| ᠮᠣᠩᠭᠤᠯ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠦᠷᠡ ᠬᠡᠥᠬᠡᠳ ᠲᠡᠭᠡᠨ ᠦᠪᠯᠡᠭᠦᠯᠦᠨ ᠰᠤᠷᠭᠠᠬᠤ ᠶᠢ ᠨᠡᠶᠢᠭᠡᠮ | ᠨᠡᠶᠢᠲᠡ ᠪᠠᠷ ᠢᠶᠠᠨ ᠳᠡᠭᠡᠳᠦ ᠬᠡᠮᠵᠢᠶᠡ ᠪᠠᠷ ᠬᠦᠨᠳᠦᠳᠬᠡᠵᠦ ᠦᠵᠡᠪᠡᠯ ᠵᠣᠬᠢᠨᠠ | — ᠪᠦᠬᠦ ᠬᠤᠲᠠ ᠶᠢᠨ ︽ᠱᠠᠭᠳᠠᠷ ᠬᠤᠨᠳᠠᠭᠠᠲᠤ︾ ᠠᠩᠬᠠ ᠳᠤᠮᠳᠠᠳᠤ ᠶᠢᠨ ᠰᠤᠷᠤᠭᠴᠢᠳ ᠤᠨ | ᠵᠣᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠢᠶᠠᠷ ᠭᠤᠣᠯᠴᠢᠯᠠᠭᠰᠠᠨ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ | ᠰᠢᠷᠢᠰ ᠠᠵᠢᠯᠯᠠᠭᠠᠨ ᠢ ᠰᠣᠨᠢᠷᠬᠠᠭᠰᠠᠨ ᠲᠦᠷᠦᠭᠳᠡᠯ | | ᠡᠨᠡ ᠵᠢᠯ ᠤᠨ ᠳᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠡᠳᠦᠷ — 3 ᠰᠠᠷᠠ ᠶᠢᠨ 21 ᠢ ᠪᠢ ᠮᠠᠷᠲᠠᠬᠤ ᠦᠭᠡᠢ | ᠃ ︽ᠱᠠᠭᠳᠠᠷ ᠬᠤᠨᠳᠠᠭᠠᠲᠤ︾ ᠪᠦᠬᠦ ᠬᠤᠲᠠ ᠶᠢᠨ ᠠᠩᠬᠠ ᠳᠤᠮᠳᠠᠳᠤ ᠶᠢᠨ ᠰᠤᠷᠤᠭᠴᠢᠳ ᠤᠨ ᠠᠬᠤᠢ ᠲᠠᠯᠠᠪᠠᠢ | ᠶᠢᠨ ᠵᠣᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠰᠢᠢᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨ ᠳᠤ ᠲᠠᠪᠤᠨ ᠬᠢᠨᠠᠭᠴᠢ ᠶᠢᠨ ᠨᠢᠭᠡ ᠪᠣᠯᠵᠤ | ᠣᠷᠢᠭᠳᠠᠭᠰᠠᠨ ᠳᠠᠭᠠᠨ ᠣᠮᠤᠭᠰᠢᠵᠤ᠂ ᠦᠩᠭᠡᠷᠡᠵᠦ ᠣᠳᠣᠭᠰᠠᠨ ᠣᠨ ᠰᠠᠷᠠ ᠪᠠᠨ ᠡᠷᠭᠢᠴᠡᠭᠦᠯᠦᠨ ᠬᠠᠶᠠ ᠪᠠᠶᠢᠨ | ᠠᠩᠬᠠ ᠳᠤᠮᠳᠠᠳᠤ ᠶᠢᠨ ᠴᠠᠭ ᠦᠶᠡ ᠳᠡᠭᠡᠨ ᠪᠤᠴᠠᠭᠰᠠᠨ ᠭᠡᠮᠡᠷ ᠪᠣᠯᠵᠤ ᠠᠪᠤᠪᠠ᠃ ᠡᠷᠡᠭᠦᠯ ᠢᠳᠡᠷᠡᠭᠦᠨ ᠢᠶᠠᠷ | ᠦᠰᠦᠨ ᠪᠣᠶᠢᠵᠢᠵᠤ ᠪᠠᠶᠢᠭᠠ ᠬᠡᠥᠬᠡᠳ ᠳᠡᠭᠦᠦᠨᠠᠷ ᠢᠶᠠᠨ ᠨᠢᠳᠦ ᠳᠦᠭᠦᠷᠡᠩ ᠬᠠᠷᠠᠭᠠᠳ ᠪᠠᠶᠠᠷᠯᠠᠬᠤ ᠳᠠᠭᠠᠨ | ᠬᠢᠵᠠᠭᠠᠯᠠᠰᠢ ᠦᠭᠡᠢ ᠪᠠᠶᠠᠷ ᠵᠢᠷᠭᠠᠯ ᠤᠨ ᠳᠤᠮᠳᠠᠭᠤᠷ ᠬᠠᠮᠲᠤᠪᠠᠷ ᠤᠮᠪᠠᠵᠤ ᠪᠠᠶᠢᠮᠠᠷ ᠪᠣᠯᠳᠠᠭ ᠨᠢ ᠴᠣᠬᠤᠮ ᠶᠠᠭᠤᠨ ᠤ | ᠤᠴᠢᠷ ᠭᠡᠳᠡᠭ ᠢ ᠥᠪᠡᠷ ᠲᠡᠭᠡᠨ ᠴᠦ ᠬᠡᠯᠡᠵᠦ ᠭᠠᠷᠬᠤ ᠦᠭᠡᠢ᠃ ᠬᠡᠷᠪᠡ ᠬᠠᠮᠢᠭᠠ ᠪᠣᠯᠪᠠᠴᠤ ᠮᠣᠩᠭᠤᠯ ᠬᠡᠥᠬᠡᠳ | ᠮᠣᠩᠭᠤᠯ ᠡᠮᠦᠰᠬᠡᠯ ᠭᠤᠶᠤᠯᠠᠯ ᠢᠶᠠᠷ ᠢᠶᠠᠨ ᠭᠤᠶᠤᠯᠠᠵᠤ ᠡᠬᠡ ᠬᠡᠯᠡ ᠪᠠᠷ ᠢᠶᠠᠨ ᠢᠩᠭᠢᠵᠦ ᠯᠡ ᠪᠢᠴᠢᠵᠦ ᠶᠠᠷᠢᠵᠤ | ᠶᠠᠪᠤᠳᠠᠭ ᠲᠤ ᠬᠦᠷᠪᠡᠯ ᠮᠣᠩᠭᠤᠯ ᠬᠡᠥᠬᠡᠳ ᠤᠨ ᠬᠤᠵᠢᠮ ᠢᠷᠡᠭᠡᠳᠦᠢ ᠯᠠᠪ ᠭᠤᠶᠤ ᠰᠠᠷᠠᠭᠤᠯ ᠪᠠᠶᠢᠬᠤ ᠨᠢ ᠳᠠᠮᠵᠢᠭ | ᠦᠭᠡᠢ᠃ ᠭᠡᠲᠡᠯᠡ ᠠᠬᠤᠢ ᠪᠠᠶᠢᠳᠠᠯ ᠬᠠᠷᠢᠨ ᠡᠶᠢᠮᠦ ᠪᠢᠰᠢ᠃ ᠪᠠᠶᠢᠭᠠᠯᠢ ᠣᠷᠴᠢᠨ ᠤ ᠠᠮᠢ ᠠᠬᠤᠢ ᠮᠠᠭᠤᠵᠢᠷᠠᠵᠤ | ᠨᠣᠮᠢᠨ ᠨᠣᠭᠤᠭᠠᠨ ᠲᠠᠯᠠ ᠨᠣᠲᠤᠭ ᠮᠠᠨᠢ ᠬᠤᠵᠠᠶᠢᠵᠤ ᠴᠠᠶᠢᠷᠠᠵᠤ ᠬᠠᠷᠠᠭᠳᠠᠬᠤ ᠰᠢᠭ᠋ ᠡᠬᠡ ᠬᠡᠯᠡᠨ ᠤ ᠶᠠᠳᠠᠭᠤᠷᠠᠯ | ᠦᠷᠡ ᠬᠡᠥᠬᠡᠳ ᠢ ᠨᠢ ᠭᠠᠮᠰᠢᠭᠳᠠᠭᠤᠯᠵᠤ ᠪᠠᠶᠢᠭᠠ ᠨᠢ ᠴᠣᠬᠤᠮ ᠶᠠᠭᠠᠬᠢᠪᠠᠯ ᠵᠣᠬᠢᠬᠤ ᠲᠤᠬᠠᠢ ᠠᠷᠭᠠ ᠠᠯᠳᠠᠷᠠᠵᠤ | ᠪᠠᠶᠢᠬᠤ ᠮᠣᠩᠭᠤᠯ ᠲᠦᠮᠡᠨ ᠳᠡᠭᠡᠨ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠤ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠬᠢᠯᠭᠡ ᠪᠠᠷ ᠬᠠᠨᠳᠤᠭᠰᠠᠨ ᠪᠠᠭᠠᠷᠢᠨ | ᠵᠡᠭᠦᠨ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠱᠠᠰᠢᠨ ᠰᠤᠷᠲᠠᠬᠤᠨ ᠤ ᠲᠣᠪᠴᠢᠶᠠ ᠪᠠ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ | ᠬᠠᠮᠢᠶᠠ ᠪᠦᠬᠦᠢ ᠮᠤᠩᠭᠤᠯ ᠤᠳᠤᠷᠢᠳᠤᠯᠭᠠ ᠨᠠᠷ ᠤᠨ ᠴᠢᠷᠮᠠᠶᠢᠯᠭᠠ ᠨᠢ ᠪᠦᠬᠦ ᠬᠤᠲᠠ ᠶᠢᠨ ᠠᠩᠬᠠ ᠳᠤᠮᠳᠠᠳᠤ ᠶᠢᠨ | ᠰᠤᠷᠤᠭᠴᠢᠳ ᠲᠤ ᠶᠡᠬᠡᠬᠡᠨ ᠵᠣᠷᠢᠭᠵᠢᠭᠤᠯᠤᠯ ᠪᠣᠯᠤᠯᠠ ᠭᠡᠵᠦ ᠪᠢ ᠪᠣᠳᠤᠵᠤ ᠪᠣᠢ᠃ | ᠲᠤᠰ ᠤᠳᠠᠭᠠᠨ ᠤ ᠱᠠᠩᠨᠠᠯ ᠣᠯᠭᠤᠬᠤ ᠶᠣᠰᠤᠯᠠᠯ ᠳᠡᠭᠡᠷᠡ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤ ᠪᠠᠷ ᠨᠤᠲᠤᠭ ᠲᠠᠢ᠂ | ᠮᠠᠨ ᠤ ᠣᠷᠣᠨ ᠤ ᠠᠯᠳᠠᠷᠲᠤ ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ | ᠪᠠᠭᠰᠢ ᠨᠠ᠊· ᠦᠯᠵᠡᠶᠢᠳᠡᠯᠭᠡᠷ ᠤᠨ ᠪᠢᠴᠢᠭᠰᠡᠨ ︽ᠮᠢᠨᠦ ᠮᠣᠩᠭᠤᠯ ᠬᠡᠯᠡ︾ ᠶᠢ ᠤᠶᠠᠩᠭᠠᠯᠠᠭᠰᠠᠨ ᠬᠠᠮᠲᠤᠷᠠᠯ | ᠤᠶᠠᠩᠭᠠᠯᠠᠯ ᠳᠤ ᠮᠠᠰᠢ ᠶᠡᠭᠡ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠵᠦᠢᠯᠡᠰ ᠠᠭᠤᠯᠤᠭᠳᠠᠵᠤ᠂ ᠬᠡᠨ ᠪᠣᠯᠪᠠᠴᠤ ᠮᠣᠩᠭᠤᠯ ᠬᠡᠯᠡ | ᠪᠠᠷ ᠢᠶᠠᠨ ᠤᠶᠠᠩᠭᠠᠯᠠᠬᠤ ᠳᠤᠷᠠᠲᠠᠢ ᠭᠡᠳᠡᠭ ᠢ ᠬᠡᠥᠬᠡᠳ ᠤᠨ ᠴᠢᠷᠠᠢ ᠪᠠ ᠳᠠᠭᠤᠨ ᠤ ᠦᠩᠭᠡ ᠠᠴᠠ ᠣᠯᠵᠤ ᠬᠠᠷᠠᠨᠠ | ᠃ ᠠᠯᠳᠠᠷᠲᠤ ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ ᠠᠬᠠᠮᠠᠳ ᠰᠢᠯᠦᠭᠴᠢ ᠯ᠊· ᠣᠳᠽᠠᠷ ᠪᠠᠭᠰᠢ ᠶᠢᠨ ᠪᠢᠴᠢᠭᠰᠡᠨ ︽ᠨᠢᠭᠡ ᠰᠤᠮᠤ | ᠨᠢᠭᠡ ᠬᠦᠮᠦᠨ ᠢ ᠫᠤᠤᠳᠠᠵᠤ ᠤᠨᠠᠭᠠᠳᠠᠭ ᠪᠣᠯ ᠨᠢᠭᠡ ᠰᠢᠯᠦᠭ ᠲᠦᠮᠡᠨ ᠬᠦᠮᠦᠨ ᠢ ᠳᠠᠭᠤᠳᠠᠵᠤ ᠪᠣᠰᠬᠠᠨᠠ︾ ᠭᠡᠳᠡᠭ | ᠨᠢ ᠪᠠᠷᠤᠭ ᠡᠶᠢᠮᠦ ᠯᠡ ᠰᠢᠯᠦᠭ ᠢ ᠬᠡᠯᠡᠭᠰᠡᠨ ᠪᠠᠶᠢᠵᠠᠢ᠃ ᠡᠨᠡ ᠤᠳᠠᠭᠠᠨ ᠤ ᠡᠨᠡᠬᠦ ᠰᠢᠢᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨ ᠳᠤ | ᠬᠢᠨᠠᠭᠴᠢ ᠪᠠᠷ ᠤᠷᠢᠭᠳᠠᠵᠤ ᠣᠷᠤᠯᠴᠠᠭᠰᠠᠨ ᠨᠠ᠊· ᠦᠯᠵᠡᠶᠢᠳᠡᠯᠭᠡᠷ ᠪᠠᠭᠰᠢ ᠡᠨᠡ ᠰᠢᠯᠦᠭ ᠢᠶᠠᠨ ᠦᠨᠡᠬᠡᠷ ᠬᠦᠮᠦᠰ | ᠤᠨ ᠵᠢᠷᠦᠬᠡ ᠰᠡᠳᠬᠢᠯ ᠳᠤ ᠨᠡᠪᠲᠡᠷᠡᠲᠡᠯᠡ ᠪᠢᠴᠢᠯᠡ ᠭᠡᠬᠦ ᠳᠤ ᠢᠯᠡᠭᠦᠳᠡᠬᠦ ᠭᠠᠵᠠᠷ ᠦᠴᠦᠬᠡᠨ ᠴᠦ ᠪᠠᠶᠢᠭᠠ ᠦᠭᠡᠢ᠃ | ᠲᠡᠷᠡ ᠪᠠᠷ ᠡᠨᠡ ᠰᠢᠯᠦᠭ ᠤᠨ ᠢᠶᠠᠨ ᠲᠤᠬᠠᠢ ᠲᠠᠶᠢᠯᠪᠦᠷᠢᠯᠠᠵᠤ ᠶᠠᠷᠢᠬᠤ ᠳᠠᠭᠠᠨ ᠥᠪᠡᠷ ᠤᠨ ᠬᠡᠥᠬᠡᠨ ᠢᠶᠠᠨ ᠡᠬᠡ | ᠬᠡᠯᠡᠨ ᠠᠴᠠ ᠨᠢ ᠰᠠᠯᠭᠠᠬᠤ ᠦᠭᠡᠢ ᠭᠡᠵᠦ ᠮᠣᠩᠭᠤᠯ ᠴᠡᠴᠡᠷᠯᠢᠭ ᠲᠤ ᠬᠦᠷᠭᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠨᠠᠷᠢᠯᠢᠭ ᠰᠠᠶᠢᠬᠠᠨ | ᠶᠠᠷᠢᠭᠰᠠᠨ ᠪᠠᠶᠢᠯᠠ᠃ ᠡᠬᠡ ᠬᠡᠯᠡ ᠶᠢ ᠡᠵᠡᠮᠰᠢᠭᠦᠯᠦᠭᠰᠡᠨ ᠤ ᠰᠠᠶᠢᠨ ᠢᠶᠠᠷ ᠲᠡᠭᠦᠨ ᠤ ᠬᠡᠥᠬᠡᠨ ᠵᠤᠨᠠ ᠬᠤᠵᠢᠮ ᠨᠢ | ᠲᠦᠪ ᠤᠨ ᠦᠨᠳᠦᠰᠦᠲᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢ ᠪᠠᠷ ᠡᠯᠰᠡᠭᠳᠡᠵᠦ᠂ ᠣᠳᠣ ᠤᠯᠤᠰ | ᠤᠨ ᠭᠠᠳᠠᠭᠠᠳᠤ ᠳᠤ ᠭᠠᠷᠴᠤ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠳᠤᠮᠳᠠ ᠮᠣᠩᠭᠤᠯ ᠬᠢᠲᠠᠳ ᠠᠩᠭ᠍ᠯᠢ ᠬᠡᠳᠦᠨ ᠬᠡᠯᠡ ᠶᠢ | ᠲᠡᠭᠰᠢᠬᠡᠨ ᠶᠠᠷᠢᠬᠤ ᠪᠣᠯᠤᠭᠰᠠᠨ ᠪᠠᠶᠢᠵᠠᠢ᠃ | ᠦᠨᠳᠦᠰᠦᠲᠡᠨ ᠤ ᠢᠷᠡᠭᠡᠳᠦᠢ ᠶᠢᠨ ᠬᠦᠭᠵᠢᠯᠲᠡ ᠪᠠᠭᠠᠴᠤᠳ ᠬᠡᠥᠬᠡᠳ ᠤᠨ ᠦᠰᠦᠯᠲᠡ ᠪᠣᠶᠢᠵᠢᠯᠲᠠ ᠪᠠ | ᠬᠦᠴᠦᠷᠬᠡᠭᠵᠢᠯ ᠤᠨ ᠳᠤᠮᠳᠠ ᠪᠡᠶᠡᠯᠡᠯ ᠢᠶᠠᠨ ᠣᠯᠳᠠᠭ᠃ ᠡᠶᠢᠮᠦ ᠠᠴᠠ ᠮᠠᠨ ᠤ ᠦᠶᠡ ᠶᠢᠨ ᠬᠢᠨ ᠡᠷᠬᠡᠪᠰᠢ ᠦᠷᠡ | ᠬᠡᠥᠬᠡᠳ ᠲᠡᠭᠡᠨ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ ᠰᠠᠨ᠃ ︽ᠬᠡᠯᠡ ᠪᠠᠨ ᠠᠯᠳᠠᠬᠤ ᠨᠢ ᠬᠦᠯ ᠢᠶᠠᠨ | ᠠᠯᠳᠠᠭᠰᠠᠨ ᠶᠠᠪᠤᠳᠠᠯ ᠪᠣᠯᠤᠨᠠ︾ ᠭᠡᠳᠡᠭ ᠢ ᠮᠡᠳᠡᠵᠦ ᠪᠠᠶᠢᠭᠠ ᠠᠲᠠᠯᠠ ᠪᠠᠨ ᠮᠦᠨ ᠯᠡ ᠰᠡᠷᠡᠭᠦᠨ ᠢᠶᠠᠷ ᠢᠶᠠᠨ | ᠵᠡᠭᠦᠳᠦᠯᠡᠭᠡᠳ ᠯᠡ ᠪᠠᠶᠢᠵᠣ ᠪᠤᠯᠬᠤ ᠦᠭᠡᠢ ᠳ᠋ᠠ᠃ | ᠨᠠᠮ ᠤᠨ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠬᠤᠷᠠᠯ ᠠᠴᠠ ᠨᠠᠰᠢ᠂ ᠦᠨᠳᠦᠰᠦᠲᠡᠨ ᠤ ᠲᠤᠬᠠᠢ ᠲᠦᠷᠦ ᠶᠢᠨ ᠪᠣᠳᠤᠯᠭᠠ ᠶᠢ | ᠤᠯᠠᠮ ᠵᠦᠪ ᠢᠶᠠᠷ ᠬᠡᠷᠡᠭᠵᠢᠭᠦᠯᠬᠦ ᠪᠣᠯᠪᠠ᠃ ᠦᠨᠳᠦᠰᠦᠲᠡᠨ ᠤ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠠᠰᠠᠭᠤᠳᠠᠯ ᠪᠣᠯ | ᠦᠨᠳᠦᠰᠦᠲᠡᠨ ᠤ ᠥᠪᠡᠷ ᠤᠨ ᠠᠰᠠᠭᠤᠳᠠᠯ ᠮᠦᠨ᠃ ᠥᠪᠡᠷ ᠤᠨ ᠶᠠᠭᠤᠮᠠ ᠪᠠᠨ ᠥᠪᠡᠷ ᠢᠶᠠᠨ ᠬᠢᠬᠦ ᠦᠭᠡᠢ ᠪᠠᠷ | ᠦᠷᠦᠭᠡᠯ ᠪᠣᠰᠤᠳ ᠢ ᠴᠢᠷᠠᠶᠢᠳᠠᠵᠤ ᠰᠠᠭᠤᠬᠤ ᠴᠠᠭ ᠣᠳᠣ ᠨᠢᠭᠡᠨᠲᠡ ᠪᠢᠰᠢ ᠪᠣᠯᠵᠠᠢ᠃ ᠬᠠᠮᠤᠭ ᠨᠠᠭᠠᠳᠤ ᠵᠠᠬᠠ ᠨᠢ | ᠥᠪᠡᠷ ᠤᠨ ᠦᠷᠡ ᠬᠡᠥᠬᠡᠳ ᠲᠡᠭᠡᠨ ᠥᠪᠡᠷ ᠤᠨ ᠦᠨᠳᠦᠰᠦᠲᠡᠨ ᠤ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠰᠤᠷᠬᠤ | ᠪᠣᠯᠤᠮᠵᠢ ᠨᠦᠭᠦᠴᠡᠯ ᠢ ᠪᠣᠢ ᠪᠣᠯᠭᠠᠵᠤ ᠦᠭᠬᠦ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠭᠦᠢᠴᠡᠳᠬᠡᠬᠦ ᠨᠢ ᠮᠠᠨᠤᠰ ᠤᠨ ᠬᠦᠮᠦᠨ ᠪᠦᠬᠦᠨ | ᠤ ᠪᠡᠶᠡ ᠳᠡᠭᠡᠷᠡ ᠲᠤᠯᠭᠠᠷᠠᠵᠤ ᠪᠠᠶᠢᠭᠠ ᠬᠠᠷᠢᠭᠤᠴᠠᠯᠭᠠ ᠪᠣᠯᠬᠤ ᠶᠢ ᠮᠡᠳᠡᠬᠦ ᠴᠢᠬᠤᠯᠠᠲᠠᠢ᠃ ᠡᠬᠡ ᠬᠡᠯᠡ ᠪᠠᠨ | ᠰᠠᠶᠢᠲᠤᠷ ᠰᠤᠷᠤᠭᠰᠠᠨ ᠬᠡᠥᠬᠡᠳ ᠥᠪᠡᠷ ᠤᠨ ᠦᠨᠳᠦᠰᠦᠲᠡᠨ ᠳᠡᠭᠡᠨ ᠵᠢᠩᠬᠢᠨᠢ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠲᠠᠢ ᠪᠣᠯᠵᠤ | ᠴᠢᠳᠠᠨᠠ᠃ ᠮᠢᠨᠦ ᠪᠣᠳᠤᠬᠤ ᠪᠠᠷ᠂ ᠶᠠᠮᠠᠷ ᠨᠢᠭᠡᠨ ᠦᠨᠳᠦᠰᠦᠲᠡᠨ ᠬᠡᠷᠪᠡ ᠥᠪᠡᠷ ᠤᠨ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ | ᠢᠶᠠᠨ ᠠᠯᠳᠠᠪᠠᠯ ᠤᠳᠠᠯ ᠦᠭᠡᠢ ᠮᠦᠬᠦᠵᠦ ᠰᠦᠨᠦᠬᠦ ᠬᠡᠮᠵᠢᠶᠡᠨ ᠳᠤ ᠬᠦᠷᠬᠦ ᠠᠶᠤᠯ ᠲᠠᠢ᠃ ᠦᠭᠡ ᠬᠡᠯᠡ ᠦᠰᠦᠭ | ᠪᠢᠴᠢᠭ ᠢᠶᠠᠨ ᠠᠯᠳᠠᠪᠠᠯ ᠪᠠᠷᠤᠭ ᠯᠡ ᠪᠣᠰᠤᠳ ᠤᠨ ᠡᠮᠦᠨᠡ ᠦᠭᠡ ᠬᠡᠯᠡᠬᠦ ᠡᠷᠬᠡ ᠦᠭᠡᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠬᠦ | ᠲᠤᠯᠠ ᠲᠡᠭᠦᠨ ᠳᠤ ᠨᠢᠭᠡᠲᠦᠯᠲᠡᠢ ᠣᠷᠤᠰᠢᠨ ᠲᠣᠭᠲᠠᠨᠢᠬᠤ ᠣᠷᠣᠨ ᠵᠠᠢ ᠭᠡᠵᠦ ᠪᠠᠶᠢᠬᠤ ᠦᠭᠡᠢ ᠪᠣᠯᠤᠨᠠ᠃ ᠬᠡᠯᠡ | ᠪᠠᠨ ᠠᠯᠳᠠᠭᠠᠳ ᠨᠣᠲᠤᠭ ᠢᠶᠠᠨ ᠠᠯᠳᠠᠴᠢᠬᠠᠪᠠᠯ ᠬᠦᠮᠦᠨ ᠳᠤ ᠬᠢᠷᠢᠴᠢᠯᠡᠭᠳᠡᠬᠦ ᠠᠴᠠ ᠣᠨᠳᠣᠣ ᠶᠠᠭᠤ ᠪᠠᠶᠢᠳᠠᠭ ᠪᠣᠢ⁈ | | ᠬᠦᠮᠦᠨ ᠤ ᠬᠢ ᠶᠢ ᠰᠣᠨᠤᠰᠤᠭᠰᠠᠭᠠᠷ ᠪᠠᠶᠢᠵᠤ ᠥᠪᠡᠷ ᠢᠶᠠᠨ ᠨᠢᠭᠡᠨᠲᠡ ᠪᠣᠯᠬᠤ ᠪᠠᠨ ᠪᠣᠯᠢᠬᠤ ᠬᠡᠮᠵᠢᠶᠡᠨ ᠳᠤ | ᠬᠦᠷᠦᠭᠰᠡᠨ ᠵᠢᠱᠢᠶᠡ ᠠᠴᠠ ᠬᠡᠳᠦ ᠳᠤᠷᠠᠳᠪᠠᠯ᠄① ᠮᠠᠯᠵᠢᠬᠤ ᠣᠷᠣᠨ ᠤ ᠮᠠᠯᠴᠢᠳ ᠪᠠᠶᠢᠭᠰᠠᠨ ᠠᠲᠠᠯᠠ ᠪᠠᠨ ᠣᠳᠣ | ᠮᠠᠯ ᠢᠶᠠᠨ ᠡᠳ᠋ᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠪᠠ᠃ ᠤᠤᠯ ᠨᠢ ᠮᠠᠯ ᠢ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠢᠶᠠᠷ ᠪᠡᠯᠴᠢᠭᠡᠷ ᠰᠡᠯᠭᠦᠨ ᠮᠠᠯ | ᠤᠨ ᠢᠶᠠᠨ ᠲᠠᠷᠭᠤ ᠬᠦᠴᠦ ᠶᠢ ᠲᠡᠩᠴᠡᠭᠦᠯᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠡᠯᠴᠢᠭᠡᠷ ᠤᠰᠤ ᠪᠠᠨ ᠴᠦ ᠰᠦᠢᠳᠬᠡᠬᠦ ᠦᠭᠡᠢ | ᠪᠠᠷ ᠠᠮᠢ ᠠᠬᠤᠢ ᠶᠢᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠡᠵᠡᠩᠨᠡᠵᠦ ᠪᠠᠶᠢᠭᠰᠠᠨ ᠪᠣᠯ ᠮᠠᠯ ᠢ ᠬᠠᠰᠢᠶᠠᠯᠠᠵᠤ ᠡᠵᠡᠩᠨᠡᠬᠦ ᠪᠣᠯᠤᠭᠰᠠᠨ | ᠲᠤᠯᠠ ᠠᠷᠭᠠ ᠮᠡᠷᠭᠡᠵᠢᠯ ᠤᠨ ᠲᠠᠯᠠ ᠪᠠᠷ ᠭᠠᠷᠤᠭᠰᠠᠨ ᠠᠰᠠᠭᠤᠳᠠᠯ ᠢ ᠨᠢ ᠬᠦᠭᠡᠭᠡᠳ ᠭᠦᠢᠴᠡᠬᠦ ᠦᠭᠡᠢ ᠪᠣᠯᠤᠯᠠ ᠯᠡ | ᠭᠡᠬᠦ ᠤᠤ᠂ ᠣᠯᠠᠩᠭᠢ ᠮᠠᠯᠴᠢᠳ ᠤᠨ ᠣᠷᠤᠯᠭᠠ ᠨᠢ ᠵᠠᠷᠤᠯᠭᠠ ᠳᠠᠭᠠᠨ ᠬᠦᠷᠬᠦ ᠦᠭᠡᠢ ᠪᠣᠯᠵᠤ ᠦᠷᠢ ᠦᠭᠴᠡᠭᠡᠨ | ᠳᠡᠭᠡᠨ ᠳᠠᠷᠤᠭᠳᠠᠬᠤ ᠪᠣᠯᠪᠠ᠃ ᠮᠠᠯ ᠢᠶᠠᠨ ᠬᠠᠰᠢᠶᠠᠯᠠᠭᠰᠠᠨ ᠤ ᠳ᠋ᠦᠩ ᠳᠤ ᠪᠡᠯᠴᠢᠭᠡᠷ ᠤᠰᠤ ᠨᠢ ᠰᠠᠶᠢᠵᠢᠷᠠᠭᠰᠠᠨ | ᠦᠭᠡᠢ ᠮᠦᠷᠲᠡᠭᠡᠨ ᠤᠯᠠᠮ ᠢᠶᠠᠷ ᠲᠠᠴᠢᠷᠳᠠᠵᠤ᠂ ᠬᠠᠰᠢᠶᠠᠯᠠᠭᠰᠠᠨ ᠮᠠᠯ ᠤᠨ ᠬᠢᠨᠢ ᠮᠢᠬᠠ ᠨᠢ ᠠᠮᠲᠠ ᠦᠭᠡᠢ | ᠪᠣᠯᠤᠭᠠᠳ ᠠᠪᠬᠤ ᠬᠦᠮᠦᠨ ᠦᠭᠡᠢ ᠪᠣᠯᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠪᠡ᠃ ᠲᠠᠯᠠ ᠨᠤᠲᠤᠭ ᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ | ᠴᠦᠬᠡᠷᠡᠭᠡᠳ ᠲᠠᠯᠠ ᠳᠦᠭᠦᠷᠡᠩ ᠰᠦᠷᠦᠭᠯᠡᠬᠦ ᠭᠠᠭ᠋ᠠᠢ ᠶᠢᠨ ᠰᠦᠷᠳᠡᠭᠦᠯᠦᠯ ᠳᠤ ᠤᠴᠠᠷᠠᠭᠠᠳ ᠦᠢᠮᠡᠬᠦ ᠪᠣᠯᠪᠠ᠃② | ᠮᠠᠨᠵᠤ ᠴᠢᠩ ᠤᠨ ᠦᠶᠡ ᠳᠤ ᠮᠠᠨ ᠤ ᠮᠣᠩᠭᠤᠯᠴᠤᠳ ᠤᠨ ᠨᠣᠶᠠᠳ ᠢᠵᠠᠭᠤᠷᠲᠠᠳ ᠵᠡᠷᠭᠡ ᠬᠡᠷᠬᠡᠮ ᠬᠡᠰᠢᠭ ᠹᠦᠩᠯᠦ | ᠪᠠᠷ ᠪᠡᠶᠡ ᠠᠮᠤᠷ ᠵᠢᠷᠭᠠᠵᠤ ᠪᠦᠬᠦ ᠮᠣᠩᠭᠤᠯᠴᠤᠳ ᠤᠨ ᠢᠶᠠᠨ ᠦᠷᠡ ᠬᠡᠥᠬᠡᠳ ᠢ ᠰᠦᠮᠡ ᠳᠤ ᠰᠠᠭᠤᠯᠭᠠᠬᠤ ᠶᠢ | ᠰᠠᠶᠢᠬᠠᠨ ᠢᠶᠠᠷ ᠦᠵᠡᠵᠦ ᠲᠦᠪᠡᠳ ᠨᠣᠮ ᠤᠩᠰᠢᠭᠤᠯᠤᠭᠰᠠᠭᠠᠷ ᠪᠠᠶᠢᠵᠤ᠂ ᠦᠨᠳᠦᠰᠦ ᠤᠭᠰᠠᠭᠠ ᠪᠠᠨ | ᠬᠠᠷᠠᠯᠠᠭᠤᠯᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠭᠡᠪᠡ᠃ ᠳᠡᠭᠡᠷᠡ ᠵᠠᠭᠤᠨ ᠤ ᠲᠠᠪᠢᠭᠠᠳ ᠣᠨ ᠠᠴᠠ ᠡᠮᠦᠨᠡᠬᠢ᠂ ᠥᠭᠡᠷᠡ ᠪᠠᠷ | ᠬᠡᠯᠡᠪᠡᠯ᠂ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠬᠤ ᠠᠴᠠ ᠡᠮᠦᠨᠡ ᠲᠦᠷᠦᠭᠰᠡᠨ ᠮᠣᠩᠭᠤᠯᠴᠤᠳ ᠤᠨ ᠵᠠᠭᠤᠨ ᠤ | ᠶᠡᠷᠡ ᠨᠢ ᠪᠦᠷ ᠯᠡ ᠴᠤᠯᠤ ᠲᠦᠪᠡᠳ ᠨᠡᠷᠡ ᠪᠣᠶᠤ ᠲᠦᠪᠡᠳ ᠮᠣᠩᠭᠤᠯ ᠬᠤᠯᠢᠯᠳᠤᠭᠰᠠᠨ ᠨᠡᠷᠡ ᠲᠠᠢ ᠪᠣᠯᠵᠠᠢ᠃ | ᠨᠦᠭᠦᠭᠡ ᠦᠯᠡᠳᠡᠭᠰᠡᠨ ᠵᠠᠭᠤᠨ ᠤ ᠠᠷᠪᠠ ᠶᠢᠨ ᠮᠣᠩᠭᠤᠯᠴᠤᠳ ᠨᠢ ᠬᠡᠳᠦᠶᠢᠪᠡᠷ ᠮᠣᠩᠭᠤᠯ ᠨᠡᠷᠡ ᠲᠠᠢ ᠪᠣᠯᠪᠠᠴᠤ ᠪᠦᠷ | ᠯᠡ ︽ᠮᠠᠭᠤᠨᠣᠬᠠᠢ︾᠂ ︽ᠬᠠᠷᠠᠨᠣᠬᠠᠢ︾᠂ ︽ᠰᠢᠷᠠᠨᠣᠬᠠᠢ︾᠂ ︽ᠭᠦᠯᠦᠭᠡ︾᠂ ︽ᠳᠡᠯᠳᠡᠭᠡᠷ︾᠂ ︽ | ᠱᠦᠪᠦᠭᠡᠷ︾᠂ ︽ᠬᠦᠷᠡᠩᠪᠤᠬᠠ︾᠂ ︽ᠬᠠᠷᠠᠪᠤᠬᠠ︾᠂ ︽ᠴᠠᠭᠠᠨᠪᠤᠬᠠ︾᠂ ︽ᠮᠠᠯᠦ︾᠂ ︽ᠮᠡᠯᠴᠦᠭᠡᠷ︾᠂ | ︽ᠠᠨᠢᠬᠠᠷ︾᠂ ︽ᠭᠤᠨᠢᠭᠠᠷ︾᠂ ︽ᠰᠡᠭᠰᠡᠭᠡᠷ︾᠂ ︽ᠲᠦᠨᠳᠦᠭᠡᠷ︾ ᠵᠡᠷᠭᠡ ᠮᠠᠯ ᠠᠳᠤᠭᠤᠰᠤ ᠲᠠᠢ | ᠣᠶᠢᠷᠠᠲᠤᠭᠤᠯᠤᠭᠰᠠᠨ ᠪᠣᠶᠤ ᠨᠡᠶᠢᠭᠡᠮ ᠤᠨ ᠬᠠᠮᠤᠭ ᠤᠨ ᠳᠣᠣᠷᠠᠳᠤ ᠳᠠᠪᠬᠤᠷᠭᠠ ᠳᠤ ᠯᠡ ᠶᠠᠪᠤᠬᠤ ᠬᠤᠪᠢ ᠪᠣᠶᠠᠨ | ᠲᠠᠢ ᠰᠤᠨᠤᠰᠪᠤᠷᠢ ᠦᠭᠡᠢ ᠨᠡᠷᠡ ᠪᠠᠶᠢᠪᠠ᠃③ ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠦᠪ ᠬᠦᠷᠦᠩᠭᠡ ᠶᠢᠨ ᠢᠶᠠᠨ ᠦᠨᠡ ᠪᠡᠨᠡ | ᠲᠠᠢ ᠵᠦᠢᠯ ᠢ ᠡᠷᠬᠢᠮᠯᠡᠵᠦ ᠬᠠᠶᠢᠷᠠᠯᠠᠬᠤ ᠦᠭᠡᠢ᠂ ︽ᠬᠡᠯᠡᠪᠡᠯ ᠮᠢᠨᠦ ᠳᠤᠷᠠ᠂ ᠬᠡᠶᠢᠰᠪᠡᠯ ᠲᠡᠭᠷᠢ ᠶᠢᠨ ᠰᠠᠨᠠᠭᠠ︾ | ᠭᠡᠵᠦ ᠶᠠᠭᠤ ᠪᠦᠬᠦᠨ ᠳᠤ ᠭᠠᠵᠠᠷ ᠨᠣᠲᠤᠭ ᠢᠶᠠᠨ ᠭᠠᠳᠠᠭᠰᠢ ᠳᠦᠷᠢᠶᠡᠰᠦᠯᠡᠵᠦ ᠬᠤᠳᠠᠯᠳᠤᠬᠤ ᠶᠢ | ᠬᠦᠭᠡᠭᠡᠴᠡᠯᠳᠦᠭᠰᠡᠭᠡᠷ ᠪᠠᠶᠢᠵᠤ ᠰᠤᠮᠤ ᠭᠠᠴᠠᠭᠠ ᠠᠶᠢᠯ ᠳᠤᠭᠤᠶᠢᠯᠠᠩ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠭᠠᠭ ᠵᠠᠪᠰᠠᠷ ᠤᠨ | ᠭᠠᠵᠠᠷ ᠢᠶᠠᠨ ᠪᠤᠯᠢᠶᠠᠯᠴᠠᠨ ᠠᠯᠢ ᠨᠢᠭᠡ ᠨᠢ ᠵᠠᠪᠳᠤᠵᠤ ᠬᠤᠳᠠᠯᠳᠤᠭᠠᠳ ᠮᠣᠩᠭᠤᠯᠴᠤᠳ ᠬᠤᠭᠤᠷᠤᠨᠳᠤ ᠪᠠᠨ | ᠬᠠᠭᠠᠴᠠᠯ ᠡᠪᠳᠡᠷᠡᠯ ᠭᠠᠷᠳᠠᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠠᠯ ᠤᠨ ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠳᠤᠮᠳᠠ ᠲᠠᠷᠢᠶᠠ | ᠲᠠᠷᠢᠭᠤᠯᠤᠭᠠᠳ ᠮᠦᠨᠳᠦᠷ ᠣᠷᠤᠭᠤᠯᠬᠤ ᠦᠭᠡᠢ ᠫᠤᠤ ᠶᠢᠨ ᠬᠤᠣᠷ ᠢ ᠠᠮᠰᠠᠭᠠᠳ ᠠᠮᠠ ᠪᠠᠨ ᠪᠠᠷᠢᠵᠤ ᠭᠠᠷᠳᠠᠭ᠃ | ᠦᠭᠡ ᠬᠡᠯᠡ᠂ ᠭᠠᠵᠠᠷ ᠨᠣᠲᠤᠭ ᠪᠣᠯ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠦᠮᠴᠢᠯᠡᠭᠳᠡᠵᠦ ᠢᠷᠡᠭᠰᠡᠨ ᠪᠣᠯᠬᠤᠷ ᠪᠢᠳᠡ ︽ | ᠡᠬᠡ ᠬᠡᠯᠡ︾᠂ ︽ᠡᠬᠡ ᠨᠣᠲᠤᠭ︾ ᠭᠡᠵᠦ ᠬᠡᠯᠡᠳᠡᠭ᠃ ᠬᠡᠷᠪᠡ ᠡᠨᠡ ᠬᠤᠶᠠᠷ ᠢᠶᠠᠨ ᠠᠯᠳᠠᠪᠠᠯ ᠮᠠᠨᠤᠰ ᠤᠨ ᠦᠷᠡ | ᠬᠡᠥᠬᠡᠳ ᠡᠬᠡ ᠦᠭᠡᠢ ᠬᠡᠥᠬᠡᠳ ᠰᠢᠭ ᠦᠨᠦᠴᠢᠷᠡᠨᠡ ᠭᠡᠳᠡᠭ ᠢ ᠡᠷᠬᠡᠪᠰᠢ ᠮᠡᠳᠡᠯᠳᠡᠢ᠃ ᠶᠠᠭᠤ ᠴᠦ ᠭᠡᠰᠡᠨ ᠨᠢᠭᠡ | ᠦᠨᠳᠦᠰᠦᠲᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠤᠶᠤᠨ ᠰᠠᠨᠠᠭᠠᠨ ᠤ ᠮᠢᠨᠴᠦᠭᠦᠷᠡᠯ ᠠᠴᠠ ᠣᠨᠳᠣᠣ ᠦᠭᠡᠳᠡ ᠦᠭᠡᠢ ᠶᠠᠭᠤᠮᠠ | ᠪᠠᠶᠢᠳᠠᠭ ᠦᠭᠡᠢ᠃ ᠥᠪᠡᠷ ᠤᠨ ᠰᠠᠶᠢᠨ ᠶᠠᠭᠤᠮᠠ ᠪᠠᠨ ᠣᠷᠬᠢᠵᠤ ᠲᠠᠶᠠᠭᠳᠠᠭᠠᠳ ᠪᠣᠰᠤᠳ ᠢ ᠰᠣᠬᠤᠷ ᠪᠠᠯᠠᠢ ᠪᠠᠷ | ᠦᠨᠡᠮᠰᠢᠵᠦ ᠳᠠᠭᠤᠷᠢᠶᠠᠬᠤ ᠶᠢᠨ ᠬᠤᠣᠷ ᠨᠦᠯᠦᠭᠡ ᠪᠦᠷ ᠬᠤᠵᠢᠮ ᠨᠢ ᠭᠠᠷᠳᠠᠭ ᠰᠠᠨ᠃ | ᠤᠯᠠᠭᠠᠨᠬᠠᠳᠠ ᠬᠤᠲᠠ ᠶᠢᠨ ᠠᠷᠤ ᠲᠠᠪᠤᠨ ᠮᠠᠯᠵᠢᠬᠤ ᠬᠤᠰᠢᠭᠤ ᠶᠢᠨ ᠳᠣᠲᠤᠷᠠ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤ | ᠪᠣᠯ ᠭᠤᠷᠪᠠᠭ᠋ᠠᠨ ᠮᠣᠩᠭᠤᠯ ᠰᠤᠮᠤ ᠲᠠᠢ ᠬᠤᠶᠠᠷ ᠭᠤᠷᠪᠠᠭ᠋ᠠᠨ ᠲᠦᠮᠡᠨ ᠮᠣᠩᠭᠤᠯ ᠢᠶᠠᠷ ᠢᠶᠠᠨ ᠶᠠᠷᠢᠵᠤ ᠴᠢᠳᠠᠳᠠᠭ | ᠮᠣᠩᠭᠤᠯᠴᠤᠳ ᠲᠠᠢ ᠬᠤᠰᠢᠭᠤ ᠪᠠᠶᠢᠭᠠ ᠶᠤᠮ᠃ ᠡᠨᠡ ᠵᠢᠯ ᠲᠡᠳᠡ ᠳᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠪᠠᠶᠠᠷ ᠤᠨ | ᠡᠳᠦᠷ ᠢ ᠳᠣᠬᠢᠶᠠᠯᠳᠤᠭᠤᠯᠵᠤ ᠡᠬᠡ ᠬᠡᠯᠡ ᠪᠠᠨ ᠬᠠᠶᠢᠷᠠᠯᠠᠬᠤ ᠠᠵᠢᠯᠯᠠᠭᠠᠨ ᠢ ᠦᠪᠡᠳᠡᠭᠰᠢ ᠶᠡᠬᠡᠪᠡᠷ ᠭᠦᠨ ᠭᠦᠨᠵᠡᠭᠡᠢ | ᠤᠳᠬᠠ ᠠᠭᠤᠯᠭᠠ ᠲᠠᠢ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠠᠴᠠ ᠣᠯᠵᠤ ᠮᠡᠳᠡᠬᠦ ᠨᠢ᠂ ᠪᠢᠳᠡ ᠬᠡᠷᠪᠡ ᠦᠨᠡᠨᠬᠦ ᠦᠨᠳᠦᠰᠦᠲᠡᠨ ᠤ | ᠦᠷᠡ ᠬᠤᠶᠢᠴᠢᠰ ᠢᠶᠠᠨ ᠪᠣᠳᠤᠪᠠᠯ ᠬᠠᠰᠢᠯᠠ ᠰᠡᠳᠬᠢᠯ ᠨᠢᠭᠡᠲᠦᠨ ᠬᠠᠮᠲᠤᠷᠠᠯᠴᠠᠨ ᠴᠢᠷᠮᠠᠶᠢᠯᠴᠠᠬᠤ ᠴᠢᠬᠤᠯᠠᠲᠠᠢ᠃ | ᠦᠨᠳᠦᠰᠦᠲᠡᠨ ᠤ ᠦᠭᠡ ᠬᠡᠯᠡ ᠪᠠᠨ ᠰᠠᠶᠢᠲᠤᠷ ᠰᠤᠷᠬᠤ ᠨᠢ ᠪᠣᠰᠤᠳ ᠦᠨᠳᠦᠰᠦᠲᠡᠨ ᠤ ᠦᠭᠡ ᠬᠡᠯᠡ ᠦᠰᠦᠭ | ᠪᠢᠴᠢᠭ ᠢ ᠰᠤᠷᠬᠤ ᠳᠤ ᠰᠠᠭᠤᠷᠢ ᠪᠣᠯᠬᠤ ᠲᠤᠯᠠ ᠬᠠᠷᠢᠯᠴᠠᠨ ᠬᠠᠷᠰᠢᠯᠳᠤᠬᠤ ᠵᠦᠢᠯ ᠪᠠᠶᠢᠳᠠᠭ ᠦᠭᠡᠢ᠃ ᠪᠤᠰᠤᠳ | ᠬᠡᠯᠡ ᠶᠢ ᠤᠷᠢᠳᠠᠪᠠᠷ ᠰᠤᠷᠭᠠᠭᠠᠳ ᠦᠨᠳᠦᠰᠦᠲᠡᠨ ᠤ ᠬᠡᠯᠡ ᠪᠠᠨ ᠬᠤᠵᠢᠮ ᠨᠢ ᠰᠤᠷᠤᠭᠰᠠᠨ ᠴᠦ ᠪᠣᠯᠳᠠᠭ ᠪᠠᠶᠢᠯᠭᠦᠢ | ᠭᠡᠵᠦ ᠪᠣᠳᠤᠪᠠᠯ ᠲᠣᠭᠤᠷᠢᠭᠤ ᠵᠠᠮ ᠢᠶᠠᠷ ᠵᠠᠮᠨᠠᠬᠤ ᠤᠴᠢᠷ ᠪᠣᠯᠵᠤ ᠠᠶᠠᠭᠦᠶᠢᠳᠡᠪᠡᠯ ︽ᠪᠤᠷᠤᠭᠤ ᠵᠠᠮ ᠢᠶᠠᠷ ᠪᠤᠳᠠᠭᠠ | ᠲᠡᠭᠡᠭᠡᠭᠡᠳ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠰᠢᠷᠤᠢ ᠲᠡᠭᠡᠭᠡᠭᠰᠡᠨ︾ ᠶᠠᠪᠤᠳᠠᠯ ᠪᠣᠯᠬᠤ ᠶᠤᠮ᠃ ᠦᠨᠳᠦᠰᠦᠲᠡᠨ ᠤ ᠦᠭᠡ ᠬᠡᠯᠡ | ᠪᠠᠨ ᠦᠷᠡ ᠬᠡᠥᠬᠡᠳ ᠲᠡᠭᠡᠨ ᠰᠠᠶᠢᠲᠤᠷ ᠰᠤᠷᠭᠠᠴᠢᠬᠠᠪᠠᠯ ᠦᠷᠡ ᠬᠡᠥᠬᠡᠳ ᠴᠢᠨᠢ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠦᠭᠡ ᠬᠡᠯᠡ | ᠶᠢ ᠠᠶᠠᠨᠳᠠᠭᠠᠨ ᠰᠤᠷᠴᠢᠬᠠᠨᠠ ᠭᠡᠵᠦ ᠥᠩᠭᠡᠷᠡᠭᠰᠡᠨ ᠤ ᠵᠠᠷᠢᠮ ᠮᠡᠷᠭᠡᠳ ᠤᠨ ᠬᠡᠯᠡᠭᠰᠡᠨ ᠦᠭᠡ ᠣᠳᠣ ᠨᠢᠭᠡᠨᠲᠡ | ᠪᠡᠶᠡᠯᠡᠯ ᠢᠶᠠᠨ ᠣᠯᠵᠤ ᠪᠠᠶᠢᠭᠠ ᠪᠢᠰᠢᠤ᠂ ᠨᠡᠶᠢᠭᠡᠮ ᠬᠦᠭᠵᠢᠵᠦ ᠴᠠᠭ ᠦᠶᠡ ᠳᠠᠪᠰᠢᠵᠤ ᠪᠠᠶᠢᠭᠠ ᠦᠨᠦᠳᠦᠷ ᠮᠠᠨ ᠤ | ᠡᠮᠦᠨᠡ ᠲᠤᠯᠭᠠᠷᠠᠵᠤ ᠪᠠᠶᠢᠭᠠ ᠠᠰᠠᠭᠤᠳᠠᠯ ᠪᠣᠯ ᠬᠡᠥᠬᠡᠳ ᠤᠨ ᠠᠰᠠᠭᠤᠳᠠᠯ᠂ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠬᠡᠥᠬᠡᠳ ᠤᠨ | ᠬᠡᠯᠡᠨ ᠤ ᠠᠰᠠᠭᠤᠳᠠᠯ ᠪᠣᠯᠬᠤ ᠶᠤᠮ᠃ ᠬᠡᠯᠡ ᠪᠠᠨ ᠠᠯᠳᠠᠭᠠᠳ ᠨᠤᠲᠤᠭ ᠢᠶᠠᠨ ᠠᠯᠳᠠᠪᠠᠯ ᠦᠨᠳᠦᠰᠦᠲᠡᠨ ᠢᠶᠠᠨ | ᠬᠠᠯᠠᠬᠤ ᠠᠴᠠ ᠦᠭᠡᠷᠡ ᠶᠠᠮᠠᠷ ᠠᠷᠭᠠ ᠪᠠᠶᠢᠬᠤ ᠪᠣᠢ︖ ᠦᠨᠳᠦᠰᠦᠲᠡᠨ ᠢᠶᠠᠨ ᠬᠠᠯᠠᠪᠠᠯ ᠨᠢᠭᠤᠷ ᠢᠶᠠᠨ ᠪᠠᠷᠠᠭᠠᠳ | ᠬᠦᠮᠦᠨ ᠢᠶᠠᠨ ᠪᠠᠷᠠᠬᠤ ᠤᠴᠢᠷ ᠭᠠᠷᠤᠨᠠ᠃ ᠡᠶᠢᠮᠦ ᠠᠴᠠ ᠪᠢᠳᠡ ᠬᠠᠰᠢᠯᠠ ᠦᠷᠡ ᠬᠡᠥᠬᠡᠳ ᠢᠶᠠᠨ ᠰᠠᠶᠢᠨ ᠤ ᠵᠦᠭ | ᠲᠤᠨᠢ ᠳᠠᠭᠠᠭᠤᠯᠵᠤ ᠶᠠᠪᠤᠵᠠᠭᠠᠶᠠ᠃ | | | |