| | ᠬᠦᠨᠳᠦᠲᠦ ᠰᠤᠨᠤᠰᠤᠭᠴᠢᠳ ᠡ᠂ ᠡᠨᠡ ᠵᠢᠯ ᠤᠨ 8 ᠰᠠᠷᠠ ᠶᠢᠨ 15 ᠤ ᠡᠳᠦᠷ ᠪᠤᠯ ᠠᠷᠠᠳ ᠤᠨ ᠲᠦᠪ | ᠷᠠᠳᠢᠤ᠋ ᠳᠤ ᠮᠤᠩᠭᠤᠯ ᠬᠡᠯᠡᠨ ᠤ ᠨᠡᠪᠲᠡᠷᠡᠭᠦᠯᠭᠡ ᠡᠷᠬᠢᠯᠡᠭᠰᠡᠨ 51 ᠵᠢᠯ ᠤᠨ ᠤᠢ ᠪᠤᠯᠤᠨᠠ᠃ 51 ᠵᠢᠯ ᠤᠨ | ᠡᠮᠦᠨᠡ᠂ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠠᠷᠠᠳ ᠤᠨ ᠪᠦᠭᠦᠳ ᠨᠠᠶᠢᠷᠠᠮᠳᠠᠬᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠠᠳ ᠠᠯᠢ ᠤᠯᠠᠨ | ᠠᠵᠢᠯ ᠰᠠᠶ᠋ᠢ ᠡᠬᠢᠯᠡᠵᠦ ᠪᠠᠶᠢᠭᠰᠠᠨ 1950 ᠤᠨ ᠤ 8 ᠰᠠᠷᠠ ᠶᠢᠨ15 ᠤ ᠡᠳᠦᠷ ᠲᠦᠪ ᠷᠠᠳᠢᠤ᠋ ᠶᠢᠨ ᠮᠤᠩᠭᠤᠯ | ᠬᠡᠯᠡᠨ ᠤ ᠨᠡᠪᠲᠡᠷᠡᠭᠦᠯᠭᠡ ᠡᠬᠢᠯᠡᠵᠦ᠂ ᠪᠡᠭᠡᠵᠢᠩ ᠤᠨ ᠳᠠᠭᠤᠨ ᠢ ᠴᠦᠬᠡᠨ ᠲᠤᠭᠠᠲᠤ ᠦᠨᠳᠦᠰᠦᠲᠡᠨ ᠤ ᠬᠡᠯᠡ ᠪᠠᠷ | ᠠᠩᠬᠠ ᠳᠠᠭᠤᠷᠢᠰᠤᠭᠤᠯᠤᠭᠰᠠᠨ ᠪᠠᠶᠢᠪᠠ᠃51 ᠵᠢᠯ ᠤᠨ ᠲᠤᠷᠰᠢ ᠦᠶᠡ ᠦᠶᠡ ᠶᠢᠨ ᠴᠢᠩ ᠵᠤᠷᠢᠭᠲᠠᠨ ᠦᠢᠯᠡᠰ ᠤᠨ | ᠰᠠᠶᠢᠬᠠᠨ ᠡᠨᠡ ᠷᠠᠳᠢᠤ᠋ ᠳᠤ ᠤᠶᠤᠨ ᠤᠬᠠᠭᠠᠨ ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠵᠤᠷᠢᠭᠤᠯᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ | ᠵᠤᠷᠢᠭᠤᠯᠤᠭᠰᠠᠭᠠᠷ ᠪᠠᠶᠢᠨᠠ᠃ | ᠤᠳᠤ ᠲᠦᠪ ᠷᠠᠳᠢᠤ᠋ ᠶᠢᠨ ᠮᠤᠩᠭᠤᠯ ᠬᠡᠯᠡᠨ ᠤ ᠨᠡᠪᠲᠡᠷᠡᠭᠦᠯᠭᠡ ᠶᠢᠨ ᠭᠠᠯ ᠭᠤᠯᠤᠮᠲᠠ ᠶᠢ ᠪᠠᠳᠠᠷᠠᠭᠠᠬᠤ ᠳᠤ | ᠲᠤᠯᠭᠠ ᠶᠢᠨ ᠴᠢᠯᠠᠭᠤ ᠲᠠᠯᠪᠢᠯᠴᠠᠨ ᠶᠠᠪᠤᠭᠰᠠᠨ ᠤᠤᠭᠠᠨ ᠨᠠᠶᠢᠷᠠᠭᠤᠯᠤᠭᠴᠢ ᠪᠦᠭᠡᠳ ᠨᠡᠪᠲᠡᠷᠡᠭᠦᠯᠦᠭᠴᠢ ᠴᠢ ᠢ ᠹᠦ᠋ | ︵ᠬᠠᠴᠢᠩᠭᠠ︶ ᠶᠢᠨ ᠲᠤᠬᠠᠢ ᠮᠠᠨ ᠤ ᠬᠤᠷᠢᠶᠠᠨ ᠤ ᠰᠤᠷᠪᠤᠯᠵᠢᠯᠠᠭᠴᠢ ᠷᠢᠨᠴᠢᠨ ᠤ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠭᠰᠡᠨ ︽ | ᠤᠤᠭᠠᠨ ᠪᠤᠭᠤᠷᠤᠯ ᠨᠠᠶᠢᠷᠠᠭᠤᠯᠤᠭᠴᠢ ᠮᠢᠨᠢ︾ ᠭᠡᠰᠡᠨ ᠰᠢᠩᠭᠡᠭᠡᠯᠲᠡ ᠲᠠᠢ ᠰᠤᠷᠪᠤᠯᠵᠢᠯᠠᠭᠠ ᠰᠣᠨᠤᠰᠬᠠᠶᠠ᠃ | ᠮᠤᠩᠭᠤᠯᠵᠢᠨ ᠨᠤᠲᠤᠭ ᠲᠠᠢ ᠴᠢ ᠢ ᠹᠦ᠋ ᠭᠤᠸᠠᠢ ᠤᠳᠤ ᠨᠠᠰᠤᠨ ᠰᠡᠭᠦᠳᠡᠷ ᠨᠠᠶᠠ ᠬᠦᠷᠴᠦ᠂ ᠦᠨᠳᠦᠷ | ᠨᠠᠰᠤᠨ ᠤ ᠥᠯᠵᠡᠢ ᠬᠤᠳᠤᠭ ᠢ ᠦᠷᠡ ᠬᠡᠤᠬᠡᠳ ᠤᠨ ᠠᠴᠢᠯᠠᠯ ᠡᠯᠪᠡᠷᠢᠯ ᠲᠠᠢ ᠡᠳ᠋ᠯᠡᠵᠦ ᠪᠠᠶᠢᠨᠠ᠃ ᠤᠶᠢᠷᠠ ᠳᠤ | ᠰᠤᠷᠪᠤᠯᠵᠢᠯᠠᠭᠴᠢ᠂ ᠨᠠᠰᠤᠲᠠᠨ ᠴᠢ ᠢ ᠹᠦ᠋ ᠶᠢ ᠪᠡᠭᠡᠵᠢᠩ ᠬᠤᠲᠠ ᠶᠢᠨ ᠵᠡᠭᠦᠨ ᠲᠡᠭᠦᠷᠭᠡ ᠳᠠᠬᠢ ᠪᠣᠷᠤᠭᠵᠢᠭᠤᠬᠠᠨ | ᠰᠠᠭᠤᠴᠠᠨ ᠳᠤ ᠨᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠬᠦᠷᠴᠦ ᠪᠢᠯᠡ᠃ ᠲᠡᠷᠡ ᠪᠢᠲᠡᠨ ᠤ ᠦᠷᠭᠡᠨ ᠤᠯᠠᠨ ᠰᠤᠨᠤᠰᠤᠭᠴᠢᠳ ᠲᠤ | ᠬᠠᠨᠳᠤᠵᠤ ᠨᠡᠯᠢᠶᠡᠳ ᠨᠡᠶᠢᠲᠡᠯᠢᠭ ᠮᠤᠩᠭᠤᠯᠵᠢᠨ ᠨᠤᠲᠤᠭ ᠤᠨ ᠠᠶᠠᠯᠭᠤ ᠪᠠᠷ ᠬᠡᠯᠡᠬᠦ ᠳᠡᠭᠡᠨ ︵ᠰᠢᠩᠭᠡᠭᠡᠯᠲᠡ︶᠃ ᠴᠢ | ᠢ ᠹᠦ᠋ ᠭᠤᠸᠠᠢ 1921 ᠤᠨ ᠳᠤ ᠮᠤᠩᠭᠤᠯᠵᠢᠨ ᠨᠤᠲᠤᠭ᠂ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠤᠳᠤ ᠶᠢᠨ ᠯᠢᠶᠤᠤᠨᠢᠩ | ᠮᠤᠵᠢ ᠶᠢᠨ ᠹᠦᠰᠢᠨ ᠰᠢᠶᠠᠨ ᠤ ᠬᠦᠳᠡᠭᠡ ᠶᠢᠨ ᠨᠢᠭᠡᠨ ᠴᠢᠨᠡᠭᠡᠯᠢᠭ ᠲᠠᠷᠢᠶᠠᠴᠢᠨ ᠠᠶᠢᠯ ᠳᠤ ᠵᠠᠶᠠᠭᠠᠭᠰᠠᠨ ᠪᠠᠶᠢᠵᠠᠢ᠃ | ᠲᠡᠭᠦᠨ ᠤ ᠨᠦᠭᠦᠭᠡ ᠨᠢᠭᠡ ᠨᠡᠷᠡ ᠨᠢ ᠬᠠᠴᠢᠩᠭᠠ ᠭᠡᠳᠡᠭ᠃ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠡᠴᠢᠭᠡ ᠡᠬᠡ ᠠᠴᠠ ᠪᠠᠨ | ᠦᠨᠦᠴᠢᠨ ᠬᠤᠴᠤᠷᠤᠭᠰᠠᠨ ᠲᠡᠷᠡ ᠬᠠᠲᠠᠭᠤ ᠠᠮᠢᠳᠤᠷᠠᠯ ᠤᠨ ᠡᠯᠡ ᠬᠠᠯᠠ ᠶᠢ ᠦᠵᠡᠵᠦ ᠶᠠᠪᠤᠵᠠᠢ᠃ ᠭᠡᠷ ᠤᠨ | ᠬᠡᠷᠡᠭ ᠢ ᠡᠵᠡᠨ ᠮᠡᠳᠡᠳᠡᠭ ᠴᠢᠳᠠᠪᠤᠷᠢᠯᠢᠭ ᠪᠦᠭᠡᠳ ᠰᠢᠷᠦᠭᠦᠨ ᠵᠠᠩ ᠲᠠᠢ ᠪᠡᠯᠪᠠᠰᠤᠨ ᠡᠮᠡᠭᠡ ᠨᠢ ᠨᠤᠮᠤᠬᠠᠨ ᠰᠢᠳᠤᠷᠭᠤ | ᠤᠢ ᠤᠬᠠᠭᠠᠨ ᠰᠡᠷᠭᠦᠯᠡᠩ ᠴᠢ ᠢ ᠹᠦ᠋ ᠶᠢ ᠨᠤᠮ ᠪᠢᠴᠢᠭ ᠰᠤᠷᠭᠠᠬᠤ ᠪᠠᠷ ᠰᠢᠶᠠᠨ ᠤ ᠬᠤᠲᠠ ᠳᠤ ᠬᠦᠷᠭᠡᠬᠦ ᠳᠡᠭᠡᠨ᠂ | ᠰᠠᠷᠠ ᠪᠦᠷᠢ ᠨᠢᠭᠡ ᠳ᠋ᠸᠤ ᠨᠠᠷᠢᠮᠤ ᠶᠢ ᠳᠠᠪᠤᠰᠤᠯᠠᠭᠰᠠᠨ ᠨᠤᠭᠤᠭᠠ ᠲᠠᠢ ᠬᠦᠨᠡᠰᠦ ᠪᠤᠯᠭᠠᠨ ᠦᠭᠴᠦ ᠪᠠᠶᠢᠵᠠᠢ᠃ | ᠬᠤᠪᠢ ᠪᠠᠨ ᠬᠦᠭᠡᠭᠡᠵᠦ ᠭᠤᠤᠯ ᠢᠶᠠᠨ ᠰᠠᠬᠢᠨ᠂ ᠡᠷᠳᠡᠮ ᠨᠤᠮ ᠢ ᠬᠢᠴᠢᠶᠡᠨ ᠰᠤᠷᠴᠤ ᠶᠠᠪᠤᠭᠰᠠᠭᠠᠷ᠂ | ᠳᠤᠷᠤᠶᠢᠲᠠᠭᠰᠠᠨ ᠠᠶᠢᠯ ᠤᠨ ᠶᠠᠳᠠᠭᠰᠠᠨ ᠠᠮᠢᠳᠤᠷᠠᠯ ᠳᠤ ᠦᠴᠦᠬᠡᠨ ᠪᠤᠯᠪᠠᠴᠤ ᠲᠤᠰᠠ ᠪᠤᠯᠭᠤᠵᠠᠢ ᠭᠡᠮᠡᠨ ᠵᠠᠯᠠᠭᠤ | ᠪᠠᠭᠠ ᠪᠠᠶᠢᠭᠰᠠᠨ ᠴᠢ ᠢ ᠹᠦ᠋ 1942 ᠤᠨ ᠠᠴᠠ ᠲᠦᠮᠡᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠢᠷᠭᠡᠨ ᠤ ᠳᠡᠭᠡᠳᠤ | ᠵᠡᠷᠭᠡ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢ ᠪᠤᠯᠵᠤ᠂ ᠮᠤᠩᠭᠤᠯ ᠪᠢᠴᠢᠭ ᠵᠢᠭᠠᠵᠤ ᠪᠠᠶᠢᠵᠠᠢ᠃ ᠬᠤᠵᠢᠮ ᠨᠢ ᠲᠡᠷᠡ | ᠪᠡᠭᠡᠵᠢᠩ ᠳᠠᠬᠢ ᠮᠤᠩᠭᠤᠯ ᠲᠦᠪᠡᠳ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠳᠤ ᠰᠤᠷᠤᠯᠴᠠᠵᠤ | ᠪᠠᠶᠢᠭᠠᠳ᠂ ᠴᠢᠯᠦᠭᠡᠯᠡᠭᠳᠡᠬᠦ ᠶᠢᠨ ᠦᠶᠡ ᠪᠠᠷ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ ᠵᠠᠮ ᠳᠤ ᠠᠯᠲᠠᠨ ᠵᠢᠯᠤᠭᠤ ᠪᠠᠨ ᠰᠤᠩᠭᠠᠨ | ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠪᠤᠯᠪᠠᠰᠤᠷᠠᠯ ᠬᠦᠷᠲᠡᠵᠦ ᠶᠠᠪᠤᠯᠠ᠃ | ᠪᠡᠯᠡᠳᠭᠡᠯ ᠲᠦᠬᠦᠭᠡᠷᠦᠮᠵᠢ ᠪᠠᠷᠤᠭᠲᠠᠶᠢᠬᠠᠨ ᠡᠨᠡ ᠰᠤᠷᠭᠠᠭᠤᠯᠢ ᠳᠤ ᠲᠡᠷᠡ ᠵᠦ ᠳ᠋ᠧ᠂ ᠴᠧᠨ ᠢ ᠵᠡᠷᠭᠡ ᠠᠬᠠᠮᠠᠳ | ᠤᠳᠤᠷᠢᠳᠬᠤ ᠬᠦᠮᠦᠰ ᠤᠨ ᠢᠯᠡᠳᠭᠡᠯ ᠢ ᠦᠷᠭᠦᠯᠵᠢ ᠰᠤᠨᠤᠰᠲᠠᠭ ᠪᠠᠶᠢᠯᠠ᠃ ᠰᠤᠷᠤᠯᠭᠠ ᠲᠡᠭᠦᠰᠬᠡᠭᠡᠳ ᠲᠡᠷᠡ ᠪᠠᠷ | ᠤᠯᠤᠰ ᠤᠨ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠳᠤ ᠠᠵᠢᠯ ᠬᠤᠪᠢᠶᠠᠷᠢᠯᠠᠬᠤ ᠶᠢ ᠬᠦᠯᠢᠶᠡᠵᠦ᠂ ᠲᠤᠰ | ᠵᠦᠪᠯᠡᠯ ᠤᠨ ᠲᠠᠨᠢᠯᠴᠠᠭᠤᠯᠭᠠ ᠲᠠᠢ ᠪᠠᠷ ᠠᠷᠠᠳ ᠤᠨ ᠲᠦᠪ ᠷᠠᠳᠢᠤ᠋ ᠶᠢᠨ ᠦᠨᠳᠦᠰᠦᠲᠡᠨ ᠤ ᠬᠡᠯᠡᠨ ᠤ ᠨᠡᠪᠲᠡᠷᠡᠭᠦᠯᠭᠡ | ᠪᠠᠶᠢᠭᠤᠯᠬᠤ ᠳᠤ ᠬᠠᠲᠠᠪᠴᠢ ᠶᠢ ᠨᠢ ᠠᠩᠬᠠ ᠠᠯᠬᠤᠵᠤ ᠤᠷᠤᠭᠰᠠᠨ ᠪᠢᠯᠡ᠃ | ᠤᠤᠭᠠᠨ ᠨᠠᠶᠢᠷᠠᠭᠤᠯᠤᠭᠴᠢ ᠨᠠᠰᠤᠲᠠᠨ ᠴᠢ ᠢ ᠹᠦ᠋ ᠶᠢᠨ ᠡᠷᠭᠢᠴᠡᠭᠦᠯᠵᠦ ᠲᠤᠷᠠᠰᠤᠭᠰᠠᠨ ᠢᠶᠠᠷ᠂ ᠲᠡᠷᠡ ᠦᠶᠡ | ᠪᠤᠯ ᠲᠦᠪ ᠷᠠᠳᠢᠤ᠋ ᠶᠢᠨ ᠠᠵᠢᠯ ᠦᠢᠯᠡᠰ ᠬᠤᠲᠠ ᠳᠤ ᠣᠷᠤᠭᠰᠠᠨ ᠤ ᠳᠠᠷᠠᠭᠠᠬᠠᠨ ᠬᠠᠲᠠᠭᠤ ᠪᠡᠷᠬᠡ ᠦᠶᠡ ᠳᠡᠭᠡᠨ | ᠪᠠᠶᠢᠵᠠᠢ᠃ ᠪᠠᠷᠠᠭᠤᠨ ᠴᠠᠩ ᠠᠨ ᠵᠡᠭᠡᠯᠢ ᠶᠢᠨ ᠯᠢᠤ ᠪᠦ᠋ ᠺᠸᠤ ᠭᠡᠳᠡᠭ ᠭᠠᠵᠠᠷ ᠲᠤ ᠪᠠᠶᠢᠭᠰᠠᠨ ᠠᠵᠢᠯᠯᠠᠬᠤ ᠪᠠᠶᠢᠰᠢᠩ | ᠨᠢ ᠬᠠᠭᠤᠴᠢᠨ ᠪᠠᠷᠢᠯᠭᠠ ᠪᠠᠶᠢᠭᠰᠠᠨ ᠪᠦᠭᠡᠳ ᠮᠡᠷᠭᠡᠵᠢᠯ ᠤᠨ ᠲᠤᠨᠤᠭ ᠲᠦᠬᠦᠭᠡᠷᠤᠮᠵᠢ ᠭᠡᠵᠦ ᠮᠠᠰᠢ ᠳᠦᠭᠦᠮᠬᠡᠨ᠂ | ᠬᠦᠮᠦᠨ ᠬᠠᠷᠠ ᠨᠢ ᠭᠡᠳ ᠶᠡᠭᠡ ᠴᠦᠬᠡᠨ ᠪᠠᠶᠢᠵᠠᠢ᠃ ᠮᠤᠩᠭᠤᠯ ᠬᠡᠯᠡᠨ ᠤ ᠨᠡᠪᠲᠡᠷᠡᠭᠦᠯᠭᠡ ᠳᠤ ᠡᠬᠢᠨ ᠳᠡᠭᠡᠨ | ᠬᠤᠶᠠᠷᠬᠠᠨ ᠠᠵᠢᠯᠲᠠᠨ ᠲᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠴᠢ ᠢ ᠹᠦ᠋ ᠭᠤᠸᠠᠢ ᠨᠦᠭᠦᠭᠡ ᠨᠦᠬᠦᠷ ᠲᠠᠢ ᠪᠠᠨ ᠬᠠᠮᠲᠤ ᠬᠢᠲᠠᠳ | ᠰᠤᠨᠢᠨ ᠮᠡᠳᠡᠭᠡᠨ ᠤ ᠡᠬᠡ ᠪᠢᠴᠢᠭ ᠢ ᠮᠤᠩᠭᠤᠯᠴᠢᠯᠠᠵᠤ᠂ ᠮᠤᠩᠭᠤᠯᠴᠢᠯᠠᠭᠰᠠᠨ ᠢᠶᠠᠨ ᠬᠠᠷᠢᠯᠴᠠᠨ ᠬᠢᠨᠠᠵᠤ᠂ | ᠡᠭᠡᠯᠵᠢ ᠪᠠᠷ ᠨᠡᠪᠲᠡᠷᠡᠭᠦᠯᠵᠦ᠂ ᠡᠭᠡᠯᠵᠢ ᠪᠠᠷ ᠬᠢᠨᠠᠵᠤ ᠰᠤᠨᠤᠰᠳᠠᠭ ᠪᠠᠶᠢᠯᠠ᠃ ᠲᠡᠷᠡ ᠦᠶᠡ ᠳᠤ ᠨᠡᠪᠲᠡᠷᠡᠭᠦᠯᠭᠡ ᠪᠠᠨ | ᠰᠢᠩᠭᠡᠭᠡᠳ ᠰᠠᠴᠤᠳᠠᠭ ᠪᠢᠰᠢ᠂ ᠬᠠᠷᠢᠨ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠭᠡᠬᠦᠯᠡᠷ | ᠨᠡᠪᠲᠡᠷᠡᠭᠦᠯᠦᠭᠴᠢ ᠪᠤᠷᠤᠭᠤ ᠲᠠᠰᠢᠶᠠ ᠤᠩᠰᠢᠬᠤ ᠳᠤ ᠬᠦᠷᠪᠡᠯ ᠰᠢᠩᠭᠡᠭᠡᠯᠲᠡ ᠶᠢᠨ ᠲᠠᠰᠤᠯᠭᠠᠨ ᠤᠷᠤᠭᠤ ᠵᠢᠵᠢᠭ | ᠴᠠᠭᠠᠰᠤᠨ ᠳᠡᠭᠡᠷᠡ ᠮᠡᠳᠡᠭᠳᠡᠭᠡᠳ ᠵᠠᠯᠠᠷᠠᠭᠤᠯᠳᠠᠭ ᠪᠠᠶᠢᠵᠠᠢ᠃ ᠵᠠᠷᠢᠮ ᠳᠠᠭᠠᠨ ᠴᠢᠬᠤᠯᠠ ᠡᠬᠡ ᠪᠢᠴᠢᠭ ᠶᠠᠭᠠᠷᠠᠤ | ᠢᠷᠡᠭᠰᠡᠨ ᠪᠠᠶᠢᠪᠠᠯ ᠨᠡᠪᠲᠡᠷᠡᠭᠦᠯᠦᠭᠴᠢ ᠬᠢᠲᠠᠳ ᠡᠬᠡ ᠪᠢᠴᠢᠭ ᠢᠶᠠᠨ ᠦᠵᠡᠵᠦ ᠪᠠᠶᠢᠭᠠᠳ ᠮᠤᠩᠭᠤᠯᠴᠢᠯᠠᠨ | ᠨᠡᠪᠲᠡᠷᠡᠭᠦᠯᠳᠡᠭ ᠪᠠᠶᠢᠭᠰᠠᠨ ᠲᠤᠯᠠ ᠬᠢᠲᠠᠳ ᠮᠤᠩᠭᠤᠯ ᠬᠡᠯᠡᠨ ᠤ ᠪᠤᠯᠪᠠᠰᠤᠷᠠᠯ ᠮᠠᠰᠢ ᠰᠠᠶᠢᠨ ᠪᠠᠶᠢᠬᠤ ᠶᠢ | ᠱᠠᠭᠠᠷᠳᠠᠳᠠᠭ ᠶᠤᠮ᠃ ᠲᠡᠷᠡ ᠦᠶᠡ ᠳᠤ ᠰᠤᠨᠢᠨ ᠰᠡᠳᠬᠦᠯ ᠴᠦᠬᠡᠨ᠂ ᠯᠠᠪᠯᠠᠬᠤ ᠮᠠᠲ᠋ᠧᠷᠢᠶᠠᠯ ᠬᠤᠪᠤᠷ᠂ ᠤᠯᠢᠭᠲᠠᠢ | ᠲᠤᠯᠢ ᠪᠢᠴᠢᠭ ᠴᠦ ᠪᠠᠶᠢᠬᠤ ᠦᠭᠡᠢ ᠪᠤᠯᠬᠤᠷ ᠨᠡᠪᠲᠡᠷᠡᠭᠦᠯᠭᠡ ᠳᠤ ᠳᠤᠬᠢᠶᠠᠯᠳᠤᠳᠠᠭ ᠡᠳᠤᠢ ᠲᠡᠳᠤᠢ ᠨᠡᠷᠡ | ᠲᠤᠮᠢᠶᠠ ᠶᠢ ᠰᠢᠢᠳᠪᠦᠷᠢᠯᠡᠬᠦ ᠳᠤ ᠶᠡᠭᠡ ᠬᠦᠴᠦ ᠤᠷᠤᠭᠤᠯᠵᠤ᠂ ᠵᠠᠷᠢᠮ ᠳᠠᠭᠠᠨ ᠮᠠᠰᠢ ᠪᠡᠷᠬᠡᠳᠡᠳᠡᠭ ᠪᠠᠶᠢᠵᠠᠢ᠃ | ᠬᠢᠲᠠᠳ ᠡᠬᠡ ᠪᠢᠴᠢᠭ ᠤᠨ ᠤᠭ ᠬᠡᠯᠡᠯᠭᠡ ᠶᠢ ᠢᠯᠡᠳᠭᠡᠬᠦ ᠳᠤ ᠪᠡᠷᠬᠡᠲᠡᠵᠦ ᠪᠠᠶᠢᠭᠰᠠᠨ ᠵᠠᠷᠢᠮ ᠦᠶᠡ ᠳᠤ᠂ | ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠤᠳᠤᠷᠢᠳᠤᠯᠭᠠ ᠶᠢ ᠡᠷᠢᠵᠦ᠂ ᠤᠨᠳᠤᠤ ᠶᠠᠩᠵᠤ ᠪᠠᠷ ᠢᠯᠡᠳᠭᠡᠬᠦ ᠶᠢ ᠰᠠᠨᠠᠭᠠᠴᠢᠯᠠᠵᠤ | ᠪᠡᠷᠬᠡᠰᠢᠶᠡᠯ ᠢ ᠳᠠᠪᠠᠵᠤ ᠪᠠᠶᠢᠯᠠ᠃ ᠲᠡᠷᠡ ᠦᠶᠡ ᠳᠤ ᠵᠠᠯᠠᠭᠤ ᠪᠠᠭᠠ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠥᠷᠯᠥᠭᠡ ᠠᠴᠠ ᠥᠳᠡᠰᠢ | ᠪᠤᠯᠲᠠᠯᠠ ᠠᠵᠢᠯ ᠳᠠᠭᠠᠨ ᠯᠡ ᠰᠢᠮᠳᠡᠵᠦ᠂ ᠦᠭᠡᠷᠡ ᠶᠠᠭᠤᠮᠠᠨ ᠳᠤ ᠶᠡᠷᠤ ᠰᠡᠳᠬᠢᠯ ᠬᠤᠪᠢᠶᠠᠭᠳᠠᠳᠠᠭ ᠦᠭᠡᠢ ᠪᠠᠶᠢᠪᠠ᠃ | | ᠴᠢ ᠢ ᠹᠦ᠋ ᠭᠤᠸᠠᠢ ᠢᠩᠬᠢᠵᠦ ᠠᠷᠠᠯ ᠤᠨ ᠱᠠᠷ ᠰᠢᠭ᠋ ᠠᠷᠠᠳ ᠤᠨ ᠷᠠᠳᠢᠤ᠋ ᠦᠢᠯᠡᠰ ᠲᠤ ᠨᠤᠮᠤᠬᠠᠨ | ᠰᠢᠳᠤᠷᠭᠤ ᠵᠢᠳᠬᠦᠵᠦ ᠪᠠᠶᠢᠳᠠᠯᠠ᠂ 1961 ᠤᠨ ᠤ 6 ᠰᠠᠷᠠ ᠳᠤ ᠲᠡᠭᠦᠨ ᠤ ᠠᠮᠢᠳᠤᠷᠠᠯ ᠳᠤ ᠭᠡᠨᠡᠳᠲᠡ ᠶᠢᠨ | ᠡᠷᠭᠢᠯᠲᠡ ᠭᠠᠷᠴᠠᠢ᠃ ᠭᠠᠢ ᠭᠠᠵᠠᠷ ᠳᠤᠤᠷᠠ ᠠᠴᠠ ᠭᠡᠭᠴᠢ ᠪᠠᠷ᠂ ᠬᠠᠮᠢᠶᠠ ᠦᠭᠡᠢ ᠦᠭᠡᠷᠡ ᠬᠦᠮᠦᠨ ᠤ ᠠᠮᠢᠨ | ᠬᠡᠷᠡᠭ ᠢ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠪᠠᠷ ᠲᠡᠭᠦᠨ ᠤ ᠲᠤᠯᠤᠭᠠᠢ ᠳᠡᠭᠡᠷᠡ ᠬᠦᠮᠦᠷᠢᠵᠦ᠂ ᠲᠦᠷᠦᠭᠰᠡᠨ ᠨᠤᠲᠤᠭ ᠠᠴᠠ ᠨᠢ | ᠨᠡᠬᠡᠮᠵᠢᠯᠡᠵᠦ ᠢᠷᠡᠭᠰᠡᠨ ᠬᠢᠯᠢᠰ ᠬᠦᠵᠢᠷ ᠬᠡᠷᠡᠭ ᠢ ᠳᠦᠩᠭᠡᠵᠦ ᠳᠦᠴᠢ ᠬᠦᠷᠦᠭᠡ ᠦᠭᠡᠢ ᠴᠢ ᠢ ᠹᠦ᠋ ᠳᠤ ᠠᠯᠪᠠ ᠪᠠᠷ | ᠲᠤᠯᠭᠠᠨ᠂ ᠦᠭᠡ ᠳᠠᠭᠤᠨ ᠦᠭᠡᠢ ᠭᠠᠪᠠ ᠵᠡᠭᠦᠯᠭᠡᠨ ᠪᠠᠷᠢᠪᠴᠢᠯᠠᠵᠤ ᠠᠪᠤᠭᠠᠳ᠂ ᠵᠡᠭᠦᠨ ᠬᠤᠶᠢᠲᠤ ᠤᠷᠤᠨ ᠤ | ᠹᠦᠱᠦ᠋ᠨ ᠤ ᠭᠢᠨᠳᠠᠨ ᠳᠤ ᠬᠤᠷᠢᠭᠰᠠᠨ ᠪᠠᠶᠢᠯᠠ᠃ ᠬᠠᠤᠯᠢ ᠳᠦᠷᠢᠮ᠂ ᠭᠡᠷᠡᠴᠢ ᠪᠠᠷᠢᠮᠲᠠ ᠭᠡᠳᠡᠭ ᠢ ᠤᠯᠠ ᠳᠠᠭᠠᠨ | ᠭᠢᠰᠭᠢᠭᠰᠡᠨ ᠲᠤᠯᠠ᠂ ᠠᠶᠤᠯᠭᠠᠵᠤ ᠰᠦᠷᠲᠡᠭᠦᠯᠬᠦ ᠠᠷᠭᠠᠳᠠᠬᠤ ᠲᠠᠲᠠᠬᠤ᠂ ᠰᠢᠬᠠᠵᠤ ᠦᠴᠢᠭᠯᠡᠭᠦᠯᠬᠦ ᠨᠢ | ᠭᠡᠨᠡᠳᠲᠡ ᠶᠢᠨ ᠶᠠᠪᠤᠳᠠᠯ ᠪᠢᠰᠢ ᠪᠤᠯᠵᠤ᠂ ᠨᠤᠮᠤᠬᠠᠨ ᠰᠢᠳᠤᠷᠭᠤ ᠦᠨᠡᠨ ᠢᠶᠠᠨ ᠬᠡᠯᠡᠵᠤ ᠪᠡᠯᠡᠨ ᠢᠶᠠᠨ ᠢᠳᠡᠭᠰᠡᠨ ᠴᠢ | ᠢ ᠹᠦ᠋ ᠬᠢᠯᠢᠰ ᠬᠦᠵᠢᠷ ᠬᠡᠷᠡᠭ ᠠᠴᠠ ᠶᠠᠭᠠᠬᠢᠭᠰᠠᠨ ᠴᠦ ᠮᠣᠯᠲᠤᠷᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠬᠠᠷᠠᠩᠭᠤᠢ ᠱᠤᠷᠤᠩ | ᠳᠤ ᠬᠤᠷᠢᠭᠳᠠᠬᠤ ᠯᠠ ᠪᠤᠯᠵᠠᠢ᠃ | ᠲᠡᠷᠡ ᠦᠶᠡ ᠳᠤ ᠴᠢ ᠢ ᠹᠦ᠋ ᠶᠠᠭ ᠠᠭᠤᠰᠬᠢᠨ ᠤ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠭᠡᠳ ᠠᠷᠠᠢ ᠴᠢᠮᠠᠢ ᠳᠦᠩᠭᠡᠵᠤ | ᠪᠠᠶᠢᠭᠰᠠᠨ ᠪᠤᠯᠬᠤᠷ ᠭᠡᠨᠡᠳᠲᠡ ᠶᠢᠨ ᠬᠦᠨᠳᠦ ᠴᠤᠬᠢᠯᠲᠠ ᠳᠤ ᠮᠠᠶᠢᠵᠢᠬᠢ ᠮᠤᠳᠤᠨ ᠲᠡᠷᠭᠡ ᠰᠢᠭ ᠰᠤᠯᠠᠬᠠᠨ ᠪᠡᠶᠡ ᠨᠢ | ᠰᠠᠯᠪᠠᠷᠠᠵᠤ ᠰᠦᠢᠷᠡᠬᠦ ᠰᠢᠬᠠᠵᠠᠢ᠃ ᠭᠡᠪᠡᠴᠦ ᠲᠡᠷᠡ ᠦᠨᠡᠨ ᠤ ᠪᠠᠲᠤ ᠢᠲᠡᠭᠡᠯ ᠪᠠ ᠰᠡᠳᠬᠢᠯ ᠤᠨ ᠬᠠᠲᠠᠭᠤ | ᠲᠠᠮᠢᠷ ᠢᠶᠠᠷ ᠬᠤᠶᠠᠷ ᠬᠥᠯ ᠳᠡᠭᠡᠷᠡ ᠪᠠᠨ ᠴᠢᠳᠠᠨ ᠴᠢᠳᠠᠨ ᠲᠤᠭᠲᠠᠵᠤ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠡᠨᠡ ᠨᠢᠭᠡ ᠠᠶᠢᠯ ᠤᠨ | ᠭᠡᠷ ᠪᠦᠯᠢ ᠦᠷᠡ ᠬᠡᠤᠬᠡᠳ ᠪᠤᠲᠠᠷᠠᠨ ᠰᠠᠷᠨᠢᠵᠤ᠂ ᠠᠪᠠᠭᠠᠢ ᠡᠬᠡᠨᠡᠷ ᠨᠢ ᠪᠠᠭᠠ ᠪᠠᠯᠴᠢᠷ ᠬᠡᠤᠬᠡᠳ ᠢᠶᠠᠨ ᠬᠦᠲᠦᠯᠦᠭᠡᠳ | ᠂ ᠬᠦᠳᠡᠭᠡ ᠨᠤᠲᠤᠭ ᠲᠠᠭᠠᠨ ᠬᠦᠭᠡᠭᠡᠭᠳᠡᠭᠰᠡᠨ ᠪᠠᠶᠢᠯᠠ᠃ | ᠨᠠᠮ ᠤᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠲᠦᠪ ᠬᠤᠷᠢᠶᠠᠨ ᠤ ᠭᠤᠷᠪᠠᠳᠤᠭᠠᠷ ᠪᠦᠭᠦᠳᠡ | ᠬᠤᠷᠠᠯ ᠠᠴᠠ ᠬᠤᠶᠢᠰᠢ᠂ ᠴᠠᠭ ᠲᠦᠷᠦ ᠲᠡᠭᠰᠢᠷᠡᠵᠦ᠂ ᠬᠢᠯᠢᠰ ᠪᠤᠷᠤᠭᠤ ᠬᠡᠷᠡᠭ ᠢ ᠴᠠᠭᠠᠪᠤᠷᠢᠯᠠᠵᠤ ᠡᠬᠢᠯᠡᠭᠰᠡᠨ ᠢᠶᠠᠷ᠂ | ᠴᠢ ᠢ ᠹᠦ᠋ ᠭᠤᠸᠠᠢ ᠴᠦ 1982 ᠤᠨ ᠳᠤ ᠦᠨᠡᠨ ᠴᠠᠭᠠᠨ ᠢᠶᠠᠨ ᠤᠯᠵᠤ᠂ ᠤᠭ ᠤᠨ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ | ᠲᠦᠪ ᠷᠠᠳᠢᠤ᠋ ᠳᠠᠭᠠᠨ ᠪᠤᠴᠠᠵᠤ ᠢᠷᠡᠵᠠᠢ᠃ ᠬᠢᠯᠢᠰ ᠬᠡᠷᠡᠭ ᠲᠤ ᠦᠷᠲᠡᠭᠰᠡᠨ ᠨᠢ ᠦᠨᠡᠨ ᠪᠤᠯᠪᠠᠴᠤ᠂ ᠰᠤᠶᠤᠯ ᠤᠨ | ᠬᠤᠪᠢᠰᠬᠠᠯ ᠠᠴᠠ ᠡᠮᠦᠨᠡᠬᠢ ᠶᠠᠪᠤᠳᠠᠯ ᠪᠤᠯᠬᠤᠷ ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠳᠤᠮᠳᠠ ᠬᠢᠯᠢᠰᠳᠡᠭᠰᠡᠨ ᠤ ᠠᠴᠢ | ᠨᠦᠬᠦᠪᠦᠷᠢ ᠶᠢ ᠡᠳ᠋ᠯᠡᠬᠦ ᠡᠷᠬᠡ ᠴᠢ ᠢ ᠹᠦ᠋ ᠳᠤ ᠤᠯᠳᠠᠭᠰᠠᠨ ᠦᠭᠡᠢ᠃ ᠳᠦᠴᠢᠭᠡᠳᠬᠡᠨ ᠨᠠᠰᠤᠲᠠᠢ ᠳᠠᠭᠠᠨ | ᠬᠢᠯᠢᠰ ᠢᠶᠠᠷ ᠱᠤᠷᠤᠩ ᠳᠤ ᠬᠤᠷᠢᠭᠳᠠᠭᠠᠳ᠂ ᠬᠤᠷᠢ ᠭᠠᠷᠤᠢ ᠵᠢᠯ ᠬᠠᠯᠠ ᠡᠯᠡ ᠠᠮᠰᠠᠵᠤ᠂ ᠤᠭ ᠪᠠᠶᠢᠭᠤᠯᠭᠠ ᠳᠠᠭᠠᠨ | ᠪᠤᠴᠠᠵᠤ ᠢᠷᠡᠬᠦ ᠳᠤ ᠴᠠᠯᠢᠩ ᠬᠦᠯᠦᠰᠦᠨ ᠤ ᠨᠦᠬᠦᠪᠦᠷᠢ ᠭᠡᠵᠦ ᠨᠢᠭᠡ ᠮᠦᠩᠭᠦ ᠤᠯᠭᠤᠭᠠ ᠦᠭᠡᠢ ᠶᠢ ᠪᠦᠦ ᠬᠡᠯᠡ᠂ | ᠠᠯᠠᠭ ᠬᠤᠷᠸᠠ ᠲᠡᠭᠦᠨ ᠢ ᠠᠵᠢᠯᠯᠠᠬᠤ ᠨᠠᠰᠤᠨ ᠠᠴᠠ ᠬᠡᠳᠦᠶᠢᠨ ᠦᠩᠭᠡᠷᠡᠭᠦᠯᠦᠭᠰᠡᠨ ᠪᠠᠶᠢᠵᠠᠢ᠃ ᠬᠤᠪᠢ ᠵᠠᠶᠠᠭᠠᠨ ᠤ | ᠭᠤᠤᠯᠴᠢ ᠪᠤᠰᠤ ᠡᠶᠢᠮᠦ ᠤᠯᠭᠤᠮᠵᠢ ᠶᠢ ᠨᠤᠮᠤᠬᠠᠨ ᠰᠢᠳᠤᠷᠭᠤ ᠡᠨᠡ ᠬᠦᠮᠦᠨ ᠡᠭᠡᠯ ᠵᠢᠷ ᠤᠨ ᠰᠡᠳᠬᠢᠯ ᠢᠶᠠᠷ ᠶᠠᠮᠠᠷ | ᠴᠦ ᠭᠤᠮᠤᠳᠠᠯ ᠭᠡᠮᠰᠢᠯ ᠦᠭᠡᠢ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠭᠡᠳ ︽ᠠᠵᠢᠯ ᠤᠨ ᠠᠮᠠᠷᠠᠯᠲᠠ︾ ᠪᠠᠨ ᠠᠪᠬᠤ ᠪᠠᠷ ᠪᠤᠯᠵᠠᠢ | ᠃ | ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠤ ᠬᠤᠶᠢᠨᠠ ᠴᠢ ᠢ ᠹᠦ᠋ ᠪᠠᠷ ᠠᠬᠠᠮᠠᠳ ᠺᠠᠳ᠋ᠷ ᠤᠨ ᠠᠵᠢᠯᠯᠠᠭᠠᠨ ᠳᠤ ᠂ | ᠲᠤᠬᠠᠶᠢᠯᠠᠪᠠᠯ ᠷᠠᠳᠢᠤ᠋ ᠨᠡᠪᠲᠡᠷᠡᠭᠦᠯᠭᠡ ᠬᠢᠨᠠᠵᠤ ᠰᠤᠨᠤᠰᠬᠤ᠂ ᠳᠠᠭᠤᠤ ᠲᠠᠮᠢᠷ ᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ᠂ | ᠭᠠᠳᠠᠷ ᠤᠷᠤᠨ ᠢᠶᠠᠷ ᠵᠤᠭᠠᠴᠠᠨ ᠲᠤᠭᠤᠷᠢᠬᠤ ᠵᠡᠷᠭᠡ ᠠᠵᠢᠯᠯᠠᠭᠠ ᠳᠤ ᠢᠳᠡᠪᠬᠢᠲᠠᠢ ᠤᠷᠤᠯᠴᠠᠵᠤ ᠪᠠᠶᠢᠭᠠ ᠶᠤᠮ᠃ | ᠬᠤᠷᠸᠠ ᠶᠢᠨ ᠡᠷᠢᠶᠡᠨ ᠪᠠᠷᠠᠭᠠᠨ ᠢ ᠦᠩᠭᠡᠷᠡᠭᠦᠯᠵᠦ ᠠᠮᠢᠳᠤᠷᠠᠯ ᠤᠨ ᠬᠠᠯᠠ ᠡᠯᠡ ᠶᠢ ᠠᠮᠰᠠᠵᠤ ᠶᠠᠪᠤᠭᠰᠠᠨ ᠬᠦᠭᠡᠷᠦᠬᠦᠢ | ᠤᠤᠭᠠᠨ ᠪᠤᠭᠤᠷᠤᠯ ᠨᠠᠶᠢᠷᠠᠭᠤᠯᠤᠭᠴᠢ᠂ ᠨᠠᠰᠤᠲᠠᠨ ᠴᠢ ᠢ ᠹᠦ᠋ ᠮᠢᠨᠢ ᠤᠷᠲᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢ | ᠪᠢᠳᠡ ᠵᠦᠩᠨᠡᠵᠦ ᠪᠠᠶᠢᠨᠠ᠃ ᠬᠦᠨᠳᠦᠲᠦ ᠰᠤᠨᠤᠰᠤᠭᠴᠢᠳ ᠡ᠂ ᠰᠠᠶ᠋ᠢ ᠲᠠ ᠪᠦᠬᠦᠨ ᠳᠤ ᠮᠠᠨ ᠤ ᠬᠤᠷᠢᠶᠠᠨ ᠤ | ᠰᠤᠷᠪᠤᠯᠵᠢᠯᠠᠭᠴᠢ ᠷᠢᠨᠴᠢᠨ ᠤ ᠰᠤᠷᠪᠤᠯᠵᠢᠯᠠᠵᠤ ᠪᠢᠴᠢᠭᠰᠡᠨ ︵ᠤᠤᠭᠠᠨ ᠪᠤᠭᠤᠷᠤᠯ ᠨᠠᠶᠢᠷᠠᠭᠤᠯᠤᠭᠴᠢ ᠮᠢᠨᠢ︶ ᠭᠡᠰᠡᠨ | ᠰᠢᠩᠭᠡᠭᠡᠯᠲᠡ ᠲᠠᠢ ᠰᠤᠷᠪᠤᠯᠵᠢᠯᠠᠭᠠ ᠰᠤᠨᠤᠰᠬᠠᠯᠠ᠃ | ︵2001 ᠣᠨ ᠤ 8 ᠰᠠᠷᠠ ᠶᠢᠨ 8 ᠤ ᠡᠳᠦᠷ ᠪᠢᠴᠢᠵᠦ᠂ 15 ᠤ ᠡᠳᠦᠷ ᠨᠡᠪᠲᠡᠷᠡᠭᠦᠯᠪᠡ︶ | | |