ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
︵ᠭᠤᠷᠪᠠ︶ ᠬᠢᠳᠠᠨ ᠤ ᠦᠨᠳᠤᠰᠤᠳᠠᠨ ᠤ ᠨᠣᠶᠠᠷᠬᠠᠯ ᠤᠨ ᠠᠩᠬᠢ ᠶᠢᠨ ᠮᠦᠨ ᠴᠢᠨᠠᠷ ᠬᠢᠭᠡᠳ ᠯᠢᠶᠣᠤ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠶᠢᠨ ᠨᠣᠶᠠᠷᠬᠠᠬᠰᠡᠨ ᠣᠷᠣᠨ ᠤ ᠣᠯᠣᠰ ᠲᠦᠷᠤ᠂ ᠠᠵᠤ ᠠᠬᠤᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015/8/11
        ᠠᠪᠤᠵᠢ ᠶᠢᠨ ᠨᠣᠶᠠᠷᠬᠠᠵᠤ ᠪᠠᠶᠢᠬᠰᠡᠨ ᠦᠶᠡᠰ ᠯᠢᠶᠤᠣ ᠣᠯᠣᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠶᠢᠨ  ᠬᠢᠯᠢ ᠬᠢᠵᠠᠭᠠᠷ ᠨᠢ ᠵᠡᠬᠦᠨ᠎ᠡ ᠶᠡᠭᠡ ᠲᠠᠯᠡᠢ ᠠᠴᠠ ᠡᠬᠢᠯᠡᠨ᠂  ᠪᠠᠷᠠᠭᠤᠨ᠎ᠠ ᠨᠡᠬᠦᠳᠡᠯ ᠮᠠᠩᠬ᠎ᠠ ᠳᠤ ᠲᠣᠯᠵᠣ᠂ ᠡᠮᠣᠨ᠎ᠠ ᠴᠠᠭᠠᠨ ᠬᠡᠷᠡᠮ ᠢ ᠲᠠᠪᠠᠭᠠᠳ᠂ ᠣᠮᠠᠷᠠᠰᠢ ᠶᠡᠭᠡ ᠭᠤᠪᠢ ᠳᠤ ᠬᠦᠷᠴᠡᠢ᠃ ᠡᠶᠢᠨᠬᠦ ᠲᠡᠬᠦᠨ ᠤ ᠨᠣᠶᠠᠷᠬᠠᠬᠤ  ᠳ᠋ᠦᠢᠰᠢᠶᠠᠩ ᠳᠤ ︽ᠲᠠᠷᠢᠶ᠎ᠠ ᠲᠦᠮᠣᠰᠣ ᠪᠠᠷ ᠬᠦᠨᠡᠰᠦ ᠬᠢᠵᠤ᠂ ᠬᠤᠳᠠ ᠪᠠᠯᠭᠠᠰᠤ ᠪᠠᠷᠢᠵᠤ ᠰᠠᠭᠤᠳᠠᠭ︾ ᠲᠣᠬᠠᠶᠢᠯᠠᠪᠠᠯ ᠲᠠᠷᠢᠶᠠᠯᠠᠩ ᠤᠨ ᠠᠵᠢᠯ ᠡᠷᠬᠢᠯᠡᠳᠡᠭ ᠬᠢᠳᠠᠳ ᠬᠦᠮᠤᠨ ᠪᠦᠸᠧᠬᠠᠢ ᠬᠦᠮᠤᠨ ᠪᠠᠶᠢᠬᠤ ᠠᠴᠠ ᠭᠠᠳᠠᠨ᠎ᠠ᠂ ᠪᠠᠰᠠ ︽ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠠᠩ ᠬᠦᠷᠤᠭᠡ ᠪᠠᠷ ᠬᠦᠨᠡᠰᠦ ᠪᠤᠯᠭᠠᠨ᠂ ᠲᠡᠷᠬᠡ ᠬᠦᠰᠭᠡ ᠪᠠᠷ ᠭᠡᠷ ᠬᠢᠳᠡᠭ︾ ᠲᠣᠬᠠᠶᠢᠯᠠᠪᠠᠯ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠬᠤ ᠬᠢᠳᠠᠨ᠂ ᠮᠣᠩᠭᠤᠯ᠂ ᠣᠶᠢᠭᠤᠷ᠂ ᠵᠦᠷᠴᠢᠨ ᠵᠡᠷᠬᠡ ᠦᠨᠳᠤᠰᠤᠳᠠᠨ ᠤ ᠠᠷᠠᠳ ᠲᠦᠮᠡᠨ ᠪᠤᠯ ᠲᠡᠬᠦᠨ ᠤ ᠨᠣᠶᠠᠷᠬᠠᠯ ᠤᠨ ᠬᠡᠪᠴᠢᠶᠡᠨ ᠤ ᠣᠮᠠᠷᠠᠳᠤ ᠬᠡᠰᠡᠭ ᠪᠠᠷ ᠨᠤᠳᠤᠬᠰᠢᠨ ᠠᠮᠢᠳᠤᠷᠠᠵᠤ᠂ ᠬᠢᠳᠠᠳ ᠬᠢᠭᠡᠳ ᠪᠦᠸᠧᠬᠠᠢ ᠦᠨᠳᠤᠰᠤᠳᠠᠨ ᠪᠤᠯ ᠡᠮᠤᠨᠡᠳᠤ ᠬᠡᠰᠡᠭ ᠪᠠᠷ ᠨᠢ ᠨᠣᠳᠣᠬᠰᠢᠨ ᠠᠮᠢᠳᠣᠷᠠᠵᠤ ᠪᠠᠶᠢᠬᠤ ᠲᠤᠯᠠ᠂ ᠣᠮᠠᠷᠠᠳᠤ ᠬᠡᠰᠡᠭ ᠤᠨ ᠠᠵᠤ ᠠᠬᠤᠢ ᠲᠤᠳᠤᠷ᠎ᠠ ᠮᠠᠯ ᠠᠵᠤ ᠠᠬᠤᠢ ᠭᠤᠣᠯᠯᠠᠬᠴᠢ ᠣᠶᠢᠯᠡᠳᠤᠯ ᠭᠠᠷᠭᠠᠵᠤ᠂ ᠡᠮᠤᠨᠡᠳᠤ ᠬᠡᠰᠡᠭ  ᠲᠤᠨᠢ ᠲᠠᠷᠢᠶᠠᠯᠠᠩ ᠴᠢᠬᠤᠯᠡ ᠦᠢᠯᠡᠳᠤᠯ ᠭᠠᠷᠭᠠᠵᠤ ᠪᠠᠶᠢᠪᠠ᠃ ᠡᠨᠡᠬᠦ ᠡᠮᠤᠨᠡᠳᠤ ᠣᠮᠠᠷᠠᠳᠤ ᠬᠤᠶᠠᠷ ᠬᠡᠰᠡᠭ ᠤᠨ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠤᠨ ᠬᠦᠭᠵᠢᠭᠰᠡᠨ ᠬᠡᠮᠵᠢᠶ᠎ᠡ ᠪᠤᠯᠤᠨ ᠠᠷᠠᠳ ᠲᠦᠮᠡᠨ ᠤ ᠠᠮᠢᠳᠤᠷᠠᠯ ᠤᠨ ᠠᠷᠭ᠎ᠠ ᠮᠠᠶ᠋ᠢᠭ ᠨᠢ ᠴᠦᠮ ᠠᠳᠠᠯᠢ ᠦᠬᠡᠢ ᠶᠤᠮ᠃ ᠨᠣᠶᠠᠷᠬᠠᠬᠳᠠᠵᠤ ᠪᠦᠬᠦᠢ ᠭᠠᠵᠠᠷ ᠣᠷᠣᠨ ᠤ ᠡᠶᠢᠮᠤᠷᠬᠦᠤ ᠠᠳᠠᠯᠢ  ᠪᠤᠰᠤ ᠪᠠᠶᠢᠳᠠᠯ  ᠳᠤ ᠵᠤᠬᠢᠴᠠᠭᠤᠯᠬᠤ ᠶᠢᠨ ᠲᠣᠰᠠᠳᠠ᠂ ᠲᠠᠶᠢᠽᠦᠩ ᠬᠠᠭᠠᠨ ᠶᠧᠯᠢᠤᠢ ᠳ᠋ᠧᠭᠤᠸ᠋ᠩ ᠤᠨ ᠦᠶ᠎ᠡ ᠳᠤ᠂ ᠯᠢᠶᠣᠤ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠠᠮᠢᠶᠠᠷᠤᠯᠳᠠ ᠪᠠᠨ ︽ᠣᠮᠠᠷᠠᠳᠤ ᠡᠳᠡᠭᠡᠳ︾ ︽ᠡᠮᠤᠨᠡᠳᠤ ᠡᠳᠡᠭᠡᠳ︾ ᠭᠡᠵᠤ ᠬᠤᠶᠠᠷ ᠰᠢᠰᠲ᠋ᠧᠮ ᠪᠤᠯᠭᠠᠨ ᠬᠤᠪᠢᠶᠠᠵᠤ᠂ ︽ᠣᠯᠣᠰ ᠤᠨ ᠲᠦᠷᠢᠮ ᠢᠶᠠᠷ ᠬᠢᠳᠠᠨ ᠢ ᠵᠠᠰᠠᠵᠤ᠂ ᠬᠢᠳᠠᠳ ᠤᠨ ᠲᠦᠷᠢᠮ ᠢᠶᠠᠷ ᠬᠢᠳᠠᠳ ᠲᠤᠷ ᠬᠠᠨᠳᠤᠬᠤ︾ ᠠᠷᠭ᠎ᠠ ᠶᠢ ᠠᠪᠴᠤ ᠡᠬᠢᠯᠡᠪᠠ᠃ ᠪᠤᠳᠠᠳᠠᠢ ᠠᠷᠭ᠎ᠠ ᠨᠢ᠄ ᠬᠢᠳᠠᠨ ᠬᠢᠭᠡᠳ ᠪᠤᠰᠤᠳ ᠨᠡᠬᠦᠳᠡᠯᠴᠢᠨ ᠦᠨᠳᠤᠰᠤᠳᠠᠨ ᠢ ᠨᠣᠶᠠᠷᠬᠠᠬᠤ ᠳᠠᠭᠠᠨ ᠴᠦᠮ ᠬᠢᠳᠠᠨ ᠢᠵᠠᠭᠤᠷᠳᠠᠨ ᠢ  ᠬᠡᠷᠡᠭᠯᠡᠵᠤ ᠬᠡᠷᠡᠭ  ᠡᠷᠬᠢᠯᠡᠬᠦ ᠭᠠᠵᠠᠷ ᠢ ᠬᠠᠭᠠᠨ ᠤ ᠴᠠᠴᠠᠷ ᠤᠷᠳᠤᠨ ᠤ ᠣᠮᠠᠷ᠎ᠠ ᠳᠤ ᠲᠠᠯᠪᠢᠭᠠᠳ ︽ᠣᠮᠠᠷᠠᠳᠤ ᠡᠳᠡᠭᠡᠳ ᠤᠨ ᠨᠣᠶᠠᠨ︾ ᠭᠡᠪᠠ᠃ ᠣᠮᠠᠷᠠᠳᠤ ᠡᠳᠡᠭᠡᠳ ᠤᠨ ᠨᠤᠶᠠᠨ ᠨᠢ ᠣᠷᠳᠣᠨ᠂ ᠴᠠᠴᠠᠷ᠂ ᠠᠶᠢᠮᠠᠭ ᠣᠬᠰᠠᠭ᠎ᠠ ᠬᠠᠷᠢᠶ᠎ᠠ ᠠᠶᠢᠮᠠᠭ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ᠂ ᠵᠠᠷ ᠵᠡᠪᠰᠡᠭ᠂ ᠮᠠᠯ ᠰᠦᠷᠦᠭ ᠤᠨ ᠤᠴᠢᠷ ᠢ ᠬᠠᠮᠢᠶᠠᠷᠬᠤ᠂ ᠡᠮᠤᠨᠡᠳᠤ ᠡᠳᠡᠭᠡᠳ ᠤᠨ ᠨᠤᠶᠠᠨ ᠨᠢ  ᠬᠢᠳᠠᠳ ᠬᠦᠮᠤᠨ ᠤ ᠵᠸᠤ ᠰᠢᠶᠠᠨ᠂ ᠲᠦᠷᠢᠶᠡᠰᠤ ᠭᠠᠶᠢᠯᠡᠢ᠂ ᠴᠡᠷᠢᠭ ᠤᠨ ᠠᠬᠳᠠ᠂ ᠪᠢᠴᠢᠭ ᠰᠤᠶᠤᠯ᠂ ᠴᠡᠷᠢᠭ ᠤᠨ ᠠᠯᠪᠠ ᠵᠡᠷᠬᠡ ᠣᠴᠢᠷ ᠢ ᠬᠠᠮᠢᠶᠠᠷᠳᠠᠭ᠃ ᠡᠨᠡ ᠨᠢ  ᠲᠠᠷᠤᠢ ︽ᠯᠢᠶᠣᠤ ᠤᠯᠤᠰ ᠤᠨ ᠲᠡᠤᠬᠡ︾ ᠳᠤ ᠬᠡᠯᠡᠭᠰᠡᠨ ︽ᠵᠠᠩᠰᠢᠯ ᠳᠤ ᠲᠤᠬᠢᠷᠠᠭᠤᠯᠤᠨ ᠵᠠᠰᠠᠬᠤ︾ ᠭᠡᠳᠡᠭ ᠨᠢ ᠮᠥᠨ ᠪᠦᠬᠡᠳ ᠦᠨᠡᠨ ᠳᠡᠭᠡᠨ ︽ᠨᠡᠬᠦᠳᠡᠯᠴᠢᠨ ᠦᠨᠳᠤᠰᠤᠳᠠᠨ ᠪᠠ ᠬᠢᠳᠠᠳ ᠦᠨᠳᠤᠰᠤᠳᠠᠨ ᠢ ᠬᠤᠪᠢᠶᠠᠨ ᠵᠠᠰᠠᠬᠰᠡᠨ︾ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃       ᠯᠢᠶᠤᠤ ᠤᠯᠤᠰ ᠤᠨ ᠨᠣᠳᠤᠭ ᠲᠠᠪᠢᠰᠭᠡᠷ ᠳᠡᠭᠡᠷ᠎ᠠ ᠨᠣᠶᠠᠷᠬᠠᠬᠴᠢ ᠦᠨᠳᠤᠰᠣᠳᠠᠡ ᠪᠤᠯᠬᠤ ᠬᠢᠳᠠᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠨᠣᠶᠠᠷᠬᠠᠬᠳᠠᠵᠤ ᠪᠦᠬᠦᠢ ᠬᠢᠳᠠᠳ ᠪᠦᠸᠧᠬᠠᠢ᠂ ᠰᠢ᠂ ᠵᠦᠷᠴᠢᠨ᠂ ᠱᠢ ᠸᠧᠢ᠂ ᠣᠶᠢᠭᠤᠷ᠂ ᠮᠣᠩᠭᠤᠯ ᠵᠡᠷᠬᠡ ᠮᠠᠰᠢ ᠣᠯᠠᠨ ᠦᠨᠳᠤᠰᠤᠳᠠᠨ ᠨᠦᠭᠦᠳ ᠨᠣᠳᠣᠬᠰᠢᠵᠤ ᠪᠠᠶᠢᠵᠡᠢ᠃ ᠭᠡᠪᠠᠴᠤ ᠦᠨᠳᠤᠰᠤᠳᠠᠨ ᠤ ᠨᠣᠶᠠᠷᠬᠠᠯ ᠤᠨ ᠮᠦᠨ ᠴᠢᠨᠠᠷ ᠪᠤᠯ ᠠᠩᠬᠢ ᠶᠢᠨ ᠨᠤᠶᠠᠷᠬᠠᠯ ᠪᠣᠯᠬᠤ ᠲᠤᠯᠠ᠂ ᠯᠢᠶᠣᠤ ᠣᠯᠣᠰ ᠤᠨ ᠨᠣᠶᠠᠷᠬᠠᠬᠴᠢ ᠠᠩᠬᠢ ᠨᠢ ᠬᠢᠳᠠᠨ ᠤ ᠬᠠᠭᠠᠨ ᠤ ᠣᠬᠰᠠᠭ᠎ᠠ᠂ ᠬᠠᠳᠤᠨ ᠤ ᠣᠬᠰᠠᠭ᠎ᠠ ᠢᠵᠠᠭᠤᠷᠳᠠᠨ ᠨᠠᠷ ᠪᠤᠯᠤᠨ ᠬᠢᠳᠠᠳ᠂ ᠪᠦᠸᠧᠬᠠᠢ ᠦᠨᠳᠤᠰᠣᠳᠠᠡ  ᠤ ᠲᠣᠳᠣᠷᠠᠬᠢ ᠲᠡᠭᠡᠳᠤ ᠲᠠᠪᠬᠤᠷᠭᠠᠳᠠᠨ ᠭᠠᠵᠠᠷ ᠤᠨ ᠡᠵᠡᠨ ᠵᠡᠷᠬᠡ ᠪᠠᠷ ᠪᠦᠷᠢᠯᠳᠤᠭ᠍ᠰᠡᠨ ᠶᠤᠮ᠃ ᠡᠬᠦᠨ ᠳᠤ ᠬᠠᠭᠠᠨ ᠨᠢ ᠬᠠᠮᠤᠭ  ᠤᠨ ᠲᠡᠭᠡᠳᠤ ᠨᠣᠶᠠᠷᠬᠠᠬᠴᠢ ᠪᠤᠯᠤᠬᠴᠢ ᠪᠦᠭᠡᠳ ᠪᠠᠰᠠ ᠬᠢᠳᠠᠨ ᠤ ᠢᠵᠠᠭᠤᠷᠳᠡᠨ ᠠᠩᠬᠢ ᠶᠢᠨ ᠭᠤᠤᠯ ᠲᠤᠯᠭᠠᠭᠤᠷᠢ ᠨᠢ  ᠪᠤᠯᠤᠨ᠎ᠠ᠃ ᠯᠢᠶᠣᠤ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠶᠢᠨ ᠴᠢᠬᠤᠯᠡ ᠡᠷᠬᠢᠮ ᠨᠣᠶᠠᠳ ᠤᠨ ᠲᠣᠰᠢᠶᠠᠯ ᠢ ᠴᠦᠮ ᠬᠢᠳᠠᠨ ᠤ ᠢᠵᠠᠭᠤᠷᠳᠠᠨ ᠨᠠᠷ ᠦᠶ᠎ᠡ ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠳᠠᠭ ᠪᠦᠭᠡᠳ ᠠᠳᠠᠯᠢ ᠨᠢᠭᠡᠨ ᠣᠪᠣᠭ ᠲᠦᠷᠤᠯ ᠪᠤᠶᠤ ᠬᠡᠳᠤᠨ ᠣᠪᠣᠭ ᠲᠦᠷᠤᠯ ᠤᠨ ᠢᠵᠠᠭᠤᠷᠳᠡᠨ ᠤ ᠲᠦᠯᠤᠬᠡᠯᠡᠭᠴᠢ ᠨᠢ ᠡᠳᠡᠭᠡᠷ ᠴᠢᠬᠤᠯᠠ ᠡᠷᠬᠢᠮ ᠨᠤᠶᠠᠳ ᠤᠨ ᠲᠣᠰᠢᠶᠠᠯ ᠢ ᠡᠵᠡᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠬᠦᠨ ᠳᠤ ᠬᠠᠭᠠᠨ ᠤ ᠣᠬᠰᠠᠭ᠎ᠠ ᠪᠤᠯᠬᠤ ᠶᠧᠯᠢᠣᠢ ᠣᠪᠣᠬᠳᠠᠨ ᠪᠣᠯᠣᠨ ᠬᠠᠳᠤᠨ ᠤ ᠣᠬᠰᠠᠭ᠎ᠠ  ᠪᠤᠯᠬᠤ ᠰᠢᠶᠣᠤ ᠣᠪᠣᠬᠳᠠᠨ ᠤ ᠡᠷᠬᠡ ᠮᠡᠳᠡᠯ ᠨᠢ ᠬᠠᠮᠤᠭ ᠠᠴᠠ ᠶᠡᠭᠡ ᠪᠠᠶᠢᠳᠠᠭ᠃  ᠬᠢᠳᠠᠨ ᠤ ᠨᠣᠳᠤᠭ ᠲᠠᠬᠢ ᠡᠯ᠎ᠡ ᠦᠨᠳᠤᠰᠣᠳᠠᠡ ᠶᠢᠨ ᠲᠠᠷᠢᠶᠠᠴᠢᠨ ᠮᠠᠯᠴᠢᠨ ︵ᠲᠣᠰ ᠦᠨᠳᠤᠰᠤᠳᠠᠨ ᠤ ᠲᠠᠷᠢᠶᠠᠴᠢᠨ ᠮᠠᠯᠴᠢᠨ ᠨᠢ ᠴᠦ ᠪᠠᠭᠳᠠᠨ᠎ᠠ︶ ᠪᠤᠯᠤᠨ ᠤᠷᠳᠤᠨ  ᠤ ᠬᠠᠷᠢᠶᠠᠳᠤ᠂ ᠭᠡᠷ ᠤᠨ ᠪᠤᠭᠤᠯ᠂ ᠬᠠᠮᠵᠢᠯᠭ᠎ᠠ᠂ ᠠᠶᠢᠮᠠᠭ ᠤᠨ ᠢᠷᠭᠡᠳ ᠵᠢᠴᠢ ᠬᠠᠷᠢᠶ᠎ᠠ ᠠᠷᠠᠳ ᠲᠦᠮᠡᠨ ᠪᠤᠯ ᠨᠤᠶᠠᠷᠬᠠᠬᠴᠢ ᠠᠩᠬᠢ ᠪᠤᠯᠬᠤ ᠪᠦᠭᠡᠳ ᠪᠤᠭᠤᠯ  ᠪᠤᠯ ᠬᠠᠮᠤᠭ ᠤᠨ  ᠲᠣᠣᠷᠠᠳᠤ ᠲᠠᠪᠬᠤᠷᠭ᠎ᠠ ᠮᠦᠨ᠃  ᠬᠢᠳᠠᠳ ᠦᠨᠳᠤᠰᠤᠳᠠᠨ ᠤ ᠭᠠᠵᠠᠷ ᠤᠨ ᠡᠵᠡᠨ ᠠᠩᠬᠢ ᠬᠢᠳᠠᠨ ᠤ ᠨᠤᠶᠠᠷᠬᠠᠬᠴᠢᠳ ᠢ ᠲᠦᠰᠢᠭᠰᠡᠨ ᠪᠦᠭᠡᠳ ᠬᠢᠳᠠᠨ ᠤ ᠨᠤᠶᠠᠷᠬᠠᠬᠴᠢᠳ ᠴᠦ ᠲᠠᠪᠳᠡᠨ ᠢ  ᠠᠰᠢᠬᠯᠠᠨ ᠬᠢᠳᠠᠳ ᠦᠨᠳᠤᠰᠤᠳᠠᠨ ᠢ ᠨᠤᠶᠠᠷᠬᠠᠬᠤ ᠬᠠᠪᠰᠣᠷᠤᠬᠴᠢ ᠪᠠᠨ ᠪᠤᠯᠭᠠᠵᠡᠢ᠃ ᠡᠬᠦᠨ ᠳᠤ ᠬᠠᠨ ᠶᠡᠨ ᠡᠾᠦ᠋ᠢ᠂ ᠯᠦ ᠸᠧᠨ ᠶᠢᠨ᠂ ᠺᠠᠩ ᠮᠦᠸᠧ ᠵᠢᠢ᠂ ᠬᠠᠨ ᡁᠢ ᠬᠦ᠋ ᠨᠠᠷ ᠪᠤᠯ ᠲᠦᠯᠤᠬᠡᠯᠡᠭᠴᠢ ᠬᠦᠮᠤᠰ ᠪᠤᠯᠤᠨ᠎ᠠ᠃ ᠪᠦᠸᠧᠬᠠᠢ ᠶᠢᠨ ᠲᠦᠷᠤ ᠮᠦᠬᠦᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠬᠢᠳᠠᠨ ᠤ ᠨᠤᠶᠠᠷᠬᠠᠬᠴᠢᠳ ᠪᠦᠸᠧᠬᠠᠢ ᠶᠢᠨ ᠸᠠᠩ ᠤᠨ ᠣᠬᠰᠠᠭ᠎ᠠ ᠪᠤᠯᠤᠨ ᠴᠦᠬᠡᠨ ᠲᠣᠭᠠᠨ ᠤ ᠲᠡᠭᠡᠳᠤ ᠲᠠᠪᠬᠤᠷᠭᠠᠳᠠᠨ ︵ᠵᠢᠱᠢᠶᠡᠯᠡᠪᠠᠯ ᠳ᠋ᠠᠰᠦᠰᠢᠶᠠᠨ ᠮᠡᠳᠤᠰ︶ ᠤ ᠣᠨᠴᠠ ᠪᠠᠶᠢᠷᠢ ᠶᠢ ᠬᠡᠪ ᠢᠶᠠᠷ ᠪᠠᠶᠢᠯᠠᠭᠠᠬᠰᠡᠨ ᠠᠴᠠ ᠭᠠᠳᠠᠨ᠎ᠠ᠂ ᠪᠠᠰᠠ ᠮᠢᠩᠭ᠎ᠠ ᠭᠠᠷᠣᠢ ᠨᠠᠷᠡᠳᠤ ᠡᠷᠣᠭᠡ ︵ᠪᠤᠭᠤᠯ ᠤᠨ ᠡᠵᠡᠨ︶ ᠢ ᠶᠡᠨ ᠤ ᠭᠠᠵᠠᠷ ︵ᠣᠳᠣᠬᠢ ᠪᠡᠭᠡᠵᠢᠩ ᠣᠷᠴᠢᠮ︶ ᠨᠡᠬᠦᠯᠬᠡᠨ᠂ ᠭᠠᠵᠠᠷ ᠲᠠᠷᠢᠶ᠎ᠡ ᠦᠭᠴᠤ᠂ ᠭᠠᠶᠢᠯᠡᠢ ᠠᠴᠠ ᠬᠡᠯᠳᠤᠷᠢᠬᠦᠯᠣᠭ᠍ᠰᠡᠨ ᠪᠠ ᠪᠤᠰᠤᠳ ᠵᠣᠶᠢᠯ ᠵᠣᠶᠢᠯ ᠤᠨ ᠠᠰᠠᠷᠠᠮᠵᠢ ᠬᠠᠷᠠᠭᠠᠯᠵᠡᠯᠡᠯ ᠣᠯᠭᠤᠬᠰᠡᠨ ᠪᠠᠶᠢᠨ᠎ᠠ᠃ ᠡᠶᠢᠮᠤ ᠠᠴᠠ ᠯᠢᠶᠣᠤ ᠣᠯᠣᠰ ᠤᠨ ᠲᠦᠷᠤ ᠪᠤᠯ ᠦᠨᠡᠨ ᠳᠡᠭᠡᠨ ᠬᠢᠳᠠᠨ ᠤ ᠢᠵᠠᠭᠤᠷᠳᠡᠨ ᠢᠶᠠᠷ ᠭᠤᠣᠯ ᠪᠤᠯᠭᠠᠬᠰᠡᠨ ᠪᠦᠭᠡᠳ ᠬᠢᠳᠠᠳ ᠦᠨᠳᠤᠰᠣᠳᠠᠡ ᠶᠢᠨ ᠭᠠᠵᠠᠷ ᠤᠨ ᠡᠵᠡᠨ ᠪᠠ ᠪᠦᠸᠧᠬᠠᠢ ᠦᠨᠳᠤᠰᠤᠳᠠᠨ ᠤ ᠲᠡᠭᠡᠳᠤ ᠲᠠᠪᠬᠤᠷᠭᠠᠳᠠᠨ ᠵᠡᠷᠬᠡ ᠶᠢᠨ ᠠᠩᠬᠢ ᠶᠢᠨ ᠠᠰᠢᠭ ᠲᠣᠰᠠ ᠶᠢ ᠲᠦᠯᠤᠭᠡᠯᠡᠭᠰᠡᠨ ᠲᠦᠷᠤ ᠮᠦᠨ᠃       ᠬᠢᠳᠠᠨ ᠤ ᠢᠵᠠᠭᠤᠷᠳᠠᠨ ᠨᠠᠷ ᠶᠡᠭᠡ ᠬᠡᠮᠵᠢᠶᠠᠨ ᠤ ᠭᠠᠵᠠᠷ ᠲᠠᠷᠢᠶ᠎ᠠ᠂ ᠦᠯᠠᠮᠵᠢ ᠣᠯᠠᠨ ᠦᠬᠡᠷ ᠮᠤᠷᠢ ᠬᠤᠨᠢ ᠢᠮᠠᠭ᠎ᠠ ᠲᠠᠢ ᠪᠠᠷ ᠪᠠᠷᠠᠬᠤ  ᠦᠭᠡᠢ᠂ ᠪᠠᠰᠠ ᠴᠦᠭᠡᠨ ᠪᠤᠰᠤ ᠪᠤᠭᠤᠯ ᠲᠠᠢ ᠶᠤᠮ  ︔ ᠨᠣᠶᠠᠷᠬᠠᠬᠳᠠᠵᠤ ᠪᠠᠶᠢᠭ᠎ᠠ ᠮᠠᠯᠴᠢᠳ ︵ᠲᠣᠰ ᠦᠨᠳᠤᠰᠣᠳᠠᠡ ᠤ ᠬᠢᠨᠢ ᠮᠠᠯᠴᠢᠳ ᠪᠠᠭᠳᠠᠨ᠎ᠠ︶ ᠪᠤᠯ ᠴᠦᠬᠡᠨ ᠲᠣᠭᠠᠨ ᠤ ᠮᠠᠯ ᠲᠡᠵᠢᠭᠡᠪᠤᠷᠢ᠂ ᠡᠳ᠋ ᠬᠦᠷᠤᠩᠬᠡ ᠲᠠᠢ ᠯᠠ ᠪᠠᠶᠢᠳᠠᠭ᠃ ᠢᠵᠠᠭᠤᠷᠳᠠᠨ ᠨᠠᠷ ᠪᠠ  ᠡᠩ ᠤᠨ ᠮᠠᠯᠴᠢᠳ ᠤᠨ ᠬᠤᠭᠤᠷᠤᠳᠤᠬᠢ  ᠶᠠᠳᠠᠭᠤ ᠪᠠᠶᠠᠨ ᠤ ᠵᠦᠷᠢᠶ᠎ᠡ ᠨᠢ ᠮᠠᠰᠢ ᠶᠡᠭᠡ ᠪᠢᠯᠡ᠃ ᠮᠠᠯᠴᠢᠳ ᠢᠵᠠᠭᠤᠷᠳᠡᠨ ᠨᠠᠷ ᠲᠤ ᠮᠠᠯ ᠬᠠᠷᠢᠭᠤᠯᠵᠤ ᠦᠭᠬᠦ ᠪᠠᠷ ᠦᠯᠤ ᠪᠠᠷᠠᠨ ᠪᠠᠰᠠ ᠢᠳᠡᠷ ᠡᠷ᠎ᠠ ᠶᠢᠨ ᠭᠠᠶᠢᠯᠡᠢ᠂ ᠮᠠᠯ ᠤᠨ ᠭᠠᠶᠢᠯᠡᠢ ᠲᠤᠰᠢᠶᠠᠵᠤ᠂ ᠲᠠᠶᠢᠨ ᠤ ᠦᠶ᠎ᠡ ᠳᠤ ᠪᠤᠯ ᠴᠡᠷᠢᠭ ᠤᠨ ᠠᠬᠳᠠ ᠬᠠᠩᠭᠠᠵᠤ ᠴᠡᠷᠢᠭ ᠤᠨ ᠠᠯᠪᠠ ᠬᠠᠭᠠᠳᠠᠭ᠃ ᠡᠬᠦᠨ ᠤ ᠭᠠᠳᠠᠨ᠎ᠠ ᠪᠠᠰᠠ ᠦᠷᠳᠡᠭᠡ ᠲᠠᠮᠵᠢᠭᠤᠯᠬᠤ ᠵᠦᠭᠡᠭᠡᠪᠤᠷᠢᠯᠡᠨ ᠲᠡᠭᠡᠭᠡᠪᠤᠷᠢᠯᠡᠬᠦ᠂ ᠰᠡᠷᠬᠡᠶᠢᠯᠡᠨ ᠰᠠᠬᠢᠬᠤ ᠵᠡᠷᠬᠡ ᠬᠦᠴᠤᠨ ᠤ ᠠᠯᠪᠠ ᠶᠢ ᠡᠬᠦᠷᠭᠡᠯᠡᠳᠡᠭ᠃ ᠲᠠᠷᠢᠶᠠᠯᠠᠩ ᠢ ᠡᠷᠬᠢᠯᠡᠳᠡᠭ ᠬᠢᠳᠠᠳ ᠬᠦᠮᠤᠨ ᠪᠤᠶᠤ ᠪᠤᠰᠤᠳ ᠦᠨᠳᠤᠰᠤᠳᠠᠨ ᠤ ᠬᠦᠮᠤᠰ ᠲᠠᠷᠢᠶᠠᠨ ᠭᠠᠵᠠᠷ  ᠤᠨ ᠠᠷᠪᠢᠨ ᠴᠦᠭᠡᠨ ᠢ ᠦᠨᠳᠤᠰᠤᠯᠡᠨ  ᠭᠠᠶᠢᠯᠢ ᠲᠣᠰᠢᠶᠠᠬᠤ ᠠᠴᠠ ᠭᠠᠳᠠᠨ᠎ᠠ᠂ ᠪᠠᠰᠠ ᠪᠦᠰ ᠲᠣᠷᠭ᠎ᠠ᠂ ᠭᠡᠷ ᠪᠠᠶᠢᠰᠢᠩ ᠤᠨ ᠵᠤᠭᠤᠰ᠂ ᠲᠠᠷᠢᠶᠠᠯᠠᠩ ᠤᠨ ᠪᠠᠭᠠᠵᠢ ᠶᠢᠨ ᠵᠤᠭᠤᠰ ᠬᠢᠭᠡᠳ ᠪᠤᠰᠤᠳ ᠡᠯᠳᠡᠪ ᠭᠠᠶᠢᠯᠡᠢ ᠲᠤᠰᠢᠶᠠᠳᠠᠭ᠃ ᠲᠠᠶᠢᠨ ᠦᠶ᠎ᠡ ᠪᠤᠯ ᠮᠠᠯᠴᠢᠳ ᠲᠠᠢ ᠠᠳᠠᠯᠢ ᠪᠠᠷ ᠴᠡᠷᠢᠭ ᠤᠨ ᠠᠬᠳᠠ ᠬᠠᠩᠭᠠᠳᠠᠭ᠃ ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠬᠤᠳᠠ ᠪᠠᠯᠭᠠᠰᠤ᠂ ᠣᠷᠳᠤᠨ ᠬᠠᠷᠰᠢ᠂ ᠰᠦᠮ᠎ᠡ ᠬᠡᠶᠢᠳ᠂ ᠵᠠᠮ ᠰᠤᠪᠠᠭ᠂ ᠬᠠᠰᠢᠯᠭ᠎ᠠ ᠲᠠᠯᠡᠩ ᠵᠠᠰᠠᠬᠤ ᠪᠠ ᠬᠤᠷᠤᠭ᠎ᠠ ᠪᠠᠬᠢᠯᠡᠯᠳᠠ ᠪᠠᠷᠢᠬᠤ ᠵᠡᠷᠬᠡ ᠬᠠᠷ᠎ᠠ ᠠᠯᠪᠠ ᠬᠠᠰᠢᠳᠠᠭ᠃ ᠬᠠᠷ᠎ᠠ ᠠᠯᠪᠠ ᠨᠢ ᠭᠡᠳᠤ ᠣᠯᠠᠳᠠᠬᠰᠡᠨ ᠠᠴᠠ ᠪᠤᠯᠵᠤ ᠤᠯᠠᠩᠬᠢᠳᠠ ᠲᠠᠷᠢᠶᠠᠨ ᠠᠵᠢᠯ ᠨᠢ ᠴᠠᠭ  ᠣᠯᠠᠷᠢᠯ ᠠᠴᠠ ᠬᠤᠵᠢᠬᠳᠠᠳᠠᠭ᠃ ᠬᠢᠳᠠᠨ ᠤ ᠢᠵᠠᠭᠤᠷᠳᠠᠨ ᠨᠠᠷ ᠮᠤᠷᠢᠳᠤ ᠴᠡᠷᠢᠭ  ᠢᠶᠠᠨ ᠲᠣᠬᠢᠷᠴᠤ ᠵᠦᠭ ᠪᠦᠷᠢ ᠳᠤ ᠭᠠᠷᠴᠤ ᠡᠳ᠋ ᠪᠠᠶᠠᠯᠢᠭ ᠪᠤᠯᠢᠶᠠᠨ ᠲᠡᠭᠡᠷᠡᠮᠳᠡᠬᠦᠯᠳᠡᠭ ᠪᠦᠭᠡᠳ ᠢᠵᠠᠭᠤᠷᠳᠡᠨ ᠪᠠ ᠲᠡᠭᠡᠳᠤ ᠵᠠᠷᠬᠡ ᠶᠢᠨ ᠨᠤᠶᠠᠳ ᠲᠦᠰᠢᠮᠡᠳ ᠨᠢ ᠭᠠᠵᠠᠷ ᠪᠦᠬᠦᠨ ᠠᠴᠠ ᠲᠤᠭ᠎ᠠ ᠲᠣᠬᠳᠠᠭᠠᠯ ᠠᠴᠠ ᠭᠠᠳᠠᠭᠤᠷ ᠬᠢᠬᠠᠨ ᠠᠪᠴᠤ ᠡᠩ ᠤᠨ ᠠᠷᠠᠳ ᠲᠦᠮᠡᠨ ᠳᠤ ᠮᠦᠨ ᠪᠠᠭ᠎ᠠ ᠪᠤᠰᠤ ᠬᠦᠨᠤᠭᠡᠯ ᠣᠴᠠᠷᠠᠭᠤᠯᠵᠤ ᠪᠠᠶᠢᠯ᠎ᠠ᠃ ᠬᠢᠳᠠᠨ ᠪᠤᠯᠤᠨ ᠰᠢ ᠦᠨᠳᠤᠰᠣᠳᠠᠡ ᠶᠢᠨ ᠭᠠᠵᠠᠷ ᠤᠨ ᠡᠵᠡᠨ ᠬᠢᠭᠡᠳ ᠰᠦᠮ᠎ᠡ ᠬᠡᠶᠢᠳ ᠤᠨ ᠭᠠᠵᠠᠷ ᠲᠠᠷᠢᠶᠠᠨ ᠳᠤ ᠠᠯᠪᠠᠳᠠᠯᠭ᠎ᠠ ᠪᠠᠷ ᠲᠠᠷᠢᠶ᠎ᠠ ᠲᠠᠷᠢᠵᠤ  ᠪᠠᠶᠢᠬᠰᠡᠨ ᠲᠦᠷᠢᠶᠡᠰᠤᠨ ᠲᠠᠷᠢᠶᠠᠴᠢᠨ ᠨᠡᠩ ᠴᠤ  ᠬᠦᠨᠳᠤ ᠮᠦᠯᠵᠢᠯ ᠢ ᠠᠮᠰᠠᠵᠤ ᠪᠠᠶᠢᠪᠠ  ᠂ ᠲᠡᠳᠡ ᠬᠤᠷᠢᠶᠠᠯᠳᠠ ᠶᠢᠨ ᠤ ᠤᠯᠠᠨ ᠢ ᠪᠦᠳᠤᠬᠡᠭᠳᠡᠬᠦᠨ ᠢᠶᠠᠷ ᠲᠦᠯᠤᠬᠦ ᠲᠦᠷᠢᠶᠡᠰᠤ ᠪᠤᠯᠭᠠᠨ ᠭᠠᠵᠠᠷ ᠤᠨ ᠡᠵᠡᠳ ᠲᠠ ᠲᠤᠰᠢᠶᠠᠬᠤ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠠᠯᠪᠠ ᠭᠤᠪᠴᠢᠭᠤᠷ ᠲᠣᠰᠢᠶᠠᠬᠤ ᠪᠠᠨ ᠭᠠᠷᠭᠠᠪᠠᠯ ᠦᠯᠡᠳᠡᠭᠰᠡᠨ ᠬᠡᠰᠡᠭ ᠨᠢ  ᠨᠢᠭᠡᠨ ᠭᠡᠷ ᠤᠨ ᠬᠡᠳᠤᠨ ᠠᠮᠠ ᠪᠠᠨ ᠲᠡᠵᠢᠭᠡᠵᠤ  ᠲᠡᠶᠢᠯᠬᠦ ᠦᠬᠡᠢ ᠪᠤᠯᠳᠠᠭ᠃ ᠪᠤᠭᠤᠯᠴᠤᠳ ᠤᠨ ᠠᠵᠤ ᠠᠬᠤᠢ ᠪᠠᠶᠢᠳᠠᠯ ᠨᠢ ᠶᠠᠷᠢᠶᠠᠨ ᠦᠬᠡᠢ ᠨᠡᠩ ᠮᠠᠭᠤ ᠪᠦᠭᠡᠳ ᠵᠢᠯ ᠲᠤᠷᠰᠢ ᠵᠣᠪᠠᠨ  ᠵᠦᠳᠡᠵᠤ᠂ ᠬᠠᠯᠠ ᠲᠠᠮᠤ ᠶᠢ ᠬᠠᠨᠳᠠᠯ᠎ᠠ ᠠᠮᠰᠠᠵᠤ᠂ ᠴᠢᠨᠠᠬᠰᠢᠯᠠᠨ ᠠᠮᠢ ᠨᠠᠰᠤ ᠪᠠᠨ ᠴᠦ ᠪᠠᠳᠤᠯᠠᠬᠤ ᠠᠷᠭ᠎ᠠ ᠦᠬᠡᠢ  ᠪᠠᠶᠢᠵᠤ᠂ ᠴᠠᠭ ᠢᠮᠠᠬᠳᠠ ᠢᠵᠠᠭᠤᠷᠳᠠᠨ ᠨᠠᠷ ᠲᠤ  ᠠᠮᠢ ᠪᠠᠨ ᠦᠭᠬᠦ ᠠᠶᠤᠯ ᠲᠠᠢ ᠪᠠᠶᠢᠯ᠎ᠠ᠃       ᠲᠦᠷᠤ ᠪᠠᠶᠢᠭᠤᠯᠤᠬᠰᠡᠨ ᠤ  ᠲᠠᠷᠠᠭᠠᠬᠢ ᠬᠢᠳᠠᠨ ᠤ ᠨᠡᠶᠢᠭᠡᠮ ᠤᠨ ᠠᠵᠤ ᠠᠬᠤᠢ ᠨᠢ ᠬᠡᠳᠤᠶᠢᠪᠡᠷ ᠡᠮᠤᠨᠡᠳᠤ ᠬᠡᠰᠡᠭ ᠲᠤᠨᠢ ᠲᠠᠷᠢᠶᠠᠯᠠᠩ᠂ ᠣᠮᠠᠷᠠᠳᠤ ᠬᠡᠰᠡᠭ ᠲᠤᠨᠢ ᠮᠠᠯ ᠠᠵᠤ ᠠᠬᠤᠢ ᠪᠠᠶᠢᠵᠤ᠂ ᠲᠦᠷᠦᠯ ᠵᠤᠶᠢᠯ ᠢᠶᠠᠷ ᠠᠳᠠᠯᠢ ᠪᠤᠰᠤ ᠪᠤᠯᠪᠠᠴᠤ ᠪᠦᠬᠦ ᠣᠯᠣᠰ ᠤᠨ ᠬᠡᠪᠴᠢᠶ᠎ᠡ ᠪᠠᠷ ᠠᠪᠴᠤ ᠬᠡᠯᠡᠪᠠᠯ ᠮᠠᠯ ᠠᠵᠤ ᠠᠬᠤᠢ ᠮᠦᠨᠴᠤ ᠲᠡᠷᠢᠬᠦᠨ ᠴᠢᠬᠤᠯᠠ ᠪᠠᠶᠢᠷᠢ ᠶᠢ ᠡᠵᠡᠯᠡᠵᠤ ᠪᠠᠶᠢᠬᠰᠡᠨ ᠶᠤᠮ᠃ ᠬᠢᠳᠠᠨ ᠳᠤ ᠣᠯᠣᠰ ᠪᠠᠶᠢᠭᠤᠯᠤᠬᠰᠡᠨ ᠠᠴᠠ ᠠᠪᠤᠭᠠᠳ ᠮᠦᠬᠦᠬᠦ ᠬᠦᠷᠳᠡᠯᠡᠬᠢ ᠬᠤᠶᠠᠷ ᠵᠠᠭᠤᠨ ᠣᠨ ᠤ ᠬᠤᠭᠤᠷᠤᠨᠳᠤ ᠮᠠᠯ ᠠᠵᠤ ᠠᠬᠤᠢ ᠢᠮᠠᠬᠳᠠ ᠭᠤᠤᠯ ᠬᠦᠷᠤᠩᠬᠡ ᠪᠤᠯᠵᠤ ᠪᠠᠶᠢᠬᠰᠡᠨ ᠶᠤᠮ᠃ ᠶᠠᠭ ︽ᠯᠢᠶᠣᠤ ᠣᠯᠣᠰ ᠤᠨ ᠲᠡᠤᠬᠡ᠂ ᠠᠮᠤ  ᠪᠠᠷᠠᠭᠠᠨ ᠤ ᠲᠡᠮᠳᠡᠭᠯᠡᠯ︾ ᠳᠤ ᠬᠡᠯᠡᠭᠰᠡᠨᠴᠢᠯᠡᠨ᠄ ︽ᠬᠢᠳᠠᠨ ᠤ ᠬᠠᠭᠤᠴᠢᠨ ᠵᠠᠩᠰᠢᠯ ᠢᠶᠠᠷ᠂ ᠪᠠᠶᠠᠨ ᠢ ᠠᠨᠤ ᠠᠳᠤᠭᠤᠨ ᠤ ᠲᠤᠭ᠎ᠠ ᠪᠠᠷ ᠦᠵᠡᠮᠤᠢ᠃︾ ᠱᠦᠯᠢᠣᠢ ᠬᠠᠳᠤᠨ ︵ᠲᠠᠶᠢᠽᠤ ᠠᠪᠤᠵᠢ ᠶᠢᠨ ᠡᠬᠡᠨᠠᠷ︶ ᠪᠠᠰᠠ᠄ ︽ᠨᠠᠳᠤᠷ ᠰᠢ ᠯᠸᠤ ᠶᠢᠨ ᠬᠤᠨᠢ ᠠᠳᠤᠭᠤᠨ ᠤ ᠪᠠᠶᠠᠯᠢᠭ ᠪᠤᠢ  ᠠᠮᠤᠢ᠂ ᠲᠡᠬᠦᠨ ᠤ ᠵᠢᠷᠭᠠᠯ ᠠᠨᠤ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠤᠯᠡᠢ︾   ᠭᠡᠵᠡᠢ᠃ ᠰᠦᠩ ᠣᠯᠣᠰ ᠤᠨ   ᠰᠦ᠋ ᠰᠦᠩ ᠬᠢᠳᠠᠨ ᠳᠤ ᠡᠯᠴᠢ ᠪᠠᠷ ᠣᠴᠢᠭᠠᠳ ᠮᠦᠨᠴᠤ ︽ ᠬᠤᠨᠢ ᠢᠮᠠᠭ᠎ᠠ ᠠᠨᠤ ᠵᠠᠭᠤ ᠮᠢᠩᠭ᠎ᠠ ᠪᠠᠷ ᠰᠦᠷᠤᠩᠯᠡᠨ᠂ ᠦᠰᠤᠷᠴᠤ ᠦᠷᠡᠵᠢᠬᠦ ᠢᠨᠤ ᠲᠦᠢᠯ ᠤᠨ ᠡᠯᠪᠡᠭ︾︔ ︽ᠠᠳᠤᠭᠤᠨ ᠰᠦᠷᠦᠭ ᠢᠨᠤ ᠮᠢᠩᠭ᠎ᠠ ᠪᠠᠷ ᠲᠤᠭᠠᠯᠠᠬᠤ︾ ᠪᠠᠶᠢᠳᠠᠯ ᠢ ᠣᠯᠵᠣ ᠦᠵᠡᠭᠰᠡᠨ ᠪᠠᠶᠢᠨ᠎ᠠ᠃ ᠲᠠᠶᠢᠽᠤ ᠬᠠᠭᠠᠨ ᠠᠪᠤᠵᠢ ᠬᠠᠳᠤᠨ ᠭᠤᠤᠯ ᠤᠨ ᠵᠡᠬᠦᠨᠳᠡᠬᠢ ᠤᠷᠤᠨ ᠬᠢᠭᠡᠳ ᠵᠦᠷᠴᠢᠨ ᠦᠨᠳᠤᠰᠤᠳᠠᠨ ᠢ ᠲᠠᠶᠢᠯᠠᠬᠤᠢ ᠦᠶᠡᠰ᠂ ᠠᠷᠪᠠ ᠭᠠᠷᠤᠢ  ᠲᠦᠮᠡᠨ ᠦᠬᠡᠷ ᠲᠡᠮᠡᠭᠡ  ᠬᠤᠨᠢ᠂  ᠬᠤᠷᠢ ᠭᠠᠷᠤᠢ ᠲᠦᠮᠡᠨ ᠠᠳᠤᠭᠤ ᠪᠤᠯᠢᠶᠠᠨ ᠠᠪᠴᠢᠷᠠᠭᠠᠳ  ᠭᠤᠪᠢ ᠶᠢᠨ ᠠᠷᠤ ᠦᠪᠤᠷ᠂ ᠰᠢ ᠯᠦ᠂ ᠡᠾᠦ᠋ᠨ ᠡᠾᠧ ᠭᠤᠤᠯ ︵ᠣᠳᠣᠬᠢ ᠯᠢᠶᠣᠣᠨᠢᠩ   ᠮᠣᠵᠠᠢ ᠶᠢᠨ ᠪᠠᠭ᠎ᠠ ᠯᠢᠶᠤᠤ ᠡᠾᠧ ᠭᠤᠣᠯ︶ ᠵᠡᠷᠬᠡ ᠪᠡᠯᠴᠢᠭᠡᠷ ᠣᠰᠤ ᠰᠠᠶᠢᠳᠠᠢ ᠭᠠᠵᠠᠷ ᠲᠤ ᠬᠤᠪᠢᠶᠠᠨ ᠮᠠᠯᠵᠢᠭᠤᠯᠤᠬᠰᠡᠨ ᠪᠠᠶᠢᠨ᠎ᠠ᠃ ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ ᠪᠦᠸᠧᠬᠠᠢ᠂ ᠵᠦᠷᠴᠢᠨ᠂ ᠽᠦᠪᠦ᠋᠂ ᠱᠢ ᠸᠧᠢ᠂ ᠪᠠᠷᠠᠭᠤᠨ ᠰᠢᠶᠠ ᠵᠡᠷᠬᠡ ᠦᠨᠳᠤᠰᠣᠳᠠᠡ ᠨᠦᠭᠦᠳ ᠵᠢᠯ ᠪᠦᠷᠢ ᠮᠢᠩᠭ᠎ᠠ ᠲᠦᠮᠡᠨ ᠠᠳᠤᠭᠤᠨ ᠤ ᠠᠯᠪᠠ ᠪᠠᠷᠢᠳᠠᠭ᠃ ᠡᠶᠢᠨᠬᠦ ︽ᠯᠢᠶᠣᠤ ᠤᠯᠤᠰ ᠤᠨ ᠲᠡᠤᠬᠡ︾ ᠳᠤ  ᠄ ︽ᠲᠠᠶᠢᠽᠤ ᠶᠢᠨ ᠦᠶ᠎ᠡ ᠠᠴᠠ ᠰᠢᠩᠽᠦᠩ ᠤᠨ ᠦᠶ᠎ᠡ ᠬᠦᠷᠳᠡᠯᠡᠬᠢ ᠬᠤᠶᠠᠷ ᠵᠠᠭᠤᠨ ᠣᠨ ᠳᠤ᠂ ᠮᠠᠯ  ᠰᠦᠷᠦᠭ ᠤᠨ ᠬᠦᠭᠵᠢᠭᠰᠡᠨ ᠢᠨᠤ ᠨᠢᠭᠡᠨ ᠡᠳᠤᠷ ᠮᠡᠳᠤ︾ ᠬᠡᠵᠤ ᠬᠡᠯᠡᠭᠰᠡᠨ ᠪᠢᠯᠠ᠃ ᠬᠠᠭᠠᠨ ᠤ ᠮᠠᠯ ᠰᠦᠷᠦᠭ ᠢ ᠣᠮᠠᠷᠠᠳᠤ ᠡᠳᠡᠭᠡᠳ ᠤᠨ  ᠨᠣᠶᠠᠨ ᠤ ᠲᠣᠤᠷ᠎ᠠ ︽ᠮᠠᠯ ᠰᠦᠷᠦᠭ ᠤᠨ ᠲᠦᠰᠢᠮᠡᠯ︾ ᠬᠡᠬᠦ ᠲᠣᠰᠬᠠᠢ ᠨᠣᠶᠠᠨ ᠲᠠᠯᠪᠢᠵᠤ ᠬᠠᠮᠢᠶᠠᠷᠤᠭᠤᠯᠵᠤ ᠪᠠᠶᠢᠪᠠ᠃ ᠲᠠᠶᠢᠽᠤ ᠬᠠᠭᠠᠨ ᠤ ᠦᠶ᠎ᠡ ᠳᠤ ᠮᠥᠨ ︽ᠪᠠᠶᠠᠳ ᠤᠨ ᠮᠤᠷᠢ ᠶᠢ ᠲᠠᠳᠠᠪᠤᠷᠢᠯᠠᠵᠤ︾ ᠪᠠᠶᠢᠬᠰᠡᠨ ᠶᠤᠮ᠃ ᠡᠨᠡ ᠨᠢ ᠠᠯᠪᠠᠨ ᠤ  ᠮᠣᠷᠢᠳ ᠠᠴᠠ ᠭᠠᠳᠠᠨ᠎ᠠ ᠢᠷᠭᠡᠳ ᠤᠨ  ᠲᠣᠳᠣᠷ᠎ᠡ ᠬᠤᠪᠢ ᠶᠢᠨ ᠮᠤᠷᠢ ᠪᠠᠰᠠ ᠴᠦᠬᠡᠨ ᠪᠤᠰᠤ ᠪᠠᠶᠢᠪᠠ ᠬᠡᠰᠡᠨ ᠢ ᠬᠠᠷᠠᠭᠤᠯᠵᠤ ᠪᠤᠢ᠃        ᠬᠢᠳᠠᠨ ᠳᠤ ᠬᠠᠷᠢᠶᠠᠯᠠᠬᠳᠠᠬᠤ ᠣᠮᠠᠷᠠᠳᠤ ᠣᠷᠣᠨ ᠤ ᠦᠨᠳᠤᠰᠤᠳᠠᠨ ᠨᠦᠭᠦᠳ ᠪᠤᠶᠤ ᠠᠶᠢᠮᠠᠭ ᠤᠳ ᠯᠢᠶᠣᠤ ᠣᠯᠣᠰ ᠲᠤ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠠᠯᠪᠠ ᠪᠠᠷᠢᠳᠠᠭ ᠪᠦᠭᠡᠳ ᠠᠯᠪᠠ ᠪᠠᠷᠢᠳᠠᠭ ᠵᠤᠶᠢᠯ ᠨᠢ ᠭᠤᠤᠯᠳᠠᠭᠤ ᠮᠠᠯ ᠲᠡᠵᠢᠭᠡᠪᠤᠷᠢ ᠪᠠᠶᠢᠯ᠎ᠠ᠃ ᠡᠳᠡᠭᠡᠷ ᠠᠶᠢᠮᠠᠭ ᠣᠬᠰᠠᠭ᠎ᠠ ᠨᠢ ᠲᠣᠳᠣᠭᠠᠳᠤ ᠪᠠᠨ ᠮᠦᠨ  ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠬᠤ ᠠᠵᠤ ᠠᠬᠤᠢ ᠪᠠᠨ ᠬᠠᠳᠠᠭᠠᠯᠠᠬᠰᠠᠭᠠᠷ ᠪᠤᠯᠪᠠᠴᠤ᠂ ᠯᠢᠶᠣᠤ ᠣᠯᠣᠰ ᠤᠨ ᠨᠢᠭᠡᠳᠤᠮᠡᠯ ᠹᠸᠣᠳᠠᠯ ᠤᠨ ᠭᠡᠪᠴᠢᠶᠡᠨ ᠳᠤ ᠬᠠᠮᠤᠷᠤᠬᠳᠠᠨ ᠤᠷᠤᠬᠰᠡᠨ ᠲᠤᠯᠠ  ᠤᠯᠠᠮ ᠢᠶᠠᠷ ᠮᠠᠯ ᠠᠵᠤ ᠠᠬᠤᠢ ᠠᠩ ᠬᠦᠷᠤᠬᠡ ᠬᠢᠬᠦ ᠮᠦᠷᠳᠡᠭᠡᠨ ᠪᠠᠰᠠ ᠬᠠᠭᠠᠰ ᠲᠠᠷᠢᠶᠠᠯᠠᠵᠤ ᠬᠠᠭᠠᠰ ᠮᠠᠯᠵᠢᠬᠤ ᠪᠤᠶᠤ ᠪᠦᠳᠤᠬᠦᠯᠢᠭ ᠲᠠᠷᠢᠶᠠᠯᠠᠩ ᠬᠢᠬᠦ ᠵᠡᠷᠬᠡ ᠣᠯᠠᠨ ᠵᠣᠶᠢᠯ ᠤᠨ ᠠᠵᠤ ᠠᠬᠤᠢ ᠶᠢᠨ ᠲᠦᠷᠣᠯ ᠬᠡᠯᠪᠡᠷᠢ ᠲᠠᠢ ᠪᠤᠯᠤᠨ ᠬᠦᠭᠵᠢᠭᠰᠡᠨ ᠪᠠᠶᠢᠨ᠎ᠠ᠃ ᠬᠢᠳᠠᠳ ᠦᠨᠳᠤᠰᠤᠳᠠᠨ ᠤ ᠤᠷᠤᠨ ᠲᠠᠢ ᠬᠠᠪᠢᠳᠠᠵᠤ ᠪᠦᠬᠦᠢ ᠪᠦᠸᠧᠬᠠᠢ ᠦᠨᠳᠤᠰᠤᠳᠠᠨ ᠤ  ᠲᠠᠷᠢᠶᠠᠴᠢᠳ ᠬᠢᠳᠠᠨ ᠬᠢᠭᠡᠳ ᠪᠤᠰᠤᠳ ᠨᠡᠬᠦᠳᠡᠯᠴᠢᠨ ᠦᠨᠳᠤᠰᠣᠳᠠᠡ ᠶᠢᠨ ᠨᠦᠯᠤᠬᠡᠨ ᠳᠣᠣᠷ᠎ᠠ ᠪᠠᠰᠠ ᠮᠠᠯ ᠠᠵᠤ ᠠᠬᠤᠢ ᠪᠠᠷ ᠲᠣᠰᠠᠯᠠᠬᠤ ᠦᠢᠯᠡᠳᠪᠤᠷᠢᠯᠡᠯ ᠪᠤᠯᠭᠠᠬᠰᠡᠨ  ᠴᠦ ᠪᠠᠶᠢᠪᠠ᠃        ᠬᠢᠳᠠᠨ ᠳᠤ  ᠠᠯᠢ ᠡᠷᠳᠡᠨ ᠠᠴᠠ ᠲᠠᠷᠢᠶᠠᠯᠠᠩ ᠲᠠᠢ ᠪᠠᠶᠢᠬᠰᠡᠨ ᠶᠤᠮ᠃ ᠡᠮᠤᠨ᠎ᠠ ᠲᠤᠷᠠᠳᠤᠬᠰᠡᠨ ᠶᠧᠯᠢᠤᠢ ᠠᠪᠤᠵᠢ ᠶᠢᠨ ᠡᠪᠦᠭᠡ ᠡᠴᠢᠭᠡ ᠶᠦᠨᠳᠡᠸ᠋ᠱᠢ ᠶᠢᠨ ᠦᠶ᠎ᠡ ᠳᠤ ᠨᠢᠭᠡᠨᠳᠠ ᠲᠠᠷᠢᠶᠠᠯᠠᠩ ᠲᠠᠢ ᠪᠠᠶᠢᠪᠠ᠃ ᠠᠪᠤᠵᠢ ᠲᠡᠬᠦᠤᠨᠠᠷ ᠤᠨ ᠢᠶᠠᠨ ᠣᠷᠪᠠᠯᠭᠠᠨ ᠢ ᠲᠦᠪᠰᠢᠳᠬᠡᠭᠰᠡᠨ ᠤ ᠲᠠᠷᠠᠭ᠎ᠠ  ︵ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ611 ᠣᠨ ︶ ᠲᠠᠷᠤᠢ ︽ᠲᠠᠶᠢᠨ ᠵᠣᠬᠰᠣᠨ ᠠᠯᠪᠠ ᠶᠢ ᠬᠦᠩᠭᠡᠯᠡᠵᠤ᠂ ᠲᠠᠷᠢᠶᠠᠯᠠᠩ ᠳᠤᠷ ᠲᠣᠰᠬᠠᠶᠢᠯᠠᠨ ᠰᠡᠳᠬᠢᠯ ᠲᠠᠯᠪᠢᠵᠤᠬᠤᠢ︾ ᠬᠤᠵᠢᠮ ᠪᠦᠸᠧᠬᠠᠢ ᠣᠷᠣᠨ ᠢ ᠨᠢᠭᠡᠳᠭᠡᠭᠰᠡᠨ ᠪᠦᠭᠡᠳ ᠲᠠᠨᠳᠠ ᠴᠦ ᠲᠠᠷᠢᠶᠠᠯᠠᠩ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠲᠠᠢ ᠪᠠᠶᠢᠪᠠ᠃ ᠬᠤᠷᠤᠭᠠᠯᠠᠬᠤ ᠵᠸᠤ ᠶᠢᠨ  ᠬᠤᠳᠡᠨ ᠤ ᠣᠯᠠᠰᠢᠷᠠᠬᠤ ᠶᠢ ᠲᠠᠭᠠᠯᠳᠤᠵᠤ᠂ ᠬᠢᠳᠠᠨ ᠤ ᠨᠤᠶᠠᠷᠬᠠᠯ ᠤᠨ ᠬᠡᠪᠴᠢᠶᠡᠨ ᠳᠠᠬᠢ ᠲᠠᠷᠢᠶᠠᠯᠠᠩ ᠤᠨ ᠬᠤᠪᠢ ᠶᠢᠨ ᠵᠢᠩ ᠨᠢ  ᠤᠯᠠᠮ ᠶᠡᠭᠡᠰᠴᠡᠢ᠃ ᠲᠠᠶᠢᠽᠦ᠋ᠩ ᠬᠠᠭᠠᠨ ᠶᠧᠯᠢᠤᠢ ᠳ᠋ᠧᠭᠤᠸ᠋ᠩ ᠶᠡᠨ  ᠶᠦᠨ ᠤ ᠠᠷᠪᠡᠨ ᠵᠢᠷᠭᠤᠳᠤᠭᠠᠷ ᠵᠸᠤ ᠶᠢ ᠡᠵᠡᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ᠂ ᠬᠢᠳᠠᠨ ᠤ ᠬᠠᠷᠢᠶᠠᠨ ᠳᠠᠬᠢ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠨᠡᠩ ᠴᠦ ᠦᠷᠭᠡᠵᠢᠪᠠ᠃ ᠭᠡᠪᠠᠴᠤ ᠯᠢᠶᠣᠤ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠶᠢᠨ ᠪᠦᠬᠦ  ᠬᠡᠪᠴᠢᠶ᠎ᠡ ᠪᠠᠷ ᠠᠪᠴᠤ ᠬᠡᠯᠡᠪᠠᠯ ᠠᠵᠤ ᠠᠬᠤᠢ ᠨᠢ ᠲᠠᠷᠢᠶᠠᠯᠠᠩ ᠢᠶᠠᠷ ᠭᠤᠤᠯ ᠪᠤᠯᠭᠠᠬᠰᠡᠨ ᠳᠤ ᠲᠣᠭᠤᠴᠠᠬᠳᠠᠬᠤ ᠦᠭᠡᠢ ᠶᠤᠮ᠃ ᠭᠡᠳᠠᠯ᠎ᠠ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠤ ᠲᠠᠰᠤᠷᠠᠯ ᠦᠬᠡᠢ ᠦᠷᠭᠡᠵᠢᠭᠰᠡᠨ᠂ ᠲᠠᠷᠢᠶᠠᠯᠠᠩ  ᠤᠨ ᠬᠤᠪᠢ ᠶᠢᠨ ᠵᠢᠩ ᠤᠨ ᠲᠠᠰᠤᠷᠠᠯ ᠦᠬᠡᠢ ᠨᠡᠮᠡᠭᠳᠡᠭᠰᠡᠨ ᠠᠴᠠ ᠪᠤᠯᠵᠤ᠂ ᠯᠢᠶᠣᠤ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠶᠢᠨ ᠬᠡᠪᠴᠢᠶᠡᠨ ᠳᠠᠬᠢ ᠮᠠᠯ ᠠᠵᠤ ᠠᠬᠤᠢ ᠪᠠ ᠲᠠᠷᠢᠶᠠᠯᠠᠩ ᠨᠢ ᠬᠠᠷᠢᠯᠴᠡᠨ ᠲᠣᠬᠢᠷᠠᠯᠴᠠᠵᠤ᠂ ᠬᠠᠷᠢᠯᠴᠡᠨ ᠲᠣᠰᠠᠯᠠᠯᠴᠠᠬᠤ ᠪᠤᠯᠪᠠ᠃         ᠵᠢᠭᠠᠰᠤ ᠪᠠᠷᠢᠵᠤ ᠠᠩ ᠠᠩᠨᠠᠬᠤ ᠨᠢ ᠤᠷᠢᠳᠤ ᠪᠠᠨ ᠪᠠᠰᠠ ᠬᠢᠳᠠᠨᠴᠤᠳ ᠤᠨ ᠴᠢᠬᠤᠯᠠ ᠣᠶᠢᠯᠡᠳᠪᠤᠷᠢᠯᠡᠯ ᠤᠨ ᠦᠢᠯᠡᠰ ᠪᠠᠶᠢᠵᠡᠢ᠃ ᠬᠤᠵᠢᠮ ᠮᠠᠯ ᠠᠵᠤ ᠠᠬᠤᠢ  ᠪᠠ ᠲᠠᠷᠢᠶᠠᠯᠠᠩ ᠬᠦᠭᠵᠢᠭᠰᠡᠨ ᠠᠴᠠ ᠪᠤᠯᠵᠤ᠂ ᠣᠮᠠᠷᠠᠳᠤ ᠡᠳᠡᠭᠡᠳ ᠤᠨ ᠠᠭᠤᠯᠠᠷᠬᠠᠭ  ᠣᠶᠢᠳᠦ ᠣᠷᠣᠨ ᠪᠣᠶᠣ ᠭᠤᠣᠯ ᠮᠦᠷᠡᠨ ᠤ ᠬᠦᠪᠡᠭᠡ ᠲᠠᠭᠤ ᠣᠷᠣᠨ ᠠᠴᠠ  ᠭᠠᠳᠠᠨ᠎ᠠ ᠵᠢᠭᠠᠰᠤ ᠪᠠᠷᠢᠵᠤ ᠠᠩ ᠠᠩᠨᠠᠬᠤ ᠨᠢ ᠬᠢᠳᠠᠨᠴᠤᠳ ᠤᠨ ᠭᠤᠤᠯ ᠠᠵᠤ ᠠᠬᠤᠢ ᠶᠢᠨ ᠰᠠᠯᠭ᠎ᠠ ᠮᠦᠴᠢᠷ ᠪᠢᠰᠢ ᠪᠤᠯᠵᠤ᠂ ᠪᠦᠬᠦᠶᠢᠯᠡ ᠨᠡᠶᠢᠭᠡᠮ ᠤᠨ ᠠᠵᠤ ᠠᠬᠤᠢ ᠠᠴᠠ ᠠᠪᠴᠤ ᠦᠵᠡᠪᠠᠯ᠂ ᠬᠠᠪᠰᠤᠷᠤᠮᠵᠢ ᠶᠢᠨ ᠴᠢᠨᠠᠷ   ᠲᠠᠢ ᠠᠵᠤ ᠠᠬᠤᠢ ᠶᠢᠨ ᠲᠠᠳᠤᠢ ᠪᠤᠯᠤᠬᠰᠡᠨ ᠪᠢᠯᠡ᠃             ᠯᠢᠶᠣᠣ ᠣᠯᠣᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠳᠤ ᠲᠠᠪᠤᠨ ᠨᠡᠶᠢᠰᠯᠡᠯ ᠪᠤᠢ᠃          ᠲᠡᠭᠡᠳᠤ ᠨᠡᠶᠢᠰᠯᠡᠯ ᠯᠢᠨ ᠬᠤᠸᠠᠩ ᠹᠦ᠋ ︵ᠣᠳᠣᠬᠢ ᠣᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠪᠠᠭᠠᠷᠢᠨ ᠵᠠᠬᠦᠨ ᠬᠤᠰᠢᠭᠤᠨ ᠤ ᠡᠮᠣᠨ᠎ᠠ  ᠪᠣᠷᠣ ᠬᠤᠳᠠ︶᠂ ᠲᠠᠷᠤᠢ ᠲᠠᠶᠢᠽᠤ ᠬᠠᠭᠠᠨ ᠠᠪᠤᠵᠢ ᠶᠢᠨ ᠱᠧᠨ ᠽᠧ ᠤᠨ ᠭᠤᠳᠠᠭᠠᠷ ᠣᠨ ︵ ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ918 ᠣᠨ︶ ᠳᠤ ᠪᠠᠶᠢᠭᠤᠯᠤᠬᠰᠡᠨ ︽ᠰᠢ ᠯᠸᠤ︾  ᠬᠤᠳᠠ ᠮᠦᠨ᠂ ᠲᠣᠬᠠᠢ ᠶᠢᠨ ᠦᠶ᠎ᠡ ᠳᠤ ᠬᠠᠭᠠᠨ ᠤ ᠨᠡᠶᠢᠰᠯᠡᠯ ᠢᠶᠠᠷ ᠲᠣᠬᠳᠠᠭᠠᠵᠤ᠂ ᠲᠠᠶᠢᠽᠦ᠋ᠩ ᠬᠠᠭᠠᠨ ᠤ ᠡᠾᠦ᠋ᠢ ᠲᠦᠩ ᠤᠨ ᠲᠡᠷᠢᠬᠦᠨ ᠣᠨ ︵ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ938 ᠣᠨ︶ ᠳᠤ ᠲᠡᠭᠡᠳᠤ ᠨᠡᠶᠢᠰᠯᠡᠯ ᠯᠢᠨ ᠬᠤᠸᠠᠩ ᠹᠦ᠋ ᠭᠡᠵᠤ ᠬᠠᠯᠠᠵᠠᠢ᠃ ᠡᠨᠡ ᠭᠠᠵᠠᠷ ᠪᠤᠯ ︽ᠠᠭᠤᠯᠠ ᠶᠢ ᠲᠦᠰᠢᠨ ᠭᠤᠤᠯ ᠢ ᠬᠦᠪᠡᠭᠡᠯᠡᠨ ᠪᠠᠷᠳᠠᠭ᠎ᠠ ᠲᠠᠢ ᠪᠠᠶᠢᠵᠤ᠂ ᠬᠦᠷᠤᠰᠤ  ᠭᠠᠵᠠᠷ ᠠᠨᠤ ᠦᠩ ᠰᠢᠮᠡᠯᠢᠭ᠂ ᠲᠠᠷᠢᠵᠤ ᠤᠷᠭᠤᠭᠤᠯᠬᠤ ᠳᠤᠷ ᠲᠤᠬᠢᠳᠠᠢ᠂ ᠣᠰᠤ ᠪᠡᠯᠴᠢᠭᠡᠷ ᠠᠨᠤ ᠮᠠᠯ ᠮᠠᠯᠯᠠᠬᠤ  ᠳᠤᠷ ᠲᠦᠬᠦᠮ ᠪᠠᠶᠢᠪᠠ︾  ᠃ ᠭᠠᠵᠠᠷ ᠤᠨ ᠪᠠᠶᠢᠴᠠ ᠪᠣᠶᠣ ᠠᠵᠤ ᠠᠬᠤᠢ ᠶᠢᠨ ᠨᠦᠬᠦᠴᠡᠯ ᠤᠨ ᠠᠯᠢᠨ ᠨᠢ ᠴᠦ ᠬᠡᠰᠡᠨ ᠴᠦᠮ ᠠᠰᠤᠷᠤ ᠰᠠᠶᠢᠨ ᠪᠠᠶᠢᠬᠰᠡᠨ ᠲᠤᠯᠠ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠠᠪᠤᠵᠢ ᠲᠡᠬᠦᠨ ᠢᠶᠠᠷ ᠨᠡᠶᠢᠰᠯᠡᠯ ᠪᠤᠯᠭᠠᠬᠰᠡᠨ ᠪᠠᠶᠢᠨ᠎ᠠ᠃ ᠯᠢᠨ ᠬᠤᠸᠠᠩ ᠹᠦ᠋ ᠶᠢᠨ ᠡᠮᠤᠨᠡᠳᠤ ᠬᠤᠳᠠ ᠶᠢ ︽ ᠬᠠᠨᠴᠧᠩ  ︾  ᠭᠡᠳᠡᠭ᠂  ᠬᠤᠳᠠᠨ ᠲᠤᠳᠤᠷ᠎ᠠ ᠨᠢ ᠬᠤᠳᠠᠯᠳᠤᠭ᠎ᠠ ᠫᠦᠰᠡ᠂ ᠭᠤᠳᠤᠮᠵᠢ ᠵᠡᠭᠡᠯᠢ ᠪᠠᠶᠢᠵᠤ᠂ ᠠᠷᠠᠯᠵᠢᠶᠠᠴᠢᠨ ᠬᠤᠳᠠᠯᠳᠤᠭᠠᠴᠢᠨ ᠨᠠᠷ ᠤᠨ ᠴᠤᠬᠯᠠᠷᠠᠳᠠᠭ ᠭᠠᠵᠠᠷ ᠪᠤᠯᠵᠢ  ︔ ᠡᠬᠦᠨ ᠳᠤ ᠤᠶᠢᠭᠤᠷ ᠬᠤᠳᠠᠯᠳᠤᠭᠠᠴᠢᠨ ᠤᠯᠠᠨ ᠪᠠᠶᠢᠳᠠᠭ ᠲᠤᠯᠠ ᠲᠤᠰᠬᠠᠶᠢᠯᠠᠨ ︽ ᠣᠶᠢᠭᠤᠷ  ᠬᠤᠸᠠᠷᠠᠨ  ︾ ᠭᠠᠷᠭᠠᠵᠤ᠂ ᠲᠠᠳᠠᠨ ᠤ ᠲᠦᠪᠯᠡᠷᠡᠨ ᠰᠠᠭᠤᠬᠤ ᠤᠷᠤᠨ ᠪᠤᠯᠭᠠᠬᠰᠡᠨ ᠪᠢᠯᠡ᠃            ᠯᠢᠶᠤᠤ ᠣᠯᠣᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠲᠠᠪᠤᠨ ᠨᠡᠶᠢᠰᠯᠡᠯ ᠲᠠᠢ ᠪᠤᠯᠪᠠᠴᠤ᠂ ᠣᠯᠣᠰ ᠲᠦᠷᠤ ᠶᠢᠨ ᠲᠦᠪ ᠨᠢ ᠪᠦᠷ ᠨᠡᠶᠢᠰᠯᠡᠯ ᠳᠡᠭᠡᠨ ᠪᠠᠶᠢᠬᠤ ᠪᠢᠰᠢ᠂ ᠵᠠᠷᠢᠮ ᠳᠠᠭᠠᠨ ᠪᠠᠰᠠ ᠵᠤᠨ᠂ ᠡᠪᠤᠯ ᠤᠨ ᠨᠡᠪᠧ ᠳᠤ ᠨᠢ ᠪᠠᠶᠢᠳᠠᠭ ᠃ ᠨᠡᠪᠧ ᠭᠡᠳᠡᠭ ᠨᠢ ᠲᠠᠷᠤᠢ  ︽ ᠰᠠᠭᠤᠬᠤ  ᠭᠠᠵᠠᠷ  ︾  ᠪᠤᠶᠤ  ︽ ᠪᠠᠭᠤᠬᠤ  ᠭᠠᠵᠠᠷ  ︾ ᠬᠡᠰᠡᠨ ᠠᠭᠤᠯᠭ᠎ᠠ  ᠲᠠᠢ ᠶᠤᠮ᠃  ︽ ᠯᠢᠶᠤᠤ ᠤᠯᠤᠰ ᠤᠨ ᠲᠡᠤᠬᠡ  ᠂  ᠬᠤᠷᠤᠭ᠎ᠠ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠲᠡᠮᠳᠡᠭᠯᠡᠯ  ︾ ᠳᠤ:  ︽ᠯᠢᠶᠣᠤ ᠤᠯᠤᠰ ᠲᠤᠷ ᠶᠡᠭᠡ ᠡᠯᠡᠰᠤ ᠭᠤᠪᠢ ᠠᠵᠤ᠂ ᠴᠠᠭᠠᠨ ᠬᠡᠷᠡᠮ ᠢ ᠪᠦᠰᠡᠯᠡᠬᠦ ᠪᠠᠶᠢᠳᠠᠯ ᠲᠠᠢ  ᠠᠵᠤᠬᠤᠢ᠂  ᠵᠠᠰᠠᠬᠤ ᠵᠠᠬᠢᠷᠬᠤᠢ ᠳᠤᠷ ᠬᠢᠯᠪᠠᠷ ᠢ ᠪᠤᠳᠤᠬᠰᠡᠨ ᠨᠠᠮᠤᠷ ᠨᠠᠮᠤᠷ ᠡᠪᠤᠯ ᠪᠤᠯᠪᠠᠰᠤ ᠬᠦᠢᠳᠡᠨ ᠡᠴᠡ‌‍ᠰᠡᠷᠬᠡᠶᠢᠯᠡᠨ᠂ ᠬᠠᠪᠤᠷ ᠵᠤᠨ ᠪᠤᠯᠪᠠᠰᠤ ᠬᠠᠯᠠᠭᠤᠨ ᠠᠴᠠ ᠵᠠᠶᠢᠯᠠᠬᠤ ᠶᠢᠨ ᠲᠦᠯᠤᠬᠡ᠂ ᠤᠰᠤ ᠪᠡᠯᠴᠢᠭᠡᠷ ᠢ ᠲᠠᠭᠠᠨ᠂ ᠮᠠᠯ ᠮᠠᠯᠵᠢᠵᠤ ᠵᠢᠭᠠᠰᠤ ᠪᠠᠷᠢᠬᠰᠠᠭᠠᠷ᠂ ᠤᠳᠠᠭᠠᠨ ᠣᠨ ᠳᠤᠷ ᠵᠠᠩᠰᠢᠯ ᠪᠤᠯᠪᠠᠢ᠂ ᠲᠦᠷᠪᠡᠨ ᠤᠯᠠᠷᠢᠯ ᠳᠤᠷ ᠪᠦᠷᠢ ᠪᠠᠭᠤᠬᠤ ᠭᠠᠵᠠᠷ ᠪᠤᠢ ᠠᠵᠤ᠂ ᠲᠡᠬᠦᠨ ᠢ ᠢᠨᠤ ᠨᠡᠪᠧ ᠬᠡᠮᠡᠮᠤᠢ︾ ᠭᠡᠵᠡᠢ᠃ ᠬᠠᠪᠤᠷ ᠤᠨ ᠨᠡᠪᠧ ᠤᠨ ᠭᠤᠣᠯ ᠠᠵᠢᠯ ᠨᠢ ᠭᠠᠯᠠᠭᠤ ᠨᠤᠭᠤᠰᠤ ᠪᠠᠷᠢᠵᠤ ᠵᠢᠭᠠᠰᠤ ᠬᠦᠬᠢᠳᠡᠳᠡᠭ᠂ ᠨᠠᠮᠤᠷ ᠤᠨ ᠨᠡᠪᠧ ᠳᠤ ᠭᠤᠤᠯ ᠨᠢ  ᠪᠤᠭᠤ ᠠᠩᠨᠡᠳᠠᠭ᠂ ᠵᠤᠨ ᠤ ᠨᠡᠪᠧ ᠳᠤ ᠭᠤᠤᠯ  ᠨᠢ ᠬᠠᠯᠭᠠᠤᠨ ᠠᠴᠠ ᠵᠠᠶᠢᠯᠠᠬᠤ ᠪᠠ ᠡᠮᠤᠨᠡᠳᠤ ᠤᠮᠠᠷᠠᠳᠤ ᠶᠢᠨ ᠰᠠᠶᠢᠳ ᠨᠠᠷ ᠯᠤᠭ᠎ᠠ ᠲᠦᠷᠤ ᠶᠢᠨ ᠬᠡᠷᠡᠭ ᠵᠦᠪᠳᠡᠯᠴᠡᠳᠡᠭ᠂ ᠡᠪᠤᠯ ᠤᠨ ᠨᠡᠪᠧ ᠳᠤ ᠭᠤᠤᠯᠳᠠᠭᠤ ᠬᠦᠢᠳᠡᠨ ᠠᠴᠠ ᠵᠠᠶᠢᠯᠠᠵᠤ᠂ ᠪᠠᠷᠰ ᠠᠩᠨᠠᠵᠤ ᠣᠮᠠᠷᠠᠳᠤ ᠡᠮᠤᠨᠡᠳᠤ ᠶᠢᠨ ᠰᠠᠶᠢᠳ ᠨᠠᠷ ᠯᠤᠭ᠎ᠠ ᠲᠦᠷᠤ ᠶᠢᠨ ᠬᠡᠷᠡᠭ ᠵᠦᠪᠳᠡᠯᠴᠡᠳᠡᠭ ᠪᠦᠬᠡᠳ  ᠪᠠᠰᠠ ᠬᠠᠷᠢ ᠦᠨᠳᠤᠰᠤᠳᠠᠨ ᠪᠤᠶᠤ ᠬᠠᠷᠢ ᠤᠯᠤᠰ ᠤᠨ ᠡᠯᠴᠢᠨ ᠤ ᠲᠦᠷᠤ ᠳᠤ ᠪᠠᠷᠠᠭᠠᠳᠠᠬᠤ ᠶᠠᠪᠤᠳᠠᠯ ᠢ ᠬᠦᠯᠢᠶᠡᠨ ᠠᠪᠳᠠᠭ ᠪᠠᠶᠢᠯ᠎ᠠ᠃ ᠵᠢᠯ ᠪᠦᠷᠢ ᠶᠢᠨ  ᠲᠦᠷᠪᠡᠨ ᠤᠳᠠᠭ᠎ᠠ ᠶᠢᠨ ᠨᠡᠪᠧ ᠲᠤᠳᠤᠷ᠎ᠠ ᠵᠤᠨ᠂ ᠡᠪᠤᠯ ᠤᠨ ᠬᠤᠶᠠᠷ ᠤᠳᠠᠭ᠎ᠠ ᠨᠢ ᠭᠤᠤᠯ ᠪᠤᠯᠳᠠᠭ᠃ ᠵᠤᠨ ᠤ ᠨᠡᠪᠧ ᠨᠢ  ᠬᠠᠪᠤᠷ ᠭᠤᠤᠯ ᠮᠦᠷᠡᠨ ᠤᠨᠡᠬᠰᠡᠨ ᠠᠴᠠ ᠲᠠᠷᠠᠭᠠᠬᠢ ︽ᠵᠤᠰᠠᠯᠠᠩ︾ ᠮᠦᠨ᠃ ᠡᠪᠤᠯ ᠤᠨ ᠨᠡᠪᠧ ᠨᠢ ᠨᠠᠮᠤᠷ ᠡᠪᠡᠰᠤ ᠮᠤᠳᠤ ᠬᠠᠳᠠᠬᠰᠡᠨ ᠠᠴᠠ  ᠲᠠᠷᠠᠭᠠᠬᠢ   ︽ᠡᠪᠤᠯᠵᠢᠶ᠎ᠡ︾ ᠮᠦᠨ᠂ ᠯᠢᠶᠣᠤ ᠤᠯᠤᠰ ᠤᠨ ᠬᠠᠭᠠᠳ ᠨᠢ ᠵᠢᠯ ᠪᠦᠷᠢ ᠶᠢᠨ ᠵᠤᠨ᠂ ᠡᠪᠤᠯ ᠬᠤᠶᠠᠷ ᠤᠳᠠᠭ᠎ᠠ ᠭᠠᠳᠠᠬᠰᠢ ᠭᠠᠷᠴᠤ ᠪᠠᠶᠢᠴᠠᠭᠠᠬᠤ᠂ ᠠᠩ ᠬᠦᠷᠤᠬᠡ ᠬᠢᠬᠦ ᠦᠶ᠎ᠡ ᠳᠡᠭᠡᠨ᠂ ᠪᠠᠭᠤᠬᠤ ᠭᠠᠵᠠᠷ ᠲᠠᠭᠠᠨ ᠲᠦᠷᠤ ᠶᠢᠨ ᠶᠠᠪᠤᠳᠠᠯ ᠤᠨ ᠬᠤᠷᠠᠯ ᠬᠢᠵᠤ᠂ ᠲᠦᠷᠤ ᠶᠢᠨ ᠬᠡᠷᠡᠭ ᠢ ᠰᠡᠢᠳᠪᠤᠷᠢᠯᠡᠳᠡᠭ᠃ ᠤᠳᠠᠭ᠎ᠠ ᠪᠦᠷᠢ ᠶᠢᠨ ᠬᠤᠷᠠᠯᠳᠤᠭᠠᠨ ᠲᠡᠬᠦᠰᠤᠭ᠍ᠰᠡᠨ ᠤ ᠲᠠᠷᠠᠭ᠎ᠠ᠂ ᠬᠠᠭᠠᠨ ᠨᠢ ᠲᠠᠷᠤᠢ ᠴᠡᠴᠡᠷ ᠮᠠᠶᠢᠬᠠᠨ ᠢᠶᠠᠨ ᠪᠠᠭᠤᠯᠭᠠᠨ ᠮᠤᠷᠳᠠᠵᠤ᠂ ᠬᠠᠪᠤᠷ ᠨᠠᠮᠤᠷ ᠤᠨ ᠤᠠᠯᠷᠢᠯ ᠳᠤ ᠭᠤᠤᠯ ᠮᠦᠷᠡᠨ ᠪᠤᠶᠤ ᠠᠭᠤᠯᠠ  ᠬᠠᠶᠢᠷᠬᠠᠨ ᠲᠠᠢ ᠭᠠᠵᠠᠷ ︵ᠠᠩ ᠠᠩᠨᠠᠬᠤ ᠪᠠ ᠬᠠᠯᠠᠭᠤᠨ ᠬᠦᠢᠳᠡᠨ ᠠᠴᠠ ᠵᠠᠶᠢᠯᠠᠬᠤ ᠭᠠᠵᠠᠷ︶ ᠬᠦᠷᠬᠦ ᠦᠶᠡᠰ᠂ ᠬᠢᠳᠠᠨ ᠦᠨᠳᠤᠰᠣᠳᠠᠡ ᠤ ᠪᠦᠬᠦ ᠨᠤᠶᠠᠳ ᠪᠤᠯᠤᠨ ᠨᠢᠭᠡ ᠪᠦᠯᠦᠭ ᠬᠢᠳᠠᠳ ᠨᠤᠶᠠᠳ ᠲᠠᠭᠠᠯᠳᠤᠨ ᠶᠠᠪᠤᠵᠤ᠂ ᠤᠯᠠᠩᠬᠢ ᠬᠢᠳᠠᠳ ᠨᠤᠶᠠᠳ ᠨᠢ ᠲᠤᠮᠳᠠᠳᠤ ᠨᠡᠶᠢᠰᠯᠡᠯ ᠳᠠᠭᠠᠨ ᠪᠤᠴᠠᠵᠤ᠂ ᠬᠢᠳᠠᠳ ᠬᠦᠮᠤᠨ ᠤ ᠬᠡᠷᠡᠭ ᠶᠠᠪᠤᠳᠠᠯ ᠢ ᠰᠢᠳᠭᠡᠳᠡᠭ᠃ ᠬᠢᠳᠠᠨ ᠨᠤᠶᠠᠳ ᠪᠤᠯᠤᠨ ᠪᠦᠬᠦ  ᠲᠠᠭᠠᠯᠳᠡ ᠨᠠᠷ ᠲᠠᠭᠠᠯᠳᠤᠨ ᠶᠠᠪᠤᠵᠤ ᠪᠠᠶᠢᠬᠤ ᠲᠤᠯᠠ ᠬᠢᠳᠠᠨ ᠨᠤᠶᠠᠳ ᠤᠨ  ᠬᠠᠷᠢᠶᠠᠨ ᠳᠠᠬᠢ ᠤᠮᠠᠷᠠᠳᠤ ᠡᠳᠡᠭᠡᠳ ᠤᠨ ᠤᠷᠳᠤᠨ᠂ ᠴᠡᠴᠡᠷ᠂ ᠠᠶᠢᠮᠠᠭ ᠤᠬᠰᠠᠬ᠎ᠠ᠂ ᠬᠠᠷᠢᠶ᠎ᠠ ᠠᠶᠢᠮᠠᠭ᠂  ᠴᠡᠷᠢᠭ ᠤᠨ ᠶᠠᠪᠤᠳᠠᠯ᠂ ᠵᠠᠷ ᠵᠡᠪᠰᠡᠭ᠂  ᠮᠠᠯ  ᠰᠦᠷᠦᠭ ᠤᠨ ᠤᠴᠢᠷ ᠢ ᠬᠠᠭᠠᠨ ᠨᠢ ᠬᠡᠵᠢᠶ᠎ᠡ ᠬᠠᠮᠢᠭ᠎ᠠ ᠴᠦ ᠭᠡᠰᠡᠨ ᠴᠠᠭ ᠲᠤᠬᠠᠢ ᠲᠤᠨᠢ ᠰᠡᠢᠳᠪᠤᠷᠢᠯᠡᠳᠡᠭ ᠪᠠᠶᠢᠨ᠎ᠠ᠃        ︵ᠲᠠᠪᠤ︶  ᠬᠢᠳᠠᠨ ᠤ ᠰᠤᠶᠤᠯ        ᠬᠢᠳᠠᠨ ᠦᠨᠳᠤᠰᠤᠳᠠᠨ ᠪᠤᠯ ᠮᠠᠨ ᠤ ᠤᠯᠤᠰ ᠤᠨ ᠨᠢᠭᠡᠨ ᠦᠨᠢ ᠤᠳᠠᠭᠠᠨ ᠤ ᠲᠡᠤᠬᠡ ᠰᠤᠶᠤᠯ ᠲᠠᠢ ᠦᠨᠳᠤᠰᠤᠳᠡᠨ ᠮᠦᠨ ᠪᠦᠬᠡᠳ ᠡᠬᠡ ᠤᠯᠤᠰ ᠤᠨ ᠲᠡᠤᠬᠡ ᠰᠤᠶᠤᠯ ᠳᠤ ᠴᠢᠬᠤᠯᠠ ᠦᠢᠯᠡᠳᠤᠯ ᠦᠵᠡᠬᠦᠯᠤᠭ᠍ᠰᠡᠨ ᠶᠤᠮ ᠃ ᠲᠡᠤᠬᠡ ᠶᠢᠨ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠭᠰᠡᠨ ᠢ ᠦᠨᠳᠤᠰᠤᠯᠠᠪᠠᠯ᠂ ᠬᠢᠳᠠᠨ ᠤᠭ ᠲᠠᠭᠠᠨ ᠦᠰᠤᠭ᠌ ᠪᠢᠴᠢᠭ ᠦᠬᠡᠢ ᠪᠠᠶᠢᠵᠡᠢ᠃ ᠯᠢᠶᠣᠤ ᠤᠯᠤᠰ ᠤᠨ ᠲᠠᠶᠢᠽᠤ ᠬᠠᠭᠠᠨ ᠶᠧᠯᠢᠤᠢ ᠠᠪᠤᠵᠢ ᠶᠢᠨ ᠦᠶ᠎ᠡ ᠠᠴᠠ ᠰᠠᠶ᠋ᠢ ᠪᠢᠴᠢᠭ ᠲᠠᠢ ᠪᠤᠯᠪᠠ᠃ ︽ᠯᠢᠶᠣᠤ ᠤᠯᠤᠰ ᠤᠨ ᠲᠡᠤᠬᠡ᠂  ᠲᠠᠶᠢᠽᠤ ᠬᠠᠭᠠᠨ ᠤ ᠴᠡᠳᠢᠭ︾ ᠲᠤ᠄ ᠱᠧᠨ ᠴᠧ ᠤᠨ ᠲᠠᠪᠤᠳᠤᠭᠠᠷ  ᠣᠨ ︵  ᠨᠡᠶᠢᠳᠠ ᠶᠢᠨ ᠤᠨᠢ ᠲᠤᠭᠠᠯᠠᠯ ᠤᠨ920 ᠣᠨ︶ ᠤ ᠬᠠᠪᠤᠷ ᠤᠨ ᠲᠡᠷᠢᠬᠦᠨ ᠰᠠᠷ᠎ᠠ ᠳᠤ ᠬᠢᠳᠠᠨ ᠤ ᠲᠤᠮᠤ ᠦᠰᠤᠭ᠌ ᠢ ᠡᠬᠢᠯᠡᠨ ᠵᠤᠬᠢᠶᠠᠵᠤ ᠲᠠᠭᠤᠰᠤᠭᠠᠳ᠂ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠨᠡᠶᠢᠳᠡᠯᠡᠨ  ᠬᠡᠷᠡᠭᠯᠡᠵᠡᠢ  ᠭᠡᠵᠤ ᠲᠡᠮᠳᠡᠭᠯᠡᠪᠡ᠃ ︽ᠰᠢᠨ᠎ᠡ ᠲᠠᠪᠤᠨ ᠲᠦᠷᠤ ᠶᠢᠨ ᠲᠡᠤᠬᠡ᠂  ᠲᠦᠷᠪᠡᠨ ᠬᠠᠷᠢ ᠶᠢᠨ ᠲᠤᠬᠠᠢ ᠲᠠᠭᠠᠯᠳᠤᠭᠤᠯᠤᠯ︾ ᠨᠢᠭᠡ ᠳᠤ  ᠪᠠᠰᠠ ᠠᠪᠤᠵᠢ ᠬᠢᠳᠠᠳ ᠬᠦᠮᠤᠨ ᠢ ᠠᠷᠪᠢᠨ ᠬᠡᠷᠡᠭᠯᠡᠳᠡᠭ᠂ ᠬᠢᠳᠠᠳ  ᠬᠦᠮᠤᠨ ᠲᠡᠬᠦᠨ ᠳᠤ ᠵᠠᠪᠰᠡᠷ ᠤᠨ ᠦᠰᠤᠭ᠌ ᠤᠨ ᠬᠠᠭᠠᠰ ᠲᠤ ᠪᠢᠴᠢᠯᠭᠡ ᠨᠡᠮᠠᠵᠤ ᠬᠠᠰᠤᠵᠤ ᠪᠠᠶᠢᠭᠠᠳ᠂ ᠬᠡᠳᠤᠨ ᠮᠢᠩᠭᠠᠨ ᠦᠰᠦᠭ ᠵᠤᠬᠢᠶᠠᠵᠤ ᠦᠭᠬᠦᠨ᠂ ᠮᠤᠳᠤ ᠶᠢ  ᠰᠡᠶᠢᠯᠵᠦ ᠲᠡᠮᠳᠡᠭ ᠪᠤᠯᠭᠠᠬᠤ ᠶᠢ ᠤᠷᠤᠭᠯᠠᠭᠤᠯᠤᠨ ᠬᠡᠷᠡᠭᠯᠡᠬᠦ ᠶᠢ ᠰᠤᠷᠭᠠᠪᠠ᠃ ᠡᠨᠡ ᠨᠢ ᠲᠠᠷᠤᠢ ᠬᠢᠳᠠᠨ ᠤ ᠲᠤᠮᠤ ᠦᠰᠤᠭ᠌  ᠮᠦᠨ᠃ ᠡᠶᠢᠮᠤᠷᠬᠦᠤ ᠲᠣᠮᠣ ᠦᠰᠤᠭ᠌ ᠨᠢ ᠬᠢᠳᠠᠳ ᠦᠰᠤᠭ᠌ ᠢ ᠲᠦᠬᠦᠮᠴᠢᠯᠡᠬᠦ ᠪᠤᠶᠤ ᠪᠢᠴᠢᠯᠭᠡ ᠶᠢ ᠨᠢ ᠨᠡᠮᠠᠵᠤ ᠬᠠᠰᠤᠵᠤ ᠪᠠᠶᠢᠭᠠᠳ ᠵᠤᠬᠢᠶᠠᠬᠰᠡᠨ ᠶᠤᠮ᠃ ᠵᠤᠬᠢᠶᠠᠬᠰᠡᠨ ᠤ ᠲᠠᠷᠠᠭ᠎ᠠ ᠮᠠᠰᠢ ᠤᠯᠠᠨ ᠬᠦᠮᠤᠨ ︵ᠤᠯᠠᠩᠬᠢ ᠨᠢ ᠲᠡᠭᠡᠳᠤ ᠲᠠᠪᠬᠤᠷᠭᠠᠳᠠᠨ︶ ᠤ ᠬᠦᠷᠢᠶᠡᠯᠡᠯ ᠢ ᠣᠯᠪᠠ᠃      ᠬᠢᠳᠠᠨ ᠤ ᠲᠤᠮᠤ ᠦᠰᠤᠭ᠌ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠬᠠᠭᠠᠨ ᠤ ᠲᠠᠶᠢᠽᠢ ᠳ᠋ᠢᠶᠧᠯᠡ ᠶᠢᠨ ᠣᠶᠢᠭᠤᠷ ᠦᠰᠦᠭ ᠢ ᠦᠭᠡᠷᠡᠴᠢᠯᠡᠨ ᠵᠤᠬᠢᠶᠠᠬᠰᠡᠨ ᠬᠢᠳᠠᠨ ᠤ ᠵᠢᠵᠢᠭ ᠦᠰᠦᠭ ᠪᠠᠶᠢᠳᠠᠭ᠃ ︽ᠯᠢᠶᠣᠤ ᠤᠯᠤᠰ ᠤᠨ ᠲᠡᠤᠬᠡ᠂ ᠬᠠᠭᠠᠨ ᠤ  ᠲᠠᠶᠢᠽᠢ ᠶᠢᠨ ᠢᠯᠡᠷᠬᠡᠶᠢᠯᠡᠯ︾  ᠳᠤ᠄  ᠲᠢᠶᠡᠨ ᠰᠢᠶᠠᠨ ᠤ ᠲᠡᠷᠢᠬᠦᠨ ᠣᠨ ︵ ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ926 ᠣᠨ︶ ᠳᠤ ᠣᠶᠢᠭᠤᠷ ᠤᠨ  ᠡᠯᠴᠢ ᠬᠦᠷᠴᠤ ᠢᠷᠡᠭᠰᠡᠨ᠎ᠡ ᠲᠡᠬᠦᠨ ᠤ ᠦᠭᠡ ᠶᠢ ᠮᠡᠳᠡᠬᠦ ᠬᠦᠮᠤᠨ ᠦᠬᠡᠢ ᠪᠠᠶᠢᠯ᠎ᠠ᠃ ᠲᠠᠶᠢᠽᠦ ᠬᠠᠭᠠᠨ ᠳ᠋ᠢᠶᠧᠯᠨ ᠣᠶᠢᠭᠤᠷ ᠤᠨ ᠡᠯᠴᠢ ᠲᠠᠢ ᠬᠤᠷᠢᠭᠠᠳ ᠡᠳᠤᠷ ᠬᠠᠮᠳᠤ ᠪᠠᠶᠢᠵᠤ᠂ ᠦᠬᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠢ ᠨᠢ ᠰᠤᠷᠤᠭᠠᠳ᠂ ᠬᠢᠳᠠᠨ ᠤ ᠵᠢᠵᠢᠭ ᠦᠰᠦᠭ ᠢ ᠵᠤᠬᠢᠶᠠᠪᠠ ᠬᠡᠵᠤ ᠲᠡᠮᠳᠡᠭᠯᠡᠵᠡᠢ᠃         ᠴᠢᠯᠤᠬᠡᠯᠡᠭᠳᠡᠬᠦ ᠠᠴᠠ ᠡᠮᠦᠨ᠎ᠡ᠂ ᠯᠢᠶᠣᠤ ᠤᠯᠤᠰ ᠤᠨ ᠴᠢᠩ  ᠯᠢᠩ ᠤᠩᠭᠤᠨ ︵ᠱᠧᠩᠽᠦᠩ᠂ ᠳ᠋ᠣᠤ  ᠽᠦᠩ᠂ ᠰᠢᠩᠽᠦᠩ ᠵᠡᠷᠬᠡ ᠭᠤᠷᠪᠡᠨ ᠬᠠᠭᠠᠨ ᠤ ᠤᠩᠭᠤᠨ︶ ᠠᠴᠠ ᠬᠢᠳᠠᠨ  ᠬᠡᠯᠡᠨ ᠤ ︽ᠭᠠᠰᠢᠭᠤᠳᠠᠯ ᠤᠨ ᠪᠢᠴᠢᠭ︾ ︵ᠲᠠᠷᠤᠢ ᠤᠩᠭᠤᠨ ᠤ ᠲᠡᠮᠳᠡᠭᠯᠡᠯ — ᠬᠠᠭᠠᠨ ᠡᠵᠡᠨ ᠤ ᠨᠢᠭᠡ ᠨᠠᠰᠤᠨ ᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠢᠴᠢᠭ︶ ᠢ  ᠮᠠᠯᠳᠠᠵᠤ ᠭᠠᠷᠭᠠᠬᠰᠡᠨ ᠢᠶᠠᠷ ᠬᠢᠳᠠᠨ ᠦᠰᠦᠭ ᠢ ᠣᠯᠵᠣ ᠢᠯᠡᠷᠡᠬᠦᠯᠤᠭ᠍ᠰᠡᠨ ᠪᠠᠶᠢᠨ᠎ᠠ᠃ ᠡᠳᠡᠭᠡᠷ ᠭᠠᠰᠢᠭᠤᠳᠠᠯ ᠤᠨ ᠪᠢᠴᠢᠭ ᠢ ᠴᠦᠮ ᠠᠪᠤᠵᠢ ᠶᠢᠨ ᠦᠶ᠎ᠡ ᠳᠤ ᠵᠤᠬᠢᠶᠠᠬᠰᠡᠨ ᠬᠢᠳᠠᠨ ᠤ ᠲᠤᠮᠤ ᠦᠰᠦᠭ ᠢᠶᠠᠷ ᠪᠢᠴᠢᠪᠡ᠃ ᠬᠤᠵᠢᠮ ᠴᠢᠩ ᠯᠢᠩ ᠤᠩᠭᠤᠨ ︵ᠵᠡᠬᠦᠨ ᠤᠩᠭᠤᠨ︶ ᠤ ᠬᠠᠨ᠎ᠠ ᠶᠢᠨ ᠵᠢᠷᠤᠭ ᠪᠤᠯᠤᠨ ᠯᠢᠶᠣᠤ ᠤᠯᠤᠰ ᠤᠨ ᠦᠶ᠎ᠡ ᠶᠢᠨ ᠮᠠᠰᠢ ᠤᠯᠠᠨ ᠱᠠᠵᠠᠩ ᠰᠠᠪᠠ ᠠᠴᠠ ᠴᠦ ᠡᠶᠢᠮᠤ ᠬᠢᠳᠠᠨ  ᠤ ᠲᠣᠮᠣ  ᠦᠰᠦᠭ ᠢ  ᠣᠯᠵᠣ  ᠢᠯᠡᠷᠡᠬᠦᠯᠵᠡᠢ᠃ ᠴᠢᠯᠤᠬᠡᠯᠡᠭᠳᠡᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠦᠪᠤᠷ ᠮᠤᠩᠭᠤᠯ ᠪᠠ ᠵᠡᠬᠦᠨ ᠬᠤᠶᠢᠳᠤ ᠤᠷᠤᠨ ᠳᠤ ᠪᠠᠰᠠ ᠬᠢᠳᠠᠨ ᠬᠡᠯᠡᠨ ᠤ ᠤᠩᠭᠤᠨ ᠤ ᠲᠡᠮᠳᠡᠭᠯᠡᠯ ᠬᠢᠭᠡᠳ ᠬᠢᠳᠠᠨ ᠦᠰᠦᠭ ᠰᠡᠶᠢᠯᠤᠭ᠍ᠰᠡᠨ ᠬᠦᠷᠡᠯ ᠰᠠᠪᠠ᠂ ᠮᠦᠩᠬᠦᠨ ᠰᠠᠪᠠ ᠶᠢ ᠤᠯᠤᠬᠰᠡᠨ ᠪᠠᠶᠢᠨ᠎ᠠ᠃ ᠤᠳᠤᠬᠠᠨ ᠤ ᠪᠦᠷᠢᠳᠬᠡᠯ ᠢᠶᠠᠷ ᠦᠵᠡᠪᠠᠯ ᠪᠠᠷᠤᠭ ᠮᠢᠩᠭ᠎ᠠ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠬᠢᠳᠠᠨ ᠦᠰᠦᠭ ᠢ  ᠤᠯᠵᠤ ᠢᠯᠡᠷᠡᠬᠦᠯᠤᠭ᠍ᠰᠡᠨ ᠪᠠᠶᠢᠨ᠎ᠠ᠃ ᠡᠬᠦᠨ ᠤ ᠲᠤᠳᠤᠷᠠᠬᠢ  ᠣᠳᠤ ᠶᠢᠨ ᠯᠢᠶᠣᠤ  ᠨᠢᠩ ᠮᠤᠵᠢ ᠶᠢᠨ ᠶᠢᠨ  ᠰᠢ ᠰᠢᠶᠠᠨ ᠤ ᠰᠢ ᠬᠦ᠋ ᠱᠠᠨ ᠳᠠᠬᠢ ᠯᠢᠶᠣᠤ ᠤᠯᠤᠰ ᠤᠨ ᠳ᠋ᠠ  ᠠᠨ ᠤ ᠲᠠᠪᠤᠳᠤᠭᠠᠷ ᠣᠨ ᠪᠤᠯᠠᠬᠰᠡᠨ ︵ᠨᠡᠶᠢᠳᠠ ᠶᠢᠨ ᠣᠨ ᠲᠤᠭᠠᠯᠠᠯ ᠤᠨ1089 ᠣᠨ︶ ᠰᠢᠶᠣᠤ ᠰᠢᠶᠣᠤ ᠵᠦᠩ ᠤᠨ  ᠣᠩᠭᠤᠨ ᠠᠴᠠ ᠭᠠᠷᠭᠠᠬᠰᠡᠨ ᠤᠩᠭᠤᠨ ᠤ ᠲᠡᠮᠳᠡᠭᠯᠡᠯ ᠪᠤᠯᠤᠨ ᠢ ᠰᠢᠶᠠᠨ᠂ ᠵᠢᠶᠠᠨ ᠫᠢᠩ  ᠰᠢᠶᠠᠨ ᠠᠴᠠ ᠮᠠᠯᠳᠠᠵᠤ ᠭᠠᠷᠭᠠᠬᠰᠡᠨ ᠬᠦᠷᠡᠯ ᠰᠠᠪᠠ᠂ ᠮᠦᠩᠬᠦᠨ ᠰᠠᠪᠠ ᠲᠡᠭᠡᠷᠡᠭᠢ ᠬᠢᠳᠠᠨ ᠦᠰᠦᠭ ᠨᠢ ᠬᠠᠷᠢᠨ ᠬᠠᠭᠠᠨ ᠤ ᠲᠠᠶᠢᠽᠢ ᠳ᠋ᠢᠶᠧᠯᠡ ᠶᠢᠨ ᠵᠤᠬᠢᠶᠠᠬᠰᠡᠨ ᠬᠢᠳᠠᠨ ᠤ ᠵᠢᠵᠢᠭ ᠦᠰᠦᠭ ᠮᠦᠨ᠃          ᠮᠠᠯᠳᠠᠵᠤ ᠭᠠᠷᠭᠠᠬᠰᠡᠨ ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠳᠤ ᠵᠤᠶᠢᠯᠡᠰ ᠲᠠᠬᠢ ᠲᠤᠮᠤ ᠵᠢᠵᠢᠭ ᠬᠤᠶᠠᠷ ᠵᠤᠶᠢᠯ ᠤᠨ ᠬᠢᠳᠠᠨ ᠦᠰᠦᠭ ᠤᠨ ᠬᠡᠯᠪᠡᠷᠢ ᠠᠴᠠ ᠦᠵᠡᠪᠠᠯ᠂ ᠴᠦᠮ ᠬᠢᠳᠠᠨ ᠦᠰᠦᠭ ᠤᠨ ᠲᠠᠳᠠᠯᠭᠠᠨ ᠪᠢᠴᠢᠬᠦ᠂ ᠲᠦᠪ ᠪᠢᠴᠢᠬᠦ ᠬᠤᠶᠠᠷ ᠲᠢᠭ ᠤᠨ ᠬᠠᠵᠠᠭᠤ ᠶᠢᠨ ᠪᠢᠴᠢᠯᠭᠡ ᠶᠢ ᠨᠡᠶᠢᠯᠡᠬᠦᠯᠵᠤ ᠪᠠᠶᠢᠭᠠᠳ ᠵᠤᠬᠢᠶᠠᠬᠰᠡᠨ ᠠᠵᠢ᠃ ᠭᠡᠪᠡᠴᠤ ᠬᠢᠳᠠᠨ ᠬᠡᠯᠡ ᠪᠤᠯ ᠠᠯᠳᠠᠢ ᠬᠡᠯᠡᠨ ᠳᠤ ᠬᠠᠷᠢᠶᠠᠯᠠᠬᠳᠠᠳᠠᠭ᠂ ᠲᠤᠮᠳᠠᠳᠤ ᠵᠠᠭᠤᠨ ᠤ ᠦᠶ᠎ᠡ  ᠶᠢᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠢᠰᠲ᠋ᠧᠮ ᠪᠤᠯᠬᠤ ᠲᠤᠯᠠ  ᠪᠦᠳᠤᠴᠡ ᠪᠤᠯᠤᠨ ᠬᠡᠯᠡᠨ ᠵᠦᠢ ᠨᠢ ᠪᠦᠷ ᠬᠢᠳᠠᠳ ᠬᠡᠯᠠ ᠲᠠᠢ ᠠᠳᠠᠯᠢ ᠦᠬᠡᠢ ᠮᠦᠷᠳᠡᠬᠡᠨ ᠤᠩᠰᠢᠯᠭ᠎ᠠ ᠨᠢ ᠴᠦ ᠦᠭᠡᠷ᠎ᠠ ᠪᠠᠶᠢᠳᠠᠭ᠃ ᠡᠶᠢᠮᠤ ᠠᠴᠠ  ᠨᠢᠭᠡ ᠯᠡ ᠬᠦᠮᠤᠨ ᠤ ᠭᠠᠰᠢᠭᠤᠳᠠᠯ ᠤᠨ ᠪᠢᠴᠢᠭ ᠢ ᠭᠡᠳ ᠲᠦᠬᠦᠮ ᠲᠦᠳᠡ ᠪᠠᠷ ᠬᠠᠷᠭᠤᠭᠤᠯᠤᠨ ᠤᠷᠴᠢᠭᠤᠯᠵᠤ ᠪᠤᠯᠬᠤ ᠦᠬᠡᠢ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠬᠢᠳᠠᠨ ᠦᠰᠦᠭ ᠢ ᠰᠤᠳᠤᠯᠬᠤ ᠳᠤ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠤᠴᠠᠷᠠᠭᠤᠯᠤᠬᠰᠡᠨ ᠶᠤᠮ᠃         ᠬᠢᠳᠠᠨ ᠦᠰᠦᠭ ᠢ ᠬᠡᠳᠤᠨ ᠵᠠᠭᠤᠨ  ᠣᠨ ᠬᠡᠷᠡᠭᠯᠡᠭᠰᠡᠨ ᠪᠠᠶᠢᠨ᠎ᠠ᠂ ᠯᠢᠶᠣᠤ ᠤᠯᠤᠰ ᠮᠦᠬᠦᠭᠰᠡᠨ ᠠᠴᠠ ᠬᠤᠶᠢᠰᠢ ᠠᠯᠳᠠᠨ ᠤᠯᠤᠰ ᠲᠤᠮᠳᠠᠴᠢ ᠦᠶ᠎ᠡ ᠬᠦᠷᠳᠡᠯ᠎ᠠ ᠮᠦᠨ ᠬᠡᠷᠡᠭᠯᠡᠭᠰᠡᠷ ᠪᠠᠶᠢᠬᠰᠡᠨ ᠪᠤᠯᠪᠠᠴᠤ ᠤᠩᠰᠢᠬᠤ ᠳᠤ ᠪᠡᠷᠬᠡ ᠲᠤᠯᠠ᠂ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ  ᠠᠷᠠᠳ  ᠲᠤᠳᠤᠷ᠎ᠠ  ᠲᠡᠮᠡᠢ ᠲᠡᠯᠭᠡᠷᠠᠵᠤ ᠴᠢᠳᠠᠬᠰᠡᠨ ᠦᠬᠡᠢ  ᠃ ᠬᠡᠪᠠᠴᠤ ᠲᠡᠬᠦᠨ ᠢ ᠵᠤᠬᠢᠶᠠᠬᠰᠡᠨ ᠶᠠᠪᠤᠳᠠᠯ ᠨᠢ  ᠬᠤᠵᠢᠮ ᠤᠨ ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ᠪᠠ ᠵᠦᠷᠴᠢᠨ ᠤ ᠦᠰᠦᠭ ᠢ ᠵᠤᠬᠢᠶᠠᠬᠤ ᠳᠤ ᠬᠠᠷᠢᠨ ᠲᠦᠢᠯ ᠤᠨ ᠶᠡᠭᠡ ᠭᠠᠪᠢᠶ᠎ᠠ ᠵᠢᠳᠬᠦᠯ ᠪᠤᠯᠤᠨ᠎ᠠ᠃            ᠬᠢᠳᠠᠨᠴᠤᠳ ᠴᠦᠬᠡᠨ ᠪᠤᠰᠤ ᠤᠷᠠᠨ ᠵᠤᠬᠢᠶᠠᠯ ᠤᠨ ᠪᠦᠳᠤᠬᠡᠯ ᠦᠯᠡᠳᠡᠬᠡᠵᠡᠢ᠃ ᠵᠢᠱᠢᠶᠡᠯᠡᠪᠠᠯ ᠵᠠᠬᠦᠨ ᠬᠢᠳᠠᠨ ᠤ ᠸᠠᠩ ᠪᠸᠢ ︵ᠠᠪᠤᠵᠢ ᠶᠢᠨ ᠬᠦᠪᠡᠬᠦᠨ᠂ ᠨᠡᠷ᠎ᠡ ᠨᠢ ᠪᠸᠢ︶ ᠶᠢᠨ ︽ᠲᠠᠷᠢᠶᠠᠯᠠᠩ ᠬᠦᠷᠢᠶᠡᠯᠡᠩ ᠤᠨ  ᠰᠢᠯᠦᠭ︾᠂ ︽ᠲᠠᠯᠠᠢ ᠲᠡᠭᠡᠷ᠎ᠠ ᠰᠡᠶᠢᠯᠦᠭᠰᠡᠨ ᠰᠢᠯᠦᠭ︾᠂ ᠶᠧᠯᠢᠣᠢ ᠬᠦᠸᠧᠯᠢᠤ ᠶᠢᠨ ︽ᠨᠣᠶᠢᠷᠰᠤᠬᠤ ᠲᠠᠭᠤᠯᠠᠯ︾ ᠂ ᠶᠧᠯᠢᠤᠢ ᠱᠦᠵᠧᠨ ᠤ ︽ᠴᠡᠬᠡᠷᠯᠡᠬᠦᠯᠤᠨ ᠰᠡᠭᠡᠭᠡᠷᠡᠬᠦᠯᠬᠦ ᠰᠢᠯᠦᠭ︾᠂ ᠶᠧᠯᠢᠤᠢ ᠬᠠᠶᠢᠯᠢᠤ ᠶᠢᠨ ︽ᠲᠦᠷᠤᠭ᠍ᠳᠡᠯ ᠢᠶᠠᠨ ᠢᠯᠡᠳᠬᠡᠬᠦ ᠰᠢᠯᠦᠭ︾᠂ ᠶᠧᠯᠢᠤᠢ ᠯᠢᠶ᠋ᠩ ᠤᠨ ︽ᠨᠠᠮᠤᠷ ᠵᠤᠭᠠᠴᠠᠬᠰᠡᠨ ᠮᠠᠬᠳᠠᠭᠠᠯ︾᠃ ︽ᠵᠢᠭᠠᠰᠤ ᠪᠠᠷᠢᠬᠰᠡᠨ ᠮᠠᠬᠳᠠᠭᠠᠯ︾ ᠵᠡᠷᠬᠡ ᠪᠤᠯᠤᠨ᠎ᠠ᠃ ᠵᠢᠷᠤᠭ  ᠤᠨ ᠲᠠᠯ᠎ᠠ ᠪᠠᠷ ᠪᠤᠯ ᠵᠠᠬᠦᠨ ᠬᠢᠳᠠᠨ ᠤ ᠸᠠᠩ ᠪᠸᠢ ᠶᠢᠨ ︽ᠮᠢᠩᠭᠠᠨ ᠪᠤᠭᠤ ᠶᠢᠨ ᠵᠢᠷᠤᠭ︾ ᠪᠤᠯᠤᠨ ︽ᠴᠠᠰᠤᠨ᠎ᠠ ᠠᠪᠠᠯᠠᠬᠰᠡᠨ ᠮᠤᠷᠢᠳᠤ ᠴᠡᠷᠢᠭ︾ ᠪᠤᠯᠤᠨ᠎ᠠ᠃  ᠲᠡᠭᠡᠷᠡᠬᠢ ᠡᠳᠡᠭᠡᠷ ᠵᠤᠶᠢᠯᠡᠰ ᠨᠢ ᠬᠡᠳᠤᠶᠢᠪᠡᠷ ᠨᠤᠶᠠᠷᠬᠠᠬᠴᠢ ᠠᠩᠬᠢ ᠶᠢᠨ ᠰᠤᠶᠤᠯ ᠤᠨ ᠦᠯᠡᠳᠡᠭᠳᠡᠯ ᠪᠤᠯᠬᠤ ᠪᠤᠯᠪᠠᠴᠤ᠂ ᠪᠠᠰᠠ ᠬᠢᠳᠠᠨ ᠤ ᠦᠨᠳᠤᠰᠤᠳᠡᠨ ᠤ ᠰᠤᠶᠤᠯ ᠤᠨ ᠨᠢᠭᠡ ᠲᠠᠯ᠎ᠠ ᠪᠤᠯᠤᠨ ᠬᠢᠳᠠᠨ ᠤ ᠰᠤᠶᠤᠯ ᠤᠨ ᠬᠢᠳᠠᠳ ᠦᠨᠳᠤᠰᠣᠳᠠᠡ ᠶᠢᠨ ᠨᠦᠯᠤᠬᠡ ᠲᠣᠣᠷ᠎ᠠ ᠬᠠᠷᠢᠯᠴᠡᠨ ᠨᠡᠶᠢᠯᠡᠯᠳᠤᠭ᠍ᠰᠡᠨ ᠪᠠᠶᠢᠳᠠᠯ ᠢ ᠲᠤᠰᠠᠬᠠᠵᠢ᠃ ᠡᠬᠦᠨ ᠳᠤ ᠬᠢᠳᠠᠨ ᠤ ᠬᠦᠳᠡᠯᠮᠤᠷᠢᠴᠢᠨ ᠠᠷᠠᠳ ᠲᠦᠮᠡᠨ ᠤ ᠵᠢᠷᠤᠬᠰᠡᠨ ᠴᠢᠩ ᠯᠢᠩ ᠤᠩᠭᠤᠨ ᠳᠠᠬᠢ ᠲᠦᠷᠪᠡᠨ ᠤᠠᠯᠷᠢᠯ ᠤᠨ ᠦᠵᠡᠮᠵᠢ ᠶᠢᠨ ᠲᠦᠷᠪᠡᠨ ᠵᠢᠷᠤᠭ ︵ᠬᠠᠨ᠎ᠠ ᠶᠢᠨ ᠵᠢᠷᠤᠭ︶ ᠢ ᠨᠡᠩ ᠴᠦ  ᠲᠤᠷᠠᠳᠤᠭᠤᠰᠢᠳᠠᠢ  ᠶᠤᠮ᠃ ᠡᠳᠡᠬᠡᠷ ᠵᠢᠷᠤᠭ ᠲᠤ ᠬᠢᠳᠠᠨᠴᠤᠳ ᠤᠨ ᠨᠡᠬᠦᠳᠡᠯᠯᠡᠨ ᠠᠩᠨᠠᠬᠤ ᠠᠮᠢᠳᠤᠷᠠᠯ ᠤᠨ ᠦᠨᠳᠤᠰᠤᠳᠠᠨ  ᠤ ᠤᠨᠴᠠᠯᠢᠭ ᠢ ᠰᠦᠷᠡᠬᠡᠢ ᠲᠤᠰᠬᠠᠬᠰᠡᠨ ᠪᠠᠶᠢᠨ᠎ᠠ  ᠄ ᠬᠠᠪᠤᠷ ᠤᠨ ᠤᠯᠠᠷᠢᠯ ᠪᠤᠯ ᠯᠢᠶᠣᠤ ᠤᠯᠤᠰ ᠤᠨ ᠬᠦᠮᠣᠰ ᠤᠨ ᠭᠠᠯᠠᠭᠤ; ᠠᠩᠨᠠᠬᠤ ᠤᠯᠠᠷᠢᠯ ᠪᠤᠯᠤᠨ᠎ᠠ  ᠂ ᠡᠨᠡ ᠬᠠᠪᠤᠷ ᠤᠨ ᠵᠢᠷᠤᠭ ᠲᠤ ᠶᠠᠭ ᠡᠯ᠎ᠠ ᠵᠤᠶᠢᠯ ᠤᠨ ᠵᠢᠬᠦᠷᠳᠡᠨ ᠰᠢᠪᠠᠭᠤᠳ ᠠᠭᠤᠯᠠ ᠭᠤᠤᠯ ᠲᠦᠬᠦᠷᠡᠩ ᠪᠠᠶᠢᠬᠤ ᠶᠢ ᠵᠢᠷᠤᠵᠡᠢ  ︔ ᠪᠤᠰᠤ ᠭᠤᠷᠪᠡᠨ ᠤᠠᠯᠷᠢᠯ ᠳᠤ ᠴᠤ ᠯᠢᠶᠣᠤ  ᠤᠯᠤᠰ ᠤᠨ ᠬᠦᠮᠤᠰ ᠠᠩ ᠬᠦᠷᠤᠬᠡ ᠬᠢᠳᠡᠭ ᠲᠤᠯᠠ ᠵᠤᠨ᠂ ᠨᠠᠮᠤᠷ᠂ ᠡᠪᠤᠯ ᠤᠨ ᠭᠤᠷᠪᠡᠨ ᠤᠠᠯᠷᠢᠯ ᠤᠨ ᠬᠠᠨ᠎ᠠ ᠶᠢᠨ ᠵᠢᠷᠤᠭ ᠲᠤ ᠬᠠᠷᠢᠨ ᠰᠦᠷᠦᠭ  ᠪᠤᠭᠤ  ᠂ ᠵᠡᠭᠡᠷ᠎ᠠ᠂ ᠭᠡᠭᠡᠷ᠎ᠠ ᠶᠢᠨ ᠭᠠᠭ᠋ᠠᠢ ᠶᠢ ᠵᠢᠷᠤᠬᠰᠡᠨ ᠪᠠᠶᠢᠨ᠎ᠠ᠃ ᠡᠳᠡᠭᠡᠷ ᠨᠢ ᠴᠦᠮ ᠯᠢᠶᠣᠤ ᠤᠯᠤᠰ ᠤᠨ  ᠬᠦᠮᠣᠰ ᠤᠨ ᠠᠵᠤ ᠠᠮᠢᠳᠤᠷᠠᠯ ᠤᠨ ᠬᠦᠰᠡᠯ ᠡᠷᠡᠮᠠᠯᠵᠡᠯᠡᠯ ᠪᠤᠯᠬᠤ ᠲᠤᠯᠠ᠂ ᠬᠠᠨ᠎ᠠ ᠶᠢᠨ ᠵᠢᠷᠤᠭ ᠲᠤ ᠡᠬᠦᠨ ᠢ ᠪᠢᠯᠬᠠᠮ᠎ᠠ ᠬᠠᠯᠠᠭᠤᠨ ᠰᠡᠳᠬᠢᠯᠬᠡ ᠪᠠᠷ ᠲᠦᠷᠰᠤᠯᠡᠨ ᠵᠢᠷᠤᠬᠰᠡᠨ ᠪᠢᠯᠡ᠃ ᠡᠳᠡᠬᠡᠷ ᠬᠠᠨ᠎ᠠ ᠶᠢᠨ ᠵᠢᠷᠤᠭ ᠪᠤᠯ ᠬᠢᠳᠠᠨ ᠤ ᠠᠷᠠᠳ ᠲᠦᠮᠡᠨ ᠤ ᠵᠢᠩᠬᠢᠨᠢ ᠤᠷᠠᠯᠢᠭ ᠪᠤᠯᠬᠤ ᠪᠦᠬᠡᠳ ᠬᠢᠳᠠᠨ ᠤ ᠠᠷᠠᠳ ᠲᠦᠮᠡᠨ ᠤ ᠠᠵᠤ ᠠᠮᠢᠳᠤᠷᠠᠯ  ᠪᠠ ᠬᠦᠰᠡᠯ ᠡᠷᠡᠮᠠᠯᠵᠡᠯᠡᠯ ᠢ ᠲᠤᠰᠬᠠᠬᠰᠡᠨ ᠠᠬᠤᠶᠢᠴᠢ ᠦᠵᠡᠯ ᠤᠨ ᠦᠨᠡᠳᠤ ᠪᠦᠳᠤᠬᠡᠯ ᠪᠤᠯᠤᠨ᠎ᠠ᠃     ᠲᠦᠷᠰᠦᠯᠢᠭ ᠤᠷᠠᠯᠢᠭ ᠪᠤᠯᠤᠨ ᠪᠠᠷᠢᠯᠭ᠎ᠠ ᠶᠢᠨ ᠵᠤᠶᠢᠯ ᠤᠳ ᠠᠴᠠ  ᠬᠢᠳᠠᠨ ᠤ ᠠᠷᠠᠳ ᠲᠦᠮᠡᠨ ᠤ ᠦᠨᠳᠤᠰᠤᠳᠠᠨ ᠤ ᠰᠤᠶᠤᠯ ᠤᠨ ᠬᠢᠷᠢ ᠬᠡᠮᠵᠢᠶ᠎ᠡ ᠪᠠ ᠤᠨᠴᠠᠯᠢᠭ ᠢ ᠨᠡᠩ ᠰᠠᠶᠢᠨ ᠦᠵᠡᠵᠤ ᠭᠠᠷᠴᠤ ᠪᠤᠯᠬᠤ ᠶᠤᠮ᠃      ᠬᠢᠳᠠᠨ ᠦᠨᠳᠤᠰᠤᠳᠠᠨ ᠤ ᠡᠬᠢᠨ ᠤ ᠦᠶ᠎ᠡ ᠶᠢᠨ ᠠᠮᠢᠳᠤᠷᠠᠯ ᠤᠨ ᠲᠦᠪ ᠪᠤᠯᠬᠤ ᠰᠢᠷ᠎ᠠ ᠮᠦᠷᠡᠨ ᠤ ᠰᠠᠪᠠ ᠭᠠᠵᠠᠷ ᠲᠠᠬᠢ ᠢᠵᠠᠭᠤᠷᠳᠡᠨ ᠤ ᠤᠩᠭᠤᠨ ᠲᠤᠳᠤᠷ᠎ᠠ ᠠᠴᠠ ᠨᠡᠯᠢᠶᠡᠳ ᠤᠯᠠᠨ ᠮᠤᠷᠢᠨ  ᠡᠳ᠋ᠯᠡᠯ᠂ ᠵᠠᠷ ᠵᠡᠪᠰᠡᠭ ᠪᠤᠯᠤᠨ ᠲᠠᠬᠢᠶᠠᠨ ᠴᠡᠴᠡᠭᠳᠤ ᠬᠤᠤᠪᠢᠩ ᠮᠠᠯᠳᠠᠵᠤ ᠭᠠᠷᠭᠠᠬᠰᠡᠨ ᠪᠥᠭᠡᠳ ᠲᠡᠬᠦᠨ ᠤ ᠲᠤᠳᠤᠷ᠎ᠠ ᠲᠠᠬᠢᠶᠠᠨ ᠴᠡᠴᠡᠭᠳᠤ ᠬᠤᠤᠪᠢᠩ ᠨᠢ ᠬᠢᠳᠠᠨ ᠦᠨᠳᠤᠰᠤᠳᠠᠨ ᠤ ᠤᠷᠠᠯᠢᠭ ᠤᠨ ᠨᠡᠶᠢᠳᠡᠯᠢᠭ ᠰᠢᠨᠵᠢ ᠴᠢᠨᠠᠷ ᠢ ᠬᠠᠮᠤᠭ ᠠᠴᠠ ᠢᠯᠡᠬᠦᠤ ᠬᠠᠷᠠᠭᠤᠯᠵᠤ ᠪᠠᠶᠢᠳᠠᠭ᠃     ᠪᠠᠷᠢᠯᠭ᠎ᠠ ᠶᠢᠨ  ᠲᠣᠳᠣᠷ᠎ᠡ ᠳ᠋ᠣᠣ ᠽᠦᠩ ᠬᠠᠭᠠᠨ ᠤ ᠴᠢᠩ ᠨᠢᠩ ᠤᠨ ᠬᠤᠶᠠᠳᠤᠭᠠᠷ ᠣᠨ ︵ ᠨᠡᠶᠢᠳᠠ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ1056  ᠣᠨ︶ ᠳᠤ ᠪᠠᠶᠢᠭᠤᠯᠤᠬᠰᠡᠨ ᠶᠢᠩ ᠰᠢᠶᠠᠨ ︵ᠣᠳᠣᠬᠢ ᠱᠠᠨ  ᠰᠢ ᠮᠤᠵᠢ ᠶᠢᠨ ᠶᠢᠩ  ᠰᠢᠶᠠᠨ—) ᠳᠠᠬᠢ ᠹᠦᠸᠧ ᠬᠦᠩ ᠰᠧ ᠰᠦᠮ᠎ᠡ ᠶᠢᠨ ᠱᠠᠬᠵᠠᠮᠤᠨᠢ ᠶᠢᠨ ᠮᠤᠳᠤᠨ ᠰᠤᠪᠤᠷᠭ᠎ᠠ ︵ᠰᠣᠪᠤᠷᠭ᠎ᠠ ᠨᠢ ᠨᠠᠢᠮᠠᠨ ᠦᠨᠴᠦᠭ ᠲᠠᠢ᠂ ᠲᠠᠪᠤᠨ ᠲᠠᠪᠬᠤᠷ᠂  ᠦᠨᠡᠨ ᠳᠡᠭᠡᠨ ᠠᠷᠪᠡᠨ ᠲᠠᠪᠬᠤᠷ︶ ᠨᠢ ᠬᠠᠮᠤᠭ ᠤᠨ ᠠᠯᠳᠠᠷᠳᠠᠢ ᠪᠠᠶᠢᠵᠤ᠂ ᠡᠳᠤᠬᠡ ᠪᠤᠯᠳᠠᠯ᠎ᠠ ᠮᠢᠩᠭ᠎ᠠ ᠰᠢᠬᠠᠮ ᠣᠨ ᠰᠡᠬᠦᠶᠢᠨ ᠰᠦᠨᠳᠠᠷᠠᠯᠵᠤ᠂ ᠲᠡᠯᠡᠬᠡᠢ ᠶᠢᠨ ᠭᠠᠶᠢᠬᠠᠮᠰᠢᠳᠤ ᠪᠠᠷᠢᠯᠭ᠎ᠠ ᠶᠢᠨ ᠨᠢᠭᠡ ᠳᠤ ᠲᠤᠭᠤᠴᠠᠬᠳᠠᠵᠤ ᠪᠤᠢ᠃ ᠲᠡᠭᠡᠪᠠᠯ ᠯᠢᠶᠣᠤ ᠤᠯᠤᠰ ᠤᠨ ᠲᠡᠭᠡᠳᠤ ᠨᠡᠶᠢᠰᠯᠡᠯ ᠤᠨ ᠬᠤᠶᠠᠷ ᠲᠤᠭᠤᠰᠬᠠᠨ ᠰᠤᠪᠤᠷᠭ᠎ᠠ — ᠡᠮᠤᠨᠡᠳᠤ ᠤᠮᠠᠷᠠᠳᠤ ᠰᠤᠪᠤᠷᠭ᠎ᠠ ︵ᠴᠦᠮ ᠤᠳᠤᠬᠢ ᠵᠤᠤ ᠤᠳᠠ ᠠᠶᠢᠮᠠᠭ ᠤᠨ ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤᠨ ᠳᠤ ᠪᠤᠢ︶ ᠪᠤᠯᠤᠨ ᠯᠢᠶᠣᠤ ᠤᠯᠤᠰ ᠤᠨ ᠲᠤᠮᠳᠠᠳᠤ ᠨᠡᠶᠢᠰᠯᠡᠯ ᠤᠨ ᠲᠤᠮᠤ ᠲᠤᠭᠤᠰᠬᠠᠨ ᠰᠤᠪᠤᠷᠭ᠎ᠠ — ᠳ᠋ᠠ  ᠮᠢᠩ ᠲᠠ ᠰᠤᠪᠤᠷᠭ᠎ᠠ  ︵ᠵᠤᠤ ᠤᠳᠠ ᠠᠶᠢᠮᠠᠭ ᠤᠨ ᠨᠢᠭᠴᠧᠩ ᠰᠢᠶᠠᠨ ᠳᠤ ᠪᠤᠢ ᠪᠠᠶᠢᠨ᠎ᠠ᠃ ᠡᠳᠡᠬᠡᠷ ᠨᠢ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠬᠦᠳᠡᠯᠮᠤᠷᠢᠴᠢᠨ ᠠᠷᠠᠳ ᠲᠦᠮᠡᠨ ᠤ ᠪᠠᠷᠢᠯᠭ᠎ᠠ ᠶᠢᠨ ᠤᠷᠠᠯᠢᠭ ᠤᠨ ᠲᠠᠯ᠎ᠠ ᠪᠠᠷ  ᠬᠢ ᠲᠡᠭᠡᠳᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠤᠭ᠍ᠰᠡᠨ ᠪᠠᠶᠢᠳᠠᠯ ᠲᠣᠪᠣᠶᠢᠳᠠᠯ᠎ᠠ ᠲᠤᠰᠬᠠᠬᠰᠡᠨ  ᠶᠤᠮ᠃ ᠳ᠋ᠠ ᠮᠢᠩ ᠲᠠ ᠰᠤᠪᠤᠷᠭ᠎ᠠ   ᠪᠤᠯ ᠵᠢᠷᠠᠨ ᠲᠦᠷᠪᠡᠨ ᠮᠧᠲᠷ ᠦᠨᠳᠤᠷ᠂ ᠨᠠᠢᠮᠠᠨ ᠦᠨᠴᠦᠭ ᠲᠠᠢ ᠨᠢᠬᠳᠠ ᠰᠠᠷᠠᠪᠴᠢ ᠲᠠᠢ ᠪᠦᠬᠡᠳ ᠨᠢᠬᠡᠳᠤᠭᠡᠷ ᠲᠠᠪᠬᠤᠷ ᠤᠨ ᠲᠠᠯ᠎ᠠ ᠪᠦᠷᠢ ᠳᠤᠨᠢ ᠴᠦᠮ ᠪᠤᠷᠬᠠᠨ᠂ ᠪᠤᠳᠢᠰᠠᠳᠤᠸ᠎ᠠ᠂ ᠠᠪᠤᠷᠭᠤ ᠬᠦᠴᠤᠳᠠᠨ ᠵᠢᠴᠢ ᠲᠠᠬᠢᠨᠢ ᠶᠢᠨ ᠬᠦᠷᠦᠭ ᠲᠠᠢ᠃ ᠰᠤᠪᠤᠷᠭ᠎ᠠ ᠶᠢᠨ ᠬᠡᠪᠴᠢᠶ᠎ᠡ ᠨᠢ ᠲᠤᠩ ᠠᠤᠭ᠎ᠠ ᠰᠦᠷᠯᠢᠭ᠂ ᠲᠦᠷᠰᠤ ᠪᠠᠶᠢᠳᠠᠯ ᠨᠢ ᠦᠵᠡᠰᠬᠦᠯᠡᠩ ᠰᠠᠶᠢᠬᠠᠨ ᠪᠠᠶᠢᠵᠤ᠂ ᠬᠡᠳᠤᠨ ᠠᠷᠪᠡᠨ ᠭᠠᠵᠠᠷ ᠤᠨ ᠠᠯᠤᠰ ᠠᠴᠠ ᠦᠵᠡᠭᠳᠡᠳᠡᠭ ᠪᠠᠶᠢᠨ᠎ᠠ᠃ ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ᠂  ᠣᠳᠤ ᠶᠢᠨ ᠦᠪᠤᠷ ᠮᠤᠩᠭᠤᠯ ᠤᠨ ᠬᠦᠭᠡᠬᠤᠳᠠ ᠳᠤ ᠪᠠᠶᠢᠭ᠎ᠠ ᠴᠠᠭᠠᠨ ᠰᠤᠪᠤᠷᠭ᠎ᠠ ᠪᠤᠯᠤᠨ ᠡᠷᠳᠡᠨ ᠤ ᠰᠤᠪᠤᠷᠭ᠎ᠠ ᠨᠢ ᠴᠦ ᠴᠦᠮ ᠦᠨᠳᠤᠰᠤᠳᠠᠨ ᠤ ᠦᠪᠡᠷᠮᠢᠴᠠ ᠬᠡᠪᠰᠢᠯ ᠲᠠᠢ ᠪᠢᠯᠡ᠃
  
ᠢᠷᠡᠯᠲᠡ᠄ ︽ᠲᠣᠮᠳᠠᠳᠣ ᠣᠯᠣᠰ ᠤᠨ ᠡᠷᠳᠡᠨ ᠤ ᠣᠮᠠᠷᠠᠳᠤ ᠶᠢᠨ ᠦᠨᠳᠤᠰᠣᠳᠠᠡ ᠨᠦᠭᠦᠳ ᠤᠨ ᠲᠣᠪᠴᠢ ᠲᠡᠣᠬᠡ︾ ᠠᠴᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠪᠢᠳᠡᠭᠦᠯᠭᠦ ᠪᠠ ᠰᠢᠨ᠎ᠡ ᠶᠢᠨ ᠨᠢᠭᠡᠨ ᠳᠤ ᠲᠡᠭᠷᠢ ᠲᠠᠭᠢᠬᠤ
ᠪᠠᠭᠠᠷᠢᠨ ᠮᠤᠩᠭᠤᠯᠴᠥᠳ ᠤᠨ ᠭᠠᠯ ᠲᠠᠭᠢᠯᠭ᠎ᠠ
ᠪᠠᠭᠠᠷᠢᠨ ᠬᠡᠣᠬᠡᠳ ᠤᠨ ᠪᠦᠮᠪᠦᠭᠡ ᠨᠢᠰᠠᠯᠬᠤ ᠨᠠᠭᠠᠳᠤᠮ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05010860号