| ᠨᠣᠳᠤᠭ ᠤᠨ ᠪᠣᠬᠠ | | 1 | | ᠨᠠᠷᠠ ᠳᠤᠯᠠᠶᠢᠨ ᠳᠡᠭᠷᠢ ᠴᠡᠯᠮᠠᠶᠢᠭᠡᠳ᠂ ᠡᠭᠡᠷᠡᠮᠠ ᠳᠠᠯᠠ ᠦᠪᠴᠢ ᠨᠤᠭᠤᠭᠠᠨ᠃ | ᠬᠠᠷᠠ ᠤᠯᠠᠭᠠᠨ ᠵᠢᠰᠦᠮ ᠢᠶᠠᠷ ᠠᠯᠠᠭᠯᠠᠭᠰᠠᠨ ᠬᠤᠷᠰᠢᠶᠠᠵᠢᠯ ᠤᠨ ᠰᠦᠷᠦᠭ ᠢᠶᠠᠨ ᠬᠠᠷᠠᠵᠤ ᠰᠠᠭᠤᠭᠰᠠᠨ | ᠬᠠᠷᠠ ᠬᠦᠦ ᠶᠢᠨ ᠰᠡᠳᠬᠢᠯ ᠰᠠᠨᠠᠭᠠ ᠳᠡᠨᠢᠬᠦᠭᠡᠨ ᠪᠦᠭᠡᠳ ᠪᠠᠶᠠᠰᠬᠤᠯᠠᠩᠳᠠᠢ᠃ | ᠪᠦᠳᠦᠬᠦᠨ ᠬᠠᠷᠠ ᠪᠣᠬᠠ ᠰᠡᠯᠡᠮᠡᠨ ᠡᠪᠡᠷ ᠢᠶᠠᠨ ᠰᠡᠷᠡᠯᠵᠢᠭᠦᠯᠦᠨ᠂ ᠰᠦᠷ ᠪᠠᠳᠠᠷᠠᠭᠤᠯᠤᠨ ᠰᠣᠷᠳᠣᠭᠤᠯᠣᠭᠠᠳ | ᠦᠨᠦᠬᠡᠨ ᠯᠡ ᠣᠷᠤᠭᠠ ᠣᠷᠣᠭᠰᠠᠨ ᠬᠠᠷᠠᠭᠴᠢ ᠭᠤᠨᠵᠢ ᠶᠢ ᠬᠤᠪᠢᠯᠣᠨ ᠦᠮᠴᠢᠷᠬᠡᠭᠡᠳ ᠬᠡᠨ ᠠᠯᠢᠨ ᠨᠢ ᠴᠦ ︽ | ᠭᠤᠷᠢ ᠪᠠᠨ ᠳᠠᠳᠠ ᠂ ᠨᠢᠰᠦ ᠪᠠᠨ ᠲᠣᠯᠢᠶᠠ︕︾ ᠬᠡᠰᠡᠨ ᠰᠢᠭ ᠬᠠᠷᠠᠮᠴᠢ ᠬᠡᠪᠴᠢᠭ ᠠᠭᠠᠳ ᠲᠣᠭᠰᠢᠨ | ᠲᠦᠷᠢᠮᠡᠬᠡᠢ ᠲᠦᠷᠢᠯᠡᠨᠡ᠃ ᠳᠡᠬᠦᠨ ᠤ ᠪᠠᠶᠢᠨ ᠪᠠᠶᠢᠨ ᠦᠨᠦᠷᠯᠡᠨ᠂ ᠳᠠᠬᠢᠨ ᠳᠠᠬᠢᠨ ᠲᠠᠮᠰᠢᠶᠠᠯᠠᠭᠠᠳ᠂ ᠳᠣᠯᠤᠭᠠᠢ | ᠳᠣᠯᠵᠢᠢᠯᠭᠠᠨ ᠬᠠᠮᠠᠷ ᠰᠢᠨᠳᠠᠶᠢᠯᠭᠠᠭᠠᠳ ︽ᠮᠦ᠋ ᠊᠊᠊ ᠮᠦ᠋ ᠊᠊᠊᠊ ᠊᠊᠊᠊︾ ᠬᠡᠮᠡᠨ ᠨᠠᠮᠬᠠᠨ ᠠᠳᠠᠯᠠ ᠪᠠᠨ ᠢᠳᠡᠷᠡᠬᠦᠨ᠂ | ᠤᠶᠠᠬᠠᠨ ᠠᠳᠠᠯᠠ ᠪᠠᠨ ᠣᠮᠤᠭᠯᠠᠭᠤᠨ ᠮᠦᠭᠡᠷᠡᠬᠦ ᠢᠨᠦ ᠬᠠᠵᠠᠭᠤ ᠬᠠᠪᠢᠷᠭᠠ ᠪᠠᠷ ᠨᠢ ᠨᠢᠳᠦ ᠬᠦᠯᠦᠶᠢᠨ ᠰᠢᠯᠦᠰᠦ | ᠭᠤᠭᠤᠵᠢᠭᠤᠯᠣᠭᠠᠳ ᠵᠠᠪ ᠢ ᠦᠵᠡᠨ ᠳᠡᠯᠡᠰᠳᠡᠭᠦᠯᠬᠦ ᠶᠢ ᠰᠠᠨᠠᠭᠰᠠᠨ ᠪᠢᠷᠠᠭᠤ ᠰᠢᠳᠦᠯᠡᠩ ᠪᠣᠬᠠᠨᠳᠠᠢ ᠨᠤᠭᠤᠳ ᠢ | ᠶᠠᠭᠠᠬᠢᠵᠦ ᠡᠶᠢᠬᠦ ᠶᠢᠨ ᠴᠦ ᠠᠷᠭᠠ ᠦᠭᠡᠢ ᠲᠠᠷᠴᠢᠯᠠᠭᠠᠨ ᠵᠣᠪᠠᠭᠠᠬᠤ ᠠᠵᠣᠭᠤ᠃ ᠨᠡᠩ ᠴᠦ ᠲᠡᠷᠡ ᠬᠠᠷᠠᠭᠴᠢ | ᠭᠤᠨᠵᠢ ᠰᠡᠭᠦᠯ ᠭᠤᠳᠣᠶᠢᠯᠭᠠᠨ ᠰᠢᠭᠡᠰᠦ ᠭᠤᠭᠤᠵᠢᠭᠤᠯᠣᠭᠠᠳ᠂ ᠲᠡᠪᠴᠢᠶᠡᠷᠢ ᠠᠯᠳᠠᠨ ᠲᠦᠷᠰᠦ ᠦᠭᠡᠶᠢᠳᠡᠭᠡᠳ | ᠠᠮᠠᠷ ᠪᠠᠶᠢᠳᠠᠭ ᠦᠭᠡᠢ ᠶᠢ ᠶᠠᠭᠠᠬᠢᠨᠠ ᠭᠡᠯᠳᠡᠢ︖ | ︽ᠮᠦ᠊ ᠊᠊᠊᠊ ᠤᠨ᠂ ᠮᠦ᠊ ᠊᠊᠊᠊ ᠤᠨ ᠁︾ | ᠪᠢᠷᠠᠭᠤ ᠰᠢᠳᠦᠯᠠᠩ ᠪᠣᠬᠠᠨᠳᠠᠢ ᠨᠤᠭᠤᠳ ᠬᠦᠵᠦᠭᠦᠦ ᠰᠣᠩᠭᠠᠭᠠᠵᠣ ᠬᠤᠭᠤᠯᠠᠢ ᠰᠢᠬᠠᠨ ᠣᠬᠵᠤᠮ ᠳᠡᠭᠡᠷᠡ | ᠪᠠᠨ ᠬᠡᠭᠵᠢᠬᠦᠨ᠂ ᠣᠶᠠᠷᠠᠭᠤᠨ ᠲᠡᠭᠡᠷᠡ ᠪᠠᠨ ᠭᠠᠩᠰᠠᠷᠠᠯ ᠲᠠᠢ ᠣᠷᠬᠢᠷᠠᠯᠳᠣᠨ ᠮᠦᠭᠡᠷᠡᠬᠦ ᠢᠨᠣ ᠣᠭᠤ ᠴᠦ | ᠢᠨᠢᠶᠡᠳᠦᠮᠳᠡᠢ ᠠᠳᠠᠯᠠ ᠪᠠᠨ ᠬᠦᠭᠡᠷᠦᠬᠦᠶᠢᠯᠡᠳᠡᠢ ᠠᠪᠠᠢ᠃ | ᠬᠠᠷᠠ ᠬᠦᠦ ᠲᠡᠰᠭᠡᠯ ᠦᠭᠡᠢ ᠬᠠᠳᠠᠭᠠᠨᠠᠨ ᠢᠨᠢᠶᠡᠭᠡᠳ᠄ ︽︿ᠣᠯᠳᠠ᠊ ᠊᠊᠊᠊ ᠬᠤ ᠦᠭᠡᠢ᠂ ᠣᠯᠳᠠ᠊ ᠊᠊᠊᠊ ᠬᠤ ᠦᠭᠡᠢ | ﹀ ᠭᠡᠵᠤ ᠣᠷᠬᠢᠷᠠᠯᠳᠣᠭᠠᠳ ᠴᠤ ᠶᠠᠭᠠᠬᠢᠬᠤᠪ ᠮᠠᠭᠤ ᠰᠠᠶᠢᠨ ᠪᠣᠬᠠᠨᠳᠠᠢ ᠨᠤᠭᠤᠳ᠃ ᠪᠦᠳᠦᠭᠦᠨ ᠬᠠᠷᠠ ᠰᠢᠣᠬᠠᠨ | ᠠᠶᠢᠬᠤᠪᠳᠣᠷ ᠶᠠᠭᠤᠮᠠ ᠪᠣᠯᠬᠤ ᠪᠠᠷ ᠴᠢᠨᠢ ︿ᠮᠣᠩ᠊ ᠊᠊᠊᠊᠊ ᠳ᠋ᠠᠢ ᠤᠤ᠂ ᠮᠣᠩ᠊ — ᠳ᠋ᠠᠢ ᠦᠦ﹀ ᠬᠡᠮᠡᠨ ᠣᠮᠣᠷᠬᠠᠬᠤ ᠴᠠᠭ | ᠢᠷᠡᠯᠭᠦᠢ ᠳ᠋ᠠ︾ ᠭᠡᠨᠠ᠃ | | ︽ᠮᠦ᠋ ᠁ ᠮᠦ᠋᠂ ᠮᠦ᠊ ᠊᠊᠊ ᠤᠨ ᠁ ᠮᠦ᠋ ᠁ ᠮᠦ᠋᠂ ᠮᠦ᠊ ᠊᠊᠊᠊᠊ ᠤᠨ ︾ | ᠡᠮᠤᠨᠠ ᠵᠤ ᠶᠢ ᠳᠠᠪᠠᠭᠠᠳ ᠰᠣᠶᠤᠯᠠᠩ ᠤᠯᠠᠭᠠᠨ ᠪᠤᠬᠠ᠂ ᠪᠣᠳᠠ ᠪᠤᠳᠠᠷᠭᠠᠨᠠ ᠰᠠᠵᠢᠯᠠᠨ᠂ ᠬᠦᠷᠦᠰᠦ ᠰᠢᠷᠦᠢ | ᠴᠠᠴᠢᠯᠠᠭᠰᠠᠭᠠᠷ ᠰᠦᠷᠦᠭ ᠵᠦᠭ ᠰᠦᠷ ᠳᠠᠳᠠᠨ ᠣᠶᠢᠷᠠᠳᠣᠪᠠ᠃ | ᠰᠣᠶᠤᠯᠠᠩ ᠤᠯᠠᠭᠠᠨ ᠨᠢᠳᠦᠨᠤᠨ ᠵᠣᠨ ᠰᠦᠷᠦᠭ ᠤᠨ ᠡᠵᠡᠨ ᠪᠦᠳᠦᠭᠦᠨ ᠬᠠᠷᠠ ᠲᠠᠢ ᠲᠠᠶᠢᠨ ᠲᠣᠯᠣᠯᠳᠣᠭᠠᠨ ᠪᠣᠯᠵᠤ᠂ | ᠵᠠᠯᠠᠭᠤ ᠪᠤᠬᠠ ᠶᠢᠨ ᠣᠮᠤᠭ ᠰᠦᠷ ᠣᠭᠵᠤᠮ ᠬᠦᠴᠦᠨ ᠢᠶᠠᠷ ᠣᠷᠤᠭᠠᠨ ᠤ ᠭᠤᠨᠵᠢ — ᠰᠠᠶᠢᠬᠠᠨ ᠣᠯᠠᠭᠠᠨ ᠢ | ᠪᠤᠯᠢᠶᠠᠨ ᠡᠵᠡᠯᠡᠬᠦ ᠬᠡᠮᠡᠭᠰᠡᠨ ᠪᠠᠶᠢᠵᠠᠢ᠃ ᠳᠡᠭᠡᠬᠦ ᠳᠤ ᠪᠦᠳᠦᠭᠦᠨ ᠬᠠᠷᠠ᠂ ᠵᠠᠯᠠᠭᠤ ᠤᠯᠠᠭᠠᠨ ᠤ ᠬᠦᠴᠦᠨ ᠳᠤ ᠨᠢ | ᠵᠣᠬᠢᠴᠠᠭᠤᠯᠤᠨ ᠳᠣᠯᠣᠨ ᠳᠣᠯᠣᠭᠰᠠᠨ ᠢᠶᠠᠨ ᠬᠡᠨᠡᠳᠳᠠ ᠬᠡᠯᠡᠪᠬᠢᠨ ᠵᠠᠶᠢᠯᠠᠬᠤ ᠪᠠᠷ ᠵᠠᠯᠠᠭᠤ ᠪᠤᠬᠠ ᠢᠳᠡᠯᠡᠭᠰᠡᠨ | ᠬᠦᠴᠦᠨ ᠳᠡᠭᠡᠨ ᠤᠷᠤᠭᠰᠢ ᠱᠣᠩᠭᠤᠨ ᠣᠷᠣᠳᠠᠯᠠ ᠪᠦᠳᠦᠬᠦᠨ ᠪᠣᠬᠠ ᠶᠢᠨ ᠬᠦᠨᠳᠦ ᠰᠡᠯᠡᠮᠠ᠂ ᠤᠯᠠᠭᠠᠨ ᠴᠠᠪᠢ | ᠤᠷᠤᠭᠤ ᠨᠢ ᠶᠠᠭᠠᠬᠢᠵᠤ ᠡᠶᠢᠬᠦ ᠶᠢᠨ ᠵᠠᠪ ᠦᠭᠭᠦᠯ ᠦᠭᠡᠢ ᠵᠠᠯᠠᠷᠠᠨ ᠪᠠᠭᠤᠵᠠᠢ᠃ | ︽ᠣᠶᠢ᠊ — ᠤᠨ︾ ᠬᠡᠮᠡᠨ ᠭᠤᠣᠯ ᠤᠨ ᠳᠠᠭᠤ ᠭᠠᠷᠣᠭᠰᠠᠨ ᠵᠠᠯᠠᠭᠤ ᠤᠯᠠᠭᠠᠨ ᠤ ᠨᠢᠳᠦᠨ ᠠᠴᠠ ᠭᠠᠯ | ᠪᠣᠳᠠᠷᠠᠨ᠂ ᠨᠠᠶᠢᠭᠤᠨ ᠲᠠᠶᠢᠪᠠᠵᠦ ᠠᠪᠤᠭᠰᠠᠨ ᠢᠶᠠᠨ ᠤᠭᠤᠷᠠᠭ ᠰᠦ ᠶᠢᠨ ᠰᠢᠮᠠ᠂ ᠤᠤᠷ ᠰᠠᠨᠠᠭᠠᠨ ᠤ ᠮᠡᠳᠡᠷᠡᠮᠵᠢ | ᠪᠠᠷ ᠢᠶᠠᠨ ᠪᠡᠶᠡ ᠪᠠᠨ ᠡᠵᠡᠮᠳᠡᠨ᠂ ᠴᠢᠰᠦ ᠨᠦᠵᠢ ᠪᠠᠨ ᠭᠤᠭᠤᠵᠢᠭᠤᠯᠣᠭᠠᠳ ᠲᠡᠭᠡᠯ ᠲᠣᠭᠤᠯ ᠭᠡᠭᠰᠡᠭᠡᠷ᠂ ᠡᠷᠬᠢᠵᠤ | ᠬᠠᠷᠠᠬᠤ ᠴᠢᠳᠠᠯ ᠦᠭᠡᠢ ᠳᠣᠬᠤ ᠦᠵᠡᠭᠦᠯᠦᠨ ᠵᠢᠯᠢᠢᠭᠰᠡᠨ ᠪᠠᠶᠢᠵᠠᠢ᠃ | ᠠᠨᠢᠷ ᠠᠪᠤᠭᠰᠠᠨ ᠪᠦᠳᠦᠭᠦᠨ ᠬᠠᠷᠠ ᠪᠤᠬᠠ᠂ ᠬᠠᠷᠠᠭᠴᠢ ᠭᠤᠨᠵᠢ ᠶᠢ ᠠᠷᠣ ᠳᠠᠭᠠᠨ ᠣᠷᠤᠭᠤᠯᠤᠨ ᠳᠠᠯᠳᠠᠯᠠᠭᠠᠳ᠂ | ᠨᠢᠯᠬᠠ ᠨᠤᠭᠤᠭᠠ ᠶᠢ ᠰᠡᠷᠪᠡᠯᠵᠢᠳᠡᠯᠠ᠂ ᠨᠢᠮᠭᠡᠨ ᠬᠦᠷᠦᠰᠦ ᠶᠢ ᠴᠡᠴᠡᠷᠡᠳᠡᠯᠡ ᠰᠢᠷᠦᠢ ᠬᠠᠶᠠᠯᠠᠨ ᠬᠦᠩᠭᠢᠨᠠᠳᠠᠯᠠ | ᠣᠷᠬᠢᠷᠠᠭᠠᠳ᠂ ᠠᠳᠣᠷᠢᠵᠦ ᠦᠳᠦᠷᠢᠭᠰᠡᠨ ᠪᠦᠳᠦᠭᠡᠨ ᠳᠣᠯᠤᠭᠠᠢ ᠪᠠᠨ ᠶᠠᠭᠠᠷᠠᠭᠠ ᠦᠭᠡᠶᠢᠬᠡᠨ ᠳᠣᠷᠣᠭᠰᠢᠯᠠᠭᠤᠯᠤᠨ᠂ | ᠠᠷᠬᠠᠶᠢᠵᠤ ᠰᠡᠷᠡᠶᠢᠭᠰᠡᠨ ᠬᠤᠶᠠᠷ ᠡᠪᠡᠷ ᠢᠶᠠᠨ ᠠᠭᠠᠵᠢᠮ ᠦᠭᠡᠶᠢᠬᠡᠨ ᠳᠠᠯᠵᠢᠢᠯᠭᠠᠨ᠂ ᠦᠭᠡᠳᠡ ᠠᠴᠠ ᠨᠢ ᠢᠷᠡᠬᠦ | ᠢᠨᠠᠭ ᠬᠠᠶᠢᠷᠠ᠂ ᠡᠷᠬᠡ ᠵᠡᠷᠭᠡ ᠶᠢᠨ ᠭᠦᠴᠦᠳᠦ ᠳᠠᠶᠢᠰᠤᠨ — ᠰᠣᠶᠣᠯᠠᠩ ᠣᠯᠠᠭᠠᠨ ᠢ ᠣᠭᠳᠣᠨ ᠬᠦᠯᠢᠶᠡᠵᠤ | ᠪᠠᠶᠢᠷᠢ ᠠᠪᠤᠨ ᠪᠠᠷᠳᠠᠮ ᠵᠣᠭᠰᠣᠵᠠᠢ᠃ ᠪᠢᠷᠠᠭᠤ ᠰᠢᠳᠦᠯᠡᠩ ᠪᠣᠬᠠᠨᠳᠠᠢ ᠨᠤᠭᠤᠳ ᠴᠤ ᠬᠠᠷᠠᠭᠴᠢ ᠭᠤᠨᠵᠢ ᠶᠢ ᠬᠡᠮᠡᠬᠦ | ᠬᠠᠶᠢᠷᠠ ᠰᠢᠨᠣᠯ ᠢᠶᠠᠨ ᠬᠠᠶᠠᠭᠠᠨ ᠳᠤ ᠨᠢ ᠬᠠᠶᠠᠵᠤ᠂ ᠬᠠᠷᠠ ᠤᠯᠠᠭᠠᠨ ᠬᠤᠶᠠᠷ ᠳᠣᠮᠤ ᠬᠦᠴᠦᠳᠡᠨ ᠤ ᠶᠡᠭᠡ | ᠳᠡᠮᠡᠴᠡᠭᠡᠨ ᠳᠤ ᠰᠦᠷ ᠨᠡᠮᠡᠨ ᠴᠣᠣ ᠳᠠᠳᠠᠵᠤ᠂ ᠰᠢᠷᠦᠢ ᠬᠠᠶᠠᠯᠠᠨ ᠰᠢᠯᠦᠰᠦ ᠦᠰᠣᠷᠭᠡᠨ ᠣᠷᠬᠢᠷᠠᠯᠳᠣᠪᠠ᠃ | ᠡᠰᠡᠷᠭᠦ ᠡᠳᠡᠭᠡᠳ ᠤᠨ ᠢᠶᠠᠨ ᠬᠦᠴᠦᠨ ᠴᠢᠳᠠᠯ᠂ ᠤᠬᠠᠭᠠᠨ ᠰᠠᠮᠪᠠᠭᠠ ᠠᠴᠠ ᠬᠢᠴᠢᠶᠡᠨ ᠰᠡᠷᠡᠮᠵᠢᠯᠡᠭᠰᠡᠨ | ᠪᠦᠳᠦᠭᠦᠨ ᠬᠠᠷᠠ᠂ ᠵᠠᠯᠠᠭᠤ ᠤᠯᠠᠭᠠᠨ ᠬᠡᠨ ᠠᠯᠢᠨ ᠴᠣ᠋ ᠣᠯᠠᠩᠭᠠᠰᠣᠨ ᠳᠠᠭᠠᠷᠢᠭᠰᠠᠨ ᠦᠭᠡᠢ᠃ ᠳᠣᠯᠤᠭᠠᠢ | ᠳᠣᠯᠤᠭᠠᠢ ᠪᠠᠨ ᠳᠠᠭᠠᠷᠠᠭᠤᠯᠤᠨ᠂ ᠡᠪᠡᠷ ᠡᠪᠡᠷ ᠢᠶᠠᠨ ᠰᠣᠯᠢᠯᠴᠠᠭᠤᠯᠤᠨ ᠤᠳᠠᠭᠠᠬᠠᠨ ᠴᠣ᠋ ᠳᠣᠯᠵᠤ ᠠᠪᠤᠯᠠ᠃ | ᠬᠠᠯᠠᠭᠤᠨ ᠴᠢᠯᠠᠭᠤ ᠳᠣᠯᠢᠶᠠᠨ ᠬᠠᠰᠢᠷ ᠠᠪᠤᠭᠰᠠᠨ ᠵᠠᠯᠠᠭᠤ ᠤᠯᠠᠭᠠᠨ᠂ ᠣᠳᠣ ᠯᠡ ᠳᠠᠭᠠᠷᠢᠯᠳᠠ ᠬᠢᠬᠦ ᠴᠠᠭ | ᠪᠣᠯᠤᠭᠰᠠᠨ ᠭᠡᠳᠡᠭ ᠢᠶᠠᠨ ᠳᠦᠰᠦᠭᠡᠯᠡᠵᠤ᠂ ᠬᠦᠴᠦᠯᠡᠨ ᠳᠠᠭᠠᠷᠢᠬᠤ ᠭᠡᠰᠡᠨ ᠬᠠᠭᠤᠷᠮᠠᠭ ᠬᠦᠳᠡᠯᠭᠡᠭᠡᠨ ᠬᠢᠳᠠᠯᠠ | ᠣᠳᠠᠭᠠᠨ ᠳᠣᠯᠬᠤ ᠨᠢ ᠠᠰᠢᠭ ᠦᠭᠡᠢ ᠬᠡᠮᠡᠨ ᠪᠣᠳᠣᠵᠤ ᠠᠬᠰᠠᠨ ᠪᠦᠳᠦᠭᠦᠨ ᠬᠠᠷᠠ ᠣᠳᠣ ᠯᠡ ᠳᠣᠬᠢᠶᠠᠯ ᠢᠷᠡᠯᠠ | ᠬᠡᠮᠡᠨ ᠪᠣᠷᠣᠭᠤ ᠵᠢᠱᠢᠭᠡᠳ ᠮᠦᠨ ᠳᠠᠳᠠᠭᠰᠠᠨ ᠣᠬᠠᠭᠠᠨ ᠢᠶᠠᠨ ᠬᠡᠷᠡᠭᠯᠡᠨ ᠬᠡᠯᠡᠪᠬᠢᠨ ᠵᠠᠶᠢᠯᠠᠨ ᠭᠠᠷᠳᠠᠯᠠ᠂ ᠢᠳᠡᠯᠡᠭᠰᠡᠨ | ᠬᠦᠴᠦᠨ ᠳᠡᠭᠡᠨ ᠪᠢᠰᠢ ᠢᠳᠡᠪᠬᠢᠳᠡᠢ ᠲᠠᠭᠠᠷᠢᠨ ᠣᠷᠣᠭᠰᠠᠨ ᠵᠠᠯᠠᠭᠤ ᠤᠯᠠᠭᠠᠨ ᠤ ᠵᠢᠳᠡᠨ ᠡᠪᠡᠷ ᠬᠡᠳᠦᠶᠢᠨᠡᠢ ᠠᠯᠠ | ᠤᠷᠤᠭᠤ ᠨᠢ ᠰᠢᠷᠭᠤᠯᠠᠨ ᠵᠠᠪᠳᠣᠵᠤ᠂ ︽ᠮᠦ᠋︾ ᠭᠡᠵᠤ ᠤᠬᠵᠤᠮ ᠣᠷᠬᠢᠷᠠᠬᠤ ᠶᠢᠨ ᠵᠡᠷᠭᠡ ᠬᠦᠴᠦᠯᠡᠨ ᠰᠠᠵᠢᠬᠤ ᠪᠠᠷ | ᠪᠦᠳᠦᠭᠦᠨ ᠬᠠᠷᠠ ︽ᠦᠢ᠊ — ᠤᠨ︾ ᠬᠡᠮᠡᠨ ᠭᠠᠴᠢᠭᠳᠠᠯᠳᠠᠶᠢᠬᠠᠨ ᠣᠷᠬᠢᠷᠠᠭᠠᠳ ᠭᠠᠳᠣᠴᠢᠨ ᠤᠨᠠᠪᠠ᠃ | ᠪᠠᠶᠢᠳᠠᠯ ᠢ ᠠᠵᠢᠨ ︽ᠡᠨᠡ ᠵᠢᠯ ᠶᠠᠭᠠᠬᠢᠳᠠᠭ ᠪᠤᠯ ᠡ︕︾ ᠭᠡᠵᠤ ᠪᠣᠳᠣᠵᠤ ᠰᠠᠭᠤᠭᠰᠠᠨ ᠬᠠᠷᠠ ᠬᠦᠦ | ᠰᠠᠨᠳᠣᠷᠣᠨ ᠪᠣᠰᠴᠦ᠄ | ︽ᠫᠢ︕ ᠭᠦᠭᠰᠢᠨ ᠪᠣᠬᠠ ᠶᠢ ᠮᠢᠨᠢ ᠠᠯᠠᠬᠤ ᠨᠢ ᠡ︾ ᠭᠡᠳ ᠳᠠᠰᠢᠭᠤᠷ ᠳᠠᠯᠠᠶᠢᠨ ᠣᠷᠣᠯᠠ᠃ | ᠁ | ᠰᠣᠶᠤᠯᠠᠩ ᠤᠯᠠᠭᠠᠨ᠂ ᠬᠠᠷᠠᠭᠴᠢ ᠭᠤᠨᠵᠢ ᠶᠢ ᠦᠮᠴᠢᠷᠬᠡᠨ᠂ ᠰᠦᠷᠦᠭ ᠤᠨ ᠠᠬᠠᠯᠠᠭᠴᠢ ᠪᠣᠯᠪᠠ᠃ | ᠪᠦᠳᠦᠭᠦᠨ ᠬᠠᠷᠠ᠂ ᠠᠯᠪᠠᠨ ᠴᠡᠷᠢᠭ ᠠᠴᠠ ᠬᠠᠯᠠᠭᠳᠠᠨ᠂ ᠠᠪᠠ ᠶᠢᠨ ᠫᠣᠣ ᠪᠠᠨ ᠬᠤᠷᠢᠶᠠᠯᠭᠠᠪᠠ᠃ | 2 | ᠱᠠᠳᠣᠨ ᠳᠠᠷᠢᠶᠠ ᠪᠤᠷᠳᠣᠭᠠᠨ ᠰᠠᠭᠤᠷᠢᠨ ᠦᠷᠭᠦᠯᠵᠢᠯᠡᠭᠡᠳ᠂ ᠮᠠᠯᠵᠢᠬᠤ ᠣᠷᠣᠨ ᠳ᠋ᠠᠵᠠᠢ ᠠᠴᠠ | ᠰᠣᠷᠣᠯᠴᠠᠭᠠᠳ ᠶᠠᠪ ᠶᠠᠭᠠᠷᠠᠤ᠃ | ᠰᠢᠨᠡ ᠶᠢ ᠡᠭᠦᠳᠦᠨ ᠰᠢᠨᠡ ᠶᠢ ᠪᠦᠳᠦᠭᠡᠬᠦ ᠬᠡᠮᠡᠭᠡᠳ ᠪᠠᠷᠢᠭᠠᠳᠠ ᠶᠢᠨ ᠬᠢᠨ ︽ᠭᠤᠷᠪᠠᠨ ᠭᠤᠣᠯ ᠤᠨ ᠦᠭᠡᠷ | — ᠬᠠᠷᠠ ᠲᠠᠷᠯᠠᠨ ᠪᠣᠬᠠ︾ ᠣᠷᠤᠭᠤᠯᠳ ᠠᠪᠴᠢᠷᠠᠭᠠᠳ ᠨᠤᠳᠤᠭ ᠤᠨ ᠦᠭᠡᠷ ᠲᠡᠭᠡᠨ ︽ᠬᠤᠪᠢᠰᠬᠠᠯ︾ ᠬᠢᠵᠤ | ᠴᠢᠰᠦ ᠶᠢ ᠨᠢ ᠰᠣᠯᠢᠭᠠᠳ᠂ ᠣᠳᠣᠮ ᠢ ᠨᠢ ᠦᠭᠡᠷᠡᠴᠢᠯᠡᠨ ᠣᠭᠰᠠᠭᠠ ᠶᠢ ᠨᠢ ᠬᠠᠯᠠᠵᠦ ᠡᠬᠢᠯᠡᠵᠠᠢ᠃ | ᠭᠦᠭᠰᠢᠨ ᠤᠯᠠᠭᠠᠨ ᠪᠤᠬᠠ ︵ᠰᠣᠶᠣᠯᠠᠩ ᠣᠯᠠᠭᠠᠨ︶ ᠶᠢ ᠬᠡᠷᠭᠢᠨ ᠰᠢᠢᠳᠪᠤᠷᠢᠯᠡᠬᠦ ᠳᠣᠬᠠᠢ ᠨᠡᠯᠢᠶᠡᠳ | ᠦᠭᠡᠢ ᠬᠡᠯᠡ ᠠᠮᠠ ᠪᠣᠯᠤᠭᠰᠠᠨ ᠠᠪᠠᠴᠦ ᠦᠨᠦ ᠬᠠᠷᠠ ᠡᠷᠡ ︵ᠬᠠᠷᠠ ᠬᠦᠦ︶ ᠶᠢᠨ᠄ ︽ᠬᠠᠯᠠᠭᠤᠨ ᠬᠦᠯᠦᠰᠦ | ᠬᠠᠷᠠ ᠬᠦᠴᠦ ᠠᠯᠢ ᠪᠦᠬᠦᠨ ᠢᠶᠠᠨ ᠮᠠᠯ ᠰᠦᠷᠦᠭ ᠤᠨ ᠦᠷᠡᠵᠢᠯᠳᠠ᠂ ᠮᠠᠯᠴᠢᠨ ᠠᠷᠠᠳ ᠤᠨ ᠠᠮᠢᠳᠣᠷᠠᠯ ᠳᠤ | ᠡᠷᠭᠦᠭᠰᠡᠨ ᠭᠦᠭᠰᠢᠨ ᠪᠤᠬᠠ ᠪᠠᠨ ᠪᠣᠰᠣᠳ ᠤᠨ ᠡᠷᠬᠡ ᠦᠷᠦᠭᠡᠯ ᠤᠨ ᠬᠢᠳᠣᠭᠠᠨ ᠳᠤ ᠣᠷᠣᠭᠤᠯᠬᠤ ᠦᠭᠡᠢ︾ | ᠬᠡᠮᠡᠭᠰᠡᠨ ᠭᠠᠭᠴᠠᠮᠤᠰᠤᠨ ᠬᠠᠳᠠᠭᠤ ᠶᠣᠰᠣᠨ ᠳᠤ ᠬᠠᠭ᠋ᠠᠭᠳᠠᠭᠰᠠᠨ ᠲᠠᠷᠤᠭᠠ ᠲᠠᠭᠠᠭᠠᠮᠠᠯ ᠤᠳ ᠴᠦ ᠰᠡᠳᠬᠢᠯ | ᠵᠦᠭᠡᠯᠡᠷᠡᠵᠦ᠂ ᠰᠠᠨᠠᠭᠠ ᠪᠠᠷ ᠨᠢ ᠪᠣᠯᠤᠭᠠᠳ ︽ᠵᠠ ᠴᠢ ᠶᠠᠭᠠᠬᠢᠪᠠᠯ ᠶᠠᠭᠠᠬᠢᠭ︾ ᠭᠡᠰᠡᠨ ᠮᠠᠶ᠋ᠢᠭᠳᠠᠢ ᠬᠦᠭᠰᠢᠨ | ᠣᠯᠠᠭᠠᠨ ᠢ ᠳᠡᠭᠦᠨ ᠳᠤ ᠳᠣᠰᠢᠶᠠᠪᠠ᠃ | ᠳᠡᠭᠡᠬᠦ ᠳᠤ ᠨᠢ ᠬᠠᠷᠠ ᠡᠷᠡ ᠶᠢᠨ ᠬᠠᠳᠠᠩᠬᠢᠷ ᠡᠬᠡᠨᠡᠷ᠂ ᠬᠦᠭᠰᠢᠨ ᠪᠤᠬᠠ ᠶᠢ ᠳᠣᠰᠬᠠᠶᠢᠯᠠᠨ ᠠᠰᠠᠷᠠᠬᠤ ᠬᠠᠷᠠ | ᠠᠯᠪᠠᠨ ᠳᠤ ᠣᠨᠤᠭᠳᠠᠵᠤ᠂ ᠦᠢᠯᠡ ᠪᠠᠨ ᠦᠵᠡᠵᠤ ᠦᠰᠦ ᠪᠠᠨ ᠳᠡᠬᠦᠬᠦ ᠳᠤ ᠳᠣᠯᠣᠭᠰᠠᠨ ᠢ ᠶᠠᠭᠤ ᠶᠢ ᠨᠢ ᠬᠡᠯᠡᠬᠦ | ᠪᠢᠯᠡ︕ ᠬᠠᠰᠢᠶᠠ ᠡᠪᠳᠡᠬᠦ᠂ ᠰᠦᠷᠦᠭ ᠲᠤ ᠨᠡᠶᠢᠯᠡᠬᠦ ᠁ ᠬᠡᠭᠦᠴᠢᠯᠡᠨ ᠭᠦᠭᠰᠢᠨ ᠤᠯᠠᠭᠠᠨ ᠶᠡᠷᠦ ᠨᠢ ᠬᠢᠳᠡᠭ | ᠶᠣᠰᠣᠳᠠᠢ ᠪᠠᠨ ᠬᠢᠭᠦ ᠭᠡᠳ ᠠᠮᠠᠷ ᠪᠠᠶᠢᠳᠠᠭ ᠦᠭᠡᠢ᠃ ᠨᠡᠩ ᠴᠣ᠋ ᠳᠡᠷᠡ ᠡᠳᠦᠷ ᠬᠦᠳᠡᠬᠢ ᠪᠦᠳᠦᠭᠦᠨ ᠪᠡᠶᠡ ᠪᠠᠨ | ᠬᠡᠪ ᠮᠠᠭᠤᠳᠠᠢ ᠲᠡᠨᠳᠡᠭᠴᠡᠭᠦᠯᠦᠭᠰᠡᠨ ᠮᠠᠭᠤ ᠮᠤᠬᠤᠷ — ᠬᠠᠷᠠ ᠲᠠᠷᠯᠠᠨ᠂ ᠲᠠᠷᠭᠤᠨ ᠲᠠᠰᠢᠶᠠ ᠪᠦᠮᠪᠦᠯᠵᠡᠭᠦᠯᠦᠨ | ᠲᠠᠭᠠᠳᠠᠢ ᠨᠠᠶᠢᠷᠳᠠᠢ ᠬᠡᠶᠢᠷᠬᠡᠭᠰᠡᠨ ᠪᠢᠴᠢᠬᠠᠨ ᠬᠠᠯᠢᠭᠤᠨ ᠢ ᠬᠤᠪᠢᠯᠠᠨ ᠡᠵᠡᠷᠭᠡᠭᠡᠳ ᠬᠦᠭᠡᠭᠡᠴᠡᠯᠳᠣᠨ ᠦᠩᠭᠡᠷᠡᠬᠦ ᠶᠢ | ᠬᠠᠷᠠᠭᠰᠠᠨ ᠬᠦᠭᠰᠢᠨ ᠤᠯᠠᠭᠠᠨ ᠤ ᠠᠳᠠᠭᠠ ᠵᠢᠳᠦᠭᠡ᠂ ᠠᠭᠤᠷ ᠣᠮᠤᠭ ᠬᠤᠣᠰᠯᠠᠨ ᠢᠷᠡᠬᠦ ᠪᠠᠷ ᠪᠣᠷᠭᠠᠰᠣᠨ ᠬᠠᠰᠢᠶᠠ | ᠶᠢ ᠢᠪ ᠳᠠᠷᠣᠨ ᠭᠠᠷᠴᠦ᠂ ᠡᠵᠡᠷᠬᠡᠭ ᠦᠵᠡᠯ ᠰᠢᠨᠤᠬᠠᠢ ᠳᠠᠴᠢᠶᠠᠯ ᠳᠠᠭᠠᠨ ᠬᠦᠭᠡᠷᠦᠨ ᠮᠣᠨᠣᠭᠠᠳ ᠠᠭᠰᠠᠨ ᠮᠠᠭᠤ | ᠮᠣᠬᠤᠷ ᠢ ᠶᠠᠭᠤ ᠶᠠᠭᠤ ᠶᠢ ᠨᠢ ᠮᠡᠳᠡᠬᠦ ᠠᠴᠠ ᠡᠮᠤᠨᠠ ᠳᠦᠷᠪᠡᠨ ᠮᠦᠴᠢ ᠶᠢ ᠨᠢ ᠲᠡᠭᠷᠢ ᠬᠠᠨᠳᠣᠭᠤᠯᠣᠭᠠᠳ | ᠵᠠᠪᠳᠣᠵᠠᠢ᠃ | ᠪᠠᠷᠢᠭᠠᠳᠠ ᠶᠢᠨ ᠬᠢᠨ ᠠᠭᠤᠷᠰᠠᠵᠤ᠂ ᠬᠠᠷᠠ ᠡᠷᠡ ᠶᠢ ᠬᠠᠳᠠᠩᠬᠢᠷ ᠡᠭᠡᠨᠡᠷ ᠲᠠᠢ ᠨᠢ ᠵᠢᠮᠡᠯᠡᠨ ᠲᠣᠩᠭᠤᠳᠣᠭᠠᠳ | ᠵᠣᠭᠰᠣᠭᠰᠠᠨ ᠦᠭᠡᠢ ᠨᠢᠭᠡᠳᠦᠯ ᠤᠨ ᠮᠠᠯ ᠤᠨ ᠡᠮᠴᠢ ᠶᠢ ᠵᠠᠯᠠᠭᠠᠳ ᠠᠶᠢᠯ ᠤᠨ ᠢᠳᠡᠷ ᠵᠠᠯᠠᠭᠤᠴᠣᠳ ᠢ ᠠᠷᠪᠠ ᠬᠤᠷᠢ | ᠪᠠᠷ ᠴᠣᠭᠯᠠᠭᠤᠯᠣᠨ ᠦᠭᠡᠷ ᠮᠣᠷᠢᠨ ᠤ ᠬᠦᠴᠦᠨ ᠭᠠᠷᠭᠠᠨ ᠦᠬᠦᠵᠦ ᠰᠡᠭᠡᠬᠦ ᠶᠢᠨ ᠲᠡᠮᠡᠴᠡᠯ ᠬᠢᠵᠦ ᠪᠠᠶᠢᠭᠠᠳ | ᠬᠦᠭᠰᠢᠨ ᠤᠯᠠᠭᠠᠨ ᠤ ᠦᠷᠡ ᠶᠢ ᠨᠢ ᠳᠠᠰᠣᠯᠵᠤ ᠦᠷᠡᠵᠢᠯ ᠢ ᠨᠢ ᠬᠤᠷᠢᠭᠠᠳ ᠰᠠᠶ᠋ᠢ ᠰᠠᠨᠠᠭᠠ ᠲᠦᠭᠦᠷᠴᠦ ᠰᠡᠳᠬᠢᠯ | ᠠᠮᠠᠷᠠᠵᠠᠭᠠᠵᠠᠢ᠃ | ᠭᠦᠭᠰᠢᠨ ᠤᠯᠠᠭᠠᠨ ᠤ ᠪᠦᠳᠦᠭᠦᠨ ᠨᠢᠳᠤᠨ ᠠᠴᠠ ᠬᠢᠯᠢᠩ ᠬᠤᠷᠤᠰᠣᠯ ᠤᠨ ᠬᠦᠬᠡ ᠭᠠᠯ ᠪᠠᠳᠠᠷᠠᠨ | ᠣᠴᠢᠯᠠᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠤᠳᠠᠯ ᠦᠭᠡᠢ ᠭᠤᠮᠤᠳᠠᠯ ᠭᠤᠳᠣᠷᠠᠯ ᠤᠨ ᠳᠣᠭᠤᠯᠠᠩ ᠨᠢᠯᠪᠤᠰᠣ ᠪᠣᠯᠵᠤ ᠪᠦᠮᠪᠦᠷᠢᠪᠡ᠃ | ᠳᠡᠷᠡ ᠢᠳᠡᠬᠦ ᠦᠭᠡᠢ ᠤᠤᠭᠤᠬᠤ ᠦᠭᠡᠢ ᠬᠡᠳᠦᠨ ᠡᠳᠦᠷ ᠢᠶᠠᠷ ᠬᠠᠷᠠ ᠡᠷᠡ ᠬᠠᠳᠠᠩᠬᠢᠷ ᠡᠭᠡᠨᠡᠷ ᠤᠨ ᠬᠠᠰᠢᠶᠠᠨ | ᠪᠣᠯᠤᠩ ᠳᠤ ᠬᠡᠪᠳᠡᠨ ᠪᠠᠶᠢᠭᠰᠠᠨ ᠢᠶᠠᠨ ᠨᠢᠭᠡᠨ ᠰᠦᠨᠢ ᠶᠢᠨ ᠬᠠᠷᠠᠩᠭᠤᠢ ᠶᠢ ᠵᠠᠪᠰᠢᠨ ᠬᠠᠰᠢᠶᠠ ᠡᠪᠳᠡᠭᠡᠳ ᠠᠯᠠᠭᠠ | ᠪᠣᠯᠵᠠᠢ᠃ | | ᠰᠠᠷᠠ ᠶᠢᠨ ᠳᠠᠷᠠᠭᠠ ᠬᠦᠭᠰᠢᠨ ᠤᠯᠠᠭᠠᠨ᠂ ᠰᠦᠷᠦᠭ ᠤᠨ ᠢᠶᠠᠨ ᠳᠡᠷᠭᠡᠳᠡ ᠰᠦᠷ ᠳᠠᠳᠠᠨ ᠳᠠᠬᠢᠨ | ᠢᠯᠡᠷᠡᠵᠠᠢ᠃ ᠣᠳᠣ ᠳᠡᠬᠦᠨ ᠳᠤ ᠦᠨᠢᠶᠡ ᠬᠦᠭᠡᠭᠡᠵᠦ ᠭᠤᠨᠵᠢ ᠡᠷᠭᠢᠭᠦᠯᠬᠦ ᠰᠠᠨᠠᠭᠠ ᠰᠡᠳᠬᠢᠯᠭᠡ ᠭᠡᠵᠤ ᠶᠠᠭ ᠳᠠᠭ | ᠪᠣᠯᠣᠭᠰᠠᠨ ᠨᠢ ᠲᠣᠳᠣᠷᠬᠠᠢ᠃ ᠬᠠᠷᠢᠨ ᠪᠦᠳᠦᠭᠦᠨ ᠨᠢᠳᠦ ᠪᠠᠨ ᠭᠦᠯᠢᠪᠡᠯᠵᠡᠭᠦᠯᠦᠨ᠂ ᠦᠰᠢᠶᠡᠳᠡᠨ ᠳᠠᠶᠢᠰᠣᠨ | — ᠬᠠᠷᠠ ᠲᠠᠷᠯᠠᠨ ᠬᠠᠮᠢᠭᠠ ᠪᠠᠶᠢᠨᠠ ᠬᠡᠳ ᠰᠢᠭᠤᠳ ᠲᠠᠯᠪᠢᠭᠠᠳ ᠬᠦᠷᠦᠯᠡ᠃ | ᠬᠠᠷᠠ ᠲᠠᠷᠯᠠᠨ᠂ ᠬᠠᠶᠢᠷᠬᠠᠨ ᠢᠶᠠᠨ ᠴᠢᠮᠬᠢᠭᠦᠯᠵᠤ ᠬᠠᠪᠳᠠᠭᠠ ᠪᠠᠨ ᠶᠡᠭᠦᠯᠡᠭᠦᠯᠦᠭᠰᠡᠨ ᠭᠦᠭᠰᠢᠨ ᠣᠯᠠᠭᠠᠨ ᠢ ᠪᠠᠰᠣᠬᠤ | ᠳᠣᠣᠷᠠᠰᠢᠶᠠᠬᠤ ᠪᠣᠳᠣᠯ ᠣᠷᠣᠵᠤ ᠠᠪᠤᠬᠰᠠᠨ ᠪᠣᠯᠪᠠᠴᠣ᠂ ᠳᠦᠷᠦᠭᠦᠬᠡᠨ ᠳᠤ ᠰᠠᠶ᠋ᠢ ᠯᠡ ᠳᠦᠷᠪᠡᠨ ᠮᠦᠴᠢ ᠪᠠᠨ | ᠳᠡᠭᠷᠢ ᠦᠭᠡᠳᠡ ᠳᠠᠷᠠᠶᠢᠯᠭᠡᠭᠡᠳ᠂ ᠪᠢᠷᠠᠭᠤ ᠰᠢᠳᠦᠯᠡᠩ᠂ ᠭᠤᠨᠵᠢ ᠲᠦᠨᠵᠢ ᠶᠢᠨ ᠳᠣᠭᠤᠬᠢ ᠪᠣᠯᠣᠭᠰᠠᠨ ᠢᠶᠠᠨ ᠰᠠᠨᠠᠵᠤ | ᠂ ᠪᠦᠳᠦᠭᠦᠨ ᠪᠡᠶᠡ ᠪᠠᠨ ᠤᠬᠤᠷᠢᠰᠬᠢᠨ᠂ ᠮᠣᠬᠤᠷ ᠳᠣᠯᠤᠭᠠᠢ ᠪᠠᠨ ᠰᠣᠨᠣᠰᠬᠢᠨ᠂ ᠭᠦᠭᠰᠢᠨ ᠤᠯᠠᠭᠠᠨ ᠤ ᠵᠢᠳᠡᠨ | ᠡᠪᠡᠷ ᠲᠤ ᠰᠡᠭᠯᠡᠭᠳᠡᠬᠦ ᠠᠴᠠ ᠰᠡᠷᠭᠡᠶᠢᠯᠡᠨ ᠬᠢᠴᠢᠶᠡᠮᠳᠡᠶᠢᠬᠡᠨ ᠬᠦᠯᠢᠶᠡᠵᠤ ᠵᠣᠭᠰᠣᠵᠠᠢ᠃ | ᠬᠦᠭᠰᠢᠨ ᠤᠯᠠᠭᠠᠨ᠂ ᠬᠠᠷᠠ ᠲᠠᠷᠯᠠᠨ ᠤ ᠰᠠᠨᠠᠭᠠ ᠶᠢ ᠨᠢ ᠲᠠᠭᠠᠭᠤᠯᠣᠨ ᠮᠣᠬᠤᠷ ᠳᠣᠯᠤᠭᠠᠢ ᠶᠢ ᠨᠢ | ᠰᠡᠯᠡᠮᠡᠨ ᠬᠤᠶᠠᠷ ᠡᠪᠡᠷ ᠢᠶᠠᠷ ᠢᠶᠠᠨ ᠬᠠᠪᠴᠢᠨ ᠳᠣᠯᠵᠤ ᠠᠪᠤᠮᠠᠭᠴᠠ ᠡᠮᠤᠨᠠ ᠬᠤᠶᠠᠷ ᠬᠦᠯ ᠳᠡᠭᠡᠷᠡ ᠪᠠᠨ ᠪᠡᠶᠡ ᠪᠠᠨ | ᠳᠣᠭᠳᠠᠭᠠᠨ᠂ ᠬᠤᠶᠢᠳᠣ ᠬᠤᠶᠠᠷ ᠬᠦᠯ ᠢᠶᠠᠨ ᠳᠡᠶᠢᠷᠦᠰᠬᠢᠬᠦ ᠪᠠᠷ ᠪᠦᠬᠦ ᠪᠡᠶᠡᠨ ᠤ ᠬᠢᠨᠢ ᠬᠠᠷᠠ ᠬᠦᠴᠦ᠂ ᠬᠠᠷᠠ | ᠲᠠᠷᠯᠠᠨ ᠤ ᠡᠰᠡᠷᠭᠦᠯᠡᠨ ᠲᠣᠯᠣᠭᠰᠠᠨ ᠪᠦᠳᠦᠭᠦᠨ ᠮᠣᠬᠤᠷ ᠳᠣᠯᠤᠭᠠᠢ ᠦᠭᠡᠳᠡ ᠳᠦᠪᠯᠡᠷᠡᠨ ︽ᠳᠦᠱ︾ ᠬᠢᠨ | ᠳᠣᠰᠳᠠᠯᠠ ︽ᠱᠠᠷ︾ ᠬᠡᠬᠦ ᠪᠢᠳᠡᠬᠦᠦ ᠳᠠᠭᠤᠨ ᠭᠠᠷᠣᠭᠠᠳ ᠮᠣᠬᠤᠷ ᠲᠡᠷᠯᠡᠨ ᠨᠣᠭᠳᠣᠰᠬᠢᠨ ᠰᠦᠭᠦᠳᠪᠡ᠃ | ᠮᠣᠬᠤᠷ ᠲᠠᠷᠯᠠᠨ ᠤ ᠠᠮᠠᠨ ᠬᠦᠵᠤᠬᠦᠦ ᠨᠢ ᠮᠣᠯᠳᠣᠷᠠᠨ᠂ ᠪᠦᠳᠦᠭᠦᠨ ᠳᠣᠯᠤᠭᠠᠢ ᠨᠢ ᠴᠡᠭᠡᠵᠢᠨ ᠬᠦᠨᠳᠡᠢ ᠤᠷᠤᠭᠤ | ᠪᠠᠨ ᠰᠢᠷᠭᠤᠴᠢᠨ ᠣᠬᠤᠷᠢᠨ ᠰᠠᠭᠤᠬᠰᠠᠨ ᠪᠠᠶᠢᠵᠠᠢ᠃ | ᠁ | ᠭᠦᠭᠰᠢᠨ ᠤᠯᠠᠭᠠᠨ᠂ ᠮᠣᠬᠤᠷ ᠲᠠᠷᠯᠠᠨ ᠤ ᠬᠡᠨ ᠠᠯᠢᠨ ᠴᠦ ᠲᠠᠬᠢᠵᠦ ᠲᠠᠬᠢᠵᠦ ᠬᠠᠷᠠᠭᠳᠠᠭᠰᠠᠨ ᠦᠭᠡᠢ᠃ | ᠪᠢᠷᠠᠭᠤᠨ ᠪᠣᠬᠠ᠂ ᠰᠢᠳᠦᠯᠡᠩ ᠦᠬᠡᠷ ᠣᠷᠣᠭᠠᠨ ᠤ ᠦᠨᠢᠶᠡᠳ ᠪᠣᠯᠢᠶᠡᠯᠳᠣᠭᠠᠳ ᠶᠡᠬᠡᠯᠡ ᠶᠠᠭᠠᠷᠠᠣ᠃ | 3 | ᠰᠠᠯᠬᠢ ᠢᠰᠭᠡᠷᠣᠨ ᠳᠣᠭᠤᠰᠣ ᠮᠠᠨᠠᠷᠠᠭᠠᠳ᠂ ᠳᠡᠭᠷᠢ ᠭᠠᠵᠠᠷ ᠨᠠᠶᠢᠯᠡᠮᠡᠷ ᠵᠠᠩᠨᠠᠨᠠ᠃ | ᠠᠶᠢᠯ ᠤᠳ ᠤᠨ ᠭᠠᠳᠠᠨᠠ ᠬᠤᠪᠢᠳᠠᠵᠦ ᠣᠯᠣᠭᠰᠠᠨ ᠮᠠᠯ ᠣᠨᠤᠭᠠ ᠭᠡᠵᠦ ᠴᠦᠬᠡᠨ ᠭᠡᠳᠦ ᠯᠡ ᠬᠠᠷᠠᠬᠳᠠᠬᠤ | ᠪᠦᠭᠡᠳ ᠦᠵᠡᠬᠦ ᠶᠢᠨ ᠳᠦᠷᠢ ᠦᠬᠡᠢ ᠳᠡᠬᠡᠶᠢᠵᠤ ᠱᠣᠪᠳᠣᠶᠢᠭᠰᠠᠨ ᠪᠤᠭᠤᠷᠤᠯ ᠰᠡᠷᠡᠯ ᠶᠢᠰᠦᠨ ᠦᠩᠬᠡ ᠶᠢᠨ ᠶᠠᠭᠤᠮᠠᠰ | ᠡᠪᠡᠶᠢᠵᠦ ᠲᠡᠪᠡᠶᠢᠨ ᠭᠤᠶᠢᠭᠤᠷᠠᠵᠠᠭᠠᠨᠠ᠃ | ᠲᠡᠭᠡᠷᠡ ᠠᠴᠠ ᠵᠠᠬᠢᠶᠠ ᠵᠢᠭᠠᠪᠣᠷᠢ ᠭᠡᠵᠤ ᠴᠠᠰᠣᠨ ᠯᠠᠪᠰᠠ ᠮᠡᠳᠦ ᠪᠠᠭᠤᠵᠤ᠂ ᠮᠠᠯᠴᠢᠨ ᠠᠷᠠᠳ ᠢ ᠪᠠᠶᠠᠵᠢᠨ | ᠴᠢᠨᠡᠭᠡᠯᠢᠭᠵᠢᠭᠦᠯᠬᠦ ᠳᠦᠷᠦ ᠶᠢᠨ ᠪᠣᠳᠣᠯᠭᠠ ᠪᠠᠴᠢᠮ ᠲᠣᠯᠭᠠᠭᠤ ᠮᠣᠷᠢᠯᠠᠨ ᠰᠠᠭᠠᠳᠠᠨᠠ᠃ | ︽ᠮᠠᠯ ᠤᠨ ᠳᠤᠭᠠ ᠶᠢ ᠪᠠᠭᠠᠰᠬᠠᠵᠤ ᠴᠢᠨᠠᠷ ᠴᠢᠨᠰᠠᠭᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠦᠨᠡ᠃ ᠬᠦᠮᠦᠨ ᠤ | ᠬᠠᠷᠢᠴᠡᠯ ᠢᠶᠠᠷ ᠬᠢᠵᠠᠭᠠᠷᠯᠠᠵᠦ ᠪᠡᠯᠴᠢᠭᠡᠷ ᠤᠨ ᠳᠠᠭᠠᠭᠠᠴᠠ ᠳᠤ ᠵᠣᠬᠢᠴᠠᠭᠤᠯᠤᠨᠠ᠃ ᠣᠷᠣᠨ ᠤ ᠦᠭᠡᠷ ᠢ | ᠬᠤᠳᠠᠯᠳᠣᠵᠤ ᠰᠠᠭᠠᠯᠢ ᠶᠢᠨ ᠦᠨᠢᠶᠡ ᠳᠡᠵᠢᠭᠡᠨᠠ᠃ ᠨᠤᠳᠤᠭ ᠤᠨ ᠢᠮᠠᠭᠠ ᠶᠢ ᠤᠰᠠᠳᠬᠠᠵᠤ ᠪᠡᠯᠴᠢᠭᠡᠷ ᠣᠰᠣ ᠪᠠᠨ | ᠬᠠᠮᠠᠭᠠᠯᠠᠨᠠ᠃ ᠪᠡᠯᠴᠢᠭᠡᠷᠯᠡᠬᠦᠯᠦᠨ ᠮᠠᠯᠵᠢᠬᠤ ᠶᠢ ᠴᠠᠭᠠᠵᠠᠯᠠᠵᠦ ᠬᠤᠷᠢᠵᠤ ᠲᠡᠵᠢᠭᠡᠬᠦ ᠶᠢ ᠬᠡᠷᠡᠭᠵᠢᠭᠦᠯᠦᠨᠡ᠃ ᠡᠯᠡᠰᠦ | ᠮᠠᠩᠬᠠ ᠶᠢ ᠪᠢᠳᠡᠭᠦᠮᠵᠢᠯᠡᠵᠤ ᠬᠤᠳᠠᠴᠢᠯᠠᠯᠳᠠ ᠶᠢᠨ ᠠᠯᠬᠤᠮ ᠢ ᠲᠦᠷᠭᠡᠳᠭᠡᠨᠡ ᠁︾ | ᠁ | ︽ᠪᠤᠬᠠᠨ ᠪᠦᠭᠡᠷᠡ ᠶᠢ ᠠᠪᠬᠤ ᠬᠡᠷᠡᠭᠳᠡᠢ᠂ ᠨᠢᠭᠡ ᠶᠢ ᠴᠣ᠋ ᠦᠯᠡᠳᠡᠭᠡᠯ ᠦᠭᠡᠢ ᠪᠦᠬᠦᠨ ᠢ ᠠᠪᠬᠤ ᠬᠡᠷᠡᠭᠳᠡᠢ | ︾ | ᠰᠢᠨᠡ ᠰᠡᠪᠡᠭᠦᠨ ᠵᠠᠷᠯᠢᠭ ᠵᠠᠬᠢᠶᠠ ᠳᠠᠬᠢᠨᠳᠠ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠯᠡ᠃ | — ᠪᠣᠷᠬᠠᠨ ᠭᠤᠷᠪᠠᠨ ᠡᠷᠳᠡᠨᠢ ᠡ︕ ᠪᠣᠬᠠ ᠨᠢ ᠪᠦᠭᠡᠷᠡ ᠦᠭᠡᠢ ᠁ ᠦᠨᠦ ᠡᠷᠳᠡᠨᠢ ᠨᠢ ᠦᠭᠡᠢ | ᠪᠠᠷ ᠶᠠᠭᠠᠬᠢᠵᠤ ᠁ | — ᠡᠵᠡᠭᠡᠢ ᠡ︕ ᠦᠨᠢᠶᠡ ᠨᠢ ᠳᠡᠭᠡᠭᠡᠳ ᠶᠠᠭᠠᠬᠢᠵᠤ ᠬᠡᠭᠡᠯᠳᠣᠭᠡᠳ ᠡᠶᠢᠵᠤ ᠳᠦᠷᠦᠳᠡᠭ ᠶᠤᠮ ᠪᠣᠯ︖ | | ᠁ | — ᠭᠠᠳᠠᠭᠠᠳᠣ ᠭᠦᠷᠦᠨ ᠤ ᠢᠴᠡᠭᠡᠯ ᠴᠣ᠋ ᠬᠡᠨᠡᠤ ᠬᠦᠯᠳᠡᠬᠦᠦ ᠴᠣ᠋ ᠬᠡᠨᠡᠣ ︽ᠰᠢᠯᠢᠳᠡᠭ ᠦᠷᠡ︾ ᠭᠡᠨᠡ ᠁ | | ᠮᠠᠩᠬᠠᠨ ᠪᠣᠯᠣᠩ ᠤᠨ ᠮᠠᠯᠴᠢᠳ᠂ ᠠᠭᠤᠯᠠᠨ ᠵᠢᠯᠠᠭᠠ ᠶᠢᠨ ᠠᠳᠣᠭᠤᠴᠢᠳ ᠁ ︽ᠪᠠᠶᠢᠭᠠᠯᠢ ᠣᠷᠴᠢᠨ | ᠲᠠᠢ ᠪᠠᠨ ᠵᠣᠬᠢᠴᠠᠯᠠ︾ ᠭᠡᠵᠦ ᠦᠪᠡᠷᠰᠡᠳ ᠢᠶᠠᠨ ᠪᠣᠳᠣᠳᠠᠭ ᠤᠨ ᠣᠴᠢᠷ ︽ᠪᠠᠯᠠᠷᠯᠢᠭ ᠠᠵᠦ ᠠᠬᠤᠶᠢᠯᠠᠯ︾ ᠠᠴᠠ | ᠨᠢ ᠴᠢᠯᠦᠭᠡᠯᠡᠵᠦ᠂ ︽ᠰᠢᠨᠵᠢᠯᠡᠬᠦ ᠣᠬᠠᠭᠠᠨᠴᠢ ᠪᠠᠷ ᠮᠠᠯᠵᠢᠬᠤ︾ ᠭᠡᠭᠴᠢ ᠶᠢ ᠨᠢ ᠣᠶᠢᠯᠠᠭᠠᠵᠣ ᠶᠠᠳᠠᠨ ᠭᠠᠶᠢᠬᠠᠯᠳᠣᠬᠤ | ᠶᠢ ᠬᠡᠨ ᠪᠣᠷᠣᠭᠤ ᠭᠡᠬᠦ ᠪᠢᠯᠠ︕ | ᠳᠡᠭᠡᠳᠤ ᠱᠠᠳᠣᠨ ᠠᠴᠠ ᠢᠷᠡᠭᠰᠡᠨ ᠬᠦᠮᠦᠰ᠂ ᠬᠠᠷᠠ ᠡᠪᠤᠭᠡᠨ ︵ᠬᠠᠷᠠ ᠬᠦᠦ︶ ᠤ ᠬᠠᠯᠢᠭᠤᠨ ᠬᠦᠷᠡᠩ | ᠰᠢᠳᠦᠯᠡᠩ ᠪᠤᠬᠠ ᠠᠴᠠ ᠡᠬᠢᠯᠡᠨ ᠮᠠᠯ ᠲᠠᠢ ᠬᠡᠳᠣᠨ ᠠᠶᠢᠯ ᠤᠨ ᠬᠠᠷᠠ ᠠᠯᠠᠭ᠂ ᠰᠢᠷᠠ ᠠᠯᠠᠭ ᠁ ᠶᠢᠰᠦᠨ | ᠦᠩᠬᠡ ᠶᠢᠨ ᠠᠷᠪᠠᠭᠠᠳ ᠪᠢᠷᠠᠭᠤᠨ ᠪᠣᠬᠠ ᠶᠢ ᠬᠦᠢ ᠪᠠᠶᠢᠵᠠ ᠶᠢ ᠬᠦᠯᠢᠶᠡᠯ ᠦᠭᠡᠢ ᠵᠠᠬᠠ ᠳᠠᠷᠠᠭᠠᠯᠠᠨ ᠴᠠᠭᠠᠯᠠᠵᠤ | ᠬᠠᠶᠠᠭᠠᠳ ᠡᠭᠦᠷᠭᠡ ᠪᠠᠨ ᠠᠮᠵᠢᠯᠳᠠ ᠲᠠᠢ ᠪᠡᠶᠡᠯᠡᠭᠦᠯᠦᠨ ᠰᠡᠳᠬᠢᠯ ᠨᠢ ᠠᠮᠠᠷᠠᠨ ᠲᠠᠶᠢᠳᠬᠤᠷᠠᠭᠰᠠᠨ ᠪᠤᠯᠤᠯᠳᠠᠢ | ᠬᠦᠭᠡᠷᠦᠯᠳᠣᠨ ᠨᠠᠷᠬᠢᠵᠤ ᠭᠠᠷᠣᠯᠠ᠃ | ᠲᠡᠭᠡᠨ ᠪᠠᠶᠢᠳᠠᠯᠠ ᠶᠠᠭᠤᠮᠠᠨ ᠳᠤ ᠲᠣᠷᠠ ᠲᠠᠢ ᠨᠢᠭᠡ ᠨᠢ ᠴᠠᠭᠠᠯᠠᠵᠦ ᠬᠠᠶᠠᠭᠰᠠᠨ ᠪᠣᠬᠠᠨ | ᠪᠦᠭᠡᠷᠡ ᠨᠦᠭᠦᠳ ᠢ ᠴᠤᠬᠯᠠᠭᠤᠯᠤᠨ ᠣᠭᠤᠳᠠᠯᠠᠭᠠᠳ ︽ᠰᠢᠷᠠᠵᠤ ᠢᠳᠡᠪᠡᠯ ᠴᠢᠬᠢ ᠣᠬᠳᠣᠯᠪᠠᠴᠤ ᠮᠡᠳᠡᠬᠦ ᠦᠭᠡᠢ ᠁ | ᠲᠡᠭᠡᠷᠡ ᠨᠢ ᠲᠡᠭᠡᠭᠡᠳ ᠬᠤᠶᠠᠷ ᠣᠣᠭᠤᠴᠢᠬᠤ ᠶᠠᠭᠤᠮᠠ ᠲᠠᠢ ᠪᠣᠯ︾ ᠭᠡᠳ ᠦᠵᠦᠬᠦᠷ ᠦᠭᠡᠢ ᠣᠯᠵᠠᠷᠬᠠᠨ | ᠬᠦᠭᠡᠷᠴᠦ ᠪᠠᠶᠢᠳᠠᠯᠠ ᠠᠯᠢ ᠬᠡᠳᠦᠶᠢᠨ ᠠᠴᠠ ᠠᠭᠤᠷᠯᠠᠨ ᠲᠡᠨᠴᠢᠭᠦᠷᠡᠵᠦ ᠪᠠᠶᠢᠬᠰᠠᠨ ᠬᠠᠷᠠ ᠡᠪᠤᠬᠡᠨ ᠤ ᠠᠭᠤᠰᠬᠢ | ᠵᠢᠷᠦᠬᠡ ᠳᠡᠯᠪᠡᠷᠡᠮᠡᠷ ᠪᠣᠯᠵᠤ᠄ | ︽ᠡᠨᠡ ᠪᠤᠯ ᠮᠠᠯ ᠤᠨ ᠮᠢᠨᠢ ᠬᠡᠶᠢᠮᠦᠷᠢ ᠬᠡᠰᠢᠭ᠃ ᠮᠠᠯᠴᠢᠨ ᠬᠦᠮᠦᠨ ᠢᠳᠡᠬᠦ ᠶᠢ ᠪᠠᠶᠢᠴᠢᠬᠠ ᠨᠤᠬᠠᠢ ᠳᠤ | ᠪᠠᠨ ᠴᠤ ᠦᠭᠳᠡᠭ ᠦᠭᠡᠢ ᠶᠤᠮ︾ ᠬᠡᠳ ᠪᠤᠯᠢᠶᠠᠬᠤ ᠰᠢᠤᠬᠠᠨ ᠰᠢᠭᠦᠷᠤᠨ ᠠᠪᠣᠮᠠᠭᠴᠠ ᠣᠮᠠᠷᠠ ᠵᠦᠭ ᠴᠢᠭᠯᠡᠨ | ᠭᠦᠶᠦᠭᠰᠡᠭᠡᠷ ᠠᠶᠢᠯ ᠠᠴᠠ ᠵᠠᠶᠢᠳᠠᠭᠤᠬᠠᠨ ᠪᠠᠶᠢᠭᠠ ᠨᠠᠮᠬᠠᠨ ᠬᠦᠳᠦᠯ ᠲᠡᠭᠡᠷᠡ ᠭᠠᠷᠣᠭᠠᠳ ᠵᠣᠭᠰᠣᠪᠠ᠃ ᠲᠡᠷᠡ ᠬᠠᠨ | ᠬᠠᠶᠢᠷᠬᠠᠨ ᠦᠭᠡᠳᠡ ᠪᠠᠨ ᠬᠠᠨᠳᠣᠨ ᠰᠦᠭᠦᠳᠦᠨ ᠮᠦᠷᠭᠦᠭᠡᠳ᠂ ᠦᠨᠦ ᠡᠵᠡᠨ ᠠᠴᠠ ᠪᠠᠨ ᠰᠠᠯᠣᠭᠠᠳ ᠦᠨᠡ ᠪᠡᠨᠡ | ᠪᠠᠨ ᠠᠯᠳᠠᠭᠰᠠᠨ ᠡᠷᠳᠡᠨᠢ ᠨᠦᠭᠦᠳ ᠢᠶᠠᠨ ᠡᠪᠳᠡᠶᠢᠬᠢᠨ ᠭᠠᠵᠠᠷ ᠰᠣᠩᠭᠤᠨ ᠪᠠᠶᠢᠵᠦ ᠬᠢᠴᠢᠶᠡᠮᠵᠢᠳᠡᠶᠢᠬᠢᠨ ᠪᠣᠯᠠᠵᠤ | ᠳᠠᠯᠪᠢᠵᠠᠢ᠃ | | ᠨᠠᠷᠠᠨ ᠤ ᠲᠣᠣᠷᠠ ᠨᠠᠰᠣ ᠪᠠᠷ ᠢᠶᠠᠨ ᠶᠠᠪᠣᠵᠦ᠂ ᠰᠦᠷᠦᠭ ᠤᠨ ᠢᠶᠠᠨ ᠲᠡᠷᠭᠡᠳᠡ ᠪᠡᠶᠡ ᠪᠠᠨ ᠡᠯᠡᠭᠡᠭᠰᠡᠨ | ᠬᠠᠷᠠ ᠡᠪᠤᠬᠡᠨ᠂ ᠪᠣᠳᠣᠯ ᠳᠠᠭᠠᠨ ᠳᠠᠷᠤᠬᠳᠠᠨ ᠰᠡᠳᠬᠢᠯ ᠢᠶᠠᠷ ᠣᠨᠠᠭᠠᠳ ᠪᠠᠶᠢᠨ ᠲᠠᠬᠢᠨ ᠮᠡᠯᠡᠷᠡᠨ ᠭᠦᠯᠢᠷᠡᠬᠦ ᠪᠣᠯᠵᠠᠢ᠃ | | ᠰᠦᠷ ᠪᠠᠳᠠᠷᠠᠭᠤᠯᠤᠨ ᠰᠦᠷᠦᠭ ᠢᠶᠠᠨ ᠡᠵᠡᠯᠡᠭᠰᠡᠨ ᠪᠦᠳᠦᠭᠦᠨ ᠬᠠᠷᠠ᠂ ᠰᠣᠶᠤᠯᠠᠩ ᠤᠯᠠᠭᠠᠨ ᠨᠢ | ᠪᠣᠳᠣᠬᠳᠠᠨᠠ᠃ | ᠬᠦᠳᠡᠬᠢ ᠪᠦᠳᠦᠭᠦᠨ ︽ᠬᠦᠭᠡᠷᠦᠬᠦᠢ ᠮᠤᠬᠤᠷ︾ ᠬᠠᠷᠠ ᠲᠠᠷᠯᠠᠨ ᠨᠢ ᠴᠤ ᠰᠠᠨᠠᠭᠠᠨ ᠳᠤ ᠨᠢ ᠣᠷᠣᠨᠠ᠃ | ᠬᠠᠰ ᠢᠶᠠᠨ ᠬᠤᠰᠣᠭᠤᠯᠵᠦ ᠬᠠᠪᠳᠠᠭ ᠢᠶᠠᠨ ᠰᠣᠯᠠᠯᠠᠭᠤᠯᠤᠬᠰᠠᠨ ᠦᠨᠦ ᠮᠠᠭᠤ ᠰᠠᠶᠢᠨ ᠪᠤᠬᠠᠨᠳᠠᠢ ᠨᠤᠭᠤᠳ | ᠨᠢ ︽ᠡᠷᠳᠡᠨᠢ ᠶᠢ ᠮᠢᠨᠢ ᠠᠪᠴᠢᠷᠠ ᠁ ᠬᠤᠷᠣ ᠶᠣᠷᠣ ᠶᠢᠨ ᠬᠤᠪᠠᠭ᠋ᠠᠢ ᠬᠠᠷᠠ ᠴᠢ ᠁︾ ᠭᠡᠳ ᠲᠠᠯᠠ | ᠲᠠᠯᠠ ᠠᠴᠠ ᠨᠢ ᠭᠦᠯᠦᠶᠢᠨ ᠴᠠᠶᠢᠪᠠᠶᠢᠭᠠᠳ ᠪᠠᠶᠢᠬᠤ ᠨᠢ ᠦᠵᠡᠭᠳᠡᠵᠦ ᠬᠠᠷᠠᠭᠳᠠᠵᠦ ᠪᠠᠶᠢᠮᠠᠷ ᠰᠠᠨᠠᠭᠳᠠᠨᠠ ᠁ | ᠬᠠᠷᠠ ᠡᠪᠦᠭᠡᠨ ᠤ ᠲᠣᠳᠣᠷᠠ ᠰᠢᠷᠬᠠᠯᠠᠨ ᠰᠢᠨᠠᠯᠵᠦ᠂ ᠮᠠᠯ ᠰᠦᠷᠦᠭ᠂ ᠮᠠᠯᠴᠢᠨ ᠲᠦᠮᠡᠨ ᠳᠡᠭᠡᠨ ᠶᠠᠯᠠ | ᠨᠢᠭᠦᠯ ᠬᠢᠭᠰᠡᠨ ᠰᠢᠭ ᠯᠡ ᠪᠣᠳᠣᠭᠳᠠᠬᠤ ᠪᠦᠭᠡᠳ ᠨᠡᠶᠢᠭᠡᠮ ᠨᠡᠶᠢᠳᠡ ᠵᠠᠰᠠᠭ ᠲᠦᠷᠦ ᠳᠡᠭᠡᠨ ᠣᠰᠣᠯ ᠪᠣᠷᠣᠭᠤ ᠲᠠᠢ | ᠶᠠᠪᠣᠭᠰᠠᠨ ᠰᠢᠭ᠋ ᠯᠡ ᠰᠠᠨᠠᠭᠳᠠᠭᠠᠳ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢᠨ ᠨᠠᠶᠢᠳᠠᠪᠦᠷᠢᠵᠢᠬᠤ ᠳᠤ᠂ ᠲᠦᠭ ᠲᠦᠮᠡᠨ ᠤ | ᠴᠢᠨᠡᠭᠡᠯᠢᠭᠵᠢᠬᠦ ᠳᠤ ᠭᠠᠭᠴᠠ ᠲᠡᠷᠡ ᠯᠡ ᠬᠠᠷᠢᠭᠤᠴᠠᠯᠭᠠ ᠠᠯᠳᠠᠭᠰᠠᠨ ᠰᠢᠭ᠋ ᠦᠪᠡᠷ ᠤᠨ ᠪᠡᠶᠡ ᠳᠤ ᠪᠠᠨ ᠭᠤᠮᠣᠳᠠᠬᠤ | ᠂ ᠬᠠᠷᠠᠰᠠᠬᠤ᠂ ᠬᠤᠷᠣᠰᠬᠤ ᠪᠣᠯᠣᠨ ᠬᠤᠪᠢᠷᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠠᠳᠠᠯᠠᠨ ᠭᠤᠯᠣᠬᠤ᠂ ᠪᠣᠷᠣᠭᠤᠳᠬᠠᠨ | ᠵᠢᠮᠡᠯᠡᠬᠦ᠂ ᠰᠢᠭᠦᠨ ᠰᠢᠭᠦᠮᠵᠢᠯᠡᠬᠦ ᠪᠣᠯᠵᠣ ᠵᠠᠩᠰᠢᠵᠠᠢ᠃ | | ᠬᠤᠰᠠᠷᠠᠩ ᠦᠨᠢᠶᠡ᠂ ᠶᠠᠭᠤ ᠨᠢᠭᠡ ᠶᠢ ᠬᠦᠰᠡᠭᠡᠳ ᠣᠶᠠᠷᠠᠯᠳᠠᠢ ᠮᠦᠭᠡᠷᠦᠨᠡ ᠁ | ᠬᠠᠷᠠ ᠡᠪᠦᠭᠡᠨ᠂ ᠶᠠᠭᠤ ᠨᠢᠭᠡ ᠶᠢ ᠦᠭᠡᠶᠢᠯᠡᠭᠡᠳ ᠭᠤᠮᠣᠳᠠᠯᠳᠠᠢ ᠰᠡᠭᠦᠷᠡᠰᠦᠯᠡᠨᠡ ᠁ |