ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
︵ᠬᠤᠶᠠᠷ︶ ᠯᠢᠶᠣᠤ ᠤᠯᠤᠰ ᠤᠨ ᠲᠦᠷᠤ ᠪᠠᠶᠢᠭᠤᠯᠤᠬᠳᠠᠬᠰᠡᠨ ᠪᠠ ᠬᠢᠳᠠᠨ ᠤ ᠨᠡᠶᠢᠬᠡᠮ ᠪᠤᠭᠤᠯᠳᠤ ᠪᠠᠶᠢᠭᠤᠯᠤᠯ ᠠᠴᠠ ᠹᠸᠤᠳᠠᠯ ᠤᠨ ᠪᠠᠶᠢᠭᠤᠯᠤᠯ ᠳᠤ ᠰᠢᠯᠵᠢᠭᠰᠡᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015/8/11
      ᠶᠤᠤᠨᠢᠶᠠᠨ ᠤ ᠦᠶ᠎ᠡ ᠳᠤ ᠬᠢᠳᠠᠨ ᠤ ᠠᠶᠢᠮᠠᠭ  ᠤᠨ ᠬᠤᠯᠪᠤᠭ᠎ᠠ ᠳᠤ ᠮᠦᠨᠴᠤ ᠨᠠᠢᠮᠠᠨ ᠠᠶᠢᠮᠠᠭ ᠪᠠᠭᠳᠠᠵᠤ ᠪᠠᠶᠢᠪᠠ᠃ ᠡᠯ᠎ᠠ ᠠᠶᠢᠮᠠᠭ ᠤᠨ  ᠬᠦᠭᠵᠢᠯᠳᠠ ᠶᠡᠭᠡ ᠲᠡᠩᠴᠡᠬᠦᠷᠢ ᠦᠬᠡᠢ᠂ ᠡᠬᠦᠨ ᠤ ᠲᠤᠳᠤᠷ᠎ᠠ ᠶᠧᠯᠢᠣᠢ ᠠᠪᠤᠵᠢ ᠶᠢ ᠲᠠᠭᠠᠬᠰᠡᠨ ᠳ᠋ᠢᠶᠧᠯᠠ ᠠᠶᠢᠮᠠᠭ ᠤᠨ ᠠᠵᠤ ᠠᠬᠤᠢ ᠨᠢ ᠪᠤᠰᠤᠳ ᠠᠶᠢᠮᠠᠭ ᠠᠴᠠ ᠪᠠᠨ ᠪᠠᠭ᠋ᠠᠨ ᠬᠤᠷᠳᠤᠨ ᠬᠦᠭᠵᠢᠪᠠ᠃    ︽ᠯᠢᠶᠣᠤ ᠤᠯᠤᠰ ᠤᠨ ᠲᠡᠤᠬᠡ᠂ ᠲᠠᠶᠢᠽᠤ ᠬᠠᠭᠠᠨ ᠤ ᠴᠡᠳᠢᠭ︾ ᠮᠠᠬᠳᠠᠭᠠᠯ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢ ᠦᠨᠳᠤᠰᠤᠯᠡᠪᠠᠯ᠂  ᠶᠧᠯᠢᠣᠢ ᠠᠪᠤᠵᠢ ᠶᠢᠨ ᠡᠪᠦᠭᠡ ᠡᠴᠢᠬᠡ ᠶᠦᠨᠳᠡᠸ᠋ᠱᠢ ᠶᠢᠨ ᠦᠶ᠎ᠡ ᠳᠤ᠂ ᠳ᠋ᠢᠶᠧᠯᠠ ᠠᠶᠢᠮᠠᠭ ᠲᠠᠷᠤᠢ  ᠬᠦᠭᠵᠢᠭᠰᠡᠨ ᠮᠠᠯ ᠠᠵᠤ ᠠᠬᠤᠢ ᠲᠠᠢ ᠪᠠᠶᠢᠬᠰᠡᠨ ᠠᠴᠠ ᠭᠠᠳᠠᠨ᠎ᠠ᠂ ᠪᠠᠰᠠ ᠲᠠᠷᠢᠶ᠎ᠠ ᠲᠠᠷᠢᠵᠤ ᠡᠬᠢᠯᠡᠭᠰᠡᠨ ᠪᠦᠭᠡᠳ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠵᠤ ᠪᠠᠶᠢᠬᠰᠡᠨ ᠠᠴᠠ ᠪᠠᠨ ᠰᠠᠭᠤᠷᠢᠰᠢᠨ ᠨᠤᠳᠤᠬᠯᠠᠬᠤ ᠪᠤᠯᠪᠠ  ᠃ ᠠᠪᠤᠵᠢ ᠶᠢᠨ ᠡᠴᠢᠬᠡ ᠰᠠᠯᠠᠳᠢ ᠶᠢᠨ ᠦᠶ᠎ᠡ ᠳᠤ ᠨᠢᠬᠡᠨᠳᠠ ᠲᠠᠮᠤᠷ ᠬᠠᠶᠢᠯᠤᠭᠤᠯᠵᠤ ᠴᠢᠳᠠᠬᠤ ᠪᠤᠯᠤᠭᠠᠳ᠂  ᠲᠠᠮᠤᠷ ᠬᠠᠶᠢᠯᠤᠭᠤᠯᠬᠤ᠂ ᠨᠡᠬᠡᠮᠡᠯ ᠨᠡᠬᠡᠬᠦ ᠭᠠᠷ ᠦᠢᠯᠡᠳᠪᠤᠷᠢ ᠪᠠᠶᠢᠭᠤᠯᠵᠤ᠂ ᠲᠠᠷᠢᠶᠠᠯᠠᠩ ᠢᠶᠠᠨ ᠴᠢᠨᠠᠬᠰᠢᠳᠠ ᠬᠦᠭᠵᠢᠬᠦᠯᠤᠨ᠂ ᠠᠮᠤ ᠲᠠᠷᠢᠮᠠᠯ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠢᠯᠠᠮ᠎ᠠ ᠣᠯᠣᠰᠤ ᠲᠠᠷᠢᠬᠤ ᠪᠤᠯᠤᠬᠰᠡᠨ ᠪᠦᠬᠡᠳ ᠬᠠᠪᠳᠠᠰᠤᠨ ᠪᠠᠷᠢᠯᠭ᠎ᠠ ︵ᠭᠡᠷ ᠪᠠᠶᠢᠰᠢᠩ︶ ᠪᠠ ᠬᠤᠳᠠ ᠪᠠᠯᠭᠠᠳ ᠪᠠᠶᠢᠭᠤᠯᠬᠤ ᠪᠤᠯᠤᠬᠰᠡᠨ ᠪᠠᠶᠢᠨ᠎ᠠ᠃ ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ901 ᠣᠨ ︵ᠲᠠᠩ ᠤᠯᠤᠰ ᠤᠨ ᠵᠣᠣ ᠽᠦᠩ ᠬᠠᠭᠠᠨ ᠤ ᠲᠢᠶᠠᠨ ᠹᠦ᠋ ᠶᠢᠨ ᠲᠡᠷᠢᠬᠦᠨ ᠣᠨ︶ ᠳᠤ ᠠᠪᠤᠵᠢ ᠢᠯᠢᠵᠢᠨ ᠢᠶᠠᠷ ᠰᠤᠩᠭᠤᠬᠳᠠᠬᠰᠡᠨ ᠠᠴᠠ ᠬᠤᠶᠢᠰᠢ᠂ ᠲᠤᠰ ᠠᠶᠢᠮᠠᠭ ᠤᠨ ᠢᠶᠠᠨ ᠠᠵᠤ ᠠᠬᠤᠢ ᠶᠢᠨ ᠲᠠᠪᠠᠭᠤᠯᠢᠭ ᠬᠦᠴᠤᠨ ᠪᠤᠯᠤᠨ ᠤᠯᠤᠰ ᠲᠦᠷᠤ ᠶᠢᠨ ᠰᠠᠭᠤᠷᠢ ᠪᠠᠨ ᠠᠰᠢᠬᠯᠠᠨ᠂ ᠡᠷᠬᠡ  ᠬᠦᠴᠤ ᠪᠠᠨ ᠬᠦᠭᠵᠢᠬᠦᠯᠪᠠ᠃ ᠲᠡᠷᠠ ᠡᠩ ᠲᠡᠷᠢᠬᠦᠨ ᠳᠤ ᠤᠶᠢᠷ᠎ᠠ ᠬᠠᠪᠢ ᠶᠢᠨ ᠱᠢᠸᠧᠢ᠂ ᠢᠤᠶᠢᠵᠢᠤᠸᠧᠢ ︵ᠲᠠᠷᠤᠢ ᠦᠬᠦ ᠠᠶᠢᠮᠠᠭ᠂  ᠱᠢ ᠸᠧᠢ ᠠᠶᠢᠮᠠᠭ ᠲᠠᠢ ᠵᠠᠬ᠎ᠠ ᠨᠡᠶᠢᠯᠠᠵᠤ ᠪᠠᠶᠢᠪᠠ︶ ᠪᠤᠯᠤᠨ ᠰᠢ ︵ᠲᠠᠷᠤᠢ ᠺᠦᠮᠦ᠋ᠸᠧ ᠰᠢ ᠠᠶᠢᠮᠠᠭ︶ ᠵᠠᠷᠬᠡ ᠦᠨᠳᠤᠰᠤᠳᠡᠨ ᠢ ᠲᠣᠪᠳᠣᠯᠣᠨ ᠡᠵᠡᠯᠡᠪᠠ᠃ ᠲᠠᠷᠠᠭ᠎ᠠ ᠵᠢᠯ  ︵ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ902 ᠣᠨ︶ ᠳᠤᠨᠢ ᠲᠡᠷᠠ ᠲᠦᠴᠢᠨ ᠲᠦᠮᠡᠨ ᠶᠡᠭᠡ ᠴᠡᠷᠢᠭ ᠬᠦᠳᠡᠯᠬᠡᠵᠤ᠂ ᠴᠠᠭᠠᠨ ᠬᠡᠷᠡᠮ ᠢ  ᠲᠠᠪᠠᠨ᠂ ᠬᠠᠳᠤᠨ ᠭᠤᠣᠯ ᠤᠨ ᠵᠡᠬᠦᠨᠳᠠᠬᠢ ᠪᠠ ᠣᠮᠠᠷᠠᠳᠡᠬᠢ ᠶᠢᠰᠤᠨ ︵ᠭᠤᠤᠯᠳᠠᠭᠤ ᠣᠳᠣᠬᠢ ᠱᠠᠨ ᠰᠢ᠂ ᠡᠾᠧᠪᠸᠢ ᠬᠤᠶᠠᠷ ᠮᠤᠵᠢ  ᠣᠷᠴᠢᠮ︶ ᠳᠤ ᠲᠣᠪᠳᠣᠯᠣᠨ ᠤᠷᠤᠭᠠᠳ᠂ ᠶᠢᠰᠤᠨ ᠲᠦᠮᠡ ᠲᠠᠪᠤᠨ ᠮᠢᠩᠭᠠᠨ  ᠬᠢᠳᠠᠳ ᠬᠦᠮᠤᠨ ᠪᠠ ᠦᠯᠡᠮᠵᠢ ᠤᠯᠠᠨ ᠲᠡᠮᠡᠭᠡ᠂ ᠠᠳᠤᠭᠤ᠂ ᠦᠬᠡᠷ  ᠬᠤᠨᠢ ᠶᠢ ᠪᠤᠯᠢᠶᠠᠨ ᠲᠡᠬᠡᠷᠡᠮᠳᠡᠭᠰᠡᠨ ᠪᠠᠶᠢᠨ᠎ᠠ᠃ ᠡᠳᠡᠬᠡᠷ ᠲᠠᠶᠢᠨ ᠤ ᠤᠯᠵᠠᠯᠠᠬᠳᠠᠬᠰᠡᠳ ᠪᠠ ᠮᠠᠯ ᠲᠡᠵᠢᠬᠡᠪᠤᠷᠢ ᠨᠢ ᠴᠦᠮ ᠶᠧᠯᠢᠣᠢ ᠣᠪᠣᠭ ᠤᠨ ᠢᠵᠠᠭᠤᠷᠳᠠᠨ ᠤ ᠬᠦᠷᠤᠩᠭᠡ ᠬᠤᠬᠰᠢᠯ ᠪᠤᠯᠤᠭᠠᠳ᠂ ᠠᠪᠤᠵᠢ ᠶᠢᠨ ᠠᠵᠤ ᠠᠬᠤᠢ ᠶᠢᠨ ᠬᠦᠴᠤᠨ ᠶᠡᠬᠡᠳᠤᠭ᠍ᠰᠡᠨ ᠪᠠᠶᠢᠨ᠎ᠠ᠃ ᠣᠯᠵᠠᠯᠠᠬᠳᠠᠬᠰᠡᠳ ᠤᠨ ᠲᠣᠳᠣᠷ᠎ᠠ ᠬᠢᠳᠠᠳ ᠬᠦᠮᠤᠨ ᠠᠴᠠ ᠭᠠᠳᠠᠨ᠎ᠠ ᠣᠮᠠᠷᠠᠳᠤ ᠤᠷᠤᠨ ᠤ ᠬᠠᠷᠢᠶᠠᠳᠤ ᠪᠠᠯᠭᠠᠰᠤᠨ ᠤ ᠬᠡᠰᠡᠭᠡᠯᠨ ᠡᠵᠡᠯᠡᠬᠦ ᠬᠦᠴᠤᠨ ᠤ ᠬᠠᠷᠬᠢᠰ ᠲᠤᠬᠰᠢᠨ ᠬᠠᠪᠴᠢᠯ ᠲᠠᠷᠤᠯᠠᠯ ᠢ ᠬᠦᠯᠢᠴᠡᠨ ᠲᠡᠰᠪᠤᠷᠢᠯᠡᠬᠦᠶ᠎ᠠ ᠪᠡᠷᠬᠡ ᠪᠤᠯᠤᠭᠠᠳ ᠠᠷᠭ᠎ᠠ ᠪᠤᠰᠤ ᠴᠠᠭᠠᠨ ᠬᠡᠷᠠᠮ ᠤᠨ ᠠᠷᠤ ᠳᠠᠬᠢ ᠬᠢᠳᠠᠨ ᠤ ᠨᠣᠳᠤᠭ  ᠲᠤ ᠲᠣᠳᠠᠭᠠᠨ ᠣᠴᠢᠬᠰᠡᠨ ᠶᠢᠤ᠂ ᠵᠦᠸᠧ ᠵᠡᠷᠬᠡ ᠵᠸᠤ ︵ᠣᠳᠣᠬᠢ ᠪᠡᠬᠡᠵᠢᠩ ᠬᠤᠳᠠ ᠪᠠ ᠡᠾᠧᠪᠸᠢ ᠮᠣᠵᠢ  ᠶᠢᠨ ᠵᠦᠸᠧ ᠰᠢᠶᠠᠨ ᠤᠷᠴᠢᠮ︶ ᠶᠢᠨ ᠠᠷᠠᠳ ᠲᠦᠮᠡᠨ ᠪᠠᠰᠠ ᠨᠡᠯᠢᠶᠡᠳ ᠣᠯᠠᠨ ᠪᠤᠢ᠃ ᠠᠪᠤᠵᠢ ᠡᠳᠡᠬᠡᠷ ᠬᠢᠳᠠᠳ ᠬᠦᠮᠤᠰ ᠢᠶᠠᠷ ᠬᠤᠳᠠ ᠪᠠᠯᠭᠠᠰᠤᠨ ᠪᠠᠶᠢᠭᠤᠯᠤᠭᠤᠯᠵᠤ᠂ ᠬᠤᠳᠠ ᠶᠢᠨ ᠲᠤᠳᠤᠷ᠎ᠠ ᠭᠠᠷ ᠦᠢᠯᠡᠳᠪᠤᠷᠢ ᠶᠢᠨ ᠪᠦᠳᠤᠬᠡᠭᠳᠡᠬᠦᠨ ᠦᠢᠯᠡᠳᠪᠤᠷᠢᠯᠡᠬᠦᠯᠤᠨ᠂ ᠬᠤᠳᠠ ᠶᠢᠨ ᠭᠠᠳᠠᠨ᠎ᠠ ᠲᠠᠷᠢᠶ᠎ᠠ ᠲᠠᠷᠢᠭᠤᠯᠳᠠᠭ ᠪᠠᠶᠢᠪᠠ  ᠃ ᠬᠢᠳᠠᠨ ᠤ ᠨᠣᠳᠤᠭ ᠲᠤ ᠢᠷᠡᠭᠰᠡᠨ ᠬᠢᠳᠠᠳ ᠬᠦᠮᠤᠰ ᠤᠨ ᠲᠣᠳᠣᠷ᠎ᠠ᠂ ᠡᠩ ᠤᠨ ᠬᠦᠳᠡᠯᠮᠤᠷᠢᠴᠢᠨ ᠠᠷᠠᠳ ᠲᠦᠮᠡᠨ ᠠᠴᠠ  ᠭᠠᠳᠠᠨ᠎ᠠ᠂ ᠪᠠᠰᠠ ᠬᠢᠳᠠᠳ ᠦᠨᠳᠤᠰᠤᠳᠡᠨ ᠤ ᠭᠠᠵᠠᠷ ᠤᠨ  ᠡᠵᠡᠨ  ᠠᠩᠬᠢ ᠶᠢᠨ ᠨᠤᠶᠠᠳ ᠲᠦᠰᠢᠮᠡᠳ᠂ ᠪᠢᠴᠢᠭᠳᠡᠨ ᠰᠡᠭᠡᠭᠡᠳᠠᠨ᠂ ᠵᠢᠱᠢᠶᠡᠯᠡᠪᠠᠯ ᠬᠠᠨ ᠶᠠᠨ ᠡᠾᠦ᠋ᠢ᠂ ᠯᠦ ᠸᠧᠨ ᠶᠢᠨ᠂ ᠺᠠᠩ ᠮᠦᠸᠧ  ᠵᠢᠢ᠂  ᠠᠠ ᡁᠢ ᠬᠦ᠋ ᠨᠠᠷ ᠪᠠᠶᠢᠬᠰᠡᠨ ᠶᠤᠮ᠃ ᠡᠳᠡᠬᠡᠷ‌ᠨᠤᠶᠠᠳ ᠲᠦᠰᠢᠮᠡᠳ᠂ ᠪᠢᠴᠢᠭᠳᠡᠨ ᠰᠡᠭᠡᠭᠡᠳᠡᠨ ᠨᠠᠷ ᠠᠪᠤᠵᠢ ᠳᠤ ᠬᠢᠳᠠᠳ ᠬᠦᠮᠤᠰ ᠢ ᠨᠤᠶᠠᠷᠬᠠᠠᠬᠤ ᠪᠠ ᠬᠢᠳᠠᠳ ᠬᠦᠮᠤᠨ ᠤ  ᠦᠢᠯᠡᠳᠪᠤᠷᠢᠯᠡᠯ ᠬᠦᠳᠡᠯᠮᠤᠷᠢ ᠪᠤᠯᠤᠨ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠮᠠᠷᠬᠡᠵᠢᠯ ᠴᠢᠳᠠᠪᠤᠷᠢ ᠶᠢ ᠠᠰᠢᠭᠯᠠᠬᠤ ᠣᠯᠠᠨ ᠵᠤᠶᠢᠯ ᠤᠨ ᠠᠷᠭ᠎ᠠ ᠶᠢ ᠵᠢᠭᠠᠵᠤ ᠦᠭᠬᠦᠭᠰᠡᠨ ᠪᠠᠶᠢᠨ᠎ᠠ᠃ ᠲᠠᠩ ᠤᠯᠤᠰ ᠮᠦᠬᠦᠬᠦ ᠦᠶ᠎ᠡ ︵ᠠᠢ ᠳ᠋ᠠᠢ ᠬᠠᠭᠠᠨ ᠤ ᠲᠢᠶᠠᠨ ᠶᠢᠤ ᠶᠢᠨ ᠲᠦᠳᠤᠭᠡᠷ ᠣᠨ᠂ ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ907  ᠣᠨ ︶ ᠳᠤ᠂ ᠠᠪᠤᠵᠢ ᠠᠬᠠᠮᠠᠳ ᠢᠶᠠᠷ ᠰᠤᠩᠭᠤᠬᠳᠠᠵᠤ᠂ ᠳ᠋ᠢᠶᠧᠯᠠ ᠠᠶᠢᠮᠠᠭ ᠤᠨ ᠰᠦᠷ ᠬᠦᠴᠤᠨ ᠴᠤ ᠢᠳᠡᠭ ᠢᠳᠡᠭ ᠢᠶᠠᠷ ᠪᠤᠰᠤᠳ ᠠᠶᠢᠮᠠᠭ ᠤᠳ ᠠᠴᠠ  ᠲᠠᠪᠠᠪᠠ᠃ ᠡᠨᠠ ᠰᠠᠭᠤᠷᠢ ᠲᠡᠭᠡᠷ᠎ᠠ᠂ ᠶᠧᠯᠢᠣᠢ ᠣᠪᠣᠬᠳᠠᠨ ᠲᠡᠳᠠᠨ ᠢ ᠡᠰᠡᠷᠬᠦᠴᠡᠭᠰᠡᠨ ᠠᠶᠢᠮᠠᠭ ᠤᠳ ᠢ ᠲᠠᠷᠤᠨ ᠲᠠᠭᠠᠭᠤᠯᠵᠤ᠂ ᠭᠠᠳᠠᠬᠰᠢ ᠬᠢᠳᠠᠳ ᠬᠦᠮᠤᠨ ᠢ ᠦᠷᠬᠦᠯᠵᠢᠯᠡᠨ ᠤᠯᠵᠠᠯᠠᠨ ᠠᠪᠴᠢᠷᠠᠵᠤ᠂ ᠲᠠᠷᠢᠶᠠᠯᠠᠩ᠂ ᠭᠠᠷ ᠦᠢᠯᠡᠳᠪᠤᠷᠢ  ᠶᠢᠨ ᠦᠷᠬᠡᠳᠬᠡᠨ ᠠᠵᠤ ᠠᠬᠤᠢ ᠶᠢᠨ ᠬᠦᠴᠤ ᠪᠠᠨ ᠲᠡᠬᠦᠯᠳᠠᠷᠵᠢᠬᠦᠯᠤᠭ᠍ᠰᠡᠨ ᠤ ᠬᠠᠮᠳᠤ᠂ ᠣᠶᠢᠭᠤᠷ᠂ ᠮᠤᠩᠭᠤᠯ᠂ ᠵᠦᠷᠴᠢᠨ ᠵᠡᠷᠬᠡ ᠦᠨᠳᠤᠰᠤᠳᠡᠨ ᠢ ᠵᠠᠯᠭᠠᠯᠳᠤᠪᠠᠷ ᠢᠯᠠᠵᠤ᠂ ᠡᠷᠬᠡᠰᠢᠶᠡᠯ ᠤᠨ ᠤᠷᠤᠨ ᠢᠶᠠᠨ ᠶᠡᠬᠡᠪᠡᠷ ᠦᠷᠬᠡᠳᠬᠡᠭᠰᠡᠨ ᠪᠠᠶᠢᠨ᠎ᠠ᠃       ᠡᠨᠠ ᠦᠶᠡᠰ ᠨᠡᠶᠢᠬᠡᠮ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠬᠦᠴᠤᠨ ᠤ  ᠬᠦᠭᠵᠢᠯᠳᠠ ᠠᠴᠠ ᠪᠤᠯᠵᠤ᠂ ᠬᠢᠳᠠᠨ ᠤ ᠪᠠᠯᠠᠷ ᠡᠷᠳᠡᠨ ᠤ ᠤᠪᠣᠭ ᠲᠦᠷᠤᠯ ᠤᠨ ᠬᠦᠢ ᠨᠢᠭᠡᠳᠤᠯ ᠤᠨ ᠲᠤᠳᠤᠭᠠᠳᠤ ᠳᠤ ᠠᠯᠢ ᠬᠡᠳᠤᠶᠢᠨ ᠶᠠᠳᠠᠭᠤ ᠪᠠᠶᠠᠨ ᠤ ᠵᠠᠳᠠᠷᠠᠯ ᠭᠠᠷᠴᠤ᠂ ᠠᠩᠬᠢ ᠪᠠ ᠠᠩᠬᠢ ᠶᠢᠨ ᠡᠰᠡᠷᠬᠦᠴᠡᠯᠳᠤᠯ ᠦᠳᠳᠠᠷ ᠲᠦᠷᠬᠡᠨ ᠪᠤᠢ ᠪᠤᠯᠵᠠᠢ᠃ ᠲᠡᠤᠬᠡᠨ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠲᠠᠩ ᠤᠯᠤᠰ ᠤᠨ ᠡᠤ ᠽᠧ ᠲᠢᠶᠠᠨ ᠤ ᠦᠶ᠎ᠡ ᠳᠤ᠂ ᠬᠢᠳᠠᠨ ᠤ ᠲᠦᠷᠤᠬᠦᠤ ᠰᠦᠨ ᠸᠠᠨ ᠿᠦᠩ ᠨᠢᠬᠡᠨᠳᠠ ᠪᠤᠭᠤᠯ ᠵᠠᠷᠤᠵᠤ ᠪᠠᠶᠢᠬᠰᠡᠨ ᠪᠦᠬᠡᠳ ᠲᠠᠶᠢᠨ ᠳᠤ ᠢᠯᠠᠬᠳᠠᠨ ᠵᠢᠭᠤᠳᠠᠨ ᠲᠤᠳᠠᠭᠠᠬᠤ ᠵᠠᠮ ᠵᠠᠭᠤᠷ᠎ᠠ ᠪᠤᠭᠤᠯ ᠳᠠᠭᠠᠨ ᠠᠯᠠᠬᠳᠠᠬᠰᠡᠨ ᠪᠠᠶᠢᠨ᠎ᠠ  ᠃ ᠰᠢᠶᠠᠨᠾᠢ ᠬᠠᠭᠠᠨ ᠤ ᠦᠶ᠎ᠡ ︵ᠶᠤᠤᠨᠢᠶᠠᠨ ᠣᠪᠣᠬᠳᠠᠨ ᠤ ᠲᠠᠪᠤᠳᠤᠭᠠᠷ ᠦᠶ᠎ᠡ ᠶᠢᠨ ᠲᠦᠷᠤᠬᠦᠤ︶ ᠳᠤ᠂ ᠰᠢ ᠦᠨᠳᠤᠰᠤᠳᠡᠨ ᠤ ᠲᠤᠯᠤᠭᠠᠨ  ᠵᠠᠭᠤᠨ ᠡᠷᠤᠬᠡ ᠶᠢ ᠣᠯᠵᠠᠯᠠᠨ ᠠᠪᠴᠢᠷᠠᠵᠤ᠂ ︽ᠣᠯᠵᠠ ᠤ ᠡᠷᠤᠬᠡ︾ ︵ᠪᠤᠭᠤᠯ︶ ᠪᠤᠯᠭᠠᠬᠰᠡᠨ ᠪᠢᠯᠠ᠃  ᠡᠳᠡᠬᠡᠷ ᠨᠢ ᠬᠢᠳᠠᠨ ᠤ ᠨᠡᠶᠢᠬᠡᠮ ᠳᠤ ᠪᠤᠭᠤᠯᠳᠤ ᠪᠠᠶᠢᠭᠤᠯᠤᠯ ᠨᠢᠬᠡᠨᠳᠠ ᠪᠦᠷᠢᠯᠳᠤᠭ᠍ᠰᠡᠨ ᠢ ᠬᠠᠷᠠᠭᠤᠯᠵᠤ ᠪᠤᠢ᠃ᠠᠩᠬᠢᠳᠤ ᠨᠠᠶᠢᠬᠡᠮ ᠤᠨ ᠲᠠᠷᠤᠯᠠᠯ ᠤᠨ ᠪᠠᠭᠠᠵᠢ ᠪᠤᠯᠬᠤ ᠵᠤᠶᠢᠯᠡᠰ ᠠᠯᠢ  ᠡᠷᠳᠠ ᠶᠤᠤᠨᠢᠶᠠᠨ ᠤ ᠦᠶ᠎ᠡ ᠶᠢᠨ ᠡᠬᠢ ᠪᠠᠷ ᠨᠢᠬᠡᠨᠳᠠ ᠪᠤᠢ ᠪᠤᠯᠤᠬᠰᠡᠨ ᠪᠠᠶᠢᠨ᠎ᠠ᠃ ︽ᠯᠢᠶᠣᠤ  ᠤᠯᠣᠰ ᠤᠨ ᠲᠡᠤᠬᠡ᠂ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠲᠡᠮᠳᠡᠭᠯᠡᠯ︾ ᠳᠤ ᠲᠠᠮᠳᠡᠭᠯᠡᠭᠰᠡᠨ ᠢᠶᠠᠷ᠂ ᠽᠤ᠋ ᠡᠤ ᠬᠠᠭᠠᠨ ︵ᠲᠠᠩ ᠤᠯᠤᠰ ᠤᠨ ᠺᠠᠢ ᠶᠤᠸᠠᠨ ᠤ ᠡᠴᠤᠰ︶ ᠲᠦᠷᠤᠯ ᠤᠨ ᠬᠦᠮᠤᠨ ᠶᠯᠠᠢ ︵ᠶᠧᠯᠢᠣᠢ ᠣᠪᠣᠭ ᠤᠨ ᠲᠡᠬᠡᠳᠤᠰ︶  ᠪᠠᠷ  ᠡᠷᠡᠬᠦᠤ ᠶᠢᠨ ᠬᠡᠷᠡᠭ ᠢ ᠬᠠᠮᠢᠶᠠᠷᠤᠭᠤᠯᠵᠠᠢ᠃ ︽ᠰᠢᠶᠤᠤ ᠳ᠋ᠠᠢ ᠯᠦ ᠶᠢᠨ ᠨᠠᠮᠳᠠᠷ︾   ᠲᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ᠂ ᠳ᠋ᠠᠢ ᠯᠦ ᠶᠢᠨ ᠲᠠᠪᠤᠳᠤᠭᠠᠷ ᠦᠶ᠎ᠡ ᠶᠢᠨ ᠡᠪᠦᠭᠡ ᠪᠤᠯᠬᠤ  ᠬᠤᠮᠦ ᠠᠴᠠ ᠡᠬᠢᠯᠡᠨ᠂ ᠦᠶ᠎ᠡ ᠤᠯᠠᠷᠢᠨ ᠵᠠᠷᠭᠤ ᠰᠢᠳᠭᠡᠭᠴᠢ ᠨᠤᠶᠠᠨ ᠰᠠᠭᠤᠪᠠ᠃ ᠶᠤᠤᠨᠢᠶᠠᠨ  ᠣᠪᠣᠭ ᠤᠨ ᠡᠴᠤᠰ ᠤᠨ ᠨᠢᠭᠡᠨ ᠲᠦᠷᠤᠬᠦᠤ ᠪᠤᠯᠬᠤ  ᠡᠾᠧᠳᠧᠵᠢᠨ ᠬᠠᠭᠠᠨ ᠤ ᠦᠶ᠎ᠡ ᠪᠤᠯᠳᠠᠯ᠎ᠠ᠂ ᠠᠪᠤᠵᠢ ᠬᠠᠷᠢᠨ ᠢᠤᠶᠢᠶᠤᠸᠧᠢ ︵ᠬᠢᠳᠠᠨ ᠤ ᠬᠦᠨᠳᠤᠳᠤ ᠨᠤᠶᠠᠨ ᠤ ᠴᠤᠯᠠ︶ ᠨᠤᠶᠠᠨ ᠱᠢᠯᠤ ᠶᠢ ᠬᠤᠤᠷᠯᠠᠬᠰᠡᠨ ᠲᠦᠷᠤᠬᠦᠤ  ᠶᠠᠯᠠᠳᠠᠨ ᠤ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠢ ︽ᠸᠠᠯᠢ︾ ︵ᠪᠤᠭᠤᠯ ᠢ ᠬᠤᠷᠢᠬᠤ ᠬᠢᠨᠳᠠᠨ︶ ᠳᠤ ᠬᠤᠷᠢᠬᠰᠡᠨ ᠪᠠᠶᠢᠨ᠎ᠠ᠃ ᠡᠬᠦᠨ ᠠᠴᠠ ᠦᠵᠡᠬᠦᠯ᠎ᠠ ᠶᠤᠤᠨᠢᠶᠠᠨ ᠤ ᠦᠶ᠎ᠡ ᠠᠴᠠ ᠡᠬᠢᠯᠡᠨ ᠬᠠᠤᠯᠢ ᠴᠠᠭᠠᠵᠠ᠂ ᠵᠠᠷᠭᠤᠴᠢ ᠨᠤᠶᠠᠨ᠂ ᠱᠣᠷᠣᠩ ᠬᠢᠨᠳᠠᠨ ᠵᠡᠷᠬᠡ ᠪᠤᠭᠤᠯᠴᠤᠳ ᠢ ᠲᠠᠷᠤᠩᠭᠤᠶᠢᠯᠠᠬᠤ ᠪᠠᠭᠠᠵᠢ ᠴᠦᠮ ᠪᠦᠷᠢᠯᠳᠤᠭ᠍ᠰᠡᠨ ᠪᠦᠬᠡᠳ ᠴᠢᠨᠠᠬᠰᠢᠯᠠᠨ ᠬᠢᠳᠠᠨ ᠤ ᠲᠤᠰ ᠦᠨᠳᠤᠰᠤᠳᠡᠨ ᠤ ᠬᠦᠮᠤᠨ ᠨᠢ ᠶᠠᠯ᠎ᠠ ᠬᠢᠭᠰᠡᠨ ᠴᠤ ᠪᠤᠭᠤᠯ ᠪᠤᠯᠭᠠᠬᠤ ᠪᠤᠯᠤᠬᠰᠡᠨ ᠪᠠᠶᠢᠨ᠎ᠠ᠃ ᠵᠢᠱᠢᠶᠡᠯᠡᠪᠠᠯ  ︽ᠲᠠᠭᠠᠬᠰᠡᠳ︾ ᠪᠤᠯ ᠲᠠᠷᠤᠢ ᠬᠠᠭᠠᠨ ᠤ  ᠣᠷᠳᠣ ᠬᠠᠷᠰᠢ ᠳᠤ ᠠᠯᠪᠠ ᠬᠠᠭᠠᠳᠠᠭ ᠬᠢᠳᠠᠨ ᠤ ᠲᠤᠰ ᠦᠨᠳᠤᠰᠤᠳᠡᠨ ᠤ ᠪᠤᠭᠤᠯ ᠮᠦᠨ᠃         ᠬᠢᠳᠠᠨ ᠤ ᠨᠠᠶᠢᠬᠡᠮ ᠤᠨ  ᠬᠦᠭᠵᠢᠬᠦ ᠶᠢ ᠲᠠᠭᠠᠯᠳᠤᠨ᠂ ᠤᠭ ᠤᠨ ᠣᠪᠣᠭ ᠲᠦᠷᠤᠯ ᠤᠨ  ᠪᠠᠶᠢᠭᠤᠯᠤᠮᠵᠢ  ᠨᠢ ᠭᠢᠳᠠᠨ ᠤ ᠨᠡᠶᠢᠬᠡᠮ ᠤᠨ  ᠲᠠᠪᠰᠢᠯᠳᠠ ᠳᠤ ᠬᠠᠷᠰᠢ ᠪᠣᠯᠪᠠ᠃ ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ907 ᠣᠨ ᠳᠤ ᠠᠪᠤᠵᠢ ᠬᠠᠭᠤᠴᠢᠨ ᠤ ᠠᠶᠢᠮᠠᠭ ᠤᠨ ᠰᠤᠩᠭᠤᠭᠤᠯᠢ ᠶᠢᠨ ᠶᠤᠰᠤᠯᠠᠯ ᠢ ᠠᠰᠢᠬᠯᠠᠨ᠂ ᠶᠤᠤᠨᠢᠶᠠᠨ ᠣᠪᠣᠭ ᠢ ᠣᠷᠣᠯᠠᠵᠤ᠂ ᠬᠢᠳᠠᠨ ᠦᠨᠳᠤᠰᠤᠳᠡᠨ ᠤ ᠲᠦᠷᠤᠬᠦᠤ ᠪᠤᠯᠤᠬᠰᠡᠨ ᠪᠠᠶᠢᠨ᠎ᠠ᠃ ᠠᠪᠤᠵᠢ ᠦᠪᠡᠷ ᠤᠨ ᠡᠷᠬᠡ  ᠰᠦᠷ ᠢᠶᠠᠨ  ᠠᠰᠢᠬᠯᠠᠨ᠂ ᠬᠠᠭᠤᠴᠢᠨ ᠢᠵᠠᠭᠤᠷᠳᠠᠨ ᠤ ᠰᠦᠷ ᠬᠦᠴᠤᠨ ᠲᠠᠢ ᠲᠡᠮᠡᠴᠡᠬᠦ ᠶᠠᠪᠤᠴᠨ ᠳᠤ᠂ ᠡᠯ᠎ᠠ ᠠᠶᠢᠮᠠᠭ ᠤᠨ ᠲᠦᠷᠤᠬᠦᠴᠤᠳ ᠢ ᠲᠠᠶᠢᠯᠠᠵᠤ ᠠᠯᠠᠭᠠᠳ᠂ ᠬᠢᠳᠠᠨ ᠤ ᠡᠯ᠎ᠠ ᠠᠶᠢᠮᠠᠭ ᠢ ᠨᠢᠭᠡᠳᠬᠡᠭᠰᠡᠨ ᠪᠢᠯᠠ᠃ ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ916 ᠣᠨ ᠳᠤ  ᠲᠡᠷᠠ ᠪᠤᠭᠤᠯᠳᠤ ᠣᠯᠣᠰ ᠢ ᠪᠠᠶᠢᠭᠤᠯᠤᠨ᠂ ᠦᠪᠡᠷ ᠢ ᠪᠠᠨ ᠬᠠᠭᠠᠨ ᠡᠷᠬᠦᠮᠵᠢᠯᠠᠵᠤ᠂ ᠤᠯᠤᠰ ᠤᠨ ᠨᠡᠷ᠎ᠠ ᠪᠠᠨ ︽ᠬᠢᠳᠠᠨ︾ ᠬᠡᠮᠡᠭᠡᠳ ︵ᠬᠤᠵᠢᠮ ᠨᠢ ︽ᠯᠢᠶᠣᠤ ᠣᠯᠣᠰ︾ ᠬᠡᠵᠤ ᠬᠠᠯᠠᠵᠠᠢ︶᠂ ᠣᠨ ᠤ ᠴᠤᠯᠠ ᠪᠠᠨ ︽ᠱᠧᠨ ᠴᠧ︾ ᠬᠤᠳᠠ ᠪᠠᠶᠢᠭᠤᠯᠤᠨ᠂ ᠬᠠᠭᠠᠨ ᠤ  ᠨᠡᠶᠢᠰᠯᠡᠯ ︵ᠲᠠᠷᠤᠢ ᠲᠡᠬᠡᠳᠤ ᠨᠡᠶᠢᠰᠯᠡᠯ ᠯᠢᠨ ᠬᠤᠸᠠᠩ ᠹᠦ᠋᠂ ᠣᠳᠣᠬᠢ  ᠦᠪᠤᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠪᠠᠭᠠᠷᠢᠨ  ᠵᠡᠬᠦᠨ ᠬᠤᠰᠢᠭᠤᠨ ᠤ ᠡᠮᠤᠨ᠎ᠠ  ᠪᠣᠷᠤ ᠬᠤᠳᠠ︶ ᠪᠤᠯᠭᠠᠬᠰᠡᠨ ᠪᠠᠶᠢᠨ᠎ᠠ᠃        ᠬᠢᠳᠠᠨ ᠤ ᠲᠦᠷᠤ ᠪᠠᠶᠢᠭᠤᠯᠤᠬᠳᠠᠬᠰᠡᠨ ᠠᠴᠠ ᠬᠤᠶᠢᠰᠢ᠂ ᠬᠢᠳᠠᠨ ᠤ ᠪᠤᠭᠤᠯ ᠤᠨ ᠡᠵᠡᠨ ᠢᠵᠠᠭᠤᠷᠳᠠᠨ ᠤ ᠲᠦᠷᠤᠬᠦᠴᠤᠳ ᠨᠢ ᠮᠦᠨ ᠠᠯᠢᠪᠠ ᠪᠤᠭᠤᠯ ᠤᠨ ᠡᠵᠡᠨ  ᠢᠵᠠᠭᠤᠷᠳᠠᠨ ᠤ ᠣᠯᠣᠰ ᠲᠦᠷᠤ ᠶᠢᠨ ᠲᠦᠯᠤᠬᠡᠯᠡᠭᠴᠢ ᠲᠠᠢ ᠠᠳᠠᠯᠢ ᠪᠠᠷ᠂ ᠤᠶᠢᠷ᠎ᠠ ᠬᠠᠪᠢ ᠶᠢᠨ ᠦᠨᠳᠤᠰᠤᠳᠡᠨ ᠨᠦᠭᠦᠳ ᠢᠶᠠᠨ ᠲᠠᠶᠢᠯᠠᠨ ᠲᠡᠬᠡᠷᠡᠮᠳᠠᠬᠦ ᠲᠦᠷᠤ ᠶᠢᠨ  ᠪᠤᠳᠤᠯᠭ᠎ᠠ ᠶᠢ ᠤᠯᠠᠶᠢᠷᠠᠨ ᠬᠡᠷᠡᠭᠵᠢᠬᠦᠯᠪᠠ᠃ ᠠᠪᠤᠵᠢ ᠶᠢᠨ ᠲᠦᠷᠤ  ᠪᠠᠶᠢᠭᠤᠯᠤᠬᠳᠠᠬᠰᠡᠨ ᠦᠶ᠎ᠡ ᠪᠤᠯ ᠴᠢᠪ ᠬᠡᠮᠡᠨ ᠬᠤᠶᠢᠳᠤ ᠯᠢᠶᠠᠩ ᠣᠯᠣᠰ ᠮᠦᠬᠦᠵᠤ᠂ ᠡᠾᠧᠪᠸᠢ ᠣᠷᠣᠨ ᠰᠠᠮᠠᠭᠤᠷᠠᠵᠤ ᠪᠠᠶᠢᠬᠰᠡᠨ ᠦᠶ᠎ᠡ ᠪᠤᠯᠤᠨ᠎ᠠ᠃  ᠡᠶᠢᠮᠤ ᠠᠴᠠ ᠲᠡᠷᠠ ᠲᠠᠰᠢᠷᠠᠮ ᠢ  ᠠᠰᠢᠬᠯᠠᠨ ᠴᠡᠷᠢᠭ ᠭᠠᠷᠭᠠᠵᠤ᠂ ᠶᠢᠤ ᠵᠸᠤ ᠬᠢᠭᠡᠳ  ᠠᠨ  ᠼᠢ᠂ ᠯᠦ᠂ ᠰᠠᠨ ᠡᠾᠧ᠂  ᠢᠤᠢ ᠶᠠᠩ᠂ ᠬᠤᠸᠠᠢ ᠿᠸᠤ᠂ ᠮᠢ ᠶᠦᠨ ᠵᠠᠷᠬᠡ ᠰᠢᠶᠠᠨ ︵ᠴᠦᠮ ᠣᠳᠣᠬᠢ ᠪᠡᠬᠡᠵᠢᠩ ᠤᠨ ᠣᠷᠴᠢᠮ ᠪᠤᠢ ︶ ᠢ ᠲᠠᠭᠠᠷᠢᠨ ᠡᠵᠡᠯᠠᠵᠤ᠂ ᠲᠤᠰ ᠭᠠᠵᠠᠷ ᠤᠨ ᠬᠢᠳᠠᠳ ᠬᠦᠮᠤᠨ ᠪᠦᠬᠦᠳᠠ ᠶᠢ ᠣᠯᠵᠠᠯᠠᠬᠰᠡᠨ ᠪᠠᠶᠢᠨ᠎ᠠ᠃  ᠲᠡᠤᠬᠡ  ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ᠂ ︽ᠠᠪᠤᠵᠢ ᠬᠢᠳᠠᠳ ᠬᠦᠮᠤᠰ ᠢ ᠲᠠᠭᠠᠭᠤᠯᠤᠨ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠨ ᠲᠠᠷᠢᠶ᠎ᠠ ᠲᠠᠷᠢᠭᠤᠯᠵᠤ᠂ ᠬᠤᠳᠠ ᠪᠠᠯᠭᠠᠳ᠂ ᠭᠡᠷ ᠪᠠᠶᠢᠰᠢᠩ᠂ ᠵᠠᠬ᠎ᠠ ᠵᠡᠬᠡᠯᠢ ᠵᠠᠰᠠᠭᠤᠯᠤᠬᠰᠡᠨ ᠠᠨᠤ ᠴᠦᠮ  ᠶᠢᠤ  ᠵᠸᠤ ᠶᠢᠨ ᠲᠦᠷᠢᠮ ᠢ ᠲᠠᠭᠤᠷᠢᠶᠠᠬᠰᠡᠨ ᠪᠦᠯᠣᠬᠡ︾᠃ ᠬᠢᠳᠠᠨ ᠤ ᠨᠣᠶᠠᠷᠬᠠᠭᠴᠢᠳ ᠤᠨ ᠭᠡᠷᠡᠭᠵᠢᠬᠦᠯᠤᠭ᠍ᠰᠡᠨ ᠬᠤᠷᠤᠭᠠᠯᠬᠤ ᠵᠸᠤ ᠵᠢᠶᠦ᠋ᠨ ᠤ  ᠲᠦᠷᠢᠮ ᠨᠢ ᠪᠤᠭᠤᠯᠴᠤᠳ ᠢ ᠠᠯᠪᠠᠳᠠᠨ ᠬᠦᠳᠡᠯᠮᠤᠷᠢᠯᠡᠬᠦᠯᠬᠦ ᠭᠠᠵᠠᠷ ᠪᠤᠯᠬᠤ ᠪᠦᠬᠡᠳ ᠪᠠᠰᠠ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠹᠸᠤᠳᠠᠯ ᠤᠨ ᠠᠵᠤ ᠠᠬᠤᠢ ᠶᠢᠨ ᠬᠦᠴᠤᠨ ᠵᠤᠶᠢᠯ ᠠᠬᠤᠭᠤᠯᠤᠬᠳᠠᠵᠤ ᠪᠤᠢ᠃ ᠵᠢᠱᠢᠶᠡᠯᠡᠪᠠᠯ ᠡᠶᠢᠮᠤᠷᠬᠦ ᠬᠤᠷᠤᠭᠠᠯᠠᠬᠤ ᠵᠸᠤ ᠵᠢᠶᠦ᠋ᠨ ᠳᠤ ︽ᠬᠤᠳᠠ ᠲᠡᠯᠬᠡᠬᠦᠷ᠂ ᠬᠤᠳᠠᠯᠳᠤᠭᠠᠴᠢᠨ ᠡᠷᠤᠬᠡ ᠠᠴᠠ ᠲᠠᠳᠠᠪᠤᠷᠢᠯᠠᠬᠰᠡᠨ ᠭᠠᠶᠢᠯᠢ ᠶᠢ ᠬᠤᠷᠤᠭᠠᠯᠠᠬᠴᠢ ᠳᠤ ᠲᠤᠰᠢᠶᠠᠳᠠᠭ︔ ᠭᠠᠭᠴᠠᠬᠦ ᠠᠷᠢᠬᠢ ᠲᠠᠷᠠᠰᠤᠨ ᠤ ᠭᠠᠶᠢᠯᠢ ᠠᠯᠪᠠ ᠲᠠᠳᠠᠪᠤᠷᠢ ᠶᠢ ᠰᠠᠶ᠋ᠢ ᠲᠡᠭᠡᠭᠰᠢ ᠨᠡᠶᠢᠰᠯᠡᠯ ᠤᠨ ᠲᠠᠪᠤᠰᠤ ᠲᠠᠮᠤᠷ ᠤᠨ ᠶᠠᠮᠤᠨ ᠳᠤᠷ ᠲᠤᠰᠢᠶᠠᠳᠠᠭ︾ ᠭᠠᠶᠢᠯᠢ ᠲᠠᠳᠠᠪᠤᠷᠢ ᠶᠢᠨ ᠲᠦᠷᠢᠮ ᠢ ᠬᠡᠷᠡᠭᠵᠢᠬᠦᠯᠤᠭ᠍ᠰᠡᠨ ᠨᠢ ᠲᠠᠷᠤᠢ  ᠨᠢᠭᠡᠨ ᠵᠢᠱᠢᠶ᠎ᠡ ᠪᠤᠯᠤᠨ᠎ᠠ᠃ ᠡᠶᠢᠮᠤ ᠪᠠᠶᠢᠳᠠᠯ ᠠᠴᠠ ᠬᠢᠳᠠᠨ ᠤ ᠨᠡᠶᠢᠭᠡᠮ ᠤᠨ ᠪᠤᠭᠤᠯᠳᠤ ᠪᠠᠶᠢᠭᠤᠯ ᠨᠢ ᠠᠭᠠᠵᠢᠮ ᠢᠶᠠᠷ ᠹᠸᠤᠳᠠᠯ ᠤᠨ ᠪᠠᠶᠢᠭᠤᠯᠤᠯ ᠲᠡᠰᠢ ᠰᠢᠯᠵᠢᠨ ᠡᠬᠢᠯᠠᠵᠤ᠂ ᠹᠸᠤᠳᠠᠯ ᠤᠨ ᠪᠠᠶᠢᠭᠤᠯᠤᠯ ᠤᠨ ᠬᠦᠴᠤᠨ ᠵᠤᠶᠢᠯ ᠶᠠᠭ ᠠᠭᠠᠵᠢᠮ ᠢᠶᠠᠷ ᠪᠤᠢ ᠪᠤᠯᠤᠨ ᠬᠦᠭᠵᠢᠵᠤ ᠡᠬᠢᠯᠡᠭᠰᠡᠨ ᠢ ᠮᠡᠳᠠᠵᠤ ᠪᠤᠯᠤᠨ᠎ᠠ᠃
  
ᠢᠷᠡᠯᠲᠡ᠄ ︽ᠲᠣᠮᠳᠠᠳᠣ ᠣᠯᠣᠰ ᠤᠨ ᠡᠷᠳᠡᠨ ᠤ ᠣᠮᠠᠷᠠᠳᠤ ᠶᠢᠨ ᠦᠨᠳᠤᠰᠣᠳᠠᠡ ᠨᠦᠭᠦᠳ ᠤᠨ ᠲᠣᠪᠴᠢ ᠲᠡᠣᠬᠡ︾ ᠠᠴᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠤᠪᠤᠭ᠎ᠠ ᠲᠠᠬᠢᠬᠤ
ᠪᠢᠳᠡᠭᠦᠯᠭᠦ ᠪᠠ ᠰᠢᠨ᠎ᠡ ᠶᠢᠨ ᠨᠢᠭᠡᠨ ᠳᠤ ᠲᠡᠭᠷᠢ ᠲᠠᠭᠢᠬᠤ
ᠪᠠᠭᠠᠷᠢᠨ ᠮᠤᠩᠭᠤᠯᠴᠥᠳ ᠤᠨ ᠭᠠᠯ ᠲᠠᠭᠢᠯᠭ᠎ᠠ
ᠪᠠᠭᠠᠷᠢᠨ ᠬᠡᠣᠬᠡᠳ ᠤᠨ ᠪᠦᠮᠪᠦᠭᠡ ᠨᠢᠰᠠᠯᠬᠤ ᠨᠠᠭᠠᠳᠤᠮ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05010860号