠯᠭᠠᠵᠤ ᠵᠢᠴᠢ ᠪᠤᠰᠤᠳ ᠵᠦᠢᠯ ᠤᠨ ᠡᠵᠡᠩᠨᠡᠯᠳᠠ ᠶᠢ ᠬᠠᠪᠰᠤᠷᠭᠠᠬᠰᠡᠨ ᠴᠤᠯᠤ ᠮᠠᠯᠵᠢᠬᠤ ᠰᠤᠮᠤ ᠶᠤᠮ᠃ ᠤᠯᠠᠭᠠᠨᠳᠠᠪᠠᠭ᠎ᠠ ᠨᠣᠳᠤᠭ ᠨᠢ ᠠᠭᠤᠯᠠ ᠤᠰᠤ ᠦᠵᠡᠮᠵᠢ ᠲᠡᠬᠦᠰ᠂ ᠠᠭᠤᠷᠬᠠᠢ ᠶᠢᠨ ᠭᠠᠷᠤᠯᠳᠠ ᠡᠯᠪᠡᠭ ᠪᠠᠶᠠᠯᠢᠭ᠂ ᠠᠷᠤ ᠪᠠᠷ ᠢᠶᠠᠨ ᠪᠠᠶᠠᠨ ᠵᠢᠷᠤᠬᠡᠨ ᠬᠠᠨ ᠠᠭᠤᠯᠠ ᠪᠠᠷ ᠲᠦᠰᠢᠯᠭᠡ ᠪᠤᠯᠭᠠᠵᠤ ᠡᠮᠤᠨᠡᠬᠦᠷ ᠢᠶᠠᠨ ᠦᠯᠵᠡᠶᠢᠮᠤᠷᠡᠨ ᠣᠰᠤ ᠶᠢ ᠢᠰᠬᠦᠯᠡᠵᠤ ᠰᠠᠭᠤᠬᠰᠡᠨ ᠬᠤᠶᠠᠷ ᠬᠠᠪᠢ ᠪᠠᠷ ᠢᠶᠠᠨ ᠡᠷᠡᠮᠡᠬᠡᠢ ᠦᠨᠳᠤᠷ ᠡᠷ᠎ᠠ ᠱᠤᠷᠤᠩ᠂ ᠡᠷᠬᠢᠮ ᠢᠵᠠᠭᠤᠷᠳᠤ ᠮᠤᠨᠴᠤᠬᠳᠤ ᠤᠷᠤᠢ ᠪᠠᠷ ᠵᠢᠬᠦᠷ ᠪᠤᠯᠭᠠᠬᠰᠡᠨ ᠶᠠᠭ ᠯᠠ ᠨᠢᠭᠡ ᠨᠢᠰᠤᠨ ᠲᠡᠪᠳᠡᠷᠢᠬᠦ ᠪᠠᠷ ᠪᠠᠶᠢᠭ᠎ᠠ ᠬᠠᠨ ᠱᠤᠩᠬᠤᠷ ᠤᠨ ᠲᠦᠷᠰᠤ ᠲᠠᠢ ᠠᠭᠤᠯᠠᠷᠬᠠᠭ ᠤᠷᠤᠨ ᠪᠠᠶᠢᠭ᠎ᠠ ᠶᠤᠮ᠃ ︽ᠤᠯᠠᠭᠠᠨ  ᠳᠠᠪᠠᠭ᠎ᠠ︾ ᠨᠣᠳᠤᠭ ᠨᠢ 1958 ᠣᠨ ᠤ ᠡᠴᠤᠰ ᠢᠶᠠᠷ  ᠰᠢᠷ᠎ᠠ ᠬᠠᠳᠠ ᠶᠢᠨ ᠠᠭᠤᠶᠢᠳᠤ ᠰᠦᠮᠨ᠎ᠠ ︿ ᠣᠳᠤ ᠶᠢᠨ ᠰᠢᠨᠡ ᠣᠰᠣᠨ ᠴᠦᠬᠦᠷᠤᠮ ᠲᠤᠰᠬᠤᠨ﹀ ᠠᠴᠠ ᠬᠠᠪᠴᠢᠯ ᠠᠶᠢᠯ   ᠳᠤ ᠨᠡᠬᠦᠨ ᠢᠷᠡᠵᠤ ᠬᠠᠪᠴᠢᠯ᠂ ᠬᠤᠭᠤᠯᠠᠳᠤ ᠦᠵᠤᠬᠦᠷᠬᠤᠸᠠ᠂ ᠬᠤᠪᠤᠭᠤ᠂ ᠪᠡᠷᠬᠡ ᠶᠢᠨ  ᠬᠤᠳᠳᠤᠭ ᠲᠠᠪᠤᠨ ᠭᠠᠴᠠᠭ᠎ᠠ ᠲᠠᠢ ᠰᠤᠮᠤ ᠪᠤᠯᠵᠤ1500 ᠭᠠᠷᠤᠢ ᠡᠷᠤᠬᠡ‌‍ᠲ᠋ᠠᠢ᠂ 5400 ᠢᠯᠡᠬᠦᠤ ᠬᠦᠮᠤᠨ ᠠᠮᠠ ᠲᠠᠢ᠂ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠵᠠᠭᠤᠨ ᠤ ᠶᠡᠷᠡᠨ ᠨᠠᠢᠮᠠ ᠶᠢ  ᠡᠵᠡᠯᠡᠭᠰᠡᠨ ᠰᠤᠮᠤ ᠪᠤᠯᠵᠤ ᠬᠠᠪᠴᠢᠯ ᠭᠠᠴᠠᠭᠠᠨ ᠤ ᠰᠦᠮ᠎ᠠ ᠶᠢᠨ ᠲᠡᠨᠵᠢ ᠶᠢᠨ ᠵᠡᠬᠦᠨ ᠵᠢᠯᠠᠭ᠎ᠠ  ᠡᠯᠢᠶᠡᠨ ᠦᠨᠳᠤᠷ ᠡᠷ᠎ᠠ ᠱᠤᠷᠤᠩ ᠤᠨ ᠪᠠᠷᠠᠭᠤᠨ ᠡᠮᠤᠨ᠎ᠠ ᠡᠩᠬᠡᠷ ᠪᠠᠶᠢᠷᠢᠰᠢᠵᠤ ᠪᠠᠶᠢᠵᠡᠢ᠃ 2007 ᠣᠨ ᠳᠤ ᠰᠤᠮᠤ ᠰᠢᠶᠠᠩ ᠢ ᠨᠡᠶᠢᠯᠡᠬᠦᠯᠵᠤ ᠲᠦᠪᠯᠡᠷᠡᠬᠦᠯᠤᠭ᠍ᠰᠡᠨ ᠬᠠᠮᠢᠶᠠᠷᠠᠬᠤ ᠲᠦᠷᠤ ᠶᠢᠨ  ᠪᠤᠳᠤᠯᠭ᠎ᠠ ᠳᠤ ᠬᠠᠮᠤᠬᠳᠠᠵᠤ ︽ᠭᠤᠷᠪᠡᠨ ᠠᠭᠤᠯᠠ︾ ᠰᠢᠶᠠᠩ ᠲᠠᠢ ᠨᠡᠶᠢᠯᠡᠵᠦ ᠲᠠᠷᠢᠶᠠᠯᠠᠬᠤ ᠲᠤᠰᠬᠤᠨ ᠤ ᠭᠠᠵᠠᠷ ᠨᠣᠳᠤᠭ ᠲᠡᠭᠡᠷ᠎ᠠ ︽ᠤᠯᠠᠭᠠᠨ ᠳᠠᠪᠠᠭ᠎ᠠ︾ ᠰᠤᠮᠤ ᠶᠢ ᠰᠢᠯᠵᠢᠬᠦᠯᠤᠭᠡᠳ  ︽三山︾ ᠲᠤᠰᠬᠤᠨ ᠰᠣᠮᠣ ᠶᠢᠨ ᠢᠶᠠᠨ ᠲᠦᠪ ᠪᠤᠯᠭᠤᠭᠠᠳ ᠮᠤᠩᠭᠤᠯ ᠬᠢᠳᠠᠳ ᠠᠬ᠎ᠠ ᠲᠡᠬᠦᠤ  ᠮᠦᠷᠤ ᠵᠡᠷᠬᠡᠴᠡᠨ ᠤᠷᠤᠬᠰᠢᠯᠠᠵᠤ ᠪᠤᠢ᠃        ︽ᠤᠯᠠᠭᠠᠨ ᠳᠠᠪᠠᠭ᠎ᠠ︾ ᠰᠤᠮᠤ ᠬᠡᠳᠡᠭ ᠨᠢ ᠠᠷᠠᠳ ᠤᠨ ᠨᠢᠬᠡᠳᠤᠯ ᠠᠴᠠ ᠪᠠᠨ ᠰᠠᠯᠵᠤ ᠭᠠᠷᠴᠤ ᠢᠷᠡᠬᠦ ᠦᠶ᠎ᠠ ᠳᠤ ᠠᠪᠤᠬᠰᠡᠨ ᠨᠡᠷᠡᠶᠢᠳᠤᠯ ᠶᠤᠮ᠃ 1959 ᠣᠨ  ᠠᠴᠠ  ᠡᠮᠤᠨ᠎ᠠ ᠪᠠᠷᠠᠭᠤᠨ ᠬᠤᠭᠤᠯᠠᠳᠤ ᠶᠢᠨ ᠤᠯᠠᠭᠠᠨᠳᠠᠪᠠᠭ᠎ᠠ ︿ᠣᠳᠤ ᠶᠢᠨ ᠬᠤᠭᠤᠯᠠᠳᠤ ᠰᠢᠶᠠᠩ﹀ ᠭᠤᠷᠪᠡᠨ ᠠᠭᠤᠯᠠ ᠶᠢᠨ ᠠᠶᠢᠯ ︿ᠣᠳᠤ ᠶᠢᠨ ᠰᠠᠨ ᠱᠠᠨ ᠰᠢᠶᠠᠩ﹀ ᠵᠡᠬᠦᠨ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ︿ᠣᠳᠤ ᠶᠢᠨ ᠣᠯᠠᠭᠠᠨᠳᠠᠪᠠᠭ᠎ᠠ ᠰᠤᠮᠤ﹀ ᠨᠢ ᠨᠡᠶᠢᠯᠡᠬᠡᠳ ᠨᠢᠭᠡ ᠲᠤᠭᠤᠷᠢᠭ ᠲᠤ  ᠪᠠᠭᠳᠠᠵᠤ ᠲᠦᠪ ᠨᠢ  ᠠᠭᠤᠶᠢᠳᠤ ᠶᠢᠨ ᠰᠦᠮ᠎ᠠ ᠳᠤ ᠪᠠᠶᠢᠵᠤ ︽ᠨᠣᠳᠤᠭ︾ ᠬᠡᠵᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠨᠡᠷᠡᠶᠢᠳᠦᠯ ᠠᠪᠴᠤ ᠪᠠᠶᠢᠵᠠᠢ᠃ ︽ᠤᠯᠠᠭᠠᠨ ᠳᠠᠪᠠᠭ᠎ᠠ︾ ᠰᠤᠮᠤ ᠨᠢ ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠦᠪᠤᠷ ᠨᠢᠷᠤᠭᠤᠳ ᠪᠤᠯᠬᠤ ᠦᠵᠤᠮᠤᠴᠢᠨ ᠤ ᠪᠤᠯᠠᠭ ᠬᠠᠨ ᠠᠭᠤᠯᠠ᠂ ᠬᠦᠨᠳᠠᠯᠡᠨ ᠬᠤᠶᠠᠷ ᠳᠠᠪᠠᠭ᠎ᠠ᠂ ᠬᠠᠳᠠᠳᠤ ᠤᠷᠤᠢ ᠲᠠᠢ ᠬᠦᠨᠳᠡᠯᠢᠳᠤᠨ ᠬᠦᠷᠰᠢᠯᠡᠵᠤ ᠪᠠᠶᠢᠭ᠎ᠠ ᠦᠵᠡᠮᠵᠢ ᠶᠢᠨ ᠲᠡᠬᠦᠰ  ᠤᠷᠴᠢᠯᠠᠩ ᠤᠨ ᠨᠢᠭᠤᠴᠠ ᠪᠤᠯᠤᠬᠰᠡᠨ ︽ᠬᠦᠭᠡ ᠲᠡᠭᠷᠢ ᠶᠢᠨ  ᠰᠢᠷᠭᠤᠤᠯ︾᠂ ︽ᠴᠢᠭᠠᠨ ᠬᠠᠳᠠ︾᠂  ᠴᠢᠪᠴᠢᠮᠠᠯ ᠴᠢᠯᠠᠭᠤᠨ ᠴᠢᠨᠸ᠎ᠠ ᠲᠠᠢ ᠬᠦᠭᠡ  ᠠᠰᠬ᠎ᠠ᠂ ᠰᠢᠷ᠎ᠠ ᠲᠠᠪᠰᠡᠭ᠂ ᠦᠨᠳᠤᠷ ︽ᠬᠦᠮᠤᠨ ᠶᠠᠰᠤᠳᠤ ᠬᠠᠳᠠ︾᠂ ︽ᠬᠠᠷᠠᠩᠭᠤᠢ ᠲᠢᠶᠠᠨᠴᠢ ᠶᠢᠨ ᠠᠭᠤᠢ︾ ᠵᠡᠷᠬᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠶᠢᠬᠠᠮᠰᠢᠭ ᠲᠠᠢ ᠪᠤᠶ᠋ᠨᠳᠡᠯᠬᠡᠷ ᠬᠠᠶᠢᠷᠠᠬᠠᠨ ᠤ ᠵᠠᠬᠦᠨ ᠪᠡᠶ᠎ᠠ᠂ ᠣᠬᠳᠤᠷ ᠴᠢᠨ᠋ᠸ᠎ᠠ ᠶᠢᠨ ᠭᠤᠤᠯ ᠤᠨ ᠡᠬᠢᠨ ᠤ ᠵᠡᠬᠦᠨ ᠰᠤᠭᠤ ᠳ᠋ᠠᠬᠢ‌ᠤᠯᠠᠭᠠᠨ ᠳᠠᠪᠠᠭ᠎ᠠ ᠪᠠᠷ ᠨᠡᠷ᠎ᠠ ᠠᠪᠤᠬᠰᠡᠨ ᠪᠠᠶᠢᠵᠡᠢ᠃ ᠲᠤᠬᠠᠢ ᠶᠢᠨ ᠴᠠᠭ ᠦᠶ᠎ᠠ ᠳᠤ ᠣᠳᠤ ᠶᠢᠨ ᠪᠠᠶᠠᠨᠨᠢᠷᠤᠭᠤ ᠶᠢᠨ ᠨᠠᠷᠢᠨ ᠳᠠᠪᠠᠭ᠎ᠠ᠂ ᠶᠤᠯᠤ ᠶᠢᠨ ᠠᠷᠤ ᠨᠢ ᠤᠯᠠᠭᠠᠨ ᠳᠠᠪᠠᠭ᠎ᠠ ᠨᠣᠳᠤᠭ ᠤᠨ ᠬᠡᠪᠴᠢᠶᠡᠨ ᠳᠤ ᠬᠠᠷᠢᠶᠠᠯᠠᠬᠳᠠᠵᠤ ᠪᠠᠶᠢᠬᠰᠡᠨ ᠮᠦᠷᠳᠡᠬᠡᠨ ᠨᠠᠷᠢᠨ ᠳᠠᠪᠠᠭ᠎ᠠ᠂ ᠶᠤᠯᠤ ᠶᠢᠨ ᠠᠷᠤ ᠬᠤᠶᠠᠷ ᠠᠶᠢᠯ ᠤᠨ ᠪᠡᠯᠴᠢᠬᠡᠷ ᠣᠰᠤ᠂ ᠭᠠᠵᠠᠷ ᠰᠢᠷᠤᠢ ᠨᠢ ᠦᠨᠡᠨᠳᠡᠬᠡᠨ  ᠵᠡᠬᠦᠨ  ᠪᠠᠭᠠᠷᠢᠨ ᠤ ᠲᠤᠰᠠᠯᠠᠬᠴᠢ  ᠮᠢᠰᠢᠭᠷᠡᠪᠳᠡᠨ ︿ᠪᠤᠷᠣ ᠨᠤᠶᠠᠨ﹀ ᠤ ᠲᠠᠯᠠᠨ ᠪᠠᠶᠢᠳᠠᠰᠤ ᠪᠠᠷ ᠬᠢᠳᠠᠳ ᠤᠨ ᠴᠡᠷᠢᠭ ᠤᠨ ᠡᠷᠬᠡᠳᠠᠨ᠂   ᠲᠤᠬᠠᠢ ᠶᠢᠨ ᠵᠠᠰᠠᠭ ᠵᠠᠬᠢᠷᠭ᠎ᠠ ᠠᠴᠠ ᠰᠤᠯᠢᠵᠤ ᠦᠯᠡᠳᠡᠭᠡᠭᠰᠡᠨ ᠵᠤᠰᠠᠯᠠᠩ ᠤᠨ ᠭᠠᠵᠠᠷ ᠨᠢ ᠪᠠᠶᠢᠵᠡᠢ᠃ 1924 ᠣᠨ ᠠᠴᠠ ᠡᠬᠢᠯᠡᠭᠰᠡᠨ ᠬᠢᠳᠠᠳ ᠤᠨ ᠴᠡᠷᠢᠭ ᠤᠨ ᠡᠷᠬᠡᠳᠠᠨ᠂ ᠤᠷᠤᠨ ᠨᠣᠳᠤᠭ ᠤᠨ  ᠢᠵᠠᠭᠤᠷᠳᠠᠳ ᠤᠨ ᠡᠷᠬᠡᠰᠢᠶᠡᠯ ᠲᠤᠤᠷᠠᠬᠢ ᠭᠠᠵᠠᠷ ᠬᠠᠭᠠᠯᠪᠤᠷᠢᠯᠠᠯᠳᠠ ᠠᠴᠠ ᠡᠬᠦᠰᠤᠭ᠍ᠰᠡᠨ ᠲᠠᠷᠠᠭᠠᠯᠠᠬᠰᠡᠨ ᠠᠷᠪᠡᠨ ᠨᠢᠭᠡ ᠤᠳᠠᠭᠠᠨ ᠤ ᠶᠡᠭᠡ ᠬᠠᠭᠠᠯᠪᠤᠷᠢᠯᠠᠯᠳᠠ ᠳᠤ ᠪᠠᠭᠠᠷᠢᠨ ᠨᠣᠳᠤᠭ ᠤᠨ ᠬᠦᠷᠤᠰᠤ ᠰᠢᠷᠤᠢ᠂ ᠦᠩ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠨᠣᠳᠤᠭ ᠦᠯᠵᠡᠶᠢᠮᠤᠷᠡᠨ ᠢᠶᠠᠨ ᠲᠠᠭᠠᠬᠰᠡᠨ ᠲᠠᠯ᠎ᠠ  ᠶᠢᠨ ᠮᠠᠯᠴᠢᠳ ᠤᠨ  ᠦᠪ ᠬᠦᠷᠤᠩᠬᠡ ᠦᠵᠡᠬᠦ ᠶᠢᠨ ᠠᠷᠭ᠎ᠠ ᠦᠬᠡᠢ ᠡᠪᠳᠡᠭᠳᠡᠨ  ᠰᠦᠢᠳᠬᠡᠭᠳᠡᠵᠦ ᠤᠰᠤ ᠪᠠᠨ ᠲᠠᠭᠠᠬᠰᠡᠨ ᠮᠠᠯᠴᠢᠳ ᠮᠠᠨᠢ ᠠᠮᠢᠳᠤᠷᠠᠬᠤ  ᠶᠢᠨ ᠠᠷᠭ᠎ᠠ ᠦᠬᠡᠢ ᠬᠢᠬᠠᠯ ᠮᠦᠯᠵᠢᠯ ᠤᠨ ᠲᠤᠤᠷ᠎ᠠ ᠠᠭᠤᠯᠠ ᠬᠠᠳᠠᠨ ᠵᠦᠭ ᠢᠶᠠᠨ ᠰᠢᠯᠵᠢᠭᠰᠡᠨ ᠪᠠᠶᠢᠵᠠᠢ᠃ ᠬᠤᠶᠠᠷ  ᠂  ︽ ᠣᠯᠠᠭᠠᠨ ᠳᠠᠪᠠᠭ᠎ᠠ︾ ᠠᠭᠤᠯᠠ ᠣᠰᠤᠣᠯᠠᠭᠠᠨ ᠳᠠᠪᠠᠭ᠎ᠠ ᠨᠣᠳᠤᠭ ᠪᠤᠯ ᠣᠰᠤ ᠪᠡᠯᠴᠢᠭᠡᠷ  ᠰᠠᠶᠢᠳᠠᠢ᠂ ᠤᠷᠭᠤᠮᠠᠯ ᠤᠨ ᠲᠦᠷᠤᠯ ᠤᠯᠠᠨ ᠲᠠᠢ᠂ ᠠᠭᠤᠷ ᠠᠮᠢᠰᠬᠤᠯ ᠲᠠᠭᠠᠳᠠᠢ᠂ ᠠᠭᠤᠯᠠ ᠰᠦᠷᠯᠢᠭ ᠣᠰᠤ ᠲᠤᠩᠭᠠᠯᠠᠭ ᠤᠷᠤᠨ ᠶᠤᠮ᠃ ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠰᠠᠯᠪᠤᠷᠢ ᠨᠢᠷᠤᠭᠤᠳ ᠪᠤᠯᠬᠤ ᠲᠠᠭᠤ ᠲᠠᠭᠤ ᠪᠠᠨ ᠠᠪᠤᠯᠴᠠᠬᠰᠨᠨ ᠪᠤᠯᠠᠭ ᠬᠠᠨ ᠠᠭᠤᠯᠠ᠂ ᠠᠷᠤ ᠬᠤᠷᠴᠢᠨ ᠬᠠᠨ ᠠᠭᠤᠯᠠ᠂ ᠵᠠᠷᠤᠳ ᠬᠠᠨ ᠠᠭᠤᠯᠠ ᠵᠡᠷᠬᠡ ᠲᠠᠪᠤᠨ ᠬᠠᠨ ᠠᠭᠤᠯᠠ ᠶᠢᠨ ᠨᠢᠭᠡ ᠪᠤᠯᠬᠤ ᠪᠠᠶᠠᠨ ᠵᠢᠷᠤᠭᠡ ᠬᠠᠨ ᠠᠭᠤᠯᠠ ᠶᠢᠨ ᠲᠤᠭᠤᠷᠢᠨ ᠳᠤ ᠪᠠᠶᠢᠷᠢᠰᠢᠵᠤ ᠪᠠᠶᠢᠭᠠᠯᠢ ᠶᠢᠨ  ᠣᠰᠤᠨ ᠴᠡᠩᠬᠡᠷ ᠡᠮᠵᠢᠶᠡᠷᠢ ᠰᠢᠭ ᠮᠤᠷᠤᠯᠵᠡᠨ ᠲᠤᠯᠬᠢᠶᠠᠯᠠᠬᠰᠡᠨ ᠪᠤᠷᠭᠠᠰᠤ ᠲᠠᠢ ᠡᠬᠢ ᠶᠢᠨ ᠭᠤᠤᠯ᠂ ᠬᠠᠳᠠᠨ ᠠᠷᠤ ᠶᠢᠨ ᠭᠤᠤᠯ᠂ ᠮᠠᠬᠭ᠍ᠳᠤ ᠶᠢᠨ ᠭᠤᠤᠯ᠂ ᠪᠤᠭᠤᠳᠤ ᠶᠢᠨ ᠭᠤᠤᠯ ᠤᠨ ᠨᠡᠶᠢᠯᠡᠮᠡᠯ ᠤᠷᠤᠰᠬᠠᠯ ᠨᠢ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠲᠠᠢ ᠨᠢᠭᠡ ᠤᠷᠤᠰᠬᠠᠯ ᠪᠤᠯᠵᠤ ᠬᠤᠪᠤᠭᠤ ᠬᠦᠨᠳᠠᠢ᠂ ᠪᠤᠭᠤᠳᠤ ᠶᠢᠨ ᠬᠦᠨᠳᠠᠢ᠂ ᠬᠤᠭᠤᠯᠠᠳᠤ ᠶᠢᠨ ᠬᠦᠨᠳᠠᠢ᠂ ᠴᠠᠭᠠᠨ ᠬᠦᠨᠳᠠᠢ  ᠂  ᠮᠡᠬᠭᠳᠤ ᠶᠢᠨ ᠬᠦᠨᠳᠠᠢ ᠵᠡᠷᠬᠡ ᠬᠦᠨᠳᠠᠢ ᠵᠢᠯᠭ᠎ᠠ ᠶᠢᠨ ᠠᠮᠠ ᠲᠠᠭᠠᠷᠢᠨ ᠦᠯᠵᠡᠶᠢᠮᠤᠷᠡᠨ ᠭᠤᠤᠯ ᠲᠠᠢ ᠨᠡᠶᠢᠯᠡᠵᠤ ᠪᠠᠶᠢᠳᠠᠭ᠃ ︽ᠤᠯᠠᠭᠠᠨ ᠳᠠᠪᠠᠭ᠎ᠠ︾ ᠨᠢ ᠵᠡᠬᠦᠨ ᠪᠠᠭᠠᠷᠢᠨ ᠤ ᠬᠤᠵᠢᠭᠤᠳ ᠪᠠᠶᠢᠭᠤᠯᠠᠬᠳᠠᠬᠰᠡᠨ ᠰᠤᠮᠤᠨ ᠤ ᠨᠢᠭᠡ ᠪᠤᠯᠬᠤ ᠶᠤᠮ᠃1949 ᠣᠨ ᠤ 4 ᠰᠠᠷ᠎ᠠ ᠳᠤ ᠤᠯᠠᠭᠠᠨᠳᠠᠪᠠᠭ᠎ᠠ ᠨᠢ ᠵᠡᠬᠦᠨ ᠪᠠᠭᠠᠷᠢᠨ ᠤ ᠶᠢᠰᠤᠳᠤᠬᠡᠷ ᠨᠣᠳᠤᠭ ᠬᠡᠵᠤ ᠨᠡᠷᠡᠯᠡᠭᠳᠡᠵᠤ᠂ ᠪᠠᠷᠠᠭᠤᠨ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ᠂ ᠵᠠᠬᠦᠨ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ᠂ ᠵᠡᠬᠦᠨ ᠬᠤᠭᠤᠯᠠᠳᠤ ᠶᠢᠨ  ᠭᠤᠤᠯ ᠢ ᠪᠠᠭᠳᠠᠭᠠᠵᠤ ᠠᠭᠤᠶᠢᠳᠤ ᠶᠢᠨ ᠰᠦᠮ᠎ᠠ ᠳᠤ ᠨᠣᠳᠤᠭ ᠤᠨ ᠲᠦᠪ ᠪᠠᠶᠢᠵᠠᠢ᠃ ᠠᠭᠤᠶᠢᠳᠤ ᠰᠦᠮ᠎ᠠ ᠨᠢ  ᠲᠠᠪᠰᠢᠩᠭᠤᠢ ᠲᠡᠭᠡᠳᠤ ᠲᠠᠪᠬᠤᠷᠭᠠᠳᠠᠨ  ᠪᠤᠷᠣ ᠨᠤᠶᠠᠨ ᠮᠢᠰᠢᠭᠷᠡᠪᠳᠠᠨ᠂ ᠲᠠᠪᠰᠢᠩᠭᠤᠢ ᠲᠡᠬᠡᠳᠤ ᠲᠠᠪᠬᠤᠭᠠᠷᠭᠠᠳᠠᠨ ᠬᠤᠪᠢᠯᠭᠠᠨ ᠯᠠᠮ᠎ᠠ ᠴᠤᠶᠢᠵᠢᠨᠢᠩᠪᠪᠤᠤ ᠶᠢᠨ ᠤᠤᠭᠠᠯ ᠨᠣᠳᠤᠭ ᠪᠠᠶᠢᠵᠡᠢ᠃ ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠤᠨ ᠭᠠᠯᠵᠠᠭᠤ ᠣᠯᠠᠭᠠᠨ ᠰᠢᠭᠤᠷᠭᠠᠨ ᠳᠤ ᠡᠨᠡᠬᠦ ᠨᠣᠳᠤᠭ ᠣᠷᠣᠨ ᠤ  ᠰᠤᠳᠣᠨ ᠬᠦᠮᠤᠰ ᠦᠳᠡᠯᠤᠬᠡ ᠨᠠᠰᠤᠨ ᠤ ᠴᠠᠭ ᠲᠤ ᠪᠠᠨ ᠦᠵᠤᠬᠦᠷ ᠪᠤᠶᠠᠨ ᠲᠠᠢ ᠵᠢᠷᠭᠠᠵᠤ  ᠴᠢᠳᠡᠬᠰᠡᠨ ᠦᠬᠡᠢ ᠦᠢᠯᠠ ᠲᠠᠮᠤ ᠶᠢ ᠬᠠᠨᠤᠳᠠᠯ᠎ᠠ ᠠᠮᠰᠠᠵᠤ ᠦᠩᠬᠡᠷᠭᠰᠡᠨ ᠪᠠᠶᠢᠵᠠᠢ᠃        ︿ᠨᠢᠭᠡ﹀ ᠦᠯᠢᠬᠡᠷ ᠲᠤᠮᠤᠭ ᠲᠠᠢ ᠠᠭᠤᠯᠠ ᠣᠰᠤ ᠦᠵᠡᠮᠵᠢ ᠲᠡᠬᠦᠰ ᠪᠠᠶᠠᠨ ᠪᠠᠶᠢᠭᠠᠯᠢ        1.ᠬᠦᠨᠳᠠᠢ ᠵᠢᠯᠠᠭ᠎ᠠᠮᠡᠩᠳᠤ ᠶᠢᠨ ᠬᠦᠨᠳᠠᠢ᠄ ᠪᠡᠷᠬᠡ ᠶᠢᠨ ᠬᠤᠳᠳᠤᠭ ᠤᠨ ᠵᠡᠬᠦᠨ ᠬᠤᠭᠤᠯᠠᠳᠤ ᠭᠠᠴᠠᠭ᠎ᠠ ᠶᠢᠨ ᠪᠠᠷᠠᠭᠤᠨ ᠳᠠᠬᠢ ᠶᠡᠭᠡ ᠵᠢᠯᠠᠭ᠎ᠠ ᠶᠢ ᠮᠡᠩᠳᠤ ᠶᠢᠨ ᠬᠦᠨᠳᠠᠢ ᠬᠡᠳᠡᠭ᠃ ᠪᠠᠷᠤᠭ ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ 40km  ᠣᠷᠳᠣ᠂ ᠡᠮᠤᠨᠡᠰᠢ ᠬᠤᠶᠢᠰᠢ 20km ᠦᠷᠬᠡᠨ ᠣᠢ ᠮᠣᠳᠣ  ᠢᠬᠴᠢ ᠡᠪᠠᠰᠤ ᠮᠤᠳᠤ ᠰᠠᠬᠤᠯᠠᠭ  ᠠᠮᠢᠳᠠᠨ ᠠᠷᠢᠶᠠᠳᠠᠨ ᠵᠤᠵᠠᠭᠠᠨ ᠭᠠᠵᠠᠷ ᠶᠤᠮ᠃ ᠰᠤᠮᠤᠨ ᠤ ᠬᠡᠳᠦᠨ ᠭᠠᠴᠠᠭ᠎ᠠ ᠨᠤᠭᠤᠳ ᠤᠨ ᠬᠠᠪᠤᠷᠵᠢᠶ᠎ᠠ ᠨᠠᠮᠤᠷᠵᠢᠶ᠎ᠠ ᠪᠠᠷ ᠰᠠᠭᠤᠳᠠᠭ ᠣᠰᠤ ᠪᠡᠯᠴᠢᠭᠡᠷ ᠰᠠᠶᠢᠳᠠᠢ ᠮᠠᠯ ᠤᠨᠤᠭᠠᠨ ᠳᠤ ᠰᠢᠮᠡᠳᠢ ᠬᠤᠵᠢᠷ ᠲᠤᠯᠤᠴᠠ ᠡᠯᠪᠡᠭ ᠭᠠᠵᠠᠷ  ᠶᠤᠮᠰᠠᠨ᠃ ᠰᠤᠮᠤᠨ ᠤ ᠬᠡᠳᠤᠨ ᠭᠠᠴᠠᠭ᠎ᠠ  ᠨᠤᠭᠤᠳ ᠤᠨ ᠬᠠᠪᠤᠷᠵᠢᠶ᠎ᠠ ᠨᠠᠮᠤᠷᠵᠢᠶ᠎ᠠ ᠪᠠᠷ ᠰᠠᠭᠤᠳᠠᠭ ᠣᠰᠤ ᠪᠡᠯᠴᠢᠭᠡᠷ ᠰᠠᠶᠢᠳᠠᠢ ᠮᠠᠯ ᠤᠨᠤᠭᠠᠨ ᠳᠤ ᠰᠢᠮᠡᠳᠠᠢ ᠬᠠᠵᠢᠷ ᠲᠤᠯᠤᠴᠠ ᠡᠯᠪᠡᠭ ᠭᠠᠵᠠᠷ ᠶᠤᠮᠰᠠᠨ᠃ ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠨ ᠲᠠᠭᠠᠬᠰᠡᠨ ᠮᠡᠩᠳᠤ ᠶᠢᠨ ᠬᠡᠳᠦᠨ ᠵᠢᠯᠠᠭ᠎ᠠ ᠶᠢ ᠭᠡᠷ ᠴᠠᠭᠠᠨ᠂  ᠬᠦᠷᠡᠩᠴᠢ ᠦᠨᠢᠶᠡᠨ  ᠭᠤᠤ᠂ ᠪᠤᠯᠠᠭ ᠤᠨ ᠡᠬᠢ᠂ ᠳ᠋ᠠᠢ ᠸᠠᠩ ᠤᠨ ᠬᠠᠳᠠ ᠬᠡᠵᠤ ᠨᠡᠷᠡᠯᠡᠳᠡᠭ᠃ ︽ ᠭᠡᠷ ᠴᠠᠭᠠᠨ︾ ᠭᠡᠳᠡᠭ ᠨᠢ ᠮᠠᠩᠳᠤ ᠶᠢᠨ ᠬᠦᠨᠳᠠᠢ ᠶᠢᠨ ᠪᠠᠷᠠᠭᠤᠨ ᠡᠮᠤᠨ᠎ᠠ ᠰᠠᠯᠠᠭᠠᠨ ᠤ ᠡᠬᠢᠨ ᠳᠤ ᠪᠠᠶᠢᠳᠠᠭ ᠨᠤᠷ᠎ᠠ ᠴᠠᠭᠠᠨ ᠬᠠᠳᠠ  ᠤᠨ  ᠠᠷᠤ ᠳᠠᠬᠢ 25 ᠺᠦᠸᠠᠳ᠋ ᠺᠢᠯᠤᠮᠧᠲᠷ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠲᠠᠯᠠᠪᠠᠢ ᠲᠠᠢ ᠤᠯᠢᠶᠠᠰᠤᠨ  ᠰᠢᠭᠤᠢ ᠪᠠᠷ  ᠨᠡᠷᠡᠶᠢᠳᠤᠭ᠍ᠰᠡᠨ ᠪᠠᠶᠢᠵᠠᠢ᠃ ᠮᠢᠩᠭ᠎ᠠ ᠶᠢᠰᠤᠨ  ᠵᠠᠭᠤᠨ ᠬᠤᠷᠢᠭᠠᠳ ᠣᠨ ᠤ ᠦᠶ᠎ᠠ ᠪᠠᠷ ᠬᠠᠷ᠎ᠠ ᠴᠡᠷᠢᠭ ᠤᠨ ᠳᠡᠭᠡᠷᠡᠮ ᠲᠤᠨᠤᠭ᠎ᠠ ᠠᠴᠠ ᠵᠠᠶᠢᠯᠠᠵᠤ ᠮᠠᠯᠴᠢᠳ ᠡᠨᠡᠬᠦ ᠢᠬᠴᠢ ᠠᠬᠤᠶᠢᠯᠠᠭ ᠤᠯᠢᠶᠠᠰᠤᠨ ᠰᠢᠭᠤᠢ  ᠳᠤ ᠨᠢᠭᠤᠨ  ᠳᠠᠯᠳᠠᠯᠠᠵᠤ ᠪᠠᠶᠢᠵᠠᠢ᠃ ᠢᠩᠬᠢᠭᠡᠳ ᠡᠨᠡᠬᠦ ᠰᠢᠭᠤᠢ ᠨᠢ ᠬᠠᠯᠠᠭᠤᠨ ᠲᠤᠯᠠᠭᠠᠨ‌‍ᠭᠡᠷ ᠨᠢ ᠬᠦᠮᠤᠨ ᠠᠷᠠᠳ ᠢᠶᠠᠨ ᠡᠯᠢᠭᠡᠨ ᠳᠡᠭᠡᠨ  ᠪᠦᠬᠡᠶᠢᠴᠡᠶᠢᠯᠡᠵᠤ ᠠᠶᠤᠯ ᠭᠠᠮᠰᠢᠭ ᠠᠴᠠ ᠵᠠᠶᠢᠯᠠᠭᠤᠯᠵᠤ ᠪᠠᠶᠢᠬᠰᠡᠨ ᠤᠴᠢᠷ ᠠᠴᠠ ᠭᠡᠷ ᠴᠠᠭᠠᠨ ᠭᠡᠵᠤ ᠨᠡᠷᠡᠯᠡᠭᠰᠡᠨ ᠪᠠᠶᠢᠵᠡᠢ᠃ ᠭᠡᠳᠡᠯ᠎ᠠ ᠣᠳᠤ ᠤᠬᠠᠭᠠᠨ ᠮᠦᠴᠢᠳ ᠤᠨ ᠭᠠᠢ ᠪᠠᠷ ᠭᠡᠷ ᠴᠠᠭᠠᠨ ᠤ ᠲᠡᠪᠡᠷᠢ ᠪᠦᠳᠤᠬᠦᠨ ᠣᠯᠢᠶᠠᠰᠤ ᠰᠢᠩᠬᠡᠷᠡᠬᠦ ᠶᠢᠨ ᠲᠤᠶᠢᠯ ᠳᠤ ᠲᠤᠯᠤᠬᠰᠡᠨ ᠮᠦᠷᠳᠡᠬᠡᠨ ᠤᠷᠭᠤᠴᠠ ᠶᠢᠨ ᠲᠠᠯᠠᠪᠠᠢ ᠨᠢ ᠴᠦ ᠭᠠᠶᠢᠬᠠᠳᠠᠯ᠎ᠠ ᠪᠠᠭᠠᠰᠴᠠᠢ᠃        ᠳ᠋ᠠᠢ ᠸᠠᠩ ᠤᠨ ᠬᠠᠳᠠ ᠬᠡᠳᠡᠭ ᠨᠢ ᠣᠳᠤ ᠶᠢᠨ ᠬᠤᠭᠤᠯᠠᠳᠤ ᠭᠠᠴᠠᠭ᠎ᠠ ᠶᠢᠨ ᠪᠠᠷᠠᠭᠤᠨ ᠡᠮᠤᠨ᠎ᠠ ᠪᠡᠶ᠎ᠠ ᠳᠤ ᠪᠠᠶᠢᠭ᠎ᠠ ᠬᠠᠷ᠎ᠠ ᠱᠤᠷᠤᠩ ᠠᠭᠤᠯᠠ ᠶᠢᠨ ᠡᠩᠬᠡᠷ ᠲᠠᠬᠢ ᠴᠢᠯᠠᠭᠤᠨ ᠲᠠᠪᠴᠠᠩ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠪᠠᠶᠢᠵᠡᠢ᠃ ᠠᠳᠠ ᠣᠣᠯ ᠳᠠᠭᠠᠨ ᠪᠡᠯᠴᠢᠭᠡᠷ ᠡᠪᠡᠰᠤ ᠢᠬᠴᠢ  ᠰᠠᠬᠤᠯᠠᠭ ᠮᠤᠷᠢᠳᠠᠢ ᠬᠦᠮᠤᠨ ᠤᠷᠤᠭᠠᠳ ᠬᠠᠷᠠᠬᠳᠠᠳᠠᠭ ᠦᠬᠡᠢ ᠪᠢᠳᠡᠬᠦᠤ ᠦᠯᠦᠭ ᠭᠠᠵᠠᠷ ᠪᠠᠶᠢᠬᠰᠡᠨ ᠮᠦᠷᠳᠡᠬᠡᠨ ᠠᠭᠤᠯᠠ ᠪᠠᠨ ᠲᠠᠭᠠᠭᠠᠳ ᠤᠳᠠ ᠤᠯᠢᠶᠠᠰᠤ᠂ ᠴᠠᠷᠠᠰᠤ  ᠳᠠᠯᠠᠳᠣ᠂ ᠬᠠᠶᠢᠯᠠᠰᠤ ᠮᠠᠶᠢᠯᠠᠰᠤ ᠨᠠᠮᠠᠭ᠎ᠠ ᠬᠤᠯᠪᠤᠨ ᠯᠦᠭᠯᠦᠶᠢᠭᠡᠳ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠤᠨ ᠬᠦᠪᠡᠭᠡ ᠲᠠᠭᠠᠭᠠᠳ ᠬᠤᠯᠤᠰᠤ ᠵᠡᠬᠡᠰᠤ ᠪᠤᠷᠭᠠᠰᠤ ᠨᠡᠯᠤᠶᠢᠬᠡᠳ ᠭᠡᠭᠡᠨ ᠴᠠᠭᠠᠨ ᠡᠳᠤᠷ ᠢᠶᠠᠷ ᠭᠠᠭᠴᠠ ᠬᠤᠶᠠᠷ ᠢᠶᠠᠷ ᠶᠠᠪᠤᠬᠤ ᠳᠤ ᠠᠶᠢᠳᠠᠰᠤ ᠲᠦᠷᠤᠬᠦᠯᠤᠭᠡᠳ ᠪᠠᠶᠢᠳᠠᠭ ᠰᠦᠵᠢᠭ ᠬᠦᠷᠭᠡᠮ᠎ᠠ ᠤᠷᠤᠨ ᠪᠠᠶᠢᠵᠠᠢ  ᠃ ᠲᠤᠬᠠᠢ ᠶᠢᠨ ᠴᠠᠭ ᠦᠶ᠎ᠠ ᠶᠢᠨ ᠬᠠᠷᠢ ᠶᠢᠨ ᠪᠠ ᠸᠠᠩ ᠬᠦᠩ ᠢᠵᠠᠭᠤᠷᠳᠠᠨ ᠤ ᠲᠠᠷᠤᠯᠠᠯ ᠮᠦᠯᠵᠢᠯ ᠢ ᠡᠰᠡᠷᠬᠦᠴᠡᠨ ᠪᠤᠰᠤᠬᠰᠡᠨ ᠠᠳᠤᠭᠤᠴᠢᠨ ᠠᠬ᠎ᠠ ᠲᠡᠬᠦᠤ ᠬᠤᠶᠠᠭᠤᠯᠠ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷ᠎ᠠ ᠪᠤᠯᠵᠤ ᠠᠭᠤᠯᠠᠨ ᠳᠤ ᠬᠠᠷᠠᠭᠤᠯ ᠴᠠᠶᠢᠵᠠ ᠭᠠᠷᠭᠠᠨ  ᠬᠠᠷᠠᠴᠤ ᠠᠷᠠᠳ ᠲᠤ ᠲᠤᠰᠠᠯᠠᠨ ᠬᠠᠷᠬᠢᠰ ᠨᠤᠶᠠᠳ ᠲᠦᠰᠢᠮᠡᠳ ᠤᠨ ᠠᠳᠤᠭᠤ ᠮᠠᠯ ᠡᠳ᠋ ᠡᠷᠳᠡᠨᠢᠰ ᠢᠶᠠᠷ ᠲᠤᠬᠯᠠᠭᠠᠮ ᠪᠤᠯᠭᠠᠵᠤ᠂ ᠬᠤᠯᠠ ᠤᠶᠢᠷ᠎ᠠ ᠶᠢᠨ ᠠᠷᠠᠳ ᠢᠷᠬᠡᠳ ᠤᠨ ᠰᠢᠳᠤᠬᠡᠨ ᠪᠤᠯᠵᠤ ᠪᠠᠶᠢᠬᠰᠡᠨ ᠦᠯᠢᠬᠡᠷ ᠠᠴᠠ   ᠬᠤᠵᠢᠮ ᠤᠨ ᠬᠦᠮᠤᠰ ᠠᠬ᠎ᠠ ᠲᠡᠬᠦᠤ ᠬᠤᠶᠠᠷ ᠤᠨ ᠰᠦᠰᠣ ᠵᠤᠷᠢᠭ ᠦᠢᠯᠠ  ᠠᠵᠢᠯᠠᠯᠭ᠎ᠠ ᠶᠢ ᠪᠢᠰᠢᠷᠡᠨ ᠬᠦᠨᠳᠤᠳᠬᠡᠵᠤ ᠳ᠋ᠠᠢ ᠸᠠᠩ ᠤᠨ ᠬᠠᠳᠠ ᠬᠡᠵᠤ ᠨᠡᠷᠡᠯᠠᠯ᠎ᠠ ᠬᠡᠳᠡᠭ ᠵᠤᠭᠤᠭ ᠪᠠᠶᠢᠳᠠᠭ᠃  ᠬᠦᠷᠡᠩᠴᠢ ᠦᠨᠢᠶᠡᠨ ᠭᠤᠤ ᠬᠡᠳᠡᠭ ᠨᠢ ᠴᠢᠯᠤᠬᠡᠯᠡᠭᠳᠡᠬᠦ ᠶᠢᠨ ᠡᠮᠤᠨ᠎ᠠ ᠦᠶ᠎ᠠ ᠪᠠᠷ ᠨᠡᠷᠡᠶᠢᠳᠤᠭ᠍ᠰᠡᠨ ᠰᠢᠨ᠎ᠠ ᠨᠡᠷᠡᠶᠢᠳᠤᠯ ᠪᠠᠶᠢᠵᠠᠢ᠃ ᠤᠤᠯ ᠨᠢ ᠲᠡᠷᠠ ᠦᠶ᠎ᠠ ᠳᠤ ᠬᠦᠷᠤᠤ ᠬᠡᠰᠡᠨ ᠨᠡᠷ᠎ᠠ ᠲᠠᠢ ᠪᠠᠶᠠᠨ ᠤ ᠬᠦᠷᠡᠩ ᠵᠢᠰᠤᠮ ᠤᠨ ᠦᠨᠢᠶ᠎ᠠ ᠨᠢ ᠰᠢᠯᠡᠷᠡᠵᠤ ᠰᠤᠷᠠᠭ ᠲᠠᠰᠤᠷᠠᠭᠠᠳ ᠬᠡᠳᠤᠨ ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠡᠢ᠃ ᠨᠢᠳᠬᠡ ᠤᠳᠠᠭ᠎ᠠ ᠠᠪᠠ ᠰᠢᠪᠠᠭᠤᠨ ᠳᠤ ᠬᠤᠷᠤᠬᠠᠢ ᠲᠠᠢ ᠤᠶᠢᠷ᠎ᠠ  ᠬᠦᠷᠰᠢ ᠶᠢᠨ ᠬᠡᠳᠤᠨ ᠠᠶᠢᠯ ᠤᠨ ᠬᠦᠮᠤᠰ ᠤᠳ ᠨᠤᠮᠤ ᠰᠠᠭᠠᠳᠠᠭ ᠠᠬᠰᠠᠵᠤ ᠨᠤᠬᠠᠢ ᠬᠡᠴᠢ ᠪᠠᠨ ᠲᠠᠭᠠᠭᠤᠯᠤᠨ ᠮᠠᠩᠳᠤ ᠶᠢᠨ ᠬᠦᠨᠳᠠᠢ ᠳᠤ ᠨᠠᠮᠤᠷ ᠤᠨ ᠰᠡᠬᠦᠯ ᠡᠪᠤᠯ ᠤᠨ ᠡᠬᠢ ᠪᠠᠷ ᠭᠠᠭ᠋ᠠᠢ ᠶᠢᠨ ᠠᠪᠠ ᠲᠠᠯᠪᠢᠭᠠᠳ ᠪᠠᠶᠠᠨᠵᠢᠷᠤᠬᠡ  ᠬᠠᠨ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠡᠮᠤᠨ᠎ᠠ ᠰᠤᠭᠤ ᠮᠠᠩᠳᠤ ᠶᠢᠨ ᠬᠦᠨᠳᠠᠢ ᠶᠢᠨ ᠡᠬᠢ  ᠣᠳᠤ ᠶᠢᠨ ︽ᠬᠦᠷᠡᠩᠴᠢ ᠦᠨᠢᠶᠡᠨ ᠭᠤᠤ︾ ᠠᠴᠠ ᠲᠠᠩ ᠵᠢᠰᠤᠮ ᠤᠨ ᠶᠢᠰᠤᠨ ᠬᠦᠷᠡᠩ ᠵᠢᠰᠤᠮ ᠤᠨ ᠮᠠᠯ ᠤᠯᠤᠬᠰᠡᠨ ᠨᠢ ᠬᠦᠷᠤᠤ ᠪᠠᠶᠠᠨ ᠤ ᠰᠤᠷᠠᠭ ᠲᠠᠰᠤᠷᠠᠭᠠᠳ ᠬᠡᠳᠤᠨ ᠵᠢᠯ ᠪᠤᠯᠤᠬᠰᠡᠨ ᠬᠦᠷᠡᠩ ᠦᠨᠢᠶ᠎ᠠ ᠨᠢ ᠦᠷᠡᠵᠢᠬᠡᠳ ᠰᠦᠷᠦᠭ ᠪᠤᠯᠵᠤ ᠪᠠᠶᠢᠬᠰᠡᠨ ᠠᠴᠠ  ᠰᠤᠨᠢᠨ ᠦᠯᠢᠬᠡᠷ ᠲᠠᠢ ᠬᠦᠷᠡᠩᠴᠢ ᠦᠨᠢᠶᠡᠨ ᠭᠤᠤ ᠶᠠᠷᠢᠬᠳᠠᠬᠤ ᠪᠤᠯᠤᠬᠰᠡᠨ ᠪᠠᠶᠢᠵᠠᠢ᠃        ᠮᠡᠩᠳᠤ ᠶᠢᠨ ᠬᠦᠨᠳᠠᠢ ᠶᠢ ᠤᠯᠠᠮᠵᠢᠯᠠᠨ ᠶᠠᠷᠢᠶ᠎ᠠ ᠠᠴᠠ ᠦᠩᠬᠡᠷᠡᠭᠰᠡᠨ ᠤ ᠨᠠᠰᠤᠳᠠᠨ ᠪᠤᠭᠤᠷᠤᠯ ᠤᠳ ᠮᠠᠨᠠᠨ ᠬᠦᠳᠡᠩ ᠳᠠᠲᠠᠭᠠᠳ ᠤᠢ ᠮᠤᠳᠤ ᠢᠬᠴᠤᠷᠠᠵᠤ ᠬᠠᠪᠤᠷ ᠤᠨ ᠡᠬᠢ ᠨᠠᠮᠤᠷ ᠤᠨ ᠰᠡᠬᠦᠯᠴᠢ ᠪᠤᠯᠳᠠᠯ᠎ᠠ ᠬᠤᠷ᠎ᠠ ᠤᠰᠤ ᠲᠠᠰᠤᠷᠠᠬᠤ ᠦᠬᠡᠢ ᠡᠬᠦᠯᠠ ᠮᠠᠨᠠᠨ ᠳᠠᠲᠠᠭᠠᠳ ᠡᠳᠤᠷᠵᠢᠨ ᠪᠤᠷᠤᠭᠠᠯᠠᠭᠠᠳ ᠪᠠᠶᠢᠳᠠᠭ ᠠᠴᠠ ︽ᠮᠠᠨᠠᠨᠳᠤ ᠬᠦᠨᠳᠠᠢ︾ ᠬᠡᠵᠤ ᠬᠡᠯᠡᠯᠴᠡᠳᠡᠭ ᠴᠦ ᠲᠡᠬᠦᠨ ᠤ ᠲᠤᠬᠠᠢ ᠡᠶᠢᠮᠤ  ᠨᠢᠭᠡᠨ ᠰᠤᠨᠢᠨ ᠲᠤᠮᠤᠭ  ᠪᠠᠶᠢᠳᠠᠭ᠃        ᠡᠷᠳᠠ ᠤᠷᠢᠳᠤ ᠴᠠᠭ ᠲᠤ᠂ ᠣᠳᠤ ᠶᠢᠨ ᠬᠠᠪᠴᠢᠯ ᠭᠠᠴᠠᠭᠠᠨ ᠤ ᠠᠷᠤ ᠲᠦᠰᠢᠯᠬᠡ ᠪᠤᠯᠤᠭ᠎ᠠ ᠡᠷ᠎ᠠ ᠱᠤᠷᠤᠩ ᠡᠯᠢᠶᠡᠨ ᠦᠨᠳᠤᠷ ᠤᠨ ᠪᠠᠷᠠᠭᠤᠨ ᠵᠠᠬ᠎ᠠ ᠳᠤ ᠰᠦᠨᠳᠡᠷᠯᠡᠭᠡ ᠰᠠᠶᠢᠬᠠᠨ ᠰᠠᠷᠪᠠᠩ ᠤᠨ ᠡᠩᠬᠡᠷ ᠲᠤ ᠡᠯᠳᠡᠪ  ᠠᠮᠢᠳᠠᠳ ᠤᠨ ᠤᠮᠳᠠ ᠪᠤᠯᠤᠬᠰᠡᠨ ᠦᠵᠡᠮᠵᠢ ᠲᠡᠬᠦᠰ ᠪᠦᠷᠢᠯᠳᠤᠭ᠍ᠰᠡᠨ ᠲᠤᠨᠤᠮᠠᠯ ᠰᠢᠷ᠎ᠠ ᠨᠠᠭᠤᠷ ᠪᠠᠶᠢᠯ᠎ᠠ ᠬᠡᠳᠡᠭ᠃ ᠡᠨᠠ ᠲᠤᠨᠤᠮᠠᠯ ᠨᠠᠭᠤᠷ ᠨᠢ ᠶᠠᠭ ᠰᠠᠶᠢᠬᠠᠨ ᠮᠠᠩᠳᠤ ᠶᠢᠨ ᠵᠢᠯᠠᠭ᠎ᠠ ᠶᠢᠨ ᠠᠮᠠ᠂ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠢᠶᠠᠨ ᠡᠭᠴᠨ ᠪᠤᠰᠤᠭ᠎ᠠ ᠴᠠᠪᠴᠢᠶᠠᠯ ᠬᠠᠳᠠ ᠪᠠᠷ ᠬᠠᠰᠢᠬᠰᠡᠨ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠤᠨ ᠭᠤᠤᠯ ᠤᠨ ᠲᠤᠮᠳᠠ ᠤᠷᠤᠰᠬᠠᠯ ᠤᠨ ᠵᠡᠬᠦᠨ ᠲᠠᠨᠵᠢᠨ ᠳᠤ ᠪᠠᠶᠢᠵᠠᠢ᠃ ᠲᠡᠷᠠ ᠦᠶᠡᠰ ᠲᠤ ᠮᠠᠩᠳᠤ ᠶᠢᠨ ᠬᠦᠨᠳᠠᠢ ᠠᠴᠠ ᠲᠤᠯᠤᠭᠠᠢ ᠰᠡᠬᠦᠯ ᠨᠢ ᠬᠠᠷᠠᠬᠳᠠᠳᠠᠭ ᠦᠬᠡᠢ ᠭᠠᠩ ᠤᠨ ᠴᠢᠨᠡᠭᠡ ᠨᠢᠭᠡ ᠮᠠᠩ ᠮᠤᠭᠠᠢ ᠲᠤᠯᠤᠭᠠᠨ ᠡᠳᠤᠷ ᠠᠯᠤᠰᠯᠠᠬᠤ ᠪᠦᠷᠢ ᠵᠤᠨ ᠤ ᠬᠠᠯᠠᠭᠤᠨ ᠳᠤ ᠤᠰᠤᠨ ᠳᠤ ᠪᠠᠭᠤᠵᠤ ᠬᠦᠮᠤᠨ ᠠᠮᠢᠳᠠᠨ ᠢ ᠬᠦᠨᠤᠬᠡᠵᠤ  ᠤᠷᠴᠢᠨ ᠲᠤᠭᠤᠷᠢᠨ ᠤ ᠬᠦᠮᠤᠨ ᠠᠷᠠᠳ ᠤᠨ ᠬᠦᠨᠤᠬᠡᠯᠳᠤ ᠲᠠᠶᠢᠰᠤᠨ  ᠪᠤᠯᠵᠠᠢ᠃ ᠲᠡᠭᠡᠭᠡᠳ ᠡᠨᠡᠬᠦ ᠮᠠᠩ ᠮᠤᠭᠠᠢ ᠶᠢᠨ  ᠬᠡᠷᠴᠡᠭᠡᠢ ᠲᠤᠬᠰᠢᠨ ᠨᠢ ᠤᠯᠠᠮ ᠠᠬᠠᠳᠠᠵᠤ ᠬᠦᠮᠤᠨ ᠠᠮᠢᠳᠠᠨ ᠢ ᠬᠤᠷᠤᠭᠠᠵᠤ ᠵᠠᠯᠬᠢᠬᠤ ᠨᠢ ᠨᠡᠩ ᠬᠡᠴᠡᠬᠦᠳᠠᠵᠡᠢ᠃ ᠶᠠᠭ‌ᠡᠨᠡᠬᠦ ᠭᠠᠷ ᠮᠣᠬᠤᠷᠳᠠᠵᠤ  ᠭᠠᠴᠢᠬᠳᠠᠵᠤ ᠪᠠᠶᠢᠬᠰᠡᠨ ᠴᠠᠭ ᠲᠤ  ᠴᠡᠬᠡᠵᠢ ᠴᠦᠨᠳᠤᠬᠡᠷ᠂ ᠨᠢᠷᠤᠭᠤ ᠠᠬᠠᠷ᠂ ᠲᠠᠰᠢᠶ᠎ᠠ ᠵᠤᠵᠠᠭᠠᠨ᠂ ᠬᠡᠳᠡᠰᠤ ᠨᠠᠷᠢᠨ ᠡᠴᠡᠩᠬᠡᠷ  ᠪᠤᠷᠣ ᠮᠤᠷᠢᠳᠠᠢ ᠨᠢᠳᠤᠨ   ᠳᠡᠭᠡᠨ ᠭᠠᠯ ᠲᠠᠢ ᠨᠢᠭᠤᠷ ᠳᠡᠭᠡᠨ ᠴᠤᠭ ᠲᠠᠢ ᠠᠩᠴᠢᠨ ᠵᠠᠯᠠᠭᠤ ᠪᠠᠭ᠋ᠠᠰᠢᠶᠠᠭ ᠲᠠᠢ ᠪᠠᠨ ᠡᠨᠠ ᠨᠣᠳᠤᠭ ᠢᠶᠠᠷ ᠦᠩᠬᠡᠷᠡᠵᠤ ᠵᠡᠬᠦᠨ ᠭᠠᠵᠠᠷ ᠨᠠᠶᠢᠷ ᠲᠤ ᠬᠦᠷᠴᠤ ᠪᠦᠬᠡ ᠨᠤᠴᠤᠯᠳᠤᠬᠤ ᠪᠠᠷ ᠶᠠᠪᠤᠵᠤ ᠪᠠᠶᠢᠬᠰᠡᠨ ᠲᠠᠢ ᠲᠠᠭᠠᠷᠠᠯᠳᠤᠵᠠᠢ᠃; ᠢᠩᠬᠢᠭᠡᠳ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠮᠠᠯᠴᠢᠨ ᠠᠷᠠᠳ ᠡᠨᠡᠬᠦ  ᠪᠠᠭᠰᠢ ᠱᠠᠪᠢ ᠶᠢᠨ ᠡᠮᠤᠰᠬᠡᠯ  ᠵᠠᠰᠠᠯ ᠡᠳᠡᠬᠡᠳ ᠰᠦᠷ ᠲᠠᠢ᠂ ᠡᠷ᠎ᠠ ᠴᠢᠳᠠᠯ ᠵᠡᠷᠬᠡ ᠠᠴᠠ ᠬᠡᠳᠤᠷᠬᠡᠢ ᠶᠢ ᠦᠵᠡᠬᠡᠳ ᠮᠠᠩ ᠮᠣᠭᠠᠢ ᠶᠢ ᠲᠠᠷᠤᠵᠤ ᠬᠦᠮᠤᠨ ᠠᠷᠠᠳ ᠤᠨ ᠬᠦᠨᠤᠬᠡᠯᠳᠤ ᠲᠠᠶᠢᠰᠤᠨ ᠢ ᠤᠰᠠᠳᠬᠠᠵᠤ ᠦᠭᠬᠦ ᠶᠢ ᠭᠤᠶᠤᠴᠢᠯᠠᠵᠤ ᠬᠦᠨᠳᠤᠳᠬᠡᠨ ᠰᠢᠳᠤᠨ ᠵᠤᠴᠢᠯᠠᠬᠤ ᠳᠤ ᠪᠠᠭᠰᠢ ᠱᠠᠪᠢ ᠬᠤᠶᠠᠷ ᠮᠠᠷᠭᠤᠨ ᠲᠦᠯᠬᠢᠭᠰᠡᠨ ᠦᠬᠡᠢ ᠬᠦᠰᠡᠯ ᠨᠠᠶᠢᠳᠠᠯᠭ᠎ᠠ ᠶᠢ ᠨᠢ ᠬᠦᠯᠢᠶᠡᠵᠤ ᠠᠪᠴᠢ᠃ ᠡᠮᠤᠨ᠎ᠠ ᠠᠷᠪᠡᠨ ᠡᠳᠤᠷ ᠪᠠᠭᠰᠢ ᠱᠠᠪᠢ ᠬᠤᠶᠠᠭᠤᠯᠠ ᠪᠠᠨ ᠬᠠᠷ᠎ᠠ  ᠬᠤᠱᠤᠣ ᠶᠢᠨ ᠣᠷᠣᠢ ︿ᠣᠳᠤ ᠶᠢᠨ ᠣᠪᠣᠭᠠᠨ ᠲᠠᠬᠢᠯᠭ᠎ᠠ ᠶᠢᠨ ᠤᠷᠤᠢ﹀ ᠳᠤ ᠭᠠᠷᠴᠤ ᠮᠠᠩ ᠮᠤᠭᠠᠢ ᠶᠢᠨ ᠶᠠᠪᠤᠳᠠᠯ ᠢ ᠠᠵᠢᠬᠯᠠᠵᠤ ᠰᠠᠭᠤᠵᠠᠢ᠃ ᠬᠠᠷ᠎ᠠ ᠬᠤᠱᠤᠣ ᠶᠢᠨ ᠤᠷᠤᠢ ᠶᠢ ᠬᠡᠵᠤ ᠣᠳᠤ ᠶᠢᠨ ᠬᠠᠪᠴᠢᠯ ᠭᠠᠴᠠᠭ᠎ᠠ ᠶᠢᠨ ᠪᠠᠷᠠᠭᠤᠨ ᠡᠮᠤᠨ᠎ᠠ ᠤᠷᠤᠬᠰᠢ ᠪᠠᠨ ᠲᠦᠷᠢᠭᠰᠡᠨ ᠭᠠᠵᠠᠷ ᠤᠨ ᠪᠠᠶᠢᠴᠠ ᠣᠨᠴᠠ ᠲᠡᠭᠡᠷ᠎ᠠ᠂ ᠭᠡᠨᠡᠳᠳᠠ ᠭᠠᠵᠠᠷ ᠠᠴᠠ ᠤᠷᠭᠤᠨ ᠭᠠᠷᠤᠬᠰᠡᠨ ᠰᠢᠭ᠋ ᠡᠭᠴᠡ ᠪᠤᠰᠤᠭ᠎ᠠ ᠬᠠᠷ᠎ᠠ ᠤᠷᠤᠢ ᠶᠢ ᠬᠡᠯᠡᠵᠤ ᠪᠤᠢ᠃ ᠡᠨᠠ ᠬᠠᠷ᠎ᠠ ᠬᠤᠱᠤᠣ ᠶᠢᠨ ᠤᠷᠤᠢ  ᠳᠤ ᠭᠠᠷᠪᠠᠯ ᠤᠷᠴᠢᠨ ᠲᠤᠭᠤᠷᠢᠨ ᠤ ᠨᠢᠳᠤᠨ ᠪᠠᠷ᠎ᠠ ᠶᠢᠨ ᠭᠠᠵᠠᠷ ᠲᠠᠬᠢ ᠶᠠᠭᠤ ᠪᠠᠶᠢᠬᠤ ᠶᠢ ᠢᠯᠠ ᠲᠤᠳᠤ ᠤᠯᠵᠤ ᠬᠠᠷᠠᠳᠠᠭ᠃ ᠡᠮᠤᠨ᠎ᠠ ᠠᠷᠪᠠᠨ ᠡᠳᠤᠷ ᠤᠨ ᠠᠵᠢᠬᠯᠠᠯᠳᠠ ᠪᠠᠷ ᠮᠡᠩ ᠮᠣᠭᠠᠢ ᠶᠠᠭ ᠵᠢᠩ ᠦᠳᠡ ᠶᠢᠨ ᠮᠤᠷᠢᠨ ᠴᠠᠭ ᠤᠨ ᠠᠯᠳᠠ ᠪᠠᠷ ᠮᠠᠩᠳᠤ ᠶᠢᠨ ᠬᠦᠨᠳᠠᠢ ᠶᠢᠨ ᠠᠮᠠᠨ ᠳᠠᠬᠢ ᠮᠤᠨᠴᠤᠭ ᠠᠭᠤᠯᠠ ᠶᠢᠨ ᠤᠨᠢ ᠪᠠᠷ ᠬᠤᠯᠠ ᠠᠴᠠ ᠡᠯᠢᠬᠡ ᠴᠠᠶᠢᠯᠵᠠᠭᠤᠯᠤᠨ ᠪᠠᠭᠤᠬᠤ ᠳᠤ ᠪᠠᠨ ᠪᠠᠶᠢᠨ ᠪᠠᠶᠢᠨ ᠠᠯᠳᠠ ᠦᠨᠳᠤᠷ ᠭᠤᠷᠤᠶᠢᠨ ᠪᠤᠰᠴᠤ ᠡᠷᠬᠢᠨ ᠲᠤᠭᠤᠷᠢᠨ ᠤ ᠪᠠᠶᠢᠳᠠᠯ ᠢᠶᠠᠨ ᠠᠵᠢᠬᠯᠠᠨ ᠲᠠᠬᠢᠨ ᠨᠠᠮ ᠬᠢᠨ ᠪᠠᠭᠤᠵᠤ ᠤᠰᠤᠨ ᠵᠦᠭ ᠲᠦᠬᠦᠵᠤ ᠢᠷᠡᠬᠡᠳ ᠭᠤᠷᠪᠠ ᠤᠳᠠᠭ᠎ᠠ ᠭᠤᠷᠤᠶᠢᠨ ᠪᠤᠰᠴᠤ ᠭᠤᠳᠤᠶᠢᠨ ᠪᠠᠭᠤᠵᠤ ᠤᠰᠤ ᠰᠤᠷᠤᠳᠠᠭ ᠪᠠᠶᠢᠵᠡᠢ᠃ ᠪᠠᠭᠰᠢ ᠨᠢ ᠱᠠᠪᠢ ᠳᠠᠭᠠᠨ ᠬᠦᠴᠤᠳᠤ ᠨᠤᠮᠤ ᠬᠤᠷᠴᠠ ᠵᠠᠪᠠ ᠪᠠᠨ ᠦᠭᠴᠦ ᠲᠠᠷᠠᠭᠠᠴᠢ ᠶᠢᠨ ᠠᠷᠪᠠ ᠬᠤᠨᠤᠭ ᠲᠤ ᠮᠠᠩ ᠮᠤᠭᠠᠢ ᠶᠢᠨ ᠨᠠᠭᠤᠷ ᠲᠤ ᠪᠠᠭᠤᠨ ᠭᠤᠷᠪᠠᠳᠠᠬᠢ ᠤᠳᠠᠭ᠎ᠠ ᠪᠤᠰᠬᠤ ᠳᠤ ᠯᠠ ᠠᠮᠠᠨ ᠬᠦᠵᠤᠬᠦᠤ ᠪᠠᠷ ᠨᠢ ᠭᠠᠭᠴᠠᠬᠠᠨ ᠬᠠᠷᠪᠤᠭᠠᠳ ᠬᠤᠶᠢᠰᠢ ᠪᠠᠨ ᠪᠤᠴᠠᠵᠤ ᠬᠠᠷᠠᠯ ᠦᠬᠡᠢ ᠮᠤᠷᠢᠨ ᠤ ᠪᠠᠨ ᠴᠢᠨᠡᠭᠡ ᠪᠠᠷ ᠳᠤᠳᠠᠭᠤ ᠶᠤᠮ ᠡᠰᠡ ᠲᠡᠶᠢᠮᠤ ᠪᠤᠯ ᠠᠮᠢᠨ ᠳᠤ ᠬᠦᠷᠬᠦ ᠠᠶᠤᠯ  ᠲᠠᠢ ᠬᠡᠵᠤ ᠵᠢᠭᠠᠵᠤ ᠦᠭᠴᠢ᠃ ᠵᠠᠯᠠᠭᠤ ᠠᠩᠴᠢᠨ ᠡᠴᠡᠩᠬᠡᠷ ᠪᠤᠷᠣ ᠮᠤᠷᠢᠨ ᠳᠤ ᠪᠠᠨ ᠮᠤᠷᠳᠠᠵᠤ ᠨᠤᠮᠤ ᠰᠠᠭᠠᠳᠠᠭ ᠢᠶᠠᠨ ᠠᠬᠰᠠᠵᠤ ᠲᠠᠷᠠᠭᠠᠴᠢ ᠶᠢᠨ ᠠᠷᠪᠡᠨ ᠬᠤᠨᠤᠭ ᠤᠨ ᠮᠤᠷᠢᠨ ᠴᠠᠭ ᠢᠶᠠᠷ ᠮᠠᠩ ᠮᠤᠭᠠᠢ ᠶᠢᠨ ᠤᠰᠤᠨ ᠳᠤ ᠪᠠᠭᠤᠳᠠᠭ ᠤᠷᠴᠢᠨ   ᠳᠤ ᠨᠢᠭᠤᠬᠳᠠᠵᠤ ᠬᠦᠯᠢᠶᠡᠵᠠᠢ᠃ ᠦᠨᠡᠬᠡᠷ ᠪᠤᠳᠤᠬᠰᠡᠨ ᠠᠴᠠ ᠭᠠᠷᠤᠬᠰᠡᠨ ᠦᠬᠡᠢ ᠮᠠᠩ ᠮᠤᠭᠠᠢ ᠴᠠᠭ ᠲᠠᠭᠠᠨ ᠵᠠᠮ ᠢᠶᠠᠷ ᠢᠶᠠᠨ ᠡᠪᠡᠰᠤ ᠮᠤᠳᠤ ᠶᠢ ᠬᠠᠭ᠎ᠠ ᠢᠷᠡᠨ ᠨᠠᠭᠤᠷ ᠤᠷᠤᠭᠤ ᠪᠠᠭᠤᠵᠤ ᠢᠷᠡᠪᠠ᠃ ᠨᠠᠭᠤᠷ ᠤᠨ ᠤᠰᠤ ᠶᠢ ᠨᠢᠭᠡ ᠰᠤᠷᠤᠪᠠᠯ ᠨᠢᠭᠡ ᠭᠤᠷᠤᠶᠢᠨ ᠪᠤᠰᠬᠤ ᠳᠤ ᠵᠠᠯᠠᠭᠤ ᠠᠩᠴᠢᠨ  ᠪᠠᠭᠰᠢ ᠶᠢᠨ ᠢᠶᠠᠨ ᠵᠢᠭᠠᠬᠰᠡᠨ ᠶᠤᠰᠤᠭᠠᠷ ᠬᠠᠳᠠᠭᠤ ᠨᠤᠮ ᠢ ᠲᠡᠷᠬᠡᠯ ᠰᠠᠷᠠᠨ ᠰᠢᠭ᠋ ᠲᠦᠬᠦᠷᠢᠭ ᠲᠠᠳᠠᠵᠤ ᠮᠠᠩ ᠮᠤᠭᠠᠢ ᠶᠢᠨ ᠬᠦᠵᠤᠬᠦᠤ ᠶᠢ ᠵᠢᠭᠠᠵᠤ ᠬᠠᠷᠪᠤᠬᠤ ᠳᠤ ᠱᠤᠤᠬᠢᠬᠰᠡᠨ ᠵᠡᠪᠠ ᠴᠢᠪ ᠬᠡᠮᠡᠨ ᠤᠨᠢᠯᠠᠬᠰᠡᠨ ᠭᠠᠵᠠᠷ ᠲᠤ ᠪᠠᠨ ᠤᠨᠤᠴᠠ   ᠲᠠᠢ ᠲᠤᠰᠴᠤ ᠮᠠᠩ ᠮᠤᠭᠠᠢ ᠲᠤᠭᠠᠷᠤᠨ ᠪᠠᠶᠢᠶ᠎ᠠ ᠭᠤᠶᠠᠳᠠᠨ ᠨᠠᠭᠤᠷ ᠤᠨ ᠤᠰᠤ ᠶᠢ ᠴᠠᠯᠬᠢᠳᠠᠯ᠎ᠠ ᠰᠠᠪᠠᠯᠠᠬᠤ ᠳᠤ ᠵᠠᠯᠠᠭᠤ ᠠᠩᠴᠢᠨ ᠡᠬᠦᠯᠡᠨ ᠴᠡᠩᠬᠡᠷ ᠪᠤᠷᠣ ᠳᠠᠭᠠᠨ ᠲᠠᠪ ᠬᠢᠨ ᠮᠤᠷᠳᠠᠵᠤ ᠢᠷᠡᠭᠰᠡᠡ ᠵᠠᠮ ᠢᠶᠠᠷ ᠢᠶᠠᠨ ᠴᠢᠨᠡᠭᠡ ᠮᠡᠳᠡᠨ ᠲᠠᠪᠬᠢᠭᠤᠯᠪᠠ᠃ ᠬᠠᠷ᠎ᠠ ᠬᠤᠱᠤᠣ ᠤᠶᠢᠷᠠᠳᠤᠵᠤ ᠣᠳᠤ ᠴᠦ ᠰᠤᠭᠤᠷᠠᠬᠰᠡᠨ ᠪᠠᠶᠢᠬ᠎ᠠ ᠬᠡᠵᠤ ᠬᠤᠶᠢᠰᠢ ᠡᠷᠬᠢᠨ ᠬᠠᠷᠠᠬᠤ ᠳᠤ ᠰᠢᠷ᠎ᠠ ᠨᠤᠭᠤᠭᠠᠨ ᠬᠤᠯᠢᠯᠳᠤᠬᠰᠡᠨ ᠮᠠᠭᠤᠬᠠᠢ ᠦᠨᠤᠷ ᠲᠠᠢ ᠠᠭᠤᠷ ᠰᠡᠬᠦᠯ ᠲᠤᠯᠤᠭᠠᠢ ᠵᠤᠯᠭᠠᠮ᠎ᠠ ᠪᠦᠷᠬᠦᠨ ᠢᠷᠡᠪᠠ᠃  ᠵᠤᠯ ᠢᠶᠠᠷ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠲᠤᠯᠵᠤ ᠡᠬᠦᠯᠡᠨ ᠴᠡᠩᠬᠡᠷ ᠪᠤᠷᠣ ᠮᠤᠷᠢᠨ ᠤ ᠰᠡᠬᠦᠯ ᠮᠤᠭᠠᠢ ᠶᠢᠨ ᠬᠤᠤᠷ ᠲᠤ  ᠭᠤᠤᠯ  ᠤᠨ ᠴᠠᠭᠠᠨ᠎ᠠ  ᠰᠠᠬᠰᠠᠭ ᠬᠡᠳᠡᠯ᠎ᠠ ᠬᠢᠷᠭᠠᠬᠳᠠᠨ ᠤᠨᠠᠵᠤ ᠠᠩᠴᠢᠨ ᠵᠠᠯᠠᠭᠤ ᠪᠤᠷᠣ  ᠮᠤᠷᠢ ᠲᠠᠢ ᠪᠠᠨ ᠠᠮᠤᠷ ᠮᠠᠨᠳᠤ ᠭᠠᠷᠴᠤ ᠠᠶᠤᠯᠳᠤ ᠮᠠᠩ ᠢ ᠲᠠᠷᠤᠬᠰᠡᠨ ᠪᠠᠶᠢᠵᠠᠢ᠃ ᠢᠩᠬᠢᠭᠡᠳ ᠬᠦᠮᠤᠨ ᠤ ᠭᠠᠵᠠᠷ ᠬᠦᠨᠳᠡᠯᠡᠨ ᠬᠠᠷᠢ ᠳᠤ ᠰᠡᠬᠦᠯ ᠦᠬᠡᠢ ᠤᠭᠤᠳᠤᠩ ᠮᠤᠷᠢ ᠪᠠᠷ ᠨᠠᠶᠢᠷ ᠲᠤ ᠶᠠᠭᠠᠬᠢᠵᠤ ᠪᠤᠢ︖ ᠬᠡᠵᠤ ᠠᠩᠴᠢᠨ ᠵᠠᠯᠠᠭᠤ  ᠪᠠᠭᠰᠢ ᠲᠠᠢ ᠪᠠᠨ ᠨᠣᠳᠤᠭ ᠣᠷᠣᠭᠤ ᠪᠠᠨ ᠪᠤᠴᠠᠵᠤ ᠬᠡᠨ᠎ᠠ᠃ ᠦᠵᠡᠮᠵᠢ ᠲᠠᠬᠦᠰ  ᠨᠠᠭᠤᠷ ᠴᠦ ᠮᠤᠭᠠᠢ ᠶᠢᠨ ᠬᠤᠤᠷ ᠪᠠᠷ ᠰᠢᠷᠬᠢᠵᠤ ᠣᠳᠤ ᠴᠦ ᠬᠡᠰᠡᠨ ᠵᠠᠷᠢᠮ ᠪᠤᠷᠤᠭᠠᠨ ᠣᠰᠤ ᠡᠯᠪᠡᠭ ᠵᠢᠯ ᠪᠤᠯ ᠬᠡᠳᠤᠨ ᠰᠠᠷ᠎ᠠ ᠪᠠᠷ ᠲᠤᠨᠤᠮᠠᠯ ᠣᠰᠤ ᠲᠠᠢ ᠪᠠᠶᠢᠭᠠᠳ ᠪᠠᠶᠢᠳᠠᠭ ᠶᠤᠮ᠃ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠠᠷᠠᠳ ᠲᠦᠮᠡᠨ ᠪᠠᠭᠰᠢ ᠱᠠᠪᠢ ᠬᠤᠶᠠᠭᠤᠯᠠ ᠶᠢᠨ ᠠᠴᠢ ᠭᠠᠪᠢᠶ᠎ᠠ ᠶᠢ ᠲᠤᠷᠠᠰᠴᠤ ᠠᠭᠤᠯᠠ ᠤᠰᠤ᠂ ᠪᠠᠶᠢᠭᠠᠯᠢ ᠶᠢᠨ ᠨᠠᠭᠤᠷ ᠢᠶᠠᠨ ᠰᠠᠨᠠᠭᠠᠯᠵᠡᠨ ᠡᠨᠡᠬᠦ ᠬᠠᠷ᠎ᠠ ᠬᠤᠱᠤᠣ ᠶᠢᠨ ᠤᠷᠤᠢ ᠳᠤ ᠨᠣᠳᠤᠭ ᠤᠰᠤ ᠪᠠᠨ ᠲᠠᠬᠢᠬᠰᠡᠨ ᠪᠠᠶᠢᠵᠠᠢ᠃ ᠲᠡᠬᠦᠨ ᠠᠴᠠ ᠡᠬᠢᠯᠡᠭᠰᠡᠨ ᠶᠤᠮ ᠤᠤ︖ ᠪᠤᠣ ᠮᠡᠳᠠ ᠣᠳᠤ ᠪᠤᠯᠳᠠᠯ᠎ᠠ ᠬᠠᠪᠴᠢᠯ ᠭᠠᠴᠠᠭᠠᠨ ᠤ ᠬᠢᠨ ᠡᠨᠡᠬᠦ ᠤᠷᠤᠢ ᠶᠢ ᠲᠠᠬᠢᠵᠤ ᠵᠢᠯ ᠵᠢᠯ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷ᠎ᠠ ᠶᠢᠨ ᠠᠷᠪᠡᠨ ᠭᠤᠷᠪᠡᠨ ᠳᠤ ᠣᠪᠤᠭᠠᠨ ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ ᠬᠢᠵᠤ ᠣᠪᠤᠭᠠᠳᠤ ᠶᠢᠨ ᠤᠷᠤᠢ ᠬᠡᠵᠤ ᠰᠢᠨ᠎ᠠ  ᠨᠡᠷ᠎ᠠ  ᠦᠭᠴᠡᠢ᠃ ᠮᠠᠩᠳᠤ ᠶᠢᠨ ᠬᠦᠨᠳᠠᠢ ᠬᠡᠳᠡᠭ ᠨᠢ ᠲᠡᠷᠠ ᠦᠶ᠎ᠡ ᠶᠢᠨ ᠮᠠᠩ ᠮᠤᠭᠠᠢ ᠪᠠᠶᠢᠬᠰᠡᠨ ᠲᠤᠮᠤᠭ ᠢᠶᠠᠷ ᠮᠠᠩ  ᠳᠤ ᠶᠢᠨ ᠬᠦᠨᠳᠠᠢ ᠬᠡᠵᠤ ᠲᠠᠭᠤᠳᠠᠬᠤ ᠪᠤᠯᠤᠬᠰᠡᠨ ᠬᠡᠵᠤ ᠨᠠᠰᠤᠳᠠᠶᠢᠴᠤᠳ ᠬᠠᠭᠤᠴᠢᠯᠠᠳᠠᠭ᠃        ᠭᠠᠯᠳᠤ ᠶᠢᠨ ᠬᠦᠨᠳᠠᠢ᠄ ᠭᠠᠯᠳᠤ ᠶᠢᠨ ᠬᠦᠨᠳᠠᠢ ᠪᠤᠯ ᠬᠠᠪᠴᠢᠯ ᠭᠠᠴᠠᠭᠠᠨ ᠤ ᠰᠦᠮ᠎ᠠ ᠶᠢᠨ ᠲᠠᠨᠵᠢ ᠶᠢᠨ ᠪᠠᠷᠠᠭᠤᠨ᠂ ᠦᠵᠤᠬᠦᠷᠬᠤᠸᠠ ᠭᠠᠴᠠᠭ᠎ᠠ ᠶᠢᠨ ᠬᠤᠶᠢᠨ᠎ᠠ ᠪᠠᠶᠢᠭ᠎ᠠ ᠶᠡᠭᠡ ᠬᠦᠨᠳᠠᠢ ᠶᠢ ᠬᠡᠯᠡᠳᠡᠭ᠃ ᠡᠨᠡᠬᠦ ᠬᠦᠨᠳᠠᠢ ᠶᠢᠨ ᠡᠪᠡᠰᠤ ᠪᠡᠯᠴᠢᠭᠡᠷ  ᠰᠠᠬᠤᠯᠠᠭ ᠵᠤᠵᠠᠭᠠᠨ ᠭᠤᠤᠯ ᠢᠶᠠᠨ ᠲᠠᠭᠠᠬᠰᠡᠨ ᠨᠠᠷᠢᠯᠢᠭ ᠡᠪᠡᠰᠤ ᠶᠢᠨ ᠰᠢᠮ᠎ᠡ ᠪᠦᠷᠢᠨ ᠬᠠᠪᠤᠷ ᠨᠠᠮᠤᠷ ᠤᠨ ᠴᠠᠭ ᠲᠤ ᠲᠤᠬᠤᠢ ᠲᠠᠭᠠᠬᠰᠡᠨ ᠪᠡᠯᠴᠢᠭᠡᠷ ᠢᠶᠠᠷ ᠮᠡᠩᠬᠢᠷ  ᠲᠠᠭᠠᠨ᠎ᠠ ᠶᠢᠨ ᠦᠨᠤᠷ ᠰᠠᠷᠮᠠᠭᠰᠠᠭᠠᠷ  ᠴᠤᠷᠬᠢᠨ ᠬᠦᠮᠤᠨ ᠮᠠᠯ ᠤᠨ ᠲᠠᠭᠠᠯᠠᠮᠵᠢᠳᠤ ᠤᠷᠤᠨ ᠪᠤᠯᠳᠠᠭ᠃ ᠭᠠᠯᠳᠤ ᠶᠢᠨ ᠬᠦᠨᠳᠠᠢ ᠶᠢ ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠰᠠᠯᠠᠭ᠎ᠠ  ᠪᠠᠷ ᠨᠢ ᠵᠡᠬᠦᠨ ᠭᠠᠯᠳᠤ᠂ ᠪᠠᠷᠠᠭᠤᠨ ᠭᠠᠯᠳᠤ ᠬᠡᠵᠤ ᠨᠡᠷᠡᠯᠡᠳᠡᠭ᠃ ᠬᠤᠶᠢᠰᠢ ᠤᠷᠤᠬᠰᠢ ᠪᠠᠨ ᠰᠤᠨᠤᠬᠰᠡᠨ ᠡᠨᠡᠬᠦ ᠶᠡᠭᠡ ᠬᠦᠨᠳᠠᠢ ᠨᠢ ᠤᠷᠳᠤ ᠪᠠᠷ ᠢᠶᠠᠨ  ᠪᠠᠷᠤᠭ ᠲᠦᠴᠢᠨ ᠭᠠᠵᠠᠷ ᠪᠠᠶᠢᠳᠠᠭ᠃ ᠭᠠᠯᠳᠤ ᠶᠢᠨ ᠡᠬᠢᠨ ᠳᠤ ᠠᠳᠠᠪᠠᠰᠢ ᠰᠦᠷᠯᠢᠭ ᠡᠭᠴᠨ ᠪᠤᠰᠤᠭ᠎ᠠ ᠮᠤᠷᠢᠨ  ᠳᠡᠯ ᠰᠢᠭ ᠬᠠᠳᠠ ᠪᠠᠶᠢᠳᠠᠭ᠃  ᠬᠦᠮᠤᠰ ᠡᠨᠡᠬᠦ ᠬᠠᠳᠠ ᠶᠢ ᠳᠡᠯ ᠬᠠᠳᠠ ᠬᠡᠳᠡᠭ᠃ ᠳᠡᠯ ᠬᠠᠳᠠ ᠨᠢ ᠬᠡᠳᠦᠨ ᠠᠷᠪᠡᠨ ᠵᠠᠩ ᠦᠨᠳᠤᠷ ᠵᠦᠪᠭᠡᠨ ᠮᠧᠲᠷ ᠢᠯᠡᠬᠦᠬᠡᠨ ᠦᠷᠬᠡᠨ ᠪᠠᠶᠢᠳᠠᠭ ᠠᠴᠠ ᠴᠤᠬᠤᠮ ᠬᠦ᠋ ᠮᠦᠴᠢᠳᠤ ᠲᠦᠷᠪᠡᠨ  ᠬᠦᠯᠳᠡᠨ ᠤ ᠮᠦᠷᠤ ᠨᠢ ᠭᠠᠷᠤᠭ᠎ᠠ ᠦᠬᠡᠢ  ᠬᠡᠬᠦ   ᠪᠠᠷ ᠢᠯᠡᠬᠦᠳᠡᠬᠦ ᠦᠬᠡᠢ ᠳ᠋ᠠ᠃ ᠠᠳᠠ ᠬᠦᠴᠤᠳᠤ ᠵᠢᠬᠦᠷᠳᠡᠨ ᠤ ᠵᠢᠷᠭᠠᠯ ᠤᠨ ᠤᠷᠤᠨ ᠪᠤᠯᠵᠤ ᠪᠠᠶᠢᠳᠠᠭ ᠪᠦᠬᠡᠳ ᠬᠡᠬᠡᠷ᠎ᠠ ᠶᠢᠨ  ᠰᠤᠩᠬᠢᠨ᠎ᠠ᠂ ᠭᠤᠭᠤᠳ ᠲᠠᠷᠢᠬᠰᠡᠨ ᠰᠢᠭ᠋ ᠯᠠ ᠤᠷᠭᠤᠭᠠᠳ ᠪᠠᠶᠢᠳᠠᠭ᠃ ᠭᠠᠯᠳᠤ ᠶᠢᠨ ᠬᠦᠨᠳᠠᠢ ᠪᠠᠨ ᠴᠢᠨᠠᠬᠰᠢ ᠲᠠᠪᠠᠵᠤ ᠤᠷᠤᠪᠠᠯ  ᠮᠠᠩᠳᠤ ᠶᠢᠨ ᠬᠦᠨᠳᠠᠢ᠂ ᠭᠠᠯᠳᠤ ᠶᠢᠨ ᠬᠦᠨᠳᠠᠢ ᠬᠡᠵᠤ ︽ᠲᠤᠭᠤᠯᠭ᠎ᠠ ᠲᠠᠢ ᠱᠦᠯᠤᠨ ᠳᠤ ᠬᠤᠰᠢᠭᠤ ᠬᠤᠯᠪᠤᠵᠤ᠂ ᠲᠤᠭᠤᠨᠤ ᠲᠠᠢ  ᠭᠡᠷ ᠲᠤ ᠲᠤᠯᠤᠭᠠᠢ ᠬᠤᠯᠪᠤᠬᠰᠡᠨ︾  ᠬᠡᠮᠡᠷ ᠡᠯᠢᠬᠡ ᠪᠠᠷ ᠢᠶᠠᠷ ᠨᠡᠶᠢᠯᠡᠵᠤ ᠪᠠᠶᠢᠷᠢ ᠠᠪᠤᠬᠰᠡᠨ ᠬᠤᠶᠠᠷ ᠬᠦᠨᠳᠠᠢ  ᠵᠢᠯᠠᠭ᠎ᠠ ᠶᠤᠮ᠃ ᠠᠳᠠ ᠡᠷᠳᠠ ᠳᠡᠭᠡᠨ ᠠᠷᠤ ᠬᠤᠷᠴᠢᠨ ᠤ ᠬᠦᠷᠤᠤ ᠬᠡᠰᠡᠨ ᠬᠦᠮᠤᠨ ᠤ  ᠡᠪᠦᠭᠡ ᠲᠡᠬᠡᠳᠤᠰ ᠨᠤᠳᠤᠬᠯᠠᠨ ᠰᠠᠭᠤᠵᠤ ᠪᠠᠶᠢᠬᠰᠡᠨ ᠮᠦᠷᠳᠡᠬᠡᠨ ᠲᠡᠭᠡᠷ᠎ᠠ ᠠᠮᠠᠨ ᠳᠤᠨᠢ ᠬᠠᠭᠤᠴᠢᠨ ᠯᠢᠶᠤᠤ ᠶᠢᠨ ᠪᠠᠭᠤᠷᠢ ᠪᠠᠶᠢᠳᠠᠭ᠃ ᠠᠳᠠ  ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠨ ᠲᠠᠷᠢᠶ᠎ᠠ ᠲᠠᠷᠢᠵᠤ ᠤᠨᠠᠭᠤᠯᠢ ᠭᠤᠤ  ᠵᠠᠰᠠᠬᠤ ᠳᠤ ᠤᠠᠯᠠᠨ ᠠᠷᠪᠢᠨ ᠬᠦᠮᠤᠨ ᠤ ᠶᠠᠰᠤ ᠭᠠᠪᠠ ᠲᠦᠩᠬᠡ ᠶᠢᠨ ᠲᠠᠮᠤᠷ ᠤᠨ ᠦᠯᠡᠳᠡᠭᠳᠡᠯ ᠭᠠᠷᠤᠬᠰᠡᠨ ᠠᠴᠠ ᠬᠠᠭᠤᠴᠢ ᠰᠣᠳᠤᠯᠤᠬᠴᠢᠳ ᠡᠨᠡᠬᠦ ᠪᠠᠭᠤᠷᠢ ᠨᠢ ᠡᠷᠳᠡᠨ  ᠤ ᠵᠠᠰᠠᠭ ᠤᠨ ᠶᠠᠯᠠᠳᠠᠨ ᠬᠤᠷᠢᠵᠤ ᠪᠠᠶᠢᠬᠰᠡᠨ ᠭᠠᠵᠠᠷ ᠪᠤᠯᠪᠠᠤ︖ ᠬᠡᠵᠤ ᠲᠠᠭᠠᠮᠠᠬᠯᠠᠵᠤ ᠪᠠᠶᠢᠪᠠ᠃ 1926 ᠣᠨ ᠤ ᠦᠶ᠎ᠠ ᠪᠠᠷ ᠴᠡᠷᠢᠭ ᠤᠨ  ᠡᠷᠬᠡᠳᠠᠳ ᠤᠨ ᠶᠡᠭᠡ ᠭᠠᠵᠠᠷ ᠬᠠᠭᠠᠯᠪᠤᠷᠢᠯᠠᠯᠳᠠ ᠶᠢᠨ ᠲᠤᠮᠳᠠ ᠪᠠᠭᠠᠷᠢᠨ ᠨᠣᠳᠤᠭ ᠲᠤ ᠲᠦᠷᠢᠵᠤ ᠤᠷᠤᠵᠤ ᠢᠷᠡᠭᠰᠡᠨ ᠰᠠᠷᠢᠭᠠᠴᠢᠳ ᠤᠨ ᠨᠢᠭᠡ ᠮᠠ ᠵᠧᠨ ᠡᠤ ᠶᠢᠨ ᠠᠷᠢᠬᠢᠨ ᠱᠤᠤᠭᠤᠯ ᠨᠢ ᠠᠳᠠ  ᠲᠤᠬᠳᠠᠵᠤ ᠰᠡᠬᠦᠯ ᠳᠡᠭᠡᠨ ᠭᠠᠯᠳᠤ ᠶᠢᠨ ᠬᠦᠨᠳᠠᠢ ᠶᠢᠨ ᠲᠤᠤᠷ᠎ᠠ ᠠᠮᠠ ᠶᠢ ᠪᠠᠷᠢᠵᠤ ᠱᠤᠤ ᠬᠦᠸᠧ ᠶᠤᠤ ᠬᠡᠬᠦ ᠬᠢᠳᠠᠳ ᠲᠤᠰᠬᠤᠨ ᠬᠦᠯ ᠲᠤᠬᠳᠠᠵᠤ ᠠᠶᠢᠯ ᠡᠷᠤᠬᠡ ᠵᠤᠵᠠᠷᠠᠭᠠᠳ ᠠᠮᠠ ᠪᠦᠯᠢ ᠠᠷᠪᠢᠳᠴᠠᠢ᠃ ᠭᠠᠯᠳᠤ ᠶᠢᠨ ᠬᠦᠨᠳᠠᠢ ᠶᠢᠨ ᠤᠢ ᠮᠤᠳᠤ ᠵᠤᠵᠠᠭᠠᠨ ᠤᠰᠤᠨ ᠰᠤᠷᠪᠤᠯᠵᠢ ᠰᠠᠶᠢᠨ ᠪᠠᠶᠢᠳᠠᠭ᠃ ᠬᠡᠰᠡᠭ ᠬᠡᠰᠡᠭ ᠢᠶᠠᠷ ᠵᠠᠶᠢᠯᠠᠵᠤ ᠤᠷᠭᠤᠯᠠᠬᠰᠡᠨ ᠬᠡᠮᠡᠷ ᠬᠤᠰᠤ ᠴᠠᠷᠠᠰᠤ ᠤᠳᠠ ᠪᠤᠷᠭᠠᠰᠤ ᠢᠬᠴᠤᠷᠤᠨ ᠭᠤᠤᠯ ᠭᠤᠷᠤᠬ᠎ᠠ ᠲᠤᠨᠤᠯᠵᠢᠨ ᠪᠠᠶᠢᠭᠠᠯᠢ  ᠶᠢᠨ ᠴᠡᠴᠡᠷᠯᠢᠭ ᠰᠢᠭ ᠭᠤᠶᠢᠳᠠ ᠭᠤᠶᠤᠬᠠᠨ ᠨᠣᠳᠤᠭ ᠪᠠᠶᠢᠪᠠ᠃ ᠨᠠᠶᠠᠭᠠᠳ ᠣᠨ ᠤ ᠰᠡᠬᠦᠯᠴᠢ ᠦᠶ᠎ᠠ  ᠪᠠᠷ ᠦᠵᠤᠬᠦᠷᠬᠤᠸᠠ ᠭᠠᠴᠠᠭ᠎ᠠ ᠨᠢ  ᠵᠡᠷᠬᠡᠯᠳᠡᠭᠡ ᠭᠤᠷᠪᠡᠨ ᠠᠭᠤᠯᠠ ᠰᠢᠶᠠᠩ ᠲᠠᠢ  ᠨᠣᠳᠤᠭ ᠪᠡᠯᠴᠢᠭᠡᠷ ᠤᠨ ᠵᠤᠯᠢᠶ᠎ᠠ ᠵᠠᠶᠢᠯᠵᠤ ᠬᠠᠶᠢᠷᠠᠨ ᠰᠠᠶᠢᠬᠠᠨ ᠭᠠᠯᠳᠤ ᠶᠢᠨ ᠬᠦᠨᠳᠠᠢ ᠪᠠᠨ ᠭᠤᠷᠪᠡᠨ ᠠᠭᠤᠯᠠ ᠰᠢᠶᠠᠩ ᠳᠤ ᠦᠭᠴᠡᠢ᠃ ᠡᠨᠡᠬᠦ ᠤᠴᠢᠷ ᠠᠴᠠ ᠬᠤᠶᠢᠰᠢ ᠰᠤᠮᠤ ᠰᠢᠶᠠᠩ ᠤᠨ ᠠᠷᠠᠳ ᠤᠨ ᠬᠤᠭᠤᠷᠤᠨᠳᠤ ᠮᠠᠯ ᠤᠨᠤᠭ᠎ᠠ ᠨᠣᠳᠤᠭ ᠪᠡᠯᠴᠢᠭᠡᠷ ᠤᠨ ᠡᠵᠡᠩᠨᠡᠯᠳᠠ ᠶᠢᠨ ᠵᠢᠭᠤᠷᠠᠭᠠᠨ ᠲᠠᠰᠤᠷᠠᠭ᠎ᠠ ᠦᠬᠡᠢ ᠭᠠᠷᠤᠬᠰᠠᠭᠠᠠᠷ ᠪᠠᠶᠢᠨ᠎ᠠ᠃ ᠨᠡᠩ ᠴᠦ ᠣᠳᠤ ᠭᠠᠯᠳᠤ ᠶᠢᠨ ᠦᠵᠡᠰᠬᠦᠯᠡᠩ ᠰᠠᠶᠢᠬᠠᠨ ᠦᠩᠬᠡ ᠵᠢᠰᠦ ᠦᠵᠡᠬᠦ ᠶᠢᠨ ᠠᠷᠭ᠎ᠠ ᠦᠬᠡᠢ ᠰᠢᠷᠠᠬᠳᠤᠵᠤ ᠤᠬᠳᠤᠯᠵᠤ ᠤᠨᠠᠭᠠᠬᠰᠡᠨ ᠤᠢ ᠮᠤᠳᠤᠳ ᠤᠨ ᠲᠠᠭᠠᠷᠢᠳᠠᠰᠤ  ᠵᠢᠷᠤᠬᠡ ᠶᠢ ᠰᠢᠮᠰᠢᠷᠬᠦᠯᠠᠮ᠎ᠠ ᠴᠠᠶᠢᠭᠠᠳ᠂ ᠤᠷᠭᠤᠵᠤ ᠨᠡᠯᠤᠶᠢᠭ᠍ᠰᠡᠨ ᠪᠡᠯᠴᠢᠭᠡᠷ ᠤᠭ ᠢᠶᠠᠷ ᠢᠶᠠᠨ ᠬᠤᠪᠬᠠᠶᠢᠷᠠᠵᠤ ᠬᠠᠯᠴᠠᠭᠠᠶᠢᠷᠠᠭᠠᠳ ᠤᠰᠤᠨ ᠰᠤᠷᠪᠤᠯᠵᠢ ᠶᠢᠨ ᠰᠤᠳᠠᠰᠤ ᠲᠠᠰᠤᠷᠠᠵᠤ ᠪᠤᠯᠠᠭ ᠬᠠᠨᠳᠠ  ᠨᠢ ᠰᠢᠷᠬᠡᠵᠤ ᠰᠤᠭᠤᠷᠠᠵᠠᠢ᠃ ᠡᠨᠠ ᠦᠨᠡᠭᠡᠷ ︽ᠡᠷᠬᠢᠬᠦᠤ ᠨᠤᠶᠠᠨ ᠵᠠᠰᠠᠭ ᠪᠠᠷᠢᠪᠠᠰᠤ ᠠᠷᠠᠳ ᠤᠨ ᠦᠢᠯᠠ  ᠲᠠᠪᠬᠤᠷ ᠢᠷᠡᠮᠤᠢ᠃ ᠦᠭᠡᠨᠴᠨ ᠨᠤᠶᠠᠨ ᠵᠠᠰᠠᠭ ᠪᠠᠷᠢᠪᠠᠰᠤ ᠠᠭᠤᠯᠠ ᠤᠰᠤ  ᠦᠵᠡᠮᠤᠷᠢ ᠪᠠᠨ ᠪᠠᠷᠠᠮᠤᠢ᠃ ᠠᠪᠠᠯᠢᠭᠠᠴᠢ ᠨᠤᠶᠠᠨ ᠵᠠᠰᠠᠭ ᠪᠠᠷᠢᠪᠠᠰᠤ ᠠᠪᠤ ᠶᠢᠨ ᠨᠣᠳᠤᠭ ᠬᠤᠳᠤᠯᠳᠤᠬᠳᠠᠵᠤ ᠲᠠᠭᠤᠰᠤᠮᠤᠢ︾ ᠶᠠᠭᠤᠳᠠᠢ ᠬᠦᠭᠡᠷᠤᠬᠦᠢ︕        ᠪᠤᠭᠤᠳᠤ ᠶᠢᠨ ᠬᠦᠨᠳᠠᠢ᠄ ᠤᠯᠠᠭᠠᠨ ᠳᠠᠪᠠᠭ᠎ᠠ ᠰᠤᠮᠤᠨ ᠤ ᠲᠦᠪ ᠬᠠᠪᠴᠢᠯ ᠠᠴᠠ ᠤᠮᠠᠷᠠᠰᠢ ᠰᠢᠨ᠎ᠠ ᠬᠤᠳᠠ ᠭᠠᠴᠠᠭᠠᠨ ᠤ ᠬᠤᠶᠢᠨ᠎ᠠ ᠬᠤᠷᠢᠭᠠᠳ ᠭᠠᠵᠠᠷ ᠤᠨ ᠦᠵᠤᠬᠦᠷ ᠬᠠᠮᠠᠷ ᠬᠠᠪᠴᠢᠬᠰᠡᠨ ᠬᠤᠶᠠᠷ ᠰᠠᠯᠠᠭ᠎ᠠ ᠶᠡᠭᠡ ᠵᠢᠯᠠᠭ᠎ᠠ ᠶᠢ ᠪᠤᠭᠤᠳᠤ ᠶᠢᠨ ᠬᠦᠨᠳᠠᠢ ᠬᠡᠳᠡᠭ᠃ ᠵᠡᠬᠦᠨ ᠰᠠᠯᠠᠭ᠎ᠠ ᠨᠢ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨ ᠦᠨᠳᠤᠷ ᠰᠤᠮᠤ ᠶᠢᠨ ᠮᠠᠨᠢᠳᠤ ᠭᠠᠴᠠᠭᠠᠨ ᠳᠤ ᠬᠠᠷᠢᠶᠠᠯᠠᠬᠳᠠᠵᠤ ᠪᠤᠭᠤᠳᠤ ᠶᠢᠨ ᠠᠶᠢᠯ ᠬᠡᠵᠤ ᠲᠠᠭᠤᠳᠠᠬᠳᠠᠵᠤ ᠪᠤᠢ᠃ ᠪᠠᠷᠠᠭᠤᠨ ᠰᠠᠯᠠᠭ᠎ᠠ ᠨᠢ ᠵᠡᠬᠦᠨ ᠪᠠᠭᠠᠷᠢᠨ ᠤ ᠤᠯᠠᠭᠠᠨᠳᠠᠪᠠᠭ᠎ᠠ ᠰᠤᠮᠤᠨ ᠳᠤ ᠬᠠᠷᠢᠶᠠᠯᠠᠬᠳᠠᠵᠤ ᠪᠤᠢ᠃ ᠠᠳᠠ ᠤᠯᠤᠰ ᠠᠴᠠ ᠡᠷᠬᠢᠯᠡᠭᠰᠡᠨ ᠤᠮᠠᠷᠠᠳᠤ ᠤᠷᠤᠨ ᠤ ᠵᠡᠬᠦᠨ ᠬᠤᠶᠢᠳᠤ ᠶᠢᠨ ᠲᠤᠷᠤᠭ ᠪᠤᠭᠤ ᠶᠢᠨ ᠲᠠᠯᠠᠪᠠᠢ ᠪᠠᠶᠢᠭᠤᠯᠵᠤ᠂ ᠣᠳᠤ ᠪᠤᠭᠤ ᠴᠦ ᠴᠦᠬᠡᠬᠡᠷᠡᠵᠤ ᠴᠦᠮ ᠬᠤᠪᠢ ᠬᠦᠮᠤᠨ ᠤ ᠦᠮᠴᠢᠨ ᠳᠤ ᠤᠷᠤᠵᠤ ᠲᠠᠷᠢᠶᠠᠯᠠᠬᠤ ᠪᠠᠷ ᠭᠤᠤᠯᠳᠠᠬᠰᠡᠨ ᠲᠠᠪᠢ ᠵᠢᠷᠠᠭᠠᠳ ᠡᠷᠤᠬᠡ ᠲᠠᠢ ︽ᠪᠤᠭᠤ ᠶᠢᠨ ᠲᠠᠯᠠᠪᠠᠢ︾ ᠶᠢᠨ  ᠬᠢᠳᠠᠳ ᠠᠶᠢᠯ ᠪᠤᠯᠵᠢ᠃ ᠪᠤᠭᠤ ᠶᠢᠨ ᠲᠠᠯᠠᠪᠠᠢ ᠶᠢᠨ ᠲᠡᠭᠡᠷ᠎ᠠ ᠡᠬᠢ ᠬᠦᠯᠢᠬᠡᠷ ᠬᠠᠨ ᠤ  ᠡᠯᠢᠬᠡᠨ ᠠᠴᠠ ᠢᠷᠡᠭᠰᠡᠨ᠂ ᠴᠠᠭᠠᠨ ᠴᠢᠯᠠᠭᠤᠳᠤ ᠶᠢᠨ ᠬᠠᠳᠠᠨ ᠠᠴᠠ ᠡᠬᠢ ᠲᠠᠢ ᠵᠢᠯᠠᠭ᠎ᠠ ᠪᠠᠨ ᠲᠠᠭᠠᠬᠰᠡᠨ ᠬᠤᠶᠠᠷ ᠰᠠᠯᠪᠤᠷᠢ ᠤᠷᠤᠰᠬᠠᠯ ᠨᠢ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠲᠠᠢ ᠨᠡᠶᠢᠯᠠᠵᠤ ᠪᠠᠶᠢᠳᠠᠭ᠃ ᠴᠠᠭᠠᠨ ᠴᠢᠯᠠᠭᠤᠳᠤ ᠶᠢ ᠪᠠᠰᠠ ᠬᠠᠳᠠᠨ ᠠᠷᠤ ᠬᠡᠵᠤ ᠶᠠᠷᠢᠵᠤ ᠪᠤᠢ᠃ ᠪᠤᠭᠤᠳᠤ ᠶᠢᠨ ᠵᠢᠯᠠᠭ᠎ᠠ ᠶᠢᠨ ᠭᠤᠤᠯ ᠲᠠᠭᠠᠬᠰᠡᠨ ᠪᠡᠯᠴᠢᠭᠡᠷ ᠡᠪᠠᠰᠤ ᠨᠠᠷᠢᠯᠢᠭ ᠵᠦᠬᠡᠯᠡᠨ᠂ ᠠᠭᠤᠯᠠ ᠬᠠᠳᠠᠨ ᠤ ᠡᠬᠢ ᠨᠢ ᠤᠢ ᠮᠤᠳᠤ ᠢᠬᠴᠢ ᠵᠤᠵᠠᠭᠠᠨ ᠡᠯᠳᠡᠪ ᠲᠦᠷᠤᠯ ᠤᠨ ᠰᠢᠮᠡᠳᠤ ᠤᠷᠭᠤᠮᠠᠯ ᠲᠠᠢ ᠪᠠᠶᠢᠳᠠᠭ ᠠᠴᠠ ᠤᠷᠢᠳᠤ ᠳᠠᠭᠠᠨ ᠵᠡᠬᠦᠨ ᠬᠤᠶᠢᠳᠤ ᠶᠢᠨ ᠲᠤᠷᠤᠭ ᠪᠤᠭᠤ ᠨᠤᠳᠤᠬᠰᠢᠨ ᠦᠷᠡᠵᠢᠬᠡᠳ ᠰᠦᠷᠦᠭ ᠰᠦᠷᠦᠭ ᠢᠶᠠᠷ ᠠᠳᠤᠭᠤ ᠮᠠᠯ ᠰᠢᠭ᠋ ᠪᠡᠯᠴᠢᠳᠡᠭ ᠠᠴᠠ ᠬᠦᠮᠤᠰ ᠪᠤᠭᠤᠳᠤ ᠶᠢᠨ ᠬᠦᠨᠳᠠᠢ ᠬᠡᠰᠡᠨ ᠨᠡᠷ᠎ᠠ ᠰᠢᠩᠬᠡᠬᠡᠵᠡᠢ᠃        ᠬᠤᠪᠤᠭᠤ ᠬᠦᠨᠳᠠᠢ᠄ ᠬᠦᠯᠢᠬᠡᠷ ᠬᠠᠨ ᠤ ᠡᠩᠬᠡᠷ᠂ ᠪᠠᠶᠠᠨᠵᠢᠷᠦᠬᠡ ᠬᠠᠨ ᠬᠠᠶᠢᠷᠠᠬᠠᠨ ᠤ ᠠᠷᠤ ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠨ ᠲᠠᠭᠠᠬᠰᠡᠨ ᠶᠡᠭᠡ ᠬᠦᠨᠳᠠᠢ ᠶᠢ ᠬᠤᠪᠤᠭᠤ ᠬᠦᠨᠳᠠᠢ ᠬᠡᠳᠡᠭ᠃ ᠤᠷᠳᠤ ᠪᠠᠷ ᠢᠶᠠᠨ 25km ᠦᠷᠬᠡᠨ ᠢᠶᠠᠷ ᠢᠶᠠᠨ12km ᠪᠠᠶᠢᠳᠠᠭ᠃ ᠬᠦᠨᠳᠠᠢ ᠪᠠᠨ ᠲᠠᠭᠠᠬᠰᠡᠨ ᠭᠤᠤᠯ ᠨᠢ ᠪᠠᠶᠠᠨᠵᠢᠷᠦᠬᠡ ᠬᠠᠨ ᠤ ᠠᠷᠤ ᠯᠤᠤᠬ᠎ᠠ ᠶᠢᠨ ᠵᠢᠯᠠᠭ᠎ᠠ ᠶᠢᠨ ᠡᠬᠢ᠂ ᠢᠩᠳᠤ ᠶᠢᠨ ᠬᠦᠨᠳᠠᠢ ᠶᠢᠨ ᠡᠬᠢ᠂  ᠶᠡᠭᠡ ᠪᠠᠭ᠎ᠠ ᠪᠤᠷᠭᠠᠰᠤᠳᠠᠢ ᠶᠢᠨ ᠤᠷᠤᠢ ᠶᠢᠨ ᠡᠯᠢᠬᠡᠨ ᠠᠴᠠ ᠢᠷᠡᠭᠰᠡᠨ ᠬᠡᠳᠤᠨ ᠰᠠᠯᠪᠤᠷᠢ ᠤᠷᠤᠰᠬᠠᠯ ᠮᠤᠷᠤᠯᠵᠡᠨ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠲᠠᠢ ᠨᠡᠶᠢᠯᠡᠵᠤ ᠠᠳᠤᠭᠤ ᠮᠠᠯ ᠤᠨ ᠠᠮᠳᠠᠳᠤ ᠤᠮᠳᠠ ᠪᠤᠯᠵᠤ ᠪᠠᠶᠢᠳᠠᠭ᠃ ᠬᠤᠪᠤᠭᠤ ᠬᠦᠨᠳᠠᠢ ᠶᠢᠨ ᠠᠮᠠ ᠨᠢ ᠴᠢᠬᠤᠯᠠ᠂ ᠲᠤᠳᠤᠬᠰᠢᠯᠠᠬᠤ ᠲᠤᠳᠤᠮ ᠠᠭᠤᠵᠢᠮ ᠪᠤᠯᠳᠠᠭ᠃ ᠯᠤᠤᠬ᠎ᠠ ᠶᠢᠨ ᠬᠦᠨᠳᠠᠢ᠂ ᠢᠩᠳᠤ ᠶᠢᠨ ᠬᠦᠨᠳᠠᠢ  ᠂  ᠶᠡᠭᠡ ᠪᠠᠭ᠎ᠠ ᠪᠤᠷᠭᠠᠰᠤᠳᠠᠢ ᠶᠢᠨ ᠬᠦᠨᠳᠠᠢ ᠵᠡᠷᠬᠡ ᠬᠡᠳᠦᠨ ᠪᠠᠭ᠎ᠠ ᠬᠦᠨᠳᠠᠢ ᠶᠢᠨ ᠠᠮᠠ ᠨᠡᠶᠢᠯᠠᠵᠤ  ᠭᠠᠳᠠᠨ᠎ᠠ ᠠᠴᠠ ᠲᠤᠳᠤᠬᠰᠢᠯᠠᠬᠤ  ᠳᠤ ᠯᠠ ︽ᠬᠤᠪᠤᠭᠤ︾ ᠠᠳᠠᠯᠢ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ ᠠᠴᠠ ᠲᠡᠬᠡᠵᠤ ᠨᠡᠷᠡᠯᠡᠭᠰᠡᠨ  ᠪᠠᠶᠢᠵᠤ ᠮᠡᠳᠡᠨ᠎ᠠ᠃ ᠲᠡᠬᠦᠨ ᠠᠴᠠ ᠪᠠᠷᠠᠭᠤᠨᠰᠢ ᠲᠠᠷᠪᠠᠭ᠎ᠠ ᠲᠠᠪᠠᠪᠠᠯ ᠪᠠᠭᠠᠷᠢᠨ ᠵᠡᠬᠦᠮ ᠬᠤᠰᠢᠭᠤᠨ ᠤ ᠲᠤᠮᠤ ᠠᠭᠤᠷᠬᠠᠢ ᠶᠢᠨ ᠭᠠᠷᠤᠯᠳᠠ ᠶᠢᠨ ᠨᠢᠭᠡ ᠪᠤᠯᠬᠤ ︽ᠬᠤᠪᠤᠭᠤ ᠵᠡᠰ ᠲᠤᠭᠤᠯᠭ᠎ᠠ ᠶᠢᠨ ᠠᠭᠤᠷᠬᠠᠢ︾ ᠲᠡᠨᠳᠠ ᠪᠠᠶᠢᠳᠠᠭ᠃ ᠬᠤᠪᠤᠭᠤ ᠬᠦᠨᠳᠠᠢ ᠨᠢ ᠪᠦᠬᠦ ᠰᠤᠮᠤᠨ ᠤ ᠮᠠᠯ ᠰᠦᠷᠦᠭ ᠤᠨ ᠵᠤᠰᠠᠯᠠᠩ ᠤᠨ ᠭᠠᠵᠠᠷ ᠪᠤᠯᠬᠤ ᠶᠤᠮ᠃ ᠠᠭᠤᠷ ᠠᠮᠢᠰᠬᠤᠯ ᠰᠡᠷᠢᠬᠦᠨ ᠴᠢᠬᠢᠭᠯᠢᠭ ᠪᠠᠶᠢᠳᠠᠭ ᠬᠤᠪᠤᠶᠢᠭ ᠬᠦᠨᠳᠠᠢ ᠳᠤ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠠᠯᠠᠬᠯᠠᠨ ᠪᠡᠯᠴᠢᠬᠡᠳ  ᠲᠠᠨ᠎ᠠ ᠰᠤᠪᠤᠳ ᠰᠢᠭ᠋ ᠢᠷᠡᠯᠵᠠᠵᠤ ᠲᠠᠯ᠎ᠠ ᠶᠢᠨ ᠮᠠᠯᠴᠢᠳ ᠤᠨ ᠣᠳᠤᠷ ᠤᠨ   ᠭᠡᠷ ᠠᠴᠠ ᠪᠠᠶᠡᠰᠤᠯ ᠤᠨ ᠲᠠᠭᠤᠨ  ᠬᠠᠩᠬᠢᠨᠠᠨ ᠡᠬᠡᠰᠢᠭᠯᠡᠭᠳᠡᠳᠡᠭ ᠶᠤᠮ᠃        2  ᠠᠭᠤᠯᠠ  ᠳᠠᠪᠠᠭ᠎ᠠ         ᠪᠠᠶᠠᠨᠵᠢᠷᠦᠬᠡ ᠬᠠᠨ ᠠᠭᠤᠯᠠ᠄ ᠤᠯᠠᠭᠠᠨ ᠳᠠᠪᠠᠭ᠎ᠠ ᠰᠤᠮᠣᠨ ᠤ ᠲᠦᠪ ᠠᠴᠠ ᠪᠠᠷᠠᠭᠤᠨ ᠬᠤᠶᠢᠰᠢ ᠲᠦᠴᠢᠨ ᠭᠠᠵᠠᠷ ᠤᠨ ᠦᠵᠤᠬᠦᠷ ᠲᠤ ᠪᠠᠶᠢᠭ᠎ᠠ  ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1550 ᠮᠧᠲᠷ  ᠡᠷᠬᠦᠭᠳᠡᠭᠰᠡᠨ ᠬᠦᠨᠳᠡᠯᠡᠨ ᠢᠶᠠᠷ ᠢᠶᠠᠨ ᠠᠷᠪᠠᠭᠠᠳ ᠺᠢᠯᠤᠮᠧᠲᠷ ᠭᠤᠤᠯᠳᠤ ᠪᠠᠷ ᠢᠶᠠᠨ ᠠᠷᠪᠠ ᠰᠢᠬᠠᠭᠤ ᠺᠢᠯᠤᠮᠧᠲᠷ ᠪᠠᠶᠠᠨ ᠲᠠᠷᠭᠤᠨ ᠠᠭᠤᠯᠠ ᠶᠢ ᠪᠠᠶᠠᠨ ᠵᠢᠷᠤᠬᠡ ᠬᠠᠨ ᠠᠭᠤᠯᠠ ᠬᠡᠳᠡᠭ᠃ ᠪᠠᠶᠠᠨᠵᠢᠷᠦᠬᠡ ᠬᠠᠨ ᠠᠭᠤᠯᠠ ᠨᠢ ᠡᠷᠳᠠ ᠦᠶ᠎ᠠ ᠳᠡᠭᠡᠨ ᠠᠷᠤ ᠬᠤᠷᠴᠢᠨ ᠸᠠᠩ ᠤᠨ ᠳᠡᠭᠡᠳᠤ ᠵᠢᠨ‌ᠦᠶ᠎ᠠ ᠭᠤᠷᠪᠡᠨ ᠶᠡᠭᠡ ᠲᠠᠬᠢᠷᠯᠠᠭᠠᠳᠤᠢ ᠬᠠᠶᠢᠷᠠᠬᠠᠨ ᠤ ᠨᠢᠭᠡ ᠨᠢ ᠪᠠᠶᠢᠵᠡᠢ᠃ ᠪᠠᠷᠠᠭᠤᠨᠰᠢ ᠪᠠᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠤᠪᠤᠷᠭ᠎ᠠ ᠰᠤᠮᠤᠨ ᠤ ᠵᠢᠪᠳᠤ ᠶᠢᠨ ᠠᠶᠢᠯ ᠤᠨ ᠵᠡᠬᠦᠨ  ᠪᠡᠶ᠎ᠠ ᠳᠤ ᠪᠠᠶᠢᠳᠠᠭ ᠰᠠᠶᠢᠬᠠᠨ ᠬᠠᠨ ᠠᠭᠤᠯᠠ   ᠲᠠᠢ ᠠᠭᠤᠯᠠ ᠨᠢᠷᠤᠭᠤᠳ ᠢᠶᠠᠷ ᠢᠶᠠᠨ ᠵᠠᠯᠭᠠᠯᠳᠤᠵᠤ  ᠂ ᠵᠡᠬᠦᠨᠰᠢ ᠪᠠᠨ ᠠᠷᠤ ᠬᠤᠷᠴᠢᠨ ᠶᠡᠭᠡ   ᠬᠠᠶᠢᠷᠠᠬᠠᠨ ᠲᠠᠢ ᠦᠷᠬᠦᠯᠵᠢᠯᠡᠬᠡᠳ ᠠᠯᠳᠠᠨ ᠬᠢᠩᠭᠠᠨ ᠤ ᠡᠮᠤᠨ᠎ᠠ ᠪᠡᠶ᠎ᠠ ᠶᠢᠨ ᠰᠠᠯᠪᠤᠷᠢ ᠨᠢᠷᠤᠭᠤᠳ ᠪᠠᠶᠢᠭ᠎ᠠ ᠶᠤᠮ᠃ ᠡᠩᠬᠡ ᠠᠮᠤᠭᠤᠯᠠᠩ ᠤᠨ 25 ᠳ᠋ᠤᠭᠠᠷ ᠣᠨ ︿1686 —1743﹀ ᠠᠴᠠ ᠡᠬᠢᠯᠡᠨ ᠲᠤᠭᠤᠷᠪᠢᠭᠠᠳ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ 8 ᠳ᠋ᠤᠭᠠᠷ ᠣᠨ ᠳᠤ ᠲᠡᠬᠦᠰᠤᠭ᠍ᠰᠡᠨ ︽ᠴᠢᠩ ᠤᠯᠤᠰ ᠤᠨ ᠬᠠᠮᠳᠤᠳᠬᠠᠨ ᠲᠡᠮᠳᠡᠭᠯᠡᠭᠰᠡᠨ ᠪᠢᠴᠢᠭ︾ ᠬᠢᠭᠡᠳ ︽ᠮᠤᠩᠭᠤᠯ ᠬᠤᠰᠢᠭᠤ ᠨᠣᠳᠤᠭ ᠤᠨ ᠲᠠᠮᠳᠡᠭᠯᠡᠯ︾ ᠳᠤ ︽ᠠᠷᠤ ᠬᠤᠷᠴᠢᠨ ᠤ ᠪᠠᠷᠠᠭᠤᠨ ᠬᠤᠶᠢᠨ᠎ᠠ ᠵᠠᠭᠤ ᠲᠦᠴᠢᠨ ᠭᠠᠵᠠᠷ ᠲᠤ ᠡᠤ ᠯᠢᠶᠣᠤ ᠱᠠᠨ ᠠᠶᠢᠮᠤᠢ᠂ ᠡᠤ ᠯᠢᠶᠤᠤ ᠱᠠᠨ ᠪᠤᠯᠠᠪᠠᠰᠤ ᠡᠤ ᠸᠠᠨ ᠱᠠᠨ ᠪᠤᠯᠠᠢ︾ ᠬᠡᠪᠠ᠃ ︽ᠮᠤᠩᠭᠤᠯ ᠬᠤᠰᠢᠭᠤ ᠨᠣᠳᠤᠭ ᠤᠨ ᠲᠡᠮᠳᠡᠭᠯᠡᠯ︾ ᠢ ᠮᠤᠩᠭᠤᠯᠴᠢᠯᠠᠬᠤ ᠳᠤ ᠪᠠᠨ ᠲᠤᠰᠬᠠᠢ ᠵᠡᠬᠦᠯᠳᠠ ᠬᠠᠳᠠᠵᠤ ︽ᠡᠦ ᠸᠠᠨ ᠱᠠᠨ   ︵乌丸山︶ ᠠᠭᠤᠯᠠ — ᠨᠡᠶᠢᠳᠠ ᠣᠨ ᠲᠤᠭᠠᠯᠠᠯ ᠤᠨ ᠡᠮᠤᠨ᠎ᠠ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠡᠴᠤᠰ ᠢᠶᠠᠷ ᠳ᠋ᠦᠩ  ᠬᠤ᠋ ᠦᠨᠳᠤᠰᠤᠳᠠᠨ  ᠡᠾᠦ᠋ᠩᠨᠤ ᠳᠤ ᠮᠦᠬᠦᠭᠳᠡᠬᠡᠳ᠂ ᠲᠡᠬᠦᠨ ᠤ ᠬᠡᠰᠡᠭ ᠪᠦᠯᠦᠭ ᠦᠯᠡᠳᠡᠭᠳᠡᠯ ᠨᠢ ᠲᠤᠬᠳᠠᠭᠠᠵᠤ ᠡᠦ ᠬᠤᠸᠠᠨ ᠱᠠᠨ ︵乌桓山︶ ᠠᠭᠤᠯᠠᠨ ᠳᠤ ᠣᠳᠴᠤ ᠨᠤᠳᠤᠬᠯᠠᠨ ᠰᠠᠭᠤᠭᠠᠳ ᠡᠦ ᠬᠤᠸᠠᠨ ᠬᠦᠮᠤᠨ ᠬᠡᠬᠦ ᠪᠤᠯᠪᠠ᠃ ᠡᠦ ᠬᠤᠸᠠᠨ  ᠱᠠᠨ  ᠢ ᠪᠠᠰᠠ ᠡᠤ ᠸᠠᠨ ᠱᠠᠨ ᠬᠡᠳᠡᠭ᠃        ᠡᠳᠤᠬᠡ ᠶᠢᠨ ᠠᠷᠤ ᠬᠤᠷᠴᠢᠨ ᠤ ᠬᠤᠶᠢᠭᠤᠷ ᠶᠡᠭᠡ ᠳᠠᠪᠠᠭᠠᠨ ᠤ  ᠡᠮᠤᠨ᠎ᠠ ᠦᠵᠤᠬᠦᠷ ᠢᠶᠠᠷ ᠪᠠᠶᠢᠳᠠᠭ ᠬᠡᠬᠦ ᠲᠤᠯᠠ ᠡᠨᠠ ᠡᠤ ᠸᠠᠨ ᠱᠠᠨ ᠪᠤᠯᠤᠳᠠᠢ︾ ᠬᠡᠵᠤ ᠪᠠᠶᠠᠨᠵᠢᠷᠦ᠋ᠬᠡ ᠬᠠᠨ ᠠᠭᠤᠯᠠ ᠶᠢ ᠬᠡᠯᠠᠵᠤ ᠪᠤᠢ᠃ ᠮᠦᠨ ᠡᠨᠠ ᠲᠤᠬᠠᠢ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠠᠬᠠᠮᠠᠳ ᠪᠠᠭᠰᠢ        ᠡ᠋᠊᠂  ᠬᠤᠳᠤᠷᠠᠩᠭ᠎ᠠ ᠵᠢᠨ‌ᠵᠤᠬᠢᠶᠠᠯ ᠳᠤ ᠪᠠᠨ ᠡᠨᠠ ︵乌︶ ᠦᠰᠦᠭ ᠪᠤᠯ ᠬᠢᠳᠠᠳ ᠤᠨ ᠬᠠᠷ᠎ᠠ  ᠦᠩᠬᠡ  ᠶᠢ  ᠵᠢᠭᠠᠬᠰᠡᠨ ᠦᠬᠡ  ᠂ ︵丸︶ ᠦᠰᠦᠭ ᠨᠢ  ᠮᠤᠩᠭᠤᠯᠴᠤᠳ ᠤᠨ ᠵᠢᠷᠤᠬᠡ ᠶᠢ ᠲᠦᠯᠤᠬᠡᠯᠡᠵᠤ ᠪᠤᠢ᠃ ᠬᠡᠬᠦ  ᠳᠡᠭᠡᠨ ᠮᠤᠩᠭᠤᠯᠴᠤᠳ ᠬᠠᠷ᠎ᠠ ᠦᠩᠬᠡ ᠶᠢ ᠡᠷᠬᠢᠮᠯᠡᠳᠡᠭ ᠦᠬᠡᠢ ᠪᠤᠯᠬᠤᠷ ᠡᠤ ᠸᠠᠨ ᠱᠠᠨ ᠢ ᠬᠠᠷ᠎ᠠ ᠵᠢᠷᠤᠬᠡ ᠬᠡᠵᠤ ᠬᠡᠯᠡᠭᠡ ᠦᠬᠡᠢ  ᠵᠦᠭᠰᠢᠷᠡᠬᠦᠯᠵᠤ ᠪᠠᠶᠠᠨ ᠵᠢᠷᠤᠬᠡ ᠬᠡᠰᠡᠨ ᠪᠤᠯᠤᠳᠠᠢ  ᠭᠡᠵᠡᠢ᠃  ᠪᠠᠶᠠᠨ ᠵᠢᠷᠤᠬᠡ ᠬᠠᠨ ᠠᠭᠤᠯᠠ ᠶᠢᠨ ᠤᠷᠤᠢ ᠳᠤ ᠪᠠᠷᠤᠭ ᠵᠡᠬᠦᠨᠰᠢ ᠪᠠᠨ ᠪᠠᠷᠠᠭᠤᠨᠰᠢ ᠪᠠᠨ ᠬᠤᠶᠠᠷ  ᠭᠠᠵᠠᠷ ᠲᠠᠯᠠᠪᠠᠢ  ᠪᠦᠬᠦᠢ ᠲᠡᠭᠰᠢᠬᠡᠨ ᠭᠠᠵᠠᠷ ᠲᠠᠢ ᠮᠦᠷᠳᠡᠬᠡᠨ ᠡᠷᠳᠠ ᠳᠡᠭᠡᠨ ᠰᠢᠳᠤᠵᠤ ᠲᠠᠬᠢᠵᠤ ᠪᠠᠶᠢᠬᠰᠡᠨ ᠲᠠᠬᠢᠯᠭ᠎ᠠ ᠶᠢᠨ ᠣᠪᠤᠭ᠎ᠠ ᠶᠢᠨ ᠤᠯᠠ ᠰᠠᠭᠤᠷᠢ ᠨᠢ ᠪᠠᠶᠢᠵᠤ 1947 ᠣᠨ ᠤ ᠦᠶ᠎ᠠ ᠪᠠᠷ ᠰᠢᠷ᠎ᠠ ᠬᠠᠳᠠ ᠶᠢᠨ ᠠᠶᠢᠯ ︵ᠣᠳᠤ ᠰᠢᠨᠠ ᠣᠰᠤᠨ ᠴᠦᠬᠦᠷᠤᠮ ᠤᠨ ᠤᠰᠤᠨ ᠳᠤ ᠪᠠᠭᠤᠷᠢ ᠰᠠᠭᠤᠷᠢ ᠨᠢ ᠵᠢᠪᠪᠤᠵᠡᠢ︶ ᠠᠴᠠ  ᠨᠡᠬᠦᠵᠤ ᠢᠷᠡᠭᠰᠡᠨ ᠰᠢᠨᠡᠬᠤᠳᠠ ᠭᠠᠴᠠᠭ᠎ᠠ ᠨᠢ ᠬᠠᠨ ᠬᠠᠶᠢᠷᠠᠬᠠᠨ ᠤ ᠵᠡᠬᠦᠨ ᠰᠠᠭᠤᠨ ᠳᠤ ᠰᠠᠭᠤᠷᠢᠰᠢᠵᠤ᠂ ᠵᠢᠯ ᠪᠦᠷᠢ ᠶᠢᠨ ᠲᠠᠪᠤᠨ ᠰᠠᠷ᠎ᠠ ᠶᠢᠨ ᠠᠷᠪᠡᠨ ᠭᠤᠷᠪᠡᠨ ᠳᠤ ᠪᠠᠶᠠᠨᠵᠢᠷᠦ᠋ᠬᠡ ᠬᠠᠨ ᠠᠭᠤᠯᠠ ᠶᠢ ᠲᠠᠬᠢᠵᠤ ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ ᠬᠢᠬᠦ ᠪᠠᠨ ᠪᠠᠷᠢᠮᠳᠠᠯᠠᠬᠰᠠᠭᠠᠷ ᠪᠠᠶᠢᠨ᠎ᠠ᠃        ᠬᠦᠢᠯᠭᠡᠷ ᠬᠠᠨ᠄ ᠬᠠᠳᠠᠨ ᠠᠷᠤ ᠶᠢᠨ ᠵᠡᠬᠦᠨ ᠬᠤᠶᠢᠨ᠎ᠠ ᠲᠠᠯ᠎ᠠ ᠣᠳᠤ ᠶᠢᠨ ︽ᠲᠤᠷᠤᠭ ᠪᠤᠭᠤ ᠶᠢᠨ ᠲᠠᠯᠠᠪᠠᠢ︾ ᠶᠢᠨ ᠬᠤᠶᠢᠳᠤ ᠡᠬᠢ  ᠰᠠᠪᠠᠷᠠᠭᠠᠨ ᠤ ᠵᠡᠬᠦᠨ ᠡᠮᠤᠨ᠎ᠠ ᠠᠷᠪᠠᠭᠠᠳ ᠭᠠᠵᠠᠷ ᠲᠤ ᠪᠠᠶᠢᠷᠢᠰᠢᠭ᠎ᠠ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ ᠮᠢᠩᠭ᠎ᠠ ᠢᠯᠡᠬᠦᠤ ᠮᠧᠲᠷ ᠡᠷᠬᠦᠭᠳᠡᠭᠰᠡᠨ ᠬᠤᠯᠠ ᠠᠴᠠ ᠤᠨᠳᠤᠷᠤᠬᠰᠡᠨ ᠤᠰᠤ ᠠᠷᠤ ᠵᠤᠩᠬᠠᠳᠤ ᠶᠢᠨ ᠬᠦᠨᠳᠠᠢ ᠪᠠᠷ ᠦᠩᠬᠡᠷᠡᠵᠤ ᠬᠠᠬᠢᠷ ᠤᠨ ᠭᠤᠤᠯ ᠲᠠᠢ ᠨᠢᠭᠡ ᠤᠷᠤᠰᠬᠠᠯ ᠪᠤᠯᠵᠤ ᠪᠠᠶᠢᠨ᠎ᠠ᠃        ᠳᠡᠯ ᠬᠠᠳᠠ᠄ ᠤᠯᠠᠭᠠᠨ ᠳᠠᠪᠠᠭ᠎ᠠ ᠰᠤᠮᠤᠨ ᠲᠦᠪ ᠠᠴᠠ ᠪᠠᠷᠠᠭᠤᠨ ᠬᠤᠶᠢᠨ᠎ᠠ ᠬᠤᠷᠢᠨ ᠭᠠᠵᠠᠷ ᠤᠨ ᠦᠵᠤᠬᠦᠷ ᠲᠤ ︽ᠠᠷᠪᠡᠨ ᠵᠠᠩᠵᠤᠨ ᠤ ᠭᠤᠤ︾ ᠶᠢᠨ ᠳᠡᠭᠡᠷ᠎ᠠ ᠡᠬᠢᠨ ᠳᠤ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ ᠮᠢᠩᠭᠠᠨ ᠮᠧᠲᠷ ᠡᠷᠬᠦᠭᠳᠡᠭᠰᠡᠨ ᠪᠠᠷᠳᠠᠭ᠎ᠠ ᠶᠡᠭᠡ ᠲᠠᠢ ᠬᠠᠳᠠ ᠲᠠᠢ ᠵᠢᠯᠠᠭ᠎ᠠ ᠪᠠᠶᠢᠳᠠᠭ᠃ ︽ᠠᠷᠪᠡᠨ ᠵᠠᠩᠵᠤᠨ ᠤ ᠭᠤᠤ︾ ᠨᠢ ᠯᠢᠶᠤᠤ ᠤᠯᠤᠰ ᠤᠨ ᠭᠠᠪᠢᠶᠠᠳᠤ  ᠠᠷᠪᠡᠨ ᠵᠠᠩᠵᠤᠨ ᠤ ᠭᠡᠬᠦᠷ ᠣᠩᠭᠤᠨ ᠢ ᠨᠢ ᠡᠨᠡᠬᠦ ᠪᠠᠷᠳᠠᠭ᠎ᠠ ᠶᠡᠭᠡ ᠲᠠᠢ ᠵᠢᠯᠠᠭ᠎ᠠ  ᠳᠤ ᠲᠠᠯᠪᠢᠬᠰᠡᠨ ᠠᠴᠠ ᠬᠤᠵᠢᠮ ᠤᠨ ᠬᠦᠮᠤᠰ ᠤᠨ ᠶᠠᠷᠢᠶᠠᠨ ᠳᠤ ᠤᠯᠠᠮᠵᠢᠯᠠᠬᠳᠠᠨ ︽ᠠᠷᠪᠠᠨ ᠵᠠᠩᠵᠤᠨ ᠤ ᠭᠤᠤ︾ ᠬᠡᠵᠤ ᠨᠠᠷᠡᠯᠠᠯ᠎ᠠ ᠬᠡᠳᠡᠭ᠃ ᠡᠨᠠ ᠳᠤ ᠡᠷᠳᠡᠨ ᠤ  ᠬᠡᠬᠦᠷ ᠤᠩᠭᠤᠨ ᠤᠯᠠᠨ ᠪᠠᠶᠢᠳᠠᠭ ᠮᠦᠷᠳᠡᠬᠡᠨ ᠤᠩᠴᠢᠭ᠍ᠳᠡᠨ  ᠰᠡᠭᠴᠢᠭᠳᠡᠵᠤ ᠬᠠᠷᠠᠯᠠᠨ ᠬᠤᠴᠤᠷᠠᠬᠰᠡᠨ  ᠲᠤᠭᠤᠰᠬ᠎ᠠ ᠮᠤᠳᠤ ᠲᠠᠢ ᠲᠤᠮᠤ ᠤᠩᠭᠤᠨ ᠨᠤᠭᠤᠳ ᠤᠯᠠᠨ ᠬᠠᠷᠠᠬᠳᠠᠳᠠᠭ ᠃ ᠨᠡᠩ ᠴᠦ ᠡᠨᠡᠬᠦ ᠦᠯᠢᠬᠡᠷ ᠲᠤᠮᠤᠭ ᠠᠴᠠ ᠰᠤᠷᠠᠭ ᠲᠠᠮᠵᠢᠵᠤ ᠭᠠᠳᠠᠨ᠎ᠠ ᠲᠤᠳᠤᠨ᠎ᠠ ᠠᠴᠠ ︽ᠠᠷᠪᠡᠨ ᠵᠠᠩᠵᠤᠨ ᠤ ᠭᠤᠤ︾ ᠳᠤ  ᠰᠠᠨᠠᠭᠠᠰᠢᠷᠠᠵᠤ ᠢᠷᠡᠭᠰᠡᠨ ᠬᠦᠮᠤᠰ ᠤᠨ ᠭᠠᠷ ᠲᠤ ᠤᠷᠢᠳᠤ ᠳᠠᠭᠠᠨ ᠬᠦᠮᠤᠨ ᠤᠷᠤᠬᠤ ᠳᠤ ᠬᠦᠴᠢᠷᠳᠠᠢ ᠪᠡᠷᠬᠡ ᠪᠠᠷᠳᠠᠭᠠᠳᠠᠢ᠂ ᠤᠢ ᠮᠤᠳᠤ ᠪᠠᠷ ᠪᠦᠷᠬᠦᠭᠰᠡᠨ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠠᠶᠢᠳᠠᠰᠤ ᠲᠦᠷᠤᠬᠦᠯᠤᠮ᠎ᠠ ᠵᠢᠯᠭ᠎ᠠ ᠠᠪᠬᠤ ᠶᠢᠨ ᠲᠠᠮᠳᠤᠭ ᠦᠬᠡᠢ ᠰᠡᠭᠴᠢᠭᠳᠡᠬᠡᠳ ᠦᠵᠡᠮᠵᠢ ᠪᠠᠨ ᠠᠯᠳᠠᠬᠰᠡᠨ ᠢ ᠦᠵᠡᠪᠠᠯ ᠡᠬᠡ ᠬᠦᠷᠤᠰᠤᠨ  ᠳᠡᠭᠡᠨ ᠬᠠᠶᠢᠷ᠎ᠠ ᠲᠠᠢ ᠬᠦᠮᠤᠨ ᠤ ᠨᠢᠳᠤᠨ ᠨᠢᠯᠪᠤᠰᠤ ᠶᠢ ᠤᠨᠠᠭᠠᠮᠠᠷ ᠰᠠᠨᠠᠬᠳᠠᠭᠤᠯᠳᠠᠭ᠃ ᠠᠳᠡᠬᠢ ᠨᠠᠰᠤᠳᠠᠶᠢᠴᠤᠳ ᠤᠨ ᠤᠯᠠᠮᠵᠢᠯᠠᠨ ᠶᠠᠷᠢᠯᠴᠠᠬᠤ ᠠᠴᠠ ᠶᠠᠫᠤᠨ ᠤ ᠡᠵᠡᠷᠬᠡᠭ ᠲᠦᠷᠢᠮᠬᠡᠶᠢᠳᠡᠨ ᠲᠤᠮᠳᠠᠳᠤ ᠶᠢᠨ ᠨᠣᠳᠤᠭ ᠲᠡᠪᠢᠰᠭᠡᠷ ᠢ ᠴᠦᠯᠪᠡᠨ ᠳᠡᠭᠡᠷᠡᠮᠳᠠᠵᠤ ᠪᠠᠶᠢᠬᠰᠡᠨ ᠲᠡᠷᠠ ᠦᠶᠡᠰ ᠠᠳᠠ ᠠᠴᠠ ᠠᠯᠳᠠᠨ ᠡᠮᠡᠬᠡᠯ᠂ ᠬᠠᠰ ᠤᠨ ᠪᠦᠰᠡᠯᠡᠬᠦᠷ᠂ ᠣᠬᠤᠵᠣ ᠭᠠᠷᠭᠠᠨ ᠠᠷᠪᠡᠨ ᠵᠠᠩᠵᠤᠨ ᠤ  ᠤᠩᠭᠤᠨ ᠠᠴᠠ ᠨᠡᠯᠢᠶᠡᠳ  ᠬᠡᠳᠤ ᠶᠢ ᠨᠢ ᠨᠡᠬᠡᠬᠡᠯ᠎ᠠ ᠬᠡᠵᠤ ᠬᠡᠯᠡᠯᠴᠡᠳᠡᠭ᠃ ᠳᠡᠯ ᠬᠠᠳᠠ ᠪᠤᠯ ᠶᠠᠭ ᠡᠶᠢᠮᠤᠷᠬᠦᠤ  ᠡᠷᠳᠠ ᠳᠡᠭᠡᠳᠤ ᠶᠢᠨ ᠦᠶ᠎ᠠ ᠠᠴᠠ ᠪᠠᠨ ᠬᠡᠰᠢᠭ ᠪᠤᠶᠠᠨ ᠤᠷᠤᠰᠢᠬᠰᠡᠨ ᠪᠠᠶᠠᠨ ᠵᠢᠯᠠᠭ᠎ᠠ ᠶᠢᠨ ᠡᠬᠢᠨ ᠳᠤ ᠪᠠᠶᠢᠳᠠᠭ᠃ ᠬᠤᠶᠢᠰᠢ ᠤᠷᠤᠬᠰᠢ ᠪᠠᠨ ᠭᠤᠷᠪᠡᠨ ᠭᠠᠵᠠᠷ ᠰᠢᠬᠠᠭᠤ ᠤᠷᠳᠤ᠂ ᠮᠧᠲᠷ ᠢᠯᠡᠬᠦᠭᠡᠨ ᠦᠷᠬᠡᠨ᠂  ᠵᠠᠭᠤ ᠰᠢᠬᠠᠭᠤ ᠮᠧᠲᠷ ᠡᠭᠴᠨ ᠴᠠᠪᠴᠢᠶᠠᠯ ᠬᠠᠳᠠ ᠶᠤᠮ᠃ ᠬᠡᠯᠪᠡᠷᠢ ᠲᠦᠷᠰᠤ ᠨᠢ  ᠬᠢᠷᠭᠠᠬᠰᠡᠨ ᠮᠤᠷᠢᠨ ᠳᠡᠯ ᠰᠢᠭ ᠪᠠᠶᠢᠳᠠᠭ ᠠᠴᠠ ᠳᠡᠯ ᠬᠠᠳᠠ  ᠭᠡᠵᠡᠢ᠃ ᠡᠷᠳᠡᠨ ᠳᠡᠭᠡᠨ ᠳᠡᠯ ᠬᠠᠳᠠ  ᠳᠤ ᠲᠤᠮᠤ ᠠᠪᠤᠷᠭᠤ ᠰᠢᠪᠠᠭᠤ ᠡᠬᠦᠷᠬᠡᠯᠡᠵᠤ ᠨᠢᠰᠤᠬᠡᠳ ᠭᠠᠷᠬᠤ ᠳᠤ ᠮᠤᠷᠢᠨ ᠳᠤ ᠲᠠᠯᠠᠪᠴᠢ ᠤᠷᠭᠤᠬᠰᠡᠨ  ᠰᠢᠭ᠋ ᠯᠠ ᠪᠠᠶᠢᠳᠠᠭ ᠬᠡᠬᠦ ᠨᠠᠰᠤᠳᠠᠶᠢᠴᠣᠳ ᠤᠨ ᠬᠠᠭᠤᠴᠢ ᠵᠤᠭᠤᠭ ᠪᠠᠶᠢᠳᠠᠭ᠃ ᠪᠤᠳᠤᠬᠤ ᠳᠤ ᠪᠠᠷᠤᠭ ᠲᠡᠰ ᠰᠢᠪᠠᠭᠤ ᠪᠤᠶᠤ ᠶᠤᠯᠤ ᠰᠢᠪᠠᠭᠤ ᠪᠠᠶᠢᠬᠰᠡᠨ ᠪᠠᠶᠢᠵᠤ ᠮᠡᠳᠡᠨ᠎ᠠ᠃ ᠦᠨᠤᠬᠡᠨ ᠪᠤᠯᠳᠠᠯ᠎ᠠ ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠡᠮ ᠡᠮᠨᠡᠯᠭᠡ ᠶᠢᠨ ᠲᠤᠬᠠᠢ ᠮᠠᠬᠠᠷᠠᠨ ᠰᠤᠳᠤᠯᠵᠤ ᠡᠪᠡᠳᠴᠤ ᠶᠠᠳᠠᠬᠰᠡᠨ ᠢ ᠡᠮᠨᠡᠨ ᠢᠯᠡᠷᠡᠬᠦᠯᠰᠢᠬᠦᠯᠵᠤ ᠬᠤᠯᠠ ᠤᠶᠢᠷ᠎ᠠ ᠳᠤ ᠨᠡᠷ᠎ᠠ ᠭᠠᠷᠤᠬᠰᠡᠨ ᠨᠠᠶᠠᠨ ᠨᠠᠰᠤ ᠶᠢ ᠳᠡᠪᠠᠭᠰᠡᠨ ᠦᠵᠤᠬᠦᠷᠬᠤᠸᠠ ᠭᠠᠴᠠᠭ᠎ᠠ ᠶᠢᠨ ᠫᠧᠩ ᠰᠢᠶᠡᠨᠱᠧᠩ ᠳᠠᠯᠠᠨ ᠨᠠᠰᠤᠨ ᠤ ᠦᠶ᠎ᠠ ᠬᠦᠷᠳᠡᠯ᠎ᠠ ᠪᠠᠨ ᠳᠡᠯ ᠬᠠᠳᠠᠨ ᠳᠤ ᠭᠠᠷᠴᠤ ᠠᠷᠪᠠ ᠲᠠᠪᠤᠨ ᠡᠳᠤᠷ ᠢᠶᠠᠷ ᠪᠠᠭᠤᠯ ᠦᠬᠡᠢ ᠡᠪᠡᠰᠤᠨ ᠡᠮ ᠲᠡᠬᠦᠨ ᠠᠪᠤᠷᠭᠤ ᠰᠢᠪᠠᠭᠤᠨ ᠤ ᠪᠠᠭᠠᠰᠤ ᠴᠤᠬᠯᠠᠭᠤᠯᠵᠤ ᠨᠤᠮ ᠪᠢᠰᠢᠯᠭᠠᠵᠤ ᠪᠠᠶᠢᠬᠰᠡᠨ ᠬᠡᠳᠡᠭ ᠢ ᠭᠡᠳᠭᠡᠳ ᠢ ᠬᠢᠨᠢ ᠭᠡᠤᠭᠡᠳ  ᠨᠢ ᠦᠯᠢᠬᠡᠷ ᠪᠤᠯᠭᠠᠵᠤ ᠶᠠᠷᠢᠳᠠᠭ᠃        ᠤᠬᠤᠮᠠᠯ ᠳᠠᠪᠠᠭ᠎ᠠ᠄ ᠬᠠᠪᠴᠢᠯ ᠭᠠᠴᠠᠭᠠᠨ ᠤ ᠵᠡᠬᠦᠨ ᠬᠤᠶᠢᠨ᠎ᠠ ᠡᠷ᠎ᠠ ᠱᠤᠷᠤᠩ ᠡᠯᠢᠶᠡᠨ ᠦᠨᠳᠤᠷ ᠤᠨ ᠡᠩᠭᠡᠷ ᠲᠠᠬᠢ ᠠᠷᠤ ᠬᠤᠷᠴᠢᠨ ᠤ ᠪᠠᠶᠠᠨ ᠦᠨᠳᠤᠷ ᠰᠤᠮᠤ ᠶᠢᠨ ᠮᠠᠨᠢᠳᠤ ᠭᠠᠴᠠᠭ᠎ᠠ ᠶᠢᠨ  ᠬᠢᠵᠠᠭᠠᠷ ᠲᠠᠢ ᠵᠠᠬᠠᠯᠠᠳᠠᠭ ᠳᠠᠪᠠᠭ᠎ᠠ ᠶᠢ ᠤᠬᠤᠮᠠᠯ ᠳᠠᠪᠠᠭ᠎ᠠ ᠬᠡᠳᠡᠭ᠃ ᠳᠠᠪᠠᠭ᠎ᠠ ᠶᠢᠨ ᠵᠠᠮ ᠲᠤᠩ ᠬᠠᠪᠴᠢᠯ ᠢᠪᠴᠤᠤ᠂  ᠬᠦᠪᠳᠤ ᠶᠡᠬᠡᠳᠠᠢ ᠳᠠᠪᠠᠭᠠᠨ ᠤᠷᠤᠢ ᠨᠢ ᠬᠠᠳᠠᠨ ᠬᠠᠪᠴᠢᠯ ᠢ ᠤᠬᠤᠵᠤ ᠭᠠᠷᠭᠠᠬᠰᠡᠨ ᠪᠠᠶᠢᠳᠠᠭ ᠠᠴᠠ ᠵᠦᠪᠬᠡᠨ ᠬᠠᠰᠠᠭ ᠲᠡᠷᠭᠡ ᠯᠠ ᠴᠤᠪᠤᠷᠠᠨ ᠶᠠᠪᠤᠵᠤ ᠴᠢᠳᠠᠨ᠎ᠠ᠃ ᠶᠡᠭᠡ ᠲᠠᠩ ᠤᠯᠤᠰ ᠤᠨ ᠯᠠᠢ ᠱᠢ ᠮᠢᠨ ᠲᠠᠪᠢᠨ ᠲᠦᠮᠡᠨ ᠴᠡᠷᠢᠭ ᠲᠠᠶᠢᠴᠢᠯᠠᠵᠤ ᠯᠢᠶᠣᠤ ᠤᠯᠤᠰ ᠢ ᠲᠠᠶᠢᠯᠤᠭᠠᠳ ᠴᠡᠷᠢᠭ ᠲᠠᠷᠤᠬᠳᠠᠵᠤ᠂ ᠶᠧ ᠬᠤ᠋ ᠴᠧᠩ ᠳᠤ ᠪᠦᠰᠡᠯᠡᠭᠳᠡᠭᠡᠳ ᠠᠮᠤ ᠬᠦᠨᠡᠰᠦ ᠲᠤᠳᠠᠬᠳᠠᠨ ᠠᠳᠠᠪᠠᠰᠢ ᠠᠶᠤᠯ ᠲᠦᠭᠰᠢᠬᠦᠷᠢ ᠲᠠᠢ  ᠪᠤᠯᠵᠠᠢ᠃ ᠯᠢᠶᠣᠤ ᠤᠯᠤᠰ ᠤᠨ ᠴᠡᠷᠢᠭ ᠳᠤ  ᠲᠠᠷᠤᠬᠳᠠᠬᠰᠡᠨ ᠲᠠᠩ ᠤᠨ ᠴᠡᠷᠢᠭ ᠡᠨᠠ ᠠᠭᠤᠯᠠ ᠶᠢᠨ ᠬᠦᠳᠤᠯ ᠢ ᠤᠬᠤᠵᠤ ᠰᠡᠳᠡᠯᠤᠨ ᠵᠠᠮ ᠭᠠᠷᠭᠠᠭᠠᠳ ᠪᠦᠰᠡᠯᠡᠯᠳᠠ ᠶᠢ ᠡᠪᠳᠡᠨ ᠭᠠᠷᠤᠬᠰᠡᠨ ᠠᠴᠠ ᠤᠬᠤᠮᠠᠯ ᠬᠡᠵᠤ ᠨᠡᠷᠡᠯᠠᠯ᠎ᠠ ᠬᠡᠵᠤ ᠠᠷᠤ ᠬᠤᠷᠴᠢᠨ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ  ᠤᠯᠠᠮᠵᠢᠯᠠᠨ ᠶᠠᠷᠢᠬᠳᠠᠵᠤ ᠪᠤᠢ᠃ ᠪᠠᠰᠠ1945 ᠣᠨ ᠤ8 ᠰᠠᠷ᠎ᠠ ᠳᠤ ᠵᠦᠪᠯᠡᠯᠳᠤ ᠶᠢᠨ ᠤᠯᠠᠭᠠᠨ ᠴᠡᠷᠢᠭ ᠤᠨ ᠲᠠᠪᠢᠨ ᠭᠤᠷᠪᠠᠳᠤᠭᠠᠷ ᠠᠷᠮᠢ ᠶᠢᠨ ᠴᠡᠷᠢᠭ ᠰᠢᠯᠢ ᠶᠢᠨ ᠭᠤᠤᠯ ᠢᠶᠠᠷ ᠦᠩᠬᠡᠷᠡᠵᠤ ᠤᠯᠠᠭᠠᠨ ᠳᠠᠪᠠᠭ᠎ᠠ ᠪᠠ ᠮᠤᠶᠢᠯᠳᠤ ᠶᠢᠨ ᠳᠠᠪᠠᠭ᠎ᠠ ᠪᠠᠷ ᠲᠠᠭᠠᠷᠢᠬᠤ ᠳᠤ ᠡᠨᠡᠬᠦ ᠠᠭᠤᠯᠠ ᠶᠢᠨ ᠪᠡᠷᠬᠡ ᠪᠠᠷᠳᠠᠭ᠎ᠠ ᠳᠤ ᠵᠠᠮ ᠬᠰᠢᠬᠳᠠᠭᠠᠳ ᠲᠡᠯᠪᠠᠴᠢᠵᠤ ᠵᠠᠮ ᠭᠠᠷᠭᠠᠨ ᠴᠡᠷᠢᠭ ᠤᠨ ᠬᠦᠰᠬᠡ ᠡᠮᠤᠨᠡᠰᠢᠯᠠᠵᠤ ᠴᠢᠳᠠᠬᠰᠡᠨ ᠠᠴᠠ ᠤᠬᠤᠮᠠᠯ ᠬᠡᠵᠤ ᠵᠡᠬᠦᠨ ᠪᠠᠭᠠᠷᠢᠨ ᠤ ᠤᠷᠤᠨ ᠨᠣᠳᠤᠭ ᠤᠨ ᠬᠦᠮᠣᠰ ᠴᠦ ᠶᠠᠷᠢᠳᠠᠭ ᠨᠢ ᠰᠡᠬᠦᠯ ᠤᠨ ᠵᠤᠭᠤᠭ ᠪᠤᠯᠵᠠᠢ᠃        ᠣᠭᠤᠨᠤ ᠶᠢᠨ ᠳᠠᠪᠠᠭ᠎ᠠ᠄ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤ ᠶᠢᠨ ᠪᠠᠶᠠᠨ ᠦᠨᠳᠤᠷ ᠰᠤᠮᠤ ᠶᠢᠨ ᠮᠠᠨᠢᠳᠤ ᠭᠠᠴᠠᠭ᠎ᠠ ᠪᠠ ᠤᠯᠠᠭᠠᠨ ᠳᠠᠪᠠᠭ᠎ᠠ ᠰᠤᠮᠤᠨ ᠤ ᠬᠠᠪᠴᠢᠯ ᠭᠠᠴᠠᠭ᠎ᠠ ᠶᠢᠨ ᠵᠠᠭᠠᠭ ᠴᠠᠭᠠᠨ ᠳᠠᠪᠠᠭ᠎ᠠ ᠶᠢᠨ ᠡᠮᠤᠨ᠎ᠠ ᠪᠡᠶ᠎ᠠ ᠳᠤ ᠨᠢᠭᠡ ᠳᠠᠪᠠᠭ᠎ᠠ ᠪᠠᠶᠢᠳᠠᠭ᠂ ᠡᠨᠠ ᠳᠠᠪᠠᠭ᠎ᠠ ᠶᠢ ︽ᠣᠭᠤᠨᠤ ᠶᠢᠨ ᠳᠠᠪᠠᠭ᠎ᠠ︾ ᠬᠡᠳᠡᠭ᠃ ᠡᠨᠠ ᠳᠠᠪᠠᠭ᠎ᠠ ᠶᠢᠨ ᠲᠤᠬᠠᠢ ᠡᠶᠢᠮᠤ ᠨᠢᠭᠡ ᠦᠯᠢᠭᠡᠷ ᠪᠠᠶᠢᠳᠠᠭ᠂ ᠴᠢᠩ ᠤᠯᠤᠰ ᠤᠨ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠦᠶ᠎ᠠ ᠳᠤ  ᠣᠶᠢᠷᠠᠳ ᠮᠤᠩᠭᠤᠯ ᠪᠠ ᠴᠢᠩ ᠤᠯᠤᠰ ᠤᠨ ᠲᠠᠶᠢᠨ ᠤ ᠲᠤᠮᠳᠠ ᠴᠢᠩ   ᠬᠦᠷᠤᠨ ᠤ ᠮᠤᠩᠭᠤᠯ ᠴᠡᠷᠢᠭ ᠶᠡᠬᠡᠪᠡᠷ  ᠬᠤᠬᠢᠷᠠᠵᠤ᠂ ᠮᠤᠩᠭᠤᠯᠴᠤᠳ ᠤᠨ ᠰᠡᠳᠬᠢᠯ ᠵᠢᠷᠤᠬᠡ ᠶᠢ ᠰᠢᠮᠰᠢᠷᠡᠬᠦᠯᠵᠤ ᠪᠠᠶᠢᠵᠡᠢ᠃ ᠲᠠᠶᠢᠨ ᠤ ᠲᠠᠷᠠᠭ᠎ᠠ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠴᠡᠷᠢᠭ ᠠᠷᠠᠳ ᠤᠨ ᠰᠡᠳᠬᠢᠯ ᠢ ᠲᠤᠬᠢᠷᠠᠭᠤᠯᠬᠤ ᠪᠠᠷ ᠦᠪᠡᠷ ᠤᠨ ᠪᠡᠶ᠎ᠠ ᠪᠠᠷ ᠢᠶᠠᠨ ᠮᠤᠷᠳᠠᠵᠤ ᠲᠤᠰ ᠭᠠᠵᠠᠷ ᠢᠶᠠᠷ ᠦᠩᠬᠡᠷᠡᠬᠦ  ᠳᠤ ᠴᠡᠷᠢᠭ ᠤᠨ ᠬᠦᠯ᠂ ᠬᠦᠮᠤᠨ ᠤ ᠦᠢᠮᠡᠬᠡᠨ᠂ ᠠᠷᠠᠳ ᠤᠨ ᠨᠡᠬᠦᠳᠠᠯ ᠠᠴᠠ ᠦᠷᠬᠦᠨ ᠲᠦᠷᠪᠡᠭᠰᠡᠨ ᠠᠬᠠᠯᠠᠭ ᠠᠭᠤᠯᠠ ᠶᠢᠨ ᠠᠷᠢᠶᠠᠳᠠᠨ ᠮᠠᠶᠢᠳᠠᠨ ᠵᠦᠭ ᠪᠦᠷᠢ ᠳᠤ ᠲᠤᠳᠠᠭᠠᠨ ᠪᠠᠶᠢᠵᠡᠢ  ᠃ ᠶᠠᠭ ᠰᠠᠶᠢᠬᠠᠨ ᠡᠨᠠ ᠠᠭᠤᠯᠠ ᠶᠢᠨ ᠣᠨᠢ ᠲᠡᠬᠡᠷ᠎ᠠ ᠰᠦᠷᠦᠭ ᠤᠭᠤᠨᠤ ᠲᠠᠢ ᠬᠠᠯᠵᠠ ᠮᠦᠷᠬᠦᠵᠤ ᠡᠵᠡᠨ ᠬᠠᠭᠠᠨ ᠲᠦᠷᠤᠬᠡ ᠦᠨᠳᠡᠶᠢᠵᠤ ᠨᠤᠮ ᠲᠡᠯᠢᠵᠤ ᠤᠭᠤᠨᠤ ᠠᠩᠨᠠᠬᠰᠡᠨ ᠪᠠᠶᠢᠵᠡᠢ᠃ ᠢᠩᠬᠢᠭᠡᠳ ᠡᠨᠠ ᠳᠠᠪᠠᠭ᠎ᠠ ᠶᠢ ᠤᠭᠤᠨᠤ ᠶᠢᠨ ᠳᠠᠪᠠᠭ᠎ᠠ ᠬᠡᠵᠤ ᠨᠡᠷᠡᠯᠡᠭᠰᠡᠨ ᠬᠡᠳᠡᠭ᠃ ᠡᠨᠡ ᠳᠠᠪᠠᠭ᠎ᠠ ᠶᠢᠨ ᠵᠡᠬᠦᠨ ᠬᠦᠨᠳᠠᠢ ᠳᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠬᠦᠳᠠᠷ ᠤᠨ ᠠᠭᠤᠷᠬᠠᠢ ᠨᠡᠬᠡᠬᠡᠵᠤ ᠭᠠᠳᠠᠬᠰᠢ ᠪᠠᠨ ᠬᠤᠳᠤᠯᠳᠤᠭᠠᠳ ᠠᠭᠤᠯᠠ ᠤᠰᠤ ᠡᠪᠳᠡᠭᠳᠡᠨ ᠡᠪᠡᠰᠤ ᠮᠤᠳᠤ ᠬᠤᠷᠠᠬᠳᠠᠵᠤ ᠬᠡᠳᠤᠬᠡᠨ ᠵᠢᠯ ᠤᠨ ᠲᠤᠳᠤᠷ᠎ᠠ ᠪᠠᠶᠢᠭᠠᠯᠢ ᠠᠬᠤᠢ ᠦᠵᠡᠭᠳᠡᠳᠡᠯ᠎ᠠ  ᠮᠠᠭᠤᠳᠠᠵᠡᠢ᠃        ᠮᠡᠯᠡᠬᠡᠢ ᠶᠢᠨ ᠳᠠᠪᠠᠭ᠎ᠠ: ᠵᠠᠭᠠᠷᠠᠳᠤ ︵ᠮᠠᠶᠢᠬᠠᠨ ᠠᠭᠤᠯᠠ ᠴᠦ ᠬᠡᠳᠡᠭ︶ ᠤᠨ ᠡᠩᠬᠡᠷ ᠬᠦᠨᠳᠠᠢ ᠳᠠᠬᠢ ᠠᠷᠤ ᠬᠤᠷᠴᠢᠨ ᠪᠡᠷᠬᠡ ᠶᠢᠨ ᠬᠤᠳᠳᠤᠭ ᠪᠠ ᠤᠯᠠᠭᠠᠨ ᠳᠠᠪᠠᠭ᠎ᠠ ᠦᠵᠤᠬᠦᠷᠬᠤᠸᠠ ᠶᠢᠨ ᠬᠢᠯᠡᠢ ᠳᠠᠪᠠᠭ᠎ᠠ ᠶᠢ ᠮᠡᠯᠡᠬᠡᠢ ᠶᠢᠨ ᠳᠠᠪᠠᠭ᠎ᠠ ᠬᠡᠳᠡᠭ᠃ ᠠᠳᠠ ᠤᠤᠯ ᠳᠤ ᠪᠠᠨ ᠪᠢᠴᠢᠬᠠᠨ ᠤᠷᠬᠢᠯᠤᠮᠠᠯ ᠪᠤᠯᠠᠭ ᠪᠠᠶᠢᠵᠠᠢ᠃ ᠪᠤᠯᠠᠭ ᠤᠨ ᠬᠦᠪᠡᠭᠡ ᠪᠠᠷ ᠨᠢ ᠮᠡᠯᠡᠬᠡᠢ ᠤᠯᠠᠨ  ᠴᠤᠬᠯᠠᠳᠠᠭ ᠮᠦᠷᠳᠡᠬᠡᠨ ᠳᠠᠪᠠᠭ᠎ᠠ ᠶᠢᠨ ᠪᠠᠶᠢᠴᠠ ᠨᠢ ᠮᠡᠯᠡᠬᠡᠢ ᠰᠢᠭ ᠭᠡᠪ ᠲᠦᠷᠰᠤ ᠲᠠᠢ ᠪᠠᠶᠢᠳᠠᠭ ᠠᠴᠠ ᠲᠡᠬᠡᠵᠤ ᠨᠡᠷᠡᠯᠡᠭᠰᠡᠨ ᠪᠠᠶᠢᠵᠤ ᠮᠡᠳᠡᠨ᠎ᠠ᠃ ᠪᠠᠳᠠᠷᠠᠭᠤᠯᠳᠤ ᠲᠦᠷᠤ ᠶᠢᠨ ᠭᠤᠴᠢᠨ ᠭᠤᠷᠪᠠᠳᠤᠭᠠᠷ ᠣᠨ ︵1907︶ ᠤ ︽ ᠰᠢᠳᠠᠷ ᠲᠤᠷ ᠶᠠᠪᠤᠬᠤ ᠵᠤᠤ ᠤᠳᠠ ᠴᠢᠭᠤᠯᠠᠭᠠᠨ ᠤ ᠲᠠᠷᠤᠭ᠎ᠠ ᠠᠷᠤ  ᠬᠤᠷᠴᠢᠨ ᠤ ᠵᠠᠰᠠᠭ ᠲᠦᠷᠤ ᠶᠢᠨ ᠵᠢᠶᠦ᠋ᠨ ᠸᠠᠩ  ᠪᠠᠽᠡᠷᠬᠢᠷᠢᠳᠤ ᠶᠢᠨ ᠬᠤᠰᠢᠭᠤᠨ ᠨᠣᠳᠤᠭ ᠤᠨ ᠵᠢᠷᠤᠭ︾ ᠲᠤ ᠮᠠᠯᠵᠢᠳᠤ  ᠳᠠᠪᠠᠭ᠎ᠠ ᠬᠡᠵᠤ ᠨᠡᠷᠡᠯᠡᠵᠤ ᠪᠠᠶᠢᠯ᠎ᠠ ᠬᠡᠵᠤ‌ᠡ᠋᠊  ᠬᠤᠳᠤᠷᠠᠩᠭ᠎ᠠ ᠪᠠᠭᠰᠢ ᠶᠢᠨ ᠵᠤᠬᠢᠶᠠᠯ ᠳᠤ  ᠲᠡᠮᠳᠡᠭᠯᠡᠵᠤ ᠪᠠᠶᠢᠬᠰᠡᠨ  ᠃ ᠮᠠᠯᠵᠢᠳᠤ ᠳᠠᠪᠠᠭ᠎ᠠ ᠨᠢ ᠬᠢᠳᠠᠳ ᠪᠢᠴᠢᠯᠭᠡ ᠶᠢᠨ ︵马勒吉图︶ ᠬᠡᠰᠡᠨ ᠠᠴᠠ ᠢᠷᠡᠭᠰᠡᠨ ᠪᠤᠯᠪᠠᠴᠤ ᠠᠳᠠ ᠮᠠᠯ ᠮᠠᠯᠵᠢᠬᠤ ᠳᠤ ᠠᠭᠤᠷ ᠠᠮᠢᠰᠬᠤᠯ ᠤᠨᠴᠠ ᠲᠤᠬᠢᠷᠠᠮᠵᠢᠳᠠᠢ ᠮᠦᠷᠳᠡᠬᠡᠨ ᠪᠡᠯᠴᠢᠭᠡᠷ ᠤᠰᠤ ᠨᠠᠷᠢᠯᠢᠭ  ᠰᠢᠮ᠎ᠡ ᠲᠠᠢ ᠡᠪᠤᠯ ᠬᠠᠪᠤᠷ ᠲᠠᠭᠠᠨ ᠡᠯᠢᠬᠡ ᠨᠦᠮᠤᠷᠢ ᠪᠠᠶᠢᠳᠠᠭ ᠠᠴᠠ ︽ᠮᠠᠯᠵᠢᠳᠤ︾ ᠬᠡᠵᠤ ᠨᠡᠷᠡᠯᠡᠵᠤ ᠪᠠᠶᠢᠬᠰᠡᠨ ᠴᠦ ᠮᠠᠭᠠᠳ᠃         ︵ᠬᠤᠶᠠᠷ︶ ᠦᠨᠡᠨ ᠲᠡᠤᠬᠡ ᠶᠢᠨ ᠮᠤᠷᠢ ᠦᠬᠡᠳᠡᠯᠡᠨ ᠲᠠᠪᠰᠢᠭ᠎ᠠ ᠠᠶᠢᠯ ᠭᠠᠴᠠᠭ᠎ᠠ         1  ᠬᠠᠨ ᠤ ᠠᠶᠢᠯ ᠬᠠᠪᠴᠢᠯ ᠭᠠᠴᠠᠭ᠎ᠠ ᠶᠢ ᠤᠤᠯ ᠳᠠᠭᠠᠨ ︽ᠬᠠᠨ ᠤ ᠠᠶᠢᠯ︾ ᠬᠡᠵᠤ ᠬᠡᠯᠡᠳᠡᠭ᠃ ᠬᠠᠨ ᠤ ᠠᠶᠢᠯ ᠭᠡᠳᠡᠭ ᠨᠢ1938 ᠣᠨ ᠳᠤ ᠴᠡᠷᠢᠭ ᠲᠠᠶᠢᠨ ᠤ ᠬᠦᠯ ᠠᠴᠠ ᠵᠠᠶᠢᠯᠵᠤ ᠬᠠᠷᠠᠴᠢᠨ ᠬᠤᠰᠢᠭᠤᠨ ᠠᠴᠠ ᠤᠮᠠᠷᠠᠰᠢᠯᠠᠵᠤ ᠢᠷᠡᠭᠰᠡᠨ ᠬᠠᠨ ᠤᠪᠤᠬᠳᠤ ᠬᠦᠮᠤᠨ᠂ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠤᠨ ᠲᠤᠤᠷ᠎ᠠ ᠤᠷᠤᠰᠬᠠᠯ ᠬᠠᠵᠠᠭᠤ‌‍ᠲ᠋ᠠᠪᠠᠭ᠎ᠠ ᠶᠢᠨ ᠡᠩᠬᠡᠷ ᠰᠢᠷ᠎ᠠ ᠨᠠᠭᠤᠷ ᠤᠨ ᠬᠦᠪᠡᠭᠡ ᠳᠠᠭᠠᠬᠰᠡᠨ ᠭᠠᠵᠠᠷ ᠢ ᠠᠷᠤ ᠬᠤᠷᠴᠢᠨ  ᠸᠠᠩ ᠠᠴᠠ ᠭᠤᠶᠤᠴᠢᠯᠠᠵᠤ ᠲᠦᠷᠢᠶᠡᠰᠤᠯᠠᠵᠤ ᠰᠠᠭᠤᠵᠤ ᠪᠠᠶᠢᠵᠡᠢ᠃ ᠢᠩᠬᠢᠭᠡᠳ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠬᠢᠨ ᠬᠠᠨ ᠤ ᠠᠶᠢᠯ ᠬᠡᠵᠤ ᠨᠡᠷᠡᠯᠡᠨ ᠳᠠᠭᠤᠳᠠᠵᠡᠢ᠃ ᠡᠨᠠ ᠬᠠᠨ ᠤᠪᠤᠬᠳᠤ ᠬᠦᠮᠤᠨ  ᠪᠤᠯᠪᠠᠰᠤ ᠨᠡᠯᠢᠶᠡᠳ ᠨᠤᠮ ᠪᠢᠴᠢᠭ ᠨᠢᠳᠤᠯᠡᠳᠡᠭ ᠮᠦᠷᠳᠡᠬᠡᠨ ᠲᠤᠬᠠᠢ ᠶᠢᠨ ᠴᠠᠭ ᠦᠶ᠎ᠠ ᠳᠡᠭᠡᠨ  ᠳᠠᠪᠰᠢᠩᠭᠤᠢ ᠦᠵᠡᠯᠳᠠ ᠪᠠᠶᠢᠵᠤ ᠴᠦᠬᠡᠪᠤᠷᠢ ᠭᠡᠳᠤᠨ ᠠᠶᠢᠯ ᠠᠶᠢᠮᠠᠭ ᠤᠨ ᠲᠤᠳᠤᠷ᠎ᠠ ᠪᠠᠨ ᠤᠨᠴᠠ ᠶᠡᠭᠡ   ᠪᠢᠰᠢᠷᠡᠨ ᠬᠦᠨᠳᠤᠳᠬᠡᠭᠳᠡᠵᠤ ᠬᠠᠨ   ᠰᠢᠶᠡᠨᠱᠧᠩ ᠬᠡᠮᠡᠨ ᠡᠷᠬᠦᠮᠵᠢᠯᠡᠨ ᠲᠠᠭᠤᠳᠠᠬᠳᠠᠵᠤ ᠪᠠᠶᠢᠵᠡᠢ᠃         1939ᠣᠨ ᠳᠤ ᠲᠠᠷᠤᠢ ᠬᠠᠭᠤᠷᠮᠠᠭ ᠮᠠᠨᠵᠤ ᠶᠢᠨ ᠵᠢᠷᠭᠤᠳᠤᠭᠠᠷ ᠣᠨ ᠤ ᠰᠢᠷᠡᠬᠴᠢᠨ ᠲᠠᠤᠯᠠᠢ ᠵᠢᠯ ᠶᠡᠭᠡ ᠪᠤᠷᠤᠭᠠᠨ ᠤᠷᠤᠵᠤ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠤᠨ ᠬᠦᠨᠳᠠᠢ ᠵᠢᠯᠠᠭ᠎ᠠ ᠪᠠᠷ ᠪᠢᠳᠡᠬᠦᠤ ᠤᠰᠤ ᠪᠠᠭᠤᠵᠤ ᠰᠢᠷ᠎ᠠ ᠨᠠᠭᠤᠷ ᠤᠨ ᠬᠦᠪᠡᠭᠡ ᠳᠠᠭᠠᠬᠰᠡᠨ ᠬᠠᠨ ᠤ ᠠᠶᠢᠯ ᠤᠰᠤᠨ ᠳᠤ ᠵᠢᠪᠪᠤᠭᠡᠳ ᠤᠤᠯ ᠰᠠᠭᠤᠷᠢᠰᠢᠯ ᠬᠠᠭᠤᠴᠢᠨ ᠨᠣᠳᠤᠭ  ᠲᠤ ᠪᠠᠨ ᠰᠠᠭᠤᠬᠤ ᠶᠢᠨ ᠠᠷᠭ᠎ᠠ ᠦᠬᠡᠢ ᠪᠤᠯᠵᠤ ᠰᠢᠷ᠎ᠠ ᠨᠠᠭᠤᠷ ᠤᠨ ᠡᠮᠤᠨ᠎ᠠ ᠳᠡᠨᠵᠢ ᠣᠳᠤ ᠶᠢᠨ ᠬᠠᠪᠴᠢᠯ ᠭᠠᠴᠠᠭ᠎ᠠ ᠶᠢᠨ ᠰᠠᠭᠤᠷᠢᠰᠢᠵᠤ ᠪᠠᠶᠢᠭ᠎ᠠ ᠨᠣᠳᠤᠭ ᠲᠤ  ᠰᠢᠯᠵᠢᠵᠤ ᠰᠠᠭᠤᠷᠢᠰᠢᠵᠡᠢ᠃ 1998 ᠣᠨ ᠤ ᠵᠤᠨ ᠮᠦᠨ ᠰᠢᠷᠡᠬᠴᠢᠨ ᠲᠡᠤᠯᠡᠢ ᠵᠢᠯ60 ᠵᠢᠯ ᠤᠨ ᠣᠢ ᠳᠡᠭᠡᠷ᠎ᠠ ᠪᠠᠨ ᠶᠡᠭᠡ ᠪᠤᠷᠤᠭᠠᠠᠨ ᠨᠦᠷᠢᠨ ᠤᠷᠤᠵᠤ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠤᠨ ᠤᠰᠤ ᠠᠬᠰᠤᠮᠨᠠᠨ ᠪᠤᠰᠴᠤ ᠦᠶᠡᠷᠯᠡᠭᠡᠳ ᠡᠪᠡᠰᠤ ᠪᠡᠯᠴᠢᠭᠡᠷ᠂ ᠠᠳᠤᠭᠤ ᠮᠠᠯ᠂ ᠡᠳ᠋ ᠬᠤᠬᠰᠢᠯ ᠳᠤ ᠲᠤᠶᠢᠯ ᠤᠨ ᠶᠡᠭᠡ ᠬᠤᠬᠢᠷᠠᠯ‌‍ᠪᠣᠯᠵᠤ ᠬᠠᠪᠴᠢᠯ ᠠᠶᠢᠯ ᠤᠨ ᠭᠤᠤᠯ ᠢᠶᠠᠨ ᠲᠠᠭᠠᠬᠰᠡᠨ ᠪᠠᠷᠠᠭᠤᠨ ᠬᠡᠰᠡᠭ  ᠤᠨ ᠭᠤᠴᠢᠭᠠᠳ   ᠡᠷᠤᠬᠡ  ᠤᠳ ᠪᠦᠬᠦᠨ ᠢᠶᠠᠷ ᠢᠶᠠᠨ         ᠤᠰᠤᠨ ᠳᠤ ᠠᠪᠳᠠᠵᠤ ᠨᠠᠮ ᠵᠠᠰᠠᠭ ᠤᠨ ᠬᠠᠶᠢᠷ᠎ᠠ ᠢᠪᠡᠭᠡᠯ ᠬᠠᠪᠰᠤᠷᠤᠯᠭ᠎ᠠ ᠳᠡᠮᠵᠢᠯᠭᠡ ᠪᠠᠷ ᠠᠶᠢᠯ ᠤᠨ ᠬᠤᠶᠢᠳᠤ ᠵᠠᠬ᠎ᠠ ᠶᠢᠨ ᠲᠡᠨᠵᠢᠨ ᠳᠤ ᠨᠡᠬᠦᠨ ᠰᠢᠯᠵᠢᠵᠤ ᠴᠤᠤ ᠰᠢᠨ᠎ᠠ ᠸᠠᠭᠠᠷ ᠲᠤᠭᠤᠰᠬᠠᠨ ᠪᠦᠳᠤᠴᠨ  ᠭᠡᠷ ᠪᠠᠶᠢᠰᠢᠩ ᠲᠠᠢ ︽ᠰᠢᠨ᠎ᠠ ᠠᠶᠢᠯ︾ ᠪᠠᠶᠢᠭᠤᠯᠠᠬᠳᠠᠵᠡᠢ᠃        1940 ᠣᠨ ᠳᠤ ᠬᠠᠨ ᠰᠢᠶᠡᠨᠱᠧᠩ ᠬᠠᠷᠠᠴᠢᠨ ᠠᠴᠠ ᠬᠦᠸᠧ ᠤᠪᠤᠬᠳᠠᠢ ᠭᠡᠷ ᠤᠨ ᠪᠠᠭᠰᠢ ᠵᠠᠯᠠᠵᠤ ᠭᠡᠷ ᠤᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠤᠨ ᠮᠤᠩᠭᠤᠯ᠂ ᠬᠢᠳᠠᠳ᠂  ᠮᠠᠨᠵᠤ ᠭᠤᠷᠪᠡᠨ ᠬᠡᠯᠡ ᠶᠢ ᠵᠢᠭᠠᠯᠭᠠᠵᠤ ᠪᠠᠶᠢᠵᠡᠢ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠬᠠᠨ ᠰᠢᠶᠡᠨᠱᠧᠩ᠂ ᠬᠦᠸᠧ ᠪᠠᠭᠰᠢ ᠲᠡᠷᠢᠬᠦᠳᠠᠢ ᠰᠤᠷᠤᠬᠴᠢᠳ ᠢᠶᠠᠨ  ᠳᠠᠭᠠᠭᠤᠯᠤᠨ ᠮᠤᠨᠴᠤᠭ ᠠᠭᠤᠯᠠ᠂ ᠲᠦᠷᠪᠡᠨ ᠪᠦᠷᠬᠦᠳᠳᠤ ᠬᠠᠷ᠎ᠠ  ᠬᠤᠱᠤᠣ᠂ ᠬᠠᠵᠠᠭᠤ ᠳᠠᠪᠠᠭ᠎ᠠ ᠪᠠᠷ ᠵᠤᠭᠠᠴᠡᠨ ᠲᠤᠭᠤᠷᠢᠵᠤ ᠰᠢᠯᠦᠭ ᠵᠤᠬᠢᠶᠠᠯ ᠤᠷᠤᠯᠳᠤᠭᠤᠯᠳᠠᠭ ᠪᠠᠶᠢᠵᠡᠢ᠃ ᠨᠢᠭᠡ ᠤᠳᠠᠭ᠎ᠠ ᠬᠠᠨ ᠰᠢᠶᠡᠨᠱᠧᠩ ᠬᠠᠭᠤᠴᠢᠨ ᠨᠣᠳᠤᠭ ᠤᠨ ᠠᠷᠤ ᠶᠢᠨ ᠣᠩᠬᠢᠯ ᠱᠤᠷᠤᠩ ᠳᠡᠭᠡᠷ᠎ᠠ ᠠᠴᠠ ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢ ᠰᠢᠨᠵᠢᠵᠤ ᠰᠠᠨᠠᠭᠠᠨ ᠤ ᠠᠶ᠎ᠠ ᠪᠠᠷ:        ︽ᠪᠠᠷᠠᠭᠤᠨ  ᠲᠠᠯ᠎ᠠ ᠶᠢ ᠨᠢ ᠦᠵᠡᠬᠦ ᠳᠤ ᠪᠠᠭ᠋ᠠᠷᠤᠮ᠎ᠠ ᠰᠠᠶᠢᠬᠠᠨ ᠲᠠᠯ᠎ᠠ ᠲᠠᠢ        ᠬᠤᠶᠢᠳᠤ ᠲᠠᠯ᠎ᠠ ᠶᠢ ᠨᠢ ᠦᠵᠡᠬᠦ ᠳᠤ ᠬᠤᠯᠪᠤᠯᠵᠢᠨ ᠬᠤᠶᠠᠷ ᠠᠭᠤᠯᠠ ᠲᠠᠢ        ᠵᠡᠬᠦᠨ ᠲᠠᠯ᠎ᠠ ᠶᠢ ᠨᠢ ᠦᠵᠡᠬᠦ ᠳᠤ ᠵᠦᠰᠤ ᠬᠤᠸ᠋ᠨ ᠮᠠᠩᠬ᠎ᠠ ᠲᠠᠢ        ᠡᠮᠤᠨ᠎ᠠ ᠲᠠᠯ᠎ᠠ ᠶᠢ ᠨᠢ ᠦᠵᠡᠬᠦ ᠳᠤ ᠦᠩᠬᠡᠳᠤ ᠰᠠᠶᠢᠬᠠᠨ ᠭᠤᠤᠯ ᠲᠠᠢ︾ ᠬᠡᠰᠡᠨ ᠨᠢᠭᠡᠨ ᠪᠠᠳᠠᠭ ᠰᠢᠯᠦᠭ ᠤᠶᠠᠩᠭᠠᠯᠠᠵᠤ ᠲᠠᠨᠤᠰ ᠬᠡᠯᠡᠵᠤ ᠦᠵᠡ᠂ ᠣᠳᠤ ᠴᠠᠭ ᠲᠦᠷᠤ ᠰᠢᠨ᠎ᠠ ᠪᠠᠷ ᠬᠤᠪᠢᠷᠠᠵᠤ ᠶᠠᠭᠤᠮ᠎ᠠ ᠪᠦᠬᠦᠨ ᠰᠢᠨ᠎ᠠ ᠪᠠᠷ ᠡᠬᠢᠯᠡᠬᠦ ᠬᠡᠵᠤ ᠪᠤᠢ᠂ ᠮᠠᠨ ᠤ ᠠᠶᠢᠯ ᠤᠨ ᠬᠠᠭᠤᠴᠢᠨ ᠨᠡᠷᠡᠶᠢᠳᠤᠯ ︽ᠬᠠᠨ ᠤ ᠠᠶᠢᠯ︾ ᠢᠶᠠᠨ ᠶᠠᠭᠤ ᠬᠡᠵᠤ ᠬᠡᠯᠡᠪᠠᠯ ᠰᠠᠶᠢᠨ ᠬᠡᠵᠤ ᠠᠰᠠᠭᠤᠬᠰᠡᠨ ᠳᠤ ᠰᠤᠷᠤᠬᠴᠢᠳ ᠨᠢ ᠭᠠᠵᠠᠷ ᠤᠨ ᠪᠠᠶᠢᠴᠠ ᠪᠠᠷ ᠨᠢ  ︽ᠬᠠᠪᠴᠢᠯ︾ ᠬᠡᠵᠤ ᠨᠡᠷᠡᠯᠡᠪᠠᠯ ᠵᠤᠬᠢᠰᠳᠠᠢ ᠬᠡᠰᠡᠨ ᠭᠡᠨ᠎ᠠ᠃ ᠢᠩᠬᠢᠭᠡᠳ ︽ᠬᠠᠨ ᠤ ᠠᠶᠢᠯ︾ ᠨᠢ ᠶᠠᠪᠤᠭᠠᠨ ᠳᠤ ᠪᠠᠨ ︽ᠬᠠᠪᠴᠢᠯ ︾ ᠠᠶᠢᠯ ᠪᠤᠯᠵᠤ ᠲᠠᠭᠤᠳᠠᠬᠳᠠᠵᠡᠢ᠃ 1940 ᠣᠨ ᠠᠴᠠ ᠰᠡᠬᠦᠯᠡᠷ ᠤᠯᠤᠰ ᠤᠨ ᠰᠤᠷᠭᠠᠭᠭᠤᠯᠢ ᠪᠢᠭᠤᠯᠤᠬᠳᠠᠬᠤ ᠪᠤᠯᠳᠠᠯ᠎ᠠ ᠵᠠᠯᠠᠶᠢᠳ ᠨᠣᠳᠤᠭ ᠤᠨ ᠬᠦᠮᠤᠨ ᠰᠢᠵᠢᠨᠳᠡᠯᠭᠡᠷ᠂ ᠠᠷᠤ ᠬᠤᠷᠴᠢᠨ ᠤ  ᠪᠠᠶᠠᠨᠳᠠᠯ᠎ᠠ ᠶᠢᠨ ᠰᠠᠶᠢᠨᠳᠤᠬᠳᠤᠬᠤ᠂ ᠬᠠᠨ  ᠪᠤᠣ ᠯᠢᠨ᠂ ᠮᠢᠰᠢᠭ ᠨᠠᠷ ᠪᠠᠭᠰᠢᠯᠠᠵᠤ ᠪᠠᠶᠢᠬᠰᠡᠨ ᠮᠦᠷᠳᠡᠬᠡᠨ ᠰᠡᠬᠦᠯᠡᠷ ᠨᠢ ᠶᠢᠨ ᠴᠢᠤᠢ᠂ ᠠᠷᠪᠢᠨᠬᠡᠰᠢᠭ᠂  ᠰᠢᠨ ᠰᠢᠤ ᠵᠠᠩ᠂ ᠪᠠᠶᠠᠷ ᠵᠡᠷᠬᠡ ᠪᠠᠭᠰᠢᠨᠠᠷ ᠴᠦ ᠪᠠᠭᠰᠢᠯᠠᠵᠤ ᠦᠩᠬᠡᠷᠡᠵᠡᠢ᠃ 1946 ᠣᠨ ᠳᠤ ᠬᠠᠪᠴᠢᠯ ᠠᠶᠢᠯ   ᠳᠤ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠬᠤᠷᠠᠯ  ᠪᠠᠶᠢᠭᠤᠯᠤᠬᠳᠠᠵᠤ  ᠬᠤᠷᠠᠯ ᠤᠨ ᠲᠠᠷᠤᠭ᠎ᠠ   ᠨᠢ ᠳ᠋ᠦᠩ  ᠯᠦ ᠾᠧ ᠬᠡᠰᠡᠨ ᠬᠦᠮᠤᠨ ᠪᠠᠶᠢᠵᠡᠢ᠃ ᠮᠦᠨ ᠵᠢᠯ  ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠤᠨ  ᠨᠢᠭᠤᠴᠠ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠲᠠᠢ ᠪᠤᠯᠵᠤ᠂ ᠸᠠᠩ ᠾᠧ᠂ ᠯᠡᠢ ᠪᠠᠢ ᠴᠧᠨ᠂ ᠤᠳᠬᠠᠨᠪᠠᠶᠠᠷ᠂ ᠲᠠᠷᠰᠡᠨᠵᠠᠪ᠂ ᠭᠠᠷᠤᠳᠠᠢ ᠵᠡᠷᠬᠡ ᠬᠦᠮᠤᠰ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠤᠨ ᠤᠰᠤᠨ ᠳᠠᠭᠠᠵᠤ ᠨᠠᠮ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠠᠵᠢᠯ ᠢ  ᠬᠢᠵᠤ ᠪᠠᠶᠢᠵᠡᠢ᠃1938 ᠣᠨ ᠤ ᠰᠢᠷ᠎ᠠ ᠪᠠᠷᠰ ᠵᠢᠯ ᠠᠴᠠ1947 ᠣᠨ ᠪᠤᠯᠳᠠᠯ᠎ᠠ ᠬᠠᠷᠠᠴᠢᠨ᠂ ᠲᠦᠮᠡᠳ᠂ ᠨᠠᠢᠮᠠᠨ᠂ ᠤᠳᠬᠠᠨ᠂ ᠲᠠᠷᠬᠠᠨ ᠬᠤᠰᠢᠭᠤ  ᠠᠴᠠ ᠤᠷᠢᠳ ᠬᠤᠵᠢᠳ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠬᠦᠯ ᠭᠠᠩ ᠬᠠᠭᠰᠡᠷᠭᠠᠨ ᠤ ᠵᠤᠪᠠᠯᠠᠩ ᠠᠴᠠ ᠲᠣᠳᠠᠭᠠᠵᠤ ᠲᠦᠷᠪᠡᠵᠤ᠂ ᠵᠠᠶᠢᠯᠠᠵᠤ ᠨᠡᠬᠦᠳᠡᠯᠡᠵᠤ ᠢᠷᠡᠭᠰᠡᠨ ᠠᠷᠠᠳ ᠬᠠᠪᠴᠢᠯ ᠨᠣᠳᠤᠭ ᠲᠤ ᠬᠦᠯ ᠲᠤᠬᠳᠠᠵᠤ ᠭᠤᠴᠢ ᠢᠯᠡᠬᠦᠤ ᠡᠷᠤᠬᠡ ᠲᠠᠢ ᠠᠶᠢᠯ ᠪᠤᠯᠵᠡᠢ᠃1947 ᠣᠨ ᠳᠤ ᠡᠮᠤᠨ᠎ᠠ ᠭᠠᠵᠠᠷ ᠠᠴᠠ ᠡᠬᠦᠷᠬᠡ  ᠪᠤᠭᠤᠳᠠᠯ ᠢᠶᠠᠨ ᠡᠬᠦᠷᠤᠭ᠍ᠰᠡᠨ ᠦᠵᠡᠯᠬᠡᠴᠢ ᠪᠤᠮᠪᠤ ᠬᠠᠪᠴᠢᠯ ᠠᠶᠢᠯ ᠳᠤ ᠢᠷᠡᠬᠡᠳ ᠠᠶᠢᠯ ᠤᠨ ᠰᠠᠭᠤᠷᠢᠰᠢᠵᠤ ᠪᠠᠶᠢᠭ᠎ᠠ ᠰᠢᠷ᠎ᠠ ᠬᠦᠷᠤᠰᠤᠳᠤ ᠳᠡᠨᠵᠢ ᠶᠢ ᠬᠡᠪᠳᠡᠭᠡ ᠯᠤᠤ ᠶᠢᠨ ᠰᠢᠨᠵᠢᠳᠠᠢ ᠪᠠᠶᠢᠨ᠎ᠠ᠃ ᠮᠤᠳᠤ ᠤᠷᠤᠢ ᠠᠴᠠ ᠤᠷᠤᠬᠰᠢ ᠪᠠᠨ ᠠᠶᠢᠯ ᠰᠠᠭᠤᠵᠤ ᠪᠤᠯᠬᠤ ᠦᠬᠡᠢ ᠬᠡᠵᠤ ᠠᠶᠢᠯᠠᠳᠤᠭᠠᠳ  ᠲᠣᠮ ᠲᠠᠷᠤᠯᠭ᠎ᠠ ᠬᠢᠯᠭᠡᠭᠰᠡᠨ ᠭᠡᠳᠡᠭ᠃ ᠣᠳᠤ ᠪᠤᠯᠳᠠᠯ᠎ᠠ ᠬᠠᠪᠴᠢᠯ ᠠᠶᠢᠯ ᠤᠨ ᠡᠮᠤᠨ᠎ᠠ ᠬᠤᠶᠢᠨ᠎ᠠ ᠦᠷᠯᠦᠭ ᠵᠠᠩᠵᠤᠨ ᠰᠢᠭ᠋ ᠰᠡᠬᠦᠶᠢᠨ ᠰᠦᠨᠳᠡᠷᠯᠡᠭᠡ ᠵᠠᠭᠤ ᠢᠯᠡᠬᠦᠤ ᠵᠢᠯ ᠤᠨ ᠲᠡᠤᠬᠡ  ᠲᠠᠢ ᠬᠤᠶᠠᠷ ᠲᠤᠮᠤ ᠱᠠᠩᠰᠢ ᠶᠢ ᠰᠢᠳᠤᠨ ᠴᠢᠮᠡᠭᠯᠡᠳᠡᠭ ᠲᠠᠳᠬᠠᠠᠯ ᠢᠶᠠᠨ ᠬᠠᠶᠠᠭ᠎ᠠ ᠦᠬᠡᠢ ᠪᠠᠷᠢᠮᠳᠠᠯᠠᠬᠰᠠᠭᠠᠷ ᠪᠠᠶᠢᠨ᠎ᠠ᠃ ᠬᠡᠪᠠᠴᠤ ᠬᠠᠷᠠᠮᠰᠠᠯᠳᠠᠢ ᠨᠢ ᠮᠣᠳᠤ ᠪᠠᠷ ᠵᠤᠵᠠᠭᠠᠨ ᠨᠠᠢᠮᠠᠬᠠᠨ ᠤᠷᠤᠢ ᠳᠤ ᠣᠳᠤ ᠠᠪᠠᠷ ᠲᠠᠪᠠᠷ ᠬᠡᠳᠤᠬᠡᠨ ᠮᠣᠳᠤ ᠯᠠ  ᠪᠠᠭᠤᠴᠠ ᠪᠠᠨ ᠰᠠᠬᠢᠨ ᠵᠤᠬᠰᠤᠵᠤ ᠪᠠᠶᠢᠨ᠎ᠠ᠃        2 ᠬᠢᠩᠭᠠᠨ ᠲᠤᠯᠤᠭᠠᠨ ᠡᠷᠤᠬᠡ        ︽ᠬᠢᠩᠭᠠᠨ ᠲᠤᠯᠤᠭᠠᠨ ᠡᠷᠤᠬᠡ︾ ᠭᠡᠳᠡᠭ ᠨᠢ ᠣᠳᠤ ᠶᠢᠨ ᠬᠤᠭᠤᠯᠠᠳᠤ ᠭᠠᠴᠠᠭ᠎ᠠ ᠶᠢᠨ ᠬᠠᠭᠤᠴᠢᠨ ᠨᠡᠷᠡᠶᠢᠳᠤᠯ ᠪᠦᠯᠤᠭᠡ ᠢᠷᠬᠡᠨ ᠣᠯᠣᠰ ᠤᠨ ᠦᠶ᠎ᠠ ᠠᠳᠠ ᠬᠡᠳᠤᠨ ᠠᠶᠢᠯ ᠰᠠᠭᠤᠵᠤ  ᠪᠠᠶᠢᠬᠰᠡᠨ ᠢᠶᠠᠨ ᠬᠤᠵᠢᠮ ᠨᠢ ᠲᠤᠯᠤᠭᠠᠨ ᠡᠷᠤᠬᠡ ᠪᠤᠯᠵᠤ ︽ᠬᠢᠩᠭᠠᠨ ᠲᠤᠯᠤᠭᠠᠨ ᠡᠷᠣᠬᠡ︾ ᠬᠡᠵᠤ ᠨᠡᠷᠡᠶᠢᠳᠤᠭ᠍ᠳᠡᠵᠡᠢ᠃ ᠰᠤᠨᠤᠰᠬᠠᠯ ᠢᠶᠠᠷ ᠡᠨᠡᠬᠦ ᠨᠡᠷᠡᠶᠢᠳᠤᠯ ᠨᠢ ᠲᠡᠳᠡᠨ ᠤ ᠤᠤᠯ ᠤᠨ ᠰᠢᠯᠵᠢᠵᠤ ᠢᠷᠡᠭᠰᠡᠨ ᠨᠣᠳᠤᠭ ᠣᠷᠣᠨ ᠠᠴᠠ ᠨᠢ ᠰᠢᠯᠳᠠᠭᠠᠯᠠᠬᠳᠠᠨ᠎ᠠ ᠬᠡᠳᠡᠭ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠡᠨᠡᠬᠦ ᠭᠠᠵᠠᠷ ᠨᠣᠳᠤᠭ ᠨᠢ ᠠᠷᠣ ᠬᠤᠷᠴᠢᠨ ᠨᠣᠳᠤᠭ ᠤᠨ ᠵᠢᠷᠤᠭ ᠲᠤ ᠪᠠᠶᠢᠵᠡᠢ᠃ ᠣᠳᠣ ᠶᠢᠨ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠬᠡᠵᠤ ᠪᠠᠶᠢᠵᠡᠢ᠃ ᠪᠤᠳᠤᠪᠠᠯ ᠣᠯᠠᠨ ᠰᠠᠯᠭ᠎ᠠ ᠣᠷᠣᠰᠬᠠᠯ ᠵᠢᠯᠠᠭ᠎ᠠ ᠬᠦᠨᠳᠠᠢ ᠠᠴᠠ ᠣᠰᠣᠨ ᠰᠣᠷᠪᠤᠯᠵᠢ ᠲᠠᠢ ᠭᠤᠤᠯ ᠪᠠᠶᠢᠬᠰᠡᠨ ᠠᠴᠠ ᠲᠡᠬᠡᠵᠤ ᠨᠡᠷᠡᠶᠢᠳᠴᠤ ᠪᠠᠶᠢᠬᠰᠡᠨ ᠮᠠᠭᠠᠳ᠃ ᠬᠤᠵᠢᠮ ᠨᠢ ᠤᠯᠠᠨ ᠤᠳᠠᠭᠠᠨ ᠤ ᠲᠠᠶᠢᠨ ᠲᠡᠵᠢᠨ ᠤ ᠬᠦᠯ ᠠᠴᠠ ᠠᠣᠬᠠᠨ᠂ ᠲᠦᠮᠡᠳ᠂ ᠬᠤᠷᠴᠢᠨ ᠤ ᠮᠤᠩᠭᠤᠯᠴᠤᠳ ᠦᠯᠵᠡᠶᠢᠮᠦᠷᠡᠨ ᠤ ᠤᠷᠤᠰᠬᠠᠯ ᠦᠬᠡᠳᠡᠯᠡᠵᠤ ᠲᠤᠳᠠᠭᠠᠨ ᠲᠦᠷᠪᠡᠵᠤ ᠡᠨᠠ ᠳᠤ ᠬᠦᠯ ᠲᠤᠰᠬᠠᠭᠳᠠᠨ ᠠᠶᠢᠯ ᠡᠷᠤᠬᠡ ᠶᠢᠨ  ᠲᠤᠭ᠎ᠠ ᠣᠯᠠᠰᠢᠷᠡᠬᠰᠡᠨ ᠠᠴᠠ ︽ᠬᠢᠩᠭᠠᠨ ᠲᠤᠯᠤᠭᠠᠨ ᠡᠷᠤᠬᠡ︾ ᠤ ᠬᠦᠮᠤᠨ ᠮᠠᠯ ᠤᠨ ᠠᠮᠢᠨ ᠲᠡᠵᠢᠭᠡᠯ ᠪᠤᠯᠤᠬᠰᠡᠨ ᠣᠷᠤᠰᠬᠠᠯ ᠭᠤᠤᠯ ᠢᠶᠠᠷ ᠢᠶᠠᠨ ᠨᠡᠷᠡᠯᠠᠵᠤ ︽ᠬᠤᠭᠤᠯᠠᠳᠤ︾ ᠬᠡᠬᠦ ᠠᠶᠢᠯ ᠮᠡᠨᠳᠤᠯᠠᠵᠡᠢ᠃ ᠬᠤᠭᠤᠯᠠᠳᠤ ᠭᠠᠴᠠᠭ᠎ᠠ ᠶᠢᠨ ᠪᠡᠯᠴᠢᠬᠡᠷ ᠨᠣᠳᠤᠭ ᠦᠷᠬᠡᠨ ᠠᠭᠤᠳᠠᠮ ᠦᠩ ᠰᠢᠮᠡᠯᠢᠭ᠂ ᠠᠪᠤᠯ ᠬᠠᠪᠤᠷ ᠲᠤ ᠪᠠᠨ ᠨᠦᠮᠤᠷᠢ ᠬᠠᠯᠠᠬᠭ᠎ᠠ ᠰᠠᠶᠢᠳᠠᠢ ᠬᠠᠪᠤᠷ ᠵᠤᠨ ᠳᠠᠭᠠᠨ ᠬᠤᠵᠢᠷ ᠲᠤᠯᠢᠴᠠ ᠰᠠᠶᠢᠨ ᠪᠠᠶᠢᠳᠠᠭ ᠠᠴᠠ ᠮᠠᠯ ᠤᠨ ᠲᠠᠷᠭᠤ ᠬᠦᠴᠤ ᠠᠯᠳᠠᠳᠠᠭ ᠦᠬᠡᠢ ᠪᠠᠶᠢᠳᠠᠭ᠂ ᠣᠳᠤ ᠬᠤᠭᠤᠯᠠᠳᠤ ᠭᠠᠴᠠᠭᠠᠨ ᠤ ᠬᠢᠨ ᠦᠬᠡᠷ ᠤᠨ ᠲᠤᠭ᠎ᠠ ᠴᠢᠨᠠᠷ ᠤᠨ ᠪᠠᠳᠤᠯᠭ᠎ᠠ ᠶᠢ ᠡᠷᠴᠢᠮ ᠲᠠᠢ ᠠᠳᠬᠤᠵᠤ ᠪᠠᠶᠠᠵᠢᠯ ᠤᠨ ᠵᠠᠮ ᠢᠶᠠᠷ ᠵᠣᠯᠪᠤᠭ᠎ᠠ ᠬᠡᠶᠢᠮᠣᠷᠢ ᠲᠠᠢ ᠲᠡᠮᠤᠯᠡᠵᠤ ᠶᠠᠪᠤᠨ᠎ᠠ᠃        3 ᠪᠡᠷᠬᠡ ᠶᠢᠨ ᠬᠤᠳᠳᠤᠭ        ᠣᠯᠠᠭᠠᠨ ᠳᠠᠪᠠᠭ᠎ᠠ ᠰᠤᠮᠤᠨ ᠤ ᠪᠠᠷᠠᠭᠤᠨ ᠬᠤᠶᠢᠨ᠎ᠠ ᠵᠠᠬ᠎ᠠ ᠶᠢᠨ ᠭᠠᠴᠠᠭ᠎ᠠ ᠶᠢ  ᠪᠡᠷᠬᠡ ᠶᠢᠨ ᠬᠤᠳᠳᠤᠭ  ᠬᠡᠳᠡᠭ᠃ ᠣᠣᠯ ᠳᠠᠭᠠᠨ ᠬᠠᠷ᠎ᠠ ᠵᠢᠷᠤᠬᠡ ᠶᠢᠨ ᠠᠶᠢᠯ ᠬᠡᠳᠡᠭ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠴᠦᠬᠡᠬᠡᠪᠤᠷᠢ ᠬᠡᠳᠤᠨ ᠠᠶᠢᠯ ᠪᠠᠶᠢᠵᠤ ᠠᠶᠢᠯ ᠤᠨ ᠡᠮᠣᠨᠡᠬᠢ ᠭᠠᠵᠠᠷ ᠤᠨ ᠲᠦᠪᠰᠢᠨ ᠠᠴᠠ ᠬᠡᠨᠡᠳᠳᠠ ᠤᠷᠭᠤᠨ ᠭᠠᠷᠣᠬᠰᠡᠨ ᠬᠡᠮᠡᠷ ᠵᠢᠷᠤᠬᠡ ᠬᠡᠯᠪᠡᠷᠢ ᠲᠠᠢ ᠬᠠᠷ᠎ᠠ ᠠᠭᠤᠯᠠ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠲᠡᠬᠡᠵᠤ ᠨᠡᠷᠡᠯᠡᠵᠤ ᠪᠠᠶᠢᠵᠡᠢ᠃1913ᠣᠨ ᠤ ᠦᠶ᠎ᠠ ᠪᠠᠷ ᠪᠤᠬᠳᠠ ᠬᠠᠭᠠᠨᠳᠤ ᠮᠤᠩᠭᠤᠯ ᠣᠯᠣᠰ ᠤᠨ ᠨᠠᠷᠠᠨ ᠬᠡᠷᠡᠯᠳᠤ ᠬᠠᠭᠠᠨ ᠵᠢᠪᠽᠤᠳᠠᠮᠪᠠ ᠶᠢᠨ ᠲᠤᠮᠢᠯᠠᠬᠰᠡᠨ ︽ᠦᠪᠤᠷ ᠮᠤᠩᠭᠤᠯ ᠢ ᠴᠢᠯᠤᠬᠡᠯᠡᠬᠦ︾   ᠭᠤᠷᠪᠡᠨ ᠵᠠᠮ ᠤᠨ ᠴᠡᠷᠢᠭ ᠮᠠᠩᠯᠡᠢ ᠪᠠᠭᠠᠳᠤᠷ ᠲᠠᠮᠳᠢᠨᠰᠤᠷᠤᠩ ᠤᠨ ᠣᠳᠤᠷᠢᠳᠣᠯᠭ᠎ᠠ ᠪᠠᠷ ᠰᠢᠯᠢ ᠶᠢᠨ ᠭᠤᠤᠯ᠂ ᠵᠤᠤ ᠤᠳᠠ ᠬᠤᠶᠠᠷ ᠴᠢᠭᠤᠯᠭᠠᠨ ᠢᠶᠠᠷ ᠲᠠᠪᠰᠢᠨ ᠣᠷᠣᠵᠤ ᠢᠷᠡᠭᠰᠡᠨ ᠳᠤ ᠮᠤᠩᠭᠤᠯᠴᠤᠳ ᠢᠳᠡᠪᠬᠢᠯᠡᠨ ᠴᠤᠤᠷᠢᠶᠠᠳᠤᠵᠤ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ ᠲᠠᠶᠢᠨ ᠲᠡᠵᠢᠨ ᠤ ᠦᠶ᠎ᠠ ᠳᠤ ᠬᠠᠷ᠎ᠠ ᠵᠢᠷᠤᠬᠡ ᠶᠢᠨ ᠠᠶᠢᠯ ᠢᠶᠠᠷ ᠶᠡᠭᠡ ᠴᠡᠷᠢᠭ ᠮᠤᠷᠢ ᠦᠩᠬᠡᠷᠡᠬᠦ ᠳᠡᠭᠡᠨ ᠴᠡᠷᠢᠭ ᠮᠤᠷᠢ ᠪᠠᠨ ᠠᠮᠤᠷᠠᠭᠤᠯᠵᠤ᠂ ᠬᠤᠭᠤᠯᠠᠯᠵᠤ ᠲᠤᠭᠤᠭᠠᠯᠠᠯᠬᠤ ᠳᠠᠭᠠᠨ ᠠᠶᠢᠯ ᠤᠨ ᠲᠤᠮᠳᠠᠬᠢ ᠭᠠᠭᠴᠠ ᠬᠤᠳᠳᠤᠭ ᠢᠶᠠᠷ ᠲᠡᠳᠤᠶᠢᠴᠢᠨᠡᠨ ᠴᠡᠷᠢᠭ ᠮᠤᠷᠢ ᠶᠢᠨ ᠤᠰᠤᠨ ᠤ ᠶᠠᠪᠤᠳᠠᠯ ᠢ ᠰᠡᠢᠳᠪᠤᠷᠢᠯᠡᠭᠰᠡᠨ ᠠᠴᠠ ᠪᠡᠷᠬᠡ ᠶᠢᠨ ᠬᠤᠳᠳᠤᠭ ᠬᠡᠵᠤ ᠱᠠᠬᠰᠢᠨ ᠭᠠᠶᠢᠬᠠᠵᠡᠢ᠃ ᠡᠨᠡᠬᠦ ᠲᠠᠭᠤᠳᠠᠯᠭ᠎ᠠ ᠨᠢ ᠠᠭᠠᠵᠢᠮ ᠢᠶᠠᠷ ᠪᠠᠯᠠᠷᠠᠵᠤ᠂ ᠰᠢᠨ᠎ᠠ ᠦᠬᠡᠷᠴᠢᠯᠡᠯᠡᠳᠠ ᠶᠢᠨ ᠦᠶ᠎ᠠ  ᠪᠠᠷ ︽ᠱᠠᠩ ᠵᠢᠩ︾ ᠬᠡᠬᠦ ᠬᠢᠳᠠᠳ ᠨᠡᠷᠡᠶᠢᠳᠤᠯ ᠠᠪᠴᠡᠢ᠃ ᠱᠠᠩ ᠵᠢᠩ ᠭᠠᠴᠠᠭ᠎ᠠ ᠨᠢ ᠭᠤᠷᠪᠡᠨ ᠲᠠᠯ᠎ᠠ ᠪᠠᠷ ᠢᠶᠠᠨ ᠠᠭᠤᠯᠠ ᠬᠠᠳᠠ ᠪᠠᠷ ᠬᠦᠷᠢᠶᠡᠯᠡᠭᠳᠡᠨ ᠦᠨᠡᠬᠡᠷ ᠨᠢᠭᠡᠨ ᠬᠤᠳᠳᠤᠭ ᠰᠢᠭ᠋ ᠰᠠᠭᠤᠴᠠ ᠪᠠᠶᠢᠷᠢ ᠲᠠᠢ ᠪᠠᠶᠢᠳᠠᠭ᠃ ᠠᠳᠡᠬᠢ ᠶᠢᠨ ᠮᠠᠯᠴᠢᠳ ᠤᠷᠤᠨ ᠨᠣᠳᠤᠭ ᠤᠨ ᠢᠶᠠᠨ ᠪᠤᠳᠠᠳᠤ ᠤᠨᠴᠠᠯᠢᠭ ᠲᠤ ᠤᠶᠠᠯᠳᠤᠭᠤᠯᠤᠨ ᠠᠭᠤᠯᠠ ᠬᠠᠳᠠ ᠪᠠᠷᠳᠠᠭ᠎ᠠ ᠲᠠᠢ ᠮᠤᠷᠢᠨ ᠱᠠᠯᠪᠠᠭ᠂ ᠴᠠᠷᠠᠰᠤ ᠵᠡᠷᠬᠡ ᠤᠷᠭᠤᠮᠠᠯ ᠨᠢ ᠤᠷᠤᠯᠭ᠎ᠠ ᠶᠢᠨ ᠢᠶᠠᠨ ᠭᠤᠤᠯ ᠪᠤᠯᠭᠠᠵᠤ ᠪᠠᠶᠢᠵᠡᠢ᠃ ᠬᠡᠳᠡᠯ᠎ᠠ ᠲᠦᠷᠤ ᠶᠢᠨ ᠪᠤᠳᠤᠯᠭ᠎ᠠ ᠶᠢᠨ ᠰᠢᠨ᠎ᠠ ᠲᠤᠬᠳᠠᠭᠠᠯ ᠢᠶᠠᠷ ᠢᠮᠠᠭ᠎ᠠ ᠶᠢ ᠬᠠᠰᠢᠶᠠᠯᠡᠨ ᠲᠡᠵᠢᠭᠡᠭᠰᠡᠨ ᠠᠴᠠ ᠬᠦᠬᠡᠷᠣᠬᠦᠢ ᠠᠷᠠᠳ ᠭᠠᠷ ᠢᠶᠠᠨ ᠨᠣᠬᠤᠯᠠᠨ ᠭᠠᠴᠢᠬᠳᠠᠵᠤ ᠪᠠᠶᠢᠭ᠎ᠠ  ᠶᠤᠮ ᠪᠠᠶᠢᠨ᠎ᠠ᠃4 ᠰᠢᠨ᠎ᠠ ᠬᠤᠳᠠ︽ᠰᠢᠨ᠎ᠠ ᠬᠤᠳᠠ︾ ᠶᠢᠨ ᠠᠶᠢᠯ ᠪᠤᠯ ᠣᠣᠯ ᠤᠨ ᠰᠢᠨ᠎ᠠ ᠬᠠᠳᠠ ᠶᠢᠨ ᠠᠶᠢᠯ ᠪᠤᠯᠤᠨ᠎ᠠ᠃1974 ᠣᠨ ᠳᠤ ᠰᠢᠨᠡ ᠣᠰᠣᠨ ᠴᠦᠬᠦᠷᠤᠮ ︵ᠦᠯᠵᠡᠶᠢᠮᠤᠷᠡᠨ ᠤ ᠤᠷᠤᠰᠬᠠᠯ ᠢ ᠬᠠᠰᠢᠵᠤ︶ ᠢ  ᠪᠠᠶᠢᠭᠤᠯᠬᠤ ᠳᠤ ᠰᠢᠷ᠎ᠠ ᠬᠠᠳᠠ ᠶᠢᠨ ᠠᠶᠢᠯ ᠢ ᠤᠯᠠᠭᠠᠨ ᠳᠠᠪᠠᠭ᠎ᠠ ᠳᠤ ᠨᠡᠬᠦᠯᠬᠡᠵᠤ᠂ ᠬᠠᠷ᠎ᠠ ᠡᠷᠬᠢ  ︵ᠬᠤᠳᠳᠤᠭ︶ ᠶᠢᠨ ᠠᠶᠢᠯ ᠢ  ᠪᠠᠶᠠᠨ᠋ᠠ᠋ᠭᠤᠯᠠ ᠳᠤ ᠨᠡᠬᠦᠯᠬᠡᠵᠡᠢ᠃ ᠰᠢᠨ᠎ᠠ ᠬᠤᠳᠠ ᠶᠢᠨ ᠠᠶᠢᠯ ᠰᠠᠶ᠋ᠢ ᠨᠡᠬᠦᠵᠤ ᠢᠷᠡᠬᠦ ᠳᠤ ᠲᠡᠭᠡᠷ᠎ᠠ ᠱᠠᠳᠤᠨ ᠠᠴᠠ ᠪᠤᠭᠤᠳᠤ ᠶᠢᠨ ᠬᠦᠨᠳᠠᠢ ᠪᠤᠶᠤ ᠬᠠᠳᠠᠨ ᠠᠷᠤ ᠶᠢᠨ ᠠᠮᠠᠨ ᠳᠤ ᠰᠠᠭᠤᠯᠭᠠᠬᠤ ᠬᠡᠵᠡᠢ᠃ ᠬᠡᠳᠡᠯ᠎ᠠ ᠲᠤᠬᠠᠢ ᠶᠢᠨ ᠦᠶ᠎ᠠ  ᠠᠮᠤ ᠪᠤᠳᠠᠭ᠎ᠠ  ᠬᠤᠳᠠᠯᠳᠤᠨ ᠠᠪᠬᠤ ᠳᠤ ᠠᠭᠤᠶᠢᠳᠤ ᠶᠢᠨ ᠰᠦᠮ᠎ᠠ ᠵᠢᠨ‌ᠠᠮᠤ ᠪᠤᠳᠠᠭ᠎ᠠ ᠶᠢᠨ ᠦᠷᠳᠡᠭᠡ ᠠᠴᠠ ᠵᠦᠬᠡᠬᠡᠪᠤᠷᠢᠯᠡᠳᠡᠭ ᠲᠤᠯᠠ ᠵᠠᠮ ᠬᠠᠷᠢᠯᠴᠠᠭ᠎ᠠ ᠶᠢᠨ ᠲᠦᠬᠦᠮ ᠢ ᠪᠤᠳᠤᠵᠤ ᠣᠳᠤ ᠶᠢᠨ ᠰᠢᠨ᠎ᠠ ᠬᠤᠳᠠ ᠶᠢᠨ  ᠰᠠᠭᠤᠷᠢᠰᠢᠯ ᠳᠤ ᠰᠠᠭᠤᠬᠰᠡᠨ ᠪᠠᠶᠢᠨ᠎ᠠ᠃ ᠰᠢᠨ᠎ᠠ ᠬᠤᠳᠠ ᠬᠡᠬᠦ ᠨᠡᠷᠡᠶᠢᠳᠦᠯ ᠨᠢ ᠠᠯᠳᠠᠨ ᠤᠯᠤᠰ ᠤᠨ ᠮᠤᠩᠭᠤᠯ ᠤᠨ ᠮᠤᠷᠢᠳᠤ ᠴᠡᠷᠢᠭ ᠢ ᠰᠡᠷᠬᠡᠶᠢᠯᠡᠬᠦ ᠶᠢᠨ ᠲᠦᠯᠤᠬᠡ ᠪᠠᠷᠢᠬᠰᠡᠨ ᠤᠳᠠᠰᠤᠨ ᠬᠡᠷᠡᠮ ᠤᠨ ᠨᠢᠭᠡ ᠶᠡᠭᠡ ᠴᠠᠶᠢᠵᠠ ᠶᠢᠨ ᠪᠠᠭᠤᠷᠢ ᠳᠤ ᠰᠢᠨ᠎ᠠ ᠬᠤᠳᠠ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠠᠬᠳᠠᠭᠠᠳ  ᠣᠨ ᠤᠳᠠᠵᠤ ᠪᠤᠢ᠃  ᠰᠠᠶ᠋ᠢᠬᠠᠨ ᠨᠡᠬᠦᠵᠤ  ᠢᠷᠡᠬᠦ ᠦᠶ᠎ᠠ ᠳᠤ ᠰᠢᠨ᠎ᠠ ᠬᠤᠳᠠ ᠭᠠᠴᠠᠭ᠎ᠠ ᠶᠢᠨ ᠨᠣᠳᠤᠭ ᠪᠡᠯᠴᠢᠭᠡᠷ ᠲᠤ ᠠᠳᠤᠭᠤ ᠮᠠᠯ  ᠬᠤᠨᠢ ᠢᠮᠠᠭ᠎ᠠ ᠮᠠᠯᠵᠢᠬᠤ ᠳᠤ ᠲᠠᠭᠠᠳᠠᠢ ᠯᠠ ᠭᠠᠵᠠᠷ ᠪᠠᠶᠢᠵᠡᠢ᠂ ᠰᠡᠬᠦᠯᠡᠷ ᠨᠢ ᠵᠡᠬᠦᠨ ᠬᠤᠶᠢᠳᠤ ᠶᠢᠨ ᠲᠤᠷᠤᠭ ᠪᠤᠭᠤ ᠲᠡᠵᠢᠭᠡᠬᠦ ᠤᠯᠤᠰ ᠤᠨ ᠲᠠᠯᠠᠪᠠᠢ ᠶᠢ ᠬᠠᠳᠠᠨ ᠠᠷᠤ ᠶᠢᠨ ᠠᠮᠠ ᠳᠤ ᠪᠠᠶᠢᠭᠤᠯᠵᠤ ᠬᠡᠳᠤᠨ ᠠᠵᠢᠯᠴᠢᠨ ᠲᠠᠢ ᠪᠠᠶᠢᠬᠰᠡᠨ ᠠᠴᠠ ᠪᠠᠨ ᠣᠳᠤ ᠬᠦᠮᠤᠨ ᠪᠦᠯᠢ ᠨᠢ ᠦᠷᠡᠵᠢᠵᠤ ᠤᠯᠠᠳᠠᠨ ᠰᠠᠳᠤᠨ ᠲᠦᠷᠤᠯ ᠢᠶᠠᠨ ᠳᠠᠳᠠᠵᠤ ᠰᠢᠷᠭᠤᠯᠠᠬᠰᠠᠭᠠᠷ ᠪᠠᠶᠢᠭᠠᠳ ᠲᠣᠮᠣᠬᠠᠨ ᠬᠢᠳᠠᠳ ᠲᠣᠰᠬᠤᠨ ᠪᠤᠯᠵᠡᠢ᠃ ᠲᠡᠳᠡᠨ ᠡᠮᠤᠨᠡᠰᠢ ᠪᠠᠨ ᠲᠦᠷᠢᠨ ᠲᠠᠷᠢᠶᠠᠨ ᠭᠠᠵᠠᠷ ᠬᠠᠭᠠᠯᠪᠤᠷᠢᠯᠠᠬᠤ᠂ ᠤᠢ ᠮᠤᠳᠤ ᠲᠠᠷᠢᠬᠤ ᠬᠡᠯᠪᠡᠷᠢ ᠪᠠᠷ ᠰᠢᠨ᠎ᠠ ᠬᠤᠳᠠ ᠶᠢᠨ ᠭᠠᠵᠠᠷ ᠠᠴᠠ ᠨᠡᠯᠢᠶᠡᠳ ᠬᠡᠮᠵᠢᠶ᠎ᠠ ᠲᠠᠢ ᠲᠠᠰᠤᠳᠠᠵᠤ ᠠᠪᠴᠡᠢ᠃ ᠨᠡᠩ ᠴᠦ ᠠᠳᠤᠭᠤ ᠮᠠᠯ ᠤᠨ ᠠᠭᠤᠳᠠᠮ ᠪᠡᠯᠴᠢᠭᠡᠷ ᠪᠤᠯᠬᠤ ᠪᠤᠭᠤᠳᠤ ᠶᠢᠨ ᠬᠦᠨᠳᠠᠢ ᠨᠢ ᠠᠷᠤ ᠬᠤᠷᠴᠢᠨ ᠪᠠᠭᠠᠷᠢᠨ ᠤ ᠪᠤᠯᠢᠶᠠᠯᠴᠡᠨ ᠲᠠᠢ ᠭᠠᠵᠠᠷ ᠪᠠᠶᠢᠬᠰᠡᠨ ᠠᠴᠠ ᠠᠷᠤ ᠬᠤᠷᠴᠢᠨ ᠤ ᠬᠢᠨ ᠵᠠᠪᠳᠤᠵᠤ ᠪᠠᠶᠠᠠᠦ᠋ᠡᠳᠤᠷ ᠰᠤᠮᠤ ᠶᠢᠨ ᠮᠠᠨᠢᠳᠤ ᠭᠠᠴᠠᠭ᠎ᠠ ᠠᠴᠠ ᠡᠷᠤᠬᠡ ᠰᠢᠯᠵᠢᠬᠦᠯᠤᠨ ᠰᠠᠭᠤᠯᠭᠠᠭᠠᠳ ᠣᠳᠤ ᠪᠤᠭᠤᠳᠤ ᠶᠢᠨ ᠠᠶᠢᠯ ᠬᠡᠭᠦ ᠲᠣᠮᠣᠬᠠᠨ ᠠᠶᠢᠯ ᠪᠤᠰᠴᠡᠢ᠃ ᠡᠨᠠ ᠪᠦᠬᠦᠨ ᠤ  ᠨᠠᠭᠠᠨ᠎ᠠ ᠰᠢᠨ᠎ᠠ ᠬᠤᠳᠠ ᠭᠠᠴᠠᠭ᠎ᠠ ᠶᠢᠨ ᠪᠡᠯᠴᠢᠭᠡᠷ ᠨᠣᠳᠤᠭ ᠰᠢᠬᠠᠭᠳᠠᠨ ᠢᠪᠴᠤᠷᠡᠭᠰᠡᠨ ᠴᠦ ᠰᠢᠨ᠎ᠠ ᠬᠤᠳᠠ ᠶᠢᠨ ᠠᠷᠠᠳ ᠲᠦᠮᠡᠨ ᠠᠵᠢᠯᠰᠡᠭ ᠬᠦᠳᠡᠯᠡᠮᠤᠷᠢᠴᠢ ᠪᠠᠶᠢᠳᠠᠭ ᠠᠴᠠ ᠠᠮᠢᠳᠤᠷᠠᠯ ᠠᠬᠤᠢ ᠨᠢ ᠴᠢᠨᠡᠭᠡᠯᠢᠭᠵᠢᠨ ᠦᠬᠡᠳᠡᠯᠡᠵᠤ᠂ ᠲᠠᠪᠢ ᠠᠴᠠ ᠲᠡᠬᠡᠭᠰᠡᠢ ᠦᠬᠡᠷ ᠲᠠᠢ ᠠᠶᠢᠯ  ᠤᠳ ᠵᠠᠬ᠎ᠠ ᠠᠴᠠ ᠪᠠᠨ  ᠲᠤᠭᠠᠯᠠᠬᠤ ᠪᠤᠯᠵᠡᠢ᠃        5 ᠦᠵᠤᠬᠦᠷᠬᠤᠸᠠ        ᠦᠵᠤᠬᠦᠷᠬᠤᠸᠠ ᠭᠠᠴᠠᠭ᠎ᠠ ᠨᠢ ᠣᠯᠠᠭᠠᠨ ᠳᠠᠪᠠᠭ᠎ᠠ ᠰᠤᠮᠤᠨ ᠤ ᠡᠮᠤᠨ᠎ᠠ  ᠪᠡᠶ᠎ᠠ ᠳᠤ ᠪᠠᠶᠢᠷᠢᠰᠢᠵᠤ᠂ ᠠᠷᠤ ᠬᠤᠷᠴᠢᠨ ᠤ ᠪᠡᠷᠬᠡ ᠶᠢᠨ ᠬᠤᠳᠳᠤᠭ ᠲᠠᠢ ᠬᠢᠯᠡᠢ ᠵᠠᠬᠠᠯᠠᠵᠤ ᠪᠠᠶᠢᠳᠠᠭ᠃ ᠦᠵᠤᠬᠦᠷᠬᠤᠸᠠ ᠶᠢᠨ ᠪᠡᠯᠴᠢᠭᠡᠷ ᠡᠪᠡᠰᠦ ᠨᠠᠷᠢᠯᠢᠭ  ᠰᠢᠮ᠎ᠡ ᠲᠠᠢ ᠪᠠᠶᠢᠳᠠᠭ ᠠᠴᠠ ᠮᠠᠯ ᠠᠵᠤ ᠠᠬᠤᠢ ᠠᠷᠠᠴᠢᠯᠠᠵᠤ ᠲᠡᠵᠢᠬᠡᠬᠦ ᠳᠤ ᠤᠨᠴᠠ ᠲᠤᠬᠢᠷᠠᠮᠵᠢᠳᠠᠢ᠃ ᠵᠠᠬᠦᠨ  ᠵᠠᠬ᠎ᠠ ᠪᠠᠷ ᠢᠶᠠᠨ ᠮᠡᠯᠡᠬᠡᠢ ᠶᠢᠨ  ᠳᠠᠪᠠᠭ᠎ᠠ ᠪᠠᠷ ᠬᠦᠪᠡᠬᠡᠯᠡᠵᠤ ᠡᠮᠤᠨ᠎ᠠ ᠵᠠᠬ᠎ᠠ ᠪᠠᠷ ᠢᠶᠠᠨ ᠪᠠᠶᠢᠴᠠ ᠶᠢᠨ ᠳᠠᠪᠠᠭ᠎ᠠ ᠲᠤᠯᠵᠤ ᠪᠠᠶᠢᠳᠠᠭ᠃ ᠤᠯᠠᠭᠠᠨ ᠳᠠᠪᠠᠭ᠎ᠠ ᠨᠣᠳᠤᠭ ᠲᠤ ᠬᠠᠮᠤᠭ ᠡᠮᠤᠨ᠎ᠠ ᠪᠠᠶᠢᠬᠰᠡᠨ ᠠᠶᠢᠯ  ᠪᠤᠯᠤᠨ᠎ᠠ᠃ ᠮᠢᠩᠭ᠎ᠠ ᠶᠢᠰᠤᠨ ᠵᠠᠭᠤ ᠭᠤᠴᠢᠭᠠᠳ  ᠣᠨ ᠤ ᠦᠶ᠎ᠠ ᠪᠠᠷ  ᠭᠡᠷ ᠤᠨ  ᠰᠤᠷᠭᠠᠭᠤᠯᠢ ᠪᠠᠶᠢᠵᠤ ᠬᠠᠪᠴᠢᠯ ᠬᠤᠭᠤᠯᠠᠳᠤ ᠶᠢᠨ ᠬᠢᠨ ᠡᠨᠠ ᠳᠤ  ᠭᠡᠤᠭᠡᠳ ᠢᠶᠠᠨ ᠪᠢᠴᠢᠭ ᠦᠵᠡᠬᠦᠯᠵᠤ ᠪᠠᠶᠢᠵᠡᠢ᠃ᠠᠷᠤ ᠬᠤᠷᠴᠢᠨ ᠸᠠᠩ  ᠸᠠᠩᠴᠢᠨᠪᠠᠯ ᠤᠨ ᠦᠷ᠎ᠡ ᠬᠤᠶᠢᠴᠢᠰ ᠴᠦ ᠡᠨᠠ ᠳᠤ ᠨᠣᠳᠣᠬᠰᠢᠵᠤ ᠪᠠᠶᠢᠬᠰᠡᠨ ᠮᠦᠷᠳᠡᠬᠡᠨ ᠠᠳᠠ ᠠᠴᠠ ᠣᠯᠠᠨ ᠠᠷᠪᠢᠨ  ᠡᠷᠳᠡᠮᠳᠡᠨ ᠮᠡᠷᠬᠡᠳ ᠴᠤᠯᠭᠤᠷᠠᠬᠰᠡᠨ ᠲᠡᠤᠬᠡ ᠲᠠᠢ᠃ ᠤᠤᠯ ᠳᠠᠭᠠᠨ ᠴᠦᠬᠡᠬᠡᠪᠤᠷᠢ ᠬᠡᠳᠣᠨ ᠠᠶᠢᠯ ᠪᠠᠶᠢᠬᠰᠡᠨ ᠢᠶᠠᠨ ᠢᠷᠬᠡᠨ ᠣᠯᠣᠰ ᠤᠨ ᠡᠬᠢᠨ ᠤ ᠣᠨ ᠠᠴᠠ ᠡᠬᠢᠯᠡᠵᠤ ᠴᠡᠷᠢᠭ ᠲᠠᠶᠢᠨ ᠤ ᠬᠦᠯ᠂ ᠭᠠᠵᠠᠷ ᠬᠠᠭᠠᠯᠪᠤᠷᠢᠯᠠᠯᠳᠠ ᠶᠢᠨ ᠰᠢᠷᠬᠠᠯᠠᠭᠳᠠ ᠦᠯᠣᠰᠬᠦᠯᠡᠩ ᠤᠨ ᠵᠤᠪᠠᠯᠠᠩ ᠠᠴᠠ ᠵᠠᠶᠢᠯᠠᠬᠰᠡᠨ ᠠᠣᠬᠠᠨ᠂ ᠬᠠᠷᠠᠴᠢᠨ᠂ ᠲᠦᠮᠡᠳ ᠤᠨ ᠮᠤᠩᠭᠤᠯᠴᠤᠳ ᠢᠨᠠᠬᠰᠢ ᠪᠠᠨ ᠨᠡᠬᠦᠳᠡᠯᠠᠵᠤ᠂ ᠦᠵᠤᠬᠦᠷᠬᠤᠸᠠ ᠨᠣᠳᠤᠭ ᠲᠤ ᠬᠦᠯ ᠲᠣᠬᠳᠠᠵᠡᠢ᠃ ᠦᠵᠣᠬᠦᠷᠬᠤᠸᠠ ᠬᠡᠬᠦ ᠨᠡᠷᠡᠶᠢᠳᠤᠯ ᠨᠢ ᠤᠷᠤᠨ ᠨᠣᠳᠤᠭ ᠤᠨ ᠭᠠᠵᠠᠷ ᠤᠨ ᠪᠠᠶᠢᠴᠠ ᠠᠴᠠ ᠡᠰᠢ ᠲᠠᠢ᠃ ᠪᠠᠶᠠᠨ ᠵᠢᠷᠤᠬᠡ ᠬᠠᠨ ᠠᠭᠤᠯᠠ ᠠᠴᠠ ᠡᠮᠤᠨᠠᠰᠢ ᠵᠣᠳᠤᠭ ᠲᠣᠬᠤ ᠰᠡᠭᠰᠣᠷᠡᠭᠰᠡᠨ ᠬᠡᠮᠡᠷ ᠶᠡᠭᠡ ᠪᠠᠭ᠎ᠠ ᠠᠭᠤᠯᠠ ᠲᠤᠯᠤᠭᠠᠳ  ᠨᠢ ᠦᠵᠤᠬᠦᠷᠬᠤᠸᠠ ᠬᠦᠷᠴᠤ ᠠᠭᠤᠯᠠ ᠶᠢᠨ ᠪᠠᠯ ᠰᠢᠪᠳᠤᠷᠠᠳᠠᠭ ᠪᠦᠬᠡᠳ ᠦᠵᠤᠬᠦᠷᠬᠤᠸᠠ ᠭᠠᠴᠠᠭ᠎ᠠ ᠶᠢᠨ ᠭᠠᠵᠠᠷ ᠤᠨ ᠪᠠᠶᠢᠷᠢᠰᠢᠯ ᠨᠢ ᠵᠡᠬᠦᠨ ᠬᠤᠶᠢᠨ᠎ᠠ  ᠠᠴᠠ ᠵᠠᠭᠠᠷᠠᠳᠤ ᠶᠢᠨ ᠣᠷᠤᠢ ᠶᠢᠨ ᠨᠠᠮᠬᠠᠨ ᠬᠤᠱᠤᠤ᠂ ᠵᠡᠬᠦᠨ ᠡᠮᠦᠨ᠎ᠡ ᠠᠴᠠ ᠪᠠᠶᠢᠴᠠ ᠶᠢᠨ  ᠳᠠᠪᠠᠭ᠎ᠠ ᠶᠢᠨ ᠲᠠᠷᠭᠤᠨ ᠬᠤᠱᠤᠣ᠂ ᠪᠠᠷᠠᠭᠤᠨ ᠡᠮᠤᠨᠠᠰᠢ ᠪᠠᠨ ᠶᠡᠭᠡ ᠠᠷᠤ ᠶᠢᠨ ᠬᠦᠳᠤᠯ᠂ ᠦᠯᠤᠬᠡᠢ ᠠᠭᠤᠯᠠ ᠶᠢᠨ ᠬᠤᠱᠤᠣ ᠬᠠᠷᠠᠵᠤ ᠤᠨᠴᠠᠭᠠᠢ ᠪᠠᠶᠢᠷᠢ ᠠᠪᠴᠤ ᠰᠠᠭᠤᠬᠰᠡᠨ ᠪᠤᠯᠬᠤᠷ ᠦᠵᠤᠬᠦᠷᠬᠤᠸᠠ ᠬᠡᠵᠤ ᠨᠡᠷᠡᠶᠢᠳᠤᠭ᠍ᠰᠡᠨ ᠪᠠᠶᠢᠵᠡᠢ᠃        ᠣᠳᠣ ᠦᠵᠣᠬᠦᠷᠬᠤᠸᠠ ᠶᠢᠨ ᠠᠷᠠᠳ ᠲᠦᠮᠡᠨ ᠠᠵᠢᠯᠰᠠᠭ ᠬᠤᠶᠠᠷ ᠭᠠᠷ  ᠢᠶᠠᠷ ᠢᠶᠠᠨ ᠠᠮᠢᠳᠤᠷᠠᠯ ᠤᠨ ᠰᠠᠶᠢᠬᠠᠨ ᠢ ᠴᠤᠬᠴᠠᠯᠠᠳᠠᠭ ᠠᠴᠠ ᠲᠠᠭᠠᠴᠢᠯᠠᠯᠳᠠ ᠶᠢᠨ ᠲᠦᠷᠢᠮ ᠬᠡᠷᠡᠭᠵᠢᠬᠦᠯᠡᠭᠰᠡᠨ ᠠᠴᠠ ᠨᠠᠰᠢ ᠮᠠᠯ ᠠᠵᠤ  ᠠᠬᠤᠢ  ᠪᠠᠷ ᠭᠤᠤᠯᠯᠠᠨ᠂ ᠲᠤᠰᠠᠯᠠᠬᠤ ᠠᠵᠤ ᠠᠬᠤᠢ ᠪᠠᠷ ᠬᠠᠪᠰᠤᠷᠭᠠᠨ ᠴᠢᠷᠮᠡᠶᠢᠬᠰᠡᠨ ᠠᠴᠠ ᠠᠮᠢᠳᠤᠷᠠᠯ ᠤᠨ ᠲᠦᠪᠰᠢᠨ ᠰᠤᠮᠤᠨ ᠤ ᠲᠤᠳᠤᠷ᠎ᠠ ᠦᠨᠳᠤᠷ ᠪᠠᠶᠢᠷᠢᠨ ᠳᠤ ᠪᠠᠶᠢᠭ᠎ᠠ ᠬᠤᠶᠠᠷ ᠵᠠᠭᠤ ᠢᠯᠡᠬᠦᠤ ᠡᠷᠤᠬᠡ ᠲᠠᠢ ᠲᠤᠮᠤᠬᠠᠨ ᠠᠶᠢᠯ ᠪᠤᠯᠵᠠᠢ᠃        6  ᠬᠤᠪᠤᠭᠤ         ᠬᠦᠯᠢᠭᠡᠷ ᠬᠠᠨ ᠤ ᠪᠠᠷᠠᠭᠤᠨ ᠰᠣᠭᠤ ᠳᠠᠬᠢ ᠠᠶᠢᠯ ᠢ ᠬᠤᠪᠤᠭᠤ ᠬᠡᠳᠡᠭ᠃ ᠣᠯᠠᠭᠠᠨ ᠳᠠᠪᠠᠭ᠎ᠠ ᠰᠣᠮᠣᠨ ᠤ  ᠪᠠᠷᠠᠭᠤᠨ ᠬᠤᠶᠢᠨ᠎ᠠ ᠵᠠᠬ᠎ᠠ ᠳᠤ ᠪᠠᠶᠢᠷᠢᠰᠢᠵᠤ ᠪᠤᠢ᠃ ᠠᠶᠢᠯ ᠤᠨ ᠰᠠᠭᠤᠬᠰᠡᠨ ᠭᠠᠵᠠᠷ ᠤᠨ ᠪᠠᠶᠢᠷᠢᠰᠢᠯ ᠨᠢ  ᠬᠤᠪᠤᠭᠤ ᠬᠡᠯᠪᠡᠷᠢᠳᠠᠢ ᠪᠠᠶᠢᠳᠠᠭ ᠠᠴᠠ ᠲᠡᠬᠡᠵᠤ ᠨᠡᠷᠡᠯᠠᠯ᠎ᠠ ᠬᠡᠳᠡᠭ᠃ ᠤᠤᠯ ᠳᠠᠭᠠᠨ ᠠᠳᠠ ᠬᠡᠳᠤᠬᠡᠨ ᠠᠶᠢᠯ ᠪᠠᠶᠢᠵᠤ ᠡᠪᠠᠰᠤ ᠪᠡᠯᠴᠢᠬᠡᠷ  ᠰᠠᠬᠤᠯᠢᠭ ᠵᠤᠵᠠᠭᠠᠨ ᠤᠢ ᠮᠣᠳᠤ ᠢᠬᠴᠤᠷᠤᠨ ᠭᠤᠤᠯ ᠭᠤᠷᠤᠬ᠎ᠠ ᠲᠤᠨᠤᠯᠵᠠᠵᠤ᠂  ᠠᠳᠤᠭᠠᠤ ᠮᠠᠯ ᠤᠨ ᠰᠠᠶᠢᠬᠠᠨ ᠪᠡᠯᠴᠢᠭᠡᠷ ᠨᠣᠳᠤᠭ ᠪᠠᠶᠢᠵᠡᠢ᠃ 1981ᠣᠨ ᠤ 8 ᠰᠠᠷ᠎ᠠ ᠶᠢᠨ 1 ᠠᠴᠠ ᠠᠳᠠ ᠬᠤᠪᠤᠭᠤ ᠵᠡᠰ  ᠲᠣᠭᠤᠯᠭ᠎ᠠ ᠶᠢᠨ ᠠᠭᠤᠷᠬᠠᠢ ᠨᠡᠬᠡᠬᠡᠵᠤ᠂ ᠬᠡᠳᠤᠨ ᠮᠢᠩᠭᠠᠨ ᠠᠵᠢᠯᠴᠢᠨ ᠡᠯᠰᠡᠵᠤ ᠬᠦᠮᠤᠨ ᠠᠮᠢᠳᠠᠨ ᠣᠯᠠᠰᠢᠷᠠᠵᠡᠢ  ᠃ ᠨᠠᠮ ᠵᠢᠮ ᠪᠠᠶᠢᠬᠰᠡᠨ ᠬᠤᠪᠣᠭᠤ ᠵᠡᠰ  ᠲᠣᠭᠤᠯᠭ᠎ᠠ ᠶᠢᠨ ᠠᠭᠤᠷᠬᠠᠢ ᠨᠡᠬᠡᠬᠡᠵᠤ᠂ ᠬᠡᠳᠤᠨ ᠮᠢᠩᠭᠠᠨ ᠠᠵᠢᠯᠴᠢᠨ ᠡᠯᠰᠡᠵᠤ ᠬᠦᠮᠤᠨ ᠠᠮᠢᠳᠠᠨ ᠣᠯᠠᠰᠢᠷᠠᠵᠡᠢ᠃ ᠨᠠᠮ ᠵᠢᠮ ᠪᠠᠶᠢᠬᠰᠡᠨ ᠬᠤᠪᠤᠭᠤ ᠠᠶᠢᠯ ᠣᠳᠤ ᠡᠳᠤᠷ ᠰᠦᠨᠢ ᠲᠠᠰᠤᠷᠠᠰᠢ ᠦᠬᠡᠢ ᠮᠠᠰᠢᠨ ᠲᠤᠨᠤᠭ ᠤᠨ ᠲᠠᠭᠤᠨ ᠴᠤᠤᠷᠢᠶᠠᠳᠤᠬᠤ ᠪᠤᠯᠵᠡᠢ᠃
 
ᠢᠷᠡᠯᠲᠡ᠄ ︽ᠦᠯᠵᠡᠶᠢᠮᠤᠷᠡᠨ︾ ᠰᠡᠳᠬᠦᠯ ᠠᠴᠠ ᠠᠪᠤᠪᠠ᠃
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠨᠤᠮ ᠲᠠᠢ ᠨᠦᠬᠦᠷᠯᠠᠪᠠᠯ ᠨᠢᠳᠦ ᠨᠡᠭᠡᠭᠡᠭᠳᠡᠨ᠎ᠠ
ᠬᠡᠷ ᠤᠨ ᠬᠦᠮᠤᠵᠢᠯ ᠤᠨ ᠲᠠᠪᠤᠨ ᠤᠬᠠᠮᠰᠠᠷ
ᠵᠢᠷᠠᠨ ᠣᠷᠬᠢᠵᠦ ᠳᠣᠭᠯᠠᠬᠤ
ᠠᠯᠲᠠᠨ ᠮᠡᠯᠡᠬᠡᠢ ᠣᠷᠣᠵᠣ ᠳᠣᠭᠯᠠᠬᠤ
ᠱᠠᠭ᠎ᠠ ᠨᠢᠰᠠᠯᠵᠣ ᠳᠣᠭᠯᠠᠬᠤ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05010860号