| ᠭᠢᠳᠠᠨᠴᠤᠳ ᠤᠨ ᠲᠡᠥᠬᠡ ᠪᠢᠴᠢᠯᠭᠡ | ᠯᠢᠶᠤᠤ ᠤᠯᠤᠰ ᠤᠨ ᠲᠦᠷᠦ ᠲᠣᠭᠲᠠᠨᠢᠭᠰᠠᠨ ᠤ ᠳᠠᠷᠠᠭᠠ ᠭᠢᠳᠠᠨᠴᠤᠳ ᠤᠤᠯ ᠤᠨ ᠴᠢᠰᠤᠨ ᠲᠦᠷᠦᠯ ᠤᠨ | ᠬᠤᠯᠪᠤᠭᠠ ᠪᠠᠷ ᠨᠡᠶᠢᠭᠡᠮ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠴᠢᠳᠠᠬᠤ ᠪᠠᠨ ᠪᠣᠯᠢᠭᠰᠠᠨ ᠪᠠᠶᠢᠨᠠ᠃ ᠨᠡᠶᠢᠭᠡᠮ ᠤᠨ ᠬᠦᠷᠢᠶᠡ | ᠬᠡᠪᠴᠢᠶᠡ ᠦᠷᠭᠡᠵᠢᠵᠦ ᠣᠪᠤᠭ ᠠᠶᠢᠮᠠᠭ᠂ ᠠᠶᠢᠮᠠᠭ ᠤᠨ ᠬᠤᠯᠪᠤᠭᠠᠨ ᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠶᠢ ᠳᠠᠪᠠᠵᠤ | ᠭᠠᠷᠤᠭᠠᠳ ᠦᠨᠳᠦᠰᠦᠲᠡᠨ ᠤ ᠬᠢᠵᠠᠭᠠᠷ ᠢ ᠴᠦ ᠳᠠᠪᠠᠵᠤ᠂ ᠣᠷᠤᠨ ᠨᠤᠲᠤᠭ ᠤᠨ ᠬᠤᠪᠢᠶᠠᠷᠢ ᠪᠠᠷ ᠬᠠᠭᠠᠨ ᠤ ᠡᠷᠭᠡ | ᠶᠢᠨ ᠳᠣᠣᠷᠠᠬᠢ ᠲᠦᠷᠦ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠪᠠᠷ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠴᠢᠬᠤᠯᠠ ᠲᠠᠢ ᠪᠣᠯᠤᠭᠰᠠᠨ ᠶᠤᠮ᠃ ᠡᠨᠡ | ᠦᠶᠡ ᠳᠤ ᠶᠠᠭ ᠡᠨᠡ ᠪᠠᠶᠢᠳᠠᠯ ᠳᠤ ᠨᠢ ᠳᠣᠬᠢᠷᠠᠯᠴᠠᠬᠤ ᠨᠡᠶᠢᠭᠡᠮ ᠤᠨ ᠦᠵᠡᠯ ᠰᠠᠨᠠᠭᠠ ᠱᠠᠭᠠᠷᠳᠠᠭᠳᠠᠵᠠᠢ᠃ | ᠭᠢᠳᠠᠨᠴᠤᠳ ᠤᠨ ᠨᠡᠶᠢᠭᠡᠮ ᠤᠨ ᠪᠣᠳᠠᠲᠤ ᠪᠠᠶᠢᠳᠠᠯ ᠪᠣᠯ ᠠᠳᠠᠯᠢ ᠪᠣᠰᠤ ᠶᠢᠨ ᠬᠦᠭᠵᠢᠯ ᠤᠨ ᠱᠠᠲᠤᠨ ᠳᠤ | ᠣᠷᠤᠰᠢᠵᠤ ᠪᠠᠶᠢᠭᠠ ᠣᠯᠠᠨ ᠣᠪᠤᠭ ᠠᠶᠢᠮᠠᠭ᠂ ᠦᠨᠳᠦᠰᠦᠲᠡᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠨᠡᠶᠢᠭᠡᠮ ᠪᠣᠯᠤᠨᠠ᠃ ᠲᠡᠭᠦᠨ | ᠤ ᠨᠣᠲᠤᠭ ᠳᠡᠪᠢᠰᠭᠡᠷ ᠤᠨ ᠶᠡᠬᠡᠩᠬᠢ ᠬᠡᠰᠡᠭ ᠲᠤ ᠪᠠᠯᠠᠷ ᠡᠷᠲᠡᠨ ᠤ ᠴᠢᠰᠦᠨ ᠲᠦᠷᠦᠯ ᠤᠨ ᠬᠤᠯᠪᠤᠭᠠᠨ ᠤ ᠦᠵᠡᠯ | ᠰᠠᠨᠠᠭᠠ ᠨᠣᠶᠠᠷᠬᠠᠭᠰᠠᠨ ᠣᠪᠤᠭ ᠠᠶᠢᠮᠠᠭ ᠬᠢᠭᠡᠳ ᠶᠡᠭᠡ ᠪᠠᠭᠠ ᠠᠶᠢᠮᠠᠭ ᠤᠨ ᠬᠤᠯᠪᠤᠭᠠ ᠰᠠᠭᠤᠷᠢᠰᠢᠵᠤ ᠪᠠᠶᠢᠭᠰᠠᠨ | ᠶᠣᠮ᠃ ᠲᠡᠳᠡᠨᠦᠰ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠤᠨ ᠰᠡᠳᠬᠢᠭᠦᠢ ᠪᠣᠯ ᠪᠠᠯᠠᠷ ᠡᠷᠲᠡᠨ ᠤ ᠬᠦᠢ ᠨᠢᠭᠡᠲᠦᠯ ᠤᠨ | ᠨᠡᠶᠢᠭᠡᠮ ᠤᠨ ᠠᠷᠠᠳᠴᠢᠯᠠᠯ ᠤᠨ ᠦᠵᠡᠯ ᠰᠠᠨᠠᠭᠠ ᠭᠦᠨ ᠦᠨᠳᠦᠰᠦ ᠲᠠᠢ ᠪᠠᠶᠢᠪᠠ᠃ ᠡᠶᠢᠮᠦ ᠠᠴᠠ ᠳᠡᠲᠡ ᠲᠦᠪ | ᠶᠢᠨ ᠡᠷᠬᠡ ᠶᠢ ᠲᠦᠪᠯᠡᠷᠡᠭᠦᠯᠦᠭᠰᠡᠨ ᠬᠠᠭᠠᠨ ᠡᠵᠡᠨ ᠤ ᠬᠡᠮᠵᠢᠶᠡ ᠦᠭᠡᠢ ᠨᠣᠶᠠᠷᠬᠠᠯ ᠳᠣᠣᠷᠠ ᠣᠷᠤᠰᠢᠬᠤ ᠳᠤᠷᠠ | ᠦᠭᠡᠢ ᠪᠠᠶᠢᠳᠠᠭ᠃ ᠲᠡᠳᠡ ᠨᠡᠶᠢᠭᠡᠮ ᠤᠨ ᠬᠡᠷᠡᠭ ᠤᠴᠢᠷ ᠢ ᠠᠷᠠᠳᠴᠢᠯᠠᠯ ᠢᠶᠠᠷ ᠵᠦᠪᠳᠡᠵᠦ ᠰᠢᠢᠳᠪᠦᠷᠢᠯᠡᠬᠦ ᠶᠢ | ᠵᠣᠷᠢᠳᠠᠭ᠃ ᠡᠶᠢᠮᠦ ᠠᠴᠠ ᠭᠢᠳᠠᠨ ᠬᠠᠭᠠᠳ ᠠᠷᠭᠠ ᠪᠣᠰᠤ ᠵᠠᠩᠰᠢᠯ ᠢᠶᠠᠷ ᠠᠨᠣ ᠵᠠᠰᠠᠬᠤ ᠲᠦᠷᠦ ᠶᠢᠨ ᠪᠣᠳᠤᠯᠭᠠ | ᠠᠪᠴᠤ᠂ ᠡᠯᠡ ᠣᠪᠤᠭ ᠠᠶᠢᠮᠠᠭ ᠯᠤᠭᠠ ᠶᠢᠨ ᠵᠦᠷᠢᠴᠡᠯ ᠢᠶᠠᠨ ᠨᠠᠮᠳᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠭᠡᠪᠡᠴᠦ ᠡᠨᠡ ᠠᠷᠭᠠ | ᠬᠡᠮᠵᠢᠶᠡ ᠨᠢ ᠳᠡᠳᠡᠨᠦᠰ ᠤᠨ ᠡᠴᠦᠰ ᠤᠨ ᠵᠣᠷᠢᠯᠭᠠ ᠪᠣᠰᠤ᠂ ᠲᠦᠪ ᠲᠤ ᠲᠦᠪᠯᠡᠷᠡᠭᠦᠯᠦᠭᠰᠡᠨ ᠬᠠᠭᠠᠨ ᠤ | ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠡᠷᠬᠡ ᠶᠢ ᠪᠠᠲᠤᠳᠬᠠᠬᠤ ᠨᠢ ᠰᠠᠶ᠋ᠢ ᠡᠴᠦᠰ ᠤᠨ ᠵᠣᠷᠢᠯᠭᠠ ᠪᠣᠯᠤᠨᠠ᠃ |