| ᠬᠠᠭᠤᠷᠮᠠᠭ ᠠᠷᠢᠭᠢᠨ ᠠᠴᠠ ᠪᠣᠯᠣᠭᠰᠠᠨ ᠬᠤᠣᠷ ᠬᠦᠨᠦᠬᠡᠯ | | ᠶᠡᠷᠦ ᠶᠢᠨ ᠦᠬᠡᠨ ᠳᠤ ︽ᠠᠷᠢᠬᠢ ᠦᠭᠡᠢ ᠰᠢᠷᠡᠭᠡ ᠨᠠᠶᠢᠷ ᠪᠣᠯᠵᠦ ᠴᠢᠳᠠᠬᠤ ᠦᠭᠡᠢ︾᠂ ︽ᠪᠠᠩᠰᠢ ᠪᠠᠨ | ᠪᠠᠷᠢᠭᠠᠳ ᠰᠠᠷᠬᠤᠳ ᠰᠢᠮᠡᠬᠦ ᠦᠭᠡᠢ ᠪᠣᠯ ᠨᠣᠬᠠᠢ ᠳᠡᠵᠢᠬᠡᠭᠰᠡᠨ ᠢ ᠬᠦᠷᠬᠦ ᠦᠭᠡᠢ︾ ᠬᠡᠳᠡᠭ ᠨᠢ ᠨᠠᠶᠢᠷᠯᠠᠵᠦ | ᠬᠦᠬᠡᠷᠦᠯᠳᠦᠶᠡ ᠭᠡᠪᠡᠯ ᠰᠣᠭᠳᠣᠷᠠᠭᠤᠯᠬᠤ ᠣᠮᠳᠠᠭᠠᠨ ᠳᠣᠳᠠᠵᠦ ᠪᠣᠯᠬᠤ ᠦᠭᠡᠢ ᠶᠢ ᠬᠡᠯᠡᠵᠡᠢ᠃ ᠬᠦᠮᠦᠨ ᠤ ᠣᠶᠣᠨ | ᠰᠠᠨᠠᠭᠠ ᠬᠦᠬᠡᠷᠦᠯᠳᠡ ᠶᠢᠨ ᠪᠠᠶᠢᠳᠠᠯ ᠳᠤ ᠣᠷᠣᠭᠰᠠᠨ ᠤ ᠳᠠᠷᠠᠭᠠ ᠰᠡᠷᠡᠮᠵᠢᠯᠡᠬᠦ ᠣᠬᠠᠮᠰᠠᠷ ᠢᠶᠠᠨ ᠠᠯᠳᠠᠵᠦ᠂ ᠠᠯᠢ | ᠨᠢᠭᠤᠵᠦ ᠬᠠᠪᠴᠢᠵᠦ ᠪᠠᠶᠢᠳᠠᠭ ᠣᠴᠢᠷ ᠢᠶᠠᠨ ᠭᠠᠶᠢᠬᠠᠭᠤᠯᠣᠨ ᠶᠠᠷᠢᠵᠦ᠂ ᠡᠷᠡᠬᠦᠯ ᠴᠠᠭ ᠲᠤ ᠪᠦᠱᠦᠬᠦᠷᠬᠡᠨ | ᠳᠦᠪᠡᠭᠰᠢᠶᠡᠵᠦ ᠪᠠᠶᠢᠳᠠᠭ ᠶᠠᠪᠣᠳᠠᠯ ᠢᠶᠠᠨ ᠣᠶᠢᠯᠡᠳᠦᠴᠢᠬᠡᠳᠡᠭ ᠢ ᠠᠯᠢ ᠶᠢ ᠨᠢ ᠳᠣᠭᠠᠴᠢᠭᠠᠳ ᠪᠠᠷᠠᠬᠤ ᠪᠣᠢ᠃ | ᠢᠩᠬᠢᠵᠦ ᠰᠡᠳᠬᠢᠯ ᠰᠠᠨᠠᠭᠠ ᠳᠣᠭᠳᠣᠯᠬᠤ ᠪᠠᠶᠢᠳᠠᠯ ᠳᠤ ᠣᠷᠣᠵᠦ ᠣᠶᠣᠨ ᠣᠬᠠᠭᠠᠨ ᠬᠡᠶᠢᠷᠬᠡᠯ ᠤᠨ ᠶᠢᠷᠳᠢᠨᠴᠦ ᠳᠤ | ᠳᠡᠬᠦᠯᠢᠭᠰᠡᠨ ᠠᠴᠠ ᠬᠤᠶᠢᠨᠠ ᠠᠯᠢᠪᠠ ᠣᠯᠠᠭᠠᠨ ᠳᠣᠭᠤᠰᠣᠨ ᠤ ᠭᠤᠨᠢᠭ ᠬᠡᠮᠣᠷᠬᠡᠯ ᠢ ᠬᠠᠶᠠᠭᠠᠨ ᠳᠤᠨᠢ ᠬᠠᠶᠠᠵᠦ᠂ | ᠪᠣᠢ ᠪᠦᠬᠦᠢ ᠠᠳᠠᠭᠠ ᠵᠢᠳᠦᠬᠡ ᠬᠤᠷᠣᠰᠣᠯ ᠵᠠᠨᠣᠯ ᠢ ᠳᠦᠷ ᠴᠠᠭ ᠠᠷᠣ ᠳᠠᠭᠠᠨ ᠣᠷᠬᠢᠴᠢᠬᠠᠳᠠᠭ ᠪᠣᠯᠬᠤᠷ ᠪᠣᠳᠣᠯ | ᠰᠠᠨᠠᠭᠠ ᠭᠱᠠᠨ ᠵᠠᠭᠤᠷᠠ ᠳᠠᠷᠣᠭᠠᠰᠣ ᠠᠴᠠ ᠮᠣᠯᠲᠤᠷᠠᠵᠤ ᠮᠢᠨᠴᠣᠬᠦᠷᠡᠮᠡᠯ ᠠᠬᠤᠢ ᠳᠤ ᠣᠷᠣᠳᠠᠭ ᠪᠠᠶᠢᠨᠠ᠃ ᠡᠶᠢᠮᠦᠷᠬᠦ | ᠳᠠᠶᠢᠪᠣᠰᠢᠷᠠᠭᠤᠯᠬᠤ ᠣᠶᠢᠯᠡᠳᠦᠯ ᠨᠢ ᠬᠦᠮᠦᠰ ᠲᠤ ᠮᠠᠰᠢ ᠳᠠᠭᠠᠯᠠᠭᠳᠠᠵᠦ ᠠᠪᠣᠨ ᠠᠪᠣᠨ ᠰᠢᠮᠡᠭᠰᠡᠬᠡᠷ ᠪᠠᠶᠢᠵᠦ | ᠨᠠᠶᠢᠳᠠᠪᠣᠷᠢᠳᠦ ᠴᠢᠨᠡᠷᠳᠡᠢ ᠰᠫᠢᠷᠲ ᠤᠨ ᠬᠤᠣᠷᠳᠠᠯ ᠪᠣᠯᠣᠭᠠᠳ ᠠᠵᠢᠯ ᠠᠮᠢᠳᠣᠷᠠᠯ ᠢᠶᠠᠨ ᠬᠠᠶᠠᠵᠦ ᠡᠬᠡᠨᠡᠷ ᠬᠡᠣᠬᠡᠳ | ᠠᠴᠠ ᠪᠠᠨ ᠰᠠᠯᠣᠭᠠᠳ ᠵᠡᠬᠡᠯᠢ ᠶᠢᠨ ᠨᠣᠪᠰᠢ ᠪᠣᠯᠣᠭᠰᠠᠳ ᠮᠣᠩ ᠦᠭᠡᠢ᠃ ᠠᠷᠠᠳ ᠤᠨ ᠠᠮᠠᠨ ᠶᠠᠷᠢᠶᠠᠨ ᠳᠤ ︽ | ᠠᠷᠢᠬᠢ ᠬᠦᠮᠦᠨ ᠢ ᠰᠣᠭᠳᠣᠭᠠᠬᠤ ᠦᠭᠡᠢ᠂ ᠬᠦᠮᠦᠨ ᠦᠪᠡᠷᠳᠡᠬᠡᠨ ᠰᠣᠭᠳᠣᠨᠠ︾ ᠬᠡᠳᠡᠭ᠃ ᠨᠢᠬᠡ ᠳᠦᠷᠦᠯ ᠤᠨ | ᠣᠮᠳᠠᠭᠠᠨ ᠪᠣᠯᠣᠭᠰᠠᠨ ᠤ ᠬᠤᠪᠢ ᠳᠤ᠂ ᠠᠷᠢᠬᠢᠨ ᠤ ᠳᠣᠰ ᠪᠡᠶᠡ ᠳᠤ ᠶᠠᠮᠠᠷᠴᠦ ᠠᠯᠳᠠᠭᠠ ᠪᠠᠶᠢᠬᠤ ᠦᠭᠡᠢ᠂ | ᠭᠠᠭᠴᠠᠬᠦ ᠳᠡᠬᠦᠨ ᠢ ᠡᠳ᠋ᠯᠡᠬᠦ ᠬᠦᠮᠦᠨ ᠦᠪᠡᠷ ᠤᠨ ᠣᠬᠠᠭᠠᠨ ᠰᠠᠨᠠᠭᠠ ᠪᠠᠨ ᠵᠢᠯᠣᠭᠤᠳᠴᠦ ᠴᠢᠳᠠᠬᠤ ᠦᠭᠡᠢ ᠠᠴᠠ | ᠪᠣᠯᠣᠭᠠᠳ ᠬᠡᠮᠵᠢᠶᠡ ᠶᠢ ᠨᠢ ᠠᠬᠠᠳᠠᠭᠤᠯᠵᠦ ᠭᠠᠮᠰᠢᠭ ᠳᠠᠷᠢᠳᠠᠭ ᠢ ᠠᠳᠡ ᠣᠯᠠᠨ ᠨᠣᠷᠱᠣᠬᠤ ᠦᠭᠡᠢ᠃ | ︽ᠪᠠᠭᠠ ᠣᠣᠭᠤᠪᠠᠯ ᠪᠠᠯ᠂ ᠪᠠᠭ᠋ᠠᠨ ᠠᠬᠠᠳᠠᠭᠤᠯᠪᠠᠯ ᠪᠠᠷᠴᠢᠳ︾ ᠭᠡᠵᠤ ᠮᠠᠨᠠᠶᠢᠬᠢᠨ ᠤ ᠮᠡᠷᠬᠡᠳ ᠠᠯᠢ ᠡᠷᠳᠡ | ᠰᠣᠷᠭᠠᠵᠦ ᠦᠩᠬᠡᠷᠡᠵᠡᠢ᠃ ᠠᠷᠢᠬᠢᠨ ᠤ ᠬᠡᠮᠵᠢᠶᠡ ᠪᠠᠨ ᠡᠵᠡᠮᠳᠡᠬᠦ ᠪᠣᠯ ᠬᠡᠳᠦᠶᠢᠪᠡᠷ ᠬᠤᠪᠢ ᠬᠦᠮᠦᠨ ᠤ ᠣᠴᠢᠷ | ᠪᠣᠯᠪᠠᠴᠦ ᠠᠰᠢᠭ ᠣᠯᠵᠠ ᠬᠦᠬᠡᠬᠡᠴᠡᠯᠳᠦᠭᠰᠡᠨ ᠬᠠᠷᠠ ᠰᠡᠳᠬᠢᠯ ᠲᠠᠢ ᠠᠷᠢᠬᠢᠨ ᠤ ᠠᠵᠦ ᠠᠬᠤᠶᠢᠯᠠᠯᠳᠠᠨ ᠬᠢᠮᠳᠠ | ᠦᠨᠡ ᠪᠠᠷ ᠠᠵᠦ ᠣᠶᠢᠯᠡᠳᠪᠦᠷᠢ ᠳᠤ ᠬᠡᠷᠡᠭᠯᠡᠳᠡᠭ ᠰᠫᠢᠷᠲ ᠢ ᠣᠷᠣᠭᠤᠯᠣᠨ ᠬᠠᠭᠤᠷᠮᠠᠭ ᠠᠷᠢᠬᠢ ᠨᠠᠶᠢᠷᠠᠭᠤᠯᠣᠭᠠᠳ | ᠬᠡᠷᠡᠭᠯᠡᠭᠴᠢᠳ ᠢ ᠬᠤᠬᠢᠷᠠᠭᠤᠯᠵᠦ ᠪᠠᠶᠢᠬᠤ ᠨᠢ ᠪᠠᠶᠢᠩᠭᠤ ᠶᠢᠨ ᠦᠵᠡᠭᠳᠡᠯ ᠪᠣᠯᠣᠭᠰᠠᠨ ᠦᠨᠦᠳᠦᠷ᠂ ᠵᠢᠩᠬᠢᠨᠢ ᠪᠠ | ᠬᠠᠭᠤᠷᠮᠠᠭ ᠠᠷᠢᠬᠢ ᠶᠢ ᠢᠯᠭᠠᠨ ᠳᠠᠨᠢᠬᠤ ᠨᠢ ᠳᠣᠶᠢᠯ ᠤᠨ ᠴᠢᠬᠤᠯᠠ ᠶᠠᠪᠣᠳᠠᠯ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠳᠣᠣᠷᠠ ᠪᠢ | ᠠᠷᠢᠬᠢ ᠶᠢ ᠣᠶᠢᠯᠡᠳᠪᠦᠷᠢᠯᠡᠬᠦ ᠶᠠᠪᠣᠴᠠ ᠪᠣᠯᠣᠨ ᠬᠠᠭᠤᠷᠮᠠᠭ ᠠᠷᠢᠬᠢ ᠶᠢ ᠳᠠᠨᠢᠬᠤ ᠳᠦᠬᠦᠮ ᠠᠷᠭᠠ ᠠᠴᠠ | ᠳᠠᠨᠢᠯᠴᠠᠭᠤᠯᠬᠤ ᠪᠣᠯᠣᠨᠠ᠃ | ᠠᠷᠢᠬᠢᠨ ᠤ ᠭᠤᠣᠯ ᠨᠠᠶᠢᠷᠠᠯᠭᠠ ᠪᠣᠯ ᠰᠫᠢᠷᠲ ᠪᠣᠯᠣᠨ ᠣᠰᠣ ᠪᠠᠶᠢᠵᠦ᠂ ᠠᠷᠢᠬᠢᠨ ᠳᠣᠳᠣᠷᠠᠬᠢ ᠰᠫᠢᠷᠲ ᠤᠨ | ᠠᠭᠤᠯᠠᠭᠳᠠᠴᠠ ᠶᠢᠨ ᠬᠡᠮᠵᠢᠶᠡ ᠶᠢ ᠶᠡᠷᠦᠩᠬᠡᠶᠢᠯᠡᠬᠡᠳ ︽ᠭᠷᠠᠳᠦ᠋ᠰ︾ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠵᠠᠩᠰᠢᠯ ᠢᠶᠠᠷ 50。 | ᠠᠴᠠ ᠳᠡᠬᠡᠭᠰᠢᠬᠢ ᠠᠷᠢᠬᠢ ᠶᠢ ︽ᠦᠨᠳᠦᠷ ᠭᠷᠠᠳᠦ᠋ᠰ︾ ᠤᠨ ᠠᠷᠢᠬᠢ ᠬᠡᠮᠡᠵᠦ᠂ ᠳᠠᠪᠢ ᠠᠴᠠ ᠳᠣᠭᠤᠭᠰᠢ 45。 | ᠭᠷᠠᠳᠦ᠋ᠰ ᠬᠦᠷᠳᠡᠯᠡᠬᠢ ᠶᠢ ︽ᠳᠣᠮᠳᠠ ᠭᠷᠠᠳᠦ᠋ᠰ ᠤᠨ ᠠᠷᠢᠬᠢ︾ ᠬᠡᠮᠡᠵᠦ᠂ 45。ᠭᠷᠠᠳᠦ᠋ᠰ ᠠᠴᠠ ᠳᠣᠭᠤᠭᠰᠢᠬᠢ | ᠠᠷᠢᠬᠢ ᠶᠢ ︽ᠳᠣᠣᠷᠠ ᠭᠷᠠᠳᠦ᠋ᠰ ᠤᠨ ᠠᠷᠢᠬᠢ︾ ᠬᠡᠨᠡ᠃ ᠠᠷᠢᠬᠢ ᠣᠣᠭᠤᠳᠠᠭ ᠯᠠ ᠪᠣᠯ ᠦᠨᠳᠦᠷ ᠭᠷᠠᠳᠦ᠋ᠰ ᠤᠨ | ᠠᠷᠢᠬᠢ ᠣᠣᠭᠤᠪᠠᠯ ᠰᠠᠶᠢᠨ᠂ ᠣᠴᠢᠷ ᠨᠢ ᠳᠡᠬᠦᠨ ᠤ ᠳᠣᠳᠣᠷᠠ ᠦᠬᠡᠷᠡ ᠵᠣᠶᠢᠯ ᠤᠨ ᠬᠤᠣᠷᠳᠣ ᠪᠣᠳᠠᠰ ᠬᠤᠯᠢᠬᠤ | ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠬᠤᠷ ᠰᠣᠭᠳᠣᠳᠠᠯᠠ ᠣᠣᠭᠤᠪᠠᠴᠦ ᠬᠤᠣᠷᠳᠠᠬᠤ ᠪᠠᠷ ᠭᠠᠶᠢᠭᠤᠢ᠃ ᠮᠠᠨ ᠤ ᠣᠯᠣᠰ ᠤᠨ | ᠣᠶᠢᠯᠡᠳᠪᠦᠷᠢᠯᠡᠭᠰᠡᠨ ᠠᠷᠢᠬᠢᠨ ᠤ ᠳᠦᠷᠦᠯ ᠦᠴᠢᠨᠡᠨ ᠳᠦᠴᠢᠨᠡᠨ ᠣᠯᠠᠨ ᠪᠠᠶᠢᠳᠠᠭ ᠴᠦ᠂ ᠳᠠᠪᠢᠨ ᠭᠷᠠᠳᠦ᠋ᠰ ᠠᠴᠠ | ᠳᠣᠭᠤᠭᠰᠢᠬᠢ ᠠᠷᠢᠬᠢ ᠨᠢ ᠪᠦᠷ ᠰᠫᠢᠷᠲ ᠲᠤ ᠣᠰᠣ ᠪᠣᠯᠣᠨ ᠦᠨᠦᠷᠳᠦ ᠡᠳ᠋ ᠨᠡᠮᠡᠵᠦ ᠨᠠᠶᠢᠷᠠᠵᠦ ᠭᠠᠷᠭᠠᠭᠰᠠᠨ | ᠪᠠᠶᠢᠳᠠᠭ᠃ | ᠳᠡᠬᠡᠪᠡᠯ ᠰᠫᠢᠷᠲ ᠢ ᠶᠠᠭᠠᠬᠢᠵᠦ ᠣᠶᠢᠯᠡᠳᠦᠭᠰᠡᠨ ᠢ ᠦᠵᠡᠶᠡ᠄ | ᠨᠢᠬᠡ ᠳᠤ᠂ ᠰᠫᠢᠷᠲ ᠢ ᠴᠠᠷᠳᠠᠭᠤᠯ ᠠᠭᠤᠯᠣᠭᠰᠠᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠨᠡᠷᠡᠵᠦ ᠬᠢᠳᠡᠭ᠃ ᠭᠤᠣᠯ ᠨᠢ | ᠳᠦᠮᠦᠰᠦᠨ ᠤ ᠳᠦᠷᠦᠯ᠂ ᠨᠠᠷᠢᠮᠦ ᠰᠢᠰᠢ ᠵᠡᠷᠬᠡ ᠳᠠᠪᠣᠨ ᠳᠠᠷᠢᠶᠠᠨ ᠤ ᠦᠷᠡ᠂ ᠴᠠᠷᠳᠠᠭᠤᠯ ᠭᠠᠷᠬᠤ ᠣᠷᠭᠤᠮᠠᠯ ᠤᠨ | ᠦᠷᠡ ᠵᠡᠷᠬᠡ ᠴᠠᠷᠳᠠᠭᠤᠯ ᠪᠦᠬᠦᠢ ᠮᠠᠲ᠋ᠧᠷᠢᠶᠠᠯ ᠢ ᠢᠰᠬᠡᠵᠦ ᠵᠠᠳᠠᠷᠠᠭᠤᠯᠣᠭᠠᠳ ᠦᠵᠦᠮ ᠤᠨ ᠰᠢᠬᠢᠷ ᠪᠣᠯᠭᠠᠵᠦ | ᠳᠡᠬᠦᠨ ᠢᠶᠠᠨ ᠳᠠᠬᠢᠨ ᠢᠰᠬᠡᠬᠡᠳ ᠨᠡᠷᠡᠭᠰᠡᠬᠡᠷ ᠰᠫᠢᠷᠲ ᠪᠣᠯᠴᠢᠬᠠᠳᠠᠭ᠃ ᠬᠤᠶᠡᠷ ᠲᠤ᠂ ᠰᠢᠭᠤᠳ ᠰᠢᠬᠢᠷ ᠢ | ᠢᠰᠬᠡᠵᠦ ᠰᠫᠢᠷᠲ ᠨᠡᠷᠡᠨᠡ᠃ ᠭᠤᠷᠪᠠ ᠳᠤ᠂ ᠴᠠᠭᠠᠰᠦ ᠬᠢᠬᠦ ᠣᠶᠢᠯᠡᠳᠪᠦᠷᠢ ᠶᠢᠨ ᠬᠠᠶᠠᠭᠳᠠᠮᠠᠯ ᠣᠭᠠᠳᠠᠰᠣᠨ ᠳᠤ | ᠬᠦᠬᠦᠷ ᠬᠦᠴᠢᠯ ᠤᠨ ᠳᠠᠪᠣᠰᠣ ᠨᠡᠮᠡᠬᠡᠳ ᠢᠰᠬᠡᠪᠡᠯ ᠰᠫᠢᠷᠲ ᠨᠡᠷᠡᠭᠳᠡᠴᠢᠬᠡᠨᠡ᠃ ᠢᠩᠬᠢᠵᠦ ᠨᠡᠷᠡᠭᠰᠡᠨ ᠰᠫᠢᠷᠲ ᠢ ︽ | ᠠᠵᠦ ᠣᠶᠢᠯᠡᠳᠪᠦᠷᠢ ᠶᠢᠨ ᠰᠫᠢᠷᠲ︾ ᠬᠡᠨᠡ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠬᠡᠣᠷᠰᠢᠬᠦᠯᠦᠭᠰᠡᠨ ᠨᠡᠬᠦᠷᠡᠰᠦ ᠶᠢ | ᠣᠶᠢᠯᠡᠳᠪᠦᠷᠢᠯᠡᠬᠦ ᠳᠤ ᠭᠠᠷᠭᠠᠭᠰᠠᠨ ᠬᠠᠶᠠᠭᠳᠠᠮᠠᠯ ᠬᠡᠢ ᠶᠢ ᠬᠢᠮᠢ ᠶᠢᠨ ᠠᠷᠭᠠ ᠪᠠᠷ ᠰᠫᠢᠷᠲ ᠪᠣᠯᠭᠠᠬᠤ᠂ ᠡᠲ᠋ᠢᠯᠧᠨ ᠢ | ᠬᠦᠬᠦᠷ ᠬᠦᠴᠢᠯ ᠳᠤ ᠳᠡᠪᠳᠦᠬᠡᠬᠡᠳ ᠰᠫᠢᠷᠲ ᠭᠠᠷᠭᠠᠬᠤ ᠵᠡᠷᠬᠡ ᠠᠷᠭᠠ ᠪᠣᠢ᠃ | ᠵᠢᠩᠬᠢᠨᠢ ᠪᠣᠳᠠᠭᠠ ᠪᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ ᠪᠣᠯ ᠬᠡᠬᠡᠨ ᠳᠣᠩᠭᠠᠯᠠᠭ ᠮᠦᠷᠳᠡᠬᠡᠨ ᠵᠢᠭᠠᠬᠠᠨ ᠴᠦ ᠪᠣᠯᠠᠩᠬᠢᠷ ᠦᠭᠡᠢ | ᠪᠠᠶᠢᠵᠦ ᠭᠷᠠᠳᠦ᠋ᠰ ᠨᠢ 60。ᠣᠷᠴᠢᠮ ᠪᠠᠶᠢᠳᠠᠭ᠃ ᠡᠬᠦᠪᠡᠷ ᠵᠣᠭᠰᠣᠬᠤ ᠦᠭᠡᠢ᠂ ᠪᠣᠳᠠᠭᠠ ᠪᠠᠨ ᠢᠰᠬᠡᠬᠦ ᠳᠤ | ᠠᠷᠢᠬᠢᠨ ᠤ ᠬᠦᠷᠦᠩᠬᠡ ᠬᠤᠯᠢᠳᠠᠭ ᠠᠴᠠ ᠬᠦᠷᠦᠩᠬᠡ ᠶᠢᠨ ᠦᠨᠦᠷ ᠨᠢ ᠰᠠᠯᠬᠤ ᠦᠭᠡᠢ ᠠᠵᠢ᠃ ᠪᠣᠳᠠᠭᠠᠨ ᠠᠷᠢᠬᠢ | ᠶᠢ ᠪᠣᠳᠣᠩ ᠳᠤ ᠬᠢᠵᠦ ᠪᠢᠳᠡᠬᠦᠮᠵᠢᠯᠡᠬᠡᠳ ᠭᠠᠵᠠᠷ ᠲᠤ ᠪᠣᠯᠠᠭᠠᠳ ᠣᠳᠠᠭᠠᠨ ᠵᠢᠯ ᠪᠣᠯᠪᠠᠯ ᠬᠦᠷᠦᠩᠬᠡ ᠶᠢᠨ ᠦᠨᠦᠷ | ᠨᠢ ᠠᠷᠢᠯᠵᠦ ᠰᠫᠢᠷᠲ ᠨᠢ ᠰᠠᠷᠨᠢᠭᠠᠳ ᠰᠢᠬᠢᠷ ᠤᠨ ᠵᠣᠳᠠᠩ ᠰᠢᠭ᠋ ᠨᠢᠯᠳᠠᠭ ᠦᠳᠬᠡᠨ ᠪᠣᠯᠵᠦ ᠠᠮᠳᠠ ᠨᠢ ᠡᠳᠡᠬᠡᠳ | ᠰᠠᠶᠢᠬᠠᠨ ᠪᠣᠯᠣᠨᠠ᠃ ᠬᠡᠳᠡᠯᠡ ᠬᠠᠭᠤᠷᠮᠠᠭ ᠠᠷᠢᠬᠢ ᠶᠢ ᠢᠩᠬᠢᠵᠦ ᠪᠣᠯᠠᠪᠠᠯ ᠰᠫᠢᠷᠲ ᠨᠢ ᠰᠠᠷᠨᠢᠵᠦ ᠦᠮᠡᠬᠡᠢ ᠰᠢᠪᠠᠷ | ᠬᠤᠪᠢᠯᠣᠭᠠᠳ ᠣᠭ ᠳᠦᠷᠰᠦ ᠨᠢ ᠢᠯᠡᠷᠡᠴᠢᠬᠡᠳᠡᠭ ᠪᠠᠶᠢᠨᠠ᠃ ᠪᠣᠳᠠᠭᠠ ᠪᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ ᠨᠢ ᠬᠤᠳᠣᠭᠤᠳᠣ | ᠪᠠᠷ ᠰᠢᠩᠭᠡᠭᠡᠭᠳᠡᠵᠦ ᠡᠯᠢᠬᠡᠨ ᠳᠤ ᠬᠦᠷᠦᠬᠡᠳ ᠣᠰᠣ ᠪᠠ ᠰᠢᠬᠢᠷ ᠪᠣᠯᠣᠨ ᠵᠠᠳᠠᠷᠠᠭᠤᠯᠣᠭᠳᠠᠭᠠᠳ ᠬᠦᠮᠦᠨ ᠤ ᠪᠡᠶᠡ ᠳᠤ | ᠰᠢᠮᠡ ᠳᠡᠵᠢᠬᠡᠯ ᠪᠣᠯᠳᠠᠭ ᠪᠠᠶᠢᠬᠤ ᠳᠤ᠂ ᠬᠠᠭᠤᠷᠮᠠᠭ ᠠᠷᠢᠬᠢ ᠨᠢ ᠡᠯᠢᠬᠡᠨ ᠳᠤ ᠬᠦᠷᠦᠬᠡᠳ ᠣᠰᠣ ᠪᠠ ᠬᠤᠣᠷᠳᠣ | ᠪᠣᠳᠠᠰ ᠪᠣᠯᠣᠨ ᠵᠠᠳᠠᠷᠠᠵᠦ ᠭᠠᠳᠠᠭᠰᠢ ᠢᠯᠭᠠᠷᠠᠭᠤᠯᠵᠦ ᠳᠡᠶᠢᠯᠬᠦ ᠦᠭᠡᠢ ᠡᠯᠢᠬᠡ ᠪᠣᠯᠣᠨ ᠬᠠᠷᠠ ᠪᠦᠬᠡᠷᠡᠨ ᠳᠤ | ᠬᠤᠷᠠᠮᠳᠣᠨ ᠦᠯᠡᠳᠡᠨᠡ᠃ ᠬᠤᠣᠷ ᠤᠨ ᠬᠡᠮᠵᠢᠶᠡ ᠮᠠᠬᠠᠪᠣᠳ ᠤᠨ ᠳᠠᠭᠠᠭᠠᠴᠠ ᠠᠴᠠ ᠬᠡᠳᠦᠷᠡᠬᠦᠯᠡᠷ ᠵᠠᠰᠠᠰᠢ ᠦᠭᠡᠢ | ᠬᠤᠣᠷᠳᠠᠯ ᠪᠣᠯᠣᠭᠠᠳ ᠡᠷᠯᠢᠭ ᠤᠨ ᠡᠬᠦᠳᠡ ᠳᠣᠭᠰᠢᠬᠤ ᠳᠤ ᠬᠦᠷᠳᠡᠭ ᠪᠠᠶᠢᠨᠠ᠃ | ᠵᠢᠩᠬᠢᠨᠢ ᠪᠣᠳᠠᠭᠠ ᠪᠠᠷ ᠨᠡᠷᠡᠭᠰᠡᠨ ᠠᠷᠢᠬᠢᠨ ᠳᠤ ᠣᠰᠣ ᠬᠤᠯᠢᠭᠰᠠᠭᠠᠷ ᠪᠣᠯᠠᠩᠬᠢᠷ ᠪᠣᠯᠵᠦ ᠳᠣᠨᠣᠳᠠᠰᠣ ᠭᠠᠷᠳᠠᠭ᠃ | ᠳᠣᠮᠳᠠᠳᠣ ᠣᠯᠣᠰ ᠤᠨ ᠳᠡᠣᠬᠡᠨ ᠳᠡᠬᠡᠷᠡ ᠠᠷᠢᠬᠢᠨ ᠳᠠᠭᠠᠨ ᠣᠰᠣ ᠬᠤᠯᠢᠬᠤ ᠦᠵᠡᠭᠳᠡᠯ ᠠᠯᠢ ᠡᠷᠳᠡ ᠪᠠᠶᠢᠭᠰᠠᠨ | ᠪᠦᠬᠡᠳ ︽ᠭᠤᠷᠪᠠᠨ ᠣᠯᠣᠰ ᠤᠨ ᠦᠯᠢᠬᠡᠷ︾ ᠤᠨ ᠡᠬᠢᠯᠡᠯᠳᠡ ᠶᠢᠨ ᠰᠢᠯᠦᠭ ᠲᠤ ︽ᠡᠷᠬᠢᠬᠦ ᠭᠤᠷᠪᠠᠨ ᠬᠤᠨᠳᠠᠭᠠ | ᠪᠣᠯᠠᠩᠬᠢᠷᠳᠦ ᠳᠠᠷᠠᠰᠣᠨᠠ ᠰᠣᠭᠳᠣᠭᠤᠷᠠᠨ ᠬᠡᠶᠦᠷᠡᠵᠦ ᠡᠷᠢᠶᠡᠨ ᠶᠢᠷᠳᠢᠨᠴᠦ ᠶᠢᠨ ᠪᠠᠭᠠᠳᠣᠷ ᠢᠳᠡᠳᠡᠨ ᠢ ᠳᠠᠭᠤᠰᠳᠠᠯᠠ | ᠰᠢᠬᠦᠮᠵᠢᠯᠡᠮᠣᠢ︾ ᠭᠡᠵᠤ ᠳᠣᠬᠠᠢ ᠶᠢᠨ ᠦᠶᠡ ᠳᠤ ᠠᠷᠢᠬᠢᠨ ᠳᠠᠭᠠᠨ ᠣᠰᠣ ᠬᠤᠯᠢᠭᠠᠳ ᠬᠤᠳᠠᠯᠳᠣᠵᠦ ᠪᠠᠶᠢᠭᠰᠠᠨ ᠢ | ᠠᠮᠢᠳᠣᠯᠢᠭ ᠵᠢᠷᠣᠭᠯᠠᠭᠰᠠᠨ ᠪᠠᠶᠢᠵᠠᠢ᠃ | ᠠᠷᠢᠬᠢ ᠣᠶᠢᠯᠡᠳᠪᠦᠷᠢᠯᠡᠬᠦ ᠭᠤᠷᠪᠠᠨ ᠠᠷᠭᠠ ᠪᠣᠯ᠄ | ᠨᠢᠬᠡ᠂ ᠪᠣᠳᠠᠭᠠ ᠪᠠᠷ ᠨᠡᠷᠡᠬᠦ᠃ ᠡᠬᠦᠨ ᠳᠤ ᠰᠢᠰᠢ᠂ ᠡᠷᠳᠡᠨᠢ ᠰᠢᠰᠢ᠂ ᠪᠣᠭᠤᠳᠠᠢ᠂ ᠳᠣᠳᠣᠷᠭᠠ᠂ ᠸᠠᠨᠳ᠋ᠸᠣ | ᠵᠡᠷᠬᠡ ᠶᠢ ᠵᠣᠬᠢᠬᠤ ᠬᠠᠷᠢᠴᠠᠯ ᠢᠶᠠᠷ ᠬᠤᠯᠢᠵᠦ ᠬᠡᠮᠬᠡᠯᠡᠨ ᠢᠰᠬᠡᠨ ᠨᠡᠷᠡᠬᠦ᠃ ᠢᠩᠬᠢᠵᠦ ᠨᠡᠷᠡᠭᠰᠡᠨ ᠠᠷᠢᠬᠢ ᠶᠢ ︽ | ᠬᠠᠳᠠᠭᠤ ᠪᠡᠶᠡᠳᠦ ᠪᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ︾ ᠭᠡᠵᠤ ᠨᠡᠷᠡᠯᠡᠳᠡᠭ ᠪᠦᠬᠡᠳ ᠮᠠᠨ ᠤ ᠣᠯᠣᠰ ᠠᠴᠠ ᠳᠣᠰᠬᠠᠢ ᠠᠷᠢᠬᠢ | ᠨᠡᠷᠡᠬᠦ ᠪᠠᠷᠢᠮᠵᠢᠶᠠ ᠨᠣᠮᠧᠷ ᠳᠣᠭᠳᠠᠭᠠᠵᠦ ᠦᠭᠴᠠᠢ᠃ ᠳᠠᠷᠣᠢ GB/T10781--2006 ᠪᠣᠯᠣᠨᠠ᠂ ᠡᠶᠢᠮᠦ | ᠨᠣᠮᠧᠷ ᠲᠠᠢ ᠠᠷᠢᠬᠢ ᠶᠢ ᠶᠡᠭᠡ ᠳᠦᠯᠦᠪ ᠪᠣᠳᠠᠭᠠ ᠪᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ ᠭᠡᠵᠤ ᠣᠶᠢᠯᠠᠭᠠᠵᠦ ᠪᠣᠯᠣᠨᠠ᠃ | ᠬᠤᠶᠡᠷ᠂ ᠬᠠᠳᠠᠭᠤ ᠰᠢᠩᠬᠡᠨ ᠢ ᠣᠶᠠᠯᠳᠣᠭᠤᠯᠵᠦ ᠨᠡᠷᠡᠭᠰᠡᠨ ᠠᠷᠢᠬᠢ᠃ ᠪᠣᠳᠠᠭᠠ ᠪᠠᠷ ᠨᠡᠷᠡᠬᠦ ᠠᠷᠢᠬᠢᠨ ᠳᠠᠭᠠᠨ | ᠰᠫᠢᠷᠲ ᠬᠤᠯᠢᠵᠦ ᠨᠡᠷᠡᠵᠦ ᠭᠠᠷᠭᠠᠭᠰᠠᠨ ᠠᠷᠢᠬᠢ ᠨᠢ ᠶᠡᠭᠡ ᠬᠡᠮᠵᠢᠶᠡᠨ ᠤ ᠨᠡᠷᠡᠮᠡᠯ ᠣᠰᠣ ᠬᠤᠯᠢᠭᠠᠳ ᠭᠷᠠᠳᠦ᠋ᠰ ᠢ | ᠳᠣᠭᠤᠭᠰᠢᠯᠠᠭᠤᠯᠬᠤ ᠳᠤ ᠳᠣᠩᠭᠠᠯᠠᠭ ᠴᠢᠨᠡᠷ ᠢᠶᠠᠨ ᠠᠯᠳᠠᠬᠤ ᠦᠭᠡᠢ᠃ ᠡᠶᠢᠮᠦᠷᠬᠦ ᠠᠷᠢᠬᠢᠨ ᠤ ᠣᠯᠣᠰ ᠠᠴᠠ | ᠳᠣᠭᠳᠠᠭᠠᠭᠰᠠᠨ ᠪᠠᠷᠢᠮᠵᠢᠶᠠ ᠨᠣᠮᠧᠷ ᠪᠣᠯ GB/T20822--2007 ᠪᠣᠯᠣᠨᠠ᠃ | ᠭᠤᠷᠪᠠ᠂ ᠴᠣᠯ ᠰᠫᠢᠷᠲᠤ ᠣᠰᠣ ᠪᠣᠯᠣᠨ ᠦᠨᠦᠷᠳᠦ ᠡᠳ᠋ ᠬᠢᠵᠦ ᠨᠠᠶᠢᠷᠠᠵᠦ ᠭᠠᠷᠭᠠᠭᠰᠠᠨ ᠠᠷᠢᠬᠢ᠃ ᠣᠳᠣ | ᠣᠯᠠᠩᠬᠢ ᠠᠷᠢᠬᠢᠨ ᠣᠶᠢᠯᠡᠳᠪᠦᠷᠢ ᠨᠢ ᠦᠷᠳᠡᠭ ᠪᠠᠭᠠ ᠣᠷᠣᠭᠤᠯᠣᠨ ᠡᠷᠬᠢᠯᠳᠡ ᠶᠢᠨ ᠬᠤᠭᠤᠴᠠᠭᠠ ᠪᠠᠨ | ᠪᠣᠭᠤᠨᠢᠰᠬᠠᠬᠤ ᠵᠣᠷᠢᠯᠭᠠ ᠪᠠᠷ ᠠᠮᠣ ᠪᠣᠳᠠᠭᠠ ᠢᠰᠬᠡᠵᠦ ᠨᠡᠷᠡᠬᠦ ᠪᠠᠨ ᠪᠣᠯᠢᠭᠠᠳ ᠦᠪᠡᠷ ᠤᠨ ᠳᠣᠷᠠᠪᠠᠷ ᠦᠨᠦᠷᠳᠦ | ᠡᠳ᠋ ᠪᠣᠯᠣᠨ ᠰᠫᠢᠷᠲ ᠬᠤᠯᠢᠭᠰᠠᠨ ︽ᠠᠷᠢᠬᠢ︾ ᠣᠶᠢᠯᠡᠳᠪᠦᠷᠢᠯᠡᠵᠦ ᠵᠠᠬᠠ ᠳᠡᠯᠬᠡᠬᠦᠷ ᠲᠤ ᠭᠠᠷᠭᠠᠵᠦ ᠪᠠᠶᠢᠨᠠ᠃ | ᠠᠮᠣ ᠪᠣᠳᠠᠭᠠ ᠪᠠᠷ ᠠᠷᠢᠬᠢ ᠨᠡᠷᠡᠬᠦ ᠳᠤ ᠬᠠᠮᠤᠭ ᠬᠤᠷᠳᠣᠨ ᠳᠠᠭᠠᠨ ᠬᠠᠭᠠᠰ ᠰᠠᠷᠠ ᠬᠡᠷᠡᠭᠯᠡᠳᠡᠭ ᠪᠠᠶᠢᠬᠤ ᠳᠤ᠂ | ᠰᠫᠢᠷᠲ ᠢᠶᠠᠷ ᠬᠡᠳᠦᠬᠡᠨ ᠴᠠᠭ ᠲᠤ ᠨᠠᠶᠢᠷᠠᠭᠤᠯᠣᠨ ᠭᠠᠷᠭᠠᠵᠦ ᠪᠣᠯᠳᠠᠭ᠃ ᠡᠶᠢᠮᠦᠷᠬᠦ ᠠᠷᠢᠬᠢᠨ ᠳᠤ ᠣᠯᠣᠰ ᠠᠴᠠ | ᠳᠣᠭᠳᠠᠭᠠᠭᠰᠠᠨ ᠪᠠᠷᠢᠮᠵᠢᠶᠠ ᠨᠣᠮᠧᠷ ᠪᠣᠯ GB/T20821--2007 ᠪᠣᠯᠣᠨᠠ᠃ ᠬᠡᠳᠡᠯᠡ ᠬᠠᠷᠬᠢᠰ ᠬᠡᠷᠴᠡᠬᠡᠢ | ᠠᠷᠠᠯᠵᠢᠶᠠᠴᠢᠳ ᠦᠪᠡᠷ ᠤᠨ ᠦᠷᠳᠡᠭ ᠢ ᠳᠣᠭᠤᠭᠰᠢᠯᠠᠭᠤᠯᠬᠤ ᠶᠢᠨ ᠳᠦᠯᠦᠬᠡ ᠬᠦᠮᠦᠨ ᠤ ᠠᠮᠢ ᠨᠠᠰᠣ ᠪᠠᠷ | ᠨᠠᠭᠠᠳᠣᠮ ᠬᠢᠵᠦ᠂ ᠠᠵᠦ ᠣᠶᠢᠯᠡᠳᠪᠦᠷᠢ ᠳᠤ ᠬᠡᠷᠡᠭᠯᠡᠳᠡᠭ ᠬᠤᠣᠷᠳᠠᠢ ᠰᠫᠢᠷᠲ ᠪᠠᠷ ︽ᠠᠷᠢᠬᠢ︾ ᠨᠡᠷᠡᠵᠦ | ᠠᠯᠳᠠᠷᠳᠠᠢ ᠠᠷᠢᠬᠢᠨ ᠤ ᠨᠡᠷᠡᠶᠢᠳᠦᠯ ᠬᠠᠳᠠᠭᠠᠳ ᠭᠠᠳᠠᠭᠰᠢ ᠪᠣᠷᠣᠯᠠᠭᠤᠯᠳᠠᠭ ᠪᠠᠶᠢᠨᠠ᠃ ᠡᠶᠢᠮᠦ ᠠᠷᠢᠬᠢ ᠶᠢ | ᠣᠣᠭᠤᠭᠰᠠᠨ ᠤ ᠰᠡᠬᠦᠯᠡᠷ ᠠᠮᠠ ᠬᠠᠭᠤᠷᠠᠶᠢᠰᠢᠨ ᠬᠤᠭᠤᠯᠠᠢ ᠬᠠᠳᠠᠵᠦ ᠳᠣᠯᠣᠭᠠᠢ ᠬᠠᠳᠬᠤᠯᠠᠵᠦ ᠡᠪᠡᠳᠳᠡᠭ ᠪᠦᠬᠡᠳ | ᠪᠡᠶᠡ ᠠᠴᠠ ᠭᠠᠷᠬᠤ ᠬᠦᠯᠦᠰᠦ ᠪᠣᠯᠣᠨ ᠠᠮᠠᠨ ᠤ ᠠᠮᠢᠰᠬᠤᠯ ᠪᠦᠷ ᠫᠠᠭ ᠦᠮᠡᠬᠡᠢ ᠪᠠᠶᠢᠳᠠᠭ᠃ ᠣᠴᠢᠷ ᠨᠢ ᠬᠠᠭᠤᠷᠮᠠᠭ | ᠠᠷᠢᠬᠢᠨ ᠳᠤ ᠠᠭᠤᠯᠠᠭᠳᠠᠵᠦ ᠪᠦᠬᠦᠢ ᠦᠨᠦᠷᠳᠦ ᠣᠰᠣ ᠪᠣᠯᠣᠨ ᠬᠤᠣᠷᠳᠣ ᠰᠫᠢᠷᠲ ᠲᠤ ᠡᠲ᠋ᠠ ᠠᠯᠳᠧᠬᠢᠳ᠋ ᠠᠷᠪᠢᠨ | ᠠᠭᠤᠯᠠᠭᠳᠠᠵᠦ ᠪᠠᠶᠢᠳᠠᠭ ᠠᠴᠠ ᠬᠦᠮᠦᠨ ᠤ ᠪᠡᠶᠡ ᠮᠠᠬᠠᠪᠣᠳ ᠤᠨ ᠣᠰᠣ ᠶᠢ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠦᠬᠡᠶᠢᠳᠡᠬᠦᠯᠦᠭᠰᠡᠨ | ᠠᠴᠠ ᠪᠣᠯᠵᠠᠢ᠃ ᠡᠶᠢᠮᠦ ᠠᠷᠢᠬᠢᠨ ᠳᠤ ᠬᠡᠳᠦᠷᠡᠪᠡᠯ ᠬᠤᠣᠷᠳᠠᠵᠦ ᠦᠬᠦᠬᠦ ᠳᠤ ᠬᠢᠯᠪᠡᠷ ᠪᠦᠬᠡᠳ ᠠᠮᠢ ᠲᠠᠢ | ᠭᠠᠷᠣᠭᠰᠠᠨ ᠴᠦ ᠡᠯᠢᠬᠡ ᠪᠦᠬᠡᠷᠡ ᠬᠤᠣᠷᠳᠠᠭᠠᠳ ᠡᠷᠡᠬᠦᠯᠵᠢᠬᠦ ᠳᠤ ᠳᠣᠶᠢᠯ ᠤᠨ ᠬᠦᠴᠢᠷᠳᠡᠢ ᠪᠣᠯᠣᠨᠠ᠃ ᠡᠶᠢᠮᠦ | ᠠᠷᠢᠬᠢᠨ ᠤ ᠣᠨᠴᠠᠯᠢᠭ ᠨᠢ ᠣᠣᠭᠤᠬᠤ ᠳᠤ ᠵᠦᠬᠡᠯᠡᠨ᠂ ᠦᠨᠦᠷ ᠨᠢ ᠬᠤᠷᠴᠠ᠂ ᠠᠮᠳᠠ ᠨᠢ ᠰᠢᠬᠢᠷᠯᠢᠭ ᠪᠠᠶᠢᠳᠠᠭ | ᠠᠴᠠ ᠬᠦᠮᠦᠰ ᠠᠮᠠᠷᠬᠠᠨ ᠬᠠᠭᠤᠷᠳᠠᠵᠦ ᠠᠮᠳᠠᠰᠢᠳᠠᠭ ᠪᠠᠶᠢᠨᠠ᠃ | ᠵᠢᠩᠬᠢᠨᠢ ᠬᠠᠭᠤᠷᠮᠠᠭ ᠠᠷᠢᠬᠢ ᠶᠢ ᠢᠯᠭᠠᠨ ᠳᠠᠨᠢᠬᠤ ᠳᠤ ᠳᠣᠣᠷᠠᠬᠢ ᠬᠡᠳᠦᠨ ᠠᠷᠭᠠ ᠶᠢ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ᠄ | 1. ᠠᠷᠢᠬᠢᠨ ᠯᠣᠩᠬᠤᠨ ᠳᠡᠬᠡᠷᠡᠬᠢ ᠣᠯᠣᠰ ᠠᠴᠠ ᠳᠣᠭᠳᠠᠭᠠᠭᠰᠠᠨ ᠪᠠᠷᠢᠮᠵᠢᠶᠠ ᠨᠣᠮᠧᠷ ᠢ ᠦᠵᠡᠵᠦ ᠶᠠᠮᠠᠷ | ᠳᠦᠷᠦᠯ ᠤᠨ ᠠᠷᠢᠬᠢ ᠪᠣᠯᠬᠤ ᠶᠢ ᠨᠣᠳᠠᠯᠠᠨ ᠮᠠᠭᠠᠳᠯᠠᠭᠠᠳ ᠣᠣᠭᠤᠬᠤ ᠡᠰᠡᠬᠦ ᠪᠠᠨ ᠳᠣᠭᠳᠠᠭᠠᠵᠦ ᠪᠣᠯᠣᠨᠠ᠃ | ᠳᠡᠬᠡᠬᠦ ᠳᠤ ᠵᠠᠯᠢᠬᠠᠢ ᠠᠷᠠᠯᠵᠢᠶᠠᠴᠢᠨ ᠠᠴᠠ ᠬᠠᠭᠤᠷᠮᠠᠭ ᠠᠷᠢᠬᠢᠨ ᠳᠠᠭᠠᠨ ᠪᠠᠷᠢᠮᠵᠢᠶᠠ ᠨᠣᠮᠧᠷ ᠬᠠᠳᠠᠭᠠᠳ | ᠬᠤᠳᠠᠯᠳᠣᠬᠤ ᠶᠢ ᠬᠡᠷᠡᠭᠯᠡᠭᠴᠢᠳ ᠢᠯᠭᠠᠨ ᠳᠠᠨᠢᠬᠤ ᠳᠤ ᠪᠡᠷᠬᠡᠳᠡᠢ᠃ | 2. ᠠᠷᠢᠬᠢᠨ ᠯᠣᠩᠬᠤ ᠶᠢ ᠬᠦᠮᠦᠷᠢᠨ ᠪᠠᠷᠢᠵᠦ ᠬᠦᠴᠦᠳᠡᠢ ᠰᠠᠵᠢᠯᠠᠭᠠᠳ ᠪᠣᠴᠠᠭᠠᠨ ᠳᠠᠯᠪᠢᠬᠤ ᠳᠤ ᠭᠠᠷᠣᠭᠰᠠᠨ | ᠵᠢᠵᠢᠭ ᠬᠦᠬᠡᠰᠦᠨ ᠮᠦᠬᠦᠯᠢᠭ ᠨᠢ ᠶᠡᠭᠡ ᠪᠠᠭᠠ ᠨᠢ ᠵᠢᠭᠳᠡ ᠮᠦᠷᠳᠡᠬᠡᠨ ᠣᠳᠠᠭᠠᠨ ᠠᠷᠢᠯᠵᠦ ᠪᠠᠶᠢᠪᠠᠯ ᠪᠣᠳᠠᠭᠠᠨ | ᠨᠠᠷᠠᠮᠠᠯ ᠪᠣᠯᠣᠨᠠ᠃ ᠬᠦᠬᠡᠰᠦᠨ ᠮᠦᠬᠦᠯᠢᠭ ᠤᠨ ᠶᠡᠭᠡ ᠪᠠᠭᠠ ᠨᠢ ᠳᠡᠭᠰᠢ ᠪᠣᠰᠣ᠂ ᠯᠣᠩᠬᠤ ᠪᠠᠨ ᠳᠠᠯᠪᠢᠮᠠᠭᠴᠠ | ᠳᠣᠣᠷᠠ ᠪᠠᠨ ᠠᠷᠢᠯᠵᠦ ᠪᠠᠶᠢᠪᠠᠯ ᠬᠠᠭᠤᠷᠮᠠᠭ ᠠᠷᠢᠬᠢ ᠪᠣᠯᠣᠨᠠ᠃ | 3. ᠭᠠᠷ ᠤᠨ ᠠᠯᠠᠭᠠᠨ ᠳᠡᠭᠡᠷᠡ ᠪᠠᠨ ᠬᠡᠳᠦᠨ ᠳᠣᠰᠣᠯ ᠠᠷᠢᠬᠢ ᠳᠤᠰᠤᠭᠠᠵᠤ᠂ ᠠᠯᠠᠭᠠ ᠪᠠᠨ ᠬᠠᠪᠰᠣᠷᠣᠨ | ᠬᠠᠯᠠᠰᠳᠠᠯᠠ ᠦᠷᠦᠬᠡᠳ ᠦᠨᠦᠷᠳᠦᠬᠦ ᠳᠤ ᠠᠷᠢᠬᠢᠨ ᠦᠨᠦᠷ ᠰᠠᠩ ᠳᠠᠳᠠᠵᠦ ᠪᠠᠶᠢᠪᠠᠯ ᠰᠠᠶᠢᠨ ᠠᠷᠢᠬᠢ᠂ ᠰᠢᠬᠢᠷ | ᠦᠨᠦᠷᠳᠦᠵᠦ ᠪᠠᠶᠢᠪᠠᠯ ᠳᠣᠮᠳᠠ ᠳᠡᠰ ᠤᠨ ᠠᠷᠢᠬᠢ᠂ ᠭᠠᠰᠢᠭᠤᠨ ᠪᠦᠬᠡᠳ ᠦᠮᠡᠬᠡᠢ ᠦᠨᠦᠷ ᠭᠠᠷᠴᠦ ᠪᠠᠶᠢᠪᠠᠯ | ᠬᠠᠭᠤᠷᠮᠠᠭ ᠠᠷᠢᠬᠢ᠃ | 4. ᠰᠢᠯ ᠤᠨ ᠴᠣᠮᠣᠨ ᠳᠤ ᠪᠠᠭᠠ ᠬᠡᠮᠵᠢᠶᠡᠨ ᠤ ᠠᠷᠢᠬᠢ ᠬᠢᠬᠡᠳ ᠳᠡᠬᠡᠷᠡ ᠨᠢ ᠠᠳᠠᠯᠢ ᠬᠡᠮᠵᠢᠶᠡᠨ ᠤ ᠣᠰᠣ | ᠬᠢᠨᠡ᠃ ᠴᠣᠮᠣ ᠪᠠᠨ ᠰᠠᠵᠢᠯᠠᠨ ᠬᠦᠳᠡᠯᠬᠡᠵᠦ ᠪᠠᠭᠠ ᠳᠠᠯᠪᠢᠬᠤ ᠳᠤ ᠪᠣᠯᠠᠩᠬᠢᠷᠳᠦᠵᠦ ᠪᠠᠶᠢᠪᠠᠯ ᠪᠣᠳᠠᠭᠠᠨ ᠠᠷᠢᠬᠢ᠂ | ᠶᠠᠮᠠᠷᠴᠦ ᠢᠯᠡᠷᠡᠯ ᠭᠠᠷᠬᠤ ᠦᠭᠡᠢ ᠪᠠᠶᠢᠪᠠᠯ ᠬᠠᠭᠤᠷᠮᠠᠭ ᠠᠷᠢᠬᠢ᠃ ᠵᠢᠩᠬᠢᠨᠢ ᠪᠣᠳᠠᠭᠠᠨ ᠠᠷᠢᠬᠢᠨ ᠳᠤ ᠠᠮᠣ ᠪᠣᠳᠠᠭᠠᠨ | ᠤ ᠦᠬᠡᠬᠦ ᠪᠣᠯᠣᠨ ᠣᠭᠤᠷᠠᠭ ᠪᠠᠶᠢᠳᠠᠭ ᠠᠴᠠ ᠳᠡᠷᠡ ᠨᠢ ᠣᠰᠣᠨ ᠳᠤ ᠠᠭᠤᠰᠬᠤ ᠦᠭᠡᠢ᠃ ᠬᠡᠳᠡᠯᠡ ᠬᠠᠭᠤᠷᠮᠠᠭ | ᠠᠷᠢᠬᠢᠨ ᠳᠤ ᠡᠶᠢᠮᠦ ᠪᠦᠷᠢᠯᠳᠦᠬᠦᠨ ᠪᠠᠶᠢᠬᠤ ᠦᠭᠡᠢ ᠳᠣᠯᠠ ᠬᠡᠳᠦᠢ ᠣᠰᠣ ᠨᠡᠮᠡᠪᠡᠴᠦ ᠳᠣᠩᠭᠠᠯᠠᠭ ᠬᠡᠪ ᠢᠶᠠᠷ | ᠣᠷᠣᠰᠢᠳᠠᠭ᠃ | 5. ᠴᠣᠮᠣᠨ ᠳᠤ ᠠᠷᠢᠬᠢ ᠬᠢᠬᠡᠳ ᠳᠠᠬᠢᠨ ᠯᠣᠩᠬᠤᠨ ᠳᠤᠨᠢ ᠪᠣᠴᠠᠭᠠᠨ ᠴᠢᠳᠬᠤᠵᠦ ᠬᠤᠭᠤᠰᠣᠯᠠᠨᠠ᠃ ᠠᠷ᠊ | ᠪᠠᠨ ᠮᠢᠨᠦ᠋ᠲ ᠤᠨ ᠳᠠᠷᠠᠭᠠ ᠴᠣᠮᠣ ᠪᠠᠨ ᠦᠨᠦᠷᠳᠦᠬᠦ ᠳᠤ ᠠᠷᠢᠬᠢᠨ ᠦᠨᠦᠷ ᠪᠣᠶᠣ ᠠᠷᠢᠬᠢᠨ ᠭᠦᠷᠦᠩᠬᠡ ᠶᠢᠨ ᠦᠨᠦᠷ | ᠭᠠᠷᠴᠦ ᠪᠠᠶᠢᠪᠠᠯ ᠪᠣᠳᠠᠭᠠᠨ ᠨᠠᠷᠠᠮᠠᠯ ᠠᠷᠢᠬᠢ᠃ ᠶᠠᠮᠠᠷᠴᠦ ᠦᠨᠦᠷ ᠦᠭᠡᠢ ᠪᠠᠶᠢᠪᠠᠯ ᠰᠫᠢᠷᠲ ᠢᠶᠠᠷ ᠨᠡᠷᠡᠭᠰᠡᠨ | ᠬᠠᠭᠤᠷᠮᠠᠭ ᠠᠷᠢᠬᠢ᠃ | ᠭᠧᠷᠮᠠᠨ ᠤ ᠰᠢᠨᠵᠢᠯᠡᠬᠦ ᠣᠬᠠᠭᠠᠨᠳᠠᠨ ᠾᠸᠢᠭᠧᠯ ᠬᠡᠯᠡᠬᠦ ᠳᠡᠭᠡᠨ ︽ᠣᠷᠣᠰᠢᠬᠤᠢ ᠪᠦᠬᠦᠨ ᠵᠦᠢ ᠶᠣᠰᠣᠳᠠᠢ︾ | ᠬᠡᠳᠡᠭᠴᠢᠯᠡᠨ ᠠᠷᠢᠬᠢᠨ ᠰᠣᠶᠣᠯ ᠨᠢ ᠡᠨᠡ ᠶᠢᠷᠳᠢᠨᠴᠦ ᠳᠤ ᠮᠡᠨᠳᠦᠯᠡᠭᠰᠡᠨ ᠠᠴᠠ ᠠᠪᠣᠭᠠᠳ ᠳᠠᠪᠣᠨ ᠮᠢᠩᠭᠠᠨ ᠣᠨ ᠤ | ᠳᠡᠣᠬᠡ ᠲᠠᠢ ᠪᠣᠯᠪᠠ ᠭᠡᠵᠤ ᠰᠣᠳᠣᠯᠭᠠᠳᠠᠳ ᠮᠡᠷᠬᠡᠯᠡᠳᠡᠭ᠃ ᠶᠡᠭᠡ ᠳᠠᠯᠠ ᠶᠢᠨ ᠨᠡᠬᠦᠳᠡᠯᠴᠢᠳ ᠴᠦ ᠠᠯᠢ ᠡᠷᠳᠡ ᠠᠴᠠ | ᠠᠪᠣᠭᠠᠳ ᠮᠠᠯ ᠤᠨ ᠰᠦ ᠪᠠᠨ ᠢᠰᠬᠡᠵᠦ ᠪᠦᠷᠬᠡᠬᠡᠷ ᠳᠣᠭᠤᠭᠠᠨ ᠳᠤ ᠪᠣᠴᠠᠯᠭᠠᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠨᠡᠷᠡᠬᠡᠳ | ᠠᠶᠢᠮᠠᠭ ᠣᠭᠰᠠᠭᠠ ᠪᠠᠷ ᠢᠶᠠᠨ ᠨᠠᠶᠢᠷᠯᠠᠯᠳᠣᠵᠦ ᠪᠠᠶᠢᠵᠠᠢ᠃ ᠴᠣᠯ ᠰᠦ ᠪᠣᠳᠠᠭᠠ ᠪᠠᠷ ᠨᠡᠷᠡᠭᠰᠡᠨ ᠠᠷᠢᠬᠢ ᠨᠢ ᠭᠷᠠᠳᠦ᠋ᠰ | ᠦᠨᠳᠦᠷ᠂ ᠠᠭᠠᠭ ᠶᠡᠭᠡ ᠪᠠᠶᠢᠳᠠᠭ ᠠᠴᠠ ᠰᠣᠭᠳᠣᠳᠠᠯᠠ ᠣᠣᠭᠤᠯᠠ ᠴᠦ ᠪᠡᠶᠡ ᠳᠤ ᠬᠤᠣᠷ ᠪᠣᠯᠳᠠᠭ ᠦᠭᠡᠢ᠃ ᠬᠡᠨ | ᠨᠢᠬᠡ ᠨᠢ ᠱᠠᠯ ᠰᠣᠭᠳᠣᠭᠠᠳ ᠰᠠᠪᠠ ᠰᠠᠭᠠᠯᠢ ᠬᠡᠮᠬᠡᠴᠢᠵᠦ ᠠᠶᠢᠯ ᠵᠡᠷᠬᠡᠯᠡᠳᠡᠭᠡ ᠪᠠᠨ ᠣᠶᠢᠮᠡᠬᠦᠯᠦᠬᠡᠳ ᠪᠠᠶᠢᠪᠠᠯ ᠳᠣᠮᠣ | ᠢᠰᠡᠬᠡᠢ ᠳᠤ ᠣᠷᠢᠶᠠᠭᠠᠳ ᠬᠤᠶᠢᠮᠣᠷ ᠲᠤ ᠣᠷᠬᠢᠪᠠᠯ ᠬᠤᠶᠡᠷ ᠬᠤᠨᠤᠭ ᠤᠨ ᠳᠠᠷᠠᠭᠠ ᠡᠷᠡᠬᠦᠯᠵᠢᠬᠡᠳ ᠢᠷᠡᠨᠡ᠃ | ᠬᠡᠳᠡᠯᠡ ᠬᠠᠭᠤᠷᠮᠠᠭ ᠠᠷᠢᠬᠢ ᠶᠢ ᠢᠩᠬᠢᠵᠦ ᠪᠠᠯᠠᠷᠠᠳᠠᠯᠠ ᠣᠣᠭᠤᠪᠠᠯ ︽ᠳ᠋ᠧᠪᠠᠵᠠᠨ ᠤ ᠣᠷᠣᠨ︾ ᠳᠠᠭᠠᠨ | ᠮᠣᠷᠢᠯᠠᠴᠢᠬᠠᠬᠤ ᠨᠢ ᠴᠦ ᠮᠦᠨᠦᠬᠡᠨ ᠳᠣᠣᠷᠠ᠃ ᠣᠨᠴᠠᠭᠠᠢ ᠵᠠᠷᠢᠮ ᠨᠢ ᠠᠷᠢᠬᠢᠨ ᠰᠢᠷᠡᠬᠡᠨ ᠠᠴᠠ ᠪᠠᠨ ᠪᠠᠭᠤᠵᠦ | ᠠᠮᠵᠢᠭᠠᠳᠣᠢ ᠪᠠᠷ ᠠᠮᠢ ᠪᠠᠨ ᠠᠯᠳᠠᠵᠦ ᠬᠠᠮᠳᠦ ᠣᠣᠭᠤᠭᠰᠠᠨ ᠠᠮᠠᠷᠠᠭ ᠠᠬᠠ ᠳᠡᠬᠦᠦ ᠪᠠᠨ ᠦᠷᠢ ᠳᠦᠯᠦᠪᠦᠷᠢ ᠳᠤ | ᠣᠷᠣᠭᠤᠯᠣᠨ ᠵᠠᠷᠭᠤ ᠬᠢᠯᠬᠡᠳᠡᠭ ᠴᠦ ᠪᠣᠢ᠃ ᠮᠠᠨ ᠤ ᠵᠠᠷᠢᠮᠠᠳ ᠨᠢ ᠬᠡᠳᠦᠬᠦᠯᠡ ᠨᠡᠶᠢᠯᠡᠵᠦ ᠬᠤᠭᠤᠯᠠᠨ ᠰᠢᠷᠡᠬᠡᠨ ᠳᠤ | ᠰᠠᠭᠤᠭᠠᠳ ᠣᠮᠳᠠᠭᠠ ᠰᠣᠩᠭᠤᠬᠤ ᠳᠠᠭᠠᠨ ᠡᠷᠢᠶᠡᠨ ᠠᠯᠠᠭ ᠣᠷᠠᠯᠠᠯ ᠲᠠᠢ ᠳᠣᠣᠷᠠ ᠭᠷᠠᠳᠦ᠋ᠰ ᠤᠨ ᠠᠷᠢᠬᠢ | ᠰᠣᠩᠭᠤᠳᠠᠭ᠂ ᠡᠨᠡ ᠨᠢ ᠳᠣᠰᠬᠠᠶᠢᠯᠠᠨ ᠰᠫᠢᠷᠲ ᠢᠶᠠᠷ ᠨᠠᠶᠢᠷᠠᠭᠰᠠᠨ ᠬᠤᠣᠷᠳᠣ ᠣᠮᠳᠠᠭᠠᠨ ᠢ ᠰᠢᠯᠢᠵᠦ ᠪᠣᠢ ᠪᠦᠬᠡᠳ | ᠠᠷᠪᠢᠨ ᠣᠣᠭᠤᠵᠦ ᠰᠣᠭᠳᠣᠭᠰᠠᠨ ᠠᠴᠠ ᠰᠡᠬᠦᠯᠡᠷ ᠳᠣᠯᠣᠭᠠᠢ ᠡᠪᠡᠳᠴᠦ ᠡᠯᠢᠬᠡ ᠬᠤᠳᠤᠭᠤᠳᠤ ᠡᠮᠵᠡᠭᠯᠡᠵᠦ ᠭᠤᠷᠪᠠ | ᠳᠠᠪᠣᠨ ᠬᠤᠨᠤᠭ ᠰᠠᠯᠬᠤ ᠦᠭᠡᠢ ᠪᠠᠶᠢᠳᠠᠭ ᠨᠢ ᠬᠤᠣᠷᠳᠠᠯ ᠤᠨ ᠦᠷᠡ ᠳᠠᠭᠠᠪᠣᠷᠢ ᠶᠤᠮ᠃ ᠵᠢᠩᠬᠢᠨᠢ ᠪᠣᠳᠠᠭᠠ ᠪᠠᠷ | ᠨᠡᠷᠡᠭᠰᠡᠨ ᠠᠷᠢᠬᠢ ᠨᠢ ᠣᠣᠭᠤᠬᠤ ᠳᠤ ᠠᠭᠠᠭ ᠲᠠᠢ᠂ ᠣᠷᠣᠬᠤ ᠳᠠᠭᠠᠨ ᠬᠤᠭᠤᠯᠠᠢ ᠵᠢᠷᠣᠳᠠᠭ ᠴᠦ ᠳᠣᠯᠣᠭᠠᠢ ᠳᠤ | ᠭᠠᠷᠬᠤ ᠦᠭᠡᠢ᠃ ᠬᠡᠳᠡᠯᠡ ᠬᠠᠭᠤᠷᠮᠠᠭ ᠠᠷᠢᠬᠢᠨ ᠳᠤ ᠠᠭᠤᠯᠠᠭᠳᠠᠵᠦ ᠪᠦᠬᠦᠢ ᠡᠲ᠋ᠠ ᠠᠯᠳᠧᠬᠢᠳ᠋ ᠨᠢ ᠴᠢᠰᠣᠨ | ᠳᠣᠳᠣᠷᠠᠬᠢ ᠣᠰᠣ ᠶᠢ ᠠᠯᠳᠠᠭᠳᠠᠭᠤᠯᠣᠭᠰᠠᠨ ᠠᠴᠠ ᠴᠢᠰᠦ ᠦᠳᠬᠡᠷᠡᠵᠦ᠂ ᠵᠢᠷᠦᠬᠡ ᠪᠣᠯᠣᠨ ᠳᠠᠷᠢᠬᠢᠨ ᠤ ᠬᠢᠯᠭᠠᠰᠣᠨ | ᠰᠣᠳᠠᠯ ᠤᠨ ᠴᠢᠰᠦ ᠣᠷᠣᠰᠬᠤ ᠨᠢ ᠣᠳᠠᠭᠠᠰᠢᠷᠠᠬᠤ ᠪᠣᠶᠣ ᠵᠣᠭᠰᠣᠩᠭᠤᠶᠢᠷᠠᠭᠠᠳ ᠵᠢᠷᠦᠬᠡᠨ ᠪᠠᠵᠠᠯᠭᠠ ᠪᠣᠶᠣ | ᠳᠠᠷᠢᠬᠢᠨ ᠰᠣᠳᠠᠯ ᠳᠦᠭᠵᠢᠷᠡᠨ ᠰᠠ ᠪᠣᠯᠳᠠᠭ ᠪᠠᠶᠢᠨᠠ᠃ ᠨᠠᠢᠮᠠᠨ ᠵᠠᠭᠤᠨ ᠵᠢᠯ ᠤᠨ ᠡᠮᠣᠨᠠ ᠠᠷᠢᠬᠢᠨ ᠤ ᠠᠰᠢᠭ | ᠬᠤᠣᠷ ᠢ ᠨᠡᠪᠳᠡ ᠳᠠᠨᠢᠭᠠᠳ ᠶᠠᠭᠠᠬᠢᠵᠦ ᠡᠳ᠋ᠯᠡᠪᠡᠯ ᠵᠣᠬᠢᠬᠤ ᠶᠢ ᠪᠣᠭᠳᠠ ᠡᠵᠡᠨ ᠴᠢᠩᠬᠢᠰ ᠬᠠᠭᠠᠨ ᠮᠠᠨ ᠳᠤ ᠬᠡᠬᠡᠨ | ᠰᠣᠷᠭᠠᠯ ᠢᠶᠠᠨ ᠬᠠᠶᠢᠷᠠᠯᠠᠵᠦ ᠦᠩᠬᠡᠷᠡᠵᠡᠢ᠃ ᠳᠡᠷᠡ ᠨᠢ ᠦᠷᠡ ᠬᠤᠶᠢᠴᠢᠰ ᠮᠠᠨ ᠢ ᠪᠠᠨ ᠠᠷᠢᠬᠢᠨ ᠤ ᠬᠤᠣᠷᠳᠠᠯ | ᠠᠴᠠ ᠵᠠᠶᠢᠯᠠᠭᠤᠯᠵᠦ ᠠᠵᠢᠯ ᠣᠶᠢᠯᠡᠰ ᠲᠡᠭᠡᠨ ᠮᠡᠷᠡᠶᠢᠯᠴᠡᠬᠦ ᠶᠢ ᠰᠠᠨᠠᠭᠤᠯᠣᠭᠰᠠᠨ ᠬᠡᠷᠡᠭ ᠪᠣᠯᠬᠤ ᠶᠢ ᠰᠡᠬᠡᠬᠡᠷᠡᠬᠦᠰᠢᠳᠡᠢ | ᠪᠠᠶᠢᠨᠠ᠃ ᠨᠡᠩ ᠴᠦ ᠣᠳᠣ ᠴᠠᠭ ᠴᠢᠨᠢ ᠬᠠᠭᠤᠷᠮᠠᠭ ᠰᠠᠷᠬᠤᠳ ᠢᠶᠠᠷ ᠵᠠᠬᠠ ᠳᠦᠬᠦᠷᠴᠦ ᠬᠤᠣᠷᠳᠣ ᠣᠮᠳᠠᠭᠠᠨ ᠢᠶᠠᠷ | ᠳᠡᠯᠬᠡᠬᠦᠷ ᠴᠢᠭᠵᠢᠭᠰᠡᠨ ᠬᠡᠴᠡᠬᠦᠦ ᠦᠶᠡ ᠪᠣᠯᠬᠤᠷ ᠠᠷᠣ ᠬᠡᠷ ᠢᠶᠠᠨ ᠪᠣᠳᠣᠬᠤ ᠦᠭᠡᠢ ᠴᠦ ᠠᠯᠳᠠᠷᠠᠶᠢᠬᠠᠨ ᠮᠠᠬᠠᠪᠣᠳ | ᠢᠶᠠᠨ ᠡᠷᠡᠮᠳᠡᠭᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠢ ᠰᠡᠳᠬᠢᠵᠦ᠂ ᠬᠡᠷ ᠪᠦᠯᠢ ᠳᠡᠭᠡᠨ ᠬᠠᠭᠠᠨ ᠳᠦᠰᠢᠭ᠂ ᠨᠡᠶᠢᠬᠡᠮ ᠨᠡᠶᠢᠳᠡ ᠳᠡᠭᠡᠨ | ᠬᠠᠨᠠᠭᠠᠷ ᠬᠦᠰᠢᠶᠡ ᠪᠣᠯᠬᠤ ᠵᠣᠷᠢᠯᠭᠠ ᠪᠠᠷ ᠠᠷᠢᠬᠢ ᠠᠴᠠ ᠬᠤᠯᠠᠬᠠᠨ ᠵᠠᠶᠢᠳᠠᠵᠦ ᠪᠠᠶᠢᠪᠠᠯ ᠳᠠᠭᠠᠷᠠᠨᠠ᠃ |